رواية بقلبك نبضي الفصل الثاني 2 بقلم نشوة عادل
رواية بقلبك نبضي الجزء الثاني
رواية بقلبك نبضي البارت الثاني
رواية بقلبك نبضي الحلقة الثانية
-مروان بصراحة بابا عاوزنا نسافر ليه نقضى معاه الاجازة
مروان: وماله يا ماما توصلى بالسلامة ان شاء الله
نيڤين: هو ايه اللى توصلى بالسلامة انا وانت هنسافر ليه مش انا لوحدى
مروان: اسف يا ماما انا مش هسافر معاكى
نيڤين بغضب: نعععععم! يعنى ايه الكلام ده هتقعد هنا مع مين ان شاء الله؟
مروان: انا مش عيل صغير عشان افضل لوحدى هنا انا هعرف ازاى اتعامل اوصلى انتى بالسلامة ومتشغليش بالك بيا
بقلم/نشوه عادل
مشى مروان قبل ما نيڤين تكمل كلامها مسكت الفون وكان جمال لسه ع الخط: شايف ابنك وعمايله عشان كده قولتلك مينفعش تفضل بعيد عنه
جمال: ممكن تهدى شويه وبعدين انا قولتلك بدل المرة مليون السن ده مينفعش معاه العناد وبعدين انتى تاعبة نفسك ليه احنا عندنا اللى يقنعه
نيڤين: مش فاهمة مين هو اللى هيقنعه!؟
جمال: شروق هيكون مين غيرها
نيڤين بضحك: تصدق ضحكتنى شروق اللى هتقنعه شروق لو عرفت انه هيسافر هتقلب الدنيا
جمال: حبيبتى هدية حلوة منك واوعديها انك هتجيبى ليها هدية برضه لما ترجعوا بالسلامة الدنيا هتمشى
نيڤين بتنهيدة: اوك هحاول
بالفعل نيڤين جابت هدية حلوة لشروق وطلبت منها تقنع مروان بالسفر ولانها نقطة ضعفه الوحيدة وافقت ومكنتش تعرف ان دى اخر مرة هتشوفه فيها … بعد مرور شهرين من وصول مروان الامارات عند والده عملوا حادثة وماتت نيڤين وجمال اتشل ومبقاش يمشى وبقى ع كرسى متحرك حاول مروان يوصل لشروق كتير او لحد من اهلها ولكنه فشل
مروان: بابا اظن احنا لازم ننزل مصر تانى كفاية علينا غربة واللى شفناه منها
جمال: مينفعش يا مروان
مروان: يعنى ايه اومال هنفضل هنا ليه؟
جمال: شغلى ودنيتى هنا وبعدين احنا لينا مين هناك عشان ننزله
مروان: ليا شروق ودى اهم حد عندى فى الدنيا بعد ربنا وحضرتك
جمال: انا ولا شروق يا مروان؟!
مروان انصدم من سؤال ابوه: ايه اللى حضرتك بتقوله ده؟
جمال: اسمع يا مروان لو حابب ترجع مصر انا مش همنعك بس وقتها اعتبرنى موت وادفنت مع امك
بقلم/نشوه عادل
سابه ودخل اوضته اما مروان حاول يلاقى شروق بكل الطرق ولكنه فشل ….. وبعد مرور 10 سنين اتخرج مروان من كلية الهندسة ومكنش ليه غير صديق واحد مصرى اسمه خالد
خالد: شد حيلك يا مروان عمو جمال كان غالى عندى وكنت بعتبره زى ابويا
مروان: ونعم بالله يا خالد
خالد: طيب وناوى ع ايه دلوقتى؟!
مروان: هصفى كل الشغل اللى هنا وهرجع مصر اظن ان الاوان جه ارجع بلدى
خالد: تمام يا صاحبى وانا هجهز كل الإجراءات متقلقش
مروان: لو مش حابب ترجع معايا خليك هنا وممكن الفرع اللى هنا يفضل شغال وانت تمسكه وانا لما انزل هعمل فرع هناك
خالد بابتسامة: عيب عليك هفضل هنا لمين انا مليش غيرك ومكان ما تكون رجلى ع رجلك غصب عنك مش برضاك
احتضنه مروان بشدة: ربنا يخليك ليا يا صاحبى مش عارف لو انت مش موجود كان هيبقى حالى ايه
خالد: طب كفاية صعبنيات لحد كده لانى كده هضعف وابوسك من بوقك
مروان: لا ده انا لسه ولد ولود😂
خالد: غور يالا
فى بيت فى شرم الشيخ صحيت شروق من النوم وكانت ندى بتحضر الفطار
ندى: صباح الخير يا حبيبتى
شروق: صباح الهنا يا حياتى انا
ندى: هتروحى الشغل؟
شروق: هو انا ورايا غيره هنزل انا بقى عشان متأخرش … نزلت شروق وبصت ع الحظاظة وقالت: مش ناوى ترجع بقى وتجمعنا الايام اللى فرقتنا
فى نفس الوقت كان مروان ماسك النص التانى منها وبيقول: هانت وهرجعلك يا شروقى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بقلبك نبضي)
