رواية ليل الفصل الخامس والثلاثون 35 بقلم ياسمين خالد

لؤي وحور بخضه

 ورُعب ..طمني يادكتور إبني جراله حاجه؟

=الدكتور بحُزن : للأسف نبض القلب توقف للحظات .

_حور بصدمه : يعني ايه ! ابني مات !!

=لأ مماتش الحمدلله لِحقناه بالصدمات الكهربائيه والسبب انه كان شارب كميه مخدرات كبيره وده إللى بان ف التحاليل وف الحاله دى لما بيتعرض لحادثه او يتعرض لضربات قويه زي اللى بان ف الاشاعات دِ بيتعرض للوفاة او عضله القلب بتضعف بس ربنا لسه كاتبلهُ عمر جديد الف سلامه عليه .

الدكتور سابهم ومشي ..

حور ولؤي إتنهدوا بِ إرتياح حور حضنت لؤي عيطت بحُرقه كان جسمها مِتلج وبتترعش 

لؤي ب إطمئنان حضن وشها بين كفوفه : خلاص إهدي ، بطلى عياط ممكن !.

_ قالت بصوت مُتقطع ممزوج ببكاء : إ..إبني ..إبني لو مات ، هموت ، والله هموت وراه يالؤي ، أ..أنا السبب صح !

= بياخدها فِ حضنه وبيقول: إبننا مش هيموت ، إبننا هيفضل عايش معانا وهنفرح بيه وبأولاده أه غلط ، وأه لما يفوق لازم نعاقبه علشان منرجعش تاني نغلط ونوافقهُ علي أي حاجه غلط تاني بحجه إنه شاب ونسيبوا يعيش حياتهُ

_خرجت من حضنه وبصيتله بحزن وهي بتمسح دموعها : أنا هفضل هنا ف الاستراحه بس اكون علي الاقل معاه وهخلي كل شويه الدكتور يطمني عليه انت عارف انه ف الرعايه يعني كده كده مش هعرف اشوفه بس ف نفس الوقت مش هقدر أروح وإبني مش معايا، وإنت روح علشان محمد

  “محمد إبنهم وأخو مازن الصغير ” .. سايبينهُ لوحدوا فِ البيت 

= مش هعرف أسيبك لوحدك .

_ حور بنفاذ صبر: أرجوك أنا مش قادره أتكلم ،مينفعش أكتر من شخص يبات مع المريض ولو حصل أي حاجه أنا هكلمك متقلقش 

=مروان : خلاص ياعمو لؤي الفجر أهو بيإذن هتروح تريح ساعتين فِ البيت وتعالي بدري علشان محمد كمان ميقلقش لو صحي ملقاش حد ف البيت.

_ حور بصوت منخفض من التعب : خدوا يامروان وإمشوا

لؤي:طيب همشي وخلي بالك من نفسك لو حصل اي حاجه كلميني.

=حاضر  

______

بيسيبوها وبينزلوا 

_______

لؤي بيدخل السوبر ماركت .

_مروان بتساؤل : داخل السوبر ماركت ليه !

= حور مش قادره تصلُب طولها لازم اجيبلها حاجه تاكلها.

_بس هي مش هترضى تاكل .

=هغصب عليها هعمل اي حاجه ، “ابتلع ريقهُ بحزن ” انا مش هسيبها تضيع مني هي وإبني مره واحده انا جيبت اللوم كله عليها وهي هتقعد تفكر ف كل ده لما اسيبها الارهاق مع التفكير هتتعب جامد 

=خلاص اللي انت شايفوا .

________

علي الجانب الأخر عند حور سندت راسها علي الكرسي ورا ، دموعها نازله باستسلام ..بتفتكر كلام لؤي ليها وإتهامهُ ليها ونظرات الكل ليها ب إستحقار ، وكلام ساره اقرب حد ليها كله جيه عليها مره واحده ومازن قصادها دماؤهُ مُتناثره فِ كل مكان ..

كل الأفكار جت ف بالها مره واحده صرخت بصوت عالى وهي حاطه إيديها علي أذنيها ، كإنها مش عاوزه تسمع صوت ف الوقت ده كان طالع لؤي ومروان علي السلم ..سمعوا صوت صراخ حور ..

لؤي ومروان بصوا لبعض بصدمه ..حركتهم إبتدت تتقل 

مروان حاول يهدى لؤي ويديلهُ أمل وقال : أكيد مفيش حاجه ياعمي متقلقش اسند نفسك كده ، اكيد هي افتكرت كل اللي حصل علشان كده انهارت تماسك نفسك قربنا نوصلها ..

لؤي ابتدا يمشي ويقرب علي حور اللي بتعيط بحُرقه ، بس مفيش حد جمبها من دكاتره قلق اكتر ان ممكن يكون حد قالها حاجه عن مازن ومشي قرب عليها بصدمه قعد جمبها وشد ايديها بهدوء ، بصتله بدموع مغرقه وشها دفعت إيدوا بعيد عنها ..

_سالها بحيره : في ايه ياحور !

= كلكو جيتوا عليا حتي انت .

اتنهد ب ارتياح ان مازن مفهوش حاجه وان شكوا كان فِ محلهُ ان حور هتقعد تفكر فِ كل حاجه

_ابتسم وقال: طب إعملي أي حاجه هتريحك ، طلعي كل اللي جواكي لو العياط هيريحك عيطي ، عيطي لحد ما تحسي إنك إرتاحتي ، انا اسف حقك عليا إني جيت عليكي ، انا غلطان ان وقتها مخدتكيش ف حضني وطمنتك ، انا عارف اني جيت عليكي زيهم انا اسف بس دي بنت اختي يعني بنتي قلبي وجعني عليها لو كان عندي بنت مكنتش هتمنى يحصل فيها اللي مازن عملوا فِ عائشه .

_قالت بعياط:مقولتش ان ابني صح ، مقولتش اي حاجه بس إنت ، إنت ونظرتك ليا يالؤي ! ف الوقت اللي كانوا بيلوموني فيه علي تربيتي كنت عاوزه اهرب من كلامهم ونظراتهم لحضنك بس لاقيتك إنت أول واحد ماسك سلاح وبيطعن فيا خوفت وحسيت إني لوحدى الضنا غالي وعارفه ان اللي مازن عملوا صعب بس مينفعش أسيب إبني ولا كان ينفع ف الوقت ده بالذات يلوموني كده .

_ خلاص طيب بطلي عياط ، ابننا هيقوم وهنصلح كل ده سوا .

= اهلك عمرهم ما هيرجعوا تاني كويسين معانا لازم نمشي .

_ مينفعش نمشي ونهرب ، لازم نصلح كل حاجه مينفعش نبعد عن اهلنا مينفعش بعد السنين دي كلها نمشي 

= هنشوف ف عيونهم  نظرات استحقار لينا طول الوقت مش هقدر أستحمل .

_ سيبيها عليا ، ومتقلقيش هصلح كل حاجه.

=مروان : انا عارف اني غالي عندك ياطنط حور واكيد لو عمي لؤي قالك اشربي العصير وامسحي دموعك مش هتوافقي علشان هو واحد قاسي اصلا ، حد يعيط القمر ده .

_ابتسمت بخجل .

=لؤي: بقى كده يامروان بتقسيها عليا ها !

_ مروان بمشاكسه : ايوه ابعد انت كده شويه وسيبني انا جمب القمر دي انا هأكلها ..

=  لؤي بيرفع حاجبيه: هتأكل مراتي كمان !! 

_ مروان : لو مش عاجبك طلقها ” بصوت احمد حلمي ” 

=حور بتضحك علي طريقه مروان .

_لؤي: بقى كده ياست حور عاجبك يعني ها !

=مسحت دموعها وقالت : انت معرفتش تضحكني زيو اعملك ايه !.

_مروان : يطلقك واتجوزك انا ايه رايك !.

=موافقه 

“مروان بيديلها عصير “.

_لؤي : بتشربي كمان منهُ العصير؟

=مروان : انا بقول انك تقوم تروح بالسلامه انت يارجب يااخويا .

_طب س سلا سلام 

“بيضحكوا “.

=مروان بجديه : متقلقيش ياطنط هيقوم وهيبقى زي الفل ، بس هياكل منى علقه محترمه بردو علشان يفوق ويعرف ان اللي عملوا غلط ، هو عارف ان عائشه ل أنس ، أنس مستحيل يسيب عائشه لو إيه حصل ، وهي كذلك مش هتعرف تحب حد زيو 

_حور : حبه ل عائشه عماه عن الصح ياإبني ، خلاه ميفكرش ف أي حاجه ، بس انا عارفه ان كل اللي حصل من ورا البت اللي اسمها لارا دي .

_مروان : عارف ، دي حسابها معايا انا بقي بس لما اتاكد الاول من مازن بطريقه غير مباشره .

=متإذيش نفسك ياإبني، البنت دي أكيد ليها علاقات وناس كتير.

_”بيطبطب علي ايديها ب إطمئنان” متخافيش

_حور بتبص ل مروان ولؤي : طب انا فكيت الحمدلله وبقيت أحسن بكتير ممكن بقى تروحوا علشان محمد ! 

= لؤي اومأ رأسه بالموافقه: خلاص هنمشي يا حبيبتي ومش هتأخر عليكي 

_ خلاص ماشي .

“بيميل يبوس راسها “.

= مروان بمشاكسه ل لؤي: لأ يازميلي متفقناش على كده انا راجل دمي حامي 

_لؤي بمشاكسه بيضربوا ضربات خفيفه : ياأهبل صدقت نفسك؟ دي مراتي

= ضحك بإستهزاء: كانت مراتك “بيغمز ل حور ” مش كده ولا إيه !

_”بتضحك ” خلاص يامروان كفايه ده إنت هتمشي معاه طول الطريق وهتتنفخ .

= هسكت علشانك إنت ياجميل .

_لؤي بيرفع حاجبيه: امشي قدامي يامروان 

= انا همشي اهو وعلي فكره مش خايف منك .

_ “لؤي بيرفع إيدو علي شعروا ، مروان رجع لورا بخوف “.

=لؤي وهو بيضحك : واضح انك مش خايف .

_ مروان بيعدل قميصه : ضيعت برستيجي قدام المُزه .

= لؤي : طب سلام ياحور علشان هربى الواد ده برا.

_ بتضحك : سلام وطمنوني لما تروحوا ..

= حاضر ، واشربي العصير وكلي وغلاوه مازن ومحمد عندك .

_ حاضر ياحبيبي متقلقش.

_باي ياحبيبتي .

= باي ..

لؤي مسك مروان من قميصه بمشاكسه : يلا امشي قدامي .

_ ما انا ماشي اهو ..مروان مشي خطوتين ورجع بَص علي حور ..بيصفرلها “بتبص عليه “

بيغمزلها ويحدفلها بوسه .

_”بتضحك علي طريقته ” .

_لؤي بيضربه علي راسه : يابني هزعلك ، بتديها بوسه قدامي كمان !

= قبله خاليه من الفتن ، دايمًا ظالمني .

_ طب امشي يلا .

“بيقاطع كلامهم مكالمه من يوسف “.

= لؤي: مين !

_ ده بابا 

= رد يامروان .

_ ماشي ، ألو 

= إيه يامروان حد جمبك !

_ مروان بص ل لؤي وقال: طب انا هشتري ياعمي حاجه من السوبر ماركت وجاي استناني هنا .

= ماشي 

“لؤي فهم ان مروان عاوز يقول ل يوسف ايه اللي حصل ل مازن بس يوسف منعوا انه يتكلم قدامه علشان ميحسسهوش انهم خايفين علي ابنه بعد ما غِلط “

_ الو يا بابا انا معاك بقيت لوحدي

= طب الواد جراله حاجه !

_ دخل العنايه عضله القلب اتوقفت للحظات ولحقوه بالصدمات .

= يوسف بضيق: ياساتر يارب ، طب الدكتور قال ايه !

_مش هيخرج من العنايه غير لما يبقي كويس .

_ طب انتو فين !

= احنا هنيجي وطنط حور معاه ف المستشفي ، يابابا انت قاعد فين؟

_متجمعين لسه ف شقه عمك مؤمن ما عدا رودينا وأيسل إخواتك 

“أيسل أُخت مروان من ساره ويوسف “

“وأنس ورودينا من سهيله ويوسف ” 

=طب إفتح الإسبيكر بس بسرعه علشان انا ف السوبر ماركت مش عاوز اتأخر عليه 

_أنا فاتحوا كِده كِده 

=طب ياجماعه انا عارف ومقدر والله الموقف الرخم إللي حصل ده بس بجد حالتهم النفسيه وحشه جدا يكفي ان مازن كان هيموت منهم ، أرجوكم حاولوا تهونوا عليهم انا كنت معاهم وهما ناوين يبتدوا حياه جديده مع إبنهم ومش هاين عليهم يبعدوا عنكم.

_الجد بعصبيه: ومن الاول مربوش إبنهم ليه !

=مروان : ياجدي حقك فوق راسي احنا كلنا عارفين ان مازن غِلط وغَلط كبير جدًا كمان بس لو مش ندمانين كنت قولت والله ندمانين جدا وعاوزين يغيروا كل ده بس هما كل اللي محتاجينهُ فرصه .

_مؤمن والدموع متجمعه ف عينهُ بيجز علي سنانه وبيقول: لو كان ابنه غالي عليه ف بنتي كمان غاليه واللي حصل مينفعش أسامح فيه سامحوه إنتو 

“بيقوم ويدخل أوضته “

_يوسف: اقفل يامروان دلوقتي .

=ماشي يابابا وحاول تهديه ..

_حاضر، انتو هتيجوا ازاي!

= هكلم رامي صاحبي يجي بعربيته.

_تمام ماشي

مروان بيخرج لِ لؤي بعد ما اشتري عصير وباتيه وشيبسي 

راحله ب ابتسامه

_اهو جيبت اكل لزوم الطريق

=بِ سخريه: عبيط انا مش فاهم انت دخلت السوبر ماركت ليه، وبعدين هنروح ازاي !

_مروان بتوتر: ليه! وبعدين متقلقش انا هتصل ب صاحبي يجي !

=انا عارف انهم متضايقين علشان كده دخلت السوبر ماركت علشان لو حد قال حاجه انا متضايقش..ماشي اتصل ب صاحبك ، كتر خيرو انه هيجي ف وقت زي ده .

_ مفيش حد قال حاجه  متشغلش بالك إنت ، هتصل بيه أهو..

“بيتصل ب صاحبهُ” 

_الو .

=رامي بصوت غالبهُ النعاس: إيه ياسطى حد يتصل ب حد ف وقت زي ده .

_أحم إيه ياسطى هتكسفني ولا ايه فاتح الإسبيكر.

=ايه ياسطى فاتح الإسبيكر ليه ! اتمسكت بحشيش !.

_تصدق وتؤمن بالله انا لو ممسوك بجد ومش عليا قضيه ، كنت هتمسك بسبب جملتك دي .

= بتأفف : ياسطى فِ إيه مش فايق 

_بسم الله الرحمن الرحيم انا عايزك تجيلي حالا بالعربيه بتاعتك 

= ……

=رامي انت نمت !.

“لؤي بيضحك علي كسفه مروان “.

_رامي !.

=إيه ياسطى ، هو انت بتتكلم بجد!

_اه والله.

=ليه ياعم ف ايه !

_ مروان بيغمز ل لؤي :كنت بتخانق ياعم واتبهدلت اخر بهدله واتشردت ف الشوارع يارامي ومش لاقي حد يلمني.

_ رامي بيعدل نفسهُ وبيضيق عينه ب مكر : ياحرام وعوروك ف وشك وبقيت بعاهه مُستديمه وهتبات ف الشارع ، انا جايلك ابعتلي اللوكيشن يالا يابتاع الحوارات انت اتلاقيك كنت صايع مع ..

“مروان بيقاطعه ” يابني الله يخربيتك معايا عمي وفاتح الاسبيكر.

_خلصانه مش هسيحلك اكتر من كده

= مطولش عليا ها انا واقف ف الشارع.

_رامي:ابعت اللوكيشن مسافه الطريق.

=ماشي

_”بيقفل معاه بيعدل قميصه ب غرور ، علشان تعرف بس إن صحابي جدعان ” 

=قبل ما يفضحك ولا بعد ما فضحك !

_مروان بيضيق عينه بكسوف _ اممم طب اشرب العصير 

=بيضحك : ماشي 

“بيبعتله اللوكيشن “

_______

علي الجانب الآخر عند عائشه وأنس .

______

_ يلا الفجر آذن ادخلي صلي وادعي ربنا بكل حاجه تعباكي.

=بِ إبتسامه:حاضر ياأنس،بس لو إتأخرت شويه تعرف إني بقرأ قرآن 

_خلاص ماشي ، وأنا هصلي وهدعيلك .

_هتدعيلي ب إيه !

= إني أتجوزك.

_إتوترت_ طب انا هدخل أصلي .

= بيضحك : ماشي ياستي ..

_______

“بيدخلوا الجامع كل واحد فيهم بيتوضى ، الإمام بيقول الله أكبر وبيقيم الصلاه ..”

عائشه عماله تفتكر منظر مازن وهو بيقرب منها بتغمض عيونها بقوه دموعها بتنزل بِ استسلام بتقول فِ سرها بخضوع يارب ، يارب أعني وأخشع ف الصلاه ومفكرش فِ أي حاجه ، إفتكرت دعاء بيعينها علي الخشوع فِ الصلاه ..

رددت وقالت :اللَّهمَّ إِني أَعُوذُ بك من قَلْبٍ لا يَخْشَعُ. اللهم إني ظلمت نفسي ظلماً كثيراً ولا يغفر الذنوب إلا أنت، فاغفر لي مغفرة من عندك، وارحمني إنك أنت الغفور الرحيم.

أستغفر الله، استغفر الله، استغفر الله، اللهم أنت السلام ومنك السلام تباركت يا ذا الجلال والإكرام.

إبتدت تركز ف كل حرف مع الإمام ، مسحت دموعها وهيّ علي يقين إن ربنا هيعينها علي الخشوع وعلي إنها تنسى موضوع مازن 

____

خلصوا صلاه ، رفعت إيديها بتوسل إلى الله وقالت.

اللهم إنى أسألُكَ بإسمك الأعلي ، اللهم صلِّ وسلم وبارك علي سيدنا مُحمد ، لا إله إلا أنت سُبحانك إنى كُنت من الظالمين ، يارب ياستار أسترني ف الدنيا والأخره اللهم أسترني فوق الارض وتحت الأرض ويوم العرض عليك ، اللهم إنزلني منزل الصديقين والشهداء وحُسن أولئك رفيقا اللهم أرزقني الفردوس الأعلي مع النبي صلى الله عليه وسلم ، اللهم أرزقني حُسن الخاتمه ، اللهم يامثبت القلوب ثبت قلبي علي دينك ، اللهم أنت السلام ومنك السلام تباركت يا ذا الجلال والإكرام ، اللهم أنت ربي خلقتني وانا عبدك وانا علي عهدك ووعدك ما استطعت اعوذ بك من شر ما صنعت ابوء لك بنعمتك علىَّ وابوء بذنبي ف اغفر لي ف انه لا يغفر الذنوب إلا أنت ، يارب انا حاسه اني تعبانه أوي ، منظروا قدامى مخوفني من كل الناس ، حاسه اني خايفه أوي ، الموقف صعب عليا أوي ، يارب شيل الموقف من بالي ومن تفكيري ، يارب أعرف ارجع حياتي طبيعيه ، يارب انت عارف اني هحاول ابان كويسه علشان اهلي لكن أنا تعبانه أوي ، تعبانه أوي يارب وانت الوحيد اللي حاسس ب الآلام اللي جوايا وانت الوحيد اللي بقدر اتكلم معاه ف كل وقت ومبتزهقش مني ، يارب انت عارف اني بحبك صح !يارب طب انا عبد من عبادك وقلبي وَاجعني خفف عني يارب ، “بتعيط بحُرقه ” يارب حاسه بنغزات ف قلبي ، يارب وحدك انت بس اللي قادر ترتب شَتات تفكيري ، يارب طب انا مش عارفه اقول ايه تاني بس إنت عارف بكل حاجه جوايا انت أمرتني بالدعاء ووعدتني بالاستجابه يارب ريح بالي وقلبي ، يارب  وصلَّ اللهم وسلم علي سيدنا محمد وعلي آله وصحبه آجمعين .

“مسحت دموعها ، قامت جابت مصحف ، فتحت سوره البقره إبتدت إنها تقرأ “.

_______

علي الجانب الآخر عند آنس بيخلص صلاه وبيدعي ..

_ يارب اتجوزها ، يارب انا بقالي سنين بدعى انها تكون من نصيبي ، انا عندي يقين وثِقه فيك انها هتكون ليا يارب ، يارب الموقف إللي حصل النهارده ميقصرش علي حالتها النفسيه وتتعب مني ، هي بالنسبالي كل حاجه يارب بترجاك مشوفش فيها أي مكروه ولا حاجه تنهش ف قلبها ، يارب باركلي فيها وإجمعني بيها علي خير يارب 

بياخد تنهيده طويله ، يارب انت عارف بكل الكلام اللي مش قادر اقوله أو اطلعهُ ، إصلح حالى إنت يارب ونولني مُرادي 

“بيقوم وبيخرج برا بيستني عائشه قدام الجامع “..

عائشه خرجت بعد ما قرآت ٥ صُفح من سوره البقره بنيه إن ربنا يريح بالها

خرجت ب إبتسامه  ل أنس حست انها إرتاحت 

_أنس ب إبتسامه : إرتاحتي ياعائشه !

= حاسه ان حِمل كبير أوي إتشال من علي قلبي

_إتنهد بِ إرتياح:طب الحمدلله ، يلا علشان نروح ولا تحبي نتمشى شويه !

= قالت بِ بصوت مُجهد :لا هلكانه جدًا ، يلا كفايه كده يلا نروح .

_ خلاص ، بس احنا صايمين ، هنفطر سوا إتفقنا !

= قالت بتفكير:هبقى أشوف.

_لا مش هتبقي تشوفى دي انا بعت ل مستر محمد مسدج اني هاخد أجازه خلاص !

=قول ل بابا لو وافق خلاص هاجي .

_ خلصانه ياستي ، يلا نروح .

=ب ابتسامه: شكرا ياأنس علي وجودك جمبي ف الوقت ده .

_متشكرنيش ده واجبي ، أنا لازم أعمل كده ،

 عائشه هو انتي لحد دلوقتي متعرفيش انتي عندي إيه !

= بصت الناحيه التانيه بخجل وقالت: أنس متحرجنيش من فضلك! 

_ أنا مش بسكفك أنا بسألك؟ 

=اتنهدت وقالت : انا عارفه غلاوتي عندك ياأنس ، وعارفه إنك عايزني،بس ف موقف كده بيحصل ربنا بيحطك فيه بيخليك تتأكد من غلاوتك ف قلب الشخص ده وهل يستحق اي مشاعر منك ولا لا ، موقف واحد كفيل تتأكد من إن الشخص ده بيحبك بجد ولا لأ. .وقت الأزمات والشده بتبان كل حاجه.

_ وإتأكدتي !

= من إيه !.

_بنفاذ صبر: اتاكدتي انك غبيه ياعائشه صح !!

=ضحكت وقالت بمشاكسه : اه اتاكدت 

_ تيجي اخطفك وانتي عيونك منفخه كده من العياط وقمر واهرب بيكي على جزيره ميكنش فيها حد غيرنا ونعيش هناك بقى ونتجوز ونخلف ونملى الجزيره عيال وتبقي جزيره اسمها عائله أنس وعائشه يااااه.

_وسعت منك ياأنس.

= ليه تحبطيني !.

_يلا نمشى يابني ربنا يهديك .

=يلا ياختى ..

_ايه ياختي دي !

_اسف ياأم العيال .

_نينيني ، مش هتجوزك أصلًا .

_والله ! طب ولما اتجوزك ويبقي شكلك وحش بقي قدام نفسك هتعملي ايه !

=بترفع حاجبيها بتحدى : إيه رأيك ممكن أعنِد معاك ومتجوزكش !

_هتتجوزيني .

_لأ.

= عافيه هتتجوزيني.

_لأ مش هتجوزك .

= اتجوز غيرك يعني !

_ها !

= ها إيه ! تنحتي ليه !!! اتجوز غيرك !

_متقدرش 

=بمشاكسه : لأ لأ ، مش هتجوزك غيرت رأيي ، انا هتجوز واحده قمر كده معايا ف الشغل 

_ ياسلام ! إسمها إيه بقى !

= قال ب عشوائيه : موده .

_ رفعت حاجبيها بغيره : بجد والله !

= ضحك ب استفزاز : مش انتي مش عاوزه نتجوز !

_ ممكن نمشي وتسكت خالص بقى

= هتخرسيني يعنى !

_ اه اخرس بقي خالص لحد ما نروح

=انا محدش زعقلي كده قبل كده 

_ لا انا بقى بزعقلك اسكت .

_ طب امشي يلا بدل ما ازعلك .

= تزعل مين !

_هزعل القطه اللي ماشيه جمبك دِ

“اتنفضت من مكانها ، ضحك عليها وقال بمشاكسه : يالهوى لسانك اطول منك وبتخافي من قطه!

_انس اتلم ، بجد اتخضيت .

= طب يلا خلاص هنمشي.

_ طيب يلا .

__________

بعد مرور نص ساعه.

عائشه وأنس بيوصلوا ف الوقت اللي بيوصلوا فِ لؤي ومروان .

مروان كان بيشكر رامى انه وصلهُ ف وقت زي ده ، وبعدها رامي بيمشي 

_لؤي بيبص ل عائشه بخذلان وكسره نفس ، بتبادله نظره بدموع مكتومه وكإنها بتسأله بسكوتها ، ليه مازن يعمل فيا كده ! 

_مروان قاطع سكوتهم وقال: بقيتي احسن ياعائشه !

=اومأت رأسها بالإيجاب.

_مروان بمشاكسه : بت ياعائشه اصبري عليا أنام ساعتين وأصحى هعملك الرز بلبن إللى بتحبيه .

=ابتسمت ب هدوء : ان شاء الله .

_لؤي : انتي كويسه ياعائشه !

=ابتلعت ريقها وقالت بصوت أوشك على العياط : الحمدلله ياخالو .

“قرب عليها ، خدها ف حضنهُ  حضنته ب استسلام وعيطت بحُرقه وهي ماسكه ف قميصه بقوه قالت بعياط :تعبانه أوي ياخالو ، مازن يعمل فيا كده ! طب ليه ! ليه أنا ياخالو ؟

“مروان وانس عيونهم دمعت من كلامها “

=ششش ، بس اهدي ، اهدي ياحبيبتي حقك عليا ، هو بس يقوم وأنا هكسرلك دماغه الواطي ده ، انا بنتي متزعلش أبدا فاهمه!

“بيحضن وشها بين كفوفه، بيمسح دموعها “

بس ، بس إهدى ياحبيبتي ، هجيبلك حقك والله، انتي بنتي ، بنتي قبل ما تكوني بنت اختي ، انتي مش بنت ليل ومؤمن لوحدهم، متخافيش مش هو ابني ! بس انا هخليه يتمني يوطى علي رجلك يبوسها كده علشان تسامحيه.

_ابتسمت ، وحضنته ب ارتياح ..

_طبطب عليها وبص على انس اللي كان مبتسم من كلام لؤي .

= لؤي : بصي الواد مروان الحيوان ده شايفاه !

_ضحكت وبصت لمروان : اه شايفاه .

= مروان ب فخر : ايوه انا الحيوان اللي بيقول عليه، كمل ياعمو .

_لؤي: شوفتي فخور ازاي! ، المهم دخل السوبر ماركت وجاب الحاجات دي ، وانا قولت مش هقدر اكل حاجه من غير عائشه صح ياولا يامروان؟ .

_ اه حصل ، حصل .

=لؤي : بتتريق ها ! قولت ولا مقولتش؟ “بيضربه على كتفه بمشاكسه ” ، لأ قولت ، قولت ياعمو 

_ اهو شوفتي ، ف كُلى دول بقى

= انا صايمه ياخالو الحمدلله .

_ربنا يباركلك يابنتي ، بس كليهم بعد الفطار وإوعى رحيم ياكلهم منك ها !

= ضحكت : حاضر ياخالو .

_ياعيون خالو إنتي ، يلا نطلع علشان ننام شويه 

=حاضر .

“بيركبوا الأسانسير ، عائشه بصت ف عيون لؤي اللي كانت مليانه حزن بيداريه ممزوج بخوف ، مسكت ايدو وابتسمت : متخافش ياخالو ، هيكون كويس .

“مروان ولؤي وانس كلهم بصوا ليها ب اندهاش ، انها رغم اللي حصل فيها لسه قادره تطمن خالها وعاوزه مازن يكون كويس “

_لؤي ب إبتسامه : ان شاء الله يابنتي ، حقك عليا انا ياعائشه .”بيبوس كف ايديها ، بتطبطب علي إيدو ب ابتسامه “.

_____

بيطلعوا شقه مؤمن وليل ..

_______

“بيخبطوا ، ليل بتفتح ب لهفه “

_قربت من عائشه بخوف : انتي كويسه ياحبيبتي؟

= ب ابتسامه : انا كويسه متقلقيش يالوله .

_ ليل بصت ل لؤي بحزن قرب عليها وطبع قبله على جبهتها : أنا أسف ، حقك عليا .

= قالت بعصبيه : وهو اللي حصل ينفع يتقال فيه حقك عليا يالؤي !!

 _عائشه : ماما براحه من فضلك ، اتفضل ياخالو اقعد .

“كلهم كانوا لسه متجمعين عند ليل ومؤمن علشان يطمنوا على عائشه لما تيجي ، اتلموا حواليها ولؤي ابتدا يوجهه الكلام للكل وخاصةً مؤمن وليل 

انا عارف ان اللي عملوا إبني صعب ، وانا مقبلوش على بنتي بس انا هجيب حقها ، عائشه بنتي ، انا بس مش عايزكم ترفضوني ، ولا عاوز نظراتكم ليا تبقي كده ، انا وحور غلطنا وندمنا ومش هنتمادى ف الغلط ده تاني وهنصلح كل حاجه ، بس أرجوكم متحسسونيش ان مبقاش ليا عيله ، انتو ضهري وسندي ، انا اسف نيابة عن ابني لحد ما يقوم من العنايه ، انا اسف يامؤمن .

“مؤمن شخص حنين ، لين الطبع ، بيحب أهلهُ ، مبيحبش يشوف حد ضعيف او مكسور وهو شاف ف عيون لؤي الضعف وكسره النفس ، قال ب هدوء رغم عصبيته قبل ما عائشه تيجي : لأجل ليل يكرم أي حد من أهلها ، إنت إبن خالتي وأخويا ، بس لو ابن يوسف.. مروان بقي او انس عمل كده عمري ما كنت هسامحه لا يوسف ولا ابنه ، بس انت اخو ليل ، يعني لأجلها يهون أي حاجه ويكفى نظره الندم اللى ف عينك يالؤي ، وربنا يشفيهولك.

_ ندمان اني دلعته وقصرت ف تربيته ، اللي جاي كله خير ، وابني هيكون شخص كويس ، أوعدكم .

= مؤمن :ان شاء الله 

_لؤي بيوجهه كلامه ل ليل : متزعليش ، حقك عليا .

= خلاص يالؤي ، حصل خير والحمدلله انها جت على قد كده ، ربنا يخليهولك ويصلح حاله 

_امين يارب .

“بيقرب عليها وبيبوس كف ايديها وراسها ” .

=انا هطلع انام علشان هروح ل حور كمان شويه .

_ليل:خلاص ماشي 

_بعد اذنكم .

=كلهم ف نفس واحد : اتفضل .

“كل واحد بيطلع شقتهُ علشان ينام “.

______

ف اوضه عائشه بعد ما غيرت هدومها ..

ليل ومؤمن ورحيم بيخبطوا .

_عائشه :اتفضلوا

_ليل ل عائشه : تحبي انام جمبك !

=لا ياماما انا كويسه متقلقيش.

_رحيم : اكيد انا لو قولتلك هنام جمبك اونسك هتوافقي صح!

=نام ف اوضتك ياولد هنهزر !

=انا غلطان .

_لا انت احن اخ ف الدنيا .

=ضعفت خلاص ، انا هروح انام ، عاوزه حاجه !

_لا ياحبيبي تصبح على خير 

= وانتي من اهل الخير يارب .

_مؤمن : انتي كويسه ياحبيبتي !

=متقلقش ياحبيبي انا كويسه ، لو تعبانه هقولك .

_ طب اقراي قران ونامي 

=حاضر يابابا .

_تصبحي على خير ياحبيبتي .

=وانت من اهل الخير يابابا

_________

“بيخرجوا من الاوضه ، بتيجي مسدج على موبايلها من انس “

_ نامي ومتفكريش ف اي حاجه ، اتفقنا !

=ابتسمت وردت : حاضر ، نام انت كمان ومتشغلش بالك انا كويسه ..وبعدين كفايه يعني تطمن علي موده ها مالهوش لزوم تطمن عليا.

_بيضحك وهو بيقرا المسدج علشان بيحب يشوفها وهي غيرانه بيرد عليها : لا لا دي موده دي حاجه تانيه ، دي صاروخ ارض جوي .

= كتبت بتأفف : طب يلا انا هقفل .

“قفلت قبل م يرد عليها “.

ف الوقت اللي قفلت فيه بعتلها ريكورد بيقول فيه :اعرف واحده دلوقتي جواها بركان لو حد قرب منها هتفَحمهُ وهو واقف .

“بيبعته ” ، بيكلم نفسهُ ، قفلت المجنونه ، قفوشه اوي البت دي ، بيحط الموبايل علي الكوميدينو  

بيغمض عينهُ وبيروح ف النوم .

_________

بعد مرور وقت .

_________

الساعه 2 

____

ليل : مش هتفطري ياعائشه!

= لا ياماما صايمه ، وبعدين مستعجله جدا جدا ورايا تدريب .

_طب اتصلتي ب انس قولتيله! علشان كلم باباكي وقاله انكم هتفطروا برا 

= هبقي اكلمه ، باي دلوقتي 

_تيتا فاطمه ب عتاب : طب مفيش اذيك ياتيتا !

= قربت عليها ب استعجال طبعت قبله علي كف ايديها: حقك عليا يانور عيني ، انا لما اجي هنقعد ف البلكونه ونسهر سوا اتفقنا !

=اتفقنا ، طبطبت عليها ب حنيه وقالت :ربنا معاكي ياحبيبتي 

_يارب ياحبيبتي .

________

بتنزل وبتروح المدرسه 

________

_قالت ب ابتسامه : صباح الخير ياولاد .

= كلهم بفرحه : صباح النور ياميس عائشه .

_ عاوزه الصوت يوصل للمدير تمام !، السلام عليكم ورحمه الله وبركاته .

=ردوا بصوت قوى : وعليكم السلام ورحمه الله وبركاته .

_برافو ، برافو .

=انس الصغير ب فضول : ميس عائشه هو ف حد قرصك ف عينك 

_ردت ب حيره : لا ، ليه ياانس !

=عينك وارمه اوي ياميس .

_ علشان بس منمتش كويس ياحبيبي .

= طب كنتي نامي .

_ لو كنت نمت مكنتش هعرف اجي ، انت مش عاوزني اجي ياانس 

= لا لا خلاص متناميش .

_بتضحك ، ممم طيب النهارده الحصه هتكون لطيفه خفيفه كده ومعايا شكولاتات اللي هيجاوب صح ، هياخد شكولاته وفوقيهم بوسه.

_ أنس بعصبيه: لا مش هتبوسي حد غيري .

=ردوا عليه صحابه ب مُشده بينهم : ليه ياحبيبي هي مش الميس بتاعتك بس 

_انس بعصبيه : لا الميس بتاعتي بس .

=عائشه : بس ، بس ، وطوا صوتكم ، احنا هنا صحاب واخوات صح ! مينفعش نزعل بعض ولا نزعق انا بحبكم كلكم زي بعض ، واللي هيجاوب صح هديلوا سكر وشكولاته اتفقنا .

_انس بتكشيره : لا .

= عائشه بإبتسامه : فك التكشيره دي ، قالت بصوت خافت:  هديك انت اتنين سكر وهما واحد بس.

_ضحك ب انتصار وهو بيبصلهم : خلاص ماشي ياميس موافق .

=ضحكت علي ضحكته وفرحتهُ وعلي غيرته عليها رغم صِغر سنهُ ..

_يلا جاهزين ياولاد؟

=كلهم ف نفس واحد : جاهزين ياميس .

_مَن هُم العشره المبشرون بالجنه؟

=عدد قليل اللي ابتدا يرفع ايدوا وأولهم أنس .

_ها قول ياأنس ، بس قول اتنين فقط .

= حاضر ياميس .. سيدنا عمر بن الخطاب ، وسيدنا علي بن أبي طالب .

=قالت بفخر : برافو ياانس كلنا نسقفلهُ ، جابت شكولاته وباستهُ من خدوا 

كان قاعد وفرحان انه جاوب صح وفاز على صحابه ب ان عائشه اديتلهُ قبلتين وهما لأ 

_ها مين تاني ياحلوين ، فاضل ٨ 

_” معاذ رفع ايدو “

=اتفضل يامعاذ ، جاوب اتنين فقط .

_انس بتلقائيه: بس هياخد بوسه واحده.

=عائشه ضحكت وقالت : حاضر ياأنس ، اتفضل يامعاذ .

_ عثمان بن عفان ، وسيدنا عبدالرحمن بن عوف .

=اللهم بارك برافو يامعاذ .

“بتديله شكولاته وتطبع قبله علي خدوا “.

_ها حد من البنات يقول.

“سما بترفع ايديها “

= اتفضلي ياسما قولي .

_ هقول ٣ ياميس .

=ياسلام بس كده ! قولي ياحبيبتي 

_سيدنا أبو بكر الصديق وسيدنا أبو عبيده عامر بن الجراح وسيدنا الزبير بن العوام 

=الله اكبر ما شاء الله عليكي ، بتديلها شكولاته وبتطبع قبله علي خدها  .

_ها فاضل ٣ مين هيقول !

=بيرفع محمد ايدوا..

_اتفضل يامحمد ، قول؟.

_سيدنا سعد بن أبي وقاص ، وسيدنا سعيد بن زيد وطلحه بن عبيد الله  

_الله اكبر ما شاء الله عليك ياحبيبي 

“بتديله شكولاته ، وبتطبع قبله علي خدوا “

_انا فخوره بيكم جدا جدا ، كل اللي جاوب انا بحبه اوي واللي مجاوبش انا بحبه بردو بس انا هكتبهم علي السبوره علشان تحفظوهم والمره الجايه هنسمعهم سوا وهديكم مكافأه اتفقنا !

_بصوت واحد اتفقنا ياميس .

=انا هقولهم تاني وانا بكتبهم علشان تعرفوا النُطق بتاعهم ياحبايبي .

“بسم الله ” بتمسك القلم وبتبدي تكتب ، اكتبوا ورايا ف الكشكول .

_بصوت واحد ، حاضر ياميس .

=1. عمر بن الخطاب.

2. علي بن أبي طالب.

3. عثمان بن عفان.

4. عبد الرحمن بن عوف.

5. أبوبكر الصديق.

6. أبو عبيدة عامر بن الجراح.

7. الزبير بن العوام.

8. سعد بن أبي وقاص.

9. سعيد بن زيد.

10. طلحة بن عبيد الله.

رضي الله عنهم

_عاوزاكم تحفظوهم كويس جدا اتفقنا !.

=اتفقنا .

_استودعكم الله ، انا همشي ياحبايبي السلام عليكم ورحمه الله وبركاته .

=ف نفس واحد .

_وعليكم السلام ورحمه الله وبركاته.

_باي ياانس.

=ب ابتسامه انتصار : باي ياميس .

“انس بإستفزاز ل زمايلهُ “: شوفتوا ميس عائشه بتحبني ازاي وانتو لا !!

_…..

معاذ بيقول لمحمد بصوت خافت المره الجايه هنقول لميس عائشه عليه .

_انس ببرود وهو بياكل الشكولاته :سمعتكم علي فكره ، وميس عائشه بتحبني مش هتعملي حاجه .

_…..

________

بتمشي وأنس بيتصل بيها.

_ انتي فين !

=بتسال ليه!

_ردي انتي فين !

=كنت ف المدرسه 

_ومقولتيش ليه !

= مش لازم استأذن منك..

_بجد والله !

=اه

_طب روحي علي المطعم اللي بنقعد فيه  

=ليه!

_هنفطر سوا.

=لسه العصر مأذن لسه بدري علي المغرب.

_هنقعد هناك لحد المغرب .

=طيب .

________

بعد مرور ربع ساعه.

بيوصلوا مع بعض ف المطعم ..بيقعدوا علي تراييزه باصه علي البحر.

______

بتغيري!

_لا 

=بتغيري !

_قولتلك لا ياأنس هغير ليه عادي

_بتغيري! 

بصت الإتجاهه الأخر وقالت:باين ف عيوني!! 

-بيبص بطرف عينهُ وهو باصص للبحر و مُبتسم :باين ف نبره صوتك “بصلها تاني” وعيونك اللى إتملت دموع دِ.، وحاولتى تداري علشان تباني إسترونج وومان وكده مع إنك كِنتي بتبيني عادي إيه إللى إتغير مش عاوزه تبيني ليه وبتقولي لا وبتاع!

-قالت وهى بتنظر للبحر :عادي .

= خدتى حذر منى خوفتى أتضايق مش كده وتفتكري انك هتخنقيني بغيرتك!

_ ميخصنيش ، انا عاوزه أروح ممكن ! 

= ناكل الأول ده حتى المنظر جميل ويفتح النفس .

_ خلاص يبقي متسألنيش أي أساله لو سمحت لحد ما الآذان يجي وناكل ونمشي

=طب تتجوزيني !

_ارتبكت _ انس بس لو سمحت.

=تتجوزيني !

_بصت ف عيونه نتجوز !لا انا لسه مخلصتش تعليم ، وبعدين روح اتجوز موده.

=مين موده ! والله ما اعرف واحده بالاسم ده حتى .

=ياسلام!

_اه والله.

=طيب 

_فكي وشك طيب .

_ افكهُ ازاي يعني.

=يعني متكشريش ، مبتنيلش احب غيرك .

_طب بس انت صايم ها.

=طيب هسكت اهو .

_ايوه كده اتعدل.

_هتجوزك كده كده عادي مش مستني موافقتك .

=ضحكت _ بني ادم بارد.

_بس علشان انتي صايمه عيب تشتمي .

=بارد دي شتيمه !

_اه “بيبتسملها ب استفزاز”

=يارب صبرني عليه يارب.

_ويصبرني عليكي يارب .

=لو مش عاجبك متتجوزنيش.

_حتي لو مش عجباني هتجوزك .

_وليه تتجوز واحده مش عجباك !

=بقول حتي.

_ماشي يااستاذ انس .

= تحبي نعمل الوان الشقه ايه!

_ضحكت بخجل وقالت _اي لون ، المهم اكون معاك .

= يافرج الله اخيرًا نطقتي كلمه حلوه ؟

“ضحكوا ” 

_______

علي الجانب الاخر علي سلم عماره مؤمن وليل .

_______

سليم : ايوه يعني يارحيم هي رودينا مرتبطه !

=لا يابني ما انا بقولك لا مش مخطوبه 

_يعني مفيش حد ف حياتها !

=انت غبي ياسليم ؟

_رودينا بتقاطع كلامهم بتساؤل : وانت مهتم اوي كده ليه ياسليم ؟

_سليم بفزع وارتباك..ها .