رواية الان اقول احبك الفصل السابع 7 بقلم ندى سامي
رواية الان اقول احبك الجزء السابع
رواية الان اقول احبك البارت السابع
رواية الان اقول احبك الحلقة السابعة
ساره نزلت و دخلت الصاله و لقت فارس قاعد و جمبو واحده هى متعرفهاش ف اضايقت و راحتلهم و قعدت بصمت
فارس بابتسامه : ازيك
ساره : الحمدلله
فارس بص للى معاه و قال : دى احلام بنت عمى
ساره بحزن : منوره
احلام : بنورك يا قمر
فارس : كنا جايين نقولك حاجه
ساره بحزن اكبر : هتعملو فرحكو ف القاهره
فارس بتعديل : فرحنا قصدك
ساره : م انا قولت كده
فارس : لا قولتى فرحكو مش فرحنا .. فرحى انا و انتى
ساره بصتله بعدم فهم واحلام ضحكت
احلام : انتى كل ده مش واخده بالك انو بيحبك ولا ايه
ساره بصدمه : نعم
فارس لاحلام : قوليلها
احلام : بصى يا ستى فارس لما جه المنصوره كان جاى اصلا عشان يشوف اهلو زى كل مره مش عشان نتجوز ولا حاجه و هو جه كلمنى ف حوار الوعد و قال انو بيحبك و انا قولتلو انى اصلا بحب حد تانى و هو جه اتقدملى خلاص و لما هو عرف من مامتك أنك شبه دخلتى ف حاله اكتئاب بسببو قالى اجى معاه و اقولك كل حاجه بنفسى
فارس طلع خاتم من جيبو و قرب منها و قال : تتجوزينى يا ساره !؟
ساره : بس انت مقولتليش م الاول انك بتحبنى و سبتنى و مشيت من غير حتى م ترد عليا
فارس : حقك عليا والله انا ساعتها مكنتش عارف أقرر حاجه ولا عارف المفروض اعمل ايه
ساره بصت لنهاد إلى بصالهم بابتسامه واسعه هى و فؤاد و قالت : و انتى بتبيعينى يا ماما و بتروحى تقولى انى دخلت ف اكتئاب
نهاد : يعنى اسيب بنتى زعلانه كتير
فارس : هفضل واقف كده كتير
ساره بصتلو و ابتسمت بحب و قالت : موافقه
لبسها الخاتم و مامتها زغرطت و قرأو الفاتحه و اتفقوا ع الخطوبه و اليوم انتهى تحت فرحتهم كلهم
_______________________
بعد سنين
عدا سنين و حصل فيها حاجات كتير ساره و فارس اتجوزو و خلفو بنت و ولد و ساره اتحجبت و فارس اشتغل ف شركه و مع الوقت بقى مديرها و شريك فيها و ف الفتره دى جالهم خبر أن المصنع الى كان ضياء فاتحه بفلوس ساره اتحجز عليه عشان كان عليه ديون كتير و ضياء فلس و البنت الى كان بيحبها سابتو بعدها بفتره و رقيه صاحبه ساره اتخطبت لمدير المصنع الى كانت شغاله فيه رغم معاملته مع ساره ف الشغل الا انو كان بيحب رقيه و رقيه كمان كانت معجبه بيه بس بتخاف منو ساعات
_______________________
ف بيت ف المنصوره
ساره و هى بتجرى ورا بنتها : يا بت اهدى بقى و بطلى جرى هو حد قالك انى هعذبك
البنت و هى بتستغبى منها : لا انا مش بحب اسرح شعرى بيوجعنى
ساره : م انتى السبب تقعدى تقولى لا يا ماما اسرحه بكره لا يا ماما مش عارفه ايه لحد م باظ
ف الوقت ده دخل فارس و معاه الياس ابنهم
فارس : ايه إلى بيحصل صوتكم جايب لحد برا
ساره : البت بقولها يلا عشان اسرحلك جرتنى وراها الشقه كلها عشان مش عايزه تسرح
فارس راح ناحيه نيروز بحنيه و قعد جنبها ع الأرض
فارس : مش عايزه تسرحى ليه يا بابا
نيروز : شعرى بيوجعنى اوى و هو بيتسرح
فارس : يا حبيبتى م هو هيوجعك ف الاول بس يعنى يرضيكى البنات كلها يبقى شعرها حلو و متسرح و انتى لا عشان خايفه يوجعك و بعدين يوجعك مره احسن م تبقى طول عمرك شعرك وحش صح ولا ايه
نيروز بدموع : صح
فارس : شطوره يا روحى يلا روحى لماما تسرحلك و هى مش هتوجعك و هتسرحلك براحه لحد م يبقى شعرك جميل
نيروز حضنت فارس و هو بادلها الحضن و كل ده ساره بصالهم بحب و هى مبتسمه و بعدين بصت ل الياس إلى واقف باصصلهم و فتحت أيدها عشان تحضنو و هو جرى عليها و حضنتو جامد و نيروز جاتلهم و حضنو بعض كلهم و بعدين ساره خدت نيروز تسرحلها شعرها
فارس : انا جبت إلى طلبتيه هتعملى ايه بقى
ساره : هعمل مكرونه بشاميل و جلاش و الفراخ و هنروح ل اهلك نتغدا معاهم
فارس باس راسها و قال بحب : ربنا يخليكى لينا
ساره بابتسامه : و يخليكو ليا
خلصو كل حاجه و هى خلصت الاكل و راحو لاهل فارس الى كانو جمبهم بعمارتين .. ” فارس و ساره من ساعت م اتجوزو جابو شقه ف المنصوره عشان كل فتره يجو يقعدو فيها شهر او اكتر عشان يبقو مع أهل فارس و اهلها ف نفس الوقت ”
( الياس 6 سنين قمور اوى شبه فارس و عينو بنى غامق .. نيروز 5 سنين قموره اوى برضو و عندها غمازات و عينها عسلى )
_______________________
عند أهل فارس
نيروز و هى بتجرى ع جدتها : تيتاااا وحشتينى
الجده : وانتى اوى يا حبيبه تيتا
الجد بزعل مزيف : وانا موحشتكيش
نيروز و هى بتحضنه : اكيد وحشتنى يا جدو بس هسلم عليكو ف نفس الوقت ازاى
ساره بصتلها بصدمه من ردها و ضربتها بخفه
نيروز بغباء : ايه يا ماما
ساره بهمس ل فارس : بنتك هتشلنى قريب
فارس ضحك جامد و بعدين بص ل الياس إلى واقف بعيد لوحدو ف راحلو
فارس : واقف لوحدك ليه روح سلم عليهم
الياس بصلو شويه و بعدين بصلهم و رجع يبص ل فارس ف هزله رأسه بابتسامه ف راحلهم يسلم عليهم و ساره راحت لفارس
ساره بحزن : هيفضل خايف من الناس كده كتير حتى دول اهلو
فارس : اهو بحاول اخليه يتحسن و هو مش بيمانع و بيحاول
ساره بصتلو و ابتسمت و راحو قعدو معاهم و بعدين قامت تجهز الاكل هى و ميار اخت فارس ” ميار اتجوزت بس جوزها مسافر ” و خلصت تجهيز السفره و قعدو كلهم ياكلو و هما مبسوطين و بيضحكو و الياس إلى كان قاعد جمب ميار إلى كانت الوحيده إلى بيجى البيت يقعد معاها و يقعدو يلعبو …. خلصو اكل و ساره و فارس خرجو قعدو ف التراس
~~~~~~~~ ف التراس
فارس : فاكره أول مره جينا هنا بعد الجواز
ساره بابتسامه : و دى حاجه تتنسى كان يوم حلو اوى
فارس : ولا لما عرفنا انك حامل و احنا هنا
ساره : و تانى مره كنا عند ماما و بابا
فارس : ذكريات كتير اوى قضيناها مع بعض و لو قعدنا نقول فيها من هنا لبكره مش هنخلص
ساره : ربنا يخليك ليا
فارس حضنها و قال : و يخليكى ليا يا حبيبتى
كان لسه فارس هيقرب منها لقى الياس و نيروز دخلو عليهم
الياس ببرود : انتو بتعملو ايه
ساره بتوتر : ولا حاجه يا حبيبى
نيروز و هى بتروح ل ساره : ماما قعدونى جمبكو
فارس و هو بيرفعها : تعالى يا حبيبتى
ساره : تعالى يا الياس
الياس راحلهم و قعدو كلهم مع بعض و قعدو يضحكو كتير و ميار راحتلهم بلعب كتير و قعدو يلعبو كلهم مع بعض باستمتاع
_______________________
“منذما رأيتك علمت انك انت الشخص الصحيح”
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
