رواية أميرة الانتقام الفصل الأول 1 بقلم إسراء ابراهيم
رواية أميرة الانتقام الجزء الأول
رواية أميرة الانتقام البارت الأول
رواية أميرة الانتقام الحلقة الأولى
انت اتجننت يا قاسم عايزني اتجوز حد غيرك بعد ما بعت كل حاجة عشانك ،، بعد ما وثقت فيك وسلمتك نفسي ،، جاي تقولي دلوقتي مش هينفع اتجوزك ووافقي علي العريس اللي متقدملك
رد قاسم وهو بيدور بعيونه بعيد واتجنب يبص في عيون هدير اللي كانت بصاله بصدمة :
يا هدير افهمي ،، انا دنيتي متلغبطة ومش هقدر اتجوزك دلوقتي ،، انا بصراحة قررت اسافر فترة عشان افكر كويس في علاقتنا و افكر هل فعلا هينفع نتجوز ولا لا،، وانا كمان مش متخيل اني ممكن اكون ليا بيت وعيال دلوقتي
هدير زعقت في قاسم بطريقة لفتت نظر الموجودين في الكافيه ليهم وقالتله بحد*ة:
انت بتقؤل ايه ،، مش عايز تربطني بيك ،، ومش متخيل نفسك متجوز ،، جاي دلوقتي بتقول كدة ،، بعد ما دمرت مستقبلي وضيعتني ،، انت اند*ل انسان شفته في حياتي ،، انا كنت مخدوعة فيك،، وندمانة اني صدقتك
قاسم اضايق من كلام هدير وشاورلها بضيق وهو بيقؤل:
ملوش لزوم الكلام ده يا هدير ،، وبعدين متنسيش انه كان بمزاجك مش غصب عنك ،، يعني احنا الاتنين شبه بعض واحنا الاتنين غلطنا
هدير دموعها نزلت بحزن وبعدين فجأة مسحت دموعها بعن*ف وهي بتقول لقاسم بغضب :
صح يا قاسم،، انت عندك حق ،، ويمكن انا غلطانة اكتر منك،، بس اسمع اخر كلامي بقي ،، مش انا اللي ابقي ضعيفة وتبقي فاكر اني هخاف من الفض*يحة واسكت ،، تبقي غلطان لو فكرت في حاجة زي دي ،، وتبقي متعرفنيش كويس ،، انا جايز خسرت كتير اوي بس مش هخسر اكتر من اللي خسرته يا قاسم
قاسم رفع حاجبه واتكلم وهو بيربع ايده بسخرية قدام صدره :
والله انا قولتلك اللي عندي ،، ومعنديش اكتر من اللي قولته يا هدير وياريت بلاش تختاري الفضي*حة لانك انتي بس اللي هتضر وسمعتك هتبوظ لكن انا راجل ميعيبنيش حاجة وهتندمي لو فكرتي تقولي حاجة لاي حد
ضحكت هدير بصوت عالي وسخرية وقامت وهيا بتقؤل لقاسم بتهد*يد :
هتشوف يا قاسم انا اقدر اعمل ايه ،، هي حاجة واحدة بس يا قاسم واعتبره تهد*يد مني ،، بكرة لو مجتش لبابا تطلبني منه هتلاقيني في البيت عند الست والدتك المحترمة واعرفها حقيقة ابنها القذ*رة ،، وقبلها هكون قايلة لبابا وجايباه معايا للست والدتك و عليا وعلي اعدائي يا ،، يا قاسم
قالت هدير اخر كلامها بحد*ة واخدت شنطها ومشيت ودموعها نازلة زي الشلال وعقلها مشلول مش عارف ولا قادر يفكر في حاجة وكان متابعها بعنيه قاسم بملامح حادة وغضب
…………………………
دخلت هدير بيتها وهيا تايهة في عالم تاني وتفكيرها كله مشوش ،، حمدت ربنا ان ابوها لسة مرجعش من الشغل بس اتفاجأت برنا اختها بتقرب عليها وبتشدها من ايديها وسحبتها وراها علي اوضتهم ووقفت قدامها وهي بتقؤل بلهفة:
ها يا هدير طمنيني عملتي ايه،، قولتيله ولا لا ،، انتي مش بتتكلمي ليه ما تنطقي انا قاعدة علي اعصابي من الصبح .
رفض يتجوزني بعد ما ضحك عليا وقالي اوافق علي العريس اللي متقدملي
قالتها هدير بتوهان وهي بتسيب رنا وبتمشي ناحية السرير وبترمي نفسها عليه باهمال ،، اما رنا فشهقت بصدمة وخوف وبقت تل*طم علي وشها وهي بتردد برعب :
يا مصيبتي يا مصيبتي ،، بابا لو عرف هيق*تلك يا هدير ومش بعيد يروح فيها،، هنعمل ايه في المصيبة دي ،، ياربي انت عالم بحالنا يارب احنا غلابة ،، حرام عليكي يا هدير ،، ياما قولتلك الواد شكله بيلعب بيكي،، ياما قولتلك وحذرتك منه ،، وادي اخرتها
كانت هدير بتسمع كلام رنا اختها ودموعها بتنزل في صمت ،، كانت دموع ندم وحزن علي خيبة املها في الانسان اللي حبته ووثقت فيه وفي الاخر اتخلي عنها وحسسها انها رخ*يصة واتمنت لو الزمن يرجع بيها وهي عمرها ما هتكرر نفس غلطتها وتأمن لشخص زي ده ابدا ،، انتبهت هدير من سرحانها علي صوت رنا وهيا بتقؤلها بقلق:
طب وعملتي ايه لما قالك كدة ،، اوعي تكوني فض*حتي نفسك
ابتسمت هدير بسخرية وردت :
هعمل ايه ،، انا اللي غلطانة ولازم اتحمل نتيجة غلطتي ،، انا اللي استاهل اي حاجة تحصلي عشان خنت ثقتكم فيا ومشيت ورا وهم اسمه الحب
رنا علي قد ما هي كانت زعلانة من هدير وواخدة موقف منها من ساعت ما عرفت بالمصيبة بتاعتها بس دلوقتي صعبانة عليها اوي ،،وصعبان عليها اكتر انها ضيعت نفسها عشان انسان ميستاهلش فطبطبت رنا علي ايد هدير بحزن وقالتلها :
اللي حصل حصل يا هدير ومفيش مفر منه ،، دلوقتي لازم نشوف حل بسرعة ،، انتي عارفة ان بابا مصمم علي العريس اللي متقدم المرادي ،،وشايف انه ميتعيبش وخصوصا ان ده خامس عريس مناسب يتقدملك وترفضيه بدون سبب
حركت هدير راسها بموافقة وهيا بتقول ببحة من اثار العياط :
انا هد*دت قاسم انه لو مجاش اتقدملي بكرة هروح لامه واخوه وخصوصا اخوه،، لانه كان دايما يقولي انه بيخاف منه وبيعمله حساب لانه شخص جد جدا و قاسي ،، هحكيلهم وافض*حه واعرفهم انه ضحك عليا وفي الاخر اتخلي عني ،، واشوف هيعملو ايه ،، بس الخوف احسن يفتكرو اني طمعانة فيهم عشان هما مبسوطين واخوه ده ميصدقنيش لان قاسم كان بيقؤلي انه جاحد وصعب في تعامله
خافت رنا من كلام هدير وكانت لسة هترد بس اتفاجأو بابوهم بيفتح الباب ودخل عليهم بغضب بعد ما سمع كلام اميرة بنته :
بقي دي اخرة تربيتي ليكي وتعبي وشقايا عليكي تفرطي في شرفك وتحطي راسي في الطين ،، ليه ،، قصرت معاكي في ايه،، ده انا دايما كنت بحاول اعوضك عن امك ،، ليه تخليني ابقي مكس*ور كدة
هدير كانت باصة لابوها وبتعيط بحرقة لان كلامه و*جعها وذود احساس الندم عندها لانه فعلا ميستاهلش تعمل فيه كدة بعد ما رباها وكبرها هي واختها ورفض يتجوز عشان مش يجيبلهم مرات اب ،، لعنت هدير نفسها لانها عملت كدة في نفسها ومفكرتش حتي في ابوها واختها رغم انها الكبيرة بس للاسف ،، حاولت هدير تبرر عملتها وتتكلم بس فاجأها سلطان ابوها وهو بيضر*بها بالقلم وبيقؤلها بغضب :
اخرررسي ،، انا مش عاوز اسمع منك حاجة ،، انتي هتخليني اتزل للناس دي وابوس علي رجليهم عشان يرضو يخلو ابنهم يتجوزك ،، هتخليني اسمع كلام ملوش لازمة واتهان بسبب اللي عملتيه ،، منك لله يا بنتي ،، منك لله
قال سلطان اخر كلامه وخرج من القوضة بكسر*ة ووقتها رمت هدير نفسها عالسرير وبقت تعيط بحرقة ،، اما رنا فكانت سامعة كلام ابوها وقلبها بيو*جعها مع كل كلمة و خصوصا انه هيضطر يتزل لاهل قاسم عشان يوافقو يسترو علي اختها وهنا عقل رنا وقف وقالت بهمس :
مستحيل اخليك تتذل للناس دي يا بابا
قالت كدة رنا وبصت علي هدير باصة اخيرة وراحت ناحية دولابها وطلعت دريس من بتوعها ورمته عالسرير باهمال وهي مقررو تروح للناس دي وتتكلم معاهم وتقنعهم بموضوع اختها ،، بصت هدير للبس رنا وقالتلها بخوف :
انتي رايحة فين
رنا بصت لهدير بجمود وبعدين ردت بثقة :
هروح لام قاسم دي واتكلم معاها قبل ما بابا يضطر يروحلهم لازم احل الموضوع قبل ما بابا يتدخل
قامت هدير بسرعة وقربت من رنا وهي بتقؤل بخوف:
بلاش يا رنا ،، ارجوكي بلاش ،، انا خايفة عليكي ،، انتي متضمنيش رد فعل الناس دي
رنا بصت لهدير بثقة وردت بقوة:
صحيح مضمنش بس لازم اروح ،، اوعي تخرجي من القوضة او تحاولي تتكلمي مع بابا ،، سيبيه لحد ما يهدي ،، وانا مش هتأخر بس قوليلي عنوان بيتهم
هدير بصت لرنا بتردد ،، بس من جواها متأكدة ان هو ده الحل ،،عشان ابوها لو اتدخل ممكن يحصلو حاجة لو حد اهانو ،، فاتنهدت اميرة وردت بقلة حيلة:
هقولك عنوان ڤيلتهم ،، وكمان عنوان شركة اخوه دي معروفة اوي
………………………..
كانت قاعدة جميلة ام قاسم بتشرب قهوتها لحد ما دخلت عليها الخدامة وبلغتها ان في بنت عايزة تقابلها فاستغربت جميلة وطلبت من الشغالة تدخلها وفعلا دخلت رنا وهي متوترة من جواها بس حاولت تبان واثقة في نفسها عشان ام قاسم تصدقها ومتفتكرش انها بتكدب عشان طمعانة فيهم ،، وقفت رنا قدام جميلة اللي بصتلها بتقييم من فوق لتحت وبعدين قالت بغرور :
افندم ،، عايزة مين ؟
رنا اضايقت من طريقة جميلة وقالت في سرها :
لما من غير ما تعرف انا مين وعايزاها في ايه وبتكلمني بغرور اوي كدة اومال لما تعرف بقي هتعمل ايه ،، ربنا يستر ،،
واتنحنحت رنا وبعدين كملت كلامها بصوت عالي :
انا ابقي رنا سلطان حلمي وكنت حابة اتكلم مع حضرتك في موضوع ضروري
استغربت جميلة بس شاورت لرنا تقعد وهي بتقول :
تمام اتفضلي ،، خير في ايه ؟
رنا قعدت بتوتر وبعدين اتكلمت باحراج :
ممكن اعرف حضرتك عندك بنات ولا لا
جميلة كشرت وقالت بضيق:
وانتي بقي جاية تستجوبيني في بيتي ولا ايه ،، انتي مين وجاية هنا ليه
رنا اتكلمت بسرعة وقالت بجدية :
انا مقصدش اني استجوبك انا بس كنت عايزة اقؤلك ان لو انتي عندك بنت وبعد ما ربتيها وكبرتيها جه شخص ضحك عليها ووهمها بالحب وبعدين اخد اللي هو عايزه منها وبعدين عايز يسيبها ويهرب من المسئولية فانتي لو مكان ام البنت هتعملي ايه
جميلة بصت لرنا بغموض وفهمت ان الموضوع يخص حد من ولادها سواء قاسم او عامر بس مبينتش انها فهمت وردت بسخرية علي رنا :
والله اللي هعمله هو اني هعيد تربية بنتي من اول وجديد لانه الشاب مش غلطان ،، ده غلط بنتي لانها هي اللي وافقته وسلمته نفسها
رنا ابتسمت بسخرية لانها اتأكدت ان جميلة فهمت ان الكلام علي حد من عيالها وقررت تديها درس عمرها فردت بثقة :
والله الغلط مش عالبنت لوحدها ،، هي اه غلطت وجايز عايزة تتربي من اول وجديد بس الغلط الاكبر علي الشاب اللي معتقدش انه امه كانت فاضية عشان تربيه اصلا ومن رأي ان اهله اساسا ميعرفوش يعني ايه اخلاق عشان يطلعه ابنهم مش* متربي ويستحل بنات الناس كدة
وقفت جميلة بغضب وهي بترد بعصبية :
انا مش فاهمة انتي تقصدي ايه ،، ياريت تتكلمي علطول وتقؤلي انتي عايزة ايه ،، ياما اتفضلي مع السلامة
وقفت رنا وردت بهدوء وثقة وهي باصة في عيون جميلة :
لا حضرتك فاهمة كويس اوي انا بتكلم علي ايه فاتقي الله وبلاش تظلمي عشان ربنا هيردلك الظلم
زعقت جميلة بغضب وتوتر وهيا بتشاور لرنا عالباب :
انتي بتش*تميني في بيتي ،، امشي اطلعي برااا ،،
رنا بغضب وصوت عالي :
لا مش هطلع الا لما تخلي قاسم ابنك المحترم يعترف انه ضحك علي اختي وبعدين خلي بيها وسابها ،، انتي لو عندك بنت مكنتيش هتسكتي علي حقها حتي لو هي غلطت
اتأكدت جميلة من شكوكها وان ابنها عمل مصيبة زي دي ،، ورغم انها متأكدة بس بصت بغرور لرنا وقالت بحد*ة :
روحي يا شاطرة شوفي مين ضحك علي اختك بعيد عننا ،، انا ابني ميعملش كدة ،، ولو فكرتي بس تشهري بينا انا هرفع عليكم قضية تشهير وهسجنكم ،، اطلعي برررة
رنا دموعها خانتها وردت بجملة واحدة وهي باصة في عيون جميلة :
حسبي الله ونعم الوكيل فيكي ،، وانا مش هسكت وحق اختي هيجي
قالت رنا اخر كلامها وخرجت من الڤيلا وهي مقررة تروح لعامر اخو قاسم شركته لانه اخر امل ليهم وكانت بتدعي من جواها انه ميطلعش من نفس عينه جميلة امه والا وقتها متعرفش هتعمل ايه في المصيبة دي
……………………………
كان قاعد عامر علي مكتبه ومركز في شغله ومردش علي اتصالات امه الكتيرة لانه مشغول جدا بس اول ما فضي اتصل هو بيها ومرضيتش تعرفه اي حاجة وكل اللي قالته ليه انها عايزاه ضروري ودلوقتي حالا ،،قفل عامر التليفون وهو مستغرب وقلقان وقام واخد تليفونه و مفاتيحه وخرج وقال للسكرتيرة بجدية واتجاهل رنا اللي كانت قاعدة مستنية تدخله وقامت وقفت اول ما هو خرج:
انا رايح البيت ضروري وراجع لو في اي اوراق واقفة عالامضا اجليها وعامر بيتكلم لفت نظره رنا اللي كانت واقفة وبتفرك في ايدها بتوتر وكأنها عاملة مصيبة فشاور عامر عليها وهو بيسأل السكرتيرة بجدية :
مين دي ؟
السكرتيرة ردت بعمليه وهي بتبص لرنا بتردد:
دي بنت هنا بقالها نص ساعة وبتسأل علي حضرتك عشان تقابلك بتقؤل حاجة مهمة
عامر بص لرنا بتقييم فاتوترت وبقت تعدل طرحتها بتوتر واتفاجأت بعامر بيسألها بلا مبالاه
:
انتي مين ؟
رنا حاولت تستجمع شجاعتها وقالتله بثقة مزيفة :
انا اسمي رنا ،، وكنت عايزاك في موضوع مهم ،، تقدر تعتبره حياه او موت
رفع عامر حاجبه باستنكار وقالها بغرور:
حياه او موت ،، امممم ،، طيب انا مش فاضي ،، وقت تاني بقي
كان عامر هيسيبها ويمشي بس رنا اتكلمت بسرعة خلته يقف مكانه بصدمة :
اانا عارفة جميلة مامتك عايزاك تروحلها ليه ؟
وقف عامر ولف وشه وبص لرنا بغموض فكملت رنا كلامها بتوتر :
اانا كنت لسة عندها في الڤيلا بتاعتكم وعشان كدة جيتلك ،، فياريت تسمعني الاول قبل ما تروحلها …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أميرة الانتقام)
