رواية عشر خطوات للجحيم الفصل الرابع 4 بقلم روزان مصطفى
رواية عشر خطوات للجحيم الجزء الرابع
رواية عشر خطوات للجحيم البارت الرابع
رواية عشر خطوات للجحيم الحلقة الرابعة
إكتشفت إن في حجات بعملها في يومي غلط وأنا مش واخدة بالي ومعتبراه شيء عادي ، حاولت أراجع تصرفاتي قبل ما أستنفذ الخطوات المتبقية ليا .. فشلت أركز أنا بغلط ف أيه كمان
قلبي وجعني من كتر الخوف ، الشباك بقى شيء يرعبني مبقتش أحب أبصله ، ف قررت بدل حيرتي دي أنزل أشتري دهانات الصبح ..
صباح تاني يوم نزلت ودخلت المحل وجبت علبة دهان إسود صغيرة ووقفت على الكاشير عشان أحاسب ، حاسبت عليها وخرجت من المحل وحطيت العلبة جمبي في عربية ماما وبدأت أسوق ، العربية اللي جمبي كان فيها واد زي القمر حقيقي ، بس جمبه بنت
فردت شعري وإحنا واقفين في الاشارة وبدأت أبصله وأتحرك كدا
لفت نظره حركة في العربية اللي جمبيه ف بصلي !
روحت فتحت الشباك وورميتله ورقة غيها رقمي
البنت اللي جمبه شافتني فاتحة الشباك وببصله راحت متخانقة معاه وغالباً كانت هتعيط
الإشارة فتحت ف إتحركت وعديتها
وصلت البيت أخيراً لقيت ماما بتطبخ روحت داخلة أوضتي ، فتحت علبة الدهانات وبدأت أدهن الشباك باللون الأسود وأنا بقول : إبقى وريني بقى هتجيلي فين
خلصت دهن الشباك وطلعت أشوف ماما طابخة آيه
لقيتها عاملة مكرونة بشاميل وبانيه
قولتلها بفرحة : الله بعشق الأكلة دي
ماما وهي بتخلص الأكل : بقولك أيه جارتنا اللي تحت بايته مع أختها وسايبة بنتها في البيت لوحدها وأكيد البنت جعانة ، أعملها طبق وتنزليه
أنا بعصبية : وإحنا مالنا يا ماما ، الأكل يادوب على قدنا إنتي جاية على أكتر أكلة بحبها وتقولي ننزلهم منها !
والدتها بتعب : يا بت حرام عليكي أمها مش معاها
أنا بعصبية : لا يعني لا الأكل دا لينا هي تقدر تطلب دليفري أو تعمل ساندوتش جبنه
فضلت طول اليوم بعد الغدا في الصالة بتفرج على التليفزيون قناة رعب فتحت جديد
لما حسيت بالنوم قولت أروح الأوضة ، دخلت وبصيت على الشباك بإنتصار كدا وقولت أفك البنس اللي في شعري قدام المرايا
لقيته ظهرلي جوا المرايا ! صوتت بأعلى ما فيا راح قال : فاضلك ٣ خطوات ، طبعاً إنتي عارفة ليه !
أنا برعب وأنا بزحف لورا على الارض : عش عشان رقم الواد وخناقته مع البت .. وعشان جارتنا
هو بغضب وغيظ : وعشان دهنتي الشباك ، حتى الصوت الصح اللي بيحاول يعدل حياتك عاوزة تلغيه .. إنتي تستحقي أبشع عقاب في العالم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشر خطوات للجحيم)
