رواية أحببت قاصرا الفصل الرابع والعشرون 24 بقلم شيماء الديب
رواية أحببت قاصرا الجزء الرابع والعشرون
رواية أحببت قاصرا البارت الرابع والعشرون
رواية أحببت قاصرا الحلقة الرابعة والعشرون
ماهو انت لو شايفني زي الست مني بتاعتكو كنت عبرتني ورديت ولا انت ناسي اللي مرمي في المستشفي ده يبقي ابني كمان
اسعد // الظاهر انتي اللي نسيتي مش انا ومش بتفكري بس غير في الخيابات والتفاهات لانك واحده تفكيرها زباله
هاله// مدام شايفني كده واكبر غلطه في حياتك خلاص لو انت راجل طلقني وصحح غلطتك
اسعد بغضب // والله انتي معاكي حق انا كنت مأجل الموضوع لما اتطمن علي ابني بس لازم اثبتلك اني ارجل واخد في عيلتك كلها انتي طااااااالق ومش عاوز اشوف خلقتك قدامي اطلعي بره وفضل يزق فيها لما طلعها من اوضة سيف وقفل في وشها الباب
هاله بصوت عالي // تعالي ياسمر شوفي ابوكي الدكر طلقني وطردني اصحو يلي في البيت شوفو اللي ابن عمي بيعمله فيا
سمر بخضه // ايه ياماما صوتك عالي ليه الوقت متاخر
هاله // ابوكي طلقني ياختي عشان الست مني ترتااااااح
اسعد بغضب عاارم طلع من اوضة سيف وراح علي هاله وبكل قوته راح ضربها بالقلم // انتي اييييييه انتي مش بني ادمه انتي شيطانه وسطنا انا قرفت منك
خالدسمع صوت اسعد عالي طلع بسرعه من اوضته ونادي علي امال // ياامال يابت ياامال
امال كانت لسه عنيها هتروح في النوم وسمعت ابوها راحت جري عليه // خير يابابا مالك
خالد// اطلعي بسرعه شوفي اخوكي اسعد مالو صوته عالي ليه
قامت لبست الطرحه علي راسه وطلعت جري قابلت احمد نازل من الدور اللي فوق علي صوت اخوه // في ايه يامال
امال // معرفش ياخويا والله ربك يسترها وخبطت بسرعه علي اسعد وكلعت سمر تفتح وهي بتعيط ودخلو لقو اسعد نازل ضرب في هاله في الصاله
احمد بسرعه شال اخوه من فوقها وحاول يبعده عنها
اسعد // سيبني يااحمد اخلص عليها انا قرفت انا فيا اللي مكفيني ودي مبتحسش
هاله // والله لاخليك تندم علي اللي عملته
امال بغضب // والله انتي راس افعي وكان لازم نتخلص منك من زمان حرام عليكي هتموتي اخويا مش كفايا اللي جري لسيف هو انتي معندكيش دم
اسعد // انا تعبت ياامال كل يوم اقول بكره تتغير بكره تتغير بس مفيش فايده فيها انا طلقتها ومبقتش تلزمني من الصبح مشوفش خلقتها في البيت
احمد // طب اهدا يااسعد اهدا واقعد بس كده
اسعد مسك قلبه وحس بوجع // ااه ااه يااحمد نار في قلبي والسكر علي عليه وفقد الوعي
امال // يانهار اسود الحق اخوك يااحمد الحق قوم يااسعد يالههههههوي الحقوني ياناس
نزلت مني جري وخالد طلع لهم بص لقي اسعد علي الكرسي فاقد الوعي وكلهم حواليه
خالد // جرالكو ايه ياولادي اتحسدو ليه كده يااارب استرها من عندك
مني //اوعي كده يااحمد ومسكت ايد اسعد وشافت النبض فين دوا السكر بتاعه بسرعه
جريت سمر علي الاوضته جبته وعطته لمني
مني بسرعه حضرت أبرة الانسولين وعطتها لاسعد ودخلت المطبخ عملتلو ميه بسكر وفضلو يفوقو فيه وشربته شويه
بعدها بخمس دقايق فاق واتحسن
خالد // ربنا يريح بالك ويسعدك يامني يابنت حوا وادم
مني // انا معملتش حاجه يابابا ده واجبي
هاله بعصبيه // اتمسكني ياختي اتمسكني فضلتي تلفي علي احمد لحد مااخدتيه وبعدها علي عمي وبعدها علي ابني عاملة زي العقربه
اسعد بغضب شاور لابوه عليها
خالد قام وقف وبعصبيه // احمد خد بنت عملك وصلها لبيت ابوها دلوقتي وقوله بيقولك ابويا خلي بنتك عندك لما تربيها هنيجي ناخدها
هاله دخلت لمت هدومها ولسه هتاخد سمر راحت سمر بعدت عنها // لا مش هروح معاكي واسيب بابا واخويا
هاله// خليكي معاهم اصل انتي شبهم
امال // لماتكون شبهنا احسن ماتكون حيه زيك
احمد اخدها بالفعل لحد بيت عمه ومرضاش يدخل اتصل بابن عمه طلع اخد اخته ووصله الرساله اللي ابوه قالها
خالد // امال باتي مع اخوكي هنا عشان تخلي بالك منه ويلا ياولاد كل واحد يطلع بيته
بالفعل الكل رجع علي بيته واليوم عدي بكل احداثه السيئه والصعبه
ملك كانت نايمه ومعرفتش حاجه من اللي حصل امبارح
مني دخلت عليها لقيتها صاحيه // صباح الخير ياست البنات
ملك // صباح النور ياماما انا حلمت باابيه سيف مش عارفه معني الحلم ايه
مني // خير ياحبيبتي احكيلي
ملك //معرفش ياماما بس انا كنت تايهه في مكان ضلمه اوي وشوفت من بعيد حد ماسك كشاف وبينورلي طريقي وفضلت اقرب اقرب عشان اشوف وشه لقيته ابيه سيف
مني بابتسامه // اكيد في حاجه شاغله بالك وسيف الوحيد اللي هينور بصيرتك وهيخلي تعرفي الحقيقه
ملك بنظرة حزن // يارب ياماما يارب
مني // يلا قومي عشان نحضر الفطار سوا قبل ماابوكي يروح المستشفي
ملك // انا عاوزه اروح معاه من فضلك
مني // لا ياروحي ارتاحي بقي ولو فيه حاجه اكيد هنعرف
ملك // ونبي ونبي ونبي ياماما سبيني اروح
احمد // خير يارب بتتحايلي علي ايه ياست ملك
مني // عاوزه تروح معاك لسيف ياسيدي
احمد // ومالو ياستي مش ابن عمها قومي يلا نفطر الاول وبعدين جهزي نفسك
قامت بفرحه وبسرعه دخلت الحمام وراحت تجهز الفطار مع امها وفطرو
احمد // هطلع اتطمن علي عمك ياملك عقبال ماتجهزي
وطلع بص علي اخوه لقاه لابس ومجهز نفسه // اي ده يااسعد ايه قومك من سريرك
امال // من الساعه 7 يااحمد وهو علي هاذا الحال ومستنيك
اسعد // لازم اروح اشوف المصيبه اللي حطت علي دماغنا دي
احمد // طب يلا بينا قوم عشان نلحق هوصلك المستشفي واطلع انا علي القسم
امال // طب استنو هاجي معاكم
احمد // لا خليكم انتي ومني هنا ياامال ولو في حاجه هكلمكم
وطلعو علي المستشفي ووصلو ودخلو للدكتور واتطمنو ان الحاله لسه مستقره والحمدلله
شويه ويوسف اتصل علي احمد // فينك ياعمي
احمد // ف المستشفي يايوسف اهو
يوسف // طب انزلي تحت بدون ماحد يحس
احمد //طب هنزل انا يااعد عندي مشوار هخلصه وارجعلك خلي بالك من ملك
اسعد واقف باصص علي ابنه هو وملك وهز براسه بالموافقه
نزل بسرعه احمد وقابل يوسف // خير يابني في جديد
يوسف // للاسف منه فعلا طلعت حامل
احمد // طب وبعدين هنعمل ايه في المصيبه دي
يوسف // بص انا شاكك في حاجه ويارب يكون اللي في دماغي صح
بس احنا لازم نوصل للقسم نفهم منهم يمكن نلاقي في جديد
احمد// طب قولي شاكك في ايه
يوسف // بعدين ياعمي هفهمك بس يلا عشان منتاخرش وراحو علي القسم
الظابط // ابن الحلا يااستاذ يوسف كنا لسه هنتصل بيك عندي شوية اسئله بما انك كنت صديق سيف المقرب
يوسف // انا تحت امر حضرتك في اي حاجه
وقعدو سوا وفضلو يتكلمو شوية كتار
الظابط // بصراحه كده مش مرتاح للي اسمه تامر ده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قاصرا)
