رواية سجينة مع وقف التنفيذ الفصل الثامن عشر 18 بقلم أميرة أسامة
رواية سجينة مع وقف التنفيذ الجزء الثامن عشر
رواية سجينة مع وقف التنفيذ البارت الثامن عشر
رواية سجينة مع وقف التنفيذ الحلقة الثامنة عشر
في منزل سيف وعلي بعد ما طلع
حاله من الصمت انتشرت في المكان فضلت عاليا قاعده دموعها نازله وساكته ريم قاعده جمبها دموعها نازله وهي كمان ساكته
سيف رايح جاي مفيش في ايده حاجه يعملها عدي عليهم الوقت اكتر من ساعه ونص وناصر مش بيرجع ولا حتي بيرد بدأ القلق يدق قلوبهم
عاليا…بخوف وبعدين يا سيف هنفضل ساكتين كده أعمل حاجه
سيف….اعمل ايه مش عارف يا عاليا انا كلمت خليل باشا قاللي طيب أقفل و هكلمك تاني و فات نص ساعه و متصلش بتصل بعم مرعي موبايله مقفول ناصر مش بيرد وبعدها تليفونه أتقفل فضل رايح جاي وماسك شعره في ايده بقلق اعمل ايه ياربي اعمل ايه.
عاليا….بدموع ننزل ندور عليه في كل حته يا سيف اكيد مش هنسيبه كده.
سيف….ندور عليه فين بس وبعدين ننزل ازاي ونسيب ريم
ريم…بتعب انا هاجي معاكم يا سيف.
سيف…تيجي فين انتي كمان انتي مجنونه الحركه غلط عليكي يوم ما تنزلي من البيت تنزلي واحنا مش عارفين هنروح فين ويمكن يكون في حاجه خطر عليكي.
عاليا….خطر خطر يعني ايه.
سيف….معرفش يا عاليا انا بفرض كل الإحتمالات.
عاليا….خلاص انزل انت لو منزلتش انا هنزل انا🥺
سيف….انتي اكيد مجنونه تنزلي فين انتي كمان و هتدوري فين هتمشي تنادي في الشارع وتقولي عيل تايهه يا ولاد الحلال وبعدين انا مقدرش اسيبكم انا بجد مش عارف اعمل ايه.
عاليا…يعني ايه متقدرش تسيبنا هو احنا عيال صغيره انزل يا سيف أرجوك
سيف….مقدرش اسيبكم يا عاليا اخاف يكون عز مراقب المكان متنسيش انه عارف الشقه هنا ولو فعلا مراقب المكان تبقي كارثه
عاليا….انت بتخوفني ليه ماهو لو زي ما بتقول كده يبقي اكيد مراقب ناصر كمان وناصر الوقت في خطر🥺🥺
سيف….عاليا اسكتي شويه أرجوكي أسكتي انا اعصابي تعبانه بما فيه الكفايه ومش عارف أعمل ايه انا هستني شويه كمان لو خليل باشا مردش عليا هنزل.
ريم…طيب اتصل بيه تاني يا سيف عادي يعني هو اكيد عارف انك قلقان يعني مفيهاش حاجه.
عاليا….اتصل يا سيف بالله عليك.
سيف…طيب طيب مسك سيف موبايله واتصل علي خليل
بيكنسل عليا.
عاليا…لا لا لا انا مش مطمنه في حاجه بتحصل ناصر مش بيرد عمو مرعي موبايله مقفول خليل بيه بيكنسل في حاجه والله انا قولتلك ياسيف قلبي مقبوض🥺
ريم….عاليا كفايه توتر ارجوكي استنوا شويه كمان اكيد هيتصل بينا او ناصر هيرجع.
وفي الوقت ده اتصل عليه خليل.
سيف….خليل باشا بيتصل.
عاليا…رد بسرعه.
سيف…بخوف ايوه يا خليل باشا.
خليل…سيف رجاله ناصر وصلوا لعز وناصر في طريقه ليهم.
سيف…اييييييه😳
عاليا…بصريخ في اييييييه.
سيف….طيب هو فين الوقت
خليل….هبعتلك العنوان حالاً انا في طريقي ليه و بلغت البوليس كمان.
سيف….ابعته حالا انا نازل هجيلكم علي هناك.
قفل سيف وبسرعه كان بيجري علي الباب مسكته عاليا من ايده هاجي معاك.
سيف…تيجي فين وتسيبي ريم خليكي هنا وتقفلوا علي نفسكم واياكي يا عاليا تفتحي لأي حد
عاليا…بدموع ابوس ايدك يا سيف خدني معاك.
سيف….مش هينفع نسيب رييييييم بقولك فوقي ياعاليا بقي.
ريم…بدموع طيب انا هاجي معاكم والله انا كويسه.
سيف….قولت مش هينفع😡 اسمعي الكلام انتي وهي هتفضلوا هنا ومحدش فيكم هيتحرك وانا هكلمك يا عاليا أطمنك. خرج سيف وقفل الباب وراه قعدت عاليا في الارض علي ركبتها وهي بتصرخ بأسمه ناااااصر🥺💔
قعدت ريم جمبها حضنتها بدراعها جوه صدرها وفضلت تعيط معاها🥺
………….
وصل ناصر المكان المحدد في وقت قياسي كان طاير بالعربيه وأول ما وصل لقي رجاله واقفه مستنياه بره و معاهم رجالته ومرعي واقف علي رأسهم
نزل ناصر من العربيه رزع الباب ومشي بإتجاههم عينه بتطلع شر وغضب كان بيمد بسرعه قرب منه مرعي وقف قدامه ومسكه من كتفه بقوه.
ناصر…هو فين😡
مرعي….أني وعدتك يا ناصر يا ولدي وكنت جد الوعد وچبتهولك كيف ما طلبت و انت وعدتني انك هتشفي غليلك منيه وبعدها تسلمه إياك تخلف وعدك ليا إياك يا ولدي تخليني عايش بذنبك طول عمري و تعيشني في وچع جلب.
ناصر….هو فين يا مرعي إنطوج
مرعي…چوه كيف الفار المبلول مرعوب.
وفجأه وقفت قدامهم عربيه ونزل منها شخص.
بصوله كلهم وفضلوا واقفين لحد ما قرب منهم.
شكلك لسه واصل.
ناصر…إيوه لسه مشفتهوش.
ناصر انا مكانش ينفع مساعدكش عملت كل اللي قولتلك عليه جهزت المكان ودعمت رجالتك برجاله زياده وزي ما اتفقنا ناخد حق علي والبنت اللي كانت معاه بس مش هنموته هنسلمه يا ناصر ياخد جزاءه ولازم تعرف ان انا وكل الرجاله اللي هنا مش هنسمحلك تآذي نفسك مع واحد خسيس زي ده هنخليه هو اللي يتمني انه يتقبض عليه عشان يترحم من ايدنا لكن مش هنمد ايدنا في دمه الزفر
ناصر….بغضب ماجدرش.😡
هتقدر يا ناصر لما تفش غلك فيه وترتاح و تشوفه بيصوت زي النسوان هتقدر وانت سامعه بيطلب الرحمه و مذلول قدام عينك مش هسمحلك يا ناصر تضيع روحك فاهم يا ابن بلدي.
ناصر….عزام !!!!! انا مديونلك بعمري كله عمري ما هنسي مساعدتك ليا عمري ما هنسي وجفتك معاي وعمري ما هسامح حالي علي شكي فيك في يوم
عزام….متقولش كده يا ناصر الخسيس اللي جوه لعبها صح كان عايز يلبسهالي عشان ينجي نفسه انا كمان ليا عنده تار زيك بالظبط تار علي ابن بلدي و تار حياتي اللي كان عايز يضيعها بس مش هو ده اللي اخد منه تاري يا ناصر ولا هو ده اللي اوسخ ايدي في دمه كفايه عليه العذاب اللي هيشوفه وكفايه عليه الإعدام
ناصر…..طيب يلا مش جادر أستني دجيجه كمان.
عزام…. يلا بينا
دخل ناصر و واراه عزام بيحاول يسبق خطواته ومرعي معاهم بيجري وراهم وهو حاطت ايده علي قلبه من المواجهه.
وقف ناصر قدام بوابه حديد زقها بكل عنف بأيده الاتنين عملت صوت قوي في الحيطه.
وعلي آثر الصوت اتفزع عز و الرجاله اللي مربوطه جمبه. وبمجرد ما شاف ناصر داخل عليه هو و الرجاله وراه ولمح عزام كمان و شاف الرجاله بتقفل الباب تاني وراء ناصر حس انه ميت لا محال.
عزام….بأبتسامه تشفي أزيك يا عز
طبعا مستغرب وجودي هنا صح كنت فاكر انك هتلبسهالي بس للأسف معرفتش كنت فاكر ان ناصر اول ما هيعرف ان انا اللي عملتها هيدور عليا ويقتلني طبعاً مستغرب الوقت ان انا وهو واقفين مع بعض وهتتجنن وتعرف أحنا أتفقنا و اتحدنا ازاي
بس متستعجلش هتعرف كل حاجه اصل احنا سهرتنا مطوله
عز كانت عينه زايغه في كل مكان وحاله الذعر والرعب اللي هو فيها
غير عاديه.
بصله ناصر وخد نفس طوييييييل
مشاعره كانت متخبطه مشاعر غضب وثوره عارمه وفرحه نصر انه قدر يوصله اخيرا.
قرب ناصر كام خطوه ببطئ رعب عز.
ناصر….كنت فاكر الحجيجه هتموت كيف اللي ماتوا يا عز كنت فاكر انك هتستخبي و مهعرفش أچيبك. تعرف اني أستنيت اليوم ده جد ايه و حلمت بيه جد ايه
عز….بخوف وتهتته في الكلام ناصر اسمعني انا معملتش حاجه صدقني عزام عزام هو اللي عمل كل حاجه وعشان كل حاجه ضده عايز يلبسهالي انا وينجي بعملته صدقني والله ما عملت حاجه ورحمه علي ماعملت حاجه.
ناصر…بغضب وصوت جهوري زلزل المكان متچيبش أسم اخوي علي لسانك النچسسسسس😡
متچيبش أسم ربنا لانك متعرفهوش مرعييييييييي حل من عليهم الحبل عشان متعودتش اخد حجي من مره ولا اخد حجي من مربوط.
قرب مرعي و رجالته فكوا عز و ال3 اللي كانوا معاه.
ناصر…إكده أعرف أتحدت زين راچل مع كلبببببب و لو اني هكون ظالم الكلب اصل الكلب وفي لا يخون ولا يغدرررر الكلب وفي لصاحبه وعمره ما يخون ابداً واني ظلمت الكلب لما شبهتك بيه.
عز….بخوف صدقني صدقني يا ناصر انا انا معملتش حاجه عزام عزام هو اللي عمل كده مش انا والعامل شاهد عليه
ناصر….اهو حظك الاسود ان العامل اللي انت چيبته ده عشان يروح يشهد زور ضد عزام هو اللي عرفنا طريجك وجال عالفلوس اللي كنت بتديهاله ولولا ان عنده عيال صغيره كنت جتلته وتاويت چتته بس عياله رحموه من يدي وإعترافه علي مكانك شفعله عندي وبجيت الوجت في يدي يا عز
عز….كداب كداب ده اكيد باعني لعزام اكيد عزام اشتراه ودفعله عشان يغير كلامه.
ناصر…وه انت بتنسي ولا ايه يا عز نسيت ان سبب هروبك انك سمعت سيف لما جالك ان ريم عايشه ولجيناها فاكر ريم يا عز الشاهد الوحيد علي چريمتك
عز….بذعر وهستريا كدابه كدابين كلهم كلهم كدابين.
طلع ناصر موبايله وحطه قدام عينه وإكده بردوا كدابين داس علي الزرار وشغله.
وهو باصصله بغضب كبير 😡😡
وعز واقف مصعوق ان جريمته كلها متسجله صوت وصوره.
في اللحظه دي ناصر فقد كل حواسه وهو سامع الڤديو للمره اللي مبقاش عارف عددها وشايف عز اخيراً قدام عينه ومع انتهاء الڤديو حط الموبايل في جيبه و فلحظه كان بينهال علي وش عز بايده وبدأ يضرب فيه بكل وحشيه في كل حته في جسمه وعز من خوف مكانش حتي قادر يدافع عن نفسه بيصرخ وبس تحت ايده.
ناصر…يا ابن الكااااااااااالب
جتلت سيدك يا و اطي جتلك زينه الشباب يا ابن الكلببببب
جري عليه عزام يحوشه من تحت ايده وهو شايف عز بيخرج دم من كل حته في وشه
عزام….ابعد يا ناصر ابعدددد
زقه ناصر بكل قوته رجع عزام لوراء وفضل ناصر يضرب بكل قوته فيه ومبقاش شايف قدام كل مايقع يوقفه بأيده تاني ويفتكر صراخ ضحي وصراخ علي وهو بيغتصلها وبكل قوته يضربه برجله
عشان يقضي علي رجولته نهائياً
فضل يصرخ عز تحت ايده من الوجع.
جري عليه عزام ومرعي والرجاله شالوه من تحت ايده بالعافيه
وقف ناصر وهو جايب مايه من كل حته وبدأ يتنفس بطريقه مرعبه المكان مكانش فيه غير صوت عز اللي بيصرخ من الآلم وصوت أنفاس ناصر القويه.
ناصر…وهو بينهج خد نفسك عاد عشان بس تعرف اني كريم معاك
وكيف ما جالك عزام لساتها السهره مطوله متخافش لسه باجيلك في العمر شويه
فضل عز يكح ويخرج دم من بوئه ويتلوي في الارض من الوجع.
ناصر….كنت فاكر ان الضربه اللي ضربتها لريم چابت أچلها بس ربك اراد يفضحك ويكشف سترك
من يوم ما شوفتك و في حاچه چوايا مش مرتحالك لكن للأسف اللي بعد الشك عنيك هو سيف
شوف ياراچل تبجي وسخ وواطي وابن كلب وفيك كل العبر ولسه في حد شايفك بني ادم و متعملهاش كان مخدوع فيك كيف علي ما انخدع بس مهلومش عليهم اصل اللي بيحب من جلبه بچد ما يجدرش يشك و يخَون ابداً.
قعد علي كرسي وبص للتلاته اللي كانوا معاه.
ناصر…شاور علي عز اللي مرمي علي الارض طيب ده وعرفنا انه واطي و خسيس و خاين و غدار
انتوا بجي وافجتوه ليه عشان شويه فلوس قام مره واحده من علي الكرسي وهو رايح ناحيتهم تعرفوا من وجت ما شوفتكم منورين في الڤديو واني مفيش في راسي غير سؤال واحد بس.
عرض عليكم كام ؟أصل من معلوماتي يعني البسيطه انه شحات علي كد حاله فا يوم ما هيدفع لكل واحد فيكم مبلغ هيكون كام مثلا روح اخوي وروح البت اللي جتلها وأغتصبها جدرها بكام انطجووووووووو😡
واحد منهم…بخوف رهيب ادانا خمسين الف كل واحد.
بصله ناصر بإبتسامه شر خميس الف چنيه بس يا راچل دول متسترين علي واحد جاتل تنين ومغتصب وحاول جتل التالته لاه انت ظلمتهم عاد تعرف اللي يجهر بچد انك حتي الفلوس اللي دفعتها ليهم خدتها من الفلوس بتاعت الشركه يعني من مال اخوي دفعتلهم فلوس علي عشان يجتلوه بيها.
واحد تاني بخوف احنا مقتلناش هو اللي قتل.
ناصر بكل غضب ولما تشوفوا اخوي بينجتل جدامكم ده يبجي اسمه ايه 👊 لما تتستروا علي جاتل وتساعدوه يبجي اسمه ايه👊 لما تكتفوا أخوي و تسيبوه يغتصب جدامه حبيبته يا ولاد الكاااااالب يبجي اسمه ايه
سمحتوا لروحكم كيف تشوفوا جدامك عرض بنت بينتهك جدامكم ليه ضميركم مصحيش يا ولاد الكلب الفلوس نيمته👊😡
كان بيضرب فيهم بوحشيه ومحدش فيهم قادر يدافع عن نفسه اي كرسي واي خشب موجود في المخزن اللي هما فيه كان بيطوله ناصر كان بيكسره عليهم مبقاش فيهم حته سليمه ضربه الخشب كانت تنزل علي جسمهم تكسر فيه اي حاجه مرعي وعزام ورجاله ناصر ورجاله عزام كانوا واقفين وراء مبيدخلوش سايبينه ياخده بتاره
وناصر مكانش متوصي كل ذره وجع كانت جواه طلعها عليهم كل ما يفتكر صوره علي وهو في التلاجه بتاعت الموتي واللي كانت مش بتفارقه ابدا يزود عليهم الضرب مكانش ضرب عادي كان قتال والفائز الوحيد فيه هو ناصر.
رني ناصر من ايده الخشبه اللي كان بيضربهم بيها و فضل ياخد
نفسه بسرعه وبينهج كأنه كان في سباق ومحتاج ياخد راحه
قعد علي الكرسي وجاله مرعي بزجاجه مايه.
مرعي…اشرب يا ولدي اشرب.
خد ناصر من ايده المايه فضل يشرب لحد ما خلص المايه كلها وبعدها فعص بأيده الزجاجه سحقها بين ايده ورجع بص لعز اللي مرعوب في الارض وهو شايف رجالته مرمين اللي راسه مفتزحه وبتنزفز جامد اللي عينه مش باينه من الورم واللي بيصرخ من كسر في جسمه.
ناصر…ايه خايف لاه متخافش اصل اللي حصل فيكم ده لسه ترحيب بيكم إنما اللي چاي دمار عليكم بس طبعاً عارف ان في شويه أسأله في راسك محتاچ تعرفها واني هعتبرها دي امنيه ليك قبل ما تموت علي يدي عشان تعرف اني كريم معاك وبحججلك امنيتك معملتش كيف ما انت عملت مع اخوي وضحي فاكر ضحي يا عز 😡
وبدأ ناصر يحكيله.
ناصر…وجت ما عرفت ان ريم عايشه وجتها انت كنت بتحدت سيف وبتجوله ان في عامل چالك وجالك ان عزام بيكدب وانه اختفي كتير ومجاش غير بليل ولما چه جال لباجي العمال يجولوا انه متحركش عشان خايف حد يشك فيه واداهم فلوس وهما وافجوه وطبعا جولت لسيف ان العامل ده جالك انه ضميره صحي ومهاينش عليه دم علي يعني مش بس جاتل ومغتصب لاه كمان بچح رايد تلبسها لحد تاني استغليت خناجت علي وعزام جدام الخلج وجولت هي دي اللي هتبعد عنيك الشكوك.
لما عرفت وشوفت الڤديو وعرفت انك وراها مستغربتش اه الكدب خيبه في البدايه شكيت في عزام عشان اللي حصل بيناتهم ومكانش في غيره ليه يد فيها بس كمان لما جعدت مع حالي وعجلتها مصدجتش عزام ابن بلدي واللي متعرفهوش عن الصعيدي انه راچل صوح ودي حاچه مش مكتوبه في قاموسك متعرفهاش
يمكن يتخانج يجتل لكن انه يستحل شرف مره متحصولش😡
دي حاچه تطلع من حيوان من واحد مهواش راچل كيفك يعني
تعرف يا عز لو كنت جتلت التنين كنت صدجت ان عزام يعملها لكن اغتصاب ومره تتعري جدام الرچاله لا يمكن تطلع منينا
هحكيلك حكايه بسيطه جوي كان في عندينا واد إكده تلفان و حياته كلها بلطجه وشرب في مره شباب ضايجوا بت وعاكسوها كانوا لساتهم اصغار مراهقين يعني البت چريت ووجعت جدام أخينا التلفان ده وهو سكران طينه وجعت في عرضه انه يحميها مسك العيال كلهم علجه موت وهو سكران ومش داري ودافع عن البت وحماها منيهم ومجربلهاش واهو كان سكران معلهوش لوم لكن هو في الاخر صعيدي
المهم دي جصه متخصكش وبيتهيألي ممكن متعرفش المغزي منيها لانك مش راجل من الاساس
خلينا في الاهم.
لما وصلت لريم وچبتها إهنه روحت عالنيابه عادي عشان أثبت اني لسه معرفتش حاچه اصلي مكنتش عايز حد يعرف ان ريم عايشه عشان كنت رايد اوصلك قبل الحكومه كيف موصلت.
ويومها جابلت هناك عزام لاول مره من يوم الحادثه
فلاش باك..
عزام…ازيك ياناصر البقاء لله يا خويا.
ناصر….الحمد لله يا عزام بخير حياتك الباقيه.
عزام…ورحمه علي يا ناصر معملتها ناصر كان اخويا والشغل انت عارف يا ابن عمي بيحصل فيه مشاكل كتير والله العظيم كانت اول مشكله بيني وبين علي
بس عمري ابدا ما اقتله يمكن كنت غلطان في حكايه الادوار المخالفه وعارف ان علي بيخاف ربنا عشان كده رفض وقتها الشيطان اللي سخني بس والله ماكان في نيتي ابدا اني اتخانق معاه انا بس اتعصبت لما صوته علي واتخانق معايا قدام العمال وعايز كمان اقولك ان كلام العمال غلي اني هخليهم يصبوا الدورين تاني يوم كان فعلا صح بس مكانش هيبقي من وراء علي كنت هقوله كنت مستنيه يرجع من الغداء ونتكلم في الموضوع ده بس هو كان جاي مضايق وفاكرني هعملها من وراه ومدانيش فرصه ادافع عن نفسي هو دماغه كانت في حتته ان الناس ممكن هتتآذي وخايف من الحرمانيه وانا كنت شايف ان الاساس من البدايه معمول حسابه بس الخناق خلانا معرفناش نتكلم لكن ورحمه علي ورحمه ابويا وامي يا ناصر ماعملتها ولو عندك شك واحد في المليون فيا اقتلني وخد بتار اخوك يا اخويا واكبر دليل اني مهرباش يا ناصر انا كل يومين بكون هنا حتي لو النيابه مستدعتنيش.
ناصر…بإبتسامه وانا مصدقك يا عزام وعرفت مين اللي عملها ومعايا فديو صوت وصوره بالحادثه كامله
عزام…ايه ومقولتش ليه جوه عند وكيل النيابه؟
ناصر…ترضهالي يا واد عمي اهمل تار اخوي؟
عزام…لا تارنا واحد يا ناصر علي اخويا زي ما هو اخوك وابن بلدي واللي يجي علي ابن بلدي نعرفه شغله بس متضيعش نفسك يا ناصر خصوصا انك معاك دليل
ناصر….مش هقدر يا عزام نار قايده جوايا ولازم اطفيها ولازم ناري تطوله.
عزام….يبقي هساعدك يا ناصر تطفي نارك وتطلع غضبك كله فيه بس من غير دم في الاخر نسلمه
ناصر….انا محتاج مساعدتك فعلا بس سيب حكايه التسليم دي لوقتها.
عزام…رقبتي وروحي تحت رجلك يا يا اخويا بس مش هسمحلك تآذي روحك بس قولي مين يا ناصر.
ناصر…عز صاحبه
عزام…بصدمه بتقول ايه ده كان عايز يلبسهالي
ناصر….عشان كده احنا فعلا تارنا واحد.
عزام….وانا جاهز عندي مخزن مقفول من سنين هفتحه وهنجيبه فيه.
ناصر….قلبت عليه الدنيا مش عارف هو فين حتي بيت اهله مراقبه مظهرش.
عزام….هنربط كل الخيوط ببعضها وهنحط تحت عينا كل واحد عز بيتعامل معاه وهنوصله ورجالتي تحت امرك.
ناصر….مخيبتش ظني فيك يا عزام ولازم تسامحني عشان كنت شاكك فيك في البدايه.
عزام…انسي يا ناصر ده كان حقك يا اخويا وانا مش زعلان المهم اننا وصلنا للحقيقه ومن اللحظه دي انا في ضهرك.
بااااااك.
ناصر….وانا وعزام من وجتها علي تلافون مع بعض.
لما جولت لسيف بجي علي العامل اللي ضميره ضحي فچأه
عزام ورچالتي مآثروش راچعوا كاميرات الشركه بنفسهم والشهاده لله موظف الإستجبال ساعدنا كتير وجال ان في واحد چالك يومها جبل ما تتحدت مع سيف وجعد معاك في المكتب اكتر من ساعتين ولما راچعنا الكاميرات عرفنا شكله و لما چبنا معلوماته عرفنا انه عامل بسيط بيشتغل في السجالات وصلتله و كنت هجتله بيدي بس مرته وعياله شفعوله وجال علي اتفاجك معاه وهو اللي وصلنا بمكانك يا حزين عشان إكده اني عفيت عنيه.
وطبعاً الباجي انت خابره زين ورچالتك انت اللي جولت علي مكانهم.
وأخيراً يا عز بجيت تحت يدي ومش هرحمك.
عز….بدموع ورعب ابوس ايدك يا ناصر ارحمني كان شيطان شيطان والله
ناصر…بغضب طير الكرسي اللي كان قاعد عليه في وش عز
وانت مرحمتوش ليييييييييه😡
عز…ااااااه فضل يكح والدم يخرج من بوئه
ناصر…مفتكرتلوش ليه اي حاچه حلوه عملها وياك ده عمره ما آذاك كان عادك اخوه كان مسلمك ماله وحياته وكل حاچه.
مصعبش عليك ليييييييه صوته اللي كان بيدوي في المكان وهو بيصرخ ويجولك لاه يا عز بتعمل ايه يا عز كان مصدوم ومش مصدج ان انت اللي تعمل فيه إكده.
ركله قويه في وش عز من ناصر😡
ناصر….جالك يا خسيس لو اعرف انك بتحبها مكنتش جربتلها خطوه واحده يا صاحبي وانت متهزتش يا ابن الكااااااااالب.
كان بيصرخ وانت بتغتصب ضحي جدام عينه وانت بتدبحه بسكينه تلمه كان بينادي عليك طول الوجت عشان يفكرك ان هو صاحبك اخوك يا وااااااطي.
وقف ناصر في وسط المخزن ولأول مره يصرخ بصوته كله كان بيدوي في المكان وعامل صدي صوت فظيع صم آذان الجميع
ناصر…ياعلييييييييييييييييي چبته يا علي اللي جتلك يا اخوي تحت يدي ارتاح يا عليييييييي وعدتك ان تارك مههملوش وكمت جد الوعد يا ابن عمري سرجك مني الواطي الخسيس واني هسرك روحه واريحك يا حبيبي.
ارتااااااح ياخوووووووووي💔
وفجآه مبقاش في عقل نهائي عند ناصر و راح علي عز فضل يضرب فيه بكل قوته
ناصر…..جتلته ليييييه غدرت بيه ليه دبحته وهو لساته عايش ليه.
جري عليه عزام ومرعي ورجالته
و في اللحظه دي اقتحم المكان سيف و خليل و خالد ومعاهم الشرطه جري خالد علي ناصر يحاول يبعده مع عزام ومرعي مكانش حد قادر عليه اتحول لوحش من غير عقل وصوته كان طالع من قلبه💔🥺
ناصر…سيبووووووووني يا علييييييي جتلك يا اخوووووووي حرمني منيك يا عليييييي.
خليل…نااااااصر سيبه يا ناصر
حاولوا يبعدوه علي قد ما قدروا الشرطه كانت في كل مكان و بداوا يقوموا رجالت عز في اللحظه دي وفي الوقت اللي الكل مشغول فيه مع ناصر بمجرد ما سيف لمح عز قدامه هو كمان مقدرش يسيطر علي نفسه ونسي كل كلمه كان بيقولها لناصر
وفجأه انهال عليه بالضرب وبقي يسحق في وشه بجزمته. ومسك من الارض خشبه كبيره ورفعها وقبل ما ينزل بيها علي راسه كان انتبه الجميع لسيف وجريوا كلهم عليه.
سيف…بدموع يا ابن الكلب خد روحي مني يا زباله حرمتني من اخويا وصاحب عمره يا خاااااااين
اااااااااه يا عليييييي.
بسرعه اتدخلت الشرطه وشالوا عز من قدامهم وهما بيجروا فيه مكانش قادر يقف وتقريباً مكانش في وعيه.
الظابط….خليل باشا طبعا لولا حضرتك اتدخلت مكناش وصلنا خالص و اكيد حضرتك عارف الوقت ان الكل لازم يجي معانا.
خليل…بتفهم اكيد يا رامي هنكون عندك و هنطلع وراك كلنا حالاً
خرج الظابط وخرج كل الرجاله وراه مسك خالد سيف ومشي بيه كام خطوه ووقف بص علي ابوه وناصر كان واقف جمبه مرعي وعزام
ناصر كان واقف تايهه خالص مش مع اي حد واخيراً ساب دموعه اللي كتمها كتير اوي لحد ما خنقته تنزل قدام الجميع.
ناصر…حرام عليكم ليه عملتوا كده ليه مسيبتونيش اخلص عليه ليه مخلتونيش ارتاح واريح اخويا.
خليل…بحزن قرب من ناصر شده لحضنه عيط يا ناصر و خرج اللي جواك يا ابن الغالي.
ناصر…اااااااااااااااااه يا عليييييييي ااااه يا شقي عمري.
فضل خليل مشدد علي احتضانه كان موقف صعب علي الجميع
وبعد وقت من الدموع وتفريغ الشحنه الداخليه اللي كانت جوه ناصر اتحركوا كلهم وراء عربيات الشرطه.
……………..
بعد مده وصلوا كلهم وراء عربيه الشرطه وطبعاً اتنقل عز واللي معاه للمستشفي لسوء حالتهم الصحيه.
فضل ناصر والجميع بره مكتب وكيل النيابه.
خليل….خالد اتصلت بالمحامي
خالد…جاي في الطريق زمانه داخل علينا
سيف…بقلق بس محامي ليه هو ناصر قتله.
خليل….لازم يكون معاه محامي يا سيف لان دي تعتبر قضيه خطف ومش بس كده ده اعتداء بالضرب وزي ما شوفت اخوك مش مخلي فيهم حته سليمه.
سيف…بغضب حقه مش كفايه مقتلهوش وخلص عليه😡
خليل….انا مقدر اللي بتقوله بس قانوناً القانون ميعرفش كده يا سيف ده خطف وضرب ومكان مجهز يعني من الاخر جريمه مدبره ولو مكناش وصلنا في الوقت المناسب كان اخوك قتله يعني من الاول خالص كان مدبر كل حاجه ومخططلها صح
ناصر….عزام ملهوش دعوه وهقول حاجه جوه مش عايز حد يعارضني فيها او يغير كلامي انا وعزام نعرف بعض وانا كنت عارف انه عنده مخزن و روحت كسرت الباب من غير ما يعرف ولما وصله خبر ان في حد جوه المخزن خاف تكون سرقه فجالي فورا ومرعي والرجاله انا كنت قايلهم يبقوا معايا ومرعي بلغك يا باشا وحضرتك قولتله يجاريني واعمل اللي انا عايزه منها يكون عينه عليا ومنها تبلغ وتوصل لعز عن طريقي.
عزام…انا مش موافق طبعا ومش هسيبك ولو هتبقي قضيه انا موافق تتقسم علينا علي الاقل يبقي في تخفيف في الحكم
مرعي…ايوه واني كمان.
خليل….اللي بتقوله ده مش صح القانون مش زي ما انتوا فاكرين كده.
سيف….بس ده قاتل وده اقل واجب يتعمل معاه.
خليل…كل ده النيابه بتحطه في عين الاعتبار وعموما انا عايزك تطمن متقلقش ان شاء الله مش هيحصل اي حاجه بس لازم كمان بكون في افتراض لكل حاجه وانا مع ناصر مش هسيبه ابدا.
ناصر…المهم اللي قولته هقوله جوه ومحدش يغير اقواله مهما حصل ومش هعيد كلامي تاني مفهوم يا عزام انت ومرعي.
وبص لسيف. سيف عايزك ترجع عالبيت حالا متسبش عاليا وريم لوحدهم.
سيف….انا مش همشي من هنا غير وانا معاك
ناصر…سيف انا مش هكرر كلامي كتير.
سيف …وانا ورحمه علي ما همشي من هنا يا ناصر كفايه انك كنت بتعمل كل حاجه وانت مثبتني ومش معرفني اي حاجه
خليل….خلاص يا سيف خليك خالد اتصل برغده ومشيره يجهزوا وخلي السواق ينزل حالا يوصلهم عند عاليا وريم وميسيبوهمش لوحدهم.
خالد…ماشي حاضر هكلمهم حالاً
في الوقت ده خرج العسكري وطلب ناصر يدخل كان المحامي وصل ودخل معاه.
بعد عنهم سيف وكلم عاليا.
بمجرد ما سمعت صوت الموبايل فتحت بلهفه
عاليا…بدموع سيف سيف انتوا فين قولي ان مفيش حاجه حصلت والنبي.
سيف…بتعب وإرهاق عاليا اسمعيني كويس بالله عليكي
عاليا…طمني الاول علي ناصر يا سيف.
سيف…بخير والله العظيم زي الفل ومتقلقيش محصلش حاجه لحقناه في الوقت المناسب.
عاليا…طيب احلف برحمه علي ان ناصر ملمسهوش وانكم لحقتوه
سيف…ورحمه علي والله العظيم لحقناه .
عاليا.. امال في ايه.
سيف…عاليا اينعم ناصر مقتلهوش واحنا لحقناه لكن اعتدي عليه طبعا بالضرب وتقريبا عز مش نافع لا هو ولا الرجاله اللي معاه فيهم إصابات كتير
عاليا…بفزع انت بتقول يعني حد فيهم هيموت.🥺💔
سيف…ياستي لا ان شاء الله مش هيحصل حاجه بس طبعا ممكن تتحسب لناصر قضيه خطف وتعدي بالضرب ويمكن يكون في عاهات مستديمه بس ان شاء الله خير خليل باشا معانا وفي ناس كتير تبعه مش مقصرين حتي وكيل النيابه من معارفه يعني خير
عاليا….بدموع طب والنبي قولي انتوا فين عايزه اجي اشوف ناصر واطمن بنفسي.
سيف…ياعاليا مش هينفع والله الوقت الله يرضي عنك اهدي شويه مدام مشيره ورغده هيجوا الوقت يفضلوا معاكم عشان انا مش هقدر اسيب ناصر المهم انا متصل بيكي الوقت عشان حاجه تانيه خالص ياعاليا.
عاليا…بدموع حاجه ايه يا سيف قول.
سيف….عاليا انا عارف ان اللي هقوله الوقت ده مش من حقي بس اعتبريه رجاء شخصي مني ليكي
عاليا….بلاش تقلقني والنبي قول علي طول.
سيف….عشان خاطري يا عاليا اكيد النيابه هتستدعيكي وتستدعي ريم واكيد هتستدعي دكتور عمر وجماعته انا طالب منك يا عاليا لما تقولي اقوالك متجيبيش سيره ان ناصر خدك بالغصب للصعيد ولا تقولي انه كان محتجزك عنده لحد ما ريم تظهر لما وكيل النيابه احتاجك وبعت ليكي ناس تستدعيكي عشان حوار التليفون جيرانك قال انك سافرتي وبتدوري علي اختك في كل مكان انا عايز تفضلي ماسكه في الكلام ده وتقولي انك وصلتي كمان لريم قبلنا وانك اتصلتي بينا واحنا جينالك وانا هتصل كمان بدكتور عمر اطلب منه يقول نفس الكلام عشان لو ثبت ان ناصر خدك بالغصب هتبقي قضيه جديده وده مش هيكون في صالح ناصر ابدا يا عاليا انا بترجاكي سامحيه و اعتبري ان اللي عمله ده كان غصب عنه ناصر طيب والله يا عاليا و ميستاهلش كل اللي بيحصل ده🥺💔
عاليا…بدموع انت بتقول ايه بس 🥺 انا عمري ما زعلت منه ومسمحاه من قلبي يا سيف انت مش فاهم حاجه ناصر انا لو طولت افديه بعمري هعمل كده
بس يرجعلي تاني ياسيف ارجوك متسيبهوش
ابتسم سيف من وسط دموعه هيرجعلك يا عاليا وهيرجعلنا كلنا ربنا يخليكي ليا يا احسن اخت واطيب قلب في الدنيا.
عاليا…رجعلي ناصر يا سيف🥺
سيف….اطمني يا عاليا وانا هعرف هيحصل ايه وهبلغك والله العظيم خلاص يا عاليا بدأنا نفوق من الكابوس كلنا وعلي فكره يا عاليا
انا بشكرك من قلبي بجد عارفه ليه؟
عاليا…ليه؟🥺
سيف….عشان كلامك يا عاليا مع ناصر فضل جواه وانا كنت واثق انه مش هيقتل عز وهيرجعلك يا عاليا♥️
ابتسمت عاليا وفضلت دموعها تنزل. يارب يا سيف يارب.
سيف…يلا خلوا بالكم من نفسكم وهرجع اكلمك تاني.
عاليا….سلام يا سيف.
سيف…سلام يا عاليا.
قفل سيف مع عاليا وفورا اتصل بعمر حكاله وقرر عمر وياسر وشيماء انهم ميستنوش للصبح زي ما كانوا متفقين يروحوا اول يوم العيد وسافروا فوراً
…………….
بعد وقت طويل اكتر من ساعه ونص قرر وكيل النيابه انه يتحفظ علي ناصر لحد ما يجيله تقرير طبي باللي حصل لعز واللي معاه وبعد ما يسمع اقوال كل الشهود واقوال اهم شاهد فيهم وهي ريم
وعشان مكانه خليل قرر وكيل النيابه انه يتحفظ عليه جوه مكتبه.
سمع تاني اقوال عزام ومقدرش عزام يقول غير اللي ناصر قاله هو ومرعي ورجالته.
الصبح طلع والكل كان موجود عمر وياسر وشيماء حتي ريم راح سيف جابها هي و عاليا.
كان ناصر قاعد في مكتب تاني ووكيل النيابه بيحقق مع الكل.
طلبت عاليا تشوف ناصر لكن هو رفض يقابل اي حد.
وفي الوقت ده كان وصل خبر لوالده عز و والده واللي راحوا فوراً علي النيابه.
طلع التقرير الطبي وكان كالاتي.
ال3 رجاله اللي كانوا مع عز كانت إصابتهم مختلفه واحد إصابه في فقره الظهر لكن مش إصابه بالغه كسر في الزراع مع كدمات في الوش والعين وواحد كسر في كف الايد و كسر في الانف وواحد جرح عميق في الجبهه والرأس مع تورم شديد في الوجهه بالكامل.
اما عز فكان ليه النصيب الاكبر من الإصابات كان عنده كسر في الفك من ضربه ليه في وشه و شرخ في الانف كدمات شديده في جميع اجزاء الجسم و اكبر إصابه كانت عاهه مستديمه اتسببتله انه ميقدرش ابدا يخلف او حتي يتجوز.
و إصابتهم كانت هتاخد وقت طويل في العلاج استمر التحقيق حوالي خمس ايام استمع وكيل النيابه لكل الشهود واولهم ريم اللي قالت وحكت كل حاجه حصلت واكد الكلام عمر وياسر وشيماء اللي حكت من اول ما شافت ريم لحد ما نقلوها المستشفي وبعدها خرجت عليهم في البيت.
دخل والده ووالدته قالوا كل اللي حصل من يوم ما علي اتقتل لحد ما عز ساب البيت وكان متغير وخايف وكانت شهادتهم في صالح ناصر اكتر.
تاني يوم كان سادس يوم عرف وكيل النيابه انه يقدر حاليا ياخد اقوال الرجاله اللي ساعدت عز حالتهم بقت افضل ويقدر يحقق معاهم راح وكيل النيابه واستمع لشهادتهم كامله من بدايه اتفاق عز لحد اليوم اللي لقوهم فيه.
بعد اربع ايام كمان بدأ عز يفوق ويتحسن شويه طلبت الام والاب يزوروه بعد ما اتوافق علي زيارتهم دخلوله.
فضلت والدته بصاله بوجع دموعها نازله والاب باصصله بقهر وحزن مش عليه قد ما هو علي تعبه في تربيته.
كان عز بيهرب من عينهم ومش قادر ينطق
احمد….انا جاي اسألك سؤال واحد بس ليه؟ اديني سبب واحد بس وقولي قصرنا معاك في ايه ده احنا مكانش لينا غيرك كنت فاكرك هتبقي سندي وضهري قطمت ضهري وخليت عيني في الارض عملنا معاك ايه ياعز يخليك تعمل فينا كده يا وحيدي💔 قتل وإغتصاب هو ده اللي ربيتك عليه انت عارف انا اول مره في حياتي اقعد اسأل بيني وبين نفسي وشريط عمري يمر قدامي و ادور فيه علي ذنب عملته بس ملاقتش يمكن كنت بغلط لاني بشر بس عمري ما عملت حاجه تغضب ربنا عمري ما كلت حرام ولا دخلت جوفك انت وامك لقمه حرام عمري ما ظلمت حد عمري ما كسرت بخاطر حد ازاي في الاخر ازرع زرعه تطلع فاسده وانا عمري ما زرعت فيك غير الخير حاولت كتير الاقيلك عذر لانك في الاخر ابني بس ملاقتش غير اني كنت طول عمري عايش مع شيطان قلبه مش موجود الحجر احن منه
همت…بدموع انا كمان دورت كتير علي ذنب عملته عشان ربنا يرزقني بأبن زيك بس ملاقتش خلتني صغيره اوي في عين نفسي علي تربيتي ليك بس انا مقصرتش ربنا مرزقنيش غير بيك ورضيت كبرت وعلمت وزرعت كل خير اتعلمته من امي فيك ياعز بس انت طرحته قسوه ووجع
انت عارف الوقت بس اتأكدت ان مش شرط الام والاب يكونوا وحشين او يكونوا متعبوش في تربيتهم او حتي يكون ليهم ذنب عشان ربنا يبتلينا بأبن زيك زي ما بيقولوا يخلق من ضهر العالم فاسد وانت مش بس كنت فاسد يا عز انت كنت ظالم وغدار وخاين للعيش والملح ومش راجل وقاسي وكل الصفات الوحشه فيك يا خساره تعبي وتربيتي ليك انا هاين عليا اديلك ميت قلم علي وشك بس كفايه اوي اللي انت فيه صدقني اللي عمله فيك ناصر شويه عليك انت حرمته من راجل كان بعمرك كله ياريته موتك وريحنا منك بس انا بحمد ربنا انه موسخش ايده بدمك قلبي وربي غضبانين عليك ليوم الدين يا عز وهعتبرك مجتش في حياتي وهعتبر ربنا مرزقنيش بالخلفه اللي يارتني ما كنت أتمنتها في يوم من الايام.
احمد….هنقف مع ناصر عشان احنا طول عمرنا بنقف مع الحق ولو احنا وقفنا معاك بعد اللي عملته ده كله يبقي خسرنا اخرتنا وكفايه اوي علينا خساره دنيتنا اللي انت في لمح البصر سرقتها مننا وخلتنا حسينا ان عمرنا ضاع فيها هدر.
همت…بدموع وكيل النيابه هيجي ويسألك تعترف بكل حاجه اعمل حاجه صح قبل ما تتعدم وتقابل وجه كريم طلع ناصر من ضيقته اللي انت كنت سبب فيها خساره يضيع شاب زيه بسببك كفايه ضيعت اخوه والبنت البريئه حتي امها ذنبها في رقبتك يا عز
احمد…..يا خساره تعبنا وشقانا معاك ياريتنا عملنا ربع اللي عملناه معاك في كلب كان زمانه قدر ده وعمره ماخان الثقه روح يا عز قلبي غضبان عليك ليوم الموقف العظيم.
خرج احمد وهمت وهما مكسورين وقلبهم متقطع لأشلاء
اما عز فا بمجرد خروجهم انهار وانفجر من العياط و فاق في الوقت الضايع بعد ما خسر دنيته واخرته ورضا امه وابوه🥺💔
…….
مقدروش يحققوا مع عز عشان حالته اللي ساءت
وعدي اكتر من اسبوعين كمان.
وكل ده ناصر متحفظ عليه ورافض يقابل عاليا اللي كانت ضايعه من غيره.
وبعد شهر اعترف عز بجريمته كامله وقال كل حاجه.
في خلال الشهر ده كل واحد سواء عز او رجالته اللي كان محتاج فيهم عمليه عملها ولما أستردوا جزء كبير من صحتهم.
اتحددت اول محاكمه..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سجينة مع وقف التنفيذ)
