رواية بئر كندراش الفصل العاشر 10 بقلم نورهان إسلام
رواية بئر كندراش الجزء العاشر
رواية بئر كندراش البارت العاشر
رواية بئر كندراش الحلقة العاشرة
“فى بعض الأحيان تكون المحاولة المستمرة والإصرار على عدم اليأس هو الدافع لنتيجة مُرضية”
بص الملك وهو شايف الاضواء الخافته فى الأرض منورة دليل على إن سكان الأرض نايمين .. عمل بأيده سحر بينور فترة فى الأرض ك تحية من الملك لسكان الأرض ..
كان فيه بعض من السكان اللى لسه مستيقظين واللى منهم ادم .. بصوا للضوء اللى صادر واللى هو لون مميز للملك لون بنفسجي…. بدأت الأشخاص اللى مستيقظه تقدم التحية للملك بالوانهم المميزة .. بص الملك للالوان اللى ملت السما وهو سعيد بتحية اهل الأرض المميزة واللى منهم رسم باللون بتاعه ” إمبراطور راناش ملك أرض كِندراش “
الوزير بص للملك وهو بيأكد على كلامه : كل ذلك يا مولاى دليل على محبة الشعب لك .. أطمئن مولاى ..
الملك بصله وهو مبتسم
________________________
ادم كان بيبص للنور اللى بيظهر فى السما والعبارة اللى اتكتبت وهو بيفتكر كلام نجمة وبيبتسم بإستهزاء ….
____________________________
* فى القرية تحديداً عند منزل نجمه..
كانت الساعه ٩ الصبح لما الباب خبط اكثر من مرة وبإستمرار .. قام أسر فتح وعينه باين عليها النوم وهو بيقول: ايوا هفتح اهو!!
اول ما فتح الباب ظهر قدامه اللواء رأفت وهو لابس اللى العسكرى بتاعه .. رفع القبعه من على دماغه وهو بيقول: مش هتخلينى ادخل ولا ايه يا مقدم!!
بصله أسر وهو بيشاور بأيده علشان يدخل وقال: اتفضل يا فندم ..
قفل الباب بعد ما اللواء دخل ، اتكلم معاه وقال : البيت بيتك يا فندم .. هغير هدومى واجى
نادى عليه اللواء رأفت وهو بيقول:اقعد يا أسر .. انا مش غريب ومش فارق معايا اللبس “كان لابس قميص داخلى وشورت”
قعد أسر قدام اللواء وهو مستنى منه يتكلم .
بدأ اللواء كلامه بعد ما بص بعينه على الصاله وقال: اومال اختك نجمه فين!!؟
ضحك بإستهزاء وهو بيقول: اختفت، جيت مالقتهاش.. اهل القرية قالوا إنها نطت فى البئر .. وده من صغرى كل اللى بينزل فيه مش بيطلع تانى ..
اللواء بأسف اتكلم وقال: كل ده قضاء وقدر، اهم حاجه تتخطى اللى حصل ده يا بنى وتستمر فى شغلك
وقف أسر وهو بيقول: مع إحترامي لحضرتك، بس اتخطى ايه بالظبط .. امى واختى اللى قضيت معاهم عمرى كله … ده لو كلب هو اللى ما*ت بيتزعل عليه فترة أطول من كدا!! وقف اللواء وهو بيلبس القبعه بتاعته وقال: عموماً ، هستنى الفترة ديه تعدى .. وعارف إن الظروف مش احسن حاجه ولولا إن ليك معزه خاصه عندى مكنتش جيتلك.. سلام يا مقدم أسر.
خرج اللواء من البيت وهو بيبص على القرية وبيركب العربية .. بص على بيت أسر نظرة سريعة قبل ما يمشي وقال للسواق: اطلع يا بنى
_________________________
الملك بعد ما خلص كلامه مع الوزير طلع على المكتبة ، مسك كتاب” مذاكرات الساحر كِندراش ” وهو بيقرأ اول صفحه اتفتحت معاه
لا تتحدث بحماقة ولا تتكلم بشجاعه كن كما أنت حتى لا يظنك الآخرين أبله ، فى بعض الأحيان يكون الصمت هو الحل الأمثل !!
“مذاكرات الساحر كِندراش”
سكت شوية وهو بيفكر فى الكلام اللى قرأه ومش لاقى تفسير ليه قفل الكتاب وهو بيتجه للجناح بتاعه
____________________
الشمس طلعت وصحيت نجمه على شعاع من ضوء الشمس داعب عينيها .. صحيت وهى بتستعد لليوم الجديد … عينيها دارات فى المكان وهى بتبص على ادم .
اتفاجئت إن هو مش فى الكوخ .. رغم إن الوقت لسه بدرى.
عدى خمس دقائق وكان ادم دخل الكوخ وهو فى ايده اكل .. اتكلمت نجمه بإستغراب وقالت: مش لسه بدرى على الفطار!! .
قعد على مقعد صنعه بأيده من خشب مميز عندهم وقال: الأكل ده بيجى بس فى الوقت ده ..
مسكت نجمه الاكل وهى بتتفحصه… كان فول وطعمية وبابا غنوخ وسلطة.
بصت بإستغراب للأكل وهى بتقول: الاكل ده بيتعمل هنا .. ده بجد!!
ادم: فى الوقت ده بس ..حد من اهل القرية اللى هنا اتعلم يعملهم .. وبدأ يبيعهم بالطريقه بتاعت الأرض .. بس فى الوقت ده بس ولمدة ساعة كمان
ابتسمت نجمه وهى بتفتح الأكل وقالت: تعالى ناكل بئا.. ديه الطعمية سخنه.
_______________
* فى جناح قمر
الحارس اتكلم وهو بينبه إن الملك داخل .. قعدت قمر على السرير دخل الملك وقعد على كرسي قدامها وهو بيقول بأمر: اخبرينى، كيف جائت نجمه إلى هنا!؟
اتكلمت بإستفزاز للملك:كما جئنا وجاء الناس، من البئر!!؟
اتكلم الملك وهو واقف وقال: هل سقطت كما يسقط الأطفال !
قمر: شي كهذا ..ولكن لِما تُشغل عقلك بها لهذه الدرجة .. إنها كأى شخص دخل الأرض!!
بصلها الملك نظرة اخيرة واتجه ناحية الباب وخرج
________________________
نجمه وهى بتقوم من على الأكل: الحمد لله .. يااااه .. الواحد مأكلش الأكله ديه بقاله فتره .. شكراً
بصلها وهو بيساعدها فى لم الأطباق : على ايه يا نجمه .. شكراً ليكى انتِ .. إنك مونسانى.
ابتسمتله ولسه هتتكلم .. الباب خبط وكانو ماندريانا .. فتح ادم الباب وهو بيقول: اهلاً .. جاية بعد ما الأكل خلص ..
نجمه:لا انا كنت شيلت شوية تقدرى تأكليهم…
ماندريانا اخدت بالها إن الأكل ده مش الأكل بتاعهم .. اتكلمت بإستغراب: هو ده الأكل بتاعكم .. صح!!!
هزت نجمه رأسها وهى بتحط الأكل قدامها وقالت: ايوا .. دوقى بئا وقوليلى رأيك !!!
__________________________
خلصت ماندريانا الأكل وبعدين قعدوا يتكلموا .. بدأت نجمه الكلام وقالت: عايزه ابدأ اكسب السحر من دلوقتى !!
ماندريانا: ابدأى بالسحر البسيط اللى تقدرى تكسبيه بسرعة ..
ادم:انا رأى من رأى ماندريانا .. هيكون اسهل ليكى وهتقدرى تكسبى السحر بطريقة اسرع
____________________________
بدأت نجمه تحاول تكسب السحر .. بدأت تعمل كل حاجه بنفسها حتى لو كانت شايفة إن الموضوع صعب شوية ولكنها كانت بتحاول… شافت طائر واقع على الأرض بصتله وهى مشفقه على حالته ، مسكت ورقة شجر وهى بتلفها على رجله اللى مصابة وصنعت ليه بيت صغير .. فضلت تهتم بيه اسبوع .. وفى اخر يوم كان العصفور بدأ يطير .. شافت العصفور قدامها وهى طائر وابتسمت بسعاده.. لمعت ايدها كدليل إنها كسبت سحر جديد .. تقدر تعالج الجروح بكل سهولة ..
ابتسمت وهى بتحاول تعد السحر اللى كسبته خلال الأسبوع.
اقدر ازرع الأرض بسهوله، واقدر اشفى الجروح، اعرف احرك الأشياء ، اقدر ارفع اى شيء من مكانه .. فضلت تعد اللى السحر اللى قدرت تكسبه خلال فترة قصير جداً ..
رجعت الكوخ علشان تقول لأدم على السحر الجديد اللى قدرت تتمكن منه .. كان ماسك ايده وهو بيتألم من أثر جرح وهو بيحتطب
مسكت ايده وهى بتستخدم سحرها بدأت تحاول تعالج الجرح لحد ما ايده رجعت زى ما ماكنت
بصلها وهو بيبتسم: سحر العلاج ..
نجمه بسعاده وهى شايفة ايده سليمة: لسه مكتسبة السحر ده النهارده.. وانت اول واحد اعالجه بيه .. صنع بأيده تاج وهو بيحطه على رأسها وقال: كدا نكون خالصين .. علشان اقدر اكسب سحر انا كمان ..
ابتسمت وهى بتبص على التاج بسعادة وقالت: شكراً .. الهدية ديه حلوه اوى.
ادم وهو سرحان فى عيونها الزيتونى اللى ابتسمت بفرحة: مش أجمل منك يا نجمه.
_________________________
كانت واقفه نجمه عند سور القصر ومعاها قمر وعبد الرحمن” والدها”
الاب حضنها وهو بيقول: وحشتينى يا بنتى.. اخبارك و اخبار ادم !؟
افتكرت وهو بيمدح فيها الصبح وابتسمت لوالدها وهى بتقول: كويس يا بابا والحمد لله .. وبيعاملنى كويس وبيعلمنى ازاى اقدر اكسب السحر بسهوله … المهم انتوا عاملين ايه راميان وحشنى اوى !! بصوا .. عملت سحر بأيدها وهى بتكتب فى السما وبتحرك بأيدها زى قمر و بترفعه بشكل حلو .. ضحكت قمر وهى شايفة اختها اتعلمت حاجات كتير فى فترة قصيرة
_________________________
* فى الشركة اللى كانت نجمه شغاله فيها
قعدت هنا على مكتب صديقتها نجمة وهى بتدور على صورة ليها تحتفظ بيها .. قعدت تفتح فى الأدراج بتاعتها وهى بتدور لحد ما وقفها صوت مدير الشركة وهو بيقول: بتعملى ايه!!
رفعت رأسها وهى بتبصله وقالت: ها.. يعنى ..كنت بدور على صورة لنجمه صحبتى يعنى .. علشان تكون ذكرى ليا يعنى ..
بص المدير عليها وهو بيقول: طيب روحى كملى شغلك واعملى اللى انتى عايزاه ده بعدين
مشيت وهى بتتجه لمكتبها .. وهو فضل مراقب خطواتها لحد ما اختفت عن عينه .. اخر دُرج فتحته لمح فيه صورة ل نجمة اخدها وهو بيبتسم وبيتكلم فى نفسه: وحشتينى ♡
_________________________
“لا تتهاون بتلك القدرة، ذلك السحر الذى سُخر لها ليس من الهين الاِستهانة به ، لا تتهاون بالتعامل مع سحر الخدمات التى حصلت عليه فإذا انقلب العداء ضدك لن تستطع إيقاف المقذوفات”
من مذاكرت الساحر كِندراش
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بئر كندراش )
