رواية الان اقول احبك الفصل الرابع عشر 14 بقلم ندى سامي
رواية الان اقول احبك الجزء الرابع عشر
رواية الان اقول احبك البارت الرابع عشر
رواية الان اقول احبك الحلقة الرابعة عشر
فارس بابتسامه : اهى جت
الياس بصلو و بعدين بص ناحيه م بيبص و اتصدم من شكل تاليا إلى كانت لابسه فستان ابيض منفوش نفشه بسيطه و طويل و حاطه ميكب خفيف و كان شكلها يبهر اى حد حتى الياس نفسو عجبو شكلها بس مبينش و رجع للبرود تانى و تاليا راحت قعدت جمب عمها و بدأو ف كتب الكتاب
المأذون : بارك الله لكما وبارك عليكما وجمع بينكما في خير
ساره قامت و حضنت تاليا و هى فرحانه و نيروز و فارس كمان و عم تاليا حضنها بس من غير اى مشاعر و مراد بارك ل الياس إلى كان مخنوق م إلى بيحصل
مراد : نيروز معلش ممكن تجيبيلى مايه
نيروز بابتسامه : اه اكيد ثانيه
راحت جابت مايه و اتدهالو وهى مبتسمه
مراد بابتسامه : شكرا
نيروز : العفو … هى نيره “اختو” مجتش معاك ايه
مراد : جوزها لسه راجع م السفر بقى ف قاعده معاه
نيروز : ربنا يسعدهم
مراد ابتسم و هى سكتت و فضلت واقفه شويه و بعدين راحت ل تاليا
تاليا : هو المفروض كده خلاص
نيروز : لا طبعا تعالى
قومتها و خدتها للجنيه و كل ده تاليا مكانتش فاهمه حاجه و كلهم بصولهم باستغراب و ساره راحت وراهم
نيروز : ماما اقفلى باب الجنينه
ساره بصتلها باستغراب ف قالت : اقفلى الباب و تعالى يا ماما
راحت قفلت الباب و رجعت لقت نيروز ماسكه الصب بتفتحو و شغلت اغانى ف ضحكت و قعدو يرقصو كلهم و هما فرحانين رغم ان تاليا مكانتش عايزه تتجوز بس مكانتش عايزه تعدى اليوم عادى برضو و بعد وقت لما إلى برا لقو أنهم طولو راحو يشوفو فى ايه لقوهم مشغلين اغانى و قاعدين بيغنو معاها و هما بيرقصو و مبسوطين ف فارس ضحك و ساره لما شافتو شدتو و قعدو يرقصو مع بعض و مراد ضحك و الياس كان واقف مصدوم إلى شايفه عشان هى المفروض مكانتش عايزه تتجوزو دلوقتى بترقص و مبسوطه و قاطع تفكيرو نيروز و هى بتشده
نيروز : تعالو واقفين ليه ” وجهت كلامها ل الياس ” و انت افرح شويه متبقاش كئيب حتى لو مش عايز تتجوز يعنى فرفش كده ده هو يوم
قعدو كلهم يرقصو معادا الياس و مراد ف ساره شدتهم ناحيتها هى و فارس و قعدو يرقصو معاهم لحد م اندمجو معاهم و مع الاغانى و الياس نسى أن تاليا موجوده اصلا ” كل ده كان عم تاليا مشى من بدرى ”
_______________________
بعد 3 ايام
صحيو كلهم و قعدو ع السفره معادا الياس بس بعد دقايق كان نزل هو كمان و قعد معاهم
فارس : كلو نازل مش كده
الياس و تاليا : ايوه
فارس : انتى مش نازله يا نيروز
نيروز بتعب : لا يا بابا تعبانه
ساره بقلق : مالك يا حبيبتى
نيروز : جالى برد من ساعت كتب الكتاب تقريبا
الكل : الف سلامه عليكي
ساره : الف سلامه عليكي يا حبيبتى و ابقى خلى بالك و خدى الدوا
نيروز بابتسامه : الله يسلمكو
فارس : طب يا الياس ابقى وصل انت تاليا
الياس : و السواق فين
فارس : السواق مشى فتره عشان مامتو ف حاله صعبه شويه
الياس بملل : تمام
خلصو اكل و تاليا قامت قبل الياس و بعد شويه قام وراها برا غرفه الاكل بس اول م شاف لبس تاليا وقف قدامها
تاليا باستغراب : فى ايه
الياس : حضرتك ناويه تنزلى كده
كانت لابسه بنطلون سكينى “ضيق” و تيشرت بنص
تاليا : اه
الياس بعصبيه : طب بصى بقى عشان نبقى حلوين مع بعض طول م انتى على زمتى مفيش اللبس ده و لو مش عاجبك مفيش خروج م البيت و لو ناويه تنزلى دلوقتى تروحى تغيرى
تاليا : انت مين اصلا عشان تكلمنى بالطريقه دى و تفرض عليا حاجه
الياس باستفزاز : جوزك يا عسل .. و يلا عشان مش فاضى لو لسه ع قرارك احسن برضو همشى انا
تاليا كانت هتقول خلاص بس افتكرت الدكتور إلى عليها و أن هى مش بتطيقها عشان مستقصداها
تاليا : اووف طيب استنى
الياس بصلها ب ابتسامه مستفزه و هى بصتلو بغيظ و طلعت و وهى طالعه شافت نيروز إلى استغربت ممشيتش ليه
تاليا : نيروز بقولك ايه
نيروز : قولى و بعدين انتى مش المفروض رايحه الجامعه
تاليا : ايوه بس معلش ممكن استلف منك اى لبس بسرعه
نيروز : اه اكيد تعالى
خدتها الاوضه و ورتها اللبس و اختارت تيشرت اوفر سايز و بنطلون واسع و شكرت نيروز و نزلت
~~~~~~~~ تحت عند الياس
كان قاعد و مستنى ع الكنبه بملل و كل شويه بيبص ف الساعه لحد م تاليا نزلت و لما شافها ابتسم ابتسامه جانبيه و بعدين رجع لوش البرود تانى
الياس : واخده بالك اتأخرتى قد ايه انا ورايا شغل
تاليا : انت إلى قولت اروح اغير متجيش تتكلم
الياس بصلها بعصبيه و مشى قدامها و هى راحت وراه و ركبو العربيه وصلها و بعدين راح الشركه
_______________________
ف الشركه
دخل الياس المكتب و بعد م قعد لقى الباب بيتفتح و داخل منو مراد
مراد بخبث : ايه يا نجم متأخر ليه الجواز خدك ولا ايه
الياس بسخريه : لا و انت الصادق احنا ميتين ف دباديب بعض و مش قادرين نبعد
مراد بضحك : واضح انكو مبسوطين اوى
الياس : اخلص عايز ايه
مراد : يلا عشان الاجتماع
الياس : تمام يلا
قام و خد الورق بتاع الاجتماع و دخلو اوضه الاجتماع
_______________________
ف الجامعه عند تاليا
كانت قاعده هى و اميره و دخل عليهم الولد بتاع المره إلى فاتت
_ الحبايب متجمعين أما اقعد معاكو بقى عشان مش لاقى حد اقعد معاه
اميره : حد قالك تقعد !!
الولد باحراج : ايه يا ميرو مش كده ده احنا عشره .. قوليلى بقى يا قمر قولتيلى اسمك ايه
تاليا : اسمى تاليا و انت
_ اسم قمر زى صاحبتو .. انا اسمى كريم
تاليا : انت ف سنه كام
كريم : سنه 4 للاسف مش هشوفك تانى السنه الجايه بس هنتقابل اكيد مش كده
تاليا : أن شاء الله
كريم : بقولك ايه فى حفله بكره بليل الساعه 9 ف *** ايه رأيك تيجى نحتفل كلنا
تاليا : مش عارفه هشوف كده “بصت ل اميره و كملت” انتى رايحه
اميره : هشوف برضو بس غالبا مش هعرف اجى
كريم بحزن مصتنع : يعنى هى لو مجتش انتى مش هتيجى و تسبينى لوحدى
تاليا بتررد : لا متقلقش هشوف و اجى
كريم ابتسم ابتسامه ليها معنى و سكت و اميره بصتلو بشك
_______________________
ف الشركه
خلصو الاجتماع و خرجو و الياس دخل مكتبو لقى ميرنا قاعده ع الكرسى بتاعو ف دخل و قفل الباب
الياس : ممكن اعرف تعملى ايه هنا
ميرنا بدلع : وحشتنى و بقالى كتير مشوفتكش مش بتيجى الجيم ليه
الياس : اظن انا حر اعمل الى عايزه و ياريت تتفضلى عشان ورايا شغل
ميرنا : اوكيه اعملو وانا موجوده عشان هنتعشى مع بعض انهارده
الياس : لا معلش مش هعرف انهارده
ميرنا بدلع : ليه كده انا كنت ناويه اخليه يوم ميتنسيش
الياس بقرف : معلش بقى المره الجايه ياريت تمشى دلوقتى عشان ورايا مشوار
ميرنا بصتلو بغيظ و مشيت و رزعت الباب وراها
_______________________
ف الفيلا بليل
الياس رجع البيت و كان طالع اوضتو بس سمع صوت جاى من اوضه تاليا و كان صوت ضحك و فى صوت ناس تانيه ف دخل الاوضه
تاليا بخضه : فى ايه انت ازاى تدخل كده
الياس بعصبيه : بتكلمى مين
تاليا : وانت مالك
الياس شد الفون و هو متعب لقاها ف كول مع اميره و كريم ف بص ل اسم الولد جامد و قفل
الياس : مين دول و مين كريم ده
تاليا : صحابى ف الجامعه
الياس : كريم ده لو شوفتك بتكلميه تانى متلوميش غير نفسك سامعه
تاليا : وانت مالك انت هتعتبر نفسك جوزى بجد ولا ايه ده بس عشان الحرمانيه
الياس كان لسه هيتكلم لقى فارس داخل عليهم
فارس : فى ايه صوتكم عالى ليه و انت بتعمل ايه هنا
تاليا : دخل فجأه يا عمو و عمال بيزعق عشان بكلم صحابى
الياس : صحابك دول لو بنات بس
فارس : بس انت و هى بطلو زعيق ساره و نيروز نايمين .. وانت بتزعقلها ليه
الياس بعصبيه : داخل عليها عشان بتضحك و صوتها جايب لبرا اتاريها بتتكلم مع واحد
تاليا : كان معايا واحده صحبتى ف الكول برضو لو ملفتش نظرك
فارس : خلاص بس قولت اتكلمو بهدوء و انتى يا تاليا مين الولد ده
تاليا : يا عمو ده صاحبى ف الجامعه هو و اميره و هما الوحيدين إلى بكلمهم ف قالو تعالو نتكلم كول وانا كنت زهقانه ف دخلت معاهم ايه المشكله
الياس كان لسه هيتكلم فارس شاورلو انو يسكت
فارس : روح اوضتك يا الياس
الياس بعصبيه : بس ..
فارس بمقاطعه : يلا
الياس بصلها بعصبيه و خرج و فارس راح قعد و شاورلها تيجى تقعد جمبو
فارس : بصى يا حبيبتى بعيدا عن انى عارف الياس اتعصب ليه بس هو فعلا انتى مينفعش تتكلمى مع الولد ده غير ف حدود الدراسه
تاليا : م انا معرفش غيرهم ف الجامعه و احنا مش بنتكلم ف حاجه يعنى احنا بنهزر مع بعض عادى
فارس : ماشى يا حبيبتى فاهمك بس الكلام ده ربنا إلى قالو ربنا حرم كده انتى ممكن تتكلمى مع الولاد للضوروه بس يعنى مثلا بتاع السوبر ماركت بتاع الصيدليه مديرك ف الشغل الدكتور بتاعك و كده يعنى إنما اكتر من كده لا فهمانى
تاليا : ايوه يا عمو فهماك بس انا هروح اقولو فجأه كده انا مش هتكلم معاك
فارس : متقوليش كده قللى كلام مره مع مره و الكلام هيخلص
تاليا بابتسامه و هى بتفكر : تمام
فارس : يلا يا حبيبتى هروح انام انا تصبحى ع خير .. متفكريش كتير و نامى
تاليا : و انت من اهل الخير
فارس خرج و هى فضلت تفكر شويه و بعدين نامت
_______________________
تانى يوم ف الجامعه
تاليا كانت قاعده ف الكافيترا هى و اميره و كريم راح يقعد معاهم
تاليا و هى بتقوم : انا هروح الحمام
أميرة : تمام
كريم : انا ليه حاسس انها بتتجاهلنى بعد إلى حصل ف الكول امبارح
اميره : مش عارفه اصلا مش فاهمه ايه إلى حصل امبارح
كريم : تفتكرى اخوها إلى زعقلها
اميره : لا هى أهلها متوفيين و ملهاش اخوات
كريم سكت و فضلو قاعدين بس تاليا مجتش
_______________________
بعد ساعات ف الشركه
الياس : بقولك ايه انا ماشى
مراد : ماشى ايه دلوقتى لسه بدرى
الياس : هروح اخد تاليا م الجامعه عشان السواق مش موجود
مراد : مش نيروز معاها م يطلبو اوبر
الياس : نيروز مراحتش تعبانه
مراد بقلق : ليه مالها
الياس : مفيش جالها برد المهم انا هروح عشان متأخرش
_______________________
ف الجامعه
تاليا كانت خلصت محاضراتها و خرجت و كانت مستنيه الياس لقت كريم جاى عليها ف عملت نفسها مش واخده بالها
كريم : انتى هتروحى
تاليا : اه
كريم بخبث : طب تعالى هوصلك
تاليا بعدت خطوتين : لا شكرا
كريم مسك أيدها و قال : تعالى بس بدل م انتى واقفه كده
تاليا : ايه الهبل ده ابعد ايدك
كريم : تعالى بس و هبعد ايدى يلا الناس بتتفرج
تاليا : بقولك ابعد
تاليا كانت بتحاول تشيل ايدو و هو كان ماسكها جامد و بيحاول يشدها و كلو واقف يتفرج و ف الوقت ده جه ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
