رواية سلف ودين الفصل الثالث والستون 63 بقلم لولو محمد
رواية سلف ودين الجزء الثالث والستون
رواية سلف ودين البارت الثالث والستون
رواية سلف ودين الحلقة الثالثة والستون
الحلقه الخامسه و العشرون
ندى / و نروح بعيد ليه ما انا اهو
حسام / و هى ماما هتعوز ايه غير مصلحتنا و بكره تكبرى و تعملى مع حبيبه اكتر من اللى ماما بتعمله معانا
ندى / ما افتكرش
حسام / يا خبر بفلوس بكره يبقي بلاش
ندى / طب يعني هنفضل قاعدين كدا مش هنطمن على البنت الله يخربيت الغربه اللى باعده الواحد عن حبايبه دى
حسام / لا ما ماما طمنتنى
حسام ياخد من ندى المصحف يحطه جنبه و يقعد جنبها
ندى / يعني مش هتكلمها
حسام / هكلمها طبعا بس لما حماتها تمشي بقي عشان نتكلم على رواقه
ندى / و هتجيب مزاج منين بس يا حسام دا انا متوتره اوى
حسام / امال انا هعمل ايه دا انا هعدلك المزاج على الاخر
ندى / طب قوم اقفل الباب طيب
حسام يبصلها و يقوم يقفل الباب و يتك المفتاح مصطفى يضرب الجرس
ندى / يلاهوى بابا صحي
حسام يفتح الباب و هو مش طايق روحه
حسام / ما هى لو كملت عادى كدا كنت هشك فى نفسي اتفضلى روحيله
ندى / الله و انا مالى ما انا مستنياك من الصبح … و بعدين انا بس
مصطفر يضرب الجرس تانى
حسام / روحيله روحيله هيصحى البت روحيله
ندى تضحك و تروح لابوها حسام يفرد ضهره على السرير يلاقي حبيبه بتصحى
حسام / و ماله ما طبعا ما طبعا امال لا امال طبعا
……………………
فى شقه أية تانى يوم
أية / هههههههههههههههه طب امبارح و عدت النهرده هتعملى ايه بكره بعده
ندى / هعمل ايه يعني هشد مره و هرخى مره
أية / طب و اخرتها
ندى / ارجع اهتمامه ارجع الامتيازات اللى كان بيدهانى
أية / و اخرتها برده
ندى / ما لهاش اخر يا أية حياه زوجيه و لازم تستمر لازم بيت مستقر اب و ام بيتعاونوا يربوا بنتهم و اهو برده شايل كتير
أية / لحد امتى يعني
صمت
أية / خلاص قررتى تكلمى مش كانت فتره لحد ما تقفى على رجلك
ندى / و بعد ما اقف هعمل ايه هعالج بابا على حسابى حبيبه و مصاريفها ما هى كل يوم هتكبر و مصاريفها هتكبر معاها و انا هعمل ايه ايوه هطور من نفسي و اقف على رجلى بس مش عشان اسيب حسام لا عشان اعيش مع حسام راسي مرفوعه ما احسش انى ملوى دراعى و عاجزه لا انا هنا بمزاجى
أية / و المقابل
ندى / مقابل ايه حسام ما بياخدش منى اكتر من حقه دا لو خده
أية / و دا سهل عليكي
ندى / مش فارقه ما فى ستات كتير عايشين و راضيين و وضعهم اقل منى بكتير بالعكس و راضيين و بعدين هو حد عارف الخير فين ما يمكن حسام ده … بغض النظر عن اى حاجه يعني … بصي هو زوج كويس و اب ممتاز اكتر من كدا ما يهمنيش
أية / و هدايه
ندى / على فكره بقي بابا و ماما كانوا قصه حب يتحكى عنهم و فى الاخر ايه عاشوا عشانى و بقي يعرف ستات و يضربها و يتخانقوا طول الوقت و عادى يعني كل ده وراد ما حدش عارف
أية / ربنا يعينك و يصبرك
ندى / العيال عاملين معاكى ايه ؟
أية / دول سكر والله بحبهم اوى و ليهم حق على و نور يتعلقوا بيهم كدا منهم لله بقى ولاد الحرام الوليه امبارح
ندى / عرفت عرفت نور حكتلى
أية / روحت شويه و هنلبس و نروحلها
ندى / طب يلا يلا مش هعطلك
أية / ماشي ابقي كلميني تانى
ندى / اكيد يلا سلام
أية / سلام
أية تقفل و تقوم تطلع بره تلاقي منال بتسرح لنغم
منال / انتى لسه ما لبستيش
أية / كنت بكلم ندى و هلبس اهو
منال / طب يلا عمر زمانه جاى ياخدنا
أية / ثوانى حاضر هاخد ايه فى لبسي يعني
منال / انجزى
أية تدخل الاوضه
منال / هعملك بقي تسريحه ما حدش هيعرفك
نغم تبتسم و منال تكمل تسريح
…………………
فى الشركه عند حسام
حسام بيتكلم فى التليفون
حسام / يا بوس انا عارف ان الحياه ما تمشيش من غير هدايه و انها فله شمعه منوره بس بنتك نازله زن على ودان مراتى و نازلين زن عليا
عدنان / ههههههههههههههه شو بيك يا حسام اتركن يتسلوا نسوان مع بعضن
حسام / سيبهم يتسلوا دى خلعت اكبر بوس فى مصر و لا انت ما كنتش متابع
عدنان / كان حده هدايه متلى
حسام / هههههههههه لا كان عنده صفوت الشريف
عدنان / هههههههههههه ليك لهيك قلعوه
حسام / تصدق معاك حق ما لو كان معاه هدايه كانت نزلت روقت على الشعب كانوا شالوه على راسهم
عدنان / كتير الشعب كله كتير
حسام / و هى هدايه زى اى حد خليني ساكت دى بتشقا
عدنان / ههههههههههههههه انت ما فى منك
حسام/ خلاصه الكلام يا بوص انقلها اى حته لحد ما الدنيا تهدى و بعدين رجعها
عدنان / انقلها حدك هههههههههه
حسام/ انقلها المزرعه العزبه الضايعه انقلها فى اى حته يلاهوى مسميها ايه
عدنان / ههههههههههههه لهيك بحبك خفه دم المصريين بتقبرنى
حسام / المهم فكر فى كلامى
عدنان / شو فيني اعمل فيكي يا انجى هيك من كانت صغيره دايما تاعبتنى
حسام / انا اصلا مش فاهمك ما دام كدا كدا بتعط ايه سر تمسكك بنفس الحته
عدنان / ما فهمت عليك
حسام / يعني البنات كتير و لبنان مشهوره بحريمها ايه اللى مخليك متمسك بهدايه اوى كدا
عدنان / فيها حاجه حلوه حاجه حلوه جدا حاجه كل مادا تزيد زياده فيها ان
حسام / يا لهوى انت هتغنيلى
عدنان / المصرى يوكل مو هيك بتقولوا حسام
حسام / يعني هرد عليك ازاى و انت بتضغط على العرق الوطنى اللى جوايا
عدنان / هههههههههههههه بيكفى مزح فينا نتكلم جد شوى
حسام / ابعدها عنك فتره انجى تهدى رجعها تانى و لا خليها فى السر و لا اى حاجه و لا هى ماسكه عليك حاجه و لا ايه
عدنان / ماسكه قلبي
حسام / مش قولنا هنتكلم جد .. على العموم انا خلصت الكلمتين اللى عندى فكر انت براحتك و شوف الصح و اعمله
عدنان / تمام
……………….
فى الشركه عند عدنان
هدايه/ و هى من امتى كانت انجى بتدخل فى الشغل و مين يقعد و مين يمشي و لا مين اللى خلى انجى توصل لحسام اصلا مش هو اللى جرى وراها
عدنان / لا تنسي ان هيدي بنتى اللى عم تحكى عنها
هدايه / ما غلطتش فيها
عدنان / انا خبرتك ان هيك شى ما راح يدوم فيكي تعتبريها انها اجازه مدفوعه
هدايه / و هتنقل فين ان شاء الله
عدنان / مكان حسام وراح جيبه هون لحين ترجعى
هدايه / قول بقي كدا
عدنان / شو
هدايه / انك عاوز تجيب ندى بيروت
عدنان / و شو فيها ندى لجيبها بيروت اللى بيصير هون كان فيه يصير حدها
هدايه / على يدى
عدنان / لا تخلطى الاوراق و لا تنسي انى هون البوس
هدايه / طبعا يا بوس و انا اقدر اكسر كلامك
هدايه تقوم
هدايه/ هستاذن بقي عشان اللحق اللم حاجتى
عدنان / لها الدرجه مستعجله
هدايه / ازاى دا حضرتك اللى مستعجل عن اذنك
هدايه تطلع بره و ترزع الباب
عدنان / هيك النسوان كيف البسينه مهما تعطيها ما تشبع عطيتها اجازه مدفوعه و مو عاجبها تنقلع شو فيني اعمل اكتر من هيك مو ناقصنى غير هيك مره اعتل هما اووووف
………………………
فى بيروت بعد فتره
ندى تفتح البلكونه
ندى / ما كنتش متخيله انى هرجع هنا تانى خصوصا بالسرعه دى
حسام / ما اوعدكيش انها تستمر
ندى / ليه ؟؟
حسام / اكيد هدايه مش هتسكت
ندى / هتقدر تعمل ايه
حسام / تلبسبها طقمين حلوين و تاخد كام صوره تبعتهم لعدنونتها مع كام فويس نوت دلع هيروحلها زاحف
ندى / هى عملت معاك كدا ؟
حسام / ما تدخلينيش فى الموضوع
ندى / رجعت زاحف
حسام / لا لا رجعت و لا هرجع و لا عمرى هبصلها تانى لانى بكرهها
ندى / و الاول كنت بتحبها ؟
حسام / بستلطفها يعني ما كنتش متخيل انها بالوساخه دى
ندى / بجد !! واحده تقلع و تترقص قدام الرجاله و تنام فى الحرام معاهم كنت متخيلها ازاى
حسام/ بتحبنى مثلا و لا انا مفيش امل انى اتحب خالص
ندى / ازاى بس دا انت تتاكل اكل
جرس الباب يضرب
ندى / انت مستنى حد
حسام / ابدا
حسام يروح يفتح يلاقي انجى و عدنان
حسام / اهلا ايه المفاجاه الحلوه دى اتفضلوا
عدنان يدخل يدى لحسام كادو
عدنان / انجى كان بدها ترحب فيكن
انجى / انجى اللى بتريد مو هيك !! كانت فكرته اننا نضهر نحتفل بيكن سوا و انا ما كان فيني ارفض
عدنان / مبروك الحجاب
ندى / الله يبارك فى حضرتك
عدنان / لابقلقك كتير محدد جمال الوج الله يباركلك
ندى / ميرسي
انجى / شو ؟ تحبوا تضهروا وين
ندى / انتى فاجئتيني احنا مش عاملين حسابنا و جايبين حد يقعد ببابا و حبيبه
عدنان / مو فكرنا فيها هى لا تؤاخذونا
حسام / هو احنا لازم نسهر بره يعني ما ممكن نسهر هنا و نلعب و ننبسط و كل حاجه
عدنان / بعرف ريستورا بيسوى ايتاليان فود بيعقد شو رايكن
حسام / انا بعشق الاكل الإيطالي طبعا هو فى احلى منه اساسا بس ندى بتحب الشاورما و لا ايه رايك يا ندى
ندى / انا بعمل دايت سورى
عدنان / شو هالحكى اكيد عم تمزح مو هيك
حسام / ابدا هى مقتنعه انها زايده و محتاجه تظبط جسمها
عدنان / ما فى يتظبط اكتر من هيك ما شا الله مظبط عالاخير
ندى / تشربوا ايه هجبلكوا حاجه تشربوها عن اذنكوا
ندى تدخل المطبخ
انجى / فيني ساعدك
انجى تقوم وراها
عدنان / كتير خجوله مرتك ما شاء الله ما عاد فى هيك نسوان
حسام / و انجى
عدنان / انجى !! لا انجى ما فيها تخجل منى ابدا انجى تحب هيك غزل ليل نهار اتغزل فيها
حسام / ندى بقي مش بتحب الكلام ده بتضايق
عدنان / عن جد
حسام / اصل ما تاخذنيش انت مش ابوها انت بالنسبالها اجنبى
عدنان / شو هالحكى بلا غلاظه ندى متلا متل انجى تمام
حسام / انا قولتلك عشان ما تزعلش منها اصلها غشيمه مره تفوت مره تشتم مره تضرب
عدنان / لا ما فيها هيك اشيا ندى بنت مربايه و مزواقه كتير قول ان انت مضايق من وجودى و مفكرنى عم اطلع على مرتك
حسام / انا !! اعوذ بالله انا ما حدش يقدر يطلع على مرتى و لا حتى انت
عدنان يبصله
حسام/ مره واحد حاول يمسك ايدها فى مصر كسرتله ايده
عدنان / قليل عليه بتعرف شو انجى كان ليها رفيق هيك نسونجى و قليل التربايه بتعرف شو سويت انا فيه
حسام / ايه ؟
عدنان/ قلعته على السجن يجى عشر سنين بتعرف لهلا ما خرج
حسام / اقل واجب
عدنان / ايي طبعا نحن رجال دمنا حامى ما بنقبل بهيك مسخره و حكى فاضي
حسام / و دى اكتر حاجه بحترمها فيك والله
عدنان/ شو صارلن ساعه بيجيبوا كاستين شاى و لا عصير عيطلن يمكن يجوا
حسام / ثوانى هشوفهم
عدنان / اتفضل
حسام يقوم و عدنان متابعه
………………….
فى شقه نور
نور نايمه فى السرير و نغم فى حضنها بتعمل الواجب و نور بتساعدها
نور / يبقي كام بقي
نغم / تلتاشر
نور / ايه الشطاره دى
يس يدخل
يس / خلصت الواجب
نور / لو عاوز تتفرج على التى فى روح
نغم / انا فى اخر صفحه
نور / هقوم اروح الحمام ارجع اشوف الشطاره
نغم / هخلص بسرعه الصاروخ الطاير
نور / اما نشوف
نور تقوم يس يمسك ايدها تبصله
يس / اسندك
نور / لا يا قلبي شكرا ما اتحرمش روح انت اللعب شويه
يس / هو بابا على هياخر
نور / مش عارفه بس ان شاء الله
جرس الباب يضرب
يس / جه اهو
يس يجرى يفتح يلاقي امانى
امانى / ازيك
يس / ماما نور فى الحمام
امانى / طب ايه هتدخلنى و لا هتقفل الباب فى وشي و لا ايه
يس يفتح الباب
يس / سورى
امانى تدخل
نور / ازيك يا ماما ثوانى هدخل الحمام اتفضلى اقعدى
امانى تقعد يس يقفل الباب و يدخل المطبخ و يفتح التلاجه و يصب كبايه عصير و يحطها قدام امانى
امانى / شكرا مين اللى عامل العصير ده
يس / بابا على
امانى / طب روح خلص واجبك
يس / خلصت
امانى تبص ليس يقعد و هو مبتسم
امانى / فى حاجه يا ابنى
يس / بابا على قالى انت راجل البيت فى غيابى
امانى / و بيعمل ايه بقي يا خويا راجل البيت ده بقي ان شاء الله
يس / بيستقبل الضيوف و يجبلهم العصير و يقعد معاهم لحد ما بابا على يجى
امانى / هو انت فاضي يا يس
يس / ايوه
امانى تبص الناحيه التانيه و تبصله تانى نور تدخل يس يقوم يمسك ايدها يقعدها تبوسه من خده
نور / قلبي انت … الله انت اللى جبت لتيته العصير
يس / اجبلك ؟
نور / يا ريت
يس / حالا
يس يجرى على المطبخ
نور / بالراحه لا تقع
امانى / و دا هيفضل يتباس لحد امتى مش هيجي عليه وقت و يكبر
نور / بنفكر ناجرلهم شقه ندى
امانى / شقه مين يا قلب امك اسمها شقه حسام
نور / شقه حسام الشقه اللى تحتينا الشقه اللى فوقك تمام كدا
امانى / و لما اخوكى يرجع من لبنان هتوديهم فين بقي ان شاء الله
نور / من هنا لوقت ما يكبروا يحلها حلال على اصلا نفسه اوى يشترى ارض و يبنى بيت من بابه و يلمنا كلنا فيه
امانى / كلكوا مين
يس يدخل يدى لنور كبايه عصير
نور / تسلم ايدك ادخل بص على نونه و لو خلصت خشوا اتفرجوا على التى فى جوه
يس / حاضر
يس يمشي نور تاخد بق
نور / ربنا يباركله ريقي كان ناشف
امانى / الف هنا … هو انتوا هتسيبوا البيت
نور/ مش دلوقت طبعا
امانى / و لا دلوقت و لا بعدين
نور / الشقه مش هتكفينا يا ماما لازم شقتين فوق بعض
امانى / كانت هتكفيكوا و زياده بس انتوا اللى غاويين بقي
نور / تانى ؟
امانى / يا بنتى انا مش عدوتك انا امك ما حدش فى الدنيا بيخاف عليكي قدى
نور / ربنا يخليكي ليا يا ست الكل بس والله انا كويسه و العيال زى ما انتى شايفه
نغم تدخل ماسكه الكراسه
نغم / مش عارفه احل دى
نور / الصاروخ عطل و لا ايه
نغم / الصاروخ انفرقع و اتكسر ميه و مليون حته
نور / يا ساتر يا ساتر وريني
نور تاخد الكراسه و تبص فيها
نور / ايه الصعب فيها ما هى زى اللى قبلها بالظبط
نغم / ازاى اطرح الخمسه من التلاته يعني
نور / لا دا الصاروخ انفرقع فعلا يا قلبي كل المسائل دى على الاستلاف و جيتى على دى و عطلتى
نغم / هستلف مرتين فى نفس المساله
نور / ايوه و لو رقم اكبر من كدا ممكن تستلفى تلت مرات عادى جدا
نغم تكتب فى الكراسه
نغم / متين اربعه و سبعين
نور / ايه الشطاره دى قلب ماما يلا عيني حاجتك و روحى اللعبى يلا
نغم / عاوزه عصير
نور / خلى يس يحطلك
نغم تبتسم و تجرى على جوه
نور / هههههههه شوفتى انفرقع دى عسل اوى ما شاء الله
امانى / و دى تيجي جنبك وانتى قدها حاجه
نور / تسلمي المهم كنا بنقول ايه
امانى / ما بنقولش انا نازله
نور / ليه بس يا ماما
امانى / خشى ارتاحى و افردى ضهرك انتى الحمد لله مش محتاجه منى حاجه اهو و انا اطمنت عليكي خلاص
نور / طب خليكي معايا شويه حتى لحد ما على يجي
امانى / لا معلش خلى زياراتى خفافى اصل كلامى بيقف فى الزور و بطلع انا الشريره فى الاخر
نور / بقى كدا
امانى / روحى ارتاحى
نور / طب خلصى العصير طيب
امانى / تلاقيه تاففلى فيه الواد ده ما بيطقنيش
نور / حرام عليكي دا يس مؤدب جدا
امانى/ ماشي يا اختى سلام
امانى تقوم و تمشي و نور تقفل وراها الباب و تدخل تمدد فى السرير و تمسك كتاب عن الاطفال و تقرأه
…………………
فى الشركه عند عدنان
حسام / لا ابدا ندى ما لمحتش خالص بحاجه زى دى حتى بالعكس دى متفقه تخرج مع انجى يشتروا هدوم جديده لبيبو
عدنان / انا بعرف انهم صاروا رفقات بس بتكلم عنى انا شو رايا بجيتي البارحه
حسام / حضرتك تنور فى اى وقت طبعا
عدنان / تكرملى عينك
حسام / فى اى حاجه تانيه تحب تسالني عنها
عدنان / لا فيك تفوت على شغلك
حسام / تمام عن اذنك
حسام يمشي و يقفل الباب وراه عدنان يتكلم فى التليفون
عدنان / طمنى شو الاخبار … خرج !! بها السرعه !! كيف ما اتفقنا و اكتر لا تعتل هم مصاريك فى جيبتك و بزياده … دخيل الشغلات المرتبه … سلام
عدنان يقفل و يفتح الفايس و يقلب فى اكونت حسام يلاقى صوره لندى بشعرها مع حسام و حبيبه
عدنان / كيف ما بنزتن بنخرجن
…………………
فى الضايعه عند خديجه
زياد / ان اتبهدلت اوى كنت خلاص قربت افقد الامل انى اخرج
خديجه / ربك اكبر من الكل كنت بصلى و ادعيلك كل يوم
زياد / مفيش اخبار عن ندى
خديجه / اجى اتنين رجال اخدوا اواعيها و اغراضها و من يومها ما بسمع فيها فكرت انزل بيروت امرؤ على عنوانها اللى عطيتني اياه اما جيت ازورك و سالت ناطور البنايه خبرنى انهم سافروا برات بيروت
زياد / بس ندى لازم تعرف الحقيقه لازم تعرف انى ما خطفتش حبيبه و انى ما ليش اى ذنب فى اللى حصل
خديجه / بلاها يا زياد اتركها لحالها ما فيك تقرب منها اكتر
زياد / ازاى بس طب حتى لو مش هساعدها مش هدور على اللى لفقلى التهمه دى
خديجه / بدل ما تحمد الله انك خرجت بدل ترجع تتحبس تانى هيك عالم ما بيخافوا الله هالمره ما راح يفوتوها
زياد / ما انا اكيد ما خرجتش عشان صعبت عليهم مثلا اكيد فى سبب
خديجه / يا بيي افهم عليي انت شو بدك اكتر من انك خرجت ارجع بيروت و دير بالك على شغلك
زياد / مش قبل ما الاقيها و اطمن و ارتاح
خديجه / شو بيعرفك انها لساتها بلبنان من الاساس
زياد / اللى يسال ما يتوهش
خديجه / بتعرف شو انت عقلك ما فيه يشتغل على معده فاضيه راح سويلك صفايح بالزعتر مرتبين على اصولن
زياد / دا قرار احييكي عليه اعملى كدا فعلا
خديجه / هههههههه انطرنى هون خمس دقايق و برجع
زياد / خدى واقتك انا فاضي
خديجه تضحك و تقوم توصل رساله لزياد على موبايله يفتحها و يبص يلاقي صوره يفتحها يلاقي ندى بالحجاب شايله حبيبه و ماشيه جنب حسام بيزق كرسي عليه مصطفى زياد يقوم يقف و يحاول يتصل بالنمره تكنسل و توصل رساله تانيه يفتحها
زياد / شو فيك تعمل فى اللى زتك بالحبس
توصل رساله تانيه
زياد / لو بدك تلاقى اجوبه لسؤالاتك انطرنى الساعه حداش بشارع الحمرا لا تتاخر
زياد يحاول يتصل بالرقم مقفول يتصل بحد
زياد / شهاب ازيك ؟ ايوه خرجت النهرده … ربنا يكرمك كنت محتاج منك خدمه … ربنا يخليك بص فى رقم عاوز اعرف اى تفاصيل عنه مكانه صاحبه اى معلومه تقدر توصلها … لا خير ما تقلقش هو بس رن عليا كتير و بعدين قفل و انا مش مسجله فقلقت … حبيبي تسلم … لا انا عند الست خديجه … هههههههههه باكل اه دا انا جاى مخصوص عشان اكل دا انا خسيت النص يا جدع … هههههههه تمام هستناك تجبلى تفاصيل النمره سلام
زياد يقفل و يقوم يقف فى الشباك و على وشه نظره تحدى
………………..
فى شقه نور
يس بيجرى و على بيجرى وراه يمسكه و يشيله و الكل بيضحك
على / تعال هنا يا مجرم
يس / انا بلعب كراتيه
على / انت بتهددنى بتهددنى انا طب تعال بقي
على يحط يس فى الارض و ينزل فيه زغزغه و يس يضحك
نغم / و انا بلعب جمباز و هجمبزك
على يقوم نغم تجرى على يجرى وراها يمسكها فى الصاله يس يجرى عليه
يس / هجوم
على / استسلمت استسلمت … لعبنا شويه ننام بقي
نغم / لا بقي هو كل شويه نوم نوم
على / لا بقولك ايه يا بت انتى الميس جايه الصبح و عاوزين نبقي فايقين و مركزين
يس / انت كل يوم بتنيمونا و تسهروا انتوا
على / الاطفال بيكبروا و هم نايمين مش عاوز تكبر و تبقي قدى
يس / لا انت عندك كرش
على يبص على بطنه و يجرى يشيل يس
على / فين الكرش ده ياض هاه مين اللى قالك ان عندى كرش
يس / ماما نور
صوت نور / يا جزمه
على يشيل يس على كتفه و يدخل الاوضه لنور نايمه فى السرير و فى ايدها كتاب
نور / انت هتصدق كلام العيال برده انت جميل
على يحط يس على طرف السرير نغم تجرى تطلع جنب نور
نغم / ما تخافيش انا معاكى
نغم تعمل بايدها لعلى ستووب و تتكلم بثقه
نغم / ما لكش دعوه بمامتى
على / انتوا هتتكاتلوا عليا و لا ايه انا مش لوحدى … معايا يا يس
يس / لا انا مع ماما نور
على / اندال … طب يلا يا واد منك ليها على سرايركوا انجروا يلا
يس و نغم يجروا على اوضتهم و هم بيضحكوا
على / هنيمهم و ارجعلك نشوف حكايه الكرش اللى طلعلى ده
نور / دا كرش صغنن يعني ما يخسرش
على يضحك و يمشي
نور / الراجل اللى ما لوش قرش ما يسواش قرش يا حبيبي
نور تضحك و تمسك الكتاب تكمل قرايه
……………….
فى الحمرا
زياد واقف تدخل بنت
البنت / مسا الخير سورى على التاخير اليوم عجئه كتير كيف ما انك شايف
زياد / اؤمرى
البنت / هون هيك عالواقف شو ما فيك تضايفني بشي مكان كاسه شاى عالقليل مو بعرف هيك المصريين
زياد / معاكى حق اتفضلي
زياد ينقى كافيه و يدخل هو و البنت وراه و يقعدوا
زياد / انا بصراحه ما بحبش اللف و الدوران و اكيد انتى عارفه انى خارج من يومين صعبين و ما ارتاحتش
البنت / و ما راح يتركك ترتاح لو عرف انك خرجت انت سويت غلط كبير لما هربتها لمرته لحسام هيدا مانه رجال عادى هيدا مافيا كبير و ما بيعرفه لالله
زياد / ما اتعرفناش زياد
البنت / هيدى تفاصيل مانا مهمه بس على العموم فيك تناديني مروه
زياد / عاشت الاسامي… تسجيلات الكاميرات اللى فى الشارع اختفت فمفيش اى حاجه تثبت دخول حبيبه عندى البيت لا تاريخ و لا الطريقه و فجاه التسجيلات تظهر و وشوش اللى خطفوا البنت واضحه و يتقبض عليهم و يعترف انه عمل كدا مكايده فيا بسبب خلاف قديم
مروه / حسام هو اللى خبى التسجيلات بس نحنا اللى خرجناك
زياد / و اعتراف المجرمين
مروه / ما فيهم يعترفوا بالحقيقه حسام يقتلن و ما فى شي راح يمنعه من ها الشي
الوايتر يدخل
مروه/ كاستين شاي اذا بتريد
الوايتر يمشي مروه تبص لزياد تلاقيه باصصلها
مروه / شو ؟؟ كان بدك انت اللى تطلب منه الكاسات
زياد / حسام بقاله فتره بسيطه فى لبنان
مروه / ايه بس عايش عيشه لملوك و بيصرف مصارى مالها اول من اخر بتفكر اديش بيكون السالرى تبعيته ليعيش هيك عيشه
زياد / كلام مرسل
مروه / حسام اذانى كتير متل ما عمل فيك و اكتر بس انا ما فيني انتقم منه لحالى
زياد / اكيد طبعا
مروه / انت ساعدتها لندى فيك تساعدنى لالى كمان و لا شو كان ليك غرض من وراها لندى لهيك ساعدتها و ما فيك تساعدنى
زياد / قوليلى كدا حسام عمل فيكى ايه
مروه / كنت مفكره انك راح تهتم اكتر بشو فيني ساعدك لتنتقم منه
زياد / انا مش محتاج مساعدتك مع ان عندى فضول اعرف مين اللى باعتك و
الوايتر يدخل يحط الشاى
زياد / شكرا
الوايتر يمشي
زياد / كنت بقول ايه ؟؟ اه .. قولى للى باعتك شكرا انه خرجنى من السجن بس انا متاكد ان حسام اتفه بكتير من انه يقف قدام واحد قدر يخرجنى من السجن فمحتاجنى انا أساعده… تخميني ان اللى باعتك ده حاجه من اتنين يا هو اللى مدبر كل ده عشان يخلق اعداء لحسام يا كان شريك حسام و اختلفوا فمحتاج ستاره يضرب حسام من وراها
مروه / شو هالخيال الواسع
زياد/ انتى ما تعرفيش هو انهى احتمال من الاتنين بس انا صح فى حد باعتك
مروه / ليش كل هيدا لو ما فيك تساعدنى ما فيك تتحجج بكلام فاضي
زياد / ما انتى لو جيتي دوغرى يا بنت الحلال كنت ساعدتك بس انتى من اول ما قعدتى و انتى بتكدبى انتى حتى مروه مش اسمك الحقيقي
زياد يقوم يطلع فلوس من جيبه يحطها على الترابيزه
زياد / قولى للى باعتك شكرا انه خرجنى بس لما يحب يتكلم معايا الكافيه بتاعى معروف و متاكد انه بيعمل شاى احسن من هنا بكتير عن اذنك ياللى مش مروه
زياد يبتسم و يمشي و البنت مذهوله
……………………
فى الفيلا عند عدنان
عدنان بيتكلم فى التليفون و مبتسم
عدنان / بيقبرنى المصريين عن جد فراعنه و ما فى متلن
مروه / شو فينى اعمل هلا
عدنان / و لا شي لا تعتلى من عفينى اتكفل بالباقي
مروه/ على راسي
عدنان يقفل الموبايل و يطلع يقف فى الجنينه انجى تروح تقف جنبه
انجى / فيني وقف معك
عدنان / هلا كنت بسال حالى هيك سما صافيه كيف بتكون هيك منوره من غير قمر
انجى / هيدا نورك لالك
عدنان / هيك كلمات راحت عليهن مو هيك
انجى/ حافضتن كلن
عدنان / هيدا ما يمنع انك قمرى يا ستو للبابا
انجى / شو مفيقك لهلا فى اشي مضايقه لقلبى الغالى
عدنان / شو سالتك انا شو مفيقك لهلا
انجى / كنت بحكى مع رفقاتى راح نعمل سربرايز بارتى لكرم بمناسبه عيد ميلاده
عدنان / كرم شاب كتير منيح و مرتب و ولد اكابر ما بعرف ليش مانك عطياله وج
انجى / كرم رفيقي مو اكتر و انا خبرتك بهيك شي اكتر من مره
عدنان / بس هيدا مو رايه لكرم الشب مغروم فيك و كلمنى عنك كتير و اهله كمان
انجى تتاوب
انجى / نعسانه كتير بتصبح على خير يا احلى بابا بكل العالم
عدنان / هههههههههههههه هلا نعستنى تمام يا بابا فوتى عالتخت بس لا تفكرى حالك هربتى منى فيني اصطادك بشي محل
انجى / كلى الك يا سيد الرجال تصبح على خير
انجى تمشي خطوتين
عدنان / انجى
انجى / نعم فى شي
عدنان / عزمتيها لندى و حسام … بتعرفى ما اللهم رفات هون
انجى / بس ندى و حسام مو رفاته لكرم
عدنان / و شو فيها يعني بيغيروا جو و بيتعرفوا على بعضن كرم و حسام راح يتفقوا عالاكيد
انجى / تمام راح شوف شو فيني اعمل و ما راح قصر لا تعتل هم
عدنان / و مين اهبل فيه يعتل هم و حده هيك صبيه حلوه و اسما انجى
انجى / ههههههههههههههه يا ربى دخيلك على هيك رجال ما فيك تتكلم كلمتين جد
عدنان / فيني اتكلم جد بس ما فيني ما اتغذل بهيك بدر البدور
انجى / تصبح على خير
عدنان / و انتى الخير بهيك عالم
انجى تبتسم و تدخل الفيلا و عدنان واقف يفكر
…………………..
فى شقه نور
أية / على الدراسه و اللى عايز يدرس و التعليم و اللى عايزين يتعلموا انا كان مالى
نور / هههههههههههه ليه بس كل ده
أية / الجامعه اجمل ايام حياتك اجمل ايام حياتك طب باماره ايه و ايه المناهج دى اصلا اكيد اللى قال الجمله دى كان بيروح الكليه يفطر و يصيع مع البنات و خلاص
نور / انتى بس اللى مضغوطه عشان الحمل و الجواز و كدا
أية / الحمل انا مش هتكلم عن الحمل مش هقول حاجه
نور / لو هتتكلمى تعالى يا اختى مكانى
أية / ما دى لوحدها حوار اللى هو تخيلى ارجع تسع مرات فى نفس اليوم لما اهبط واقع و يقولولى امال نور تعمل ايه يا ستى ربنا يديكى الصحه بس انا تعبانه هو احنا بنتنافس مين فينا هتموت الاول
نور/ بعد الشر يخربيت لسانك
أية / طب اعمله ايه طيب حقن و اخدت دا انا فى اوقات بمنع فيها الاكل خالص و برده مفيش فايده و مرحله و هتعدى هتعدى امتى بقي لما اولد
نور / امال انتى كنتى فاكره ايه
أية / ما كنتش فاكره حاجه و بعدين اللى على البر عوام لما بتغرقى بقي بتلاقي الدنيا غير خالص
نور / ان شاء الله كل التعب ده يروح و ربنا يكرمنا بعيال زى الفل يقرفونا اكتر
أية / يارب يا نور يارب
نور / انا الفتره دى مركزه وقتى انى اقرا كتير عن الاطفال و التربيه و الحاجات دى و ندى كمان قالتلى على اسم كام كتاب عجبوها اوى قرتهم و بتستفيد منهم مع حبيبه هديكى واحد خلصته تتسلي فيه
أية / طب والله انتى ما عندك دم بقولك مفحوته فى المزاكره و هربانه من الهم اللى ورايا و جايه افك عن نفسي معاكى تقوليلى كتاب و قرايه ما اقرا منهجى يا اختى بقولك ايه انتى مش قريتي الكتاب
نور/ ههههههههه ايوه
أية / و فهمتيه كويس
نور / هو اسلوبه كويس يعني و واضح بس الخوف من العملى بقي
أية / عليكي نور لما نبقي فى العملى بقي ابقي اديني الزاتونه
نور / ههههههههههههههه مجرمه
………………..
فى فيلا فخمه
بارتى كبيره و شباب و بنات و رجاله و ستات مليين المكان حسام يدخل شايل حبيبه و مانج ندى انجى تشوفهم تروحلهم
انجى / اهلين شو هالحلا
ندى / شكرا
انجى / راح عرفكن بواحد من اهم رجال الأعمال بلبنان رفيق قديم لالى و كتير مزوق
انجى تشاور لشاب يروحلهم
انجى / بعرفكن كرم غالب … حسام زغلول و هيدي مرته ندى و هالقمر حبيبه بنتن
كرم / اهلا فيكن انجى خبرتنى كتير عنكن و كنت كتير مشتاق اتعرف عليكن خصوصا انت دكتور حسام
حسام / انا سمعت كتير عنك و عن شركاتك انتوا ليكوا فرع فى مصر تقريبا سلسله مطاعم او حاجه
انجى / عموا احمد البابا لاكرم كتير بيعشقا لمصر اى مشروع بينجح بلبنان اول شي يفكر فيه ان يكون البرانش التانى اله بمصر
كرم / و أحيانا مشاريع كتير بتبطل بلبنان بس بتستمر بمصر خاصه مشاريع الاكل
حسام / فاكره المطعم اللبنانى اللى اخدتك فيه و كان بيقدم عصير حلو اوى
ندى / هو انا مش متذكره انهو مطعم بالتحديد بس اكيد ما دام حسام شكر فيه يبقي اكيد جامد
حسام / اصلحنا ما كناش عاتقين
كرم / بستاذن منكن بشوف باقي الضيوف البيت بيتكن و اتصرفوا كيف ما بدكن شوى و برجع … انجى فيكي تضايقيهن بليز
انجى / اكيد
كرم يمشي
حسام / ابوكى ماسك ودنى زن اقنعك انه عريس ما حصلش و لا هيحصل فلو جت السيره قولى فى حقى كلمتين حلوين
انجى / هههههههههههههه بعرف بعرف البابا ما ترك حدا اليوم الا و طلب منه يتوسط بهيك قصه
ندى / شكله راجل كويس و مرتاح
انجى / كتير عملى الشغل عنده نمبر وان و انا ما فيني اقبل اكون نمير تو و لو شو ما كان
ندى / بس دا مش عيب يعني مش احسن ما يكون لعبى او نسوانجى او اى حاجه تانيه
حسام / هروح اسلم على مستر عدنان و اسيبكوا تاخدوا راحتكوا تمام
ندى تبتسم حسام يمشي
انجى / هيك رجال الحياه معه راح تكون كتير جافه
ندى / طب كلمتيه فى العيب ده
انجى / اطلعى عليه مع مين عم يحكى براهنك انهم بيتكلموا عن شغل و مصاراى و اشي سهم طلع و سهم نزل ما بيحكى باى شئ تانى هيك بارتى نحن اللى رتبناله اياها و الشئ الوحيد اللى جابره يبقي معنا هون اننا بعتنا انفيتايشن لكل رجال الأعمال بلبنان و رتبنا مع مدير اعماله ياجل كل مواعيده
ندى / للدرجادى
انجى / و اكتر يا بيي و اكتر تخيلى يا ندى بيتركنى لحالى اشي ساعه بنطره ليوصل لانه كان عنده ميتينج مهم و طول منه و بالاخير قعد معى يجي نص ساعه و فل لان حدا اتصل فيه بخصوص مشكله بشي اوتيل تبعن تركنى و فل و تانى يوم بعتلى كادو غالى على البيت مع كارت اعتزار عن جد كنت كتير معصبه عليه و نئزته بالكلام نئز
ندى / ليكي حق طبعا
انجى / هيك بيعمل و نحن لساتنا مجرد رفقه يعني ما فيه يضحك عليا بكلمتين بهيك مواقف رومانسيه من اللى بتكون باول العلاقه لا هيك بكون قبلتى فيني اهلا و سهلا مو قبلتى على القليل ما بديناها بغش و تمثيل
ندى / هو نوع رزل فعلا
انجى / بتعرفى شو مره حسام كان عنده ميتينج مع بيي و تركه لبيي و فل لانك كنتى محتاجته فى شي بدون ما يفكر ان هيدا الشى ممكن ياثر على علاقته مع بيي اديش بيقبض حسام فى الشهر و اديش وراه التزامات و مع هيك فل و ترك كل شي ورا ضهره من شانك انا ما فيني الاقى رجال يركض وراى متل ما بيركض وراكى حسام مو من حقى اكون مع زلمه بكون اهم شي بحياته
ندى / ما حدش كامل
انجى / بس فى اشيا ما فيكي تتنازلى عنها
ندى / حاجات نسبيه
كرم يدخل
كرم / باركيلى
انجى / مبروك على شو
كرم / هلا اتفقت على اكبر صفقه بحياتى راح اشترى مجموعه جبران للمقاولات هيك السوق كله صار تبعى و ما فى اى منافس راح يقدر يوقف بوجى
ندى / عن اذنكوا
انجى / مبروك كتير بتتعب بشغلك و اكيد بتوصل
ندى تمشي و هى بتدور على حسام تقابل عدنان
عدنان / شو فى شايفك لحالك وينها انجى
ندى / هناك مع كرم قولت اسيبهم لوحدهم يعني … هو حسام فين
عدنان يبص حواليه
عدنان / ما بعرف فينى ضايفك كاسه عصير
ندى / لا شكرا عن اذنك
ندى تيجي تمشي عدنان يمسك ايدها تسحب ايدها و يبصلها
عدنان/ كان بدى احكى معك اذا بتريدي طبعا
ندى / ما اعتقدش فى كلام بينا
عدنان / فيكي تحاولى اوعدك ما راح تندمى
ندى / ايوه بس ايه يعني ممكن يكون نوع الكلام اللى بينا
عدنان / راح تتفاجئي بالاشيا اللى راح تكسبيها اذا عطيتينى بس فرصه
ندى تدور على حسام و انجى مش شيفاهم
عدنان / فيك تعتبريني ملك لبنان فيني حققك اى شي و اساعدك فى اى شي علاقاتى ما الها حدود
ندى / حضرتك بتقولى الكلام ده ليه
عدنان / يمكن شي يوم تحتاجي شي تعرفى انك مانك لحالك بهالبلد الغريب
ندى / انا مش لوحدى الحمد لله شكرا معايا جوزى و بعدين انجى صحبتى بنت حضرتك اكيد هتساعدنى
عدنان / و لهيك بالتحديد بخبرك هيك حكى لانك رفيقه لانجى و لانك غاليه كتير على قلبي
ندى / ليه بقى ان شاء الله
عدنان / بعرف ان الحجاب لابقلك بس ما راح انكر انى اشتقت كتير لشعراتك ليه حرمانى منون
ندى / كنت متاكده … اسمع بقي لو فاكرنى هدايه تبقي غلطان
عدنان / لا تؤاخذيني اكيد ما كنت اقصد شبهك بحدا انتى ما فى متلك اصلا
ندى / انا عامله حساب لبنتك و شكلها وسط الناس بس انا ممكن اعلى صوتى و افضحك فى وسط الناس النضيفه اللى بتلمع دول كلهم و اخليك زى فرده الشراب المقطوع
عدنان / دخيل الطبع الحامى انا
ندى تيجي تسيبه و تمشي يمسك ايدها تانى تلطشه بالقلم صمت تام فى المكان و الكل واقف يتابع حسام يطلع من جوه الفيلا و انجى جنبه شايله حبيبه و بيضحكوا يتفاجئوا بالمنظر
……………….
فى كافيه مرسال
زياد قاعد بيدور على اللاب عن الشركه اللى حسام شغال فيها بيدخل شاب يقعد زياد يقفل اللاب
زياد / الباشا
الشاب / مو فيك تشيلن من راسك مو هيك
زياد / الشركه اللى حسام شغال فيها حصلت فيها حوادث كتير جدا الفتره اللى فاتت
الشاب / فيك تربطها بحسام
زياد / لفتره محدده كان ممكن بس لما رجعت لورا قبل ما حسام يشتغل لقيتها كانت بتحصل برده
الشاب / شو فيني ساعدك
زياد / رقم موبايله تقدر عن طريقه تحدد مكانه
الشاب / فيني اعمل اكتر من هيك اذا بتريد
زياد / تقدر تعمل ايه
الشاب / فيني راجعلك البانك اكونتس لحسام و فينى كمان اوصل لنسخه من عقده لحسام فى الشركه و نحاول نثبت صلته بهيك حوادث
زياد / ما يمكن ده اللى هم عاوزينه
الشاب / عن مين عم تحكى … مروه ؟
زياد / دى واجهه قولتلك فى حد كبير بيحرك اللعبه حسام بقاله قد ايه فى لبنان تفتكر بالسرعه دى قدر يوصل بعلاقاته و نفوذه انه يخفى تسجيلات الكاميرات اللى حصل ده وراه حد كبير
الشاب / وجهه نظر ما فيني جادلك فيها و لهيك جبتلك رقمه لحسام و عنوانه
الشاب يدى لزياد ورقه زياد يتحمس و يجي ياخدها الشاب يسحبها
الشاب / هيك ورقه فيها تفتح عليك باب ما فيك تسكره
زياد / على الاقل هعرف مين اللى وراه
الشاب / ممكن يكون حدا ما فيك تواجهه حدا ما فيني انا واجهه ممكن تكون نهايتك يا زيزو
زياد / خليها على الله هات الرقم
الشاب / ههههههههههههه من شان شو البنت ؟
زياد / من شانى عشان ايام بهدلتى كل ثانيه قضيتها جوه كنت بفكر فى حاجه واحده بس انى اخرج و انتقم من اللى رمانى الرميه دى
الشاب / بعرف لهيك لازم تضمن انهم ما راح يزتوك من جديد
زياد / و انا هعمل ايه يعنى انا بس هتصل اطمنه عليا
الشاب يديله الورقه زياد يبص فيها
الشاب/ معى هون ورقه تانيه فيها رقمها لندى اذا بتريد
زياد يبص للشاب
الشاب / شو ؟
زياد / مش هتصدقنى
الشاب / فيك تحاول
الشاب يطلع ورقه تانيه يحطها قدام زياد و زياد عينه على الورقه
………………
فى فيلا كرم
ندى تجرى على حسام
حسام / ايه اللى حصل
ندى / خلينا نمشي لو سمحت
ندى تشيل حبيبه من انجى و تبص لانجى
ندى / انا اسفه بس للصبر حدود
حسام يتحرك ناحيه عدنان لينا تقابله فى النص
لينا / فيني اشرحلك شو صار
حسام يبصلها لينا تشده و تروح ناحيه ندى
لينا / لا تؤاخذيه اقسملك الموضوع مو متل ما انتى مفكره عدنان بيعتبرك متل انجى تمام
ندى / تمام انا اسفه … ممكن نمشي بقي
انجى تروح ناحيه ابوها
انجى/ شو صار
عدنان / و انا شو بيعرفنى انا لهلا مانى مصدق شو صار
انجى / بابا
عدنان / كنت يخبرها قديشها غاليه عندى و انها متلك تمام فكرتنى بتحرش فيها
عدنان ياخد انجى و يروح ناحيه ندى
لينا / بالله بيعتبرك متل انجى تمام لهيك مسكها لايدك
ندى / تمام … ممكن نمشي بقي
تليفون حسام يرن رقم غريب حسام يكنسل عدنان يدخل
عدنان / لا تؤاخذيني يا ندى انا بعرف ان تربايتك فى مصر بتفرض عليكي اشيا مانى متعود عليها فيكي تثقى انى ما راح كررها
حسام يبص لعدنان عدنان بيتحاشاه تليفون حسام يرن تانى يكنسل كرم يدخل
كرم / لا تؤاخذونى جماعه بس هيك حكى ما بيصير لا تشمتوا فينا العالم فيكوا تتشارعوا جوه جرصتونا قصاد العالم
انجى / شو هالحكى كرم ما فيك تحاكينا هيك
ندى / انا اسفه … ارجوك نمشي بقي
حسام تليفونه يرن يرد
حسام / ايه ؟ ايه ؟ مين
زياد / انا زيزو يا سمسم ازيك ايه معقول مش مسجل رقمي و لا كنت فاكر انى مش هطلع من السجن
حسام يبص لعدنان و يبص لندى
زياد / اوعى تكون صدقت ان ليا يد فى خطف حبيبه
حسام / هكلمك بعدين
زياد / و تكلمنى ليه انا فى الطريق لبيتك احنا فى بينا كلام كتير ما خلصش
حسام / انا مفيش بيني و بينك اى حاجه و لو قربت من بيتي
ندى / مين
زياد / ما انا لازم اتكلم مع ندى عشان تتاكد انى بريئ
حسام / دا لما تشوف حلمه ودنك انت هتستهبل و لا ايه
عدنان / مين يا حسام
انجى / شكل الاخبار مو منيحه
حسام يبص لعدنان يلاقيه متابعه
ندى / خير يا حسام مين
حسام يقفل
حسام / انا اسف يا جماعه بس لازم نمشي
حسام يشيل حبيبه من ندى و يمسك ايد ندى و يجي يمشي عدنان يمنعه
عدنان / ما فيك تفل قبل ما نحل هيك سوء تفاهم او على الاقل تطمنا شو اللى صار قصفتلى ركبى
انجى / كتير ضاق خلقك بهيك مكالمه طمنا شو صار
حسام / احنا اسفين اوى بوظنا مود الحفله هنستاذن تقدروا تكملوا حفلتكوا
كرم / عالاخير
انجى / شو بك انت مو شايف شو عم يصير
كرم / ايي شايف شايف كل كبارات البلد بيطلعوا بهيك جرصه فى بيتي
حسام / انا بعتزر تانى مره عن اللى عملته و عن اللى مراتى عملته عن اذنكوا
حسام يشد ندى جوه الفيلا عدنان و انجى يجروا وراه
انجى / حسام حسام
حسام يقف
عدنان / نئزتلى قلبي من الركض شو صار طمنى مين كان عالتليفون
حسام / زياد خرج
ندى / زياد مين
حسام / اللى خطف حبيبه و بيهددنى ينتقم
ندى / انت بتهزر صح
انجى / ما فيه يعمل شي مو هيك بابا
عدنان / طبعا شو مفكر حاله ليتصل فيك و يهددك
حسام / بيقولى انه رايح على البيت
ندى / بابا هناك لوحده يا حسام
انجى / خبر الشرطه يا بابا شو فيك ناطر
عدنان يطلع موبايله لينا تدخل
لينا / ما فى داعى تخبر حدا ثوانى لحظه
الكل يبص للينا بتاخد نفسها من الجرى
لينا / اذا راحت الشرطه و ما لقت حدا عندك بالبيت
ندى / يعني هنستنى لما ياذى بابا
انجى / لا تخافى يا ندى فينا نلحقه
عدنان / ارسوا على حل شو ناويين تعملوا نخبر الشرطه و لا نطلع كلنا على بيته لحسام
تليفون حسام يرن تانى نفس الرقم يبص فيه
ندى / مين ؟
حسام / هو
انجى / رد و لا تتهاون معه مو فيك تخاف من هيك حيوان
حسام يبص حواليه الكل متابعه و ندى ماسكه فى دراعه
حسام يرد
حسام / الو
زياد / نسيت اقولك انى ما خرجتش لوحدى فى حد خرجنى و طلب منى انتقم منك واضح كدا انك مزعله فى حاجه
حسام / مين ده
زياد / ايه هم اعدائك كتير و لا ايه … حد عارف انى انا اللى هربت مراتك و عارف هى مستخبيه فين بص حد يقدر يوصل لتسجيلات الكاميرات و يخفيها و يدخل بيتي و انا مش فيه و يحط حبيبه و يبلغ البوليس و يحبسني … الراجل ده لو مش انت
حسام / انت هتهرج و انا اعمل كدا ليه
زياد/ ما انا بقول مش انت الحد ده يعرفنى منين و يعرف ندى و حبيبه منين و ليه ما رجعلكش حبيبه علاطول و لما دخلنى السجن خرجنى تانى ليه ما انا لازم اشوفك عشان نلاقي سوا اجابه لكل الاسئله دى
حسام / الله الغنى ابعد انت عن حياتى و انا مسامح
زياد / حد واصل لدرجه انه يطلع الفيديوهات اللى اختفت و يخلى كمان المجرمين اللى فيها يعترفوا على نفسهم بس عشان اخرج عرفته و لا اقول كمان
حسام / انت عاوز ايه
ندى تصرخ / ما تسبنا فى حالنا بقي يا اخى
زياد / ان كان اللى خرجنى فاكر انه هيضربك بيا و يقعد يتفرج فغلطان لان اللى خرجنى اكيد هو اللى دخلنى فمن مصلحتى ان انا و انت نتفق عليه مش اتفق عليك معاه هو فهمت انا ليه عاوز اقعد معاك انا فى صفك يا غبى
حسام يبص لعدنان
حسام / الحد دا واحد و لا واحده
زياد / هو انت عاوز كل حاجه على الجاهز كدا مش تديني انت اى حاجه
حسام / تمام يا زياد هنتقابل بس مش دلوقت
زياد / فين و امتى و ياريت ندى تحضر اللقاء
حسام / خرج ندى من الموضوع
لينا / اديشه وقح شو فيه بندى
عدنان / انا راح خبر الشرطه بكل شي و هم راح يتعاملوا مع هيك اشكال واطيه
حسام / هكلمك بعدين
حسام يقفل
حسام / مفيش داعى زياد خرج لان الادله اثبتت ان التهمه متلفقاله و فى حد بيحاول يتواصل معاه عشان ينتقم منى
انجى / هدايه اقسم بربى هدايه
عدنان / هدايه مانا ببيروت
انجى / مين غيرها فيه يفكر ينتقم من حسام اكيد كان بدها تخلص من ندى ليخلالها الجو مع حسام انا بعرف هيدي هى الحقيقه
عدنان / ممكن يكون عم بيكذب
حسام / امال خرج ازاى
عدنان / ما بعرف
حسام / و اللى خطفوا حبيبه يحطوها فى شقته و يروحوا يعترفوا على نفسهم و يخرجوه
لينا / هيك تسجيلات سهل ينلعب فيها
حسام / انتى فاكره شكل اللى خطفوا حبيبه منك
انجى / ليش ما طلبوكى للشهاده
ندى / ما اعرفش
حسام / الاسئله دى كلها بقي مش هنلاقى اجابتها الا اما اقابل زياد
عدنان / دير بالك على حالك فيه يكون مدبرلك فخ و تقع فيه
ندى / بلغ البوليس يا حسام انا خايفه اوى
حسام / اقولهم ايه
عدنان / مو فيكي تخافى و لا تعتلى هم هلا بجرى اتصالاتى و اجيبه هون راكع
ندى / بابا يا حسام انا قلقانه عليه اوى اتصل اطمن عليه
حسام يهز راسه و يروح فى جنب يتصل بعدنان اللى راح فى جنب
حسام / خرج ازاى ده
عدنان / و انا شو بيعرفنى … تكون هدايه ؟
حسام / هتتصرف من غير اذنك
عدنان / و انا شو بيرجعلى من انى اخرجه من الحبس يعني
حسام / مش عارف و مش عاوز اتكلم قدام انجى
عدنان / لازم تقابله و تسمعه عالاخير و انا هتصل برفقاتى واجيبلك اصل اللحكايه
حسام / تمام
حسام يروح ناحيه ندى
حسام / احنا لازم نستاذن
ندى / بابا عامل ايه
حسام / مش بيردوا عن اذنكوا
انجى / حدا يطمنى
ندى تهز راسها و تجرى ورا حسام و عدنان متابعهم و باين عليه الضيق
…………………
فى الحفله
كرم / بتسوى حفله كبيره منشان تجرصيني قدام الخلق مو هيك
انجى / الزم حدك ما فيك تكلمنى هيك
كرم / كل الخلق راح يحكوا و يتحاكوا على اللى صار اليوم و خاصه مع عدنان بيك و كل واحد راح يضيف من عنده حتى تصير اسكوندال كبير
انجى / بيي فيه يرد عن حاله لا تعتل همه
كرم / ما فيني اعتل همك انتى كمان
انجى / ايي ما فيك و اصلا امتين انت عتلت هم حدا غير حالك انت مو خايف على سمعه بيي انت خايف على حالك لان هيك امور حصلت ببيتك انت و على العموم يا كرم لا تعتل هم بوعدك ان هالشي ما راح يتكرر لانى ما راح اتعب حالى و اسويلك اى شي
كرم / انتى ما قصرتى لكن ابوكى
انجى / روح خبره لاله اذا بتريد مو شايفتك ولد صغير بيتخبى ورا النسوان يعني
كرم / شو
انجى / كيف ما سمعت عندك خبريه روح احكيها للبابا و من هلا و طالع ما فيك تحاكينى و لا بدى شوفك تانى يا كرم
انجى تيجي تمشي كرم يمسكها تزقه
انجى / شو عم تتحرش فيني هلا مو هيك بتقولوا عن البابا
كرم / لا تكبرى القصه انا ما قولت و لا شي
انجى / و لا فيك تقول
كرم / روقى انجى بليز انا ما كان قصدى اى شي بحلفلك انا عاتل هم العالم بس من جواتى انا بعرف الحقيقه منيح
انجى / الحمد لله انك بتعرف والله ارتحت كتير انك بتعرف الحقيقه يا ربى شو كنت راح ساوى لو ما كان كرم بيك بيعرفا للحقيقه كنت بقوص حالى مو هيك .. كرم بتعرف شي روح خبره للعالم عندك مشكله مع العالم فيك تحلها معن ما خصنى فيكن … و بدون سلام كمان
انجى تمشي و كرم واقف بينفخ
…………………
فى شقه حسام
زياد و ندى و حسام قاعدين
زياد / بتقول ان اسمها مروه و انك مافيا
حسام يطلع موبايله و يقلب فيه
حسام / و انا لو مافيا كان زمان دى بقت عيشتى على العموم هى دى اللى اسمها مروه
حسام يوري زياد صوره هدايه
زياد / لا مش هى
حسام / اكيد مش هتيجي بنفسها يعنى … بص يا زياد الحمد لله ان الحقيقه بانت و انك خرجت ياريت بقي تكون اتعلمت ما تدخلش بحياه الناس الخاصه سوء تفاهم بين راجل و مراته حضرتك بشهامتك كبرته بس الغلط مش عليك لوحدك
حسام يبص لندى
حسام / و الحمد لله انها جت على قد كدا
ندى / بس هدايه دى طلعت خطر اوى ازاى تقدر توصل للكاميرات و تظهرها و تخفيها وقت ما هى عاوزه
زياد / والله انا كان عندى اساله اكتر بس بما انكوا فعلا ليكوا اعداء قريبين اوى من استاذ حسام
حسام / مش قريبين و لا حاجه زميلتى فى الشغل او تقدر تقول المنافسه بتاعتى و في بينا مشاكل كبيره جدا هى السبب فى كل حاجه اصلا
زياد / بس زى ما ندى
حسام / مدام ندى
زياد / باردون مدام ندى قالت الست دى واصله و واصله اوى كمان … بس انت معاك حق انا اتعلمت الدرس و لحد هنا دورى خلص كان اهم حاجه عندى انك تعرفى الحقيقه
حسام / بجد !! فارق معاك اوى انها تعرف الحقيقه .. انت بتحاول تستفزنى و لا انت فاكرنى مركب ارايل و لا ايه حكايتك بالظبط
زياد / بص من الاخر كدا انت راجل مش سالك و ان كانت هدايه البعبع دى زى ما بتقول عنها فانت مش ملاك و التفاصيل اللى انا قولتها كلها انت عارفها ما اتفاجئتش باى حاجه
حسام / لانك قولتلى كل حاجه فى التليفون يا اذكى اخواتك
………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
