رواية الان اقول احبك الفصل التاسع عشر 19 بقلم ندى سامي
رواية الان اقول احبك الجزء التاسع عشر
رواية الان اقول احبك البارت التاسع عشر
رواية الان اقول احبك الحلقة التاسعة عشر
تاليا : طلقنى
الياس لفلها بصدمه : ايه !!؟
تاليا بدموع : زى م بقولك يا الياس طلقنى
الياس : انتى مجنونه يا تاليا التعويره قصرت ع دماغك بالغلط
تاليا : مش وقت هزار انا قولت إلى عندى و عايزه رد
الياس ببرود : تمام انتى حره قولى إلى انتى عايزاه بس انا طلاق مش هطلق
تاليا : لا هتطلقنى يا الياس و همشى م البيت ده كمان
الياس بعصبيه : مش هيحصل و ورينى هتمشى ازاى
خرج و رزع الباب وراه و تاليا بصت مكانو بحزن و ف نفس الوقت فرحه عشان كانتش عايزاه يطلقها فعلا
~~~~~~~~ تحت
الياس خلص كلامو مع تاليا و نزلو و هو متعصب و خرج م الفيلا تحت استغرابهم كلهم
ساره : هو فى ايه
فارس : الواد ده اهطل وربنا ايه ده ده كان لسه ميت فل و عشره من شويه
ساره : م انا بقولك العيال دى مش مظبوطه .. انا عندى فكره
فارس : ايه هى
ساره بخبث : هنقول ل الياس يطلق تاليا عشان فى عريس متقدملها و هنشوف ساعتها هو بيحبها ولا لا
فارس : و افرضى وافق هنجيب العريس ده منين
ساره بثقه : مش هيوافق اسمع منى
نيروز بوشوشه زيهم : انتو بتتوشوشو ف ايه
ساره بخضه : يخربيتك انتى بتطلعى منين
نيروز : انا قاعده من بدرى ع فكره .. بتتكلمو ع ايه بقى
فارس بضحك : اتنين متجوزين و بيتكلمو انتى مالك بقى
نيروز بتمثيل اللا مبالاه : اصلا مش عايزه اعرف
ضحكو عليها هما الاتنين و هى بصتلهم ب احراج و قامت بحجه أنها عايزه تنام
~~~~~~~~ ف اوضه نيروز
دخلت الاوضه و قعدت ع السرير و فتحت فونها قعدت تقلب ف صورها مع مراد و اسكرينات المكالمات إلى كانت ب الساعات و الفيديو كول الى كان داخل فيه فارس و زهران معاهم و حاجات كتير اوى خلتها تدمع
نيروز بحزن : خلاص انتهى مش هينفع نتكلم تانى اصلا مكنش ينفع نرجع نتكلم زى زمان احنا اصلا كنا أطفال عشان كده كنا قريبين و انتى متعلقه بيه مش اكتر و هو شايفك زى اختو خلاص انسى
فتحت الواتس لقت باعتلها بتاع 10 مسدجات مدخلتش عليهم و بصت للشات من برا و قفلت الفون و نامت و هى زعلانه
_______________________
تانى يوم الصبح
تاليا صحيت بدرى و لقت أن الياس مش ف البيت و كانت قاعده مستنياه و هى متعصبه و فاكره انو مع حبيبته القديمه و اول م رجع قامت وقفت و هو قرب منها بابتسامه
الياس : صباح الخير .. صاحيه بدرى يعنى
تاليا بغيره : كنت عندها صح
الياس باستغراب : هى مين
تاليا : الياس متستهبلش انا عرفت كل حاجه
الياس بعدم فهم : كل حاجه ايه والله كنت عند مراد
تاليا : الياس انا اتبعتلى صور ليكو و انت لسه بتكدب
الياس : صور ايه
تاليا طلعت الصور و حطت الفون قدامو بعصبيه
تاليا : الصور دى
الياس : دى صور قديمه جدا بقالها سنتين
تاليا : كداب
الياس : والله ابدا استنى هوريكى
طلع فونو و جاب الصور قعد يقلب فيها كتير لحد م جاب صوره بتاريخ قديم ليه ف نفس المكان و نفس اللبس و ورهالها
الياس : اهو شايفه التاريخ
تاليا : و كمان الصور لسه عندك
الياس : يارب هتشل يا حبيبى دى صورتى لوحدى صورى انا و هى مسحتها من زمان .. انتى اصلا مين إلى بعتلك الصور دى
تاليا ببلاهة : معرفش
الياس : نعم يختى
تاليا : معرفش بجد رقم غريب
الياس : وانتى صدقتى ع طول
تاليا : يعنى هو ده كان عفريتك انت راخر م اهو انت
الياس : المهم صدقتى أن دى قديمه
تاليا : يعنى
الياس باستوعاب : لحظه كده .. انتى كنتى عايزه تطلقى عشان كده
تاليا بتتويه : انا اكتشفت أن كان فى حاجه مهمه لازم اعملها
قالت كده و مشيت من قدامه و هو ضحك عليها
_______________________
عند مراد
كان عمال يفكر فيها و بيبعتلها مسدجات كتير و من طمنهم مسدجات ساعت الامتحانات كان بيسألها عملت ايه و هى كل ده مرتدش عليه ف رن ع الياس
مراد بضيق : صباح الخير
الياس : صباح النور .. انا يا ابنى مش كنت لسه ماشى من عندك بترن تانى ليه
مراد بتوتر : كنت عايزك اسالك سؤال بس متفهمش غلط يعنى
الياس : خير فى ايه
مراد : هى نيروز كويسه
الياس باستغراب : اه كويسه ليه
مراد : مش عارف ببعتلها بقالى كتير مش بترد عليا من اخر مره اتقابلنا ف خوفت يكون حصلها حاجه
الياس : يعنى هى لو بعد الشر حصلها حاجه هبقى مبيت عندك امبارح
مراد : مش عارف بقى
الياس : هى بس مضايقه شويه اليومين دول مش عارفه من ايه ” سكت شويه و بعدين قال ” ولا اوعى تكون عملتلها حاجه
مراد : لا لا معملتش حاجه والله احنا بقالنا حبه مش بنتكلم اصلا
الياس : ماشى هصدقك بس لو عرفت انو بسببك مش هسيبك
مراد : ماشى هنبقى نشوف سلام انت دلوقتى و متتأخرش ع الشغل
الياس : انهارده اجازه فوق يبنى
مراد : اه صح طب تمام خلاص
الياس بضحك : سلام
قفل معاه و فضل يفكر شويه و خد قرار
مراد : بس انا لقيتها مفيش حل غير الى ف دماغى و أن شاء الله هيتنفذ
_______________________
ف الفيلا ع الغدا
خلصو اكل كلهم و نيروز و تاليا قامو ف نفس الوقت
تاليا : هنروح نلبس احنا بقى
الياس باستغراب : لحظه انتو رايحين فين
نيروز : خارجين
الياس : ايوه و انا معرفش ليه أن شاء الله
تاليا : عمو فارس و طنط ساره عارفين
الياس : هو مش المفروض ف مقام جوزك يعنى المفروض ابقى عارف ولا ايه
فارس : مدام انا موافق يبقى خلاص و بعدين انت ناسى انك كنت رافض الجوازه ف الاول اصلا و انك اتجوزتها عشان الحرمانيه بس ولا ايه
الياس بصلو و سكت و فارس بص ل تاليا و ابتسم
فارس : روحى يا حبيبتى البسى
نيروز و تاليا طلعو يلبسو و الياس بص عليهم و هما طالعين و بعدين بص ل فارس و قام من ع الاكل
ساره : مكنش المفروض تقول كده و تحرجه قدامهم
فارس : بالعكس كان المفروض اعمل كده و ده عشان اخليه يفكر تانى عشان هو لو مش متاكد انو بيحبها بعد إلى قولتو هيفكر كذا مره و بعد التفكير الكتير إلى هيفكر فيه هيكتشف انو بيحبها عشان ده واضح عليه اصلا
ساره : انت ادرى بس انا لسه مصممه ع إلى قولتلك عليه و هنقولو بعد م هما ينزلو
فارس بضحك : ماشى يا ستى إلى تؤمرى بيه
ساره ضحكت و كملو اكل و خلصو و راحو قعدو مع الياس ف الصاله و بعد شويه تاليا و نيروز نزلو
نيروز : احنا ماشيين يا بابا
الياس : استنو تعالو
كلهم بصوله باستغراب و نيروز و تاليا راحولو
الياس : هتنزلو لوحدكو ولا هتقابلو حد
تاليا : هنروح مع واحده صحبتى
الياس : هاتى رقمها
تاليا برفعه حاجب : نعم
الياس : اكيد مش هشقطها يعنى .. عشان لو حصل حاجه لقدر الله و معرفناش نوصلكو نكلمها
تاليا بغيره واضحه : و اشمعنى اديك انت الرقم يعنى
الياس : خلاص اديه لماما
تاليا بصتلو شويه و بعدين راحت ل ساره إلى كانت بتبص ل فارس و ماسكه الضحكه ادتها الرقم و مشيت
~~~~~~~~ برا ع باب الفيلا
تاليا : اخوكى هيشلنى ف مره بجد
نيروز بضيق : احسن من ناس تانيه والله
تاليا باستغراب : صحيح هو ايه الى حصل مع مراد مش بتكلميه ليه
نيروز : مش مهم دلوقتى هقولك بعدين مش ناقصه نكد الصراحه احنا خارجين نتبسط
تاليا بضحك : عندك حق
كانو قاعدين بيتكلمو و هما مستنين اوبر عشان السواق مش موجود و كان فى حد بيراقبهم
~~~~~~~~ ف مكان جمبهم
كان فى حد واقف بيبص عليهم و بيتكلم ف الفون
– معاها قريبتها يا باشا
_ اوووف .. يلا مش بطاله برضو هاتها و انجز قبل م السواق يجى و حد يشوفهم
– تمام يا باشا
قفل معاه و بص للى جمبو و هز راسو بمعنى يلا
~~~~~~~~ عند البنات
كانو واقفين بيتكلمو و هما مستنين اوبر و فجأه حسو بحد بيحط منديل مخدر على وشهم و حاولوا يصوتو بس معرفوش لحد م أغمى عليهم و الاتنين إلى خدروهم شالوهم حطوهم ف العربيه و مشيو
_______________________
ف مكان تانى
كانت اميره واقفه مستنياهم بقالها نص ساعه و كل م ترن عليهم تلاقى فونهم مقفول ف معرفتش تعمل ايه لحد م جه ف بالها أنها معاها رقم ساره ف رنت عليها
_______________________
ف الفيلا
ساره : صحيح يا الياس كنا عايزين نقولك حاجه
الياس : قولو
ساره بخبث : كان فى واحد متقدم ل تاليا و احنا ادينالو معاد يجى هى تشوفو لو وافق يبقى ع خيره الله تطلقها و نخطبها للولد ده
الياس بعصبيه : مش هيحصل يا ماما و الغو المعاد إلى انتو اديتهولو من غير م تقولولى انا مش هطلق تاليا حتى لو هى عايزه ده و تاليا مش هتبقى لحد تانى .. انتو مش هتجوزونا وقت م تحبو و تطلقونا وقت م تحبو
فارس : افهم من كده انك بتحب تاليا
الياس سكت شويه و ساره ابتسمت بخبث
الياس : ايوه و تاليا مش هتبقى لحد غيرى
قال كده و مشى من قدامهم و هو متعصب و ساره بصت ل فارس بفرحه
ساره : شوفت خطتى نفعت ازاى اهو الواد اعترف
فارس : كنت متوقع انو حبها من ساعت م رجعنا م المصيف و بقو صحاب
ساره كانت لسه هتتكلم لقت فونها بيرن برقم غريب ف بصت ل فارس باستغراب و ردت
ساره : السلام عليكم
_ و عليكم السلام ازى حضرتك يا طنط
ساره : الحمدلله مين
_ انا اميره صاحبه تاليا و نيروز
ساره بقلق : اه يا حبيبتى ازيك
اميره : الحمدلله معلش كنت عايزه اعرف بس هى تاليا و نيروز نزلو ولا لا عشان بقالى حبه مستنيه ف المكان إلى قالو عليه و مجوش
ساره : ازاى يعنى انتو مش هتتقابلو ف النادى
اميره : لا كانو هيعدو عليا ب اوبر و بقالى حبه واقفه و برن عليهم الفون مقفول
ساره القلق عندها زاد و قالت : طب اقفلى انا هحاول ارن عليهم تانى
اميره قفلت معاها و ساره قعدت ترن عليهم و هى قلقانه
فارس : فى ايه
ساره : اميره بتقول البنات مراحولهاش لحد دلوقتي و فونهم مقفول
فارس : ازاى يعنى
ساره بقلق : مش عارفه
و هما بيتكلمو لقو الياس نازل من فوق
الياس و هو بيوريهم الفون : هو ايه ده مش المفروض هما رايحين النادى !؟
فارس باستغراب : ايوه بس انت جبت اللوكيشن بتاعهم منين
الياس : مش مهم دلوقتى المهم ايه ده هما راحو فين
ساره بقلق اكبر : مش عارفه اميره بتقول مراحولهاش و فونهم مقفول
الياس بعصبيه : ازاى يعنى هيكون راحو فين
قعدو يحاولو يوصلولهم و الياس كان بيحاول يعرف ايه المكان ده و فين بس مش عارفه ف اتعصب جامد
_______________________
ف مكان مجهول
نيروز و تاليا كانو ف اوضه ضلمه و مرمين ع الأرض و هما متكتفين و نيروز بدأت تفوق و تبص حواليها لقت تاليا نايمه
نيروز بتعب : تاليا .. تاليا قومى
تاليا بدأت تفوق و بصت حواليها و هى سامعه صوت نيروز بس الرؤيه مكانتش لسه واضحه لحد م وضحت قدامها و لقت أنها مربوطه و قاعده ع الأرض هى و نيروز
تاليا بخوف : احنا فين و ايه إلى حصل
نيروز : مش عارفه بس احنا لازم نحاول نفك نفسنا بسرعه
تاليا : ازاى
نيروز : انا هحاول اقرب منك و نقعد ف ضهر بعض و نحاول نفك بعض
تاليا بخوف : تمام يلا
كانت لسه هتقرب منها لقت الباب بيتفتح
_ الله الله القمرات فاقو اخيرا
تاليا بصدمه : ….
_______________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
