رواية جمعنا القدر الفصل العاشر 10 بقلم زينب محروس
 |
| رواية جمعنا القدر الفصل العاشر 10 بقلم زينب محروس |
رواية جمعنا القدر الفصل العاشر 10 بقلم زينب محروس
مروان : اهو وصلوا
وقف عامر و صباح و عم الصمت المكان …….
عامر : معقول …. ناهد
صباح ???? : ناهد انتى عايشة
ناهد بابتسامة : ايه مش عايزين تسلموا عليا ولا ايه ….. موحشتكوش
ذهب اليها عامر وصباح واحتضنوها
ناهد : وحشتونى اوى
عامر : انتى كمان وحشتينا
صباح : انا مش مصدقة نفسى
ناهد : لاء صدقى … انا عايشة وكل دا بفضل الله ثم ….. نادية
عامر : نادية
ناهد : اه نادية ….. ادخلى يا نادية
لتدخل نادية
عامر : انتى ازاى جايلك عين تيجى هنا
مروان : اصبر يا بابا لما تعرف الحقيقة الاول وبعدين اتصرف
عامر : انت عارف ايه اللى حصل …
مروان : اه عارف بس اللى انت متعرفهوش ان عمتى مظلومة
ايسيل : فى ايه …… احنا مش فاهمين حاجة
مروان : من خمسة وعشرين سنة … عمتى ناهد كانت متجوزة من اسامة الصايغ …. بس هوا كان طمعان فيها وكان بيخونها وعمتى نادية شافته مرة مع السكرتيرة بتاعته وشكت فيه وفضلت تراقبه لحد ماعرفت انه بيخون عمتى ناهد …. وطمعان فيها و مش بيحبها وقالت لعمتى ناهد وبابا الحقيقة وطبعا عمتى ناهد طلبت الطلاق وبابا طلقها منه وطرده من الشغل لانه كان بيشتغل عند بابا فى الشركة … فكرر اسامة انه ينتقم منهم وياخد املاكهم اللى هى سبب جوازه من عمتى فى الاساس ويفرق بينهم واستغل عمتى نادية وكان بيهددها انها تعطيله فلوس والا هيقتل بابا وعمتى ناهد وصورها وهى بتديله فلوس و جاب تسجيلات صوت مزيفة على اساس انها بتتفق معاه على قتل بابا وعمتى …. وفعلا حاول يقتل عمتى ناهد و لعب فى فرامل عربيتها و عملت حادثة وحالتها كانت خطر والدكتور قال انها ماتت بس هى كانت عايشة
ايسيل : طب ليه الدكتور قال انها ماتت؟
مروان : اسامة اعطى فلوس للممرضة مقابل انها تعطى لعمتى حقنة هوا وهددها لو معملتش كدا هيقتل اهلها بس الممرضة قالت للدكتور … والدكتور حط جثة واحدة تانية واخد عمتى عالجها فى بيته ….. ولما عرف اسامة انها ماتت بعت لباب تسجيلات الصوت والصور اللى بدل وشه فيها بوش متغطى بقناع وصور تانية لعمتى وهى بتلعب فى فرامل العربية وبرده صور مزيفة وبابا اتخانق مع عمتى ومقدرش يبلغ عنها وطردها من البيت … وجوز عمتى لما عرف اخد ابنها وسافر برا البلد و عمتى كانت حامل فى توأم بس محدش كان عارف … ولما ولدت اسامة خطف بنت واحدة لانه مكنش يعرف انهم بنتين مش واحدة ….. بس الغبى استخدم نفس السلاح بس المرة دى ضد بابا … وبعت لعمتى صور وهو بيدفن البنت واتصل بها وقالها انا تبع رجالة بابا الى خطفوا البنت وانها ماتت ودفنوها … بس عمتى طبعا مصدقتش ان بابا ممكن يعمل حاجة زى كدا و بالصدفة قابلت الدكتور اللى بيعالج عمتى ناهد وحكالها على كل حاجة واخدها عشان تشوف عمتى ناهد واخدتها معاها وسافروا برا عند جوزها وعمتى نادية حكتله على كل حاجة وتهديد اسامة ليها بقتل بابا وعمتى ناهد ….. وطبعا عمتى ناهد كانت معاها و حكت لجوز عمتى على موضوع الممرضة …. بس جوز عمتى نادية كان مريض قلب ومات وبعدين اتجوزت محمد السيوفى ونزلوا مصر من خمس سنين عشان الشغل وسابت ولادها مع عمتى ناهد ولحسن الحظ قابلت اسامة ومثلت انها بتكره بابا وعايزة تنتقم منه بسبب موت بنتها و اتفقت معاه انها تساعده عشان يدمروا بابا …… وهى تجيب ادلة للمصايب اللى بيعملها وطول السنين دى بتجمع فى الادلة … و انا ومراد وكرم كانت مهمتنا هى القبض على اسامة بتهمت تجارة المخدرات والاعضاء
صباح : طب و انت قابلتهم فين ؟
مروان : لما كنت مسافر اتعرفت على عدى… وفى مرة وهو تعبان كنا رايحين نشوفه انا ومراد وشفت عمتى ناهد وعرفتها علطول لان ليها صور عندنا وهى حكتلى على كل حاجة …. وعمتى نادية فى الوقت ده كانت جاية عشان تشوف عيالها واخته وتطمن عليهم ….. …. ولما عرفت انى ماسك قضية اسامة اتفقت معاها تدينا الادلة … و من ساعتها وانا على تواصل معاها وكانت عايزة تشوفك يابابا فا خليتها تكمل معانا هى الصفقة بدل جوزها
عامر ???????? : انا اسف يا نادية ظلمتك اوى وقسيت عليكى كان لازم اصدقك
نادية ???????? : لاء يا عامر انت مش ذنبك حاجة كل الادلة كانت ضدى
عامر ???????? : انا اسف يا نادية سمحينى يا اختى
نادية ????????: انا مسمحاك يا حبيبى مسمحاك يا اخويا وابويا وسندى
عامر وهو يفتح زراعيه : مش عايزة تحضنى اخوكى
نادية وهى تحتضنه : ربنا يخليك لينا يا حبيبى ومنتحرمش منك
عمر وهو يشير لناهد : تعال يا ناهد وضمهم الاثنين
وظلوا يبكون فاليوم بعد فراق خمسة وعشرون عاما اجتمعوا مرة اخرى
نور بمرح لكى تخرجهم من هذا الجو : ايه يا جماعة انتوا عازمينا هنا عشان تنكدوا علينا ولا ايه ….. انتوا بخيلين ولا ايه .
ضحك الجميع
عامر : ايه يا عدى انت و مليكة مش عايزين تسلموا على خالكم ولا ايه
مليكة : عايزين طبعا دا احنا مستنين اللحظة دى من زمان
وذهبت واحتضنته وكذالك عدى ايضا
ناهد : سبحان الله …. هوا فيه كدا
فنظروا جميعا الى ماتنظر اليه … وجدوها تنظر إلى قدر
مروان : هى دى بقا المفاجأة التانية ….. قدر خالد الهلالى مراتى و…… بنت عمتى
نظر له الجميع باستغراب ما عدا عدى الذى اكمل
عدى : واختى … توأم مليكة اللى اتخطفت
قدر : انتوا بتقولوا ايه ؟!
مروان : دى الحقيقة خالد الهلالى رجل الاعمال اللى مكنش بيخلف …. انتى البنت اللى خطفها اسامة وباعك لخالد الهلالى …. اسامة كان مصاحب خالد الهلالى ولما عرف انه مش بيخلف قاله ان فى ناس بتبيع اطفال ايتام وخالد وافق واخدك ….. بس بعدها خالد عرف ان اسامة بيتاجر فى الممنوعات ولما واجهه اسامة خلاه يمضى على اوراق تنازل عن كل املاكه وحطله قنبلة فى العربية هو ومراته وكان بيحسبك معاهم . ولما شفت الشبه اللى بينكوا مكنتش مصدق شكيت انكوا ممكن تكونوا اخوات بس شيات الفكرة من دماغى ايه اللى يجيب الشامى جنب المغربة و لما خرجنا كلنا فى الملاهى فكرت انى اعمل تحليل عشان اتاكد ….. فاكرة لما كنتى بتقطعى تفاح وايدك اتجرحت .. انا اخدت المنديل اللى كان عليه دم وطلبت من عمتى عينة من دمها وعملت تحليل الحمض النووى وعرفت انك بنت عمتى توام مليكة ….. و رغم ان عمتى هى اللى أنقذتك لما سمر و ابوها حاولوا يقتلوكى بس مقدرتش تشوف و شك .. .
قدر تسمع وتبكى وهى تحول انظارها بين نادية و مليكة وعدى
سارت نادية بخطوات بطيئة حتى وصلت الى قدر ودموعها لا تتوقف ثم وقفت امامها ورفعت يديها تمسح على وجه قدر : ???????????? بنتى عايشة … وحشتينى اوى يا قلب امك كنت بتمنى لو اخدك فى حضنى … ???????????? انا مبسوطة اوى ثم نظرت لمليكة و عدى اللذين كانوا يبكون ايضا ثم قالت ….. اختكم عايشة قدر توأمك يا مليكة
ثم نظرت الى قدر مرة اخرة واحتضنتها و قدر تبكى هى الأخرى وقالت من بين بكائها … ماما
نادية بضحك وبكاء : روح ماما قوليها تانى يا قدر
قدر ???????? : ماما …. ماما
وذهبت اليها مليكة واحتضنتها … واحتضنها عدى ايضا و ما زالوا يبكون …. والجميع يبكى بلا استثناء
نور وهى تمسح دموعها : طب وربنا انتوا جايبنا هنا تنكدوا علينا … يا جماعة حرام عليكوا عصافير بطنى بتعيط من كتر الجوع .. مفيش عندكوا اكل ولا ايه
الجميع : ????????????????????
ايسيل : يا جدعان حد ياكلها احس تاكلنا
عامر : واخيرا عيلتنا كلها مع بعض
ناهد: يا رب دايما
الجميع : يا رب
وذهبوا جميعا لتناول العشاء ولكن بعض ان سلمت قدر على ناهد
ومن اليوم لم تعد قدر الهلالى بل قدر المهدى ..
بقلمى : زينب محروس
بعد ان انتهوا من تناول العشاء جلسوا جميعا فى الصالون يتحدثون لبعض الوقت
مراد : يلا يا جماعة نستأذن احنا بقا
عامر : لسة بدرى خليكوا قاعدين
كرم : مرة تانية بقا يا عمى الوقت اتأخر يلا تصبحوا على خير
وغادر مراد واخوته الى منزلهم
عدى : مش يلا بقا يا ماما لازم نمشى
عامر : تمشوا تروحوا فين انتوا هتفضلوا هنا ….
نادية : مينفعش لسة لما نخلص من اسامة الأول
صباح : خلاص ناهد و الولاد يفضلوا معانا
نادية : مفيش مشكلة …..
عدى : مش هينفع يا ماما احنا هنرجع بيتنا
قدر : عدى خليكوا عشان خاطرى
مليكة : يلا يا عدى انا عايزة افضل مع العيلة هنا
مروان : خليك بقا يا عدى هتقعد هناك لوحدك … كدا كدا عمتى نادية مش معاكم فى نفس البيت
عدى : خلاص يا جماعة موافق بس بكرة …
مليكة : بس احنا هنفضل هنا انا و ماما ناهد
عدى : طيب يلا يا ماما عشان اوصلك
نادية : يلا …. مع السلامة
الجميع : مع السلامة
وذهبت نادية و عدى و صعد البنات الى غرفتهم
مليكة : انا مبسوطة اوى كان نفسى يكون عندى اخت بقى عندى اتنين بدل واحدة
قدر : انا كمان مبسوطة و فرحانة اوى
ايسيل بزعل مصتنع : ياعينى عليا اكيد يا قدر معتيش هتحبينى زى الاول
قدر : لاء طبعا انتى بتقولى ايه هتفضلى على طول اختى … انتى اه صح بنت خالى بس هتفضلى اختى علطول انتوا كمان عيلتى انا دلوقتى بقا عندى اتنين ماما و بابا عامر و عندى اخ و بنتين حلوين زيكم اخواتى ….. اوعى تقولى تانى انى مش هحبك عشان مزعلش منك .
وضمت قدر الفتاتان
ايسيل : انا بحبك اوى يا قدر ربنا يخليكى ليا
قدر : و يخليكى ليا يا قلبى .
مليكة : اسمعوا بقا اخرجوا من جو العواطف دا وضمو السراير على بعض عشان ننام كلنا جنب بعض
ايسيل : اشطا فكرة حلوة
قدر : تمام … بس احنا هنقدر
ايسيل : اومال مروان بيعمل ايه فى البيت
مليكة : مروان ايه يا بنتى مش مستاهل … احنا التلاتة نجرب ولو فشلنا نطلب من مروان يساعدنا
قدر : ماشى
ايسيل : يلا انا من هنا وانتوا من الجهة التانية
بعد ان حركوا السريرين بجانب بعضهم
مليكة : اه ضهرى اطقتم
ايسيل : منك لله …. قال خلينا نجرب و مش مستاهل هوا فعلا كسر دهرنا بس
قدر : انا راحة اغير و انام عشان تعبت فى المول النهاردة
مليكة : طب انا هنام كدا ازاى
ايسيل : عندك الدولاب البسى الى انتى عايزاه
♡♡♡♡♡♡♡♡♡♡♡♡♡♡♡♡♡♡
فى الصباح
استيقظت الفتيات و ابدلن ملابسهن و ادين فريضتهن و نزلن الى الاسفل .
صباح : صباح الخير يا ورداتى
البنات : صباح النور
مليكة : اومال ماما ناهد فين
صباح : فى المطبخ خرجت الطباخة بره و مصرة انها اللى هتجهز الفطار
مليكة : هروح اصبح عليها
ايسيل و قدر : استنى هنيجى معاكى
وذهبوا الى المطبخ و جدوا ناهد تغنى و هى تجهز الافطار
مليكة : صباح الخير يا جميل
ناهد : صباح الفل عليكم يا حلوين تعالوا يلا حولوا الاكل على السفرة
مليكة : بس كدا من عنينا
ناهد : تسلم عنيكى يا قلبى
و و ضعوا الطعام على السفرة و جلسوا جميعا ليتناولوا طعامهم….. وبعد الافطار
مروان : مليكة هو عدى بيصحى متاخر
مليكة : لما بيسهر يقرأ بيقوم متاخر … ليه ؟
مروان : اصل باتصل عليه مش بيرد
مليكة : لاء متقلقش زمانه نايم .
مروان : تمام
قدر تعالوا نخرج برا فى الجنينة
ايسيل : يلا
و خرجوا فى الجنينة و ظلوا يتحدثون و لكن قاطعهم رنين هاتف مليكة
مليكة : ثوانى يا بنات وراجعة
وبعدت عنهم حتى وصلت الى المسبح و كانت تتحدث مع عدى …. ولم ترى انها ترجع الى الخلف حتى سقطت فى المسبح و ما ان سقطت حتى بدات بالصريخ فهى لا توجيد السباحة و فى نفس الوقت كان مراد يوصل نور و عندما رأها ركض اليها …. والقى بنفسه ليخرجها من حمام السباحة
مراد : اهدى يا مليكة …. امسكى فيا عشان نخرج
مليكة : طيب …. و تعلقت برقبته و اخرجها مراد من الماء
تجمعت العائلة على صريخها
قدر : مليكة انتى كويسة
مليكة : اه تمام الحمد الله
قدر : شكرا يا مراد
مراد : الشكر لله اهم حاجة انها كويسة
صباح : لازم تغيرى عشان متخديش برد …. وانت كمان يا ابنى لازم تغير هدومك اطلع غير فى اوضة مروان
مراد :لاء يا طنط ملهاش لزوم انا كدا كدا كنت بوصل نور و مروح
ناهد : طيب غير هدومك الاول
مراد : مش مشكلة هغير لما اروح ….. هو مروان فين
قدر : خرج راح المكتب
مراد : طيب استأذن انا بقى … مع السلامة
و غادر مراد و صعدت مليكة الى الاعلى لتبدل ملابسها
وبعد ان انتهت جلسوا سويا
ايسيل : احنا رايحين شبكة بليل يا بنات ايه رايكوا تيجوا معانا
نور : والله فكرة و نغير جو …. هرن على مراد اعرفه
قدر : تمام انا هنزل اجيب العصير و الفشار زمان الدادة عملتهم
ايسيل : استنى هاجى معاكى
نور : يا دى الحظ الزفت
مليكة : فى ايه
نور : الرصيد خلص
مليكة : خدى اتكلمى من بتاعى
نور : اوك هاتى ……. و ادخلت رقم مراد و اتصلت عليه
مراد : السلام عليكم …. مين معايا
نور : انا نور يا مراد
مراد : نور …. بتكلمينى من تليفون مين و فين بتاعك
نور : الرصيد خلصان فى فونى و دا فون مليكة
مراد : طيب فى حاجة
نور : البنات رايحين خطوبة بالليل و كنت عايزة اروح معاهم
مراد : طيب براحتك بس متتاخروش
نور : شكرا يا مراد انت احسن اخ فى الدنيا
مراد:???????????? يلا يا بكاشة سلام عشان عندى شغل
نور : سلام
♡♡♡♡♡♡♡♡♡♡♡♡♡♡♡♡♡♡
بعدما اوصل عدى نادية الى المنزل و غادر سمعت طرقات عنيفة على الباب
نادية : حاضر جاية ….. استر يا رب ……… و بعد ان فتحت الباب قالة باستغراب : اسامة خير ايه اللى جايبك دلوقتى
اسامة : مش هتقوليلى اتفضل و لا هتسبينى واقف على الباب
نادية : لاء اتفضل ……. و مجرد ان دخل وقفلت الباب حتى امسكها من حجابها بشدة حتى صرخت
نادية بالم : فى ايه ماسكنى كدا ليه انت بتوجعنى
اسامة : انا كدا بوجعك يا بنت ال****** انت لسا شوفتى و جع دا انتى ايامك سودا هخليكى تتمنى الموت و مش هطوليه .
نادية : ليه بس انا عملت ايه
أسامة : بقى مش عارفة انت عملتى ايه … بقى انا يضحك عليا من واحدة زيك …. انا هوريكى يا بنت ال **** بقى بتتفقى عليا انتى وابن اخوكى …..
ثم ظل يضربها حتى خارت قواها ثم امر رجاله ان يحملوها و اخذها و حبسها فى المخزن
♡♡♡♡♡♡♡♡♡♡♡♡♡♡♡♡♡♡
عند مراد و مروان
مروان : اعمل حسابك يا مراد صفقة اسامة هتتم كمان سبع ايام
مراد : دا تانى يوم فرحك
مروان : اه
مراد : طب واخوه هيسيبه كدا
مروان : حبه للفلوس اكترمن حبه لاخوه …… دا الى زى ده يبيع امه نفسها عشان الفلوس
مراد : اهم حاجة نخلص منهم القضية دى من زمان و انا زهقت منهم
مروان : هتخلص انشاء الله متقلقش
مراد : اه صح انا كنت جاي اعرفك انه بدا يشك فى عمتك فخلى بالك .
مروان : من امته الكلام ده
مراد : من يومين بيخلى حد يراقبها
مروان : ازى متقوليش حاجة زى دى
مراد : انا لسة عارف حالا …..
مروان : ربنا يستر و ميكونش عرف انها معانا .
بقلمى : زينب محروس
فى المساء فى غرفة البنات
نور : انا هروح يابنات عشان اجهز على ما انتو تجهزوا
قدر : استنى بدل ما تروحى و تيجى تانى نجهز ونيجى معاكى
ايسيل بس كدا هنتأخر
مليكة : خلاص انا بجهز بسرعة استنى هلبس واجى معاكى ….. و قدر وايسيل يخلصوا ويجولنا عند بيتك
نور : تمام يلا
وابدلت مليكة ملابسها و ذهبت مع نور لكى تبدل ملابسها هى الاخرى
فى منزل نور
نور : استغفر الله العظيم
مليكة : فى ايه
نور : الصندل على الدولاب فى اوضة مراد وانا مش عارفة اجيبه مش طايلة
مليكة : وايه اللى دخله اوضة مراد
نور : كانا بنتخانق فاخده حطه على الدولاب ونسيت اخليه ينزله
مليكة : خلاص ادخلى انتى غيرى هدومك وانا هجيبهولك
نور : مش هتطوليه
مليكة : ادخلى بس وانا هتصرف
و دخلت نور الحمام … وحاولت مليكة ان تنزل الصندل و لكنها حقا لم تستطيع … فذهبت واحضرت كرسى وصعدت عليه…. فى نفس وقت دخول مراد المنزل .
وظلت ترفع فى نفسها حتى تنزله حتى كادت ان تقع ولكن امسكها مراد …… وتاه كلاهما فى عين الاخر ….و فاق الاثنين على صوت نور تنادى مليكة
مليكة وهى تعتدل : ش…شكرا
مراد : انتى كويسة
مليكة : اه انا تمام
مراد : ايه اللى مطلعك على الكرسى
وقبل ان تجيب
نور من خلفهم : مليكة عرفتى تجيبيه
مليكة : لاء
مراد : هوا ايه ده
نور : الصندل اللى حضرتك مشعلقه على الدولاب
مراد بتذكر : اه الصندل …. يعنى مفيش الا هوا متلبسى غيره
نور : لاء مزاجى بقى البسه …. نزله بقى عشان منتاخرش
مراد : طيب ثوان ورفع يده و انزله
مراد بمشاكسة : مش طايلين تجيبوه من هنا يا اقذام
نور : سيبنالك الطول يا فزاعة
مليكة : ???????????? …… يلا يابنت هنتاخر
مراد : عجبتك اوى يا اختى …. يلا يابت انجرى انتى وهيا من هنا .
نور : يلا يا اختشى
وذهبوا البنات الى حفلة الخطوبة
فى مكان اخر
عدلى : هتعمل ايه فى نادية
اسامة : نادية دى هتشوف اسود ايام حياتها هخليها تتمنى الموت و مش هتلاقيه
عدلى : طب و مروان وقدر
اسامة : لاء دول بقى مش هخليهم يفرحوا هخلى ابن الصياد يتنازلى عن املاكه و برده مش هرحمهم
عدلى : ازى هيتنازل عنها بسهولة وبعدين هتظهرله ازاى ؟
اسامة : ابن الصياد عارف بكل حاجة احنا عملانها طلع المدة دى كلها متفق هو و الست نادية عليا …. اومال انا جايبها هنا ليه .
عدلى : يعنى هتعمل ايه
اسامة : انا مش هعمل انت اللى هتعمل
عدلى باستغراب : انا !؟
اسامة : اه انت …. هتخطف قدر وتجيبهالى هنا بكرة تكون عندى
عدلى : ازاى وانت عارف ان من يوم ماحاولت تخطفها المرة اللى فاتت و هى مبتخرجش الا بحراسة مشددة
اسامة : ازاى دى انا مش عايزة اسمعها كل اللى اعرفه ان قدر لازم تكون هنا بكرة بالكتير
عدلى : واشمعنا قدر اللى عايز تنتقم منهم عن طريقها
اسامة : لان قدر كمان هتفيدنى
عدلى : هتفيدك فى ايه
اسامة : قدر بنت نادية انا لما خطفتها بعتها لخالد لانه مكانش بيخلف عشان كدا مراد اخويا كان عايز يقتلها عشان نستريح ان مفيش حد هيطلبنا باملاك خالد الهلالى
عدلى : دا انت طلعت سم ….. الشيطان يرفعلك القبعة
اسامة : طب يلا بقى يا شاطر نفذ اللى انا طلبته منك
عدلى : ماشى
♡♡♡♡♡♡♡♡♡♡♡♡♡♡♡♡♡♡♡
انتهت حفلة الخطوبة وانقضت الليلة ولا احد يدرى ما حدث لنادية
فى صباح اليوم التالى بعد ان تناول الجميع الافطار غادر مروان الى عمله و عامر ذهب الى الشركة اما عدى فهو ينتظر الفتيات حتى يوصلهم للجامعة معه .
ناهد : عدى يا حبيبى مش هتتاخر على شغلك
عدى : اعمل ايه بس انا مش عارف كل ده عشان يجهزوا
قدر من خلفه : ايه يا عدى بيه مش عايز تستنى اخواتك خمس دقايق
عدى : انا اقدر ياقمر لو تحبى ممكن استناكى للسنة الجاية
قدر : ????????لاء يلا كفاية عليك كدا …..يلا نمشى
عدى : اومال مليكة فين ؟
مليكة من خلفهم : انا هنا اهو بس مش هاجى معاكم
عدى : ليه ؟
مليكة : اتفقت انا و نور هنروح مع بعض وزمانها جاية يلا روحوا انتو
عدى : طيب ما تيجوا وانا اوصلكم
مليكة : لاء خلاص روحوا انتو اصلا المحاضرة بتاعتى فاضل عليها ساعة و نص
عدى : براحتك …. يلا يا بنات
واخذ عدى قدر وايسيل وذهبوا الى الجامعة و بعد انا غادرو جاءت سيارة سوداء و قفت تراقب الفيلا من بعيد
بعد ساعة
مليكة : ايوه يا نور انتى فين اتاخرتى كدا ليه
نور : العربية عطلت منى و انا فى الورشة عشان اصلحها
مليكة : خلاص انا هركب تاكسى واجيلك انتى فين ؟
نور : انا فى شارع ******
مليكة : طيب خمس دقايق وهكون عندك
وحملت مليكة حقيبتها وخرجت و فور ان ابتعدت قليلا عن مدخل الفيلا حتى شعرت باحد يكمم فمها حاولت ان تبعده ولكنها لم تستطيع لضخامة جسده و لم تكمل ثوانى وذهبت فى عالم اخر بسبب المخدر الموجود على المنديل .
فى مكان ما
فاقت مليكة وجدت نفسها فى مكان مظلم لا ترى غير فتحة صغيرة يدخل منها ضوء خفيف …..و سمعت حديث من بالخارج
الشاب الاول : هنعمل معاها ايه
الشاب الثانى : ملناش دعوة احنا كدا عملنا اللى اطلب مننا هنستنى لحد ما الباشا يوصل و هو يتصرف معاها
مليكة ???????? لنفسها: الناس دى عايزة منى ايه لازم اكلم عدى شنطتى فين …. اكيد اخدوها ….. ???????? يا ربى اعمل ايه انا خايفة يارب يارب …. وافتكرت انها وضعت هاتفها فى جيبها وليس فى حقيبتها اخرجته سريعا كان يوجد العديد من المكالمات الفائتة من نور ولكنها لم تلاحظها …. و طلبت رقم عدى و لكنه لا يجيب فتذكرت ان معها رقم مراد ….. فحاولت الاتصال على مراد وجاءها الرد سريعا .
مراد : دا رقم مليكة يا ترى بتتصل ليه اكيد نور و فونها فاصل كالعادة
مراد : السلام عليكم
مليكة بعياط و صوت منخفض : مراد
مراد باستغراب : مليكة ! …. فى ايه مالك بتعيطى ليه انتى كويسة صوتك واطى ليه .
مليكة ????????: مراد انا مخطوفة ….
انتفض مراد من جلسته : ايه مخطوفة مين اللى خاطفك انتى فين
مليكة : انا مش عارفة انا فين المكان ضلمة مفيش غير فتحة صغيرة بس …. ارجوك تعالى انا خايفة اوى
مراد : طيب اهدى انا جايلك متخفيش مش هيحصلك حاجة اهدى سيبى فونك مفتوح عشان اقدر احدد موقعك
مليكة : طيب بس بسرعة ارجوك
خرج مراد من مكتبه و دخل الى المكتب الذى بجوار مكتبه
مراد : احمد بسرعة حددلى موقع المكالمة
احمد :طيب ثوانى قولى الرقم
دقيقتين و كان احمد كان انتهى من تحديد الموقع
مراد : متشكر يا احمد ……. وتركه وخرج ركب سيارته و غادر
مراد : مليكة انتى سمعانى
مليكة : ???????????? اه بسرعة يا مراد
مراد : اهدى يا مليكة مش هيحصلك حاجة انا قربت اوصلك اهو
سمعت مليكة صوت فتح الباب فوضعت الهاتف خلفها
دخل شاب يبدو عليه الاجرام ثم اقترب منها
الشاب : ايه يا جميل اخير فوقتى
مليكة : انت مين و عايز منى ايه
الشاب : انا مين دا ميخصكيش ….. و بصراحة مش انا اللى كنت عايز بس بعد ما شوفتك يا قمر غيرت راى
واقترب منها و هى ترجع الى الخلف و تبكى
مليكة : ????????????ارجوك ابعد عنى …. اعتبرنى زى اختك ….. الله يخليك ابعد عنى ????????????
ومد يده لينتزع حجابها………….
