رواية فراشه فوق النار الفصل الثالث 3 بقلم ميفو السلطان

رواية فراشه فوق النار الفصل الثالث 3 بقلم ميفو السلطان

رواية فراشه فوق النار الجزء الثالث

رواية فراشه فوق النار البارت الثالث

رواية فراشه فوق النار الحلقة الثالثة

البارت الثالث….رجع زيدان عمله وانهمك في اشغاله ليدخل عليه علي ويقول….. من الحق دولي هتوصل انهارده بقالها اسبوع متمرمطه لما وصلت لاتفاق مع المستثمر بره.

 ليهتف زيدان…. انا كنت عارف انها هتخلص دولي دي شكلي قويه وجاحده لما بتخش بتخلص..

 ليضحك علي…. طب ياخويا نسخه زيدان بس بشعر. بس بتيجي عندك وتقلب بطه بلدي انا مش عارف انت بتعمل للستات ايه بتسحرلهم..

ليضحك زيدان…. قر ياخويا قر.. لما تيجي خليها تعدي عليا..

ليهتف علي…. مش محتاج اقول انت هتعرف لما تيجي بتحس ان قطر دخل هرس الموظفين وقلب زعابيب وجه علينا..

ليضحك زيدان… يبني ماتحترم نفسك انت حاططها علي راسك ليه واحده شديده. ما بتتهاونش في الغلط مالك انت..

 ليتذمر علي…. اه بس يكون عندها رحمه انا ساعات بخاف منها يا عم تاكلني.. دي بت قادره.. اما اقوم اروح اكمل شغلي بدل ماتيجي تلقح بكلمتين كالعاده.

 ليبتسم زيدان علي صديقه فهو وابنه عمه لا يتوافقان.. ظل يعمل الي ان اتت تلك الفراشه علي باله ليترك القلم ويبتسم ويسند علي كرسيه. يتنهد… وبعدين معاك يا زيدان ماعتش عارف تشتغل.. ليتذكرها وهيا واقفه تشرب العصير ووجهها احمر كانت رائعه.. ليدق قلبه.. ويقول.. لا انت خلاص يا زيدان البت هبلتك.. واخرج فونه وظل ينظر الي صورتها الرائعه التي اخذها لها اثناء شرب العصير ليرفع السماعه ويبحث عن تليفونها…

كانت جيدا قد عادت من تمرينها واخذت حمامها َجلست سرحانه لم تلاحظ دخول فكريه عليها كانت مسهمه في كلامه وافعاله وطريقه تفاعله معها ليحمر وجهها وتبتسم لتهتف فكريه ودا من ايه يا حبيبتي.. انت اتهبلتي يا جيدا.. لتنظر اليها وتتنهد.. دادا..

 لتهتف الدادا.. اه يا قلب الدادا بحالها ومحتالها.. مالك يا نور عيني حالك بقاله فتره مش اد كده هتخبي عليا.

 لتهتف هيا….. مفيش حاجه يا داد..اصل هو دا اصل.. كانت متلبكه

 لتقاطعها الدادا.. بس يا عين امك.. ماتتأتأيش اما تحبي تقولي انا اهوه موجوده هروح فين لتحمر قليلا لتنظر اليها الددا بخبث وتقول دا بين الموضوع كبير يلا الله يسهلك يا قلبي

لتضحك جيدا وفجأه تجد التليفون يرن فتتلبك ولم ترد فترفع فكريه حاجبيها.. طب يا قلبي اقوم بقه عشان مابقاش عزول.. يلا انا خارجه ماتنسيش دادتك حبيبتك..

 لتهز جيدا راسها وما ان خرجت حتي انتهي رنه التليفون لتجلس حزينه انها لم ترد وقلبها يأكلها.. يا رب يرن تاني.. لتصدح رنه التليفون لتفتحه بسرعه وتهتف متلهف وتقول الو.. لتسمع صوته من الناحيه الاخري.. وربنا احلي الو بسمعها.. لتضحك هيا وتخجل من جملته… ليقول ازيك عامله ايه لتهمس وتقول كويسه وانت..

 ليردد مش كويس خالص..

 لتقول في قلق ولهفه.. ليه طيب مانا سيباك كويس..

 ليردف بعد ان تنهد.. مش سيبتيني يبقي هبقي كويس ازاي كده قوليلي طول مانت مش قدامي مش كويس رغم انك مابتروحيش من بالي اصلا. ونفسي اشوفك كل دقيقه.

لتحس بخفقات في قلبها لتردد محاوله ان تبدو جاده.. مش ملاحظ ان كلامك ده بدري شويه انت بتنط مراحل.

. ليضحك ويقول اعمل ايه اللي حاسس بيه ان وصلت لاخر مرحله اصلا ومش مستني انط هو اول يوم جاب اخري لتضحك عاليا ليهتف قلبي يا ناس والله ما مستحمل هشوفك امتي يا قمر

لتصمت هيا قليلا ليهمس ايه مش عايزه تشوفيني دانا انا اموت.

لتتنهد وتقول عايز تشوفني بجد.

ليهتف بلهفه.. هموت والله جيدا انا مش خفيف والله بس انت قلبتيني بقيت واحد تاني.

لتقول…. طب عايز اشوفني ليه بس.

ليهتف بهيام.. عشان مثلا قلبي دق وعايز اعرف دقاته وصلت لفين. مثلا عيوني شافت فراشه في شرنقتها نفسه ياخدها من الشرنقه جي او تدخله هيا شرنقتها. مثلا زيدان كبير السوق الجامد عايز يعرف ليه اللي قلبه ومش متحمل مايشفش القمر.

لتتنهد.. كلامك كتير . قوي.

ليهتف… والله حايش نفسي اقول تتخضي.. عايز اشوفك.

لتتنهد.. لتقول بص لو فاضي يعني لو مش مشغول..

ليقاطعها ولو مشغول افضالك يا فراشتي

لتخجل بشده… ممكن تسيبني اكمل كلمتين مابعرفش اتكلم كده..

ليضحك…. طب قولي كلي اذان صاغيه..

لتقول فيه شركه ميكب كبيره عامله حفله كبيره وانا مدعوه وَممكن اجيب معايا حد يعني لو تحب بس لو مش حابب عادي.

ليهتف.. مش حابب دانا حابب وفوق الحابب والع اه والله ال مش حابب ال دانا هتلاقيني راشق عندك من دلوقتي.

 لتضحك هيا… لا انا هديك العنوان وهستناك هناك بس ماتتاخرش .

ليقول… حد يتاخر عن قلبه الي بيرجف ده يا ناس

لتهتف بخجل… ماتبس بقه كلامك ده..

 ليقول طب لو بسيت ماهعرفش اكمل هتلاقيني منفجر في اي لحظه ماهو ماتقوليش بس وانا جوايا بيغلي… لتصمت ليقول ايه القمر ساكت ليه..

لترد بهمس.. مش عارفه ارد اقول ايه مابعرفش ارد علي كلامك..

 ليبتسم لا قريب قوي هعلمك تردي وتردي زي مانا عايز

لتقول ممازحه…. ايه هتعلمني وانا كبيره كده.. فاكرني ايه لا ماتتهاونش بيا انا متعلمه كل حاجه.

 ليضحك ويقول… لا يا قلبي فيه حاجات انت استحاله تكوني اتعلمتيها دانت بتقعي من كلمه.. دي سيبيهالي هعلمهالك عملي بس قدام شويه عشان لو دوست دلوقتي هتروحي مني ..

لتهتف قائله…. مش فاهمه..

لتصدح ضحكته عاليا… مانا عارف انك مش فهمه عشان كده هستمتع اوي وانا بعلمك..

لتبتسم وتقول…. ماشي يا سيدي اما نشوف هتعلمني حاجه حلوه والا ايه..

 ليهتف…. والله هيا بالنسبالي حاجه مفيش احلي من كده..تاخد العقل زي ماخدتي عقلي كده.. لتبتسم وتخجل ليهتف انا والله حاسس ان ساعتها هتموتي في ايدي دانتي بتحمري من كلمتين امال لو فعل بقه..

 احست بالنار دخلت اليها فجاه لتفهم جملته ويسمع شهقتها وخضتهاوتقفل السماعه بسرعه لترتفع ضحكته

 بينما هيا احست بالاشتعال.. ايه ده.. دا طلع قليل الادب.. كده يا زيدان اخص عليك قلبي هيقف..

اما زيدان ظل مبتسما مستمتعا بصغيرته الرائعه وخجلها الرائع.. ليتنهد اديني هصبر لحد مانوصل لليفل ده.. يا قلبك يا زيدان اللي هينفجر من مكانه.. كان يجلس حالما تائها في تلك التي خفق لها قلبه..

*********

دخلت كارما حزينه وتشتم ذلك الحقر الذي اخذ قبلتها الاولي لتدخل الي قسم التعيين لتجد موظفا ياتي اليها.. انسه كارما..

لتهتف ايوه

ليهتف… اتفضلي عشان هنمضي العقد لتذهب اليه فهي سعيده انها حصلت على تلك الوظيفه فهيا تحتاجها بشده لترحم امها من تعب العمل فامها كانت تجهز مستلزمات المطبخ للاخرين وتعمل مخبوزات بالطلب وكانت حالتهم الي حد ما ميسوره بجانب معاش والدها ولكنها تريد ان تريح امها لتنسعد انها ستقبل في تلك الوظيفه ليجلس الرجل َيهتف.. فيه تعديل بسيط في الوظيفه

لتهتف اوك ماعنديش مانع

ليهتف ايه مش هتعرفيه

لتهتف اكيد هعرفه بس انا كده كده موافقه يبقي نمضي وتروح تعرفني شغلي..

ليهتف طب عموما ادي العقد اتفضلي..

لتمسكه كارما علي الفور وتمضيه دون النظر فيه والسعاده ستقتلع قلبها لتعطيه له ليقوم ويستغرب منها انها مضت فورا لانها كانت سعيده والمرتب مجزي ولكنها لم تنظر الي العقد ليقوم ويهتف.. انت هتبقي سكرتيره لرئيس مجلس الاداره فيه نقص في مكتبه وانت اتعينتي فيه

ليخفق قلبها بسعاده وتسعد بشده لتهتف والنبي بجد طب الحَمد لله انا مبسوطه اوي..

ليهتف طب اتفضلي اوديكي

لتذهب معه وتدخل علي احد السكرتيرات ليقول الموظف

مدام ميار.. الانسه كارما السكرتيره الجديده..

لتتفحصها ميار. لتهتف.. اوك سيبها

لتقوم وتهتف ورايا..

لتدخلها احد المكاتب الكبري لتهتف اتفضلي علي ما البيه يجيلك وتركتها وخرجت..لتلف في المكتب وتدور وتشعر بالسعاده

دخلت كارما الي المكتب لتجده كبيرا كان به بانوراما زجاحيه رائعه تطل علي النيل ومكتب كبير وبالجانب انتريه جلدي وفي الركن الاخر طربيزه اجتماعات كبيره لتشهق.. ايه ده ملعب.. استاد القاهره الدولي يا هناكي يا كارما.. لتدخل وتتفحص المكتب وتذهب للكرسي.. ايه ده كل ده كرسي دا كرسي العرش لتجلس عليه وتدور به وتضحك.. وتهتف.. معاكو رئيسه مجلس الاداره كارما سليمان.. ياا تصفيق حاد لتضحك وتظل تدور بالكرسه وضحكتها تصدح لتسمع.. خلصتي فقره التنوره وركوب المراجيح يا شاطره..

لتتسمر مكانها لتبهت وتستدير رعبا لتجد ذلك الحقير الذي تركته بالاسفل لتهب من مكانها الله يخربيتك خضتني انت ايه اللي جابك هنا انت يابني معملي علي عمل قراضه حد قالك اني ناقصه اعاقه..لتذهب اليه مرتعبه.. الله يخربيتك قوم بتعمل ايه كان يمسك احد الاقلام في يده لتخطفه منه وتذهب للمكتب مرتبكه تضعه لتقع الاقلام علي المكتب لتميل تلتقط الاقلام وهيا تبرطم وتشتمه كانت جميله ظل يتاملها لفتره ولا يعلم ماذا جعله يعينها ولا يطردها ليظل يراقبها من اول شعرها القصير المنسدل علي كتفها لعيونها الجميله وانفها الصغير وتلك الشفتين الذي تاها فيهما وملمسهم ما زال يتوه فيهم لجسدها الرائع الذي يظهر من ملابسها البسيطه كانت بسيطه جميله ملامحها ملائكيه ولكنها عندما تتكلم تصبح كالفرسه. لتنتهي وتستدير له لتمد يدها وتمسك يده ليحس بلسعه داخله لتشده قوم قوم الله ينتقم منك هتفضحني انت عايز ترفدني صح انا لسه اشتغلت لما اترفد قوم يا طور قوم وظلت تشده.

ليشدها لتقع علي قدمه لتصرخ وترتعب وهو محاوطها واصبح مزاجه سعيدا فقط لمشاكستها وتامل رعبها لتصرخ منك لله منك لله قلبي هيقف الراجل هيخش هتفضحني ربنا يفضحك..

ليهتف…. ماتهمدي بقه صدعتيني..

لتندفع.. صدعتك. يا بومه ماتقوم تغور البيه هيجي يفلقك نصين خاف علي رزق عيشك يخربيتك.. قوم يا واد احنا غلابه انت ايه فائد

ليضحك بشده.. ليهتف اما تسكتي هقوم..

لتضع يدها علي فمها.. وتشير الي صمتها ليضحك لتهتف…. اديني اتهببت ما تقوم تغور وانا مش هنطق ولا هقول للبيه يخربيتك يلاا قوم

ليرفع حاجبيه.. يعني مش هتقوليلو يرفدني لو مشيت

لتتنهد.. عيب عليك انت صحيح طور بس انا ماخربش عيش حد انا بعرف قيمه الرزق ولو علي رقبتي.. احنا اه علي قدنا بس ما نخنش الغلابه دول عالم لو لدعوك يعوروك يلا قوم بقه وانا مسمحاك قوم بقه والنبي..

ليقوم ويقترب منها ويبتسم بخبث.. يعني سامحتيني لتهز راسها بغلب..

ليهتف ويمد يده ويقول وقد لمس شفتيها حتي دي سامحتي فيها هتقولي لحبيبك ايه..

لتشتعل مره اخري ليضحك بشده

لتقول…. تصدق انك تستاهل التهزيق وقله القيمه عيل متصابي ومحروم طب والله ماقايلالك امشي خليه يجي ويرشقك في الحيط وانت طول ضلفه الباب وهتبقي مهزا

ليذهب الي المكتب ويجلس عليه ويفتح احد الادراج.

لتشهق وتجري عليه وتمسك احد الطفايات وتهتف والله لو مديت ايدك لافلقك بالبتاعه دي ما تتلم بقه انت طايح ليه كده..

لينظر اليها َليقوم ويتقدم منها يلا يا شاطره اتكلمي علي ادك

لتهتف…. تصدق من زمان ما عورتش حد بس انت بقه جتلي وانت فائد يبقي تستاهل وحدفت عليه الطفايه ليتفاداها بذراعه ليتالم ليشعر بالغضب لينظر اليها ويتقدم منها ورات الغضب في عينه.

لتهتف.. ايه بتبصلي كده ليه تستاهل انت اللي مش محترم جاي ورايا ليه ماتغور تقعد عالدكه تحت ان شالله الشمس تلحس دماغك.

ليقترب منها ويلصقها في الحائط ليقول.. تصدقي عايز اطبق في زماره رقبتك اخلص عليكي.

كانت ترتجف الا انها تشجعت.. زماره رقبتي ليه مالهاش صاحب فاكرني هخاف مانا كمان هطبق في زماره رقبتك وزمرتك مش احسن من زمارتي ولاااا ابعد بقه الراجل هيجي يقول ايه ماتتزفت بقه في يومك القطران يا رب عملت ايه اسود عشان ده يتحدف عليا

ليهتف…. انا برضه اللي اتحدفت دانتي مصيبه واتحدفت علي بلد..

لتهتف…. طب شكرا يلا بقه زق عجلك وروح ولما انزل هاخدك اعالجك انا عارفه الخانكه بيهربو منها كتير يلا بقه الدكه تناديك.. انت يبني مابتتعبش.. لا هتتعب ايه بعضلاتك دي لتضغط علي عضلاته.. ودول نفخ والا منشطاط

لينظر اليها مصعوقا ليمسك رقبتها ويضغط عليها

لتهتف…. ايه ايه هتقتلني انا لسه صغننه اعقل يا هولاكو عضلاتك تهون عليك تقضي بقيه نفخهم في السجن اعقل والله لما اتعين واستقر هشوفك بانبولين منشطاط اعرف واحد بيبعهم يلا بقه ليضغط عليها لتختنق.. الله يخربيتك هموت كانت تخبطه ليهتف بحنق اخرسي.. لتهز راسها ليبعد يده ويستدير.

لتتنهد وتهتف عبوشكلك بقره مهجنه.. هنا لم يستطع ان يتحكم في نفسه واستدار وهو غاضب ليهتف تصدقي هبقي فرحان وانا بلمك ولما يجي حبيبك هنعد احنا عملنا كام ليشدها اليه ويلتهم شفتيها بعنف وهيا مصدومه لتخبطه وتضربه وهو لا يفعل شيئا الا يتحكم فيها ويقبلها لتحس انها بدات تدوخ وكانت ستقع منه ليدفعها.. يخربيتك يا شيخه ايه ده..

ليستدير ليحس فجاه بجسدها عليه من الخلف فقد قفزت عليه ومسكته من رقبته.. لتهتف بغضب لو فاكر انك معضل انا بقه معقربه والله اموتك عشان تقل ادبك يا عضله البهايم يا ذوات الاربع كانت تركب عليه وتخنقه وتشد شعره وتهتف انت اللي جبته لنفسك وانا خلاص قفشتك والبيه هيجي يطردك بره يا عجل البحر انت.

ليشدها من عليه بعنف ليحملها علي كتفه ويدور بها وينزل بها علي الكنبه لتصرخ من عنفه.. اه يا طور ضهري ليركن عليها غاضبا ليهتف انت يا بت متخلفه جايه من الخانكه هربانه برخصه.. اتخبلتي مش عارفه انا مين.

لتحاول ان تضربه لتهتف هتكون مين يا زفت انت واحد مجنون انت شارب ايه الله يخربيتك البيه هيخش يشفنا كده هتفضحني وهترفد هيقول ايه.

ليظل ينظر اليها ويبتسم.. ايه مش عاجب سياتك.

لتنظر غاضبه…. تعجب مين انت دانت تعجب ام اربعه واربعين دوده القز اخرك تتجوز سحليه بديلين وسع بقه

لينظر مبهوتا…. انا اتجوز سحليه انا.

لتهتف… طب خلاص هجوزك عرسه شكلك يلا قوم الله ينتقم منك عيب كده بلزقه امك دي.

ليمد يده ويشدد علي وسطها لتصرخ ابعد بقه.

ليهتف طب لو مابعدتش هتعملي ايه ماتقولي..

لتتنهد.. يابني بقه هنترفد كلنا منك لله الراجل زمانته جاي يا رب عالسداغه.

ليضحك انت مالك شايفه نفسك كده مين اللي سدغ دانا بيتحدفو عليا حدف..

لتهتف اه.. ماهم معاقين.. عندهم العضال.. وسع بقه بغلاستك دي

ليهتف طب مش هوسع ليقترب من وجهها لتنهج…. والله اموتك لوعملتها تاني.

ليضحك لا هتبقي تالت مش تاني وممكن اعملها تاني وعاشر كَمان ايه رايك عشان تقطمي مانت مابتسكتيش الا بكده. وساعتها حبيبيك هيعرف اني علمت عليكي قبله لما هريتك.

لتصرخ…. حبتك عقربه ولااا اعقل بقه.

لينظر اليها مذهولا…. ولا انا ولا..طب ايه رايك الولا هيربيكي ويخليكي تقطمي وتقلبي بطه بلدي وانهال عليها يقبلها بعنف وقوه حتي انقطعت انفاسها لترتخي بين يديه ليبتعد ويركن عليها ليهمس يخربيت كده فيه ايه.. ايه دول… يخبلو يا بنت الايه… اما هيا كانت تنهج بشده وعيونها قد دمعت لتهمس كفايه عيب بقه مش ليك دول كفايه.. سيبني بقه

ليبتسم فهيا جميله ووجهها محمر ليهتف اسيبك ليتلمس شفتيها ويظل ينظر اليهَ. هسيبك بس بشرط لترفع عيونها.. تتاسفي..

لتنظر اليه غاضبه لتهتف انا ماغلطش انت اللي طور.

ليقرصها من خدها برضه تاني ليهم ان يقبلها لتهتف مسرعه بطل خلاص والله معلش معلش بطل.

ليتنهد خايفه اوي لابوسك انت تطولي

لتهتف مش عايزه اطول وعيب بقه مش من حقك انا ليا حبيب ده حقه.

ليرفع جبينه…. ليكي حبيب مش قلتي مفيش.

لتنظراليه…. ماسوف يكون انت مالك الله.

ليهتف…. انت لاسعه صح حد يقول علي نفسه ليا حبيب وانت مالكيش بتقطعي علي روحك

لتهتف…. انت مالك نفسي اعرف.

ليغمز لها.. ايه ماشبهش مش جايز يوزني عقلي وابصلك.

لتنظر اليه غاضبه…. نعم نعم مين ده ياخويا ربنا يشفيك روح بص لسحليه تنفعك.

ليهتف بسخريه…. ايه وسيادتك ماتنفعيش.

لتهتف….. لا ماتنفعش هبصلك ليه انا.

ليرفع حاجبيه.. ايه عشان سيكيورتي عايزه رئيس مجلس الاداره مثلا.

لتهتف بصدق.. انت واحد فاضي من جوا سيكيورتي ايه يا غلبان ورئيس ايه انا لو قلبي دق لزبال هرضي بنصيبي انا مش بتاعه مناصب وعمري َمابصيت لحاجه مش ليا لينظر اليها باعجاب ويسهم فيها ليهمس هو فيه كده..يعني لو وقعتي فيا وانا سيكيوراي هترضي عادي البنات بتدور عالدنيا الحلوه.

لتتنهد وتتذكر حياتها ووحدتها لتهمس بلين وسرحان اخذ قلبه … الدنيا الحلوه… الدنيا الحلوه مشاعر تدخل القلب. سند يضمك ليك في عز وحدتك. ايد تطبطب عليك في خنقتك. صدر حنين تنام عليه واول ماتدخله تنسي تعبك وقسوه الايام والسنين. الدنيا الحلوه مش فلوس الدنيا الحلوه قلب يبقالك حبيب. حبيب عمره مايوجع ولا يسيب كانت ساهمه تتكلم بلين ونظراتها شارده تفكر فيما ينقص حياتها ليرفع يده لا اراديا ليداعب خدها لتغمض عينها وتتنهد اما هو فقد تلبسته حاله غريبه فهو جراح الدالي العنفوان نفسه والصلابه ليس له في المشاعر. حياته عمل وفقط لتاتي كلماتها تصيبه في الصميم . لتفتح عيونها لتجده شاردا فيها لتهمس ابعد من فضلك. ليقوم ويده علي وسطها.

لتبعده وتهتف…. ابعد بقه الله وتذهب بعيدا وهيا تنهج من قربه

ليذهب الي المكتب ويرفع التليفون ويهتف.. تعالي يا مرام..

لتدخل عليهم السكرتيره وتهتف تحت امرك جراح بيه.. لينخرط في التحدث معها في امور الشركه لتهتف السيده.. تمام جراح بيه تحت امرك اللي تأمر بيه.. لينتهي ويلتفت لتلك التي تجمدت مكانها و

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية فراشه فوق النار)