رواية حبال المشنقة الحلقة الثانية 2 بقلم أروى طاهر المسلاتي

نسرين:شفت للفرصه يلي قدامي وعيوني يلمعو من الفرحه ومتردده نحكي 

جمال:يعني تقدري تقولي نبيها ممرضه خاصه فهمتي؟

الناس يلي نخدم عندهم امهم كبيره في السن وزي متعرفي صعب هلبا الايام هادي تلقي حد يتحمل شخص كبير الا لو كان ياخد في مقابل واكيد رح يكون مقابلها كبير اهم شي تكون الممرضه من اصول ليبيه وتخاف ربي فيها بس لبنت يلي واقفه على الريسبشن:اسفه خوي الخدمات هادي معندناش تقدر تمشي للمصحات الخاصه !

جمال:كيف معندكمش ؟بعدين انتي مسألتيش ولا وحده فيهم اكيد اكتر من ممرضه رح تقبل بي وضيفه زي هادي 

البنت:اسفه قتلك الممرضات يلي هنايا كلهم مخدمينهم بي عقود منقدرش نطلع حد منهم 

جمال:مرر صوابعه على الطاوله …..تمام يالله مش مشكله 

البنت:ع فكره صعب هلبا تحصل بنت ليبيه تخدم شي زي هادا اغلبية البنات يلي بتحصلهم فلبينيات ره 

جمال:تنهد بملل……اوكي تمام شكراا

طلع جمال وعيون رغد تلاحق فيه  دقايق بس وسمع صوت بنت تنادي فيه 

نسرين:خوووي يا اخخخ بالله لحضه من فضلك لو سمحت

جمال:شافلها بي استغراب ….تفضلي؟؟؟

نسرين:سمعت كلامك توا وانا بحاجة الشغل يلي حكيت عليه هلبا وكل الشروط يلي انت طالبها موجوده فيا 

جمال:ركز في لبسها….بس انتي خدمتك في المشفى صح؟؟

نسرين:اي صح لكن الشغل يلي انت حكيت عليه يناسبني اكتر ????

جمال:بتردد..تمام رح نخليلك رقم حاليا رني عليه ونحددلك يوم ندير معاك مقابله ونتفاهمو تمام؟

نسرين:بنبرة فرح….تمام نستنى فيك 

جمال:كتبلها الرقم ومشي في حاله مخلي نسرين وراه فرحانه وحاسه كأنها طلعت من بير عميق 

مكانتش تعرف الشي يلي يراجي فيها ????

___________________________

كأنه حلم !!!!

صوت ضحكاتها قبل موتها بي دقايق????

فرحتها رغم الغصه يلي كانت موجوده في عيونها ????

مقاومتها عشان تكمل فرحتها رغم ان كل شي كان ضدها

كل شي كان ضد فرحتها وحبها وزواجها بس مع هادا تقاوم ????

لين خلاص جت الرصاصه يلي نهت كللللل المقاومات هادي 

كانت الرصاصه اقوى من اي ضرف !!!….الرصاصه نهت حياتها بي الكامل وبعتتها لي ربي 

مشت وخلت عريسها متهستر وعقله مش عليه 

خلت عريسها يسأل في نفسه سؤال واحد بس !!!…..[علاش نحنا بدات]؟

علاش نحنا بدات فرحتنا مكملتش؟

شن يلي درناه باش نتعاقبو بي الطريقه هيا مثلا ؟

لاني كنت ناويها بي الحلال؟

ولا لاني حبيتها من قلبي والف شخص كان رافض حبنا هادا بدون اي سبب!!

كلل الكلام والاسئله هادي كانت في راس [مهيمن] العريس ????

اتعس عريس على وجه الارض 

مسح وجها بي يديه ودموعه ينزلو زي المطر????…..

وقف لما شاف التابوت طالع مغلف بي الردي البودري ????…..بكي كأنه طفل بيفقد امه 

كأن بيفقد جنته يلي في الدنيا 

عقله مش قادر يستوعب ان روحه بتفارقه????

مش قادر يستوعب ان قلبه بيندفن معاها ????…..مشي معاهم في الجنازه وخوته الاتنين ساندينه لان كان بيطيح من هدة الحيل يلي هوا فيها ????

كان يبكي ويردد في كلمته[الله يرحمك ويجعلك عروستي في الجنه ❤️]

شاف بي عيونه كيف التراب يغطي فيها …..بكي من وسط خاطره وقطع قلب كل واحد كان معاه????

حقد الناس يوصل احيانا لدرجة انهم قادرين يفرقو اثنين يحبو بعض حتى لو كانت الوسيله هيا الموت????

_______________________________

عليا:الله غالب هادا يلي ميسمعش كلام اهله من البدايه ويخالفهم شوفي كيف ربي خداها منه ????

دانيا:يا امي حرام عليك الموت غلط يتشمتو فيه راهو وفي النهايه هادا ولدك 

عليا:متشمتت في حد انا ضمي فمك انتي ….انا نوري فيك في عدالة ربي كيف ويلي يخالف راي امه وبوه شنو يصيرله 

سكتت دانيا وهيا قلبها واجعها على خوها العريس كيف بدت حياته جحيم

عكس امها يلي تحشمت تبين فرحتها بي موتت مرت ولدها رغم ان كان قلبها يرقص من الفرح 

كل الحاضرين في العزي كانو يرددو في قصت العروسه يلي ماتت????

والاشاعات كانت كاتره ….ناس نقلت القصه حقيقيه وقالت ان رصاصه طايشه قتلت العروسه !

والبشر يلي تحب تحكي في اعراض الناس طعنت في شرف العروسه وقالت ان العروسه مش بنت 

وكشفوها يوم الحفله ….غسلو عارهم بي الدم وقالو انها رصاصه طايشه 

وكل واحد وقصته وروايته …..لكن في الحقيقه مفيش ولا مخلوق يعرف القصه تامه ????

         ????رويـــــــات بنـــــوتـــة الــشـــيخ????

          ????أروى الطـــــــاهـــــر المسلاتي????

           ????القروب الاصلي400الف عضو????

خبر وصل مفروض يفرح عيله كامله …خبر شفاء شخص من العيله في ناس يديرو في زرادي ع خاطره 

بس العيله هادي لما وصلها خبر نفس هادا صعقهممممم!

صدمهم وفشل كلللل خططهم ????

خبر شفاء شخص مريض من الورم وانه فاق من الغيبوبه خلاهم يقلبو الدنيا ويعترضو على حكم ربي كأنهم يقولو…….كيف تعطيها عمر جديد ونحنا اعتبرناها ميته؟

رغد:مكانتش تعلم بي ولا شي من يلي صاير برا????…كل المشهد يلي كان في راسها راجلها ❤️

راجلها وهوا يراجي فيها برا متلهف لي شوفتها ويستنى فيها بي دقيقه 

مكانتش تعلم ان في شي يراجي فيها بيقسم ضهرها بين اثنين ????

خدت نفسها بصعوبه وهيا مصدومه  انها عايشه وتتنفس من جديد????

شافلها الدكتور وابتسملها بحب❤️……انتصرتي عليه????

ابتسمت رغد بتعب❤️……

الدكتور:اكيد اهلك بيفرحو بي الخبر هادا

رغد:تكلمت بي صبر …..اهلي متوفيين ????

الدكتور:اختفت الابتسامه من ع وجها ورد وهوا متأثر اسف مكنتش نعرف 

رغد:ردت عليه بي ابتسامه من تحت جهاز الاكسجين …ولا يهمك شكرا هلباااا على جهودك معاي❤️

الدكتور:واجبي ولوو❤️

رغد:وين زوجي ؟

الدكتور:رد بي استغراب ….زوجك ؟

رغد:هزت راسها بمعنى اي ❤️

الدكتور:ابتسم بتوتر ….اءء اي اي رح نكلم حد من الاداره يتواصل معاه ويخبره انه فقتي 

واكيد رح يجي جري بمناسبة الخبر الحلو هادا ????

رغد:اختفت ملامح الفرح من على وجها ….علاش ؟

هوا مش موجود هنايا؟مش معاي ؟

الدكتور:زاد عليه التوتر ????…اكيد طلع الضروف حكمت فيه

متواخديشي وبعدين انتي قعدتي هنايا مدة لاباس بيها ره طبيعي بيطلع يقضي اشغاله 

رغد:ريحها كلام الدكتور بشكل كبير❤️…سكرت عيونها براحه وهيا تراجي في خشت راجلها ….يلي كان سند بنسبه ليها????

________________________________

#تسريع_في_الاحداث

سيوره ينسى ويتزوج من جديد….الكلمه هادي ياما نقالت لكن للاسف مصارتش حتى بعد 3شهور????

عليا:شنو ياولدي ؟ حتى اليوم متبيش تاكل معانا ؟

مهيمن:وقف والدخان في فمه …..رجع شعره المتناثر للخلف…… فتح دولابه ومن بين قمصانه المعلقه طلع قميص اسود ….

عليا:اووووف علينا عاد!!…..امتى بتغيره اللون الاسود هادا ياسررررك من الطاقه السلبيه يلي انت فيها غير حياتك لعند امتى بتقعد هكي????

مهيمن:مردش بكلمه !!!

عليا:جبداته من يده….لما نحكي معاك متتجاهلنيش تسمع فياااا 

مهيمن:سحب يده بدون ميرد ومشي مخلي امه وراه تعيط بصوت عالي…حتى وهيا ميته مش مريحتنا الله لاترحمها 

والله يامهيمن كان مجبتلكش وحده تنسيك فيها معاد ولد بطني ولا نعرفك 

مهيمن:كمل طريقه كأنه مسمعهاش ????

اما عليا استمرت تشوفله بحقد وهيا داااهشه من العياط على ولدها

___________________________________

رغد:استنت الشهر الاول والثاني والثالت وقاعد راجلها مجاش ????

مكانش في حد معاها في اصعب اوقات حياتها????

تعافت بروحها بدون مساعدت حد من راجلها او اهل راجلها 

مكانش في حد غير لممرضات يلي دارت معاهم صحبه❤️

والدكتور يلي كان جابر بي خاطرها ❤️

لين جي اليوم يلي شافت فيه راجلها واقف قدامها❤️

نست ال 3 الشهور يلي قعدت فيهم بروحها بدون حتى مايسأل عليها وفرحت بي جيته????…لكن الفرحه هادي رح ادوم بعد ماتعرف يلي داروه فيها هوا وعيلته ؟ اكيد لا ????

__________________________________

نسرين:صح3شهور كان وقت طويل لدرجة نسيت وفقدت الامل ان الراجل يتصل بيا ونحصل الوضيفه …..بس في النهايه صار يلي كنت نتمناه❤️

اتصل بيا عشان يحدد موعد مع صاحب البيت يلي بنخدم ك ممرضه لي امه❤️

جهزت روحي وندعي في ربي انهم يوافقو عليا ممكن بي الراتب الكبير يلي بيعطوهولي يكون كافي لي اتعاب محامي راجلي ويطلع بي السلامه من السجن وترجع حياتي زي قبل❤️

جهزت نفسي وخديت دعوات من ماما وطلعت للعنوان يلي وصفه الراجل ليا

وصلت وكان حوش انيق ❤️…مش فخم 

الحوش كبير ✅…..وتصميمه بسيط جناناته يفتحو النفس ❤️

دكرني بي القصر يلي كنت ساكنه فيه ….كان فخم بدرجه رهيبه????

تنهدت بهدوء وقنعت روحي ان الايام الصعبه هادي رح تفوت والجاي احلا من قبل ومهما صار مستحيل نتخلى على حبيبي حتى لو انحبس الف سنه ❤️

خشيت للحوش ووقفت قدام الباب نبي نطق …بس انفتح بروحه 

وطلعت منه بنت واضحه النعمه عليها من لبسها كانت تعيط وتلعلع على راجل طالع متكنطي ????

عرفت روحي جيت في وقت غلط!….

قعدت واقفه في مكاني معرفتش شنو ندير والعياط داخل زاد هلبا كانهم يتعاركو…ولما قررت ناخد بعضي ونطلع يجو زوز شباب????

خشو وسكرو باب الحوش الكبير وراهم وانا قلبي طاح لاني معش نقدر نطلع 

خشو الاثنين بي ثقه كأنهم قادرين ينهو كلللل الفوضه يلي صايره داخل????..