رواية حقيقتي البشعة الفصل الخامس عشر 15 بقلم سجين الوحدة
رواية حقيقتي البشعة الجزء الخامس عشر
رواية حقيقتي البشعة البارت الخامس عشر
رواية حقيقتي البشعة الحلقة الخامسة عشر
بعد ساعات من صريخ امير اللي كله الم وبكاء من نورا بحرقة على وجعه..طلع شادي لقى نورا قاعدة على الارض جنب الباب..واول ماالباب اتفتح جريت عليه
“امير عامل ايه دلوقتي”
“اهدي شوية..امير بقى كويس ونايم دلوقتي”
دخلت نورا بسرعة تشوفه..امير نايم مش حاسس باللي حواليه..نورا باست ايده ومسكتها”مش هسيبك تاني..ماتخافش انا جنبك وهحميك”
بعد ساعات..شادي شال نورا بعد مانامت وحطها على سريره…طلع برة قعد وحط ايديه على وشه…قعدت سارة جنبه وطبطبت عليه
“مالك”
“تعبان اوي ياسارة..اوي”
“من ايه ياحبيبي”
بصلها وابتسم بتعب”اخيرا اعترفتي ”
ابتسمت سارة”انت عارف اني بحبك..ومش قادرة اشوف الحزن اللي على وشك ده”
“مش بايدي ياسارة..مش عاوز اخسر نورا..انا ماصدقت لقيتها”
“ومين قالك انك هتخسرها ”
“ماحدش قالي..انا خايف اخسرها واخسر امير…اكتر اتنين حبيتهم فحياتي..مش بعد ماكل حاجة فحياتي اتعدلت تبتدي تنهار تاني”
“ششش ماتقولش كده..مش هتخسر حد..انا جنبك ونورا وامير جنبك..حتى مامتك جنبك”
“ماما..ماما مين”
“سالي”
ضحك شادي باستهزاء”ههههههههههههه ”
“بتضحك ليه..انت كمان لازم تسامحها..انت عالاقل سابتك وسط اهلك..تقول ايه عن نورا اللي اتاخدت منها..حرام تعاقبها..الشخص اللي حبته راح منها واتحرمت من اولادها”
لسه هيرد عليها..قطع كلامهم صريخ نورا..جري شادي بسرعة لقاها بتعيط وبتصرخ
“مالك ياحبيبتي فيكي ايه”
“ابعدهم عني..موتوا امير..هيموتوننييييييييي”
حضنها شادي”نورا انتي فالبيت معايا ماحدش هيموتك..امير نايم تحت وبقى كويس”
ابتدت نورا تفوق “شادي امير كويس صح..امير كويس مش كده”
سارة”ايوة يانورا امير كويس ونايم”
شادي”نورا..انتي هربتوا منهم ازاي؟”
نورا”انا..انااا..”
شادي”انتي ايه”
نورا”انا قتلت اتنين من الصيادين”
شادي برق عنيه من الدهشة”قتلتيهم..قتلتيهم ازااي”
نورا”….”
شادي”نورا انا بسألك..قتلتيهم ازاي”
“اتحولت”
“ازاي”
“يعني ايه ازاي ياشادي زي مابقولك كده اتحولت”
“اقصد عرفتي ازاي”
“مش عارفة فجأة لقيت الغضب عماني..قالولي انهم قتلوا امير..حسيت اني لازم اطلع..لازم انتقم فاللي عملوه فامير..هاجمني دافعت عن نفسي.. هو ضربني قبل كده وقالي انه قتل امير بايديه ..جه ابوه هاجمني كمان مسكت السيف من ايده وضربته بيه..الصياد التالت خاف ومقدرش يعمل حاجة”
“انا عاوز اشوف شكلك لما بتتحولي”
“مش بمزاجي بتحول لما بتعصب اوي وبحس بالخطر..بفكر فاحلى ذكرى عشتها والناس اللي بحبهم..بس لو عاوز تشوف شكلي اسأل ماما”
“ماما؟؟اه قصدك على سالي..واسألها ليه”
“ماتنساش ان شكلنا واحد..اكيد ببقى شبهها لما بتحول”
“اه صحيح”
قامت نورا من مكانها”انا هنزل اشوف امير”
“يابنتي لسه نايم ”
“معلش مش هعرف اعمل حاجة غير لما اطمن انه كويس”
“الحب ”
وغمز لها
“ههههههههههههههه اتنيل”
نزلت نورا عند امير لقته فتح عنيه..ماصدقتش مسكت ايده
“امير..امير لو سامعني بصلي”
شد على ايدها وابتسم لها
“الحمدلله خضتني اوي عليك”
“انتي…كويسة”
“ايوة انا كويسة المهم انت حاسس بايه”
“بتعيطي..ليه”
“هههههههههه مش عارفة..بس ماتتكلمش انت لسه تعبان”
“طلعنا ازاي..انا شفت وشك متغير”
“انا حميتك زي مابتحميني..ماتخافش انا بقيت اعرف آخد حقي كويس”
ابتسم امير وغمض عنيه
“لسه حاسس بوجع”
هز امير راسه بالايجاب..نورا باسته من خده
“هجيبلك كيس دم من تحت”
بعد شهر…امير اتحسن ونورا مش بتسيبه يعمل حاجة خالص..سالي قررت ماتسيبهمش تاني..شادي بيتجنبها تماما وسارة بتحاول تكون فالوسط..
امير طلع من اوضته ونزل لتحت..نورا طالعة من المطبخ لقته
“قمت من السرير ليه”
“زهقت اوي يانورا مش معقول من يوم الحادثة وانتي مش مخلياني اروح اي مكان ولا حتى الجنينة”
“ايوة اسمع الكلام بقى بلاش عنادك من يوم الحادثة واحنا كل يوم خناقة على ماتقومش من السرير هو موال ياامير كل شوية هنغنيه”
“يابنتي انا بقيت كويس خلاص ماكانتش شوية جروح”
“لا مش شوية جروح..انت نسيت ان الكلاب كانو عاملين خشب فجروحك ووجعتك اوي”
“يانورا عدا شهر انسي بقى..خنقتيني”
“انا خنقتك..عشان خايفة عليك وعاوزاك ترتاح..ماشي اعمل اللي انت عاوزه”
مشيت نورا وسابته وهو وراها”يانورا مش قصدي..نوراااا”
شادي دخل هو وسارة على صريخهم”ايه ياعم انت هو كل يوم خناق..انت مابتسمعش الكلام ليه”
امير”اطلع من دماغي انت كمان انا اتخنقت من القعدة فالسرير”
سارة”يابني هي خايفة عليك تقوم تزعلها كده”
امير”مشغلين السماعات انتو..”
راح امير ورا نورا لقاها واقفة جنب البيسين حط ايده على كتفها
“نورا”
“نعم”
“بصيلي”
“لالا ”
“لالا ايه..مالك”
“مفيش”
“طيب بصيلي”
لفت نورا وشها امير استغرب لما لقى عنيها حمرا”نورا انتي متحولة ليه..مفيش ريحة دم”
“مش عارفة..لما بتعصب او لما بخاف على شخص بحبه بيحصل كده..انا خايفة اوي”
“من ايه”
“خايفة اقتل حد او يحصل معايا ده وسط الناس العاديين”
“ماتخافيش انا هعلمك ازاي تتحكمي فاعصابك وتفضلي هادية”
بعد شوية وش نورا رجع طبيعي وابتسم امير
نورا”ايه”
امير”ايه ايه”
نورا”بطل تريقة انا لسه زعلانة منك”
“والله ياحبيبتي ماكانش قصدي انك انتي اللي خنقتيني ..قصدي انك مقعداني فالسرير طول اليوم فخنقتيني بالقعدة..معقول انا اتخنق منك..انتي روحي في حد بيتخنق من روحه”
“ياسلام”
“ايه مش مصدقة”
هزت نورا راسها بالنفي وهي بتقول “لا وريني”
شالها امير وراح داخل جوه القصر
“نزلني انت بتعمل ايه شادي جوة هو وسارة..وكمان انت لسه تعبااان”
شادي بيضحك هو وسارة فجأة دخل امير وهو شايل نورا
امير”شادي”
شادي لف وشه وشافهم”نعم..ايه مالك عاوز ترميها خلاص زهقت”
امير”هههههههههههههه لا انا عاوز اعمل فرح تاني”
شادي”ايه ايه فرح تاني ونلم الجماعة وتحصل مصيبة..لا طبعا”
امير”لا انا عاوز اعمل فرح بينا احنا وبس..يعني انا ونورا..انت وسارة..وسالي”
سارة”الله فكرة حلوة طول عمرك ذكي”
نورا”نزلني الاول..انت ازاي تقترح كده من غير ماتقولي”
امير”مش بتقولي اثبتلك اني مش ممكن اتخنق منك..”
شادي”طيب بما ان الفرح هيبقى بينا..انا عاوز اتجوز انا كمان..ايه رأيك ياسارة”
سارة”لالا..ها قصدي ايوة موافقة..انا انا هشوف سالي بتناديني”وجريت بسرعة
الكل”ههههههههههههههههههههههه”
امير”ماحدش بينادي ياسوو..رايحة فيييين”
نورا”اول مرة اشوفها كده هههههههههههههه”
شادي”حبيبتي عسل اوي”
امير”لا حبيبتي اعسل هههههههههههههه”
……………………………………………………………………….
بالليل راحت سارة على بيتها..شادي نزل تحت مش عارف ينام سمع صوت فالبيت..راح بسرعة على الصوت شاف ظل مش باين بنت ولا ولد..ابتدت العروق تظهر على وشه وبيتحول عشان يهاجم ..بس..
“ماتخافش ياشادي”
شادي وشه ابتدى يرجع طبيعي لما سمع صوت يعرفه كويس”سالي؟؟”
قربت منه سالي وابتسمت”بتعمل ايه”
“مش عارف انام”
لسه هيسألها بتعمل ايه هي كمان..شاف فايدها شنطة”ايه اللي فايدك ده”
ابتسمت سالي ولفت عشان تمشي من قدامه..مسكها شادي من ايدها
“ايه اللي فايدك..انتي عاوزة تروحي تاني”
ماجاوبتش سالي ودورت وشها
“هههه…انا مش مصدق..فاضل اسبوع على فرح ابنك وبنتك وانتي عاوزة تمشي..مستعجلة اوي..”
بعد عنها بس سمع”عشان مش عاوزة اضايقكم فيوم المفروض يكون احلى يوم فحياتكم”
رجع ووقف قدامها”انتي بتبرري لنفسك عشان تمشي تاني..مش طايقة تقعدي معانا للدرجة دي..كل خوفك على نورا لما اتخطفت كان تمثيل..انا مش مصدق اللي بيحصل ده”
“ماكنش تمثيل انا بجد خفت عليها وبحبها..وبحبك انت كمان..بس انت مش مرتاح فوجودي..مش بتكلمني..بتتجنبني خالص..انا عارفة انك عمرك ماهتسامحني او تحبني..عاوزني افضل هنا ليه..انا بحبك لدرجة هحرم نفسي اشوفك وانت عريس عشان انت تكون مبسوط”
مسحت سالي دموعها وشادي دور وشه لما حس انه هيضعف ويعيط معاها
“لو عاوزني افضل قولي ..وانا هسيب الدنيا كلها عشانك”
شادي فضل مدور وشه وماردش..بعد لحظات ابتسمت سالي بألم وهي بتبص في الارض مسكت ايده”خلي بالك من نفسك ومن اختك..هتوحشوني..مبروك”
مشيت بخطوات بطيئة وهي مش عاوزة تسيبهم..شادي بيبصلها ودموعه نزلت افتكر لما سابته وهو صغير وصحي الصبح وملقهاش جنبه ونظرات الكل ليه…مجرد الذكريات حسسته بالم فظيع…كل خطوة منها بيحس ان روحه بتروح معاها..
“ماما”
سالي وقفت مكانها اول ماسمعت كلمة ماما..ودورت وشها..لقت شادي دموعه نازلة”ماتسبنيش تاني..انا عاوزك تفضلي معايا..عشان خاطري خليكي معايا..مش هقدر استحمل لو مشيتي تاني”
ابتسمت سالي وجريت على شادي وحضنته..شادي كمان حضنها..الاتنين بيعيطوا اوي..شادي كل اللي بيقوله”ماما انا بحبك اوي اوعي تمشي وتسيبيني لوحدي تاني”
“وانا بحبك اوي ياقلبي…ماتخفش مش هسيبك ابداااا”
نورا كانت واقفة فالسلم من فوق ودموعها نازلة وهي بتبتسم ومعاها امير
بصلها ومسح دموعها ولف دراعه على كتفها”مش قلتلك هيسامحها”
حطت راسها على كتفه..بصتله وابتسمت”الحمدلله”
بعد اسبوعين…
يوم الفرح في قصر امير..امير تحت هو وشادي..الاتنين متوترين وبيضحكوا على بعض…بعد شوية سمعو صوت فالسلم بصوا..شافوا احلى منظر ممكن يشوفو اي حد..نورا وسارة لابسين فساتين بيضة وفالوسط سالي كل واحدة ماسكة دراعها من جهة ومتوترين كمان..وصلو عند امير وشادي كل واحد اخد عروسته…بعد شوية وصل راجل..استغرب الكل
سالي مسكت فدراعه”اقدم لكم علي..خطيبي اتعرفت عليه اول مارحت وهنتجوز قريب”
الكل اتصدم..نورا”ماما انتي ماقلتيش اي حاجة”
“ماجتش فرصة..واهوه جه عشان يتعرف عليكم ومصمم مش هنتجوز الا لما توافقو”
نورا”هو…”
“ايوة زينا..مصاص دماء”
سلم عليه شادي وامير..امير لبس نورا السلسلة اللي كانت معاها وهي صغيرة..مر اليوم جميل جدا فحضور سالي وعلي والعرايس وبسسسس..علاقة شادي ونورا بسالي بقت كويسة جداااا..وحبوا علي عشان كان بيحب سالي وبيعاملها كويس…
امير ونورا عاشوا فقصر امير..سارة وشادي عاشوا فبيتها بعد مااصرت سارة وشادي ماحبش يزعلها..سالي وعلي عندهم بيتهم كمان..تم عقد هدنة مع الصيادين بعد ما نورا اتعدهت انهم مش هيصطادوا من الجامعة ولا هيقتلوا حد الا لو اضطروا يدافعوا عن نفسهم..مر وقت صعب على نورا وهي بتحلم بنفسها بتقتل آسر وابوه امير كان بيساعدها وهي اقتنعت فالآخر انها كانت بدافع عن نفسها لو ماقتلتهمش كانو هيقتلوها هي وامير..سحبت نورا ورقها هي وسارة على اساس هيدرسو فكلية تانية..اما زياد ماستحملش ان نورا بقت منهم وساب البلد كلها وماقلش لحد ان نورا اللي قتلت آسر وباباه…
وعاشوا كلهم في سعادة ابدية بتحصل مشاكل بس بالحب والاخلاص بيتجاوزوها مع بعض…
تمت بحمد الله
النهاااااااااااااااااااااية
لقراءة الرواية كاملة اضغط على : (رواية حقيقتي البشعة)
