رواية روح الفهد الفصل الحادي عشر 11 بقلم بسملة أحمد
رواية روح الفهد الجزء الحادي عشر
رواية روح الفهد البارت الحادي عشر
رواية روح الفهد الحلقة الحادية عشر
الدكتور : للاسف خسرنا المريضة
Unfortunately we lost the patient
قاسم بصله بصدمه وجاك وقع علي الارض نهي بصت لجاك بعياط: فين روح اكيد مش هيا والبنات فضلت تعيط
قاسم كان عماد ماسكه ضرب عماد وجري علي الاوضه: لا اكيد كذابين مش هسمحلها تسيبني ودخل لاوضة العمليات
قاسم قرب من روح اللي كانت نايمه زي الملاك وشعرها مفرود
قاسم: روحي اصحى يلا يا حبيبتي
وبعدين مسكها حضنها وفضل يعيط: روح فوقي علشان خاطري متسيبينيش
كلهم دخلو وراه عماد قرب منه وبدا يشد فيه
قاسم بزعيق: سيبني يا عماد هيا عايشه وهتصحي
جاك قرب من روح وهو بيعيط: قومي يلا مش انتي بتحبيه فوقي علشانه قاسم عايزك يا روح متسيبينيش لوحدي فوقي يلا مش انتي بتقولي اني مينفعش اعيط لاني مش ضعيف بس احنا ضعاف من غيرك يا روحي الشبح بيعيط يا وحش فوقي يلا علشان الوحش مينفعش يموت يا روح قومي يلا وحياتي عندك مش عايزك تسيبيني انتي كمان كفايه هو كفايه ليفاي يا روح مش هقدر والله
قاسم: محدش يعيط روح هتقوم ايوه هيا مبتحبش الضعف يلا يا وحش الوحش قووي وقادر انه يتحدي الموت قومي يلا يا وحش والنبي قومي ومتسيبيناش
عماد فضل يعيط علي صاحبه وعلي روح
والبنات فضلوا يعيطو جامد
نهي قربت منها: قومي يلا انتي مش ضعيفه يا روح فوقي روح مش ضعيفه فوقي يلا ومتسيبيناش لوحدنا والنبي وحياتنا عندك قومي يلا والله هرن علي ريم وهيا اللي هتفوقك صح يرضيكي تسيبينا لوحدنا وفضلوا يعيطوا وقاسم زق عماد وراح حضنها جامد وفضل يعيط
قاسم: ااااااه
~~~~~~
اما عند روح فكانت في مكان ابيض وجميل جدا
روح: انا فين
حد من وراها: روحي
روح لفت بسرعه وجريت عليها: ماما وحشتيني اووي يا قلب روح
الام: عارفه يا روحي وانتي وحشتيني موت بس مينفعش يا روح
روح: مينفعش ايه
الام: مينفعش تفضلي هنا يا روحي مينفعش تموتي يا روح
روح: بس انا لو مت هجيلك يا ماما
الام: بس انتي كده هتسيبي قاسم وجاك ونهي وسهي هتسيبيهم كلهم يا روحي وبعدين انتي عايزه تجيلي بس انتي لو متي مش هتجيلي انتي كده هتسيبيني يا روحي وبعدين مين هيفضل معاه مين هيواسيه
روح: انا مش فاهمه حاجه ازاي هسيبك لو مت هو انتي لسه عايشه
الام: مينفعش يا روحي اقولك حاجه كل اللي اقدر اقولو اني عايزاكي تساعديني يا روح
روح: طيب انا مش فاهمه ساعديني اي حاجه يا ماما تدلني وتخليني اوصلك
الام: قلب اوروبا النابض يا روح
روح: قلب اوروبا النابض
ماما ماما رايحه فين استني ماما متمشيش
روح: ماما
~~~~~~~~~~~~
قاسم كان حاضن روح بس فجاه حس انها اتحركت
روح رفعت ايدها ومسحت دموعه وبتعب: انت بتعيط ليه
قاسم رفع وشه وبصلها بلهفه وبصوت خافت من كثرة البكاء: انتي صحيتي انتي صحيتي صح
روح: ايوة مالك يا فهد وبعدين بصت لجاك انت بتعيط ليه انت كمان ومدت ايدها مسحت دموعه: انتوا بتعيطو ليه
قاسم:انتي تعبانه حاسه بحاجه يا روح
روح: تؤ تؤ وهي طبعا مخبيه وجعها اللي هيا حاساه
جاك طلع برا بهدوء من غير ما يعمل اي ردت فعل علي اللي بيحصل
روح: هو ماله
نهي بصوت يكاد يسمع: راح ينادي الدكتور
وبعد شويه جاك جيه ومعاه الدكتور
الدكتور: انها معجزه حقيقيه جميع الوظائف الحيويه كانت متوقفه ضربات القلب حتي
It’s a real miracle, all the vital functions were stopped, even the heartbeat
وبعدين الدكتور مشي وهيا اتنقلت لاوضة عاديه وكلهم كانو حوليها
روح: انت مش هتكلمني بردو
جاك بصلها وسكت
روح: في ايه يا جاك
جاك بعياط: في انك اول مره تبقي متهوره في مهمه يا روح طول عمرك بتدخلي المهمات وبتنجحي فيها وبنطلع منها من غير ولا خدش المرادي بسبب تهورك كنا هنخسرك تعرفي احنا كنا عاملين ازاي وانتي في اوضة العمليات لاول مره كنا بننهار يا روح وده علشان خاطر ايه علشان التهور اللي عملتيه قاسم قالك متدخليش بس لازم تعاندي وتدخلي مش عايزانا نعيط شاور علي قاسم كان بيعيط زي العيل الصغير برا علشان بس انتي جوا في العمليات وشاور علي عماد كان بيعيط عليكي وعلي صاحبه وشاور علي نهي وسهي وليلي كانو بيعيطو علي صحبتهم وانا كنت بعيط علي امي واختي في نفس الوقت
روح بعياط: قول متهوره او غبيه قول اللي انت عايزه بس انا مش متهوره انا بقالي 15سنه مستنيه لحظة اني اشوفهم ميتين قدام عيني وانت اكتر واحد شوفتني وعارف كنت بتعذب ازاي متهوره ايوة لو علشان عايزه اخد حق امي ابقي متهوره فانا متهوره انا رحت قدام قبر امي واقسمت اني هبقي عزرائيل وهاخد روحهم حتي لو فيها موتي بس لازم اخد روحهم واخدتها ومكنش عندي مشكله اموت
جاك: طب ماهي دي المشكله انك كنتي عايزه تموتي
روح: علشان عايزه اروحلها هناك كنت عايزه اطلع انام في حضن امي ولو لدقيقه واحده انت تعرف اني حاولت انساها كتيره بس ده اللي بيفكرني دايما بيها وشاورت علي وشها انا نسخه طبق الاصل منها يعني حتي لو عايزه انسي عمري ما هنساها كانت هيا اللي بتخبيني من كل حاجه اول ما كنت بخاف كنت بجري عليها واول ما راحت ملقتش حد بيعمل كده منكرش ان بابا عمل حاجات كتير عشاني بس مقدرش انا عارفه انك بتحبني وخايف عليا بس انا مكنتش بحب امي انا كنت بعشقها لا هيا كانت كل حاجه انت لحد الان مامتك بتوحشك ومشوفتهاش وهيا بتموت لكن انا شوفتها يا جاك شوفتها وهي بتقع من علي الوادي وبتصرخ باسمي ان كنت مفكرني متهوره مش هقدر اغير نظرتك بس عايزاك تعرف حاجه واحده بس لو اتكرر اللي حصل تاني هعيده ولو لالف مره يا جاك ومسحت دموعها
جاك: طب واحنا
روح: انتوا عارفين كلكوا انا بحبكم قد ايه بس انتوا عارفين انتوا الاتنين وشاورت علي قاسم وجاك انا بحب امي قد ايه
قاسم: جاك متحاولش عارفها من الاول عنيده ومش هتقتنع
روح: انا عايزه انزل مصر
قاسم: مصر ليه
روح: انت نسيت ولا ايه انا جدي وحشني النهارده نهاية الشهر
قاسم: الاسبوع الجاي فرحنا اصلا هنغير المعاد ازاي جدو مش هيوافق
روح: سيب اقناع جدو عليا بس يلا انا مصر وحشتني عايزة اروح
قاسم: حاضر ياختي هتروحي
روح: الكل هيرجع معانا ليلي ونهي وسهي وجاك هترجعوا معانا
نهي: كده كده انا وسهي قررنا ننقل ورقنا معاكي انتي وريم
جاك: نععممم طب والله هنقل ورقي معاكو
روح ضحكت: ههههه اااه
قاسم: مالك
روح: مفيش حاجه متخافش بس يلا عايزه اروح
قاسم: حاضر يا اخرة صبري هروح اعمل الورق
وراح عمل الورق نهي وسهي وليلي جريو علي روح
وروح اخدتهم في حضنها
نهي: خوفتينا عليكي
روح: معليشي
نهي: انا عايزه افهم حاجه ايه حوار الوحش والشبح والفهد ومهمة ايه اللي بتتكلمو عليها وايه اللي حصل خلاكي كده
روح: هقولكوا علي كل حاجه بس لما نرجع مصر
نهي: ماشي
وروحوا كل واحد جهز شنطة هدومه وراحو مصر
~~~~~~~
في الطياره
قاسم: خايفه
روح: مش خايفه مادام انت معايا
قاسم: تعالي واخدها في حضنه
عماد وجاك جمب بعض سهي ونهي جمب بعض وليلي وراهم
واخيرا وصلوا مصر
ونراهم ينزلوا من الطياره قاسم ماسك شنطته هو وروح وروح ماشيه جمبه نهي وسهي وليلي ماشيين جمب بعض وجاك وعماد جمب بعض
روح: ماما وبابا وريم في القاهره
قاسم: لا انا كلمتهم واكيد في الصعيد
روح: تمام
وركبوا العربيات وراحوا الصعيد
~~~~~
وصلوا الصعيد ودخلوا البيت وكلهم كانوا مبهورين بجماله
روح: انا وصلت يا بشر
الجد: تعالي يا روحي
روح وراحتله: بالله وحشتني يا جلب روحك
الجد: كده تسيبيني وتسافري
روح: وحياتك اول ما خلصت ما استنيت دجيجه وقولت لقاسم يجيبني علي هنا
روح سلمت علي باباها
روح: مالك يا ميدو
محمد: يا بنتي عيب كده
روح: عيب مين يا حج
ريم جريت علي نهي وسهي
ريم: عاااا وحشتوني يا عيال
روح: طب وانا
ريم طلعت عندها وحضنتها جامد
روح: ااااه
الكل بصلها باستغراب
قاسم: ريم بالراحه وبعد ريم عن روح
الجد: مالك يا روحي
روح: مفيش يا جدي بس اقعدو كلكوا علشان في حاجه عايزه اقولها
كلهم قعدو روح قربت من محمد وقالت بصوت عالي: انا نفذت وعدي
محمد بصلها بصدمه: ازاي ومين اللي كان وراها
روح بشر: خليل وراغب يا بابا الله يرحمهم بقي
محمد: روح عملتي كده ليه
روح: علشان اطفي ناري يا بابا وعلشان اخد حق ايه
الجد: اهدي يا محمد
محمد بزعيق: انت عارف عملت ايه قتلتهم واكيد مش هنقف لهنا وهيحصل معركه تانيه
روح: وانت مكنتش عايزني اقتلهم كنت عايزني اسيبهم احرار انا حلفت قدام تربتها وقولت هبقي عزرائيل حتي لو فيها موتي
الجد: احكي يا روح كل حاجه وبهدوء يا روح
روح: تمام اللوا عرفني علي الفرقه اللي هشتغل معاها وكانت الفهد والصقر اقدملكم فهد المخابرات وصقر المخابرات وشبح المخابرات وانا وحش المخابرات وحكتلهم علي كل حاجه حصلت
عبدالرحمن قرب من قاسم: كل ده حصل امته وانت كنت مخبي عني
قاسم: بابا انا
عبدالرحمن: وانت معاه يا عماد
عماد: يا بابا احنا مكناش عايزين نخبي عليك بس كان غصب عننا
قاسم: كان لازم هوياتنا تبقي سريه
محمد: انتي كده فتحتي باب الانتقام يا روح عارف انك عنيده بس عمري ما توقعت ان عنادك يوصل لكده
روح: انت كنت عارف من اول ما قولت لاونكل سعيد اني عايزه ادخل الشرطه وانت عارف يا بابا انا كده طفيت ناري قلبي ارتاح لما شوفتهم ميتين قدامي انت كنت معايا يوم ما روحت عند قبر ماما وحلفت برحمة امي اللي عمري ما حلفت بيها كذب اني هبقي عزرائيل واخد روحهم بايدي واخدتها ومش ندمانه علي كده
الجد: خلاص الموضوع ده انتهي وهيتقفل هنا وانتي يا روح انتي وقاسم جهزو نفسكم فرحكوا الاسبوع الجاي وده القرار النهائي
روح: بس
الجد: من غير بس يا روح اطلعوا ارتاحوا يلا زمانكو تعبانين من السفر وانا قولت البرار النهائي
وكلهم طلعوا اخدو دوش وغيرو هدومهم واتجمعوا شباب وبنات في اوضة روح
قاسم: هنعمل ايه
روح: مش هنعرف نعمل حاجه جدو خلاص قال القرار النهائي يبقي عمرو ما هيرجع في ولو حصل ايه
جاك: خلاص فككوا من الموضوع ده هنعمل ايه دلوقتي
قاسم: في ايه
جاك: مالك انت عريس وهي عروسه يبقي لازم كان اسمها ايه
نهي بضحك: نشهيص
جاك: الله ينور عليكي مالكوا منكدين كده ليه ده احنا عندنا فرح حتي ولا ايه يا رجاله
نهي: طب يلا برا بقي
جاك: نعم
روح: اسكتو بلا نشهيص بلا نزفت اكتمو بقي علشان عايزة اركز
قاسم: مالك دلوقتي
روح بتوتر: هو اصل
قاسم: قولي في ايه
روح: بصو انتوا ممكن تقولو عليا مجنونه بس وانا في المستشفي مكنتش هقوم اصلا بس شوفت ماما في الحلم
قاسم: مش فاهم
روح: انا ماما ظهرتلي وكنت عايزة اروح معاها بس لقيتها بتقولي اني لازم ارجع علشان اساعدها انا مفهمتش هيا عايزه ايه وقولتلها اني عايزه اموت وافضل معاها بس هيا قالتلي اني لو مت مش هروحلها انا كده هسيبها وقالتلي انها عايزاني اساعدها
قاسم: تساعديها ازاي يعني
روح: انا مفهمتش اساعدها ازاي قلتلها اساعدها ازاي وطلبت منها اي اشاره قالتلي قلب اوروبا النابض
قاسم: قلب اوروبا النابض مدينة ميونيخ
جاك: مسمعتش عنها قبل كده
قاسم: هي واحدة من أفضل المدن للزيارة في ألمانيا وهي ثالث أكبر مدن المانيا وإحدى اجمل المناطق السياحية في المانيا والعالم,
حيث يصفها البعض بقلب أوروبا النابض, ففيها مختلف مناحي الحياة من ترفيه وتسوق وكذلك الطبيعة الخلابة وأجمل المشاهد الساحرة التي يمكن أن يراها السائح،
بين جدران من العصور الوسطى والقصور الملكية وكذلك مراكز التسوق المزدحمة.
موقع ميونخ على نهر إيزار في جنوب بافاريا جعلها وجهة للكثير من السياح سنوياً.
كما انها تشتهر بالهندسة المعمارية الفريدة ووجود العديد من المعالم السياحية والمباني التاريخية فيها
جاك: يعني ممكن تبقي عايشه
روح: المشكله انها لو عايشه ليه مرجعتش لحد دلوقتى ده اللي هيجنني
قاسم: اهدي يا روح اكيد في سبب انها مترجعش وانتي بتقولي انها قالتلك ساعديني
روح قعدت علي الكرسي ومسكت دماغها: المشكله اني مش عارفه هي فين ممكن تكون في ميونيخ ويمكن لا وحتي لو في ميونيخ هتبقي فين بالظبط في ميونيخ ولو هي في ميونيخ ايه اللي وداها هناك وليه بقالها 15سنه مجيتش ولا حتي شافتني
قاسم راحلها وحط ايده علي دماغها: اهدي وكل حاجه هتتحل اكيد بس بالصبر لازم نصبر يا روحي علشان نحل المشكله
روح: بس انا صبرت كتير اوووي معدش عندي طاقه اصبر اكتر
قاسم: اصبري كمان اللي قادره تصبر 15سنه في وجعها علشان تنتقم تقدر تصبر كمان علشان تلاقي مامتها
روح: دي غير دي في انتقامي انا كنت محدده وجهتي وكنت عارفه همشي ازاي وكنت عارفه خطواطي وعدوي مين لكن هنا تفرق انا هنا معنديش اي حاجه تدلني غير لقب ومش متأكده هو صح ولا لا كمان
قاسم: الوحش يقدر يدور وهيلاقي الوحش قووي مش لقب بس انتي الوحش
روح بصتله بحب وثقه عرفت ليه جدها كان متمسك بجوازها من قاسم وشكرته علي ده جدا
وفضلوا يتكلموا شويه
وبعد شويه نزلو علشان الغداء
روح راحت لجدها وقعدت وانحنت امامه وباست ايده: شكرا يا جدو
الجد: عفوا بس علي ايه يا روح جدك
روح: علي كل حاجه عملتها علشاني علي كل القوانين اللي عارضتها وكسرتها علشان خطري شكرا علي كل القرارات اللي اخدتها نيابة عني واسفه اني كنت معترضه عليها ويمكن ساعات كنت بشد قبالك بس مش عارفه اقولك ايه شكرا علي كل حاجه عملتهالي
الجد: عفوا يا جلب جدك عارف انك عنديه وعصبيه في اوقات وساعة ما كنتي بتشدي بيبقي الموضوع يستحق وبعدها بتجيلي تعتذري علطول يا جلب جدك
روح حضنته: حبيبي يا جدو
الجد بصوت واطي مسمعوش الا روح: انا عارف انتي قصدك علي انهي قرار وابعدي علشان قاسم عنيه بتطلع شرار وايده من كتر الضغط عليها مفاصل ايده ابيضت
روح قامت بسرعه وبصت علي قاسم اللي كان بيبصلها بطريقه تخوف روح راحت قعدت جمبه
قاسم بصوت واطي: ان لقيتك بعد كده بتحضني حد غيري هولع فيكي
روح: هو انا عملت حاجه
قاسم: انا بقالي شهر مستحمل كلامك وهزارك: مع جاك وعماد واول ما وصلنا استحملت الاحضان اللي بتوزعيها علي الموجودين لكن لحد هنا وكفايه بقي كده كتير
روح ضحكت: خلاص يا حبيبي
قاسم: قوليها كده تاني
روح باحراج: لا هيا بتتطلع مره واحده كدهون مهعرفش اقولها تاني
قاسم: والله
الجد: قاسم روح بطلوا كلام وكلوا يلا
روح بصت لقاسم وبصت في الطبق وفضلت تاكل
قاسم: بابا علفكرا انا وعماد مسافرين
روح بصتله بصدمه
عبدالرحمن: مسافرين ليه
قاسم: في حاجات عايزين نخلصها ضروري
عبدالرحمن: طب والفرح
قاسم: هرجع قبل الفرح متقلقش
عبدالرحمن: اللي يريحك انا اصلا مبقتش فاهم انت بتعمل ايه
قاسم:بابا انا
عبدالرحمن: خلاص انتهينا
روح وقفت: الحمدلله
الجد: بس انتي مكلتيش حاجه يا جلب جدك
روح: مليش نفس يا جدي
وبصت لقاسم وطلعت برا
قاسم وقف وطلع بسرعه وراها روح كانت قاعده في الجنينه وبتفكر يا تري هيسافر فين
قاسم: مكملتيش اكل ليه
روح: مردتش ولفت وشها
قاسم: روح مالك
روح مردتش
قاسم حضنها: مالك يا روحي
روح بصتله وسكتت
قاسم: ما انا مش هعرف لو فضلتي ساكته كده
روح: هتسافر ليه
قاسم: هخلص كام حاجه كده في الشغل وراجع
روح: وهتسيبني
قاسم: بزمتك في عروسه بتسافر وتسيب تحضيرات فرحها
روح: طب وهو في عريس بيسيب عروسته ويسافر قبل فرحهم بست ايام
قاسم: هرجع بسرعه مش هتأخر
روح: ما انت هتسيبني ست ايام من غير ما اشوفك
قاسم: هكلمك كل يوم ومش هسيبك لو عايزه اي حاجه رني عليا علطول
روح: طيب وافرض عايزه اوريك تجهيزات الفرح
قاسم: رني عليا انا كده كده هرن عليكي صبح وبليل علشان مقدرش اعيش من غير ما اشوفك يا قمر انا اتعودت اصحي اشوفك وبليل قبل ما انام اشوفك
روح: لو فعلا كده مش هتسافر وتسيبني
قاسم: علشان اخلص كل شغلي قبل الفرح وافضالك يا جميل
روح: هسكت مع اني عارفه انك بتكدب عليا بس ماشي
قاسم ضحك وحضنها جامد: معليش عديها يا روحي
روح: طب ابعد يلا
قاسم: مش باعد سيبيني كده شوية
روح بطفوليه: لا انا اصلا مخصماك ومش بكلمك
قاسم: لا بجد طب ولو قولتلك اني ماشي كمان شويه وعايز اقعد الشويه دول معاكي
روح بصتله بزعل قاسم: ياروح متصعبيهاش عليا بقي
روح لفت وحضنته جامد
قاسم: لسه زعلانه
روح: اسكت بقي وسيبني كده
قاسم حضنها جامد وفضلو كده شوية
قاسم: مش عايز اطلع من الحضن ده بس لازم امشي
روح سابته ودخلت قعدت جوا
قاسم دخل وراها ووقف قدامها وطلع من جيبه شيكولاته من الكبيره روح بصتله وفضلت ساكته
قاسم: خلاص بقي
روح لسه ساكته
قاسم: طيب اعمل ايه طيب
روح فضلت ساكته
قاسم طلع من جيبه كمان واحده: طب وكده
روح: بترشيني مثلا
قاسم: لا بصالحك
روح: طيب يلا روح مش عايز تسافر روح ووقفت اخدت الشيكولاته: دول بتوعي
قاسم ضحك: خلاص متزعليش بقي
روح: سافر بس ملياش دعوه هترجع بسرعه
قاسم: من عيوني بس متزعليش
روح: ماشي
قاسم: يلا يا عماد وطلعو جابو شنطهم ونزلوا تحت قاسم حضن باباه وريم ومامته وراح لجاك ولروح
قاسم: جاك ان لقيتك مزعلها هتلاقيني فوقك بدربك ومش تلت ساعات هيبقو ست ساعات بدون راحه ملكش دعوه بمراتي
جاك: من عيوني
روح: استني هوصلك
قاسم بصرامه: لا هتكملي اكلك وبص لليلي
قاسم: ليلي انتي المسئوله عن علاجها يا ليلي
وبعدين بص لروح: انتي هتكملي اكلك وليلي هتعطيكي علاجك وهتطلعي تنامي يا روح علشان انتي واعداني انك لما ترجعي مصر هترتاحي مش تطنطتي يا روح جاك مسئوليتك انك تخليها متتدايقش وانتو يا بنات مسئوليتكو انكو تخلوها ترتاح وبص لريم وانتي يا ريمو معاهم
ريم: عيوني ياباشا
روح: هو انتوا اتفقتو عليا ولا ايه
قاسم: انا واثق اني لما اطلع مفيش علاج هيتاخد مفيش راحه وهتفضلي تطنطتي يا روح
روح: ياه للدرجه دي واثق فيا
قاسم: جدا جدا يا روحي
روح: طب وعد هوصلك وارجع اكل واخد الدوا وانام
قاسم: لا
روح: والنبي
قاسم: لا
روح: علشان خاطري يا قاسم
قاسم بصلها: هترجعي تاكلي وتنامي وعد
روح: وعد
قاسم: ماشي وجاك هييجي معانا علشان يبقي يوصلك
جاك: ماشي
روح: موافقه
وقاسم ودع العيله وركبوا العربيه هو وروح وجاك وعماد ووصلو علي المطار
روح: ارجع بسرعه عشان هزعل منك
قاسم: عيوني
روح: وهتكلمني كل شويه
قاسم: عيوني
روح: ولما ارن عليك رد بسرعه عليا عشان بقلق عليك
قاسم ضحك: حاضر
روح: ومتشتغلش كتير علشان انت بتفضل تشتغل وفي الاخر بتتعب
قاسم: ماشي
روح:متتاخرش وارجع بسرعه
قاسم ضحك: حاضر تعالي
روح حضنته بسرعه
قاسم: هتوحشيني موت
روح: هتوحشني اكتر متتاخرش
قاسم: عيوني وبصوت واطي متخافيش هرجع بسرعه واللله علشان مقدرش ابعد عن القمر والملاك بتاعي ومتعيطيش انا عارف انك بتخبي دموعك
روح بصتله وضحكت: هستناك بس تعالالي بسرعه يا روحي
قاسم: عيوني
عماد: يلا الطياره هتطلع
قاسم: باي
روح: باي لا اله الا الله
قاسم: محمداً رسول الله
وركب قاسم وعماد الطياره وجاك اخد روح وركبها العربيه
~~~~~~
في الطياره
عماد: جاهز
قاسم: جاهز لازم نخلص من الموضوع ده عشان طول اوووي
~~~~~~
اما في العربيه
جاك: مش عايزاه يروح صح
روح بصتله وهزت راسها
جاك: زعلانه انه هيبعد عنك
روح: ايوة
جاك: هيرجع بسرعه
روح: ان شاء الله
~~~~~~
ومضي الاسبوع بين اشتياق روح وقاسم لبعض وتعب روح من تجهيزات الفرح وقلقها علي قاسم جه اليوم الموعود يوم اجتماع الحبيبين فرح قاسم وروح
في اوضه تجهيز العروس
روح: لسه موصلش
ريم: اهدي يا روح زمانه جاي في الطريق وبعدين هو بعت الفستان بتاعك وانتي لسه حتي مشوفتيهوش
روح: يا ريم بقالو يومين مبيردش علي تلفوناتي مش عارفه متوتره جامد يا ريم
ريم: متخافيش هو لسه مكلم بابا من شويه وقال انه ركب الطياره وجاي
روح: ماشي
ريم: يلا قومي البسي بقي
روح: لما ييجي
ريم: روح مينفعش هتتأخري ومش هنلحق قومي يلا البسي ربنا يهديكي
وقامت لبست وجهزت وجيه معاد نزولها تحت باباها جيه ومسكها علشان يسلمها لعريسها
روح: بابا هو قاسم جيه
الاب: معرفش بس جدك قالي ان لازم تنزلي دلوقتي
روح عنيها دمعت هو وحشها اووي ووقفت علي بداية السلم وكان النور مطفي ومتوجه عليها ونزلت علي السلم وكانت بتعيط ووقفت علي اخر درجه وفجاه النور اتفتح روح لقت قاسم قدامها فضلت تعيط وبسرعه حضنته
قاسم: مالك يا روحي روح فضلت تعيط
قاسم: خلاص انا اسف
روح بشهقات: انت عارف وانا قايلالك اني لما بتصل ومبتردش بقلق وبقالي يومين بتصل مبتردش
قاسم: خلاص والله اسف مكنش بايدي غظب عني والله بس متعيطيش يا قلبي
روح ضربته بخفه: بس علشان انت قلقتني عليك
قاسم ضحك: خلاص يا روحي الناس مستنيه ومسحلها دموعها متزعليش مني يا قلب قاسم والله كان غظب عني
روح: مش زعلانه بس انا خوفت عليك
قاسم: متخافيش يا قلبي يلا بقي عشان الناس مستنيه
ومسك ايدها وطلعوا برا واول ما دخلو النور كلو اتقفل ونور خافت اتوجه علي السلم اللي نزل من عليه روح وقاسم واشتغلت اغنية طلي بالابيض والكل كان بيبصلهم باعجاب وراحوا قعدو في منصة العروسين وبدا الاحتفال بالعروسين وشغلوا اغاني كتير ورقصوا عليها ومنها اغاني صعيديه وفجاه النور انطفا
روح: قاسم بس قاسم مكنش موجود اختفي وفجاه سمعو صوت قاسم
قاسم: النهارده فرحي علي اجمل واحلي بنت عرفتها وهي البنت اللي قدرت تسرق قلبي وتقعد وتقفل بابه كمان هي اللي حسيت معاها باحاسيس عمري ما حسيتها مع حد عارف اني زعلتك اخر اسبوع بس غظب عني يا روحي عايز اقولك بحبك اووي وظهر ومسك ايدها روح كانت بتعيط بفرح
قاسم: تحبي تعرفي انا كنت مشغول في ايه وايه اللي بعدني عنك
روح هزت راسها
قاسم بصوت عالي: ادخلو والنور اتفتح وروح بصت لقاسم وبعدين بصت لباب القاعه اللي اتفتح ودخل منه شخص مكناش نتوقعه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية روح الفهد)
