رواية الاسطا ساره الفصل الثالث 3 بقلم فاطمة عادل
رواية الاسطا ساره الجزء الثالث
رواية الاسطا ساره البارت الثالث
رواية الاسطا ساره الحلقة الثالثة
خرج تميم ع الصوت العالى: ايه اللى بيحصل هنا
انتِ ….
سارة :ايوة انا وعايزة اعمل محضر ياباشا
تميم بص ع الراجل المشلفط جنبها وبص عليها : الراجل وشه مبهدل ، محضر ايه وانتى عامله فيه كده
سارة : ياباشا ده واحد ابن حر|ام ، متح|رش
تميم : تعالوا ع المكتب ، وفهمينى بالظبط فى ايه
دخلوا كلهم فى مكتب تميم
تميم : اقعدى يا انسه .. اسمك ايه
( تميم فاكر اسمها كويس بس محبش يعرفها ده )
سارة ياباشا ، أسمى سارة
تميم : يا انسه سارة ، قوليلى بقى اللى حصل بالظبط
سارة حكت لتميم كل اللى حصل من اول ما الراجل ركب معاها لحد ما تح|رش بيها
تميم انبهر بشخصيتها ، وأنها قدرت تدافع عن نفسها بالشكل ده وصمم فى دماغه أنه يعرف حكايتها ازاى شابه فى سنها بتسوق ميكروباص
تميم قام وقف ومسك المتح|رش من قفاه
الراجل : يابيه كل اللى قالته كدب فى كدب ومحصلش
قلم نزل على وشه جامد خلاه جاب د|م من بوقه
تميم : انت عايز تفهمنى واحده فى سنها وبتشتغل الشغل ده وشقيانه هتتبلى عليك
الراجل : ياباشا اسمعنى ، دى هى اللى حاولت معايا ولما رفضت عملت الفيلم ده لكن انا برئ
سارة : اه يابن الكل|ب يا كداب
تميم : هوششش ، وانت بقى فاكرنى هصدق ياروح ام|ك
بصوت غليظ : ياعسكرى
تمام يافندم
خد الز|فت ده وفسحه شويه كده عندنا ، خليه ينبسط ، ولما يعترف باللى عمله هاته
امرك ياباشا
سارة : متشكرة اوى ياباشا
تميم : على ايه ده واجبى ، اى حد يضايقك تعاليلى وانا هعرف شغلى معاه
سارة : تشكر ياباشا
خرجت سارة من عنده وهو سند على الكرسى لورا وبيفكر فيها وعايز يعرف حكايتها بالظبط
ايه يا صاحبى ، صباح الفل
تميم : صباح الز|فت على دماغك
ايهاب : ايه ياعم براحه علينا شويه ، مين بس اللى عكر مزاج سيادة الرائد
تميم : برودك ياجدع ، اخدت اجازة امبارح وكله كان فوق دماغى
ايهاب : مانت بتاخد اجازات ومحدش يقدر يفتح بوقه ، ايه الانانيه دى
تميم : ياجدع يل|عن ابو برودك
ايهاب : لو مش عجبك طلقنى
حدفه تميم بعلبه السجاير اللى قدامه
خبط العسكرى ع الباب ودخل وساحب المت|حرش فى أيده
تمام يافندم
تميم : ها يابنى ، اعترف بعملته
العسكرى : ايوة يافندم وجاهز للكلام
تميم بص على المت|حرش من تحت لتحت وقاله انطق
المت|حرش حكى كل حاجه حصلت واعترف بعملته
تميم حرفيا الن|ار بتغ|لى فى عروقه
يعنى واحد ابن ك|لب زيك يأذى بنات الناس ليييه
ايهاب : أهدى ياتميم مش كده
المت|حرش: بنات ناس مين ياباشا ، دى بت سواقة ميكروباص ، ملهاش لازمه
قام وقف وضر|به بالقلم على وشه ولسه هيكمل ضر|ب مسكه ايهاب
أهدى يابنى انت ، خده ياعسكرى ع الحجز واحنا هنعمل الازم
تميم : شايف ابن الحر|ام بيقولك سواقة ميكروباص وملهاش لازمه
ايهاب : ايه يا تميم ماحنا بيعدى علينا ناس من الصنف ده كتير ، اول مرة اشوفك كده
تميم : ياعم البت باين عليها محترمه وشقيانه فى حياتها ، دى شكلها مجبتش العشرين سنه أصلا
ايهاب : هى مين دى اللى شقلبت كيانك كده
تميم : تصدق مش هرد عليك ، كيان ايه اللى شقلبته ، بقولك صعبانه عليا مش اكتر
ايهاب : اااه بحسب
لا يا اخويا متحسبش ، ويلا يلا قوم شوف شغلك
تميم : متزوقش طب
خرج وسابه وتميم زاد تصميمه أنه يعرف مين سارة دى وايه حكايتها
عند سارة
راحت جابت اخواتها من المدرسه وقررت مش راجعه الموقف تانى انهاردة
وصلت باخواتها البيت ودخلت بيهم
معاذ : ايه يا ابله سارة مش هتنزلى الشغل
سارة : لا ياعم مش هنزل هقعد معاكم انهاردة ونعمل اكل بدل كل يوم اكل من الشارع ، وكمان نروق البيت ده ، ولا مش عايزنى معاكم
معاذ حضنها اوى : اوعدك لما اكبر مش هخليكى تشتغلى ابدا ، وهبقى انا الراجل وهصرف عليكى انتى وميس
سارة بدموع باست خده: ياحبيب قلبي ، ربنا يخليك ليا واشوفك احسن حاجه في الدنيا ، ده انت هتبقى احلى راجل
ميس : وانا كمان هبقى صحافية ومشهورة ، وهخليكى ترتاحى بقى
سارة خدتها فى حضنها : ياروحى ، ربنا يحفظك ويحققلك كل اللى تتمنيه
يلا بقى على الحمام ناخد دوش ونشوف دروسنا ، وانا هعمل الاكل
اخواتها سمعوا الكلام وهى دخلت المطبخ
بسم الله الرحمن الرحيم
هو محدش عايش هنا ولا ايه ، المطبخ كأنه مهجور بقاله سنه
وبدأت تنضف فيه وتنضف البوتجاز
وبدأت فى تحضير الاكل
معاذ : ابله سارة ، موبايلك بيرن
هات ياحبيبى ويلا روح كمل
سارة : الو ، ايه يابت يا سلمى ، عامله ايه
سلمى : لسه فاكرة أن ليكى صاحبه اسمها سلمى ، ياشيخه ده انا قربت انسى شكلك
سارة : انت عارفه اللى انا فيه ، ومع ذلك حقك عليا ياستى
سلمى : متزعليش ، بس والله نفسى اشوفك
سارة : طب تعالى انا بعمل مكرونه بالبشاميل وبانيه بصى هتاكلى صوابعك وراهم
سلمى : طالما فيها اكل يبقى نصايه واكون عندك
سارة بضحك : طول عمرك طفسه
سلمى : بتقولى حاجه
سارة: لا بكح ياحبيبتي ، مستنياكى
وصلت سلمى عند سارة
سلمى : وحشتينى اوى يابت
سارة : والله وانتى كمان
يلا الاكل جاهز
سارة باست معاذ وميس
وقعدوا كلهم على السفرة ياكلو ويضحكوا
بعد ما خلصوا الاكل
سارة : يلا يامعاذ خد اختك وكملوا مذاكرة يلا
دخلت سارة وسلمى المطبخ يعملوا المواعين
سارة : شوفتى اللى حصلى
سلمى : ايه ، جالك عريس
سارة : عرسه تاكلك يابعيده ، عريس ايه
سلمى : جرا ايه يابت ، هو انا بقول حاجه غلط
سارة : ده الغلط نفسه مش حاجه واحده
سلمى : طب ياستى ، انا معرفش العقده دى هتتفك امتى
سارة : مش حكاية عقدة ، بس انا مش زى البنات علشان احب واتجوز والشغل ده
سلمى فضلت تبص عليها يمين وشمال
سارة : ايه يابت ، بتبصيلى كده ليه
سلمى : بشوفك ناقصه ايد ولا رجل ولا ايه بالظبط ، مش زى البنات ليه بقى أن شاء الله
سارة : مقصدش كده ، بس يعنى انا مش لوحدى ، معايا اخواتى ولسه صغيرين وانا كل اللى ليهم فى الدنيا
سلمى : ماهو اللى يحبك لازم يتقبلك كده وبيهم كمان
سارة : مش بفكر غير فيهم وبس ، لازم اوصلهم لبر الامان
سلمى : ربنا ينولك كل اللى فى بالك
سارة : وانتى ياختى ، بالنسبه للخمس تلاف عريس ، ايه مفيش واحد فيهم مالى عينك
سلمى : وحياتك ولا واحد ، انا بحلم بواحد هيبه كده ومالى مركزه ، ياااااا لو كان ظابط أو وكيل نيابة
سارة : لا حول ولا قوه الا بالله ، ربنا يشفيك
سلمى : ايوة بقى ايه اللى حصل معاكى
حكت سارة على حوار الحرامى والمتح|رش والظابط اللى شفته مرتين وازاى دافع عنها ومسبهاش خالص
سلمى : مش بقولك : الظابط ده حاجه كده هيبه ، هيييييح
سارة : قومى يابت روحى
صوت صر|يخ جاى من برة
طلعت تجرى سلمى وسارة
سارة : معاذ ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الاسطا ساره)
