رواية سأحبك بالتاكيد الفصل الستون 60 بقلم توتة
رواية سأحبك بالتاكيد الجزء الستون
رواية سأحبك بالتاكيد البارت الستون
رواية سأحبك بالتاكيد الحلقة الستون
كان حاسس ان روحه اتسحبت منه … قاعد مش عارف يعمل ايه او يتصرف ازاي … زي م يكون حد سحب منه الأكسجين … حاجه اليوم مبيكملش غير بيها وضاعت … بغبائي … بس كل ده عشان بحبك والله … انتي عارفه يا ميرنا … أنا بعتبرك الدنيا كلها بالنسبالي … قوليلي ايه ذنبي علشان تسيبيني وتمشي .. بشك فيكي … لا والله أنا بس بغير عليكي … او خايف تضيعي مني … سميها زي م تسميها غير انك تسميها مبثقش فيكي … ده انا سلمتك حياتي … يبقى مش هثق فيكي ازاي … أنا بس بعمل كل ده عشان بحبك … لو بطلت اراقبك أو اراقب تصرفاتك يبقى انتي مش فارقالي … طب عاقبيني بأي عقاب غير انك تسيبيني وتمشي … دي انا مش هقدر عليها … طب ارجعيلي نتخانق ونتخاصم بس منتفارقش … اي حاجه غير الفراق يا ميرنا
فاق من شروده وقال لنفسه : أنا هدور عليكي حتى لو كان ايه التمن
رن عليها كتير جدا بس فونها كان مقفول
نزل راحلها بيت باباها وخبط كتير جدا بس محدش كان بيرد فاضطر يكسر الباب … دخل ملقاش حد
سافر بلد اعمامها ودخل سأل عليها
عم هاني : لا يا ابني مشوفنهاش من امبارح
عمر : ولا كلمتك
عم هاني : لا مكلمتش حد مننا خالص
عمر : طب لو كلمتك أو جت عرفني والنبي
عم هاني : بس هو ايه اللي حصل يعني لكل ده
عمر : هيا شايفاني خنيق علشان براقب تصرفاتها … بتقول اني مش بثق فيها مع اني والله مبثقش غير فيها … أنا عارف انها استحملت كتير … بس المرادي مستحملتش وسابتني ومشيت … وانا بحبها جدا والله ومستعد اعمل اي حاجه عشانها
عم هاني : لا حول ولا قوه الا بالله … متقلقش هيا مش هتقدر تعيش من غيرك وهترجعلك
عمر : يارب بجد
مشي عمر من عنده وهو تايه … حاسس أنه مخنوق … طب كنتي ادتيني فرصه واحده بس … وانا والله هعمل اي حاجه علشان متسيبنيش … أنا عامل زي العيل الصغير من غيرك … انتي امي واختي وحبيبتي وصاحبتي وكل حاجه ليا … ارجعي بقااااا
عند لين
كوثر : مش جاي
لين : هو مين
كوثر : اللي بتفكري فيه
لين : بفكر في مين بطلي هبل
كوثر : يا بنتي مش عليا … نظراتك فضحاكي
لين : بجدد
كوثر : بصي لنفسك وانتي هتصدقي
لين : بحبه اوي يا كوثر
كوثر : مهو واضح مهو واضح
لين : مشوفتيهوش امبارح كان عامل ايه … كان مز اوي والله
كوثر : وكلمك بقا على كده
لين : اها … وقت م رنيت عليكي
كوثر : هو انتي رنيتي عليا علشان تلفتي انتباهه
لين : الله ينور عليكي .. كان هو كمان بيتكلم في الفون فوقفت بعيد عنه سيكا علشان ياخد باله
كوثر : وقالك ايه بقا
لين : قالي شكلك حلو
كوثر : الله الله … ده طلع شغال
لين : خايفه يكون في ف حياته حد
كوثر : لو كان فيه كانت هتكون معاه امبارح
لين : صح … بس ايه اللي عرفك أنه مش جاي
كوثر : اتاخر عن المعتاد
لين : هيييييح … طب يلا بينا ع المحاضره
جه الليل وعمر قاعد بيفكر ممكن تكون راحت فين وبيحاول يرن عليها بس فونها مقفول
فونه رن ورد بسرعه
علي : مراحتش لنيره ولا حتى كلمتها يا عمر
عمر : ازاي يعني .. هتكون راحت فين
علي : مش عارف بقا … شوف لو عندها اي قرايب تانيين كده ؟
عمر : لا معندهاش … بس انت متاكد انها مكلمتش نيره
علي : اه متأكد … وحتى خليتها ترن عليها بس فونها مقفول
عمر : طب اسمع … أنا عايز اجيب ناس يدوروا عليها في كل مكان … عايزه خط سيرها واي مكان ممكن تكون مشيت فيه … مش هرتاح غير لما الاقيها
على : طيب … هحاول اعمل كل جهدى
نزلت لين وقالتله : أنا كلمت فيروز بس قالت إنها مشافتهاش من امبارح
عمر : يا الله … ممكن تكون راحت فين بس ياربي
لين : م تكلم بابا أو ماما كده يمكن تكون كلمت حد منهم
عمر : هتكلمهم ليه يعني … بس ماشي كل شئ وارد برضو … مسافرين يحجوا وسايبني هنا بنهار
رن عليهم بس ميعرفوش عنها حاجه برضو
فضل صاحي طول الليل مش جايله نوم حتى لحد م طلع النهار والبحث لسه مستمر
عند لين في الكليه
لين : حاسه اني عايزه اروح اعترفله بحبي ليه
كوثر : يا ستي حب ايه م يمكن اعجاب ويروح لحاله
لين : مهو مش بيروح لحاله
كوثر : طب اهدي وهو لو بيحبك هيقولك هو
لين : اما نشوف
فات شهر من غير جديد
عمر حياته وقفت وانطفت روحه وحماسه لاي حاجه بعد م فقد الامل أنه يلاقيها … لين ومفيش جديد … نفس الروتين الممل … ومازن عامل زي الرجل الالي … نو مشاعر … نو اي حاجه .. منال وخالد العلاقه اتطورت بينهم جدا وخصوصا بعد م سافروا يحجوا
عند لين
كوثر : ركزي معايا أنا
لين : والله لاروح أقوله اني بحبه … بقالي شهر مستنيه بس كده كفايه
كوثر : اعقلي يا حبيبتي واصبري … الصبر حلو … هو قدامك اهو مش هيطير
لين وهيا بتبص على مكتبه : وايه الضمان أنه ميطرش … هروح أقوله واللي يحصل يحصل
وفجاه لقته خارج من مكتبه فقالت : شوفيني بقا … سالو
راحت وقالتله : مازن … ممكن اتكلم معاك
مازن : مازن مره واحده كده … عموما اتفضلي سامعك
لين : أنا بحبك اوي والله
مازن : انتي عارفه لو كنتي استنيتي ساعه واحده بس
لين : أنا استنيت كتير اوي والله
مازن بضحك : عارف … بس لو كنتي استنيتي ساعه بس … كان زماني أنا اللي بقولك كده
لين : ايه ده ويت … يعني ايه الكلام ده … انت كنت هتقولي بحبك
مازن : شوفتي … بس هيا ساعه بس
لين : خلاص احنا فيها … قولي بحبك بقا
مازن : بحبك يا ستي اوي
لين : الله … الكلمه دي حلوه اوي منك
مازن : منك احلى … هاااا اكلم بابا امتى
لين : بجدد
مازن : اه والله بجد
لين : بس هيا الظروف دلوقتي مش احسن حاجه علشان ميرنا وعمر … بس ممكن قراية فاتحه دلوقتي ولما ميرنا ترجع نعمل فرح … ايه رأيك
مازن : معنديش اي مانع … شوفي اكلم باباكي امتى وانا مستعد
لين : م الاحلام بتتحقق اهي يا جدعان
مازن : اه بتتحقق اهي … ايه رأيك اعزمك ع الغدا انهارده
لين : موافقه جدا اوي اشطا
بعد مرور عاااااام
لين : انت كويس
عمر : ولا عمري هكون كويس … ازاي هكون كويس وميرنا مش جنبي
لين : انساها يا عمر … هيا مش عايزاك خلاص … بعدت عنك اكتر من سنه اهو … لو عايزاك هترجع
عمر : انتي عايزه ايه
لين : عايزه اشوفك كويس
عمر : أنا كويس … اتفضلي بقا عايز اتخمد
خرجت لين وقالت لمنال : المفروض ينسى بقا … عدى وقت كتير
منال : اللي بيحب حد مبينساهوش بسهوله
لين : طب هيحضر فرحي وهو زعلان كده
منال : هيكون فرحان ليكي بس فرحته مش كامله
كان قاعد ماسك صورتها ودموعه نازله بصمت : ارجعيلي بقا يا حبيبتي … والله م هزعلك تاني … وحشتيني اوي … مكنتش عارف اني مش هشوفك طول المده دي … كنت هصحي تاني يوم الصبح اصالحك وازعلك تاني وارجع اصالحك … يا ترى انتي فين وعامله ايه يا حبيبتي
لين ومازن اتجوزوا اخيرا بس هو حضر فرح أخته بجسمه بس … روحه معاها وعقله مشغول بيها
تفوت سنين … واقول نسيت خلاص هواه وانا ولا بنساه … وأشوف صورته بتوحشني حياتي معاه … واقول نسيت خلاص هواه وانا ولا بنساه … وأشوف صورته بتوحشني حياتي معاااااااااه
عماله بتيجي في بالي وبفتكر اللي فات
والعمر يعدي قصادي ويتعاد في حكايات
واهي ذكرياات … واهي ذكريااااات
عماله بتيجي في بالي وبفتكر اللي فات
والعمر يعدي قصادي ويتعاد في حكايات
واهي ذكرياات … واهي ذكريااااات
سرحت فيه … في صوره لينا من زمان وانا ماسك ايديه … وقولت لنفسي دي الدنيا هنعمل ايةةةةةةة … تقول تعيد مفيش رجوع خلاص ده ماضي وراح …. بقيت مضطر اقول ذكرى عشااان ارتااااااااااااح
عماله بتيجي في بالي وبفتكر اللي فات
والعمر يعدي قصادي ويتعاد في حكايات
واهي ذكريااااات … واهي ذكريااااات
بعد مرور ٥ سنين
كان واقف في جنينه قريبه من بحر وحاطط أيده في جيبه وشارد بحزن ومره واحده لقا بنوته صغيره ماسكه بنطلونه وبتقوله : بابا … بابا
عمر نزل لمستواها وابتسملها : حبيبتي فين باباكي … انتي تايهه
ردت عليه : لا انا مش تايهه .. انت بابا
عمر قلبه دق بسرعه وحس أنه شاف ملامحها قبل كده وفي وسط سرحانه لقاها جايه بتنادي : ليلى تعالي هنا
مسكتها وبصتله وقالتله : أنا اس…..
اتصدمت لما لقته قدامها وقالت : عمر!!!!!!!!!
وهو كان أقل م يقال عنه تايه … مصدوم … مش واعى
عمر : انتي … انتي بجد
لقا ليلى بتقولها : مش قولتلك يا ماما بابا هيرجع من السفر
عمر بصلها وقالها : دي بنتي ؟
هزت راسها ببطء وهو شال ليلى ووجه كلامه لميرنا : ليه كده … قوليلي عملتي كده ليه وانتي عارفه اني بحبك وبموت فيكي … ليه تحرميني من بنتي كل السنين دي … انتي عارفه أنا دورت عليكي قد ايه ؟ عارفه حياتي من غيرك كانت عامله ازاي ؟ … انتي خليتي حياتي جحيم يا ميرنا … حرام عليكي اللي عملتيه فيا ده
ميرنا : انت السبب … حياتنا مكانتش هتمشي طول م انت مش عارف تغير نفسك
عمر : بس يا ميرنا بس … كان في مليون طريقه غير دي … أنا اتدمرت … دي كانت اسوء فتره في حياتي
ميرنا : كان لازم اسيبك … كان لازم
عمر : سيبيني … بس شهر … اتنين … تلاته … مش طول العمر … مكانتش مستاهله كل ده صدقيني
ميرنا : انا اسفه
عمر : ياريته هيرجع الست سنين وشهر و ٧ ايام … ياريت
ميرنا : نتيجة عمايلك انت
ليلى : خلاص بقا انتوا بتتكلموا كتير … بابا أنا عايزه امشي معاك
عمر : طبعا يا حبيبتي … هتشوفي جدو وتيتا وعمتو … كلهم بيحبوكي اوي
ليلى : أنا عندي تيتا وجدو زي صحابي
عمر : اه طبعا … وعندك حاجات كتير اوي حلوه
ليلى : أنا همشي معاك … بس ماما كمان هتيجي
عمر : طبعا يا روحي … ماما قبل الكل
ميرنا : عمر انت اكيد بطلت تحبني … ونسيتني … صح ؟
عمر : أنا باجي هنا كل يوم علشان ده مكانك المفضل اللي كل م اخرجك تقوليلي عايزه اجيه … أنا كنت عايش جسد من غير روح عشان انتي مش معايا … أنا عمري م نسيتك … انتي كل حياتي
ميرنا : حتى بعد الوقت ده كله
عمر : أنا وقتي وعمري كله ليكي … اتمنى متكونيش انتي اللي نسيتيني
ميرنا : عمري م نسيتك … صورك في كل مكان في البيت … دايما بفكر ليلى بيك وبحكيلها عنك
عمر : وحشتيني يا ميرنا اوي … تعالي في حضني … وعوضيني عن السنين اللي ضاعت مننا
جريت ميرنا عليه وقالتله : انا اسفه … صدقني انا اسفه … أنا كمان اتعذبت في بعدك … كان عقاب لينا احنا الاتنين
عمر : مش كفايه كل الفتره دي … بحبك اوي
ميرنا : وانا بموت فيك
وعرفت قيمتك لما بعدت ورجعت بعد فراق
جربت اعيش من غير هواك وادي النهايه♪♡
تمت بحمد الله ……. ✨
لقراءة الرواية كاملة اضغط على : (رواية سأحبك بالتاكيد)
