رواية روح الفهد الفصل السابع 7 بقلم بسملة أحمد
رواية روح الفهد الجزء السابع
رواية روح الفهد البارت السابع
رواية روح الفهد الحلقة السابعة
روح بصتله باستغراب وهو بصلها شويه وهي فهمت ان في حاجه متعرفهاش
عبدالرحمن: ليه يا روح احنا قصرنا معاكي في حاجه يا بنتي
روح: يا بابا مش قصرت معايا انا مش محتاجه حاجه الحمدلله ومعايا فلوس في حسابي بس عندي فراغ كبير في وقتي وعايزة املأ وقتي
عبدالرحمن: ماشي يا بنتي بس اعرفي اني قولتلك بلاش
سوزان: بلاش يا روح
ريم: ايوة بلاش يا روح وان كان علي الوقت هنروح نتسوق وهنعبي وقتنا بطريقتنا بس بلاش تشتغلي
روح: لا وبعدين ما الشغل احسن من القعده في البيت علي الاقل هكتسب خبره في حاجه
ريم: براحتك بس ابقي افتكري اني قولتلك بلاش يا روح
روح ضحكت: مالكوا محسسيني اني داخله حرب
ريم: حرب مين انتي داخله حاجه اوحش من الحرب والله ده انتي داخله مقر قاسم المناوي يا حجه
روح وقفت وضحكت: ماشي بس انا مبخافش يا ريموا وانا طالعه البس علشان ادخل الوكر
قاسم: وانا كمان طالع اغير هدومي
وطلعوا غيرو هدومهم ونزلوا
روح وقاسم: باي وركبوا العربيه ومشوا
~~~~~~~~~
في العربيه
روح: ها
قاسم: كنت لازم اعمل كده علشان لما نخرج كتير محدش يشك
روح: تمام بس دلوقتي انا فعلا هشتغل معاك بجد
قاسم بصلها: هتشتغلي معايا
روح: بس انا مش عارفه حاجه في شغلك
قاسم: هعلمك انا بنفسي يا ستي ولا يهمك
روح: تمام وفضلوا يتكلموا في مواضيع مختلفه ويضحكوا ويهزروا
ووصلوا اخيرا الشركه
قاسم وفتح الباب ونزل وهو بيضحك وده اللي خلا كل الموظفين اللي ماشيين يبصوا عليه بتفاجئ وهيام في ضحكته وراح عند الباب فتحوا لروح وانحني بضحك
قاسم بضحك: وهل تسمح جلالة الملكه بالنزول من السياره
روح بضحك ومكر وبتبص علي البنات اللي بتبص لقاسم بهيام : يؤسفني ان اقول لك جلالة الملك ان قدمي تؤلمني ولا اسطتيع النزول من السياره
قاسم بضحك وبص مكان ما روح بتبص وقال بمكر: اذاً سأحملك يا مولاتي الملكه هل توافقي
روح بضحك: اوافق يا ملكي العظيم وانحني قاسم ناحيتها ودخل في العربيه واول ما قرب منها الاتنين بدا قلبهم يدق بسرعه قاسم اشتالها وروح لفت ايديها حولين رقبته
روح وقربت من خد قاسم وطبعت بوسه رقيقه عليه بتوتر وضربات قلبها موقفتش وحست انها عايزه تفضل كده جمب قلبه وقالت في نفسها معقول اكون.. لا لا لا ازاي مش هينفع
القلب: ليه مش هينفع ده جوزك
العقل: جوزك بس غصب الجواز ده لولا عمك مكنش وافق
القلب: بس جوزك مش مهم حصل ازاي
العقل: لا مهم لانه محبكيش
القلب: ومين عرفك ممكن يكون حبك
روح في نفسها: خلاص كفايه مينفعش احب قاسم انا الوحش دلوقتي مش روح العاديه والوحش جاي علشان ينتقم مش علشان يحب دلوقتي ممكن يحب بعدين بس دلوقتي مفيش مجال للحب
وانهت الحرب بين عقلها وقلبها بقرار حاسم
اما قاسم فكان قلبه بيدق جامد ومصدوم من اللي روح عملته وكان نفسه يفضل كده جمب روح كان عايز يفضل كده كل وقته وهيا جمبه هو قال انه جابها علشان محدش يشك بس ده مش السبب الحقيقي هو جابها تشتغل هنا علشان طول الوقت بيفكر فيها ومش عارف يشتغل من التفكير مش بتبعد عن تفكيره ولو للحظه وخرج من شروده علي هز روح ليه
روح ووشها كله احمر: قاسم يا قاسم نزلني الناس بتبص علينا
قاسم: يخربيت الطماطم اللي في وشك انا مش منزل مراتي وحر وبعدين مش انتي رجلك بتوجعك ومهتقدريش تمشي عليها يا حبيبتي
روح ببرود: لا ما هي مكنتش بتوجعني
قاسم ونزلها : بجد طب ما انا عارف
روح: يعني انت كنت عارف
قاسم: ايوه وبعدين اتكلم بطريقه تخوف: انتي عارفه انك خوفتيني عليكي
روح وهي بتضحك بس لو كان حد تاني مكانها مكنش هيضحك بالعكس كان هيبكي دم: ده انت كيوت خالص عامل زي الاطفال يا قاسم من هنا ورايح هقولك قاسم الطفل
قاسم: نعم يا عنيا قاسم ايه وبعدين بصلها بطريقه تخوف شكلك عايزه تجربي انا طفل ولا مش طفل باينك كده هتطلع يا فهد
روح بصتله ببرود وضحكة : ههه معلش وشكل الوحش عايز يطلع كمان
قاسم وهو بيضحك بمكر: يبقي كده لازم الاتنين يطلعوا بس مش هنا في صالة التدريب يا روحي
روح بضحكه ماكره وشريره: موافقه طبعا يا فهدي اراك في التدريبات يا فهد
قاسم ضحكلها ومسك ايدها ودخلوا الشركه اللي الكل اتفاجا ان المدير مع بنت بعضهم كان بيبصلهم بغيره والبعض بحب والبعض بحقد ودخلوا بكل برود في طريقهم الي مكتب قاسم
~~~~~~~~~~~~~~~~~
في المكتب
قاسم: ها ايه رايك
روح: بس انا عاوزه اعرف حاجه مش انا كنت في مكتبك بس مكنش ده ومكنتش دي نفس الشركه
قاسم: انتي روحتي شركة بابا واللي كنتي قعدتي فيه كان في شركة بابا لكن دي شركتي الخاصه
روح: تمام بس دلوقتي انا هعمل ايه انا زهقانه اووي
قاسم: عايزه قهوة
روح : ايوة بس معرفش بتيجي منين
قاسم بضحكه: استني وانا هقول للسكرتيره تجيبلنا قهوة
روح: لا انا بحب اعملها بايدي نا اللي عايزه اروح اجيبها
قاسم: طيب تعالي وانا اروح اجيبهالك
روح بفرحه: عااا شكرا ومسكت ايده بطفوله وبتشد فيه
قاسم: اهدي يا بنتي براحه
روح: يلا يا قاسم بسرعه اقولك علي حاجه هنعمل سباق بيني وبينك انا وانت الوحش والفهد ويا الوحش يكسب يا الفهد يا فهد
قاسم: موافق يا وحش 1.2.3
وبداو السباق وروح لاقيت قاسم سبقها روح بمكر وبتمثل انها هتقع: عااا الحقني يا قاسم قاسم وكان سبقها لفلها بسرعه وجري عليها واول ما قرب منها طلعت هيا تجري ووصلت عند ماكينة القهوة والكل كان بيبص عليهم
روح وهي بتضحك بطفوله وبتعمل حركات طفوليه: ههههه سبقتك يا قاسم
قاسم وقرب منها: بقي كل مره كده وبتضحكي عليا ماشي يا وقرب من ودنها يا وحش
روح وبتعمل القهوة: يا قاسم يا حبيبي انت بدنياً اقوي مني فلازم اشغل عقلي وده كان وقت عقلي يشتغل لما كنت هتسبقني جيت علي نقطة ضعفك واللي هيا حبك لعيلتك
قاسم وهو بيقعد علي الكرسي اللي قدام الماكينه وضحكلها: المشكله انك كل مره بتعمليها فيّا ومبحرمش هتتردلك يا روح
روح بتحدي: مستنياك يا قاسم وعملت فنجانين قهوة
قاسم وهو بيشرب القهوة: امممم طعمها حلو اوووي اول مره حد يعملهالي بالطريقه دي
روح: مش للدرجه دي
قاسم ضحكلها: لا بجد طعمها حلو اووي انتي اللي هتعمليلي القهوة علطول
روح بضحك: موافقه بس يلا علشان نشوف هشتغل ايه في التدبيسه اللي دبستهالي دي
قاسم: يلا وراحوا علي المكتب وبدا يعلمها طريقه شغله
وروح كانت بتتعلم بسرعه وبعد ساعات من الشغل
قاسم: خلصنا
روح: ده انا هموت وانام
قاسم: طب الحقي نامي علشان عندنا طلعه بكره يا روح اوعي تكوني نسيتي
روح وضحكت ضحكه ماكره: دي بالذات عمري ما هنساها دي اول خطوه في انتقامي بكره يا فهد وعمري ما هنسي اللحظه دي مستنياها بقالي زمان يا فهد
قاسم: يعني جاهزه
روح: الوحش جاهز بقالوا سنين ومترقب لوقت خروجه يا فهد علشان يقلب عليهم الطربيزة
قاسم: طب يلا علشان نروح
روح: يلا
وركبوا العربيه وروحوا البيت ووصلوا علي البيت ودخلوا لقو سوزان وريم قاعدين
روح وقاسم: السلام عليكم
سوزان وريم: وعليكم السلام ورحمة الله وبركاته
ريم: ها عملتي ايه يا روح
روح: معملتش حاجه قاسم علمني اشتغل معاه واشتغلت شويه وجينا
سوزان: اطلعوا يلا غيرو هدومكم وانا هحطليكم العشا
قاسم: تمام اما روح كانت شاردة في عالم تاني
قاسم بصوت عالي: يلا يا روح
روح: تمام وطلعوا الاتنين يغيرو هدومهم
اما تحت
ريم: انا حاسه ان روح فيها حاجه متغيره مش روح نفسها
سوزان: اكيد يابنتي زعلانه علي مامتها مش سهل بردو اللي حصل معاها
ريم: لا بس روح انا حاسه انها مخبيه حاجه وحاجه كبيره كمان
سوزان: هتكون مخبيه ايه يعني
ريم: ما هو ده اللي عايزه اعرفه
~~~~~~~~
اما في مكان اول مره نروحه كان ماشي والمكان ضلمه مفيش غير صوت الجذمه بتاعته ودخل الاوضه وقعد علي الكرسي وبيشوف من الازاز الاكياس بتتعبي
وقف وراح الاوضه اللي بيعبوا فيها
: الشحنه جاهزه
العمال: ايوة يا باشا
: تمام يلا علي العربيات علشان الباشا الكبير هيوصل ولو ملقهاش جاهزه هنموت كلنا
وطلع برا الاوضه وخرج من المكان اللي كان فيها كانت قصر مهجور في منطقه فاضيه وبعيده والدنيا هناك عتمه جدا وركب عربيته وطلع علي المكان المجهول وصل وكانت فله عصريه وجميله
دخل الاوضه اللي كان شكلها جميل ووقف قدام المكتب وكان في شخص قاعد علي الكرسي
المجهول: عملت ايه يا جمال
جمال: الشحنه جاهزه يا راغب بيه
راغب: تمام ميعادنا الساعه 2
جمال: تمام يا راغب بيه
~~~~~~~~~~
اما عند ابطالنا فنزلوا لتحت بعد ما غيرو هدومهم
قاسم: ريحة الاكل واصلاني فوق يا ماما
سوزان ضحكت: ههه طب افتح الطبق كده وشوف في ايه
قاسم وفتح الطبق: روحي يا ناس بموت فيكي يا سوزي
ريم: احم احم البوب بتاعنا هنا يا حبيب اختك فاتلم علشان متنضربش
قاسم: خلاص خلاص اسف وقعد
وبداو ياكلوا وروح متكلمتش
سوزان: مالك يا روح
روح مكنتش هنا كانت شارده في حته تانيه وفي اللي هيحصل بكره
سوزان: روح
قاسم مد ايده من تحت الطربيزه وهز روح بالراحه روح اخيرا فاقت وبصتله وهو بص لمامته
روح فهمت ان سوزان كانت بتكلمها: ايوة يا ماما
سوزان: مالك يا بنتي بنادي عليكي بقالي كتير
روح: مفيش يا ماما بس تعبانه شويه من الشغل بس اول يوم وكده
سوزان: متاكده
روح: ايوةمتخافيش
قاسم بص لروح وبعدين لباباه: علي سيرة الشغل بابا انا وروح وعماد هنسافر بكره الصبح بدري
عبدالرحمن: ليه
قاسم: هنعقد صفقه مع شركه في امريكا
عبدالرحمن: وهتقعد قد ايه
قاسم: شهر
عبدالرحمن: طيب وفرحكو اللي بعد أسبوعين
قاسم: انا كلمت جدي ووافق اننا نأجل اسبوع كمان بشرط اني اخلي بالي منها
عبدالرحمن: تمام
وخلصوا اكل وطلعوا يناموا ولكن هيا من التفكير مقدرتش تنام ايوة هي الوحش لكن هي انسانه بتحس ايوه هي بتخوفهم كلهم لكن بتخاف في نفس الوقت بتعيط وبتضحك بتحس زي بقيت الناس دلوقتي متوتره وخايفه وفي نفس الوقت فرحانه انها هتنتقم عقلها مش راضي يوقف تفكير في اللي جاي وفضلت كده للصبح منامتش لحظه ولا عقلها وقف تفكير للحظه واحده بصت علي الساعه لقتها سته قامت اخدت شاور ولبست واتاكدت من شنطتها ونزلت تحت لقيتهم كلهم تحت قاعدين وسوزان طالعه من المطبخ شايله الاطباق
سوزان: يلا تعالو علشان تفطروا
روح: انا مليش نفس يا ماما
سوزان: لا مهينفعش لازم تاكلي يا روح
روح: مش عايزة
قاسم وقف ومسك روح وقعدها: كلي وبصلها شوية وبعدين بدا ياكل
روح لسه ممدتش ايدها علي الاكل
قاسم بدون ما يبصلها: كلي يا روح يلا
روح بدات تاكل بكل هدوء
وبعد شويه خلصوا اكل وقاسم مسك شنتطوا هوا وروح
قاسم: يلا
روح هزت راسها وطلعت برا وقاسم حضن باباه ومامته وريم
وروح حضنت سوزان وريم وعبدالرحمن
سوزان: ارجعوا بسرعه متتاخروش
قاسم: هنرجع بس ادعيلنا
سوزان: بدعيلكوا علطول والله يا قاسم
قاسم: عارف يا امي مع السلامه
روح: مع السلامه
سوزان وريم وعبدالرحمن: مع السلامه
وركبوا العربيه وفي طريقهم للمطار
~~~~~~~~~
في العربيه
روح بتبص قدامها وساكته
قاسم بصوت عالي: مش هيحصل حاجه
روح: مش فاهمه
قاسم: مش هيحصل حاجه وهنرجع ونتجوز ونبدا حياتنا بعد اما ننتقم يا روح متخافيش هنكسب المهمه وهنقبض علي اللي قتل مامتك ومش هيحصل حاجه ووقف عند البحر ونزل ونزلها
قاسم: عارفه البحر ده ده المكان المفضل عندي بحسه بيوصفنا بيوصف كل حاجه فينا لما بزعل ولا بخاف ولا بحس بالوحده ولا ببقي مخنوق بجري علي البحر اول صديق ليا وافضلهم بحكيله وبيرد عليا بامواجه بعيط قدامه وازعق واصرخ وبيرد عليا بالهوا البارد اللي بيريحني بحس براحه وصفاء داخلي لما باجي هنا وبعدين مسك وشها بين راحتيه: الوحش او روح فهما واحد روح قويه وقادره انها تعمل اللي هيا عايزاه روح مش اي حد روح وحش المخابرات اللي اخدت حق ابرياء كتير وقبض علي مخربين ومفسدين في البلد اكتر الوحش اللي كنت هموت واعرف هو مين
متخافيش يا روح
روح: انا مش خايفه بس مخنوقه مش عارفه حاسه باحساس غريب من امبارح انا معرفتش انام من القلق مش اول مهمه ادخلها بس مش عارفه مالي حاسه بخوف ومتوتره وفي نفس الوقت فرحانه مقدرتش اوقف تفكير امبارح في اللي جاي
قاسم: علشان المهمه دي مش زي اي مهمه يا روح المهمه دي انتي بتعمليها انتقام لمامتك اكيد هتخافي تفشل يا روح بس انا واثق فيكي وربنا شايف وعارف اننا صح وان شاءالله هننجح
روح حضنته بدون وعي وهو حضنها وطبطب عليها
قاسم: احسن
روح: ايوة وركبوا العربيه ووصلو المطار وهناك قابلوا عماد
وطلعوا للطياره وروح قعدت جمب قاسم وعماد قدامهم واقلعت الطائره وحلقت في الجو
روح اول ما الطياره بدات تطلع مسكت في قاسم جامد
قاسم: مالك يا روح
رزح انا بخاف من المرتفعات عندي فوبيا منهم
قاسم حضنها وبدا يطمن فيها: خلاص اهدي مش هيحصل حاجه متخافييش انا معاكي روح وهي بتحضنه جامد: انا خايفه اووي
قاسم: خلاص اهدي اهدي ونامي وبدا يطبطب عليها وفعلا نامت وفضل يبص عليها. هيا نايمه
وبعد ساعتين نراه يحملها علي يديه وعماد جمبه ماسك الشنط ووقف عربيه كانت ماشيه وركب فيها وهيا علي رجله نايمه زي الملاك وعماد جمبه ووصلوا للفيلا اللي هيقعدو فيها وهو طلع طلعها الاوضه بتاعتها ودخلها شنطتها ونزل لعماد وقعد معاه
قاسم: اعملك قهوه
عماد: ايوة وراحوا عملوا قهوه وقعدو
عماد: حبيتها
قاسم: يمكن بس مينفعش احب دلوقتي
عماد: ليه يا قاسم
قاسم بهدوء: معرفش يا عماد كل اللي انا اعرفه ان الفهد مينفعش يبقي ليه نقطة ضعف وفي نفس الوقت مش عايز اكرر الماضي
عماد: بس روح مش زي نرمين
قاسم: عارف يا عماد عارف بس دلوقتي حتي لو انا حبيتها هي مش هتحبني هي كل همها دلوقتي انها تنتقم لمامتها
عماد: ربنا يريح قلبك يا صحبي
وفضلوا قاعدين شويه لقوا روح نازله علي السلم
روح: انا جيت هنا ازاي
قاسم: كنتي نايمه وانا اللي جيبتك هنا
روح: تمام هنعمل ايه دلوقتي
قاسم: غيرو معاد التسليم
روح: هيبقي امتا
قاسم:النهارده الساعه اتنين بالليل البضاعه هتطلع عن طريق البحر
روح بضحكه ماكره: يلا يا فهد
قاسم: مش فاهم
روح بضحكه: انت نسيت التحدي ولا ايه
قاسم: لا فاكر بس متوقعتش دلوقتي
روح: انا مخالفه للتوقعات يلا بقي يا فهد علشان التحدي هيبدا جاهز ولا خايف
قاسم بضحك: عيب عليك لما تفكر ان الفهد بيخاف يا وحش
روح: هنشوف في صالة التدريب يا فهد
قاسم: اللقاء بعد نص ساعه يا وحش
ونراهم بعد نصف ساعه يتجهوا الي صالة التدريبات
ووبداو هما الاتنين يهاجموا بعض بس التحدي كان مشتعل كانوا الاتنين ماهرين في حركاتهم قاسم جيه يضرب روح وصدت الضربه بسرعه واحترافيه وبعد نص ساعه من القتال المحتد قاسم وقع روح علي الارض ولسه هيمشي مسكته من رجله وقعته ووقفت بسرعه وضربته بوكس
روح: علشان متخففش الضربه يا فهد خدها نصيحه اوعي تستقل بقدرة اللي قدامك مهما كان يا فهد واوعي تسمح لمشاعرك تتحكم فيك حتي لو مين اللي قدامك متسمحش لمشاعرك نبقي نقطة ضعفك لان عدوك ساعتها مش هيتعامل معاك علي انك بتتساهل معاه بل هيستغل المشاعر دي ضدك يا فهد
قاسم: شكرا علي النصيحه يا وحش والف مبروك الفوز
روح: الله يبارك فيك يا فهد بس يلا بقي علشان ناكل علشان هموت من الجوع
قاسم: انا هطلع اخد دوش وانزل
روح: تمام وانا هاخد دوش وانزل اعملنا اكل
قاسم وعماد: تمام
واخدوا دوش ونزلوا تحت روح دخلت وهما معاها قعدوا علي كراسي اللي في المطبخ وهيا بدات تحضر الاكل وهما بيكلموها واخيرا خلصت وبداو التلاته يحولوا الاطباق علي السفره وقعدوا
قاسم: انا ميت من الجوع اخيرا هاكل
عماد: ومين سمعك بقالنا خمس ساعات وماكلناش حاجه اخيرا هناكل
روح: بالراحه مالكم محسسني انكم ماكلتوش من سنتين وتليفونها رن
روح: دي ريم بترن فيديو وفتحت
ريم: كلبة البحر اللي اول ما سافرت معبرتنيش
روح: انتي يا بنتي لو احترمتيني مره هيحصلك حاجه
ريم: عيب عليكي يا روحي ده انا ريمو اللي كانت ممشيه عيال الجامعه بنظره
روح: ههههه انتي فاكره الولد اللي جالك وعايز يكلمك انتي عملتي في ايه كل اما افتكر ببقي هموت من الضحك
ريم: ههههههه ده انا ببقي هفطس فاكره يا عيني كان ماشي عامل ازاي بعد اما فرجت الجامعه كبير وصغير عليه هههه كان مسخره
روح: هههههه ولا البنت اللي كانت جايه تصاحبنا علشان الولاد اللي بعتينها هههههههه ده احنا شدينا شعرها شعرايه شعرايه
ريم: ههههه يعيني بقت قرعه هههههه ومشيتها قدام الجامعه ومحدش اتسجر يكلمني ربع كلمه
روح: كنتي جبروت
ريم: ولسه وحياتك هههه الا صحيح فين قاسم
روح ولفت الكاميرا علي قاسم: اهو يا حجه
ريم: حبيبي يا قاسم
قاسم: عايزه ايه يا ريم
ريم: مقفوشه كده علطول قلبي وروحي وعيوني واخويا القمر
قاسم: اصدميني ياريم متدلعيش
ريم: هبعتلك صورة برفيوم عايزاك تجيبوا وانت جاي
قاسم: تمام
ريم: يعني هتجيبو
قاسم: ايوة
ريم: حبيبي يا قاسم
قاسم: دلوقتي حبيبي
ريم: لا ده انت حبيبي علطول والله بعد اذن روح يعني
روح: لا خدي راحتك يا كبير
ريم: ابو الصحاب سوزي عايزة تكلمكوا
سوزان:عامله ايه يا روح
روح: الحمدلله بخير يا ماما وانتوا عاملين ايه
سوزان: الحمدلله يا حبيبتي امال فين قاسم روح عطيت التليفون لقاسم
قاسم: عيون قاسم يا سوزي
سوزان: خلي بالك من روح يا قاسم
قاسم: في عنيا يا امي ها امال فين الحج
سوزان: لسه في الشغل
قاسم: يعني اتكلم براحتي بقي
سوزان: عيب بقي
قاسم: خلاص يا سوزي
سوزان: انت عامل ايه
قاسم: الحمدلله بخير يا ماما
سوزان: اومال فين عماد
قاسم عطي التليفون لعماد
عماد: ايوة يا ماما
سوزان: عامل ايه يا عماد
عماد: بخير الحمدلله يا ماما وانتوا عاملين ايه
سوزان: الحمدلله بخير يا عماد خلو بالكم من بعض يا عماد
عماد: متقلقيش يا ماما
واتكلموا شويه وبعدين قفلوا وكانوا خلصوا اكل
قاسم: بقولكوا ايه
عماد وروح: ايه
قاسم: انا زهقان تيجوا نعمل اي حاجه بدل الزهق ده
روح: نطلع نتسوق انا اعرف شوية مراكز للتسوق هنا تحفه وبالمره نجيب شوية طلبات للبيت علشان في شوية حاجات نقصاني
قاسم: تمام يلا قومي البسي وبالمره نجيبلنا اي حاجه نتسلي بيها واحنا قاعدين
روح: تمام انا هطلع البس انا
وطلعت لبست ونزلت لقيتهم جاهزين وركبوا العربيه وروح وصفتله الطريق وراح امام مركز للتسوق
روح: وصلنا تعال بقي بسرعه
ودخلوا وبداو يتسوقوا شويه وروح كانت واقفه في محل ومعاها قاسم وبيختاروا هدوم لقاسم بس لقت ان في بنتين مركزين اووي مع قاسم وفي بنت شغاله في المحل بتحاول تقرب منه روح مسكت اعصابها وهي شايفه قاسم مش معبر البنت
روح للبنت:
Thanks for helping him
(شكرا لكي سأساعده)
البنت:
No, this is my job, I am the one who will help him
لا هذا عملي انا من سيساعده
روح ببرود وهي تحاول تمالك اعصابها:
I am the one who will help him, he is my husband
انا من سيساعده انه زوجي
البنت بوقاحه:
It’s practical, girl. This handsome man can’t miss it
إنه عملي يا فتاة. هذا الرجل الوسيم لا يمكن أن يفوت
روح:
I spoke to you quietly, but you flirt with my husband rudely and in front of me, but you don’t know who you’re playing with, woman.
(حدثتك بهدوء لكنكي تغازلين زوجي بوقاحة وامامي لكنكي لا تعرفي مع من تلعبين يا امرأة)
ومسكتها وبدات تضرب فيها قاسم راح ووقف جمب روح اللي كانت راكبه فوق البنت قاسم وماسك ضحكته بلعافيه علي منظر البنت تحت روح والناس بتبص عليهم
قاسم: روح كفايه روح خلاص ونزل علي رجله وضم روح ليه واحكم مسكت ايديها بس روح عرفت تفك نفسها منه وراحت ونزلت في البنت ضرب تاني
قاسم اشتالها بسرعه وبعدها عن البنت
روح بلغتها الام وقد نست بسبب انفعالها انها في امريكا: ورحمة امي لوريكي وميبقاش اسمي الوحش ان ما وريتك بقي بتتدلعي عليه وبتقربي منه واكلمك بهدوء تبجحي فيا ده انتي متخديش في ايدي ثانيه يا مسلوعه انتي
روح وعرفت انها مش فاهمه الكلام:
If I see you hovering next to my husband again, I will show you woe, and do not approach him, because I will show you hell with his eyes, woman, and be careful, I do not repeat my words, but I do this, and this time I was content with warning, the next time I will kill you.
ان رايتك تحومين جوار زوجي مرة اخري ساريكي الويل واياك وان تقتربي منه لانني ساريكي الجحيم بعينيه يا امراه واحذري فانا لا اكرر كلامي بل انفذ وهذه المره اكتفيت بتحذير المرة الاخري ساقتلك
قاسم: خلاص كفايه
روح بعصبيه: نزلني
قاسم: مش هتروحي تضربي خلاص كفايه عليها كده
روح: خايف عليها اووي المسلوعه دي
قاسم بضحك: لا بس خايف عليكي انتي وقرب من ودنها مينفعش نعمل مشاكل علشان منتعرفش وبعدين انتي اتكلمتي عربي وقولتي انك وحش المخابرات مينفعش ممكن يكون في حد هنا بيعرف يتكلم عربي
روح: ما هيا قاعده تقرب منك وانت واقف مبتعملش حاجه
قاسم: علشان هيا بالنسبه ليا مش موجوده ومكنتش عايز اعمل مشاكل
روح: طيب نزلني بقي ممكن
قاسم نزلها: من غير مشاكل يا روح
روح: شايفني اووي بتاعت مشاكل
قاسم: خالص ده انتي ملاك يا روحي
روح كانت لسه هترد عليه بس لقت حد بيحضنها من ضهرها
روح: عيون روح اللي مقدرتش تستغني عنها طول الاسبوعين دول
البنت: علطول فقساني كده هموت واعرف بتعرفي ازاي
روح: عيب عليكي يا ننتي ده انا روح
البنت: وحشتيني وحشتيني وحشتيني وحشتيني السكن مفيهوش حد فرفوش بعدك انتي وريمو الا صحيح هيا فين
روح: في القاهره
بنت من ورا روح: هموت واعرف بتحبي تجري من هنا لهنا ليه هفضل ادور عليكي كده لو روح كانت هنا كان زمانها وقفتك ومتسجرتيش تسيبينا وتمشي
روح من غير متلف: طب ما روح هنا يا سهي
سهي وهيا بتبص لروح: عااااا روح وجريت عليها حضنتها وحشتيني يا روح
روح: قلب روح بالله وحشتيني اكتر
نهي: ايوة ايوة ماهي حبيبتك جيت
روح وفتحت ايدها ونهي جريت عليها: وحشتوني يا روح روح بالله وحشتوني موت
سهي ونهي: وانتي وحشتيني موت موت تعرفي انك اول ما مشيتي انتي وريم حصلت حاجات كتير بعد ما مشيتوا
روح: اوعوا يكون حد عملكوا حاجه او قربلكوا ده انا كنت اقطعهم
نهي: عيب عليك يا معلم روح ده احنا تربيتك هو صحيح البنات الللي كنتوا انتي وريم معلمين عليهم حاولوا بس وقفناهم يا معلم
روح: ايوة كده تربيتي متخيبش
سهي وبصت لقاسم ولعماد وبعدين لروح: مين دول
روح: ده قاسم جوزي وده عماد صاحبه
سهي: اتجوزتي يا معلمي ومن غير ما تقولي يخص مكنش العشم
نهي: لا لا لا ومش هتجوز ونقولك تتجوزي يا بنتي تقوليلنا لا وفي الاخر اول واحده اتجوزتي يا معلمي يخص مكنش العيش والمربي والطحينه والرنجه وكل العك ده اللي ما بينا يا معلمي
روح وبصتلهم بصه: الحفله عليا انا ولا ايه ده انا اللي كنت بدير الحفلات علي العيال
سهي ونهي بضحك: اسفين يا معلمي
روح: ايوة كده اتظبطوا وبصت لقاسم اللي بيبصلها بعدم فهم
روح: قاسم دول نهي وسهي زمايلنا انا وريم
قاسم: تمام
روح لنهي وسهي: وده قاسم اخو ريم جوزي وابن عمي
نهي وسهي: يعني انتي وريم ولاد عم
روح: ايوة يلا بقي علشان انا عايزه اخلص
قاسم: هو احنا لسه هنروح حته تاني
روح: مش قولت زهقان انا هفسحك اهوا
قاسم: روح زي ما اتفقنا
روح: موعدكش يا قاسم لان المسلوعين بيستفزوني خليك ورايا علشان ممسكش في خناق حد
قاسم: نتفق اتفاق تقفي جمبي ومتتخنقيش مع حد وانا همليلك التلاجه شيكولاته يا روح
روح: ميقربوش وميستفزونيش وانا اوعدك اني مش هعمل حاجه
قاسم: رووح كفايه اللي فرمطيها جوا ده انتي كنتي هتموتيها في ايدك
روح: حاضر يووه
قاسم وعماد مشيوا ووراهم روح ونهي وسهي ودخلو محل في لبس حريمي ورجالي
روح: ها ايه رايكوا حلو
قاسم: لا
روح: نعم
قاسم: مش حلو
روح: قاسم يا حبيبي انت نوعك ايه
قاسم بضحكه مستفزه: راجل يا روح مش عيل توتو يا حبيبتي ادخلي غيريه ضيق
روح: عاااا بس شكله عاجبني ومش ضيق
قاسم: روح
روح: حاضر وبصوت واطي كل شويه روح روح
قاسم:بتقولي حاجه يا روح
روح: لا خالص بقول انك صح
قاسم: تمام انا مستني برا عند الكاشير
روح: حاضر وطلعت وخلصت وخلاص اشتروا الهدوم وجيه وقت الحساب قاسم وهو بيحاسب بيبص لقي الفستان اللي لسه قايلها متشتريهوش بصلها وهي ضحكتله بخوف
وحاسب عليه واخده وطلع برا وسبقها
روح: شكله زعل ولا ايه طب ما يزعل وانا مالي بس هو لما بزعل بيصالحني وبيعمل اللي انا عايزاه انا هروح اشوف ماله
روح لنهي وسهي: هرجعلكو تاني استنوا وراحت لقاسم اللي كان ماشي قدامهم كلهم لوحده
روح: قاسم
قاسم مردش روح جريت عليه حضنته: اسفه يا قاسم
قاسم مردش: خلاص والله ما هعملها تاني اروح ارجعه لو لسه زعلان
قاسم مسك ايدها: روح انا مش أظدي اتحكم فيكي انا عارف انك قادره تختاري ودي حريتك بس انتي جميله يا روح انتي عارفه لو واحد مننا معاه جوهره هيخاف عليها ويخبيها ولا هيوريها للرايح والجاي
روح: هيخاف عليها ويخبيها
قاسم: وهو ده اللي بعمله معاكي يا روح انتي جميله جوهرتي الغاليه اللي المفروض اخبيها من الناس علشان كده
روح: خلاص فهمت انت لسه زعلان مني
قاسم: لا مش زعلان
روح: ماشي وبعد كده هسمع كلامك ومش هعارضه ومش هلبس الفستان وهوريلك قبل ما اشتري بس هتتطر تيجي معايا كل ما انا اشتري هدوم
قاسم: موافق
روح: شكرا يا قاسم
قاسم: انتي مراتي يا هبله
وطلعوا برا ووقفوا عند العربيه
قاسم: يلا يا روح هنروح
روح: ماشي
قاسم: يلا هنوصل نهي وسهي الاول
روح بصتله بمعني شكرا
سهي ونهي: لا شكرا
روح بصتلهم: بتقولوا حاجه
نهي: ابدا يا كبير هو حد قال حاجه
سهي: اول ناس راكبين يا معلمي واللله
روح: اصل فكرت
قاسم: مفتريه ده انتي مربيالهم الرعب
سهي: مربيالنا الرعب بس بهزار ولولا الرعب ده ده كان حصلت مشاكل ومصايب كبيره اووي
نهي: روح مش مفتريه روح ملاك ممكن ايوة بنخاف منها بس لولا كده كان حصل حاجات كتيره جدا مش هتعجبني خالص المفتريه هي اللي كانت موريه شباب امريكا الويل ولولاها كنا ملطشه للي رايح واللي جاي كلنا اول ما بيحصلنا حاجه بنجري عليها ونحضنها وهي كانت بتبقي مرحبه بده كل اما نخاف بنجري عليها تحصل اي مشكله نقولها وهي اللي تحلها روح دي الملاك الحارس بتاعنا اكيد ربنا بيحبنا علشان بعتلنا سكرة حياتنا
روح فتحتلهم ايدها وهما جريو حضنوها: وانتو سكاكر حياتي وحياتي
نهي: انتي الروح الللي مفيش بعدك روح يا روح
سهي: انتي روحنا
روح عيونها دمعت بس بتداريها بس قاسم اخد باله
قاسم: طب يلا علي العربيه واخد روح بعيد
قاسم: مالك يا روحي زعلانه ليه
روح بصوت مخنوق: مش زعلانه
قاسم: طب انا اسف والله كنت بهزر مش أظدي ازعلك
روح: مش زعلانه انت معملتش حاجه
قاسم: طب ازاي مش زعلانه وبتعيطي
روح وخلاص مش قادره واتكلمت بصوت باكي: خلاص يا قاسم
قاسم: لا يا هتعرفيني زعلانه ليه يا هفضل ازن كده
روح حضنته بسرعه وبدات تعيط
قاسم: طب في ايه يا روحي مالك
روح: مش قادره
قاسم: خلاص تعالي نمشي
روح: لا
قاسم: طيب خلاص اهدي
روح ومسحت دموعها: خلاص يلا نمشي
وراحت وركبت العربيه وهو راح وراها وركب قدام وعماد كان جمبه والبنات ورا
قاسم وبص في المرايه اللي مسلطها علي روح
ووصلوا سهي ونهي اللي كانوا مستغربين من روح
اما هيا كانت في عالم تاني بتبص في الشباك ومش مركزه مع حد كل اللي هيا عارفاه انها تعبت ومخنوقه مش عارفه تفكر ولا تتحكم في عياطها عايزه تعيط ووصلوا اخيرا البيت وهي طلعت فوق علي اوضتها علطول اما هو بيبصلها ومش عارف مالها
قاسم: استني يا روح بس
روح طلعت تجري وهو طلع وراها يجري ودخلت اوضتها وفضلت تعيط وطلعت صورت مامتها وقاسم قرب منها: مالك يا روحي مالك يا حبيبتي
روح مردتش وفضلت تعيط قاسم قرب منها وحضنها: اهدي يا روح وقوليلي مالك
روح: ماما
قاسم: مالها
روح وهي بتعيط وبتحضن فيه جامد: مش قادره والله ما قادره يا قاسم كل حاجه بتفكرني بيها حتي شكلي بيفكرني بيها يا قاسم كل اما احاول انسي بتحصل حاجه تخليني افتكرها يا قاسم
قاسم: خلاص يا روحي اهدي
روح: مش قادره يا قاسم والله ما قادره
قاسم: خلاص معلش
روح حضنته جامد وفضلت تعيط وبعد شويه شعر بانتظام انفاسها اشتالها ونيمها علي سريرها وباس راسها
قاسم: شكلك وقعتيني يا روح
وطلع برتاوبالليل التلاته كانوا راكبين العربيه ودخلوا
قاسم عارفين هتعملوا ايه
روح وعماد : ايوة
قاسم: تمام كل واحد يروح شغله
ودخلوا جوا
~~~~~~~~
اما في المكان كان يتجمع اكبر رجال العصابات وفجاه انطفئ الضوء من المكان وتسلط علي المسرح اللذي ظهرت عليه فتاه جميله وما كانت الا روح وبدات تتمايل علي المسرح وهي ترقص باحترافيه علي هذه الاغاني ولحسن حظها انها احبت تعلم الرقص الامريكي وذهبت لمدربه لتعلمها وجميع الحضور كانوا ينظرون لها باعجاب وشهوه وبعدها ظهر عماد اللذي كان يقلد حركات روح
روح: ها خلصت
قاسم: لسه
روح: راغب هييجي
قاسم: حاولي تمنعيه يا روح
روح: تمام ونزلت من علي المسرح وراحت عند راغب وبدا تتمايل قدامه وهو حط ايده وسطها روح وكانت هتضربه خلاص لولا قاسم اللي ظهر علي المسرح وبسرعه نزل عندهم وسحب روح للمسرح
قاسم: مالك
روح: مفيش
قاسم : الكلب ده عملك حاجه
روح: حط ايده علي وسطي
قاسم وخلاص هيروح يضربه بس روح لحقته ونطت عليه وهي بترقص علشان ميروحش بس جسمه كان متصنم
قاسم: روح
روح وحطت ايدها علي صدره وبدات تحركه
قاسم: روح
روح: اهدي وحرك نفسك معايا يا قاسم وفعلا ما كان الا ثوان وكان يتحرك اثر لمستها وكانه مغيب عن الواقع يتخيلها هو وهي فقط ولا يوجد احد
قاسم: روح
روح: انا قرفانه من نفسي انه مسكني بس بس مش هضيع كل حاجه وتعبي طول السنين دي علشان لمسه انا اصلا مش طايقاها
بس مش هعمل كده
قاسم: تمام وبمجرّد ان انتهوا من رقصتهم تعالت التصفيقات من الجميع وخرجوا بسرعه بعدها ركبوا العربيه وفضلوا ماشيين شويه
عماد: هما فين
قاسم: ورا شويه
عماد: تمام
قاسم: يلا انزلوا
ونزلوا وفضلوا يمشوا شويه وبعدين وقفوا قدام تلت عربيات قاسم: كل واحد يركب عربيته
وركبوا العربيات وفجاه سمعوا صوت الانفجار بتاع العربيه اللي كانوا راكبين فيها واللي فجرها قاسم
روح: طب فين الفلاشه
قاسم: معايا
(هتسألوا مش المفروض انهم يوقفوا توزيع المخدرات ايوة المفروض ان الفلاشه دي راغب هيسلمها مع المخدرات والفلاشه دي عليها كل جرايم الطرف التاني وكل العمليات اللي عملوها وان الفلاشه دي مكانتش مع المخدرات العمليه مش هتتم وكده وقفوا توزيع المخدرات)
روح: ممكن استفسر ليه تلت عربيات
عماد: علشان حان وقت السباق
روح: سباق ايه
قاسم: سباق انا وعماد بنعمله كل مهمه بنسابق بهض بالعربيات علشان كده جبت تلاته علشان انتي تمشي براحتك وانا وعماد هنتسابق واللي بيخسر بيعزم التاني علي العشا وهيبقي لحد المطعم اللي اسمه ******
روح: تمام
قاسم: يلا 3.2.1جو
واتفاجاو بروح اللي طارت اول واحده وبعدين لحقها قاسم
قاسم: روح انتي هتشاركي
روح: سباق او تحدي انا راشقه
وفعلا عربية روح كانت الاول بعدين عربية قاسم وبعدها عربية عماد وبعدين روح هدت السرعه وقاسم وعماد سبقوها وهيا راحت من طريق تاني بيودي للمطعم ده وساقت بسرعه وفي خمس دقايق كانت واقفه قدام المطعم وبعدين دخلت لجوا المطعم وبعد شويه دخل قاسم وبعدين عماد
قاسم: سبقتك يا عمده
عماد: بس روح خسرت
روح وهي قاعده علي الكرسي وبتاكل: روح مين اللي خسرت يا عمده انا هنا من الصبح يا راجل
بصولها بصدمه ازاي ده انتي كنتي ورا خالص
روح: الطريقة الخاصه للوحش يا عمده
قاسم: يعني علي مين
روح: عليك يا عماد
عماد: انا كده كده عارف ان كل مره بتبقي عليا
قاسم: اخربها بقي براحتي ما انا مش هدفع حاجه
روح: ههههه
الجرسون او الويتر جه:هل يمكنني مساعدتكم
May I help you
قاسم: نعم نريد وقاله علي اللي عايزه
Yes we want
وبعد شويه نزل الاكل وبداو التلاته يا كلوا
ولما جم يدفعوا الحساب طلع المدير من المكتب ووقف قدام روح
المدير: كيف حالك ابنتي
How are you my daughter?
روح ضحكت: بخير وانت كيف حالك الان
fine and how are you now?
قاسم: مين ده يا روح
روح: ده شخص كده بيعتبرني زي بنته
عماد وبيدفع الحساب
المدير: الحساب اندفع
The account is charged
عماد: بس انا مدفعتش
But I didn’t pay
روح: اقدر انك تحبني ولكن لا يجوز
I appreciate that you love me but may not
المدير: اعلم عزيزتي ولكن هذا المطعم لم يكن ليفتتح دونك
I know, honey, but this restaurant wouldn’t have opened without you
روح: اسفه ولكنني لا استطيع ان اقبل هذا نعم انا من ساهمت بافتتاح هذا المطعم ولكنك انت من تعبت عليه ليصل الي هنا
I am sorry, but I cannot accept this. Yes, I am the one who contributed to the opening of this restaurant, but you are the one who worked hard for it to get here.
المدير: ولكن لو لم تفتتحيه وتساهمي لما اصبحت هنا يا روح
But if you didn’t open it and contribute, you wouldn’t be here, soul
ودخلوا في نقاشات كتيره وفي الاخر روح مقبلتش غير لما دفعوا الحساب
المدير: انتي عنيده جدا جداً ولا احد يستطيع اقناعك
You are very stubborn and no one can convince you
روح: نعم اعلم انني عنيده
Yes, I know I’m stubborn .
واحد من وراها: وشجاعه ورحيمه ايضا روح
And courageous and merciful also spirit
روح اتلفتت بسرعه وبفرحه:………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية روح الفهد)
