رواية توأم من الظلام الفصل الخامس عشر 15 بقلم سهيلة سعيد
رواية توأم من الظلام الجزء الخامس عشر
رواية توأم من الظلام البارت الخامس عشر
رواية توأم من الظلام الحلقة الخامسة عشر
هبة ب قلق : لا فيكي حاجة حاسة ب تعب ؟!
سارة وهي بتقوم : لأ بس هدخل الحمام
هبة : اوك !
( تدخل سارة التويليت ، تقف عند الحوض وتبص ل نفسها ف المراية ، وتحط ايدها ع رقبتها ب قلق ، تتنهد وتغسل وشها وتقرب ع الباب تفتحه ميتفتحش ، تحاول تاني ميتفتحش ، تبتدي تخاف ، وفجأة ، يتطفي النور )
سارة ب صريخ : هبااااا اسررررررررر 😨
( تتخض هبة وف ثانية يكون اسر فوق ، يفتح باب الاوضة يلاقي هبة بتجري ع التويليت وسارة عمالة تصرخ ، يجري عليها ، تفتح هبة الباب يتفتح ، تجري سارة ع برة ياخدها اسر ف حضنه )
سارة ب صريخ وانفعال وهي مغمضة عيونها وبتتنطط : جسمي جسمي جسمييييي لاااا 😫
اسر : اهدي اهدي سارة دة انا انا 😧
( تبصله وتعيط ، ياخدها ف حضنه )
اسر : بس .. بس !!!
( هبة واقفة مزهولة م الي شافته وخايفة ، عند ماليك ، يبتسم ويرجع شعره ل ورا ويغمض عيونه ويضحك ، تقرب عليه راسلين تحضنه من ضهره ، يمسك ايدها يلفها قدامه ويحاوطها ب ايده )
راسلين : شكلك مبسوط !
ماليك : امممم 🙂
( عند سارة ، نامت ع السرير واسر قاعد جنبها عمال يملس ع شعرها )
هبة : عشان كدة خفت تسيبها لوحدها ؟!
اسر : غصب عني .. انتي شوفتي !
هبة : ايوة عندك حق .. ربنا يشفيها يارب 😕
اسر ب تنهيدة : يارب 😑
هبة وهي بتقوم : انا هروح
اسر : استني هوصلك
هبة : لا لأ خليك معاها
اسر وهو بيقوم : متقلقيش يمان وسينا هياخدوا بالهم منها
هبة : خليك بالله عليك هي محتجالك انت انا بيتي قريب منكم 😕
اسر : مينفعش تبقي لوحدك .. تعالي
( ينزلوا تحت )
اسر : يمان
( يقوم يمان ويقرب عليه )
اسر : سارة نايمة خليك معاها هوصل هبة وهرجع ع طول
يمان : تمام
اسر : وخلي سينا قريب
يمان : متقلقش
اسر ب قلق : اوك 😐
( يمشي اسر مع هبة ، يطلع يمان اوضة سارة ، يلاقيها نايمة ، يقرب الكرسي منها ويقعد باصصلها وسينا واقف ف البلكونة بيراقب ، عند اسر ، ماشي ف الشارع مع هبة )
هبة : هي النوبة دي جتلها من اي ؟!!
اسر : من ساعة م بابا مات
هبة : اة .. عشان كدة .. الله يرحمه
( يتنهد اسر ب قلة حيلة )
هبة : بقالك فترة حاسة انك مهموم !!
اسر ب عدم فهم : يعني ايه مهموم ؟!
هبة : مهموم يعني متضايقك وحزين
اسر : اة
هبة : دة بسبب حالة سارة ؟
اسر : خايف عليها 😕
( يبصلها )
اسر: وعليكي
هبة ب استغراب : عليا انا ؟!!!
اسر : اة
هبة : من ايه ؟!
( يقفوا قصاد بعض )
اسر : من كل حاجة .. خايف تبعدي 💔
هبة : بس انا مش هعمل كدة .. ابعد عنك ليه 😕
اسر : مش هيبقا ب ايدك
هبة ب عدم فهم : مش فاهمة !!!
اسر ب تنهيدة : مش لازم .. المهم عيد ميلادي اخر الاسبوع وعاوزك تيجي .. عاوز اقضي اليوم معاكي .. ينفع ؟
هبة : اكيد هاجي او ممكن نتقابل برة اي رأيك ؟
اسر : لو الدنيا تمام مع سارة هحاول اخرج م البيت
هبة : اشطااا 😃
( يكملوا مشي ، عند سارة ، تفتح عيونها ، تلاقي يمان قاعد ع الكرسي قصادها ، تغمض عيونها ب تعب وتقوم تقعد )
يمان : انتي كويسة ؟
سارة : اة 🤦🏻♀️
يمان : حصل ايه ؟!
سارة : مش عارفة بجد .. هل كان بيتهيألي ولا دة حقيقي .. بس لا دة حقيقي 😕
يمان : الي هو ؟؟
سارة : حسيت وانا قاعدة مع هبة زي م يكون حد اتنفس ف رقبتي ف قمت دخلت الحمام عشان اتوترت قصادها .. جيت اخرج الباب مرضاش يفتح والنور اطفى وحسيت كأن حد معايا وبيلمس كل جسمي ب قوة ومش عارفة ابعده عني لاني ولا شيفاه ولا هو جنبي او يتلمس انا بس حاسة ب لمساته 😟
يمان : دي اكيد حركة من حركات ماليك والدجال الي معاه
سارة : مش عارفة 😕
يمان : اسر عرف ؟
سارة : لأ .. ومش هقولوا
يمان : انا كمان بقترح كدة لانه متوتر اوي اليومين دول
سارة : ايوة مش هقولوا اكيد
( بعد شوية ، جوة night club كبير ، تركن عربية Jaguar F-TYPE سودة وينزل منها ماليك وراسلين لابسين سواريه ، يبصلهم الي واقفين ف الطابور ويتنحوا من جمالهم ، يدخلوا بين الناس الي واقفة ف الطابور ، يبص ماليك ل الحارس ، يتوتر ويفتحله الحبل ، يبتسم ماليك ويحط ايده ف وسط راسلين ويدخل بيها ويقضوا السهرة جوة ، عند سارة ، قاعدة مع اسر )
اسر : يعني محصلش حاجة ؟!
سارة : لأ انا بس لما النور اطفى خفت يحصل حاجة ف صرخت
اسر : وجسمك ؟!
سارة : ماله ؟!
اسر : كنتي بتصرخي وتقولي جسمي !!!!!
سارة : ايوة م بقولك خفت يحصل حاجة 😕
اسر ب عدم اقتناع : امممم .. اوك 😒
سارة : صدقني دة الي حصل
اسر وهو بيحط ايده ع خدها : مصدقك .. المهم انك كويسة 👋
سارة وهي بتحط ايدها ع ايده : كويسة 😅
( تعدي الايام وتعزم هبة وسارة كل صحابهم ع عيد ميلاد اسر المفاجأة ، ف مسرح الكلية ، قاعد كذة شاب وبنت ع الكراسي وع المسرح سارة بتعزف ع الڤيولين 🎻 لحن هادئ ويريح الاعصاب جداً والباقي بيتفرج ومن ضمنهم قاعد اسر وهبة وسينا ، تخلص سارة ، يسقف الكل ، تحييهم سارة ب مرح )
ماليك : تؤ تؤ تؤ
( تتخض سارة ويبصله اسر )
ماليك : لحن ممل اوي 😬
( يقرب عليها ، لسة اسر هيتحرك )
سينا وهو بيمسك دراعه : اصبر هو ميقدرش يعمل حاجة وسط كل الناس دي 👋
( يقف اسر مكانه بس عيونه عليهم مراقبه ، يطلع ماليك ع المسرح ، تبعد سارة خطوتين عنه ، يقرب ياخد ڤيولين تانية 🎻 )
ماليك ل سارة : معايا 🙂
( يبدأ يعزف مقطوعة *الفصول الاربعة* ل فيفالدي وتدخل معاه سارة ، يبدأ زمايلهم يصوروهم من جمال الموسيقى واحترافيتهم فيها ، يبدأ لحن ماليك يتحول ل سرعة وعنف ع الڤيولين ودة يوتر سارة وتبصله ، اسر تحت ع اعصابه وف نفس الوقت خايف يقوم ب اي حركة وزمايلهم واقفين ، يغمض ماليك عيونه ويندمج اكتر ويبقا سريع جداً لدرجة يخلي اعجاب الناس يتحول ل استغراب وخوف ، اسر وسينا يبصوا لبعض ، يقرب عليها ماليك خطوة خطوة وهو بيعزف ومازال مغمض عيونه ، يفتح عيونه وتتحول ل اللون الاحمر ويبتسملها ، تتخض سارة وتبطل عزف ، وفجأة ، ينقطع اوتار الڤيولين ، يرميه ماليك ف الارض ، تتخض سارة والناس يبصوا لبعض ، لسة هيقرب عليها خطوة ، يلاقي فجأة اسر بينهم وبيزقه يتحدف بعيد ف اخر المسرح ، يتخضوا الناس )
سارة ب خوف : اسر الناس 😦
( يتوتر اسر ويبصلهم ، يقوم ماليك م الارض )
سينا وهو بيسقف : الله بجد ايه ي جدعان والله اندمجت 👏
( يسقف الباقي زي سينا ويصفروا مفكرينه عرض )
سينا : هتعرضوها امتى المسرحية ؟
سارة ب ارتباك : ااا قريب قريب 😅
سينا وهو بيسقف : عاش بجد 😊👏
( يبص اسر ل ماليك ، يبتسمله وينط من ع المسرح ويخرج ، يطلع سينا ع المسرح وتبدأ الناس تخرج )
سينا : كنت هتخرب الدنيا !!
اسر ب صوت واطي : كان هيهجم عليها اقف اتفرج ؟
سينا : كان بيستفزك ي غبي عشان عارف رد فعلك 🤷🏻♂️
سارة : ايوة صح 😕
سينا : فكر قبل م تقوم ب اي رد فعل وحط ف بالك ان سارة مش ضعيفة وتقدر تدافع عن نفسها كويس
( يتنهد اسر ب ضيق )
سارة ب ابتسامة : متخافش عليا 🙂
( يقرب عليها وياخدها ف حضنه ، تحضنه ب حب )
سارة : تعرف .. اياد وحشني 💔
اسر : وانا كمان 💔
( يقرب سينا عليهم ويحضنهم )
سينا : وانا كمان 🤗
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية توأم من الظلام)
