اسكريبت فتاة معذبة الجزء التاسع 9 بقلم محبة الرحمن

عاد خالد في منتصف الليل استغرب عدم وجود حد من اهله تحت طلع لقي باب شقته مفتوح سمع صوتهم جوه دخل 

خالد السلام عليكم

أهله بصوله بقرف وأخوه مصطفى اخده وخرج بره 

مصطفى اهلا يابيه

خالد في ايه وأمك وابوك بيبصولي كده ليه هي فين مني

مصطفى والله بعد اللي عملته فيها بتسأل عليها 

خالد هي شكتني ليكم بنت ال

مصطفى هي ماشكتش هي أغمي عليها وحكاله اللي حصل

ليه ياخالد كده دي بتحبك وكويسه معاك ليه بتعمل فيها كده ليه كل ماتصفالك بترجع تكرهها فيك

خالد انا كده وان كان عجبها بنت**** اقرب منها تقولي لا

مصطفى نهار اسود هو ده السبب بس وانا اللي قولت اكيد عملت مصيبه عشان كده انت عملت كده وايه يعني تعبانه أو نفسيا مش عايزه الحاجات دي بالذات لازم بالرضي

خالد ياعم دي اديلها تلات ايام 

مصطفى بصدمه اكتر لا مالهاش حق احسن اللي عملته فيها انت بتستعبط ده مالوش وقت انت ايه انت فعلا حيوان عشان الحيوانات هي اللي غريزتها بتمشيها وبعدين ليه تعمل الحرام 

خالد بإحراج هي قالت

مصطفى بقولك مابتنطقش من وقتها الدكتور اللي قال انت فين من ربنا هه 

خالد ماخلاص ياعم كانت لحظه شيطان 

مصطفى انت بتكدب علي نفسك احنا في رمضان الشياطين متسلسلة ده انت اللي طلعت شيطان قولي أهلها لما يتصلوا هنقولهم ايه وهي مابتنطقش كده

خالد مايتحرقوا 

مصطفى خالد انت بجد مش زعلان عليها مش حاسس بتأنيب ضمير

خالد قفل بقي علي الموضوع ده يلا ندخل

مصطفى يحرك رأسه بيأس من تصرفات اخوه بس هو في الاخر اخوه ولازم يقف معاه

دخل خالد وبص علي مني وشاف حالتها قرب منها اتحركت مني وتكورت حول نفسها وصرخت بهستريا حاولت حماتها تهديها افتكر مصطفى المهدئ اداه لأمه عشان تشربهولها شربتهولها بالعافيه وهديت مني وراحت في النوم

خالد واقف مش عارف يعمل ايه أبوه شده علي بره وقاله انت ازبل واحد شوفته في حياتي انت شفت مين في عيلتنا بيبهدل مراته كده علي قد شدتنا لكن زوجاتنا علي راسنا عمرك شفتني بعامل امك كده

خالد هي مستفزه 

والده انت اللي مستفز انت عارف لو كانت خدت بعضها وشكتك للشرطه كنت اتحبيست واتفصلت من  شغلك وهي تطلق منك بسهوله وتاخد حقها كله اتفضل انزل نام تحت وأمك هتنام معاها هنا

وده اللي حصل كانت مني تقوم تصرخ وتنام تاني 

تاني يوم الصبح كانت مني بدأت تهدي بالذات لما ولادها قعدوا جنبها وعيطوا قررت انها تفوق نفسها عشان ولادها 

حماتها صباح الخير يا بنتي 

مني بحزن صباح الخير

حماتها بصي يابنتي انا وحماكي طبعا معاكي في اي حاجه تعمليها بس ارجوكي انا ام حتي لوكان ابني حيوان

مني اسفه بس ممكن تسيبيني لوحدي 

حماتها حاضر انا نازله عايزه حاجه قبل ماانزل

مني شكرا

اتصلت مني علي امها وكان خالد في الخارج يتصنت عليها

مني ماما أنا عايزه اتطلق من خالد انا تعبت

مامتها لا طلاق لا عايزه تزعلي تعالي مع أن كل شويه تزعلي كده

مني قفلت التليفون وبكت بحرقه حست أن أمها اذتها اكتر من خالد

علي الرغم من فرحت خالد بأن امها خذلتها عشان تفضل عنده بس كانت صعبانه عليه هو واهلها عليها 

خرج خالد للشغل وغابت هي من شغلها قامت نضفت البيت وبدأت تجهز في الاكل وباقي علي المغرب وقت قليل جدا

وخالد مكانش جه كانت الاول لو اتاخر شويه تتصل تطمن عليه لكنها لم تتصل باقي ربع ساعة علي المغرب ومااتصلتش رجع البيت والمغرب اذن وهو داخل كانت مني تفطر علي بلحه ولكن سمع دعائها اللهم اني مغلوب فانتصر حسبي انت ربي ونعم الوكيل

تأثر خالد هو عارف ان الدعاء ده عليه ويمكن علي امها دخل

خالد السلام عليكم ورحمه الله وبركاته

مني وعليكم السلام

دخلت الحمام توضت وخرجت صلت وضعت الأكل ليه وللاولاد ودخلت اوضه الولاد تقرأ القرآن وتبكي 

محمد ابنها مش هتاكلي معانا يا ماما

مني لا ياحبيبي مليش نفس

عمر بابا بيقولك تعالي كلي وهو هيمشي 

مني حتي لو مشيت مش هتقدر تاكل

اكل خالد والولاد وقامت عملتله الشاي عطتهوله ومشيت وهو شرب الشاي وخرج

نضفت البيت وبدأت تصلي التراويح وتدعي والأولاد نزلوا يلعبوا في الشارع ولقت حماتها بتنادي عليها سلفتها بتولد جرت لبست وراحت معاهم عند الدكتور قالها المئه نزلت هتولد قيصري فضلت واقفه قدام غرفة العمليات مع الباقيين لحد ما خرجوا طفله جميله اخدها خالد عشان يكبر في ودنها بسرعه قالت مني لا ولما الكل استغرب قالت المفروض جدها ده او ده اللي يأذنلها قالولها عادي هو يأذن 

فضلت مع سلفتها لتاني يوم الصبح وفضلت تعتني بسلفتها لحد السبوع كانت بتطلع تطبخ وتنضف ليه وتنزل تاني لسلفتها تقضيلها المصالح وتبات معاها 

بعد كده جالها تدريب تبع شغلها في المحافظة نفسها كانت بتروح الصبح ترجع قرب المغرب بس برضو ماقصرتش كانت بنجظ الاكل من بالليل أو الصبح بدري يبقي علي التسخين وكانت بتنضف الشقه قبل ماتنام 

في اخر يوم من التدريب واحد مدرس قالها أنه معجب بيها وعايز يتقدملها قالتله انا اسفه انا متجوزه 

الشخص ده انا اسف ماكنتش اعرف انتي مش لابسه دبله 

مني بتعملي حساسيه عن اذنك

التفتت وجدت خالد واقف علي الباب خافت ليفتكر انها علي علاقه بيه ويعذبها دخل القاعه وهي كانت واقفه مكانها والمدرس واقف وراها قرب منها وهي اترعبت بس لقته مسك أيدها وباسها 

خالد خلصتي ياحبيبتي

مني خالد انت ايه اللي جابك هنا

خالد جاي اخد مراتي حبيبتي في مشكله

مني بنظرة استهزاء لا مافيش

خالد حط أيده في أيدها وهي مش عايزه بس عشان الناس سكتت

بعد ما خرجوا مني  انت بتعمل ايه هنا

خالد وحشتيني قولت اجيلك

مني باستهزاء لا كتر خيرك

خالد بصي انا عديت انك وقفه مع واحد غريب بس انا واثق فيكي فمش هتكلم فمتعصبنيش

مني بخوف تحاول أن تكون قويه هتعمل ايه

 يعني

خالد هعمل كده ومسك أيدها في وسط الشارع وباسها

مني يلا عشان نروح 

خالد لا مش هنروح

مني امال هنعمل ايه

خالد هنتفسح 

مني فين في المطعم اللي اخدت فيه البنت اللي بتكلمها

خالد منننني ماتستفزنيش

يتبع…..