رواية احببت منتقبه الفصل الثالث عشر 13 بقلم ياسر الانصاري
رواية احببت منتقبه الجزء الثالث عشر
رواية احببت منتقبه البارت الثالث عشر
رواية احببت منتقبه الحلقة الثالثة عشر
صهيب. عم مصطفي قولها أنهم كام ساعه وتشوفني وتكون معايا
مصطفي. متقلقش عليها انتا يا صهيب وتوصلتو با السلامه انتو
واتحرك صهيب بس دماغه وقلبه سابهم عند الزهراء
عند الزهراء ف البيت
مصطفي. والله يومين من احسن ايام حياتنا وبجد صهيب وأهله ناس يتحطو ع الجرح يطيب
صفاء. عندك حق والله يا ابو الزهراء بجد بنتك ربنا بيحبها عشان صهيب يكون من نصيبها
صابر. هتفضلي ساكته كتير كدا يا الزهراء
الزهراء.. صمتتت
مصطفي بابتسامه. كبرتي يا الزهراء وحبيتي
الزهراء. هو حرام يعني يا بابا اني احب جوزي !
مصطفي. لا طبعا مين الي يقدر يقول كدا كل ما ف الأمر اني مستغرب من كميه الحب الي بينكم
الزهراء. فين الاستغراب يا بابا. انا وصهيب جمعتنا حاله حب من قبل حتي ما أكلمه أو ارفع عيني فيه تقدر تقول كدا حاجه كونيه أو ربانيه
مصطفي. اتعلمي من بنتك يا صفاء بتقول شعر اهي ( وبيضحك)
صفاء. وماله يا اخويا مش عيب
مصطفي اخد بنته في حضنه … اسمعيني كويس يا بنتي ربنا يعلم حبك ف قلبي قد ايه من وانتي لسا ف اللفه وانتي الدلوعه بتاعتي وكل طلباتك اؤامر وحتي لما رفضتي اسلام واختارتي صهيب انا كنت اول الناس معاكي بس مش عاوز منك دمعه واحده شايفك زعلانه من اول لما صهيب مشي انتي مسمعتيش كلامه انتي هتروحي كليتك بكرا وهتقضي اليوم كله تحت عينه
الزهراء. ربنا يخليك ليا يا بابا
مصطفي. ويخليكي ليا يا حبيبتي ويسعدك مع الي اختارتيه يلا بقي قومي حضري شنطتك عشان ترجعي الكليه وسكنك بكرا. احنا مش قد زعل صهيب
الزهراء. حاضر يا بابا
عند صهيب في البيت.
عائشه. تعرف يا صهيب ع قد منتا مجنون بس مفيش مره الا وجنانك دا عجبني
صهيب بابتسامه. طب الحمدلله
عائشه. الزهراء بنت اصول وبتحبك خلي بالك منها ومتزعلهاش يبني انتا دلوقتي مصدر القوة والأمان ليها
صهيب. مقدرش ع زعلها يا ماما والله. انا هقوم اصلي العشاء ..
خلص صلاة ونزل كان محمود بيرن عليه
صهيب. ايه يا حوده
محمود. انا عند عم خالد هنا وعاوز يكلمك
صهيب. طب هاته بسرعه
خالد. السلام عليكم. عامل ايه يا دكتور
صهيب. وعليكم السلام ورحمه الله وبركاته. بخير والله طمني عليك يا عم خالد
خالد. انا بخير والله. والف مليون مبروك يبني علي الخطوبه
صهيب. الله يبارك فيك يا عم خالد. انتا كدا عرفت السبب اهو اتمني انك متكونش زعلان مني
خالد. وانا اقدر بردو يبني ازعل منك. بس ملوش لزوم دا كله يعني
صهيب. يا عم خالد احنا مش اتفقنا اني زي ابنك ؟
خالد. واكتر والله يبني
صهيب. بس كدا خد من محمود الحاجه وانا باذن الله بكرا هكون عندك.. عندكم شاي ولا اجيب شاي معايا ( وبيضحك)
خالد. يا حبيبي كل حاجه موجوده من فضلة خيرك
صهيب. خير ربك مش خيري. انا مين اصلا شوية طين متحركين ع أرضه ..يلا يا عم خالد خلي بالك من نفسك وبكرا أن شاء الله هخلص الكليه واجيلك. سلام عليكم
قفلو المكالمه
صهيب قعد هو وهدير يرغو كتير ويكلمو الزهراء مع بعض لحد لما كانت الساعه بقت 11
صهيب. طيب كفايه كدا يا حبيبي قومي يلا نامي عشان تقومي بدري ع فكره انا كلمت عم مصطفي وانا هاجي اخدك
الزهراء بفرحه. بتهزر يا صهيب ولا بتتكلم بجد
صهيب. عيب عليكي يلا جهزي نفسك وانا هعدي عليكي
الزهراء. ربنا يخليك ليا يارب يا رفيق الدرب والروح
صهيب. يا له من كلام رائع ( وبيضحك). يلا هسيبك انا بقي في حفظ الله
قفلو المكالمه كان محمود دخل عليهم.
محمود. مساء الخير
صهيب وهدير. مساء الفل
محمود. ايه بتنمو علي مين كدة
صهيب. واحنا بتوع نم ياض انتا
محمود. بصراحه لا بس قعدتكم مش مريحاني
هدير. لا ارتاح يا حبيبي كنا بنكلم الزهراء مع بعض
محمود. ايوا بقي الله يسهله
صهيب. المهم ياض في حاجه لسا جايه في دماغي حالا هو انتا معزمتش اميره واهلها ع الخطوبه ؟
محمود. لا عزمتها
صهيب. امال مشوفتهاش يعني
محمود. اصل بصراحه كدا انا لما مشيت يوم كتب الكتاب كان عشانها
هدير. مالها أميره يبني انطق
محمود. كانت تعبانه واتحجزت في المستشفي
صهيب. يا متخلف يا غبي ومقولتش ليه
محمود. يا عم انتا كفايه عليك الي انتا فيه ومش هكسر فرحتكم يعني هي الحمدلله بقت كويسه
صهيب. غبي غبي. هي فين دلوقتي
محمود. لسا في المستشفي
صهيب بص في ساعته. الوقت اتاخر مش هينفع دلوقتي خالص. بكرا الصبح هجيب الزهراء وناخد ماما ونروحلها
هدير. وانا معاكم
صهيب. حاضر
اليوم عدي … صبح تاني يوم
صهيب فونه بيرن حاول يفتح هو وعيونه مقفوله ومش عارف مين الي بيرن اصلا
صهيب بنعس. الوو
الزهراء. لسا نايم يا دكتور
صهيب قام بسرعه. الزهراء عامله ايه يا حبيبي
الزهراء. انا كويسه بس يلا قوم بقي انا مستنيه الصبح بفارغ الصبر عشان اشوفك.
صهيب. هقوم حالا يا حبيبي وخدي بالك هنعدي ع اميره خطيبة محمود في المستشفي لأنها تعبانه من يوم كتب الكتاب والغبي مكانش عاوز يقول.
الزهراء. الف سلامه عليها طب يلا قوم عشان نروحلها
صهيب. حاضر نازلك اهو
صهيب اخد الشاور بتاعه وصلي ولبس هدومه ونزل
صهيب. صباح الفل يا ست الكل
عائشه. صباح الفل يا حبيبي
صهيب. انا هروح اجيب الزهراء دلوقتي واجهزي معانا مشوار
عائشه. مشوار ايه بدري كدا
صهيب. أميره تعبانه شويه ومحجوزه في المستشفى والمتخلف ابنك مكانش عاوز يقول قال ايه عشان ميبوظش فرحتنا
عائشه بزعل. يا حبيبتي يا بنتي طب هي كويسه طب حصلها ايه
صهيب. معرفش يا ماما بس هو بيقول كويسه واهو هنروحلها مش هتاخر انا يلا سلام عليكم اه صحيح وصحي البت هدير عشان قالتلي عاوزه اجي معاكم
خرج صهيب وفي طريقه كلم مصطفي بياكد عليه أنه رايح ياخد الزهراء
وصل البيت ورن عليها
صهيب. السلام عليكم. انا برا يا بنتي
الزهراء. ماما مش راضيه تخرجني غير لما انتا تدخل
صهيب. يا بنتي قولتيلها كم المشاوير الي معانا
الزهراء . قولت والله
صهيب . طب خلاص انا جاي
صفاء. والله كدا عيب تيجي لحد هنا ومتسلمش علينا ولا تشرب حاجه
صهيب بابتسامه. الأولي عندك حق فيها بس التانيه والله متأخرين
سلم عليهم وخرجو هو والزهراء ركبو العربيه
صهيب مسك أيدها. وحشتيني اووووي
الزهراء بلهفه. وانتا كمان وحشتني اوووووووووووي
فضل ماسك أيدها واتحرك با العربيه
وصلو البيت
صهيب. يلا انزلي
الزهراء. بس ال
صهيب . متخفيش انتي مع جوزك وانا استأذنت من ابوكي.
نزلت معاه الزهراء سلمت علي عائشه وهدير صممو انها تشرب حاجه بس موافقتش
صهيب. طب انا هعمل لنفسي قهوه لحد لما يخلصو قولي لحبيبك بقي عاوزه تشربي ايه من ايدي
الزهراء بكسوف. قهوه زيك
صهيب . ماشي يا عم من اولها غيرة كدا( وبيضحك)
الزهراء بصوت واطي. وليه متقولش الي بيحب حد بيحب يقلده
صهيب. انا كدا مقدرش انطق كلمه
خلصو القهوه وكلهم خرجو
صهيب كلم محمود واخد عنوان المستشفي وراحوا هناك
عائشه بلهفه. الف الف سلامه عليكي يا حبيبتي
أميره. الله يسلمك يا طنط
صهيب. والله لسا عارف امبارح من المتخلف دا ينفع كدا يا اميره
أميره بابتسامه. معلش يا دكتور مكناش عاوزين نعكر فرحتك
صهيب. فرحه ايه بس الي تتعكر والله كنت جبتها با الفستان وجيت. ضحكو كلهم
صهيب. يلا شدي حيلك بقي باقي من الزمان اسبوع
أميره. امتي يجي اليوم دا بقي
محمود. خلاص هانت يا حبيبي
صهيب. انا هتحرك دلوقتي عشان عندي محاضره أولي وهعدي عليكم بعد ما اخلص. جاييين معايا ولا قاعدين
عائشه. لا روح انتا والزهراء. وانا هقعد شويه انا وهدير ومحمود هيوصلنا
صهيب. ماشي محتاجين حاجه طيب. محتاجه حاجه يا اميره.
الكل. ربنا يخليك
اتحرك صهيب هو والزهراء للجامعه
صهيب. سيبي حاجتك كلها ف العربيه وبعد ما تخلصي هوصلك السكن بيهم
الزهراء . حاضر يا حبيبي
وصلو الجامعه وصهيب ركن
صهيب .النهارده عاوزك قدامي فاهمه وصوتك ميطلعش انا هفهم من نظرتك لو عاوزه حاجه
الزهراء. ماشي يا حبيبي. واتحركت وهو نزل صبح علي الدكاتره ودخل محاضرته
صهيب. السلام عليكم. صباح الخير يا دكاتره
الكل .صباح النور يا دكتور
الزهراء ف سرها. صباح الفل يا حبيبي
صهيب. معلش انا عارف اني قصرت معاكم في محاضرة واتنين بس دا كان لظروف خاصه اتمني يكون الدكتور البديل قدر يفيدكم
طالبه. للاسف يا دكتور محدش يقدر يفيدنا غيرك
صهيب. وانا رجعت اهو وشكرا للمجامله اللطيفه دي
الطالبه. لا بجد يا دكتور مش مجالمه. ممكن نعرف سبب غيابك عننا بقي بعد اذنك
صهيب حس كلام البنت دي وطريقتها مش مريحه
صهيب. علي العموم انا الي منعني عنككم اني كنت بكتب كتابي بتجوز يعني وع ما اعتقد دا من أبسط حقوقي (وبيضحك)
الكل بدأ يبارك ومبسوط
صهيب. لا لا الصوت بعد اذنكم والله يبارك فيكم جميعا
الطالبه بضحك .بصراحه يا بختها الي هتاخدك مننا يا دكتور
الزهراء ولعت من جواء بس رد صهيب هداها وبرد نارها
صهيب. والله يا دكتوره هي فعلا يا بختها ويا بختي بيها بس دا ميمنعش اني اقوم بواجبي هنا معاكم وعلي ما اعتقد انتو مش عاوزين اكتر من كدا. وكفايه أسأله بقي
صهيب بدأ الشرح. وخلص المحاضره ومخرجش عينه علي الزهراء لحد لما خرجت
طلع وراها شاف واحد واقف قريب منها وبيكلمها
الشخص. ع فكره انا معجب بيكي وبالتزامك وبتمني يكون في تعارف بينا
الزهراء ..صمت
الشخص . ممكن بعد اذنك تردي عليا انا من اول يوم ليا وانا معجب بيكي وعاوز اكلم اهلك
صحاب الزهراء واقفين قريب منهم وسامعين الشخص دا وشايفين صهيب بس الزهراء مش شيفاه
الزهراء. لو سمحت اتفضل من هنا
الشخص. اتفضل فين مش كفايه حضرتك متفضله في قلبي ومستربعه.
وهووووووب كان صهيب ماسكه من قفاه
صهيب بغضب .كارنيهك يلا
الشخص. انا انا معملتش حاجه يا دكتور
صهيب. بقول كلمه واحده كارنيهك
الشخص. وهتعمل ايه بكارنيهي وبعدين حضرتك بتتدخل ليه اصلا
صهيب. يعني الزوق مش نافع ؟
الشخص . لا مش نافع ووريني هتعمل ايه يا دكتور
صهيب. انتا اختارت. ومسك الواد نزل فيه ضرب اقلام وشلاليت وبيزقه قدامه لحد لما وصله لمكتب العميد .
والزهراء واقفه مصدومه من الي بيحصل واصحابها كذالك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه)
