رواية أحببت قاصرا الفصل الخامس والعشرون 25 بقلم شيماء الديب
رواية أحببت قاصرا الجزء الخامس والعشرون
رواية أحببت قاصرا البارت الخامس والعشرون
رواية أحببت قاصرا الحلقة الخامسة والعشرون
أسعد راح يخلص اوراق في المستشفي وساب ملك قدام العنايه واقفه ورا الازاز وعيونها متابعه انفاس سيف وبتكلم نفسها بصوت واطي // طولت الغيبه اوي ياسيف وانا مش متعوده علي بعادك بقي
فجاه وسط سرحانها في ملامح سيف وشكله الملائكي وهو نايم
ملك شافت شفايفه بتتحرك وعيونه بيحاول يفحتها
سيف بصوت متعب//ملك ملك
ملك بفرحه دخلت العنايه جري وبدون استئذان // ابيه سيف ابيه سيف انا هنا جمبك سامعني
اسعد جاي يشوف ملك ملقهاش قدام العنايه شافها جوه وقدراً سمع صوت ابنه بيحاول يطلع بص لملك وبلهفه // انا سمعت صوت سيف ده حقيقي
ملك // عمو شوفت سيف اتكلم انا هروح انادي علي الدكتور بسرعه
وجريت ملك بسرعه علي مكتب الدكتور
ملك // دكتور سيف فاق
الدكتور بصدمه // بتتكلمي جد
ملك // والله يادكتور وفتح عيونه ورجع غمض
الدكتور قام من علي مكتبه وجري علي العنايه
اسعد ماسك ايد ابنه وبيكلمه // سيف انت شايفني كويس
دكتور طمنا عليه بالله عليك
الدكتور مسك ايد سيف وفضل يفحص فيه ويكلمه ويرد عليه بس بتهته ف الكلام
سيف // انا مش حا س س ب ر جلي
اسعد وملك بصوا بصدمه للدكتور
الدكتور باستغراب // ازاي ياسيف طب حاول حرك صوابع رجليك كده
سيف // مش قا در
الدكتور // اممم تمام ياسيف بس انت شايفني كويس صح
سيف هز راسه
اسعد // اي يادكتور ازاي مش حاسس برجليه
الدكتور // بصراحه كنت حاسس انه هيحصل كده لان الضربه كانت قويه بس متخافش الموضوع ده هيبقي مؤقت بس الفتره دي هنشتغل علي علاج طبيعي وهيتحسن واحده واحده
سيف //عاوز ا ر ج ع البيت
اسعد // طب احنا هنقدر نرجع بيه البيت امتي يادكتور
الدكتور // لو حابين النهارده عادي بس هنضطر كده نبعتله ممرضه تعمله علاج طبيعي في البيت بس ده هيكلفكم شويه
اسعد // مش مهم يادكتور فلوس الدنيا كلها تحت رجله الاهم انه يخف ويرجع زي الاول
ملك وهي بتبص لسيف // ان شاءالله هيرجع زي الاول واحسن واحنا كلنا حواليه
الدكتور // ان كان كده خلاص ماشي بس خليكم لبليل نتطمن عليه وبعدها خدوه
ملك راحت عليه ومسكت ايده // حمدلله علي سلامتك ياابيه سيف
سيف حاسس ان لمسة ايديها حس بيها كتير طول فترة غيابه // الله ي س لمك
اسعد // اهو دلوقتي يابني اقدر اقول روحي رجعت تاني فيا لما اطلع افرح جدك وعمتك
وطلع اسعد عشان يتصل بالعيله ويفرحهم
اسعد // الو ياامال سيف فاق وفتح عنيه
امال // انت بتتكلم بجد يااسعد لولولولولووووووووولي ياالف نهار ابيض
خالد // خير ياامال ماتفرحيني معاكي
وعلي كمان طلع من اوضته يتابع الاحداث ويفهم سبب فرحة امه ((بس طبعا بعد اللي حصل بينهم في المستشفي مش بيكلم امه عشان ضربته قدام الكل ))
امال بفرحه كبييره // سيف ابن اخويا فاق يابابا انا لازم البس واروح المستشفي حاااالا
خالد // الف حمد وشكر ليك يارب الف حمد وشكر ليك يارب استني خديني معاكي يابنتي
امال // يلا يابابا عقبال مااجهز بسرعه
خالد // يلا ياعلي عشان توصلنا للمستشفي
هاله بلهجة عتاب وزعل // لا يابابا هناخد تاكسي يلا بينا وطلعو ركبو وراحو علي المستشفي
علي بغضب خبط ايده في الحيطه // هو مفيش في ام العيله دي غير سي سيف ده 😡
احمد ويوسف لسه في القسم ومعرفوش بالخبر ده
الظابط // بصراحه يايوسف زميلكم تامر ده مش مريحني ممكن تشرحلي طبيعة العلاقه بينكم ازاي
يوسف // بصراحه هو مكنش بيحب سيف ودايما بحس انه مش سالك بس في الاخر كنا بنقول اهو عيل غلبان وكده
الظابط // طب وايه مدي علاقته بمنه مش ملاحظ ان علاقتهم ببعض غريبه شويه
يوسف // بالفعل بقالهم فتره قريبين من بعض اوي وانا مستغرب من علاقتهم
احمد جاله تليفون من ملك // بابا ابيه سيف فاق من الغيبوبه تعالي بسرعه
احمد // بجد ياملك خمس دقايق وهكون عندكم وققل معاها ودخل بسرعه علي مكتب الظابط خبط علي الباب ودخل
الظابط // خير يااستاذ احمد في حاجه
احمد بفرحه وبيبص ليوسف // اصل احمد فاق ولازم نروح المستشفي
يوسف من فرحته قام وقف بسرعه وعاوز يطير مش يجري
الظابط // حيلك حيلك يااستاذ يوسف انا كمان رايح معاكم
وطلعو التلاته علي المستشفي بسرعة البرق وصلو
احمد ويوسف دخلو جرررري ورا بعض علي العنايه بس لقوهم نقلو سيف علي غرفه عاديه
اول مادخل يوسف وشاف سيف نايم علي السرير نص نومه كده جري عليه بلهفه // سييييف حمدلله علي السلامه ياصاحب عمري
احمد // ابن اخويا الغالي والله وليك وحشه يابوالسيووف حمدالله علي سلامتك
سيف // الله ي سل مكم
الظابط دخل سلم علي الكل وبص لسيف // ممكن ناخد منك كلمتين بخصوص الخناقه اللي حصلت في الجامعه
سيف هز راسه بالموافقه وبدأ الظابط يحقق معاه ويساله وهو يرد برغم تعبه بيحاول يتكلم بحروف مقطعه
الظابط // ليك ب منه زميتلك في الجامعه
سيف // لا
الظابط // ازاي وهي حامل منك ???
سيف بصدمه // حامل من ميين ??
الظابط // هي قالت كده في التحقيقات وكمان الطب الشرعي قال كده
سيف بيحاول يقوم من علي السرير وبدأ بتعصب والظابط بيحاول يهديه الدكتور سمعهم دخل بسرعه
الدكتور // لوسمحت ياحضرة الظابط حالة المريض لسه متسمحش لكل الاسئله دي
الظابط // تمام ياسيف هسيبك دلوقتي وهبقي اجيلك يوم تاني ومشي وسابه
ملك راحت عليه وبتحاول تعدله علي السرير // اهدي ياابيه سيف الزغل غلط عليك
سيف اتنهد بصوت عالي وسكت كان بيتمني يقدر يقف علي رجليه ويروح لمنه ياخد حقه منها بس للاسف لاول مرة سيف السيوفي يحس بالعجز كده
خالد وامال وصلو المستشفي ودخلو علي سيف وامال من فرحتها نسيت انها في مستشفي وفضلت تزرغط وتحضن فيه
خالد بضحك // براحه علي الواد ياامال هتخلصيه وقرب من سيف حضنه وباس علي جبينه وقاله بضحك والله يابن ابني احنا دلوقتي الدمويه رجعت في وشنا كلنا 🤗
سيف ملحقش يفرح برجوعه للحياة وحزن اكتر لما عرف اللي حصل وانهم بيحاولو يشوهو سمعته
يوسف حس بصاحبه // متشلش هم ياصاحبي حقك راجع راجع بس خليك انت في نفسك وسيب الباقي عليا
سيف بابتسامه بسيطه بصله وهز راسه
دقايق ويوسف جاله تليفون رد عليه بطريقة غامضه // انا جاي خليك مكانك دقايق واكون عندك 😯
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قاصرا)
