رواية الان اقول احبك الفصل الحادي والعشرون 21 بقلم ندى سامي
رواية الان اقول احبك الجزء الحادي والعشرون
رواية الان اقول احبك البارت الحادي والعشرون
رواية الان اقول احبك الحلقة الحادية والعشرون
الياس خد العصير و شرب منو ب تذمر و وهو بيشرب لقو حد بيفتح باب الاوضه و كانت ميرنا و ماسكه بوكيه ورد و الياس اول م شافها تف العصير إلى ف بقو بصدمه و عرف أن اكيد هيحصل مشكله بعد م تمشى و تاليا بصتلو اول م تف العصير بعصبيه و هو ابتسملها بتوتر
ميرنا بدلع : الياس مالك شرقت
تاليا بغيره : لا يا حبيبتى ” قالت بنفس طريقتها ” الياااس كويس
ميرنا بصتلها و مردتش عليها و قربت من الياس : اول م عرفت انك ف المستشفى جيت ع طول خوفت عليك اوى بجد الف سلامه
الياس : الله يسلمك
تاليا : طب يا حبيبتى اتطمنتى اتفضلى بقى اصل الياس محتاج يستريح
ميرنا : انتى مالك و بعدين انتى مين اصلا .. اه صح انتى الممرضه مش كده طب يا عسل روحى شوفى شغلك
تاليا بعصبيه : ممرضه !!
الياس : حبيبتى اهدى .. احم تاليا مراتى يا ميرنا
ميرنا بصدمه : مراتك !!؟ انت اتجوزت امتى و ازاى متقوليش
تاليا باستفزاز : معلش بقى يا قمر كتب الكتاب جه فجأه نبقى نشوفك بقى ف الفرح
ميرنا بغيظ : ماشى يا الياس اشوفك بعدين
ميرنا مشيت و تاليا بصتلها بغيره و بعدين راحت قعدت بعيد عن الياس
تاليا بصوت واطى و هى بتقلد الياس وهى قالبه وشها : الله يسلمك
الياس : حبيبتى طبعا انتى عارفه انى بحبك انتى
تاليا مرتدش عليه ف قال : صدقينى مش بطيقها اصلا
تاليا : مدام مش طايقها بتكلمها ليه
الياس : انا قولتلها الله يسلمك بس
تاليا : حتى لو و بعدين انت اتعرفت عليها ازاى اصلا بقرفها ده
الياس بغباء : ف الجيم
تاليا بصتلو ب عصبيه و سكتت و هو حس انو عك ف سكت و بعد شويه لقى فارس داخل و معاه شنطه فيها لبس
فارس : عامل ايه دلوقتى
الياس : الحمدلله احسن
فارس : جبتلك لبس تلبسه عشان مش هينفع تفضل كده
الياس : اصلا مش عايز افضل هنا لو ينفع تكتبلى خروج
تاليا : لا طبعا مش هينفع انت لسه خارج م العمليه امبارح
الياس بغمز : عشان نلحق نخطط لفرحنا و نشوف هنعمل ايه
فارس باستغراب : فرح مين !؟
تاليا بصتلو بصدمه و فرحه ف نفس الوقت و هو بصلها و ابتسم و بعدين بص لفارس
الياس : فرحى انا و هى .. انا مقولتلكوش أننا بنحب بعض ولا ايه
فارس بفرحه : الف مبروك يا حبايبى
الياس : الله يبارك فيك
فارس : بس برضو خليك لحد بكره احسن
الياس : صدقنى انا هبقى احسن طول م انا ف البيت و لو ع تطهير الجرح تاليا تبقى تعمله عادى
تاليا بدأت تتكسف جامد و استأذنت أنها تدخل الحمام و سابتهم و الياس بص عليها و ضحك
فارس بضحك : ماشى يا سيدى انا هروح اشوف الدكتور و اقولو
نزل فارس يشوف الدكتور و بعد شويه تاليا خرجت و فارس بعد وقت قدر يقنع الدكتور و مضى ع الخروج و طلعلهم و الياس قام يلبس ف الحمام و خرج و مشيو كلهم راحو الفيلا
_______________________
بعد اسبوع
عدا اسبوع و الياس كان بدأ يتحسن و علاقتو مع تاليا بقت احسن م الاول بكتير و ساره كانت مبسوطه ب ده و مراد كان لسه مستنى نيروز ترد عليه لحد م ردت اخيرا بس مكانتش بترد ع كل المسدجات و كانت بتقول كلمتين و تسكت و هو ساعتها قرر انو لازم يعمل الى ف دماغو
_______________________
ف الفيلا
الياس : الفرح الاسبوع الجاى يا شباب
تاليا بصدمه : اييه بتهزر
نيروز : اسبوع ايه احنا لحقنا نجهز حاجه و بعدين انت لسه تعبان
ساره : نيروز عندها حق مفيش اى حاجه متظبطه دلوقتى
الياس بهدوء : م احنا هنظبط كل حاجه دلوقتى و اصلا مفيش حاجه ناقصه غير الفستان و الاتفاق مع الميكب ارتست و لو هتشترو لبس و بس و انا و تاليا هنقعد ف شقه الشيخ زايد بتاعتى
تاليا : انت مستوعب الى بتقوله
الياس : اه و كمان اتفقت مع قاعه ع النيل زى م انتى كنتى بتقولى نفسك فرحك يبقى ع النيل
الكل بصله بصدمه من قراره المفاجئ الا فارس عشان كان عارف كل ده و بعد كلام كتير قدر يقنعهم و فعلا وافقو
_______________________
بعد 3 ايام ف المول
تاليا و نيروز نزلو يشترو لبس و حاجات الفرح و جابو حاجات كتير و تاليا وقفت عند محل فساتين
تاليا : بصى ده هيبقى حلو اوى لحفله التخرج بتاعك
نيروز بإعجاب : اه حلو اوى فعلا
تاليا : تعالى جربيه
دخلو و نيروز جربته و طلع حلو جدا عليها ف جابته مع فستان الفرح و جابو الحاجات الناقصه و رجعو الفيلا
_______________________
يوم الفرح
نيروز : اوبااا ايه القمر ده
تاليا : بجد حلو
نيروز : جدا يا بنتى ده يا بخت الياس
تاليا ضحكت و قعدت تبص ع نفسها ف المرايه كتير لحد م جه وقت أنهم ينزلو عشان التصوير ف قامت بتوتر و خرجت برا و فضلت واقفه مستنيه الياس و الياس جه و كانت هى واقفه بضهرها و بيتصورو و بعد كده تاليا لفت و الياس اول م شافها ابتسم جامد
الياس : والله عمرى م شوفت حد ف الجمال ده .. الله اكبر عليكى بجد ماشاء الله
قال كده و حضنها جامد و هى كانت مبتسمه و فرحانه و ف نفس الوقت متوتره و بعد وقت خلصو تصوير و راحو القاعه و الفرح بدأ و قعدو كلهم يرقصو و هما مبسوطين و كل ده مراد كان متابع نيروز و بيفكر ف اليوم إلى هينفذ فيه قراره لحد م اليوم خلص و كلهم كانو فرحانين و الياس و تاليا سلمو عليهم و راحو شقه الياس
_______________________
بعد يومين
كان الياس هو و تاليا قاعدين ف الصاله بيتفرجو ع التليفزيون و تليفون الياس رن و كان مراد
الياس : هروح اشوف عايز ايه و ارجعلك
تاليا بابتسامه : تمام
~~~~~~~~ ف الاوضه
الياس : ايه يا فصيل
مراد : احم كنت عايز افاتحك ف موضوع كده
الياس : قول
مراد : انا كنت عايز اتقدم ل نيروز
الياس : نيروز اختى !؟
مراد بتوتر : اه .. بص متفهمش غلط انا عارف ان مكنش المفروض ابصلها ب الجانب ده بس انا جيت اطلب أيدها منك انت عشان متقولش حاجه
الياس : انت اهبل يا ابنى اكيد موافق يعنى هو انا هلاقى حد احسن منك و بعدين انا واثق فيك و عارف انك مستحيل تعمل حاجه زى دى
مراد بفرحه : بجد يعنى موافق فعلا
الياس : اه اكيد كلم انت بس بابا حدد معاد و انا هبقى اجى احضر قرايه الفاتحه
مراد : لا م انا مش هعملها كده
الياس : مش فاهم
مراد : انا هقول لباباكو اه بس انا مش هتقدملها كده
الياس : امال !؟
مراد حكالو كل حاجه عايز يعملها بالتفصيل و الياس فهم
الياس : ماشى يا عم و انا معاك ف الحوار ده
مراد : والله انت صاحب جدع
الياس : عيب عليك يا ابنى
مراد بضحك : طب انا هروح اكلم عمو فارس و اقولو
الياس : ماشى انا متأكد انو هيوافق اصلا
مراد : يارب .. يلا سلام انا
قفل معاه و خرج برا قعد مع تاليا
تاليا : ايه طولت كده ليه فى حاجه ولا ايه
الياس هز راسو ب اه و هو بيضحك ف قالت باستغراب : فى ايه
حكالها كل حاجه مراد قالو عليها ف ضحكت بفرحه
تاليا قامت بفرحه و قالت : بجد بتهزر اخيرا
الياس باستغراب : اخيرا ايه
تاليا : البت نيروز كانت مضايقه عشان فاكراه شايفها زى اختو و أن هى بس الى بتحبو و ….
سكتت فجأه لما بدأت تحس انها بتعك جامد و كانت لسه هتمشى الياس مسكها من قفاها
الياس : خدى هنا رايحه فين .. نيروز بتحب مراد
تاليا : بس والله م بينت ولا عملت حاجه و انت اكيد عارف نيروز يعنى دى مجرد مشاعر
الياس : انتى مالك بتتكلمى كده ولا كأنى هروح اد*بحها فى ايه
تاليا : معرفش خوفت عليها
الياس بضحك : والله انتى هبله .. تعالى نكمل الفيلم
ضحكت و راحت قعدت معاه كملو فرجه ع الفيلم
_______________________
يوم تخرج نيروز
كانت نيروز واقفه جمب ساره و فارس مستنيه اسمها يتنده و الياس و تاليا واقفين وراهم و مستنين اسمها هما كمان
_ الطالبه نيروز فارس الخولى
كلو سقف و ساره و فارس بصولها بفخر و هى راحت بفرحه للاستديج و استلمت شهاده التخرج و اتصورت مع الدكاتره و فجأه لقت الانوار اتقفلت و بعد دقايق اتفتحت تانى و اغنيه اشتغلت و لقت مراد طالع ع الاستديج و بيقرب منها و هى بدأت تتوتر و قلبها يدق جامد لحد م قرب منها و نزل ع ركبته
مراد : تتجوزينى
نيروز بتوتر : بس انت قولت انى زى اختك
مراد : مكنتش عارف مشاعرى بس حالياً عارفها كويس
نيروز سكتت شويه و بعدين سمعت كل الى ف الحفله بيقوللها وافقى و لما بصت ل ساره و فارس كانو مبتسمين ف رجعت بصت تانى ل مراد و خدت نفس و ابتسمت
نيروز ب ابتسامه : موافقه
لبسها الخاتم و قام وسط تصفيق و تصفير كل الى ف المكان و نيروز كانت مبسوطه جدا ب انو طلع بيحبها عشان هى اصلا كل ده مكانتش تجاوزتو و كانت لسه بتحبو و مراد كمان كان مبسوط أنها وافقت و قرب منها و هو مبتسم
مراد : بحبك
نيروز اكتفت ب ابتسامه و مرديتش ترد عليه و هو سكت و عرف انها اتكسفت و خاصتا قدام الناس دى كلها ف خدها و نزلو م المدرج و خرجو برا الحفله و هما كملو التكريم
_______________________
عدا سنين و نيروز و مراد اتجوزو و علاقتهم بقت كويسه جدا و تاليا و الياس علاقتهم حلوه من بدرى بس كل فتره بيتخانقو و فارس و ساره لسه زى م هما علاقتهم متغيرتش
_______________________
عند الياس و تاليا
تاليا : اصلا انت من امتى بتحبنى و بتهتم بيا
الياس : يا حبيبتى مين قال كده م انتى عارفه انى بحبك و مفيش غيرك ف حياتى ايه لازمه الخناق بقى و النكد
تاليا : نكددد قصدك أن انا نكديه يعنى .. اصلا هى كانت واضحه م الاول انا كنت عارفه انك شخص توكسيك و بتكره البنات و هتعذبنى معاك و مع ذلك اتجوزتك و وافقت عليك
الياس بصدمه : وافقتى عليا !؟ تاليا حبيبتى واضح أن الحمل مقصر عليكى انا بقول تخشى ترتاحى شويه
تاليا : داخله اصلا مش هستنى تقولى
تاليا دخلت الاوضه و الياس قعد ع الكنبه بتعب من خناق كل مره من ساعت م تاليا حملت و لقى فونو بيرن و كان مراد
الياس : عايز ايه انت كمان
مراد : فى ايه يا عم هو انا اهرب من نكد البيت تجيلى انت
الياس : ليه حصلك ايه انت كمان
مراد : نكد كل مره يا عم و شاكه انى بخونها
الياس : اه م هو واضح أن الحمل ده هيجى ع دماغنا
تاليا من جوا : سمعتك ع فكره لولا بس انى مش قادره اقوم كنت جيتلك
الياس : يا شيخه اتنيلى ب بطنك إلى قد الكوره دى
مراد بضحك : انا بقول احنا نهرب م البيت لحد م الاتنين يولدو عشان كده مش نافع
الاتنين ضحكو و قعدو يتكلمو حبه و بعدين مراد قفل معاه عشان يرجع البيت و الياس قام دخل ل تاليا
~~~~~~~~ ف الاوضه
دخل لقى تاليا قاعده و ماسكه صوره السونار و بصالها بابتسامه واسعه ف راح قعد جمبها
الياس بابتسامه : هتطلع قمر زيك
تاليا بصتلو و مرتدش ف قال : يعنى ينفع القمر ده يزعل منى
تاليا : بتشتكينى مع مراد
الياس : محصلش يا حبيبى انا اقدر برضو
تاليا : كل ب عقلى حلاوه بقى
الياس بحب : بس والله الحمل بيحلى زياده
تاليا بتكشير : قصدك انى مكنتش حلوه
الياس زهق : يوووووه بقى
_______________________
“رغم أننى أغلقت قلبى منذ فتره لكن عندما رأيتك أردت أن أعطيك فرصه و لقد أثبت انك قد هذه المسئوليه بكفائه”
_______________________
لقراءة الرواية كاملة اضغط على : (رواية الان اقول احبك)
