رواية احببت منتقبه الفصل العاشر 10 بقلم ياسر الانصاري
رواية احببت منتقبه الجزء العاشر
رواية احببت منتقبه البارت العاشر
رواية احببت منتقبه الحلقة العاشرة
مصطفي. عندك حق ف كل دا بس عاوز تقول ايه
صهيب اخد نفس عميق . عاوز اكتب الكتاب النهارده
الكل في حاله استغراب واندهاش من كلمه صهيب
مصطفي. ازاي بس يبني الاستعجال وحش وبعدين احنا قولنا للناس أنها خطوبه مش كتب كتاب
صهيب. لا يا عم مصطفي الاستعجال في الحلال حلو.
وبعدين فين المشكله في الناس نفس الحفله وهتبقي خطوبه وكتب كتاب
مصطفي. بس يبني، والله ما عارف اقولك ايه
صهيب. اقولك انا يا عمي. انا فاهم كويس حضرتك فكرت في ايه بس أحب اطمنك واقولك لا الي بيحارب عشان حد لا يمكن يسيبه . حضرتك فكرت إني ممكن ف اي وقت اقولكم سلام عليكم ومش عاوز اكمل طبعا لو مخطوبه الأمر عادي لكن لو مكتوب الكتاب هتبقي مطلقه وهي لسا بنت بنوت. صح يا عمي مش دا تفكيرك ؟
مصطفي. بصراحه ايواه يبني
صهيب. وانا بقي يا عمي هضمنلك حقوق بنتك كلها مش أنها بس واحده مكتوب كتابها ولسا بنت لا كأنها متجوزة بقاله عشر سنين ومعاها ولاد كمان.
مصطفي باستغراب. ازاي يبني
صهيب طلع شيك من جيبه وطلع قلمه ومضي عليه واني الشيك ساري لحامله وساب رقم المبلغ فاضي.
صهيب. عمي دا شيك ع بياض بامضتي وساري لحامله في اي وقت. اتفضل حط الرقم الي يطمنك ويريح قلبك من ناحيه حقوق بنتك
مصطفي ابتسم. عداك العيب يبني. الزهراء انتي ايه رايك في كتب الكتاب الليله.
الزهراء. محدش يكره الحلال يا بابا وانتا اكتر حد عارف مصلحتي فين
مصطفي. خلاص يبني علي بركه الله كتب الكتاب الليله
صهيب بفرحه . ايواه بقي والله العظيم انتا عسليه يا عمي وهبوسك
قام صهيب با الفعل باسه وكلهم مبسوطين.
مصطفي. الزهراء خدي الشيك دا
الزهراء بصت لابوها
مصطفي ضحك. اعملي الي المفروض يتعمل يا بنتي
الزهراء اخدت الشيك وهي بتبص لصهيب وقطعت الشيك 100 حته
مصطفي. بص يا دكتور أنا امنتك ع بنتي لحمي ودمي تفتكر هتفرق معايا الفلوس ف حاجه !
صهيب مصدوم ومبسوط من الي شافه. ربنا يباركلك يا عم مصطفي انا قولت اضمن حقها مش اكتر
مصطفي. واحنا خلاص ضمنا حقها بأنها مع راجل بيحبها ويخاف عليها
محمود. الناس خلصت برا
صهيب. حلو دا هنطلع نشوفهم ونصلي العصر ف الجامع ونشوف هنعمل ايه بعد كدا. محمود عاوزك تشوفلي مأذون
محمود . من عيوني.
صهيب .يلا بينا جاي معانا الجامع يا عم مصطفي وانتا يا صابر.
مصطفي قام هو وابنه صابر. يلا بينا
شافو الشغل بتاع الليله وعجبهم اووووي
صلوا وخلصو ورجعو
صهيب. محمود بعت الاتوبيسات عند الجماعه عشان يجو
محمود. اه بعت اتوبيس وكام عربيه عند عيله امي وزيهم عند عيله ابويا
صهيب. فل اوووووووووووي
روحو البيت وكانو حضروا الغداء والرجاله اكلت مع بعض والحريم كذالك
مصطفي. هااا يا دكتور عاجبك اكل الزهراء ؟
صهيب بضحك. والله يا عمي الزهراء كلها ع بعضها عجباني جات ع الاكل يعني
ضحكو كلهم وبعدها جيه فون لمحمود من عمه
المستشار ابو زيد. ايواه يا محمود
محمود. عمي عامل ايه
ابو زيد . بخير بقولك ايه. احنا في الطريق يبني وانا وراهم انا والعيال بعربيتي
محمود .في انتظاركم يا عمي
صهيب. ايه اتحركو ولا ايه
محمود. اه اتحركو
مصطفي. مين دا يا صهيب !
صهيب. دا عمي المستشار ابو زيد ايوب
مصطفي. تشرفنا بيه يبني هو مستشار ف ايه
صهيب. رئيس مجمع محاكم القاهره
مصطفي. ما شاء الله يا مرحب بيكم يا ابني. ومعاك اعمام غيره ؟
صهيب. اه اللواء فريد ايوب لواء جيش . ومعايا عم ثالث اسمه ممدوح ايوب بيشتغل مدير عام في التربيه والتعليم
مصطفي. يا مراحب بيكم يا ابني
المغرب كان خلاص علي اذان وأهل صهيب وصلو طلعو كلهم يستقبولهم
مصطفي. هنخلي الرجاله تحت يا صهيب والستات فوق براحتهم
صهيب. عمي بس العدد كبير انا بفكر اشوفلهم اي استراحه أو اوتيل
مصطفي. والله عيب تقول الكلام دا اوتيل وبيتي مفتوح وبعدين العماره كلها بتاعتنا ومفروشه وفاضيه يعني متقلقش
صهيب. والله ما عارف اقولك ايه بس الف شكر يا عم مصطفي
الناس وصلت والكل بيسلم وصهيب بيعرف حماه وابنه علي عيلتهم
دخلو جواه يرتاحو والستات طلعت فوق الي كانو مبهورين بجمال الزهراء
هاجر عمة صهيب. تبارك الله قمر يا بنتي والله صهيب عرف يختار قمر للعيله
الزهراء. ربنا يخليكي يا عمتو
الستات هيصت ع الاخر طبل ورقص وغيره
والرجاله تحت بيتكلمو
ابو زيد. وانتا يا محمود بيه مش ناوي تفرحنا ولا ايه
محمود .عشر ايام با الضبط يا عمي وهكون لابس الدبله في وجود العيله كلها
فريد عم صهيب. ربنا يتمملك بخير يا صهيب انتا ومحمود
المغرب إذن والكل راح يصلي
خلصو صلاة ورجعو وكانت الزهراء راحت الكوافير والمكان أصبح جاهز والمطعم بعت الوجبات
محمود. يلا قوم البس بقي متخفش احنا مش هنطير يعني
صهيب. انتا شايف كدا
مصطفي. كلام محمود صح يلا قوم بقي
صهيب قام ومعاه محمود الي فضل معاه في اللبس والتسريحه وكل حاجه
صهيب. ايه رايك بقي ياض يا محمود
محمود. ياض ؟. هعديها عشان ليلتك بس. ما شاء الله عليك يا صهيب عريس عريس يعني
صهيب بضحك . طب منا عارف اخوك قليل ولا ايه
محمود. حلوه الثقه في النفس بردو. طب يلا بينا بقي
صهيب ومحمود اتحركو وقابلو الستات في وشهم الي فضلو يزغرطو ويهيصو واحضان وبوس لحد لما صهيب فصل منهم بقي عامل زي حتت القماشه الدبلانه
وصلو تحت عند الرجاله والكل مبسوط
مصطفي. ام الزهراء كلمتني وقالت أنهم خلصو خلاص
صهيب. جميل اوووووووووووي خلاص نتحرك نجيبهم
مصطفي. طيب هناخد الناس معانا ولا ايه
صهيب .والله ما عارف بس ع ما اعتقد لو فضلو هنا هيكون احسن ولا ايه رايك يا عمي
مصطفي. عين العقل كنت عاوز اقولك كدا بس خوفت تفهمني غلط
صهيب. عم مصطفي ممكن بعد اذنك تعاملني زي ما بتعامل الزهراء وصابر هل في تعاملك مع ولادك بتحسب كل كلمه اكيد لا خليني انا زيهم
مصطفي بابتسامه. واكتر منهم كمان يبني وربنا يعلم
اتحرك صهيب ومحمود وصابر عشان يجيبو الزهراء
اول لما وصلو الكوافير نزل صهيب وكلم أمه
عائشه. تعالي يا صهيب خد عروستك
صهيب. لا يا ماما خليها تطلع انا مش هقدر ادخل في ستات جواة
عائشه. يا حبيبي مفيش حد دا قسم مختمرات ومنتقبات يعني متقلقش
صهيب. حاضر يا ماما انا داخل اهو
دخل صهيب وسلم علي أمه وحماته واخته
واول لما وصل عند الزهراء كانت مدياله ضهرها وفجاءه بصت عليه.
صهيب تاه فيها مع العلم انها لابسه النقاب
عائشه. يلا يا حبيبي خد بايد الزهراء واركبو العربيه
الزهراء لسا هتعترض كان صهيب رد. لا يا ماما مينفعش امسك أيدها بصفتي ايه !
لحو عليه كتير بس هو صمم ومش بس كدا قال.. ف العربيه هدير هتركب ما بينا وكلها دقائق وتبقي مراتي وسعتها وقام ضاحك بصوت عالي.
الزهراء اتكسفت بس مبسوطه اوووووووووووي
اتحركو وركبو العربيه وبمجرد ما وصلو دخلو المكان بتاع الستات صهيب سابها ولسا هيخرج
مصطفي. والله العظيم ما يحصل اقعد جمب الزهراء يا راجل دي كلها دقائق وتبقي مراتك
صهيب أتردد كتير بس شاف بنت صغيره تبقي بنت ابن عمه وهو بيحبها جابها وسلم عليه وبأسها وقعدها بينه وبين الزهراء
الزهراء. كل يوم عن يوم بتكبر اووي في نظري وبتثبتلي حبك با الأفعال مش با الكلام
صهيب بابتسامه. وكلها دقائق ويبقي با الكلام والافعال يا الزهراء انا عندي كلام كتير اوووووووووووي حرمت علي لساني يقوله ف الحرام بس كمان شويه هقوله بدون سيئه واحده.
سابها وخرج. ارفعي نقابك ومتقلقيش صابر واقف ع الباب ولما المأذون يوصل ونكتب الكتاب هدخلك تاني
الزهراء بفرحه. روح ربنا يكرمك يا شيخ
صهيب بضحكه. ويكرمك يختي
صهيب خرج وسلم علي الناس وقعد معاهم شويه كان المأذون وصل
المأذون. السلام عليكم ورحمه الله وبركاته
مصطفي. وعليكم السلام ورحمه الله وبركاته. نورتنا يا عم الشيخ
المأذون. الله يكرم اصلك يا حاج مصطفي. فين العريس والشهود
مصطفي نده صهيب ومحمود وصابر
قعدو يكتبو الكتاب وكانت الستات كلها خرجت بتتفرج والزهراء كمان
المأذون. اين الشهود
صابر طلع بطاقته ومحمود كمان المأذون لما شاف بطاقت محمود
المأذون وقف. يا اهلا ببشوات بلدنا
محمود بيضحك. اقعد يا عم الشيخ اقعد
المأذون . فين وكيل العروسه.
مصطفي . انا يا عم الشيخ
كتبو الكتاب وصهيب مضي في الدفتر ،وبعتو الدفتر للزهراء عشان تمضي قبل ما تمضي بصت لصهيب بلهفه ومضت.
المأذون. بارك الله لكم وبارك عليكما وجمع بينكم ف خير
محمود خطف المنديل بسرعه . معلش يا جماعه انا محتاجه كمان عشر ايام
الكل ضحك
صهيب وقف واستاذن من مصطفي . عم مصطفي الزهراء خلاص بقيت مراتي
مصطفي. اه يبني بقيت مراتك روحلها
صهيب اتحرك ناحييه الزهراء مسك أيدها اتنفضت
صهيب. اهدي يا بنتي انا عاوز ادخلك جواء بس وبا الفعل دخلها وضمن أني مفيش رجاله شيفاها
رفعلها النقاب بايده
وتاه في جمالها وعيونها والكرز ( شفايف*ها )
ومحسش بنفسه غير وهو بياخدها في حضنه اوووووووووووي لدرجه تكسير الضلوع
الزهراء مكسوفه اوووووووووووي بس مبسوطه وطايره من الفرحه
صهيب خرجها من حضنه وبص في عيونها وقالها. دا أعظم انتصار ليا طول حياتي انا بحبك اوووووووووووي يا الزهراء.
ولسا بيبص حواليه لقي حوالي 200 ست باصينلهم ومقربين منهم
صهيب اتكسف. طب طب انا انا ايواه يا محمود جايلك اهو وطلع جري 😂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببت منتقبه)
