رواية حواء تنتقم الفصل الرابع 4 بقلم سولييه نصار
رواية حواء تنتقم الجزء الرابع
رواية حواء تنتقم البارت الرابع
رواية حواء تنتقم الحلقة الرابعة
-لا لا ابوس ايديك متق*تلنيش …ابوس ايديك …لا والله هي اللي اغر*تني…ابوس ايديك لااااااا …
قام انس علي صر*خة واحدة وقومت أنا معاه وقولت :
-مالك يا حبيبي اسم الله عليك ايه اللي حصلك؟!
فضل ينهت قدامي فابتسمت بخ*بث متداري …حالته دي كانت مكيفاني اووي …كنت بجد مبسوطة وانا شايفة ر*عبه ده …..
وشه كان شاحب فقولت:
-مالك يا حبيبي بس ايه اللي مضايقك …
بصلي وهو بيبلع ريقه وقال:
-مفيش حاجة …م…مجرد كابوس …
ابتسمت بحب مزيف وقولت:
-خلاص يا حبيبي ارتاح ده مجرد كا*بوس انت خايف ليه …
وبعدين ادتله ضهري ونومت وانا مرتاحة …
….
تاني يوم …
قولت العب مع مروة شوية …لازم تاخد حقها من الع*قاب …أنا ست عادلة جدا ….بعتلها الاسكرينات تاني مع رسالة …
…..
في بيت مروة…
كان حوالين عينيها سودا بتحاول تتصل بجوزها مبيردش عليها …مقدرتش تنام من امبارح …كل اما تيجي تغفل تحلم أن جوزها بيق*تلها فبتصحي مفزوعة وهي بتنهت ….الحلم ده مش مفارقاها …فجأة صرخت بر*عب ورمت التليفون وهي بتلاقي رسالة من الاكونت الفيك …فتحته ولقت الاسكرينات برضه مع رسالة ساخرة بتقول:
-تفتكري جوزك هيكون شعوره ايه وهو بيسافر عشانك وبيشتغل ومتشحطط وانتي هنا بتخو*نيه…هيكون شعوره ايه وهو بيتعب وبيسافر دايما عشان يشتغل ويرجع عشان يشوفك وفي كل مرة فاكر انه سايب مراته تصون بيته …
حقيقي أنا شفقان عليه وعايز ابعتله الصور دي…
دموع مروة بدأت تنزل وبتشهق بخوف …مكانتش عارفة تعمل ايه قعدت علي الأرض وفضلت تبكي جامد وتلطم …كانت عايشة في رعب مش مصدقة أن ده بيحصل معاها …مسكت الموبايل وبعتت رسايل كتير …رسايل بتترجاه أنه ميبعتش الاسكرينات لجوزها بس كان بيشوف الرسايل ومبيردش …
…..
كنت قاعدة أنا بشوف كمية الرسايل وانا بضحك بسعادة …ولسه …ده انتوا هتشوفوا الس*واد …
روحت قفلت النت وعملتلي كوباية نسكافيه عشان افوق لأنس شوية …..
….
بعد شوية كان معايا كوباية النسكافيه السخنه وبلعب في شعري بفكر ازاي اقدر اخد حقي من انس …مسكت موبايلي وبعتله رسالة في الشغل من الايميل الفيك وانا بقوله ازاي يبعت الفلوس …
وبعدين قفلت النت وانا بشرب النسكافيه
……..
بالليل …
كان انس قدر يجهز الفلوس وراح فيها للمكان اللي قولت عليه وطبعا كنت قبلها قولتله اني رايحة لماما وده ريحه اكتر … أنا محبتش اديله رقم حساب عشان ميقدرش يوصلي ..طلبت منه ان يروح للحديقة العامة بالليل واللي كانت فاضية في الوقت ده يسيب الفلوس هناك وبعدين يمشي …وهو عشان خايف عمل اللي قولت عليه بالضبط واول ما حط المبلغ مشي بعربيته فورا …بعدها بدقايق أنا روحت واخدت الفلوس وروحت لبيت اهلي عشان انفذ خطتي الأخيرة …الخطة اللي هد*مرهم …
….
كنت في اوضتي بالليل وفتحت الاكونت الفيك وبعت الاسكرينات لجوز مروة وللاكونت بتاعي وبعدين قفلت الايميل نهائيا وقولت:
-بووووم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حواء تنتقم)
