رواية خادمة الصقر الجزء الثاني الفصل الخامس 5 بقلم يوستينا سامي
رواية خادمة الصقر الجزء الثاني الجزء الخامس
رواية خادمة الصقر الجزء الثاني البارت الخامس
رواية خادمة الصقر الجزء الثاني الحلقة الخامسة
جوا المكتب 🤫
نسمة بتركيز / ها يا فهد فهمت الجزء ده ندخل بقي علي الجزء اللي بعده ولا ايه
فهد بإعجاب حط أيده ورا رقبته و اتكلم بهزار / تعرفي أن دي اول مره افهم كدة برغم ان ابن عمي معيد الا ان شرحك تحفة و صوتك ساحر يا نسوم بجد يا بختي بيكي
نسمة اتكسفت اوي و وشها احمر اوي و بدأت تعدل في نظارتها و قالت / فهد بلاش كلامك ده انا بجد بتكسف و بعدين انا جيت معاك علشان اساعدك علشان احنا صحاب مش علشان حاجة تانية
فهد ابتسم علي خجلها و قرب أيده و مسك خدها بهزار
وقالها/ يا خراشي علي اللي بيتكسف ده يا ناس
ايه يا نسمة وشك قلب احمر ليه كدة يا بنتي انا بهزر معاكي متبقيش غبية كدة ، طبعا احنا صحاب و بس اطمني انتي اساسا مش استايلي
نسمة بزعل / مش استايلك .. و بعدين انا غبية يا فهد .. طب لعلمك بقي انا ذكية جدا ده انا الأولي علي دفعتي مش زيك بتسقط
فهد ضحك / انتي بتعايريني يا ربع متر انتي .. و بعدين هناااك فرق انا حابب السقوط دي متعة بالنسبة ليا ، سيبك من الرغي ده كله و قوليلي انتي محلوية ليه اوي كدة النهاردة يا بطة
نسمة في اللحظه دي اتوترت جدا وقامت من علي كرسي وخبطت ايديها على المكتب وقالت
و بتحذير بعصبيه / انت لو ما بطلتش كلامك ده واسلوب المتحرشين ده انا هامشي وساعتها بقى كمل سقوط وباذن الله تترفد من الكليه
فهد اتصدم من تحولها وقام مسك يديها بسرعة / يا ستي باهزر باهزر انتي ليه قلابه كده ..و بعدين اطمني انا بعتبرك اختي يلا بقى اتنيلي كملي شرح أما نشوف اخرتها ايه
…وفي اللحظه دي الباب خبط ودخل صاحبه وهو معه كوبايتين عصير
فهد ببتسامة / وكمان جايبلنا العصير بنفسك يا اسامه باشا لا ده انت متوصي بينا جامد النهاردة
أسامة / طبعا ده انت الغالي ابن الغالي ..انا جبتلك عصير الجوافة باللبن اللي بتحبه و طبعا منغير سكر و انتي يا عسل ادي عصيرك اهوو
….وابتسمت نسمه بخجل وبعدها خرج اسامه من الاوضه وقفل عليهم بالمفتاح منغير ما ياخدوا بالهم .
تفتكروا فهد ممكن يحصله حاجة 🙉
________________________________________________
في بيت عساف بليل 🤣
كان عساف و همس و لارا قاعدين بيتغدوا مع بعض
همس / اسمعي يا لارا حوار السفر ده انا رفضاه تماما انا مش هستحمل تبعدي عني أو اقعد يوم منغيرك سامعة
لارا بزعل / الله بقي ما تتكلم يا عم عساف و قولها حاجة مش انا قولتلك و أنت وافقت برضو ولا انت كنت بتسرح بيا ولا ايه
همس بحده / كام مره قولتلك بلاش الطريقة السوقية دي في الكلام انتي بنوتة يعني مش لازم تقلدي فهد و كارمن و نغم سامعة
لارا بهزار / مالها نغم و عيالها طب و النبي دي سكر كفاية أنها ست فرفوشة كدة و عيالها طالعين زيها ولا خالد و جدعنته دائما بيصدق مع ولاده واخد بالك يا سي بابا
عساف ميل علي لارا بضحك / يا بت انا وافقت علي السفرية ثقي فيا هتسافري خلاص
همس بغيظ / عساف و بعدين معاك بقي .. انت بتقول ايه
عساف بيمثل الحده/ بنت قليلة الادب بقولها احترمي نفسك و الكلام اللي مامي هتقول عليه هيمشي بالحرف الواحد .. بلا دلع بنات فارغ
لارا بصدمة / يا نهار اسوود جرا اي يا حج مش كدة طب استني اما ابعد طيب
و في اللحظة دي الباب خبط و قام عساف يفتح و اتفاجاه ب …
________________________________________________
في فيلا أسامة عند فهد و نسمة
برا الاوضة أسامة ابتسم و نادي علي الخدامين
و قال / قولوله يعلوا الصوت برا على الاخر وانتم مهما سمعتوا صوت صريخ او زعيق اوعوا حد يفتح الباب ده فاهمين
….ودخل اسامه اوضته علشان يتابع فهد و نسمة عن طريق الكاميرات و بعد أقل من نص ساعة بدأ يسمع صوت صريخ نسمة يرن في الفيلاااا كلها و بدأت استغاثتها تزيد و لكن لا حياه لمن تنادي ..
أسامة و هو قدام اللاب و مبتسم و كلم عمر في التليفون
و هو في غاية الشماته / الو يا عمر .. عيب عليك يا باشا تم و صورتهم كمان
تفتكروا اي حصل لنسمة و فهد 😟😟
______________________________________________
في بيت عساف 🤣
عساف بصدمة / اي ده معقول الرجل الخفي عندي في البيت .. دي مفاجاه غير متوقعة
ادهم بتعب / امم هتفضل تهزر كدة كتير .. همشي و مش هتشوفه وشي تاني .
عساف شده من قميصه اللي باين عليه انه متوسخ و حالته وحشه / انت بتهددني يلاا . ادخل بدل اغير راي .. يا همس ده ادهم
همس قربت من ادهم و اخدته في حضنها بحركة عفوية لكن عساف اضايف جدا / كدة برضو يا ادهم كل ده غياب ، يا ابني ده احنا قلقنا عليك اوي
ادهم / ما انا موجود اهو هروح فين ، متخفوش انا لسه بعقلي مفكرتش اموت نفسي يعني
همس بدموع قربته من حضنها و بدات تطبطب عليه و ادهم استسلم ليها لانه كان محتاج الحضن ده اوي / اوعي تقول كدة تاني .. بعد الشر عليك يا حبيبي
لارا قربت من ودن عساف اللي كان غيران اوي / يا نهار مش فايت يا بوب انت اخدت بالك من الحضن
لا ومش مره واحدة .. دول مرتين كمان
عساف اتغاظ اوي و قاله بصوت عالي / انت يلاا هو انت فاكرها خالتك .. ابعد ياض ..وانتي يا اختي حسابك معايا بعدين
ادهم ابتسم غصب عنه / يا عم عيب علي سنك انت لسه بتغير عليها .. عيب ده انت بنتك قدي
عساف بغيظ / يا نهارك مش فايت ، بقي انا بنتي قدك يا شحط .. تصدق ياض انك لو محترمتش نفسك لاكون مكلمك صقر يجي يظبط
ادهم اتصنع الخوف و بعد عن همس / لا وعلي ايه انا بعدت تماما من ممتلكلتك اهوو .. هو انا ناقص صقر ده ايده طارشة يا عم
عساف بغيظ / ايوة كدة اتعدل
و قرب و مسك ادهم من لياقة قميصه و قاله/ تعالي قدامي اجيبلك حاجة تلبسها بدل القرف اللي انت فيه ده .. و انتوا اعملوله اكل شكله عامل زي شحاتين السيده .. قدامي
….همس ولارا ضحكوا على طريقه عساف معاه اللي ادهم متعود عليها واصلا بيحبها وهمس راحت تحضرله باقي الاكل ولارا راحت تتفرج على عساف وهو بيبهدل ادهم .
________________________________________________
في القسم عند يزن 💪
دخلت بنت شكلها هادي جدا مع عز و كان واضح علي شكلها علامات الع نف و الضر ب
عز / هي دي البنت اللي قولتلك عليها يا يزن .. اسمها ميرا
يزن بتريقة / ميرا .. لا والنبي حلو الاسم طيب يا عز امشي انت و سيبني انا مع الانسة ميرا اما نشوف اخرتها ايه
…وخرج عز من المكتب وقرب يزن وبدا يتحرك حوالين ميرا علشان يوترها وهي كانت ساكته تماما وباصة في الارض
يزن قرب منها ورفع وشها بيده بعنف وقالها / ايه هتفضلي عايشه في دور الخرساء ده كثير
باقولك ايه انا خلقي ضيق فوق ما تتخيلي و مش بحب المناهده فردي عليا زي شاطره كده قوليلي انتي اسمك ايه وكنت بتعملي ايه في الشقه دي
ميرا بصوت مبحوح و مكنش مسموع / انا ميرا جلال و معرفش اي حاجة خالص تانية .. كل اللي اعرفه اني كنت عند ماما و صحيت لقيت نفسي في الشقة دي
يزن استفز جدا من صوتها وانها بتتكلم بصوت واطي قوي ومسك شعرها بغل وشده باقولك ايه/ انا جو البنات الشما*ل ده انا ماليش فيه انا باسالك سؤال واضح ردي عليا .. كنت بتعملي ايه في الشقه ومين اللي جايبك
ميرا انهارت من العياط / والله ما روحت هناك و مكنتش اعرف اي حاجة ، انا كنت عند ماما في بيتها صدقني انا مش كدابة
يزن / ايوا طبعا و انا مصدقك يا بت
….و فاجأه يزن ضربها بالقلم علي وشها جامد لدرجة ان ميرا وقعت علي الارض لانها كانت ضعيفة و قرب يزن منها و شدها من شعرها
و قال بصوت عالي / انا اكتر حاجة بكرها هي الكدب و الملاوعة بس انا عارف ازاي اخليكي تقولي الحقيقة
ميرا بصراخ / والله العظيم ما بكذب والله ما باكذب انا باقولك الحقيقه انا ما اعرفش انا كنت باعمل ايه في البيت ده
يزن / انتي هتستعبطي يا روح ا*مك
ميرا بدموع / اسمعني انا صحيت لقيت واحد قدامي بيحاول يعتدي عليا و حاولت اقاومه وما عرفتش ايه اللي حصل بعد كده علشان اغم عليا
ارجوك ساعدني وصدقني …ما تنزلنيش ثاني الحبس ده مع الناس دي .. انا عمري في حياتي ما اتعملت معاهم ..ارجوك انت ما عندكش اخوات بنات
يزن في اللحظة دي حس بحاجة غريبة و لمس الصدق في كلامها لكنه رفض الفكره و نادي ع الشويش / خدهاا ع الحبس و حذر ان مافيش حد يقرب منهااا ، و اللي هيلمس شعراية منها حسابه معايا انا
و بصلها بغل و تحذير و قالها. / لعلمك انا مش هستني عليكي كتيير .. خدها يا شويش
….وبمجرد ما خرجت ميرا من المكتب تليفون يزن رن وكانت لارا وبتقوله ان ادهم عندهم في البيت و بسرعة يزن اخد حاجته و جري ع بيت عساف
________________________________________________
في بيت عساف 🤣
…في اوضة عساف كان بيطلع هدوم لادهم و بيقنعه انه يدخل يستحمي
ادهم وهو بيجري من عساف / يا عم مش قادر استحمى انا اصلا مش قادر اقف على رجلي سيبني ارتاح شويه بقى يا عساف ربنا يكرمك انا عايزه انام
عساف وهو بيحاول يمسكه / تنام فين يا معفن يا نتن ريحتك طالعه .. طب بص نعمل ديل خذلك شاور و انا والله هسيبك تنام
ادهم وهو بيجري ووقف على السرير بالجزمه بتاعته
وقاله / والله ما هادخل انسى انا لو دخلت جوه هاخذ صابونه في حضني وانام
لارا بتضحك جامد / يا بابا ما تسيبه ينام الوالد يا عيني على اخره ..انت مش شايف شكله عامل ازاي
عساف بستغراب / ينام ازاي انت مش شايفه شكله والله العظيم شكله عامل زي شحاتين السيده يا ابني انا لو شفتك في الشارع هاقرف اسلم عليك
وبعدين ريحتك وحشه هافضل اقولهالك لحد امتي
الجيران عرفت وانت لسه يا معفن
ادهم ضحك جامد علي طريقة عساف/ طب اقولك انا همشي واروح عند كريم علي الاقل مش هيقولي استحمي
عساف بشماته / تصدق ده عقابك انك تروح ليزن برجلك ده اصلا حالف انه يحبسك اول ما يشوفك
ادهم بدا يقلق / لا و ليه انا ممكن اخد شاور سريع جدا ولا الحوجة ليزن احسن ده بيكلمني في اليوم حوالي الف و خمسين مرة وانا مش برد
و فاجاه دخل يزن الاوضة و هو متعصب اوي / يعني انت عارف اني بحاول اوصلك يا كلب بقالي كتير وانت مش معبرني ..
ادهم برق بفزع اول ما شاف يزن قدامه / يا ستار .. كدة يا عساف عاملي كمين اومال لو مكنتش قولتلك اني هستحمي
و فاجاه يزن جري ناحية ادهم و بدا يضرب فيه بغل / لا ده انا وحياه امي لاطلع عليك كل القديم و الجديد يا ادهم ، ده انا كنت هموت من الخوف عليك
عساف بشماته / اضربه يا يزن .. يستاهل علشان داس علي الملاية بالجزمة بتاعته و مش عايز يستحمي كمان
________________________________________________
في مكتب صقر
كان قاعد تعبان جدا مستني معاذ يدخله
معاذ بادب / حضرتك طلبتني يا بابا
صقر بخوف قرب ناحيته و حد ايده علي كتفه بتعب و قاله بصوت ضعيف اول مره معاذ يسمعه من صقر / الحقني يا معاذ احنا في كارثة
معاذ خاف جدا علي صقر و قعده علي الكرسي / مالك يا صقر رد عليا انت كويس .. اطلبلك الاسعاف
صقر / معاذ خلي بالك من اختك .. خليك ابوها يا ابني ده أختك الصغيره ، و قمر كمان
معاذ دموعه خانته / اي الكلام ده .. انت اللي هتاخد بالك مننا و من العيلة كلها زي عادتك يا صقر
ارتاح انا هطلب الاسعاف
و لسه بيمسك معاذ تليفونه بيتفاجاه ان صقر قاطع النفس 😭😭
معاذ / لا بابا .. قوم يا بابا ، صقر قووم يا صقر
بااااااابااااااا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
