رواية الان اقول احبك الفصل العشرون 20 بقلم ندى سامي
رواية الان اقول احبك الجزء العشرون
رواية الان اقول احبك البارت العشرون
رواية الان اقول احبك الحلقة العشرون
تاليا بصدمه : كريم
كريم بشر : اه كريم إلى حبيب القلب بهدلو قدام الجامعه و رفدو و خد إلى كنت عايزه منى
تاليا : انت عايز منا ايه م تسيبنا ف حالنا بقى
كريم : تؤ تؤ مينفعش لازم اخد إلى انا عايزه الاول .. بس مش دلوقتى نطمن حبيب القلب الاول
قال كده و مسك فون تاليا فتحو و رن ع الياس
_______________________
ف الفيلا
كان الياس رايح جاى ف الشقه بيحاول بيفكر يعمل ايه و ساره و فارس بيرنو ع الناس إلى ممكن يكونو عندهم و رنو ع مراد كمان إلى فضل قلقان بعدها و بيفكر هو كمان ف المكان إلى ممكن يبقو فيه لحد م جه مكالمه ل الياس من تاليا
الياس بلهفه : تاليا بترن
راحو ناحيته بسرعه و هو رد و كان فيديو كول و اول م فتح لقى كريم ألى بيتكلم
الياس بعصبيه : انت بتعمل ايه و فين تاليا
كريم : لا مش هينفع كده بهدوء .. القمرات معايا لو عايزهم هات مليون جنيه و انت جاى
الياس : اقسم بالله لو لمست واحده فيهم ل اكون دافنك مكانك يا كريم الكلب
كريم باستفزاز : انت و حظك بقى هبعتلك العنوان و لو عرفت أن البوليس ف الحوار هخلص عليهم
قال كده و قفل و الياس اتعصب و رمى كوبايه المايه إلى قدامه و ساره بدأت تعيط و فارس واقف بيفكر ف حل
فارس : خد الفلوس و روحلو بسرعه بس خد مراد معاك
الياس : قال محدش يجى
فارس : قال البوليس مش مراد .. روحو و انا هبلغ البوليس و هديك حاجه تحطها ف لبسك لو حصل اى حاجه دوس عليها و البوليس هيدخل
الياس بصله باستغراب لانه اول مره يعرف أن عندو حاجه زى دى بس مهتمش
الياس : طب هاتها بسرعه و انا هكلم مراد
فارس راح اوضه المكتب يجيب الدبوس و الياس خد فونو يكلم مراد
_______________________
عند مراد
كان قاعد قلقان و عمال يدعى ميكونش حصلهم حاجه و عمال يفكر ف حاجات كتير و فجاه فونو رن و كان الياس ف رد عليه بسرعه ع امل يقول انهم رجعو
مراد بلهفه : رجعو صح
الياس : اتخطفو
مراد بصدمه : ايييه
الياس حكالو كل حاجه و مراد كان مصدوم و متعصب و لما قفل معاه راح يلبس بسرعه و نزل قابل الياس و راحو عند البنات
_______________________
ف مكان مجهول بعد ساعات
وصل الياس و كريم و كان مكان مصنع مهجور ف بصو لبعض
مراد : جاهز
الياس : اه يلا
خبطو و واحد تبع كريم فتح و كان موجه المسدس عليهم استعداد لأى غدر و اول م اتأكد أنهم لوحدهم قفل الباب
~~~~~~~~ عند البنات
نيروز : انت بنى ادم حقير و زباله انت لو بتحبها فعلا مش هتعمل كده و تبقى بالوسا*خه دى
كريم بزعيق : اخرسى انتى
تاليا : انا كنت شايفاك صاحبى ف الاول و بعاملك كويس بس انت إلى اتخطيت حدودك و دلوقتى جاى تزعل عشان كده
كريم : انا محدش بيعرف يزعلنى انتى سامعه ” كمل بشر ” واضح أن حبيب القلب استغلى الفلوس عليكو ف انا بقول اعمل إلى كنت مستنيه
قال كده و بدأ يقرب من تاليا و تاليا كانت بتصوت و نيروز كانت مفكوكه ف بصت حواليها لقت عصايه حديد ف قامت جابتها بسرعه و ضربتو ع راسو
كريم بوجع : اااه .. اقسم بالله م انا سايبكو
قام و كان لسه هيقرب من نيروز وقع ع الأرض بسبب الضربه و دماغو بدات تنزل دم
تاليا بخوف : موتنااااه يا نيروز
نيروز بخوف : لفى افكك بسرعه
تاليا لفت و نيروز فكتها و خرجو بسرعه و لقو باب تانى قدامهم فتحوه لقو مراد و الياس قدامهم و الولدين واقفين بضهرهم و بيعدو الفلوس و مراد اول م شافهم بصلهم جامد و شاورلهم من تحت يفضلو مكانهم و خبط الياس من تحت عشان ياخد بالو و اول م شافهم بص ل مراد بمعنى يلا ف مراد راح ناحيتهم بسرعه عشان يشوف كريم و الياس بدأ يضرب ف الولاد
مراد : فين كريم
نيروز بخوف : ج جوا ضربناه ب الحديده
مراد دخل يبص عليه لقاه سايح ف دمو ف اتصدم و رجعلهم تانى و ف الوقت ده كان الياس بيضرب ف واحد و التانى إلى كان واقع ع الأرض قام فجأه و مسك المسدس و رفعو ناحيه الياس و تاليا خدت بالها ف وقفت بسرعه
تاليا بصراخ : الياااس خلى بالك
كلهم بصو و الياس بص للولد الى كان ف الأرض بس ملحقش يعمل حاجه و الولد ضرب الرصاصه ف كتفو اليمين و مراد راح ناحيه الياس بسرعه و ضربهم و داس ع الدبوس إلى ف لبس الياس ف البوليس دخل فجأه و نيروز و تاليا جريو ع الياس و هما بيعيطو
نيروز بعياط : اليااااس قوم ونبى
تاليا بعياط : متخمضش عينك عشان خاطرى صدقنى هتبقى كويس بس قاوم
الياس بصلهم كلهم و بص للبلويس الى كان بياخد كريم إلى مغمى عليه و بعدين غمض عينو و نيروز و تاليا قعدو يعيطو جامد
مراد بزعيق : فيين الإسعاف
الإسعاف جت و شالو الياس و راحو بيه المستشفى
_______________________
ف الفيلا
ساره بقلق : مش مطمنه يا الياس حاسه قلبى واجعنى العيال مجوش لحد دلوقتى اكيد فى حاجه
فارس : أن شاء الله خير ادعى ربنا يسترها
و هما قاعدين جه مكالمه ل فارس من مراد
فارس : مراد جبتو البنات هما كويسين صح
مراد بتعب و حزن : أه كويسين بس ..
فارس بقلق : بس ايه قول
مراد : احنا ف المستشفى الياس اتصاب ف كتفو
فارس بصدمه و خوف : ايه مستشفى ايه
مراد قالو و فارس قفل بسرعه و قام
ساره بخوف : فى ايه يا فارس
فارس : قومى البسى بسرعه
ساره بخوف اكبر : قولى فى ايه طيب البنات مالهم
فارس : الياس اتصاب روحى البسى بسرعه عشان نروحلو
ساره اتصدمت و بدأت تعيط و فارس خدها و دخلها الاوضه عشان تلبس عشان مينفعش يضيعو وقت اكتر من كده و ساره لبست بسرعه و نزلو
_______________________
ف المستشفى
تاليا بعياط : يارب ونبى خرجو كويس و انا والله هبعد عنو و هو انا لما ابعد مش هيحصل حاجه تانى بس يخرج كويس يارب
نيروز كانت بتعيط بصمت و هى بتفتكر كل حاجه حصلت و كانت بتفكر في الياس و بتفكر في كريم إلى هى ضربتو و ف المستشفى هو كمان و بتفكر أن هى ممكن يتقبض عليها بسبب كده ف كانت بتعيط اكتر و مراد كان واقف ف جمب لوحدو بيحاول يتماسك عشان هما اصلا مش ناقصين و بيحاول يهديهم كل شويه بس مفيش فايده لحد م فارس و ساره وصلو
ساره بقلق : حبايبى انتو كويسين صح
تاليا و نيروز هزو راسهم بعياط
نيروز بعياط و خوف : انا ضربتو يا ماما هو ممكن يموت صح !! هو كان بيحاول يتعدى ع تاليا عشان كده ضربو بس مكنتش اعرف ان هيحصلو كده
ساره : اهدى يا حبيبتى مش هيحصل حاجه اهدى
نيروز : ممكن يحبسونى يا ماما
ساره بدموع : لا يا حبيبتى انتى كنتى بتدافعى عنكو مش هيحصل حاجه متقلقيش
ساره كانت بتحاول تهديهم و فارس واقف مع مراد مستنى الدكتور يخرج لحد م عدى ساعه و الدكتور خرج ف راحولو كلهم
فارس : طمنا يا دكتور الياس كويس مش كده
الدكتور : ايوه الحمدلله الرصاصه مجتش ناحيه قلبو خالص و عرفنا نخرجها بسهوله هو بس محتاج يرتاح شويه
ساره باطمئنان : الحمدلله
بدأو يهدو كلهم و الياس خرج و ودوه ع الاوضه بتاعتو و كلهم فضلو مستنين برا لحد م يفوق و بعد ساعه فاق و طلب تاليا
الممرضه: مين هنا انسه تاليا
تاليا : انا
الممرضه : المريض عايزك
تاليا براحه : تمام
ساره : طمنينا عليه ونبى
تاليا : حاضر متقلقيش
~~~~~~~~ جوا عند الياس
دخلت تاليا لقت الياس نايم ع السرير و باصللها و مبتسم ف راحت ناحيتو
تاليا بقلق : انت كويس حاسس ب حاجه
الياس ب ابتسامه : لا
تاليا : انت مبتسم كده ليه
الياس ببلاهة : مش عارف
تاليا بابتسامه : حمدالله ع سلامتك .. و انا اسفه ع إلى حصلك بسببى
الياس : انتى عبيطه يا حبيبتى
تاليا : انت بتشتم ليه دلوقتى
الياس : انا مش هتكلم عشان متشلش
تاليا : محتاج اى حاجه
الياس : اه مايه ياريت
تاليا و هى بتقوم : تمام
الياس : تاليا
تاليا : نعم
الياس : بحبك
قالت و هى بتصب المايه : تمام هجي….
سكتت شويه و هى بتستوعب قال ايه و لفتلو فجاه
تاليا : ايه !! انت قولت ايه
الياس بضحك : بحبك
تاليا باحراج : انت سخن الطلقه قصرت عليك
الياس : لا بحبك بجد مع الوقت اكتشفت انى بحبك فعلا مش مجرد شعور و خلاص و ع فكره عارف أن انتى كمان بتحبينى
تاليا اتصدمت و اتحرجت جامد و قبل م ترد الباب خبط و دخلت ساره و معاها الباقى
ساره : حبيبى انت كويس
الياس : اه يا حبيبتى الحمدلله
فارس : حمدالله ع السلامه يا بطل
نيروز : حمدالله ع السلامه خوفتنا عليك
مراد : حمدالله ع السلامه ابقى خلى بالك بعد كده
الياس بابتسامه : الله يسلمكو
قعدو يتكلمو و ساره كل شويه تسأل الياس لو محتاج حاجه
الياس بتذكر : صحيح انتو عملتو ايه ف كريم
تاليا بصت ل نيروز و ضحكت : ضربتو
الياس باستغراب : مين نيروز !!
تاليا هزت راسها ف بصو كلهم ل نيروز
نيروز : اعمل ايه يعنى كان بيحاول يتعدى ع تاليا ف مسكت الحديده و ضربتو
الياس لما سمع كده اتعصب جامد بس تاليا مسكت ايده و بصتلو بمعنى اهدى ف حاول يهدى نفسو
مراد باستغراب : بس مش المفروض انتو كنتو مربوطين
نيروز بدأت تحكيلهم كل حاجه حصلت هناك
_______________________
Flash back
كانت نيروز و تاليا قاعدين ف الأرض بيفكرو هيعملو ايه و كل ده مستنين الياس
تاليا بتعب : انا ايدى وجعتنى م الربطه دى
نيروز : وانا كمان
نيروز ساعتها بصت بالصدفه ع الأرض جمب تاليا لقت طبق الاكل الى هما سايبينو فيه سكينه ف بصت ل تاليا بسرعه
نيروز : تاليا الحقى
تاليا بخضه : فى ايه
نيروز : سكينه
تاليا : يعنى هنعمل ايه بيها
نيروز : امسكيها و اقطعى الحبل بتاعى بسرعه و انا هفكك بعدها
تاليا قربت من الطبق فعلا و لفت مسكت السكينه و رجعت ل نيروز و قطعت الحبل بس و هى بتقطعو عورتها و نيروز اتوجعت بس معلقتش
تاليا بخصه : انا عورتك !!
نيروز : تاليا كملى بسرعه قبل م يجو الحبل هيتفك خلاص
تاليا سمعت كلامها و فكتها و نيروز كانت لسه هتقوم تفكها لقت الباب بيتفتح ف بصت ل تاليا و بعدين بصت لباب
تاليا : اقعدى بسرعه
نيروز بصتلها و بعدين قعدت بسرعه و عملت نفسها مربوطه
_______________________
Back
الياس : لا جدعه يا بت شاطره طالعه ل اخوكى
ساره : يعنى التعويره الى ف ايدك عشان كده
نيروز : اه
مراد بصلها بفخر هو و فارس و بعدين قعدو كلهم يكملو كلام و هما بيضحكو و بعد شويه فارس قام
فارس : طب نسيبه بقى عشان مينفعش نفضل هنا كتير
قامو كلهم و سلمو ع الياس و تاليا هى كمان قامت من جمبو و لسه هتمشى لقتو مسك أيدها
الياس : روحو انتو تاليا هتفضل معايا
ساره بصتلهم بابتسامه و بعدين بصت ل فارس و خرجو و الياس و تاليا قعدو شويه و بعدين تاليا بدأت تحس انها عايزه تنام و كانت شبه بتنام و هى ع الكرسى
الياس : تاليا
تاليا بنعاس : امم
الياس بضحك : تعالى
تاليا بصتلو لقتو بعد شويه و فاتح دراعو و بيشاور ع السرير
تاليا : لا مينفعش و بعدين انت كتفك واجعك
الياس : م انتى لو فضلتى نايمه كده رقبتك هتوجعك و بعدين انتى اكيد تعبتى هناك
بصتلو شويه بتفكير ف قال الياس و هو بيخبط ع السرير : تعالى
تاليا قامت و نامت جمبو و كانت بتحاول تبعد عن الجرح بس هو حاوطها ب ايدو و نام و هى اتكسفت بس بعد كده نامت عشان كانت تعبانه
_______________________
تانى يوم
صحيت تاليا لقت الياس نايم بتعمق و محاوطها ف بصتلو بحب و شالت ايدو براحه و قامت و هو صحى ساعتها
الياس بتعب : صباح الخير
تاليا بخوف : انا وجعتك ! مكنش قصدى بجد انا بس كنت عايزه اقوم
الياس : اهدى اهدى فى ايه محصلش حاجه .. بقى ده رد صباح الخير
تاليا بضحك : صباح النور
قامت و رنت ع الكافيتريا و طلبتلها قهوه و طلبت ل الياس عصير و بعد شويه المشروبات جت
الياس بتذمر طفولى : انا عايز قهوه ع فكره
تاليا : مينفعش غلط دلوقتى العصير احلى و افيد .. يلا خد اشربو
الياس خد العصير و شرب منو ب تذمر و وهو بيشرب لقو حد بيفتح باب الاوضه و كانت ***
_______________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
