رواية وليدة قلبي (اطفت شعلة تمردها 2) الفصل الحادي والأربعون 41 بقلم دعاء أحمد
رواية وليدة قلبي (اطفت شعلة تمردها 2) الجزء الحادي والأربعون
رواية وليدة قلبي (اطفت شعلة تمردها 2) الفصل الحادي والأربعون
رواية وليدة قلبي (اطفت شعلة تمردها 2) الحلقة الحادية والأربعون
“تهانينا لكل قلب تحمل للنهاية لكي يكتمل عشقه، لكل قلب ابتسم رغم الحزن،
لتلك القلوب المتمردة التي روضها العشق..”
حاولت نور وضع الف حد و سور بينهما بعد ما فعله، لكن..
قلبها خائن و عقلها متمرد.
خضعت لخيانة قلبها و رضخت لمشاعرها
تلك الأنثى العاشقة بداخلها قادتها الي احضانه مجدداً….
و كيف لا؟! و هو عاد معتذراً نادماً…
احتضنت نور جسدها بيدها مستمعه لدقات قلبها المتسارعة،
مستسلمة لعاصفة الأفكار الهوجاء و ذلك الحنين القوي اليه.
هزت رأسها برفض و ضيق مغمغمة لنفسها بحدة:
-لا ما انا مش شغالة عندك يا باسل علشان تقول بكرا كتب الكتاب،
لا و كمان تبقى خطفني لا و المصيبة انا بابا وافق…. بس ايه دا يا ولا
يلهوي عليك، عليك واحدة يا شبح بتجيب اجلي.
ضحكت بخفة و هي تمرر اناملها على شفتيها برقة الشعور بالتخبط القوي، الحب، العناد، لكن قلبها رضخ له
احتضنت وسادتها بقوة و هي تدفن وجهها بالوسادة، اخذت نفس عميق بهيام قبل أن تغمض بنيتيها تغوص بنوم عميق، هامسه بحب:
-يارب انا مش عايزة وجع تاني، أنا بحبه…
في صباح اليوم التالي
انبعثت اشعة الشمس الي غرفتها من تلك الشرفة الصغيرة عبر الستائر الناعم التي ترفرف أثر حركة الهواء.
استيقظت نور على صوت الضوضاء الصادرة من زحام الشارع بالأسفل و هي تفرك في شعرها و يدها على فمها بنعاس و نوم
تبدو في حالة مزرية لا تبدو كعروس ابدا و شعرها يتناثر حول وجهها بشكل فوضوي، و وجهها عابس نائم….
دلفت الى الحمام لتأخذ حمام دافء تريح اعصابها المشدودة من مقابلته فهي أخبرته انها لا ترغب بحفل زفاف بل الأمر سيكون كتب الكتاب بمنزلها ثم خروجهما معا لأي مكان، و ذهبها معه إلى منزله.
مر بعض الوقت و هي تشعر بالهدوء حولها لتذهب لغرفة اشقائها لكن وجدتها فارغة و كذلك غرفة والدها…
رددت بداخلها بارتياب و شك:
-راحو فين بدري كدا، هو انا المفروض هعمل ايه دلوقتي، اعتقد لازم انضف البيت و اسيقه، مع اني و الله مكسلة لازم يحلف يعني ان كتب الكتاب النهاردة… جاتك الارف
لوت شفتيها في آخر جملتها باشمئزاز واضح و كأنها مجبورة
على الزواج منه،
و كأن بداخلها لا تشعر بالسعادة رغم تلك الغمرة التي شعرت بها
و كأنه أعاد لها روحها من مجرد لمسته ليديها و احتضانه لروحها،
لكن ذلك الخوف الذي ترعرع
بداخلها جعلها تشعر ان وجود الشئ مثل عدمه، لذلك لا تسطيع إظهار مشاعرها.
وضعت دلو الماء الساخن بجانب الاريكة ثم وضعت بعض مساحيق التنظيف المعطرة
كادت ان تحمل ذلك المفرش القديم الا ان رنين جرس الباب جعلها
تستقيم واضعه الحجاب فوق راسها باحكام قائلة بصوت عالي نسبياً:
-مين؟
ردت زينب بمرح من الناحية الاخري:
-أنا زوبا يا عروسة…
فتحت نور الباب بوجة مستنفر :
-عروسة ايه جاتك نيلة، وحشتيني اوي على فكرة…
ابتسمت زينب وهي تدلف لداخل المنزل قائلة بخبث واضح:
-دا بجد و انا اللي فكرت العريس اخدك مننا و مش هنشوفك تاني” فغرت شفتيها في آخر جملتها بصدمة لتوجه بصرها نحو نور الواقفة خلفها تضع
يديها على خصرها تنظر لها بسخط من جملتها تلك….
تحدث زينب بذهول قائلة:
-هو انتي هبلة يا نور، المفروض ان النهاردة كتب كتابك و بتسيقي البيت لسه، دا انا قلت يمكن يكون عندها دم و بتظبط شكلها، يا عيني عليك يا باسل، هتنصدم
ردت نور بهدوء و كبرياء :
-هو المفروض يعني اعمل ايه اتحزم و ارقص،
ثانيا أنا زي القمر في كل حالتي…
ابتسمت زينب بسعادة وهي تقترب منها محتضنه اياها:
-نور ممكن اقولك كلمتين بصراحة من غير زعل.
_طب وعهد الله انا ما بعرف ازعل منك يا زينب لان انتي الوحيدة اللي متأكدة ان قلبها ابيض و بتخافي عليا رغم ان أنا أكبر منك.. احم احم بتلات سنين…
ردت زينب ساخرة باشمئزاز :
-بس عقلك صغير، تعالي بقى نقعد لان في كلمتين محشورين في زوري لازم نتكلم فيهم
جلست علي أقرب اريكة لها لتقول نور بتوتر؛
-كلمتين ايه بقى؟
-شوفي يا نور انتي دلوقتي خالص وصلتي مع باسل لآخر الحكاية، شوفتي فيه الغرور و البرود و الطيبة و عرفتي الأسباب اللي حلتي كدا، سفرتوا و رجعتوا، اطلقتوا و دلوقتي هتتجوزوا تاني، بس المزة دي مختلفة المرة دي بتاعتك انتي و هو…
المرة دي يا نور لازم تفكري فيها بجد، باسل راجع ليك و عايزك بجد واضح من طريقته ان المرة دي متمسك بيك بس برضو متنسيش ان واحد زي دا كان متجوز قبل تلات مرات يعني شاف الدلع كله…
شحب وجة نور و كأن الدماء سحبت منه متحدثة بتوتر:
-انتي بتوتريني كدا علب فكرة يا زينب، يعني اعمل ايه؟
ردت زينب ببساطة و هي تربت على كتفها باهتمام؛
-حبيه يا نور، باسل لو لقى الحب الحقيقي عمره ما هيفرط فيه انا متأكدة من دا، لأنه عاش طول عمره
محروم من الحب و العيلة، و انتى مش زي اي واحدة قابلها لو كنتي زيهم كان هيطلقك بدون لحظة تردد و مش هيفكر يرجع لك..
بس اهم من الحب يا نور لازم تحترميه، و بلاش الوش الخشب دا يفضل كتير
يعني لازم يحس انك مهتمه بوجودة و لازم انتي كمان تفرحي،
بلاش تخافي يا نور علشان خاطري و افرحي و فرحي قلبك،
أنتي تستاهلي كل خير و الله العظيم، تستاهلي تفرحي قلبك، أظهري مشاعرك
و خليك دايما عارفة ان ربنا كبير و حنين اوي يا نور…. الف مبروك يا حبيبي
ابتسمت نور بسعادة و كأنها كانت تنتظر اخد ليشعل بداخلها وهيج السعادة لتقول من بين تلك الضحكة الخافتة:
-زينب أنا بحبك اوي بجد اوي ربنا يخلينا لبعض. بس ايه يا عم العقل و الحب دا كلة
دا صالح بية شكله علم على قلبك بالجامد اوي…
ابتسمت زينب بخجل قائلة بحماس :
-الحب في الحلال بينور القلوب و العقول يا نور…. و بعدين ايوة معلم على قلبي و روحي لانه حبيبي انا و ابو أولادي
ردت نور بغمزة شقية :
-يسهلوا….
ردت زينب بسرعة :
-صحيح داليد زمانها على وصول.
عقدت نور ما بين حاجبيه قائلة :
-مين داليد؟ …
ردت زينب بحماس و هي تزيل حجابها و تفك ربطة شعرها لينسدل على ظهرها برقة :
-داليد دي تبقي بنت خالي محمود تعرفي هي كمان طيبة اوي أصغر مني بسنة بس مرحة و طيبة بجد امبارح كنا بنتكلم و حكيتها عنك و ان النهاردة كتب كتابك فهي قالت إنها لازم تحضر و كمان اللي عرفته انها شاطرة جدا في المكياج و هتخليك زي القمر…. تعالي نشغل اغاني ….
قامت بتشغيل الاغاني لتقول بحماس:
-ادخلي انتي بقى ظبطي نفسك ابوكي كدا كدا مش هيجي دلوقتي هتيلي بجامة من عندك ياله ورايا شغل كتير.
رفعت نور حاجبها الأيسر بشك:
-وانتي ايه عرفك أن بابا هيتاخر برا
ابتسمت زينب و هي تمسك الدلو لتبدا بالتنظيف و هي تردد كلمات الأغنية الشعبية لتقول بدلال انثوي يعشقه شخص ما….
-لما يجي هتعرفي متشغليش بالك… ياله يا نور
ابتسمت بسعادة طفولية غريبة شاعرة باهتمام كل من حولها لتقول :
-حاضر ثواني هجيبلك بجامة، هو فين الولاد يا زينب؟
ردت زينب و هي تقف على الكرسي تُلمع زجاج الشباك:
-مع ماما حياء و عمتي صفا امبارح
هي امبارح جيت و باتت معانا ، الصراحة عمتي
دي كمان قمر اوي و ماما حياء لما عرفت انه كتب كتابك النهاردة قالتلي لازم اكون معاكي
و الاولاد معاهم
و انا نزلتهم ليها و رضعتهم قبل ما اجي و أطمئنت انهم ناموا
لان طول الليل صاحين و انا وصالح كنا قاعدين جانبهم مناموش غير الفجر..
عارفة يا نور الولاد بجد نعمة من ربنا رغم اي تعب و اي سهر
و صالح ربنا يحفظه لينا دايماً معانا، أنا كنت خايفة اوي معرفش اربي التلاتة لكن و الله وجود العيلة فرق معايا اوي
عمي جلال الصراحه هو كمان ابويا بجد و هو كمان بيساعدني،
يعني مثالا بيقولي المفروض اعمل ايه و معملش ايه
و ازاي المفروض اتعامل معهم لما يكبروا..
و ماما حياء دايما معايا و كلهم بيحبوا الولاد
حتى يوسف و إيمان و حبيبة مرات على دايما بتكلمي في الموبيل تطمني عليهم…
الناس لما يكونوا ونس لبعض الدنيا بتكون حلوة يا نور.. و جبر الخواطر حلو اوي
و انا
عشت عمري في ناس كتير بتجرح فيا ”
التمعت عينيها بالدموع لكن تلك المرة بالفرحة و هي تنزل عن الكرسي و تقف أمام نور قائلة بانتصار و عشق بادي في عيناها:
_الناس اللي جرحوا في قلبي علموني ان العوض و الصبر نهايته حلوة اوي
انا دلوقتي لقيت ابويا و امي و لقيت ليا خالي محمود و خالتي مريم و عمي جلال و ماما حياء
و عندي ابويا منصور و انتي معايا و معايا داليد و الأهم معايا صالح و اولادي
الجبر بعد الصبر هو السعادة اللي بجد
و انتي كمان صبرتي كتير يانور علشان اخواتك و ابوكي و ربنا هيجبر بخاطرك انتي و باسل و هتفرحوا اوي كمان صدقيني..
احتضنتها نور بعيون باكية و سعادة داخلية ابتعدت زينب تمسح دموع نور بيديها قائلة:
-خلينا نفرح بقى وصلنا لنهاية الوجع و خالص هنفرح…
أومأت لها نور في نفس الوقت صدح رنين جرس الباب لتتجة نور تفتحه لتجد أمامها فتاة تبدو في بداية العشرينات
جميلة المظهر، ذات ابتسامة رائعة و عيون سوداء حالكة…
سألت داليد بهدوء قائلة:
-نور؟
اومات لها الأخرى لتقول بحماس:
-داليد الدمنهوري… انا بنت خال ملك
ابتسمت نور قائلة:
-اه هي جوا اتفضلي…
دلفت الى الصالون و هي تحمل حقيبة يد متوسطة تبدو على شكل مكعب و كأنها ليست حقيبة يد!….
ابتسمت زينب قائلة بحماس:
-كويس انك وصلتي، الأستاذة فاكرة النهاردة واقفة العيد و بتنضف البيت، قوليلها حاجة لان هتشل
خلعت داليد حجابها لتضعه جانبا قائلة باهتمام شديد:
-لا طبعا مينفعش و انا اصلا جايبة كل حاجة معايا هظبطك،
على فكرة انا شاطرة جدا في الميكب و صدقيني انتي بشرتك جميلة بس لازم نعمل ماسك و انتي كمان يا ملك… و لا اقولك يا زوبا….
ردت زينب بحب اخوي:
-قولي يا ملك الاسم دا بحبه، بس انا هخلص الليلة دي و احصلكم على جوا…
ابتسمت داليد و هي تقترب من نور لتضع يدها على خصر نور :
-ياله بينا…
وافقتها نور و هي تتجه معها نحو غرفتها
بعد مرور عدة ساعات
في غرفة نور…..
نهضت من مكانها بعد ان انهت داليد مهمة تزيين وجهها وإنهاء
كوي شعرها البني، زاد جمالوجهها مع الوان الزينة الرقيقة….
اخرجتها داليد اجمل مما توقعت ….
نظرت نور لهيئتها في المرآه مع جمال وجهها
واناقة تسريحتها لتقول بسعادة:
-مكنتش متخيلة اني هكون جميلة كدا، حاسة اني احلى من يوم الفرح. انتي بجد شاطرة اوي
رفعت داليد راسها بفخر و هي تهندم ثيابها بطفولية:
-شكرا شكرا يا جماعة دا حاجة بسيطة من موهبتي، ها قوليلي فين فستان كتب الكتاب خليني بقى الف لك الطرحة….
ردت نور بجدية:
-في الدولاب، هو فستان عادي لان انا الصراحة مكنتش حابة انزل اشتري و الموضوع كله ساعتين و هيخلص…
نظرت داليد لزينب بسخط قائلة:
-صاحبتك دي محسسني انه يوم عادي لا فكي كدا يا قمر النهاردة فرحك فاهمة يعني العروسة للعريس….
ردت زينب قائلة بجدية:
-والله العظيم كنت عاملة حسابي، علشان كدا الفستان جاهز ثواني بس البسي حجابك يا داليد…
ضيقت نور المسافة بين حاجبيها بشك
خرجت من الغرفة لتمر بضع لحظات قبل أن تدلف مرة أخرى برفقة سالم والد نور وهو يحمل بين يديه ذالك الثوب الأبيض مغلف بطريقة منظمة و صحيحة
أبتسم سالم قائلا بحب:
-تفتكري هخليك تحضري كتب كتابك باي فستان كدا لا طبعا، انتي اميرتي يا نور
كادت ان تبكي من فرط السعادة و هي تقترب منه محتضنه اياه بقوة قائلة :
-وانت حبيبي يا بابا و اللي العظيم…
غمزت زينب لداليد قائلة بهمس:
-كنت متفقة مع عمي سالم نشتري الفستان دا سوا و هو اللي اختاره ليها ذوقه حلو اوي…
ردت داليد باعجاب واضح قائلة بحب :
-فعلا رقيق جدا…
________________________
بعد ساعتين
كان يجلس على الاريكة في الصالون بحلة أنيق سوداء منهدم الشكل وقد حلق لحيته فبات أكثر جاذبية مع بشرته الخمرية الرجولية ومصفف شعره الأشقر
بجمالا يلفت الأنظار…….
توجهت عسليتان عيناه المشتعله بالفطرة حينما ابصرها تخرج من الغرفة بحرص متأبطه ذراع والدها كانت جميلة اليوم بشكلاً عجز عن وصفه….
يبدو وكأنها قد اتقنت في انتقاء ثوب عقد قرانهما فكان ثوب أبيض سادة حريري رقيق طويل يتدلى ذيله من الخلف
برقة باكمام شفافه رقيقه وعند المعصم مطرزة بورود بيضاء من الدانتيل…..حجابها الأبيض الناعم يبدو في غاية النعومة
ذلك اللؤلؤ البراق الذي يزين الحجاب يبدو لامعاً لاجلها
وقد وضعت كذلك زينة العروس الناعمة التي زادتها جمالا
لا يعرف كيف لكن هذه الالوان كانت مختلفه وجميلة عليها لكن مختلفة، ككل شيءٍ بها، فاليوم مختلف
وحتى ما سيحدث الآن سياخذ منحنى مختلف في علاقتهما،
فكم حلم بهذا اليوم منذ أن طلقها تمنى العودة لها قلبا و قالبا، تمنى ان تعود له بقلبها
ولم يتوقع قط ان يكن أجمل من المتوقع بمراحل……….
رفعت نور عينيها البنيتان عليه وكانا بريق الحب يشع منهم، جعل باسل يبتسم لها وعيناه تناديها
ان تقترب اكثر فقد تعب من الانتظار والصبر
و كأنه ابتعد لسنوات و الآن يريد أن يروي عطش قلبه
وصلت إليه لتقف بالقرب منه اعطه والدها يدها
حتى يذهبا على الطاولة الممتدة ليتم عقد القرآن
فالماذون ينتظر هناك…..
مسك باسل يداها الإثنين ونظر لعينيها يتأملها عن قرب وهي فعلت المثل ولكنها عقبت بتسرع غريب و حب ها قد بدأ بالظهور
_هو احنا بجد هنكتب الكتاب يا باسل، انا حسى ان هيغمى عليا من الفرحة……..”
ضحك باسل دون صوت واوما براسه قائلاً:
-لا ابوس ايدك امسكي نفسك لحد مانكتب الكتاب انا ماصدقت ابوكي رضي عني ووافق من تاني دا كان هيقيم عليا الحد و يطردني من بيتكم لما قولتله اني عايز اردك و نعمل كتب كتاب من جديد”
توهجت فرحتها في عينيها وقالت بعدم تصديق من شدة الفرحة…….
– بنات الناس مش لعبة يا استاذ بس حقيقي النهاردة أجمل يوم في عمري و كفاية وجود البنات معايا ……”
تنهد باسل هامساً بحب وهو يتكأ على يداها
بحنان…….
-مش لوحدك انا حاسس اني بتولد من جديد على ايدك يا شبح
سحبت نور يدها ووضعتها على جبهتها وهي تشعر بعدما اتزان قدميها على الأرض……
“لا مش مصدقه انا دايخه، انا دايخه اوي يا باسل اسندني….
مسك معصمها بقوة هاتفاً باللهفة…
-نور انتي كويسه؟ نور………”
نظرت اليه بدهشة قائلة بعدم تصديق ……
-هو احنا بجد هنكتب الكتاب؟ ……..
رد باسل بتردد وقلق عليها…….
-على حسب ممكن يتأجل لو اغمى عليكي فعلاً…
“لا ياغمى عليا إيه أنا تمام، انا كويسه أوي….
اعتدلت في وقفتها سريعاً وهي تحاول التماسك قدر المستطاع امامه وامام الجميع
وكأن قلبها لم يعد يتحمل اكثر معترفة بحرارة ……..
أخرج باسل زفرة حارة وهو ينظر اليها بشوق
-انا اللي مش كويس والله……..
نظرة اليه بلهفة سائلة ببراءة….
-سلامتك عندك إيه……..
هز راسه بنفي وهو ينظر للطاولة خلفهما…..
-ولا حاجة، يلا بينا لحسان الناس قعده مستنيانا……..”
مرت لحظات أخرى
عند الطاولة المستطيله بقلب منزلها
جلس الجميع لحضور عقد القرآن…..
قد حضر بعض اقارب العروس المقربين جداً والأصدقاء….. وكذلك حضر والدي باسل و أخته زينة
واصدقاؤه المقربين و أيضا صالح و على برفقة زوجته حبيبة التي تجلس بجواره متأنقه بثوب سهره رائع مع حجابها الرقيق….كانت جواره ملتزمه
بالصمت وعلى شفتيها ابتسامة سعيدة لأجل العرسان……
كان حفلة صغيرة جدا لكن مميزة و هادئة
أقترب صالح من زينب و الذي كان ملفت للانظار اليوم كعادته بحلته الرصاصية الداكنة اسفلها قميص ابيض، مصفف شعره باناقة و على ثغره ابتسامة تجعلها أسيرة لنظرته تلك
اعتقل خصرها مقربا اياها منه قائلا بحب؛
-وحشتني اوي على فكرة…
رفعت راسها تنظر له و تلك البسمة الواسعة تزين وجهها :
-وانت كمان اوي، هما الولاد كويسين، اكيد جاعوا بص هنمشي دلوقتي، أنا والله معرفتش امشي خالص بالنهار و كان في حاجات كتير….
قاطعها صوته قائلا بجدية:
-متقلقيش عليهم ماما جهزتلهم الرضعة و أكلوا و بعدين عمتك مسبتهمش لحظة متقلقيش
اكتفت بابتسامة رغم خوفها.. هي أم و الأم لا يهدأ قلبها الا عندم تطمئن بنفسها على أطفالها….
……………………………………
وضع باسل يديه بيدي والدها و بدا الماذون بعقد القرآن بينما تجلس نور بجوار نيرة التي ابتسمت بسعادة لرؤية تلك اللهفة في عين إبنها الوحيد
مؤخر تحول تمام لم يكن كذلك كان باردا جدا و تلك الفاتنة هي من اذابت جليد قلبه
ليقع أسير و اي أسير هو؟
هو أسير كبريائها، أسير عيناه و أسير رونقها الخاص التي امتازت به عن أي فتاة اخر
و الأهم من كل هذا انه أسير عشقها……
هبطت عليهما المباركات من الجميع
بعد كتب الكتاب في غرفة نور
رفعت نور عينيها المشعه بسعادة إليه….
فوجدته ينظر إليها نظرة غريبة……قاتمة تجتاحه مشاعر عديدة لا تفقها منها شيء لكن الوصف الدقيق بنسبة لها…..
انه جائع ويراها وجبة جيدة ودسمه ستوفي بالغرض…..
-ليه البصة دي يا بأسل؟ …….
سألته بتردد فنظر من حولهما فقد سمح والدها لهم بالجلوس في غرفتها قليلاً قبل مغادرتها معه…….
نهض باسل من مكانه وأقترب منها
بلعت نور ريقها بتوجس وسالته بارتباك……
“انت كويس؟ ……..”
-لا يا نور مش كويس، من يوم ما سيبتك و انا مش كويس.
سألته بتوتر و براءة فنبرته كانت متحشرجة أثر اختلاط مشاعره
والتي حان الوقت للاعتراف بها، إلى متى سيرتدي قناع ليس له، عليه خلعه الي الأبد فقط لاجلهما …
-مالك انت دايخ انت كمان؟ الفرحة بدوخ،
انا كمان حسى نفسي دماغي بتلف…..من الفرحه…انا مبسوطه أوي يا باسل، مبسوطه أني معاك … ”
مسك يدها الموضوعه على وجنته وقربها من شفتيه وطبع قبلة طويله بطيئة عليها قائلاً باشتياق……
-وانا كمان يا نوري يا اغلى نور في الدنيا، مش مصدق انك بقيتي مراتي، و اسف و الله العظيم اسف على كل اللي فات، فرحان اوي ياحبيبتي….. ”
خفق قلبها بجنون وسألته باللهفة….
– انت بتحبني يا باسل………”
مد يده ولامس وجنتها الناعمة مؤكداً
بقلب مدله بحبها…..
– بعشقك ياقلب باسل……..”
اغمضت عينيها بضعف وهي تشعر بانفاسه الساخنة الممزوجة برائحته المميزة تقترب منها تلفح
صفحة وجهها بقوة بلعت ريقها بتوتر حينما
وجدته يحجز وجهها بيده ثم
شعرت بشفتيه تلامس بشرتها الناعمة
قد طبع قبلة رقيقه على وجنتها طابعا عدة قبلات على وجهها
وهو
يضمها بين ذراعيه أكثر شاعر بها تستجيب اخيرا لقربه و كم يريد مستجيب مرحب بها
اكثر مما ظن…..
سمع صوت ياتي من خارج غرفة الصالون
فضرب جرس الانذار داخله وابتعد عنها بصعوبة ناظراً عند الباب فلم يجد أحد تنهد بارتياح وهو ينظر إليها…..
ليجدها عينيها متوسعه بعدم تصديق وجهها أحمر من شدة الخجل والصدمة مما حدث اما شفتيها فكانت منتفخة وحمراء اثار هجومه عليها…..و قد أفسد حمرة شفتيها
أخرج المنديل من جيبه ونهض من مكانه وتلك المرة جثى على ركبتيه أرضا أمامها……ثم بدأ في المسح حول شفتيها قائلاً باعتذار حاني……
-انا آسف يا نور، انا مكانش قصدي اخوفك يعني، بس مقدرتش، انا….”
توقف عن الحديث عندما وجدها تلقي نفسها في احضانه بصمت مبهم، اشعره بالقلق وشعر بقلبه يقع أرضا لذا ضمها اكثر وهو يسألها بتوتر
-انتي كويسه، خوفتي مني صح…..انا مكنتش اقصد انا اسف مش هيتكرر تاني، بس متخافيش.
همست نور بضياع في احضانه و كأنها تجربها
لأول مرة معه
_باسل لو بتحبني بجد اوعي تيجي عليا في يوم، انا بحبك و خايفة اندم على حبي لك، صدقني مش هقدر استحمل، حتى لو انا دايما متمسكة ادامك فأنا دايما هبقي محتاجة لحضنك فبلاش انت كمان تيجي عليا…
رفع راسها بحنية و حب هامسا بضياع هو الاخر:
-انتي وطني يا نور فاهمة، يعني حضنك هو بيتي و حضني دايما هيكون ليك لوحدك لأنك الوحيدة اللي هزت فيا كل حاجة، و الله العظيم انا بحبك اوي، و نفسي اكون معاكي بيتي مليان حب و دف بس سبيني و اديلي فرصة لو سمحتي ممكن…
مسحت دموعها قائلة بسعادة :
-بحبك….
همس بابتسامة ضارية :
-وانا بعشقك
انتهى حفل كتب الكتاب و ذهبت معه نحو منزلهما بعد أن وعدت ابيها و اشقائها
…. منزلهما!! تلك الكلمة و ذلك الجمع يجعلها تشعر بأنها ملكة متفردة بقلبه
……………………………………….
في منزل آل الشهاوي
صعدت زينب الدرج بلهفة و القلق ينهش بقلبها انها الفطرة و غريزة الامومة المتحكمة بها فلا لوم عليها
دلفت الى شقة جلال
بعد أن فتحت حياء لها الباب قائلة بابتسامه :
-ازايك يا زوبا؟
ردت عليها باحترام و ود :
-الحمدلله انا بخير يا ماما، اومال هما الولاد فين اوعي تقولي ناموا..
ابتسمت حياء برفق قائلة بحب :
-جوا مع جلال… تعالي اومال فين صالح
ردت زينب بهدوء حاني:
-بيركن العربية….
دلفت الى الصالون لكن هدات من روعها و هي ترى ذلك المشهد الجميل
حيث كان جلال يحمل بيلا و حياء بين ذراعيه و هو يغمغم ببعض الكلمات الغير مسموعة و لم تكن الا بعض الأيات القرآنية الذي يرددها دائما على مسامعم احفاده
بصوت خافض يكاد يصل لمسامعهم حتى أن كانوا لا يفقهون شئ إلا أنها تبعث السكينة بصوته الخاشع
بينما كان يونس ذلك الصغير نائم برفق و نعومة على الاريكة.
ابتسمت زينب بارتياح قائلة بحب:
-تعبوك يا بابا…
ابتسم جلال بسعادة و هو ينظر نحو حياء المبتسمة برقة :
-بالعكس يا زوبا، دول فكروني بأيام زمان، لما صالح و إيمان كانوا عيال بس سبحان الله اعز من الولد ولد الولد….. عمتك لسة ماشية من شوية… و ابوكي اتصل اطمن عليكم و انا طمنتهم
ردت زينب بهدوء في وقت دخول صالح من باب الشقة:
-طب كويس ان حضرتك كلمتهم لان موبيلي فصل شحن، ممكن اخدهم؟
رد جلال بجدية قائلا:
-اكيد و بعدين بيلا شكلها جعانة، بس الصبح عايز اشوفهم قبل ما انزل الوكالة هطلع أصبح عليكم.
رد صالح بهدوء و حب :
-هبقي اجيبهم لحضرتك يا بابا، بلاش تتعب نفس و احنا كدا كدا هننزل الوكالة سوا لان احتمال اسافر السويس في حاجات في حلقة السمك و لازم انزل اتفق عليها….
سألته بالهفة بالغة و براءة:
-هتتاخر؟! بس انا هخاف اقعد من غيرك
ادراكت ما تفوهت به لتخفض بصرها بحرج و خجل بينما ابتسم جلال مغمغما برفق:
-يالة يا صالح خد مراتك و أولادك و اطلع شقتك.
اوما له و هو ياخذ الصغيرتان بينما أعطت حياء يونس لزينب قائلة بخبث مرح:
-خلي الدلع لجوزك لما تكونوا لوحدكم يا هبلة….
عضت على شفتيها بخجل واضح و لم تستطيع الرد عليها بكلمة واحدة و هي تغادر معه.
أبتسم جلال وهو يحاوط خصرها قائلا بحب:
-تعرفي الولاد حلوين اوي مع بعض ربنا يحفظهم يا حياء…..
وضعت راسها على كتفه قائلة باهتمام:
-يارب يا جلال يارب…..
في شقة صالح
وضعت الأطفال على الفراش باهتمام قائلة باعتذار:
-والله حقكم عليا عارفة انكم جعانين، هغير بس و اجيلكم.
خلع صالح سترة حلته ملقيا اياها على الكرسي ليجلس على الفراش يخلع حذاءه ثم نظر لاطفال محدثا اياهم برفق:
-عارفين رغم اني مبقتش عارف اتلم على امكم من ساعة ما جيتوا للدنيا بس كله يهون لأجل عيونكم…. عارف يا يونس
أنا حاطط فيك أملي لما تكبر تكوني ضهري و تخاف على اخواتك،
و لما اموت تحضن أمك و تشوفني فيك يا يونس،
عارف أنا ساعات كتير بقول يارب طول في عمري لحد ما اشوفك راجل يعتمد عليه، بس أمانة عليك اخواتك البنات و أمك في رقبتك ليوم الدين.
كانت تراقب حديثه ذلك بعد أن بدلت ثيابها بحزن بالغ
و لا اراديا انسابت دموعها بشدة
ما سر ذكر الموت الان؟ هل يفرح بانفطار قلبها و بكائه
رفع رأسه لكن فجأته محتضنه اياه بقوة حتى كادت ان تختفي بين ذراعيه
و كأنها ضلع ثاني له، اخذ يربت يربت على ظهرها بحنان متمتم بلهفة:
-مالك يا زينب؟
لم تستطع التحدث و شهقاتها تتعالى مجرد تخيل انها تفقد تجعلها تتشبث به اكثر ذلك الشعور مؤلم
مرت دقائق و تعالي صوت بكاء طفلتهما و كأنها فهمت ما حدث
غمغم صالح بجدية حانية قائلا:
-زينب كفاية عياط الولاد هيعيطوا هما كمان علشان خاطري اهدي…. ”
زمجرت بحدة و قسوة قائلة:
-لو سبتني في يوم صدقني يا صالح مش هسامحك انت فاهم حتى لو اللي هيبعدنا هو الموت برضو مش هسامحك.
رد الاخر بمرح ماكر:
-و اهون عليكِ اموت و انا شايل ذنبك…
ابتعدت عنه قائلة بصوت عالي نسبياً افزع الصغار:
-و اهون عليك تسيبني أموت بالبطي، صالح أنت قلت اني بنت قلبك صح بس اللي متعرفهوش انك اغلى عندي من روحي، أنا عيشت عمري تايهه بين البشر و الله العظيم ملقتش الاحتواء الا في حضنك ملقتش الأمان الا معاك بلاش
تخوفني عليك انتي فاهم، أنا عندي استعداد اسامحك حتى لو قت”لتني بس أنك تسيبني مش هقدر اسامحك.
ابتسم و كأن كلمتها بلسم لروحه المتعطشة لعشقها:
-زوبا انا بحبك، الكلمة دي عهد و وعد مني ليك و لو ربنا اذن يوم و اخد روحي اعرفي اني لسه على عهدي، فاهمة و بعدين انا عارف انك هتسامحيني ماشي و بعدين أنا بكلم ابني عادي كنت بس بوصيه على اخواته زي ما ابويا وصاني على امي و اختي و الأعمار بيد الله وحده.
ردت بحدة معنفة اياه.
-بس برضو متقولش كدا انت فاهم؟
-خالص خالص يا ستي متزعليش حقك عليا بطلي عياط بقى…
مسحت دموعها قائلة بهدوء:
-حرام عليك بجد توجع قلبي يا صالح، خليت حياء تعيط….. انت هتسافر بكرا؟
اوما لها بجدية قائلة:
-متقلقيش مشوار لسويس هتفق على شوية حاجات ناقصة عندنا و لو عليا هرجع على بليل متقلقيش.
-لا لو عليا هقولك لو اتاخرت خليك هنا و ابقى اركب الصبح علشان خاطري يا صالح، أنا بخاف لما تسوق العربية بليل. علشان خاطري
أبتسم طابعا قبلة أعلى راسها قائلة بحنان:
-هدخل اغير هدومي، و انتي متشغليش بالك أنا بعرف اسوق بليل عادي و ياستي اوعدك لو اتاخرت هفضل هناك و اجي الصبح المهم تخلي بالك من الولاد.
اومات لها و هي تحمل حياء برفق لتطعمها.
_______________________
في صباح اليوم التالي. في منزل باسل
استيقظ باسل بتثاقل و نوم ليجدها تتوسد صدره محتضنا اياها.
في عينيها البنية كان يرى لمعة مجنونة
من الخجل من كل ما يحدث بينهما و ماكانوا يتقعوا حدوثوا
ارتفعت الحواجز بينهما فأصبح لها زوجا أمام الله
كيف بدأت القصة واين انتهت؟!…
لا تصدق صدقاً لم تستوعب بعد أنها تزوجت ممن تحب، انها حظت بالحب الأول اجل هو حبها الاول فقد حفظت قلبها لسنوات لأجله هو فقط….
تنهدت بنعومة وهي تشعر به يداعب خصلات شعرها
الناعمة طابع قبلات حانية على وجنتيها
همست بخجل وهي تحاول الإبتعاد
عنه قليلاً
_صباح الخير……..”
قربها لاحضانه أكثر و اجابه مردد تحية الصباح بشهية مفتوحة وبال رائق
-صباح الفل والورد والياسمين…..على أجمل شبح في الدنيا…”
مع كل كلمة يعانق شفتيها بقبلة مشاكسة
زفرت بخجل وارتباك وهي تشعر انها تحت حصار فكان يميل عليها نائم على جانبه ساند ذراعه فوق رأسها…….
فحاولت تشتيت عقلها من هذا القرب
فهي حتى الان لم تعتاد على كل هذا معه ولم تستوعب بعد انها تزوجت منه بالأمس.
تنحنحت وهي تسأله بتوتر..
-هو…. هو انت صاحي من بدري………”
رد وعيناه لا تحيد عنها…..
-من عشر دقايق كده بس ايه الجمال دا…..”
ازدردت ريقها سالته بارتباك.
-و كنت بتعمل إيه…….”
رد بعيون وقحة متسلية وهو يلوي شفتيه
في إبتسامة الثعالب…..
-بتفرج…….”
“بتتفرج على اي بظبط…….”
شدة غطاء الفراش لأخر عنقها بحركة مفاجئه اضحكته بقوة…
اغتاظت من ضحكاته و احمرة وجنتيها قائلة
بتزمر طفولي…
-بطل ضحك، انت أصلا قليل الأدب…..”
أشار على نفسه ببراءة……
-انا؟ يا نور و لا انتي اللي بتلفتي نظري لحاجات مش في دماغي أصلاً………”
اهتزت حدقتيها وقالت بتردد…….
-يسلام انا اللي بلفت نظرك و لا انت اللي متربتش اصلا يا قليل الادب
و بعدين مانت اللي قولت بتفرج، عايزني افهم إيه………”
رد بصوتٍ عابث يدفع للشك به أكثر
-تفهمي اني رومانسي وقعد اتاملك ياروحي ..
سالته نور بحاجب مرفوع ببراءة…
-ليه يعني…….”
تنهد بحرارة قائلاً…
-مش مصدق ان احنا اتجوزنا الصراحة و مش صدق انك بقيت معايا من تاني ……”
ردت بحدة تغلفها الخجل
-لا صدق، لأن انا قاعدة على قلبك ماشي و بطل حركاتك دي لو سمحت…….”
رد باسل بحماس قائلا :
-طب اية هنفضل نايمين كتير، أنا هقوم اجهز الشنط و هنطلع على الغردقة، هنعيش احلى اسبوع سوا يا نوري، اصل الصراحة لسه في كلام كتير عايز اقولهولك.
انهي جملته الخبيثة بغمزة شقية لتضربه بخفة قائلة:
-وقح….
………………………………………………………
في منزل يوسف.
نهض ببطئ من فوق الفراش دون اصدار اي صوت متجها نحو المطبخ.
حرك رقبته في الجهتين قائلا بثقة:
-چو…. هتبقى اب…”ضحك بخفة وهو يتجة نحو الثلاجة ليخرج بعض الأشياء منها
بدا في إعداد طعام الإفطار بدقة و حرص فكلما تذكر انها تحمل قطعة منهما بداخلها يشعر و كأنه طفل صغير، يود لو يأتي بالعالم كله لأجلها.
الأمر لا يتعلق بالطفل فقط بل يتعلق بها هي، ذلك الطفل منها هي حبيبة عمره و فاتنة روحه تلك المرأه الناعمة الخجولة صاحبت أجمل ابتسامة رآها
انهي تحضير الفطار بعد مدة لكن توقف فجأة وهو يخرج هاتفه متحدثا مع والدته (الهام) فهو كعادته يتحدث معها يوميا في الهاتف و أخته( نيران) للاطمئنان عليهما،
أبتسم يوسف وهو يجلس على كرسي السفرة قائلا بمرح:
-صباح الكل يا ست الكل اخبارك ايه يا ماما؟
ردت الهام برفق و سعادة:
-بخير يا حبيب قلبي طول ما انت بخير، ها عامل ايه مع مراتك و هب أخبارها ايه
رد يوسف بحنان قائلا:
-بخير الحمد لله، صحيح في حاجة مهمة لازم تعرفيها، أنا اشتريت شقة جانب شقتي الباب في الباب و انتي هتيجي تقعدي معانا.
ردت الهام بجدية حانية قائلة:
-بس يا يوسف انا مرتاحة هنا و بعدين انت لسه راجع من سفر انت و مراتك و مراتك حامل يا حبيبي يعني لازم توفر فلوسك بكرا هتحتاج الفلوس دي.
اخذ يوسف نفس عميق قائلا بلهفة :
-بس انا عايزك تكوني معايا يا أمي، كفاية انك رفضتي تسافري معايا و خالص انا هفضل هنا في مصر على طول و مش هرجع لندن تاني و انا عايز احس بحضنك، أنا عايزك معايا يا أمي، عارفة زمان لما ابويا مات حسيت ان ضهري انكسر
رغم ان الناس كانوا بيقولوا انه كان شاب طايش
و ق”تل الراجل اللي أوي امه و رغم دخول ابويا السجن و حتى لو كان وحش لكنه ابويا و وجعي على موته كسرني،
و للأسف جيه جواز حضرتك و كمل على جوايا، يمكن علشان كدا سبت مصر من غير ما افكر، أنا مش بحسبك
و الله العظيم انا بس خايف يا ماما، خايف يجي يوم و ابني او بنتي يبعدوا عني و ينسوا اني ابويا
و الدنيا علمتني انه كله سلف و دين و انا مش عايز تبعدي تاني عني لان والله العظيم محتاج حضنك اوي، انتي امي حتى لو مرات عمي ربتني و كبرتني فأنا دايما هبقي محتاجك انتي.
تحدثت الهام بدموع و حزن:
-حقك عليا يا يوسف انت و نيران دفعتوا تمن شري انا و أيوب الله يرحمه بس انا، أنا اسفة
ابتسم يوسف بمرح قائلا :
متعتذريش يا أمي ياله هعدي عليك بعد الشغل و هتيجي معايا ، في حفظ الله
ردت الهام بلهفة:
-في حفظ الله يا حبيبي….
خرج من المطبخ و هو يحمل صنية الطعام قائلا بصوت عالي نسبيا:
-ايمان، ايمان ياله قومي
فتحت عينيها بتثاقل قائلة بنعاس؛
-في ايه يا يوسف، سبني انام شوية.
جلش جوارها قائلا بحنان:
-طب قومي نفطر سوا و ارجعي نامي، يعني ميرضكيش اروح الشغل من غير ما اكل
نهضت بكسل قائلة:
-ليه عملت انت الفطار كنت صحيني..
لم يستطيع الرد و هو يضحك بخفة.
نظرت له فكان شعرها مشعث حولها بفوضوية و أسفل عيونها باهت
ليقول اخيرا :
-يالة يا ايمان ناكل دا انتي هتنامي و احنا قاعدين سوا….
________________________
بعد مرور اسبوعين
كانت الأمور هادئة جدا
صالح برفقة زوجته و ابناءه
على يعمل في مصنعه الخاص و حبيبة تتابع دراستها في كلية الحقوق
سافر باسل برفقة نور الي الغرفة
قام يوسف بشراء المنزل المجاور له لأجل والدته التي حاولت التقرب من ايمان و الاعتناء بها، لتشعر حياء بالارتياح عندم علمت بذلك فقد كانت تشعر بالتوجس و القلق نحوها
اما بيلا و عمر فقد اختفا تمام بعد حفل زفافهم و سافر الي الخارج ليقضا وقتها دون ازعاج احد لهم
في منزل آل الشهاوي
كان جلال يقوم بتعبئة حقائب السفر، وضع ثيابه بعناية و حرص و هو يختار الملابس الشتوية الثقيلة،
دلفت حياء الي الغرفة ناظرة له بدهشة مما يفعل، اقتربت منه و هي تنظر للحقيبة قائلة:
-جلال انت بتعمل ايه؟ هو انت مسافر؟
استدار لها قائلا بمراوغة ذكورية :
-مسافرين، الطيارة كمان خمس ساعات ياله تعالي بينا، جهزي شنطتك.
فغرت شفتيها من شدة الصدمة و بندقيتان عيناه اللامعة تتابعه و هو يتجة نحو خزانة الثياب ليخرج منها ملابسه..
سألته مرة أخرى بتوجس و شك:
-جلال هو انت قلت ايه؟ مين مسافرين معليش…. انا مش هسافر في حتة و بعدين انا مش هسيب ايمان دلوقتي خالص اوكي
رفع رأسه مصوبا نظره، ظهرت ابتسامته الخبيثة واضعا يده في جيب بنطاله الأسود و هو يقترب منها بتمهل و خبث حتى وقف أمامها، انحني قليلا ليهمس بنبرة خافته :
-هتجهزي شنطتك بالتي هي أحسن و لا تحبي اقفل الباب و اكتب عليه ممنوع الازعاج و كل اللي يعدي دماغه تاخده للمكان اللي يريحهم….
توسعت عيناها قائلة بصراخ :
-انت بتهددني يا ابن الشهاوي
هز كتفه مداعيا البراءة و هو يتجة نحو المرآه :
-أنا برضو اهددك يا حبيبتي، و بعدين فين التهديد في كلامي.
زفرت حياء بحرارة و غضب قائلة:
-ما انت اللي بتقول هتقفل باب الشقة و تحط….. “صمتت لتتابع بضيق:
-هنتزفت نسافر فين….
أبتسم قائلا ببرود خارجي:
-هاتي الباسبور بتاعتك وجهزي شنطتك يا حياء، ياله…..
ربعت يديها أمام صدرها برفض و ظلت تنظر له و هو يكمل بلامبالة
زفرت بحدة و هي تتجة نحو الحمام.. ثم عادت بعد لحظات لتقوم بتجهيز حقائب السفر.. حتى مر اكثر من ساعة و نصف و قد انهت من تجهيز كل شي….
و دون وداع او اي كلمة خرج الاثنان من منزل الشهاوي متجهين نحو المطار
في المطار
جلست حياء على ذلك المقعد و قد انفجر الغضب بداخلها:
-ممكن اعرف ازاي تعمل كدا يا جلال، طب على الاقل كنا نقول للولاد لكن فجأة كدا نمشي لا و الله العظيم في حاجة غلط
-حياء هو انتي مبتزهقيش من الكلام و لا القاعدة مع شهد خليتك رغاية، بس بقى زهقتيني من ساعة من خرجنا من البيت و هو نفس السؤال ياستي و الله العظيم انا قلت لصالح و إيمان اننا مسافرين اسكتي بقى….
لوا شفتيها من ناحية واحدة دليل على عدم رضاها ليتابع جلال بجدية و وقار:
-حياء اظبطي الحجاب يا حبيبتي…
رفعت بصرها لتجده يقترب و هو يضبط حجابها قائلا:
-ياله بينا…
اتجهت معه نحو بوابة الصعود رقم…. للطائرة المتجهة الي فرنسا.
جلست في مقعدها جواره و هو تتأكد من حزام الأمان حوالها بعناية قائلة بحيرة:
-اشمعني فرنسا….
-لما نوصل هتعرفي….
تباطات ذراعه و هي تستند على كتفه قائلة:
-ماشي لما تبقى نوصل ابقى صارحيني لان عايزه انام
اغمضت عيناها دون انتظار رده ليبتسم وهو ينزل قليلا على الكرسي حتى يصبح في مستواها لكي لا تولمها رقبتها…
مرت عدة ساعات في الطائرة حتى وصلا لوجهتهما
هبطت الطائرة في مطار باريس
ليهبط الركاب و تتم الإجراءات القانونية مر حوالي ساعة و نصف حتى خرج من المطار
توقفت سيارة خارج المطار ليقوم جلال بفتح الباب لها قائلا بجدية:
-من غير أسئلة اتفضلي اركبي…
عضت حياء على شفتيها من شدة الغيظ و هي تصعد للسيارة ليصعد هو الاخر بجوارها قائلا للسائق و الذي يبدو انهم على معرفة وطيدة ببعض و كأنه عربي :
-اتحرك يا موسي……..
أومأ له بالموافقة وهو يدير محرك السيارة مغادرا المكان في طريق طويل خارج باريس حيث مدينة تروا
كان الطريق طويل و الوقت متأخر من الليل جعلها تغفى على كتفه دون ادراك منها
نظر جلال للطريق من زجاج السيارة حيث يتساقط الثلج في تلك الأجواء الشتوية.
عانق كتفها بذراعه جاذبا ايها بقوة نحوه
مرت نصف ساعة أخرى
حتى توقف السائق أمام منزل يبدو قديم مظلم حالك
ترجل من السيارة ببطئ حتى لا يزعجها، ثم قام بحملها متوجها لداخل ذلك المنزل بينما كان موسى يفتح له الباب ليدخل جلال صاعداً على السلالم حتى يصل للدور الثاني
وضعها في الفراش لتتطلق همهمات ناعسةو هي تتقلب على الفراش، ابتسم وهو يجذب الغطاء عليها و انامله تمتد لخمارها الأزرق يقوم بفكه واضعا اياه جانبا
تأكد من انغماسها في نوم عميق ليخرج من الغرفة مغلقا الباب خلفه.
نزل مرة أخرى ليجد موسى يضع الحقائب في بهو المنزل قائلا بجدية:
-تؤمرني بحاجة تانية يا باشا، بشمهندس احمد طلب مني افضل مع حضرتك لو احتاجت اي حاجة، و بيقولك البيت لو محتاج اي تعديل هو موجود رن عليه بس….
أضاء جلال الانوار وهو يتفحص المنزل بعناية قائلا وهو يقف امامه مرة أخرى :
-لا يا موسي تسلم مش محتاج حاجة، خد دا حسابك..
وضع ظرف في يديه ليحاول موسى رده برفض:
-انت بتقول ايه يا جلال بيه، مفيش بينا الكلام دا، و بعدين فلوس ايه خيرك سابق
تمتم جلال قائلا بصرامة:
-دا حسابك يا موسى، و ياله بقى متتعبش قلبي ربنا يرزقك
ابتسم موسى و هو ياخذ منه الأموال قائلا:
-ربنا يزيدك يا حج و يعمر بيتك….
آمن جلال على حديثه في حين غادر الاخر
اخذ يسير في ارجاء المنزل ناظرا لكل ركن فيه، منزل بسيط جدا، ريفي الي حد كبير،
به الكثير من الصور الخاصة
بحياء و والدتها شغف الحسيني قبل سنوات كثيرة
وقف ينظر من الشرفة الي تلك المزرعة الصغيرة أمام المنزل متذكراً حديثها الدائم فيما مضي
عن والدتها و تلك المزرعة و الحمل الصغير التي اتطلقت عليه اسم بيلو و ذلك المدعو الخواجة اندرية
متذكراً لمعة الشغف في عيناه حين تتحدث عن حياتها في فرنسا و جامعتها و اصدقائها كل شي
دلف لداخل الصالون جلس على الاريكة مستند بظهره مريح راسه للخلف حتى غفا
و بدأت الذكريات تراود عقله
اسوء الذكريات مختلطة باجملها و كيف مرت السنوات و ترعرع العشق بينهما
لطالما تمنى ان يحيى في أسرة دافئة لطالما وجدها حين رأي حياء تلك الحبيبة الغالية
في صباح اليوم التالي
فتحت حياء عيناها و هي تتقلب في الفراش بانزعاج
جلست على الفراش و مازالت عينيها شلة مفتوحتان قائلة بنوم:
-جلال…
بدأت ان تفيق و تستوعب انها تنام بمفردها في تلك الغرفة…..
نهضت و هي تنظر لكل ركن حولها بدقة لكن شعرت بألم حاد في قلبها تشعر وكانها….
و كأنها عادت بالرمان للوراء عدة سنوات، تلك الغرفة تشبة غرفة والدتها القديمة…
نظرت بجوارها لتجد صورتها برفقة أمها موضوعة على اخد ارفف المكتبة الصغيرة في احد الزوايا.
بلعت حياء ما بحلقها بينما تجمعت الدموع في مقلتيها و هي تلتقط تلك الصورة التي تظهر فيها كم المشاعر الجميلة بينها وبين شغف فقد كانت تحتضنها مقبلة وجنتها و الابتسامة تزين ثغرها.
اتجهت نحو شرفة المنزل و مازالت تحتضن صورة والدتها بقوة،
بيدان مرتجفتان فتحت ذلك الباب أمامها، اخذت نفس عميق و هي تنظر للمراعي الخضراء فهي منطقة ريفيه يغطيها القليل من الثلوج
لكن تبدو في غاية الجمال، انسابت دموعها دون انتباه تشعر و كأنها بحلم أخذها للماضي حيث كانت تلك الفتاة المشاكسة التي تقضي كامل وقتها برفقة والدتها
لطالما كانت أمها هي صديقتها و حبيبتها الوحيدة بينما كانت حياء هي معجزة شغف
جاءت شغف قبل سنوات طويلة جدا الي ذلك المكان برفقة طفلتها حياء، جاءت وحيدة و مكسورة من الحب، حبها لشريف كان يولمها حقا..
لم يكن لديها اي شخص سوي أبنتها المدللة حياء فكانت لها معجزة، معجزة جعلتها تتمسك بالحياة لأجلها فقط…
هبطت دموع حياء و هي تخرج من الغرفة و تهبط السلالم و حقا تشعر بأنه حلم
هي مؤمنة الان انها حقا بداخل حلمها حيث تعود لها ذكرياتها الي كل ركن في منزلها
حيث
في ذلك الركن تقف تمزح مع والدتها و في تلك الزاوية يتعالي صراخها بينما تسرق الطعام من المطبخ و خلفها شغف تصرخ بها
خرج جلال من المطبخ و هو يحمل بين يده فنجان قهوة صنعه لنفسه بعد أن استيقظ قبل ربع ساعة تقريباً
ظل ينظر لها بصمت بينما تنساب دموعها هل حقا هي بالواقع الان و أمامه.
ابتسم جلال قاطعا الصمت:
-ايه رايك في المف…….
لم يكمل جملته في حين ركضت اليه بقوة لتندس بين ذراعيه منتحبه بشهقات عالية
-دا مش حلم فعلا…. انا في بيت أمي صح.. انت اللي عملت كدا.
ابتسم وهو يضع ذلك الكوب على الرخام الأبيض بجواره مشددا من احتضانها قائلا؛
-حسيت انها وحشاكي اوي و ملقتش طريقة تانية غير دي، البيت حصل فيه تعديلات كتير بعد ما بعتوه لكن انا اشتريته من كم سنة و قررت ارجعه زي الاول و انتي ورتيني كل ركن في البيت كان عامل ازاي بالصور القديمة اللي معاكي، جايز حاجات كتير اتغيرت بس يمكن الذكريات لسه موجودة في قلبك يا حياء.
_ليه عملت كدا كان ممكن تعدي الموضوع عادي، ليه جيتني تاني لحد هنا.
ابتسم رافعا اصبعه مشيرا نحو قلبها قائلا:
-علشان دا، دا بقاله مدة طويلة زعلان، اوعي تكوني فاكرة اني مش فاهم انك مشتاقة لوالدتك، أنا كمان يا حياء امي و ابويا وحشوني اوي و كمان جمال و أيوب بس الفرق ان كل دول لما بيحشوني بلقى ذكرياتنا في نفس المكان اللي انا فيه،
إنما انتي ذكرياتك كلها هنا،و بعدين انا عمري ما خرجت من مصر فقررت نغير جو و لو لمرة…..
صحيح مش ناوية تفرجيني على المدينة بيقولوا ان تروا فيها أماكن حلوة جدا.
و انا ياستي واخد شهر كامل اجازة احنا بقالنا كتير اوي مروحناش اي مكان مختلف.
ردت بحماس غريب و سعادة:
-طبعا هفرجك على كل مكان موجود هنا بس اكيد في حاجات كتير اتغيرت، جلال شكرا، شكرا لان بجد حياتي و طفولتي و ايام المراهقة و الكلية و كل ايامي مع امي كانت هنا…
ابتسم مقبلا أعلى راسها قائلا:
-كل ما يوحشوكي غمضي عيونك و حطي ايديك على قلبك وقتها مش هتحتاجي تسافري لأي مكان لأنهم موجودين في قلبك يا حياء
-وانت ساكن جواه يا جلال…. ربنا يحفظك ليا لو ليا أمنية واحدة في الدنيا هتمني ان ربنا يجمعنا على خير دنيا و آخره ….
زفر بحرارة قائلا بهدوء حاني:
-ان شاء الله خير…… إن شاء الله
مرت الايام و الشهور
و جميع أبطالنا يجمع بينهما الود و الحب
________
بعد مرور سنة و نصف
في منزل عمر
وقفت بيلا أمام المرأة تعدل من وضع حجابها الأزرق الناعم حيث كانت تبدو في غاية الرقي و الأناقة،
وضعت الدبوس الاخير في حجابها لتبتسم بسعادة و هي تصفق
بكفيها و شعور السعادة يغمرها بقوة
دلفت زينب الي الغرفة بسرعة و حماس و هي تفتح الباب مسرعة
:ماااما…
انتفضت بيلا بذعر و هي تستدير نحوها قائلة بخوف:
-في ايه يا زينب؟ حد يخض حد كدا.
دلفت زينب الي الغرفة و هي ترفع شعرها ذيل حصان بطريقة فوضوية قائلة بخفوت:
-بابا اتصل و بيقول مش لازم نتأخر الساعة ستة هيعدي علينا ياخدنا
جلست بيلا على الفراش بتوتر قائلة بخفوت :
-أنا متوترة، فكرة اني المفروض هبقي في أول معرض ليا و في صحفين و في كمان الناس هيبقوا كتير، خايفة اوي
جلست زينب جوازها و هي تبتسم بسعادة:
-ماما على فكرة انتي شاطرة اوي اوي كمان، و كل التحف اللي هتقدميها في المعرض رقيقة شبهك
و مميزة لانها معموله بحب من جواكي يا حبيبتي و دا الأهم، انتي قدمتي فيها كل حاجة حلوة لازم تثقي في نفسك متنسيش انك بيلا سالم الدمنهوري بنت سالم الدمنهوري يعني زي ما حكيت ليا الثقة بالنفس مبداك، ثانيا بقى احنا كلنا معاكي
انا و داليد و نور و ماما حياء كمان هتيجي و صالح و بابا و كل اللي بيحبوا هيكونوا موجودين يعني كلنا في ضهرك
ابتسمت بيلا و اخذت نفس عميق ببطئ مريحة اعصابها المشدودة قائلة بجدية؛
-و ان شاء الله خير
-بالظبط كدا، ان شاء الله خير يا حبيبتي، ياله انا هروح للولاد علشان سايبهم مع داليد صالح هيخلص شغل و يجيلنا على هنا… ياله اجهزي…..
خرجت من الغرفة و اغلقت الباب خلفها، سمعت رنين هاتفها لتخرجه من جيب بنطالها المنزلي، ابتسمت وهي ترى اسمه
كان يجلس على مكتبه في الوكالة يتابع العمال و هم ينقلون القماش الي داخل الوكالة ليقول بابتسامة عاشقة:
-وحشتيني….
ردت بدلال و تغنج من الجهة الأخرى مغمغمه:
-وأنت كمان، وحشتني اوي صحيح بابا هيكون هنا الساعة سبعة و هياخدنا فأنت هتكون موجود و لا اروح معه؟
نهض عن كرسيه واضعا يديه في جيب بنطاله قائلا بجدية:
-لا استنوني انا مش هتاخر ستة و ربع هكون عندكم. الولاد عاملين ايه؟
جلست زينب علي الارض بجوار داليد التي غمزت لها بشقاوة لتضحك الأخرى بخفة قائلة:
-بخير الحمد لله
رددت حياء التي كانت تحبي نحو زينب :
-آبا، آبا
ابتسمت زينب وهي تحتضنها قائلة بسعادة:
-حياء عايزة تكلمك يا سيدي
اتسعت ابتسامتها في حين أمسكت الصغيرة الهاتف مغمغمه ببعض الكلمات الغير المفهومة.
ضحك صالح بخفة قائلا :
-و انتي كمان وحشاني اوي اوي اوي، مش هتاخر
ضحكت حياء بطريقة طفولية و هي تترك زينب متجهها نحو يونس النائم، تحبي بتعثر أحيانا تقف و أحيانا تقع
عقدت زينب مابين حاجبيها قائلة:
-و انت ايش عرفك انها بتسأل انت هتيجي امتى…
رد صالح بثقة قائلا:
-دي حاجة بين و بين بنتي يا ماما حاجات كبار بس
-والله
رد صالح بابتسامة :
-والله
ضحكت بخفة قائلة:
-طب اقفل بقا لان مشغولة سلام….
بعد عدة ساعات
دلفت بيلا برفقة عمر و صالح و زينب و داليد الي داخل المعرض
مرت دقائق و كان هناك الكثير من الأشخاص متوافدين للداخل يتفحصون تلك القطع الخزفية المصنوعة بمهارة و جودة عالية
و هناك أيضا بعض الأشخاص من الصحافة
كانت بيلا تتحدث مع امرأه متحدثة عن مهارتها في العمل لتقول المرأه بحماس:
-بس يا مدام بيلا ازاي يبقى عند حضرتك موهبة كبيرة زي دي و تخفيها، صدقيني المعرض دا افضل خطوة اخدتيها لان عندك دقة عالية جدا في الشغل..
ابتسمت بيلا بلباقة فهي اليوم الأكثر أناقة و رقي بثوبها الأزرق الطويل و حجابها الفضي و الأهم ثقتها بنفسها :
-حضرتك انا بقالي كتير بعيدة عن المجال دا و من سنة واحدة قدرت ارجع له و الفضل يرجع لعيلتي و دعمهم ليا…
ابتسمت المرأة قائلة بفخر:
-و انا متأكدة ان حضرتك هتقدرى تنجحي جدا لأن شغلك بيقول ان جواكي لمسات رقيقة جدا قادرة تحطيها في شغلك و ان شاء الله دا مش آخر معرض هحضره لحضرتك، أنا اسمي نرمين محسن صحفية في مجلة…..و صدقيني لازم اكتب عن حضرتك ممكن نحدد معاد نعمل فيه مقابلة دا لو وقتك يسمح طبعا…
ردت بيلا بجدية :
-ان شاء الله يا مدام نرمين و دا شرف ليا
_يبقى هسيب رقمي لحضرتك وقت ما تحبي انا موجودة و مرة تانية اتشرفت بمعرفتك
-الشرف ليا….
ما ان غادرت نرمين حتي وجدت بيلا من يعانق خصرها بيده قائلا بابتسامة و هو يميل عليها مقبلا رأسها و هو يحمل على ذراعه حفيده يونس:
-الف مبروك يا بيلا، الف مبروك يا قلبي
ابتسمت بيلا بسعادة و هي تمسك بيديه قائلة بامتنان:
-شكرا لك انت يا عمر حقيقي انا عمري ما توقعت اني هبقي فرحانة اوي كدا شكرا لوجودك في حياتي، المعرض بينجح و انا مبسوطة اوي و الله العظيم اوي
رد عمر بغلاظة و خبث ماكر
:طب اسكتي بقى لان و الله العظيم هتخليني ابوسك وسط الناس دول كلهم
ضحك يونس بخفة و سعادة وهو لا يعي شي مما يحدث، نظر له عمر قائلا بفخر:
-و الله الواد دا هو اللي فهمني هات بوسة يا قمر انت
هزت بيلا راسها بتعب وهو تنظر له يدلل حفيده بقبلاته
ذلك الشقى يبدو وكأنه سيكون نسخة مميزة من جده لكن باصول والده و جده جلال الشهاوي…
أقترب منهم صالح بشك و ارتياب قائلا :
-و الله ما هيبوظه غير يا حمايا، ممكن تديني ابني لو سمحت
ابتسم عمر بلباقة وهو يجذب بيلا نحو و يحتضن يونس قائلا:
-صالح دا يبقى ابن بنتي اوكي، يعني انا أحق واحد بتربيته و بعدين انت تطول ان انا اربي ابنك يا حبيبي دا انا لما كنت في سنك كان كل البنات بتجري ورايا كدا بس نقول ايه بقا القلب
رد صالح بحدة و هو ياخذ ابنه :
-يا خويا هو انا نسيت اقولك انا عايز ابني يبقى محترم مش صايع زي ناس
زمجر عمر بحدة قائلا بعناد كما يفعل صالح:
-تقصد مين يالا؟ انت فاكر انك علشان جوز بنتي هسكتلك لا فوق يا بابا دا انا بكلمة مني ممكن اخليها تطلب الطلاق منك و اخدها هي و الولاد و ابقى قابلني لو شفتهم.
احتدت ملامح صالح قائلا بتحدي واضح وهو يقترب منه:
-و لا تقدر يا حمايا العزيز “ثم أقترب منه ليهمس بوقاحة قلما يتحدث بها لكنه يحبذا تلك الطريقة في التحدث مع عمر بالتحديد لثير غضبه
-اصل انا يا عمي معلم على قلبك بنتك و هي بتموت فيا و تفديني بروحها
ابتعدت بعدة خطوات للخلف و على ثغره ابتسامة خبيثة، عض عمر علي شفتيه من شدة الغيظ
عمر و صالح الاثنان و كأنهم قط و فأر
اقتربت نور و هي تحمل بيلا قائلة بهمس :
-صالح و ابوكي مش ناوين على خير و الله العظيم حاسة كدا انهم مش طابقين بعض و ناقص يطلقك منه بجد يلهوي يا زينب.
ضحكت زينب بسعادة فهي اعتادت على تلك المشاكسات بينهما:
-لا متقلقيش هما بس القط مبيحبش الا خناقه و هما الاتنين قط و فأر بس بابا لو مش واثق ان صالح يستاهل اني اكمل معه حياتي كان قام بالواجب من اول يوم.
ردت نور بحب قائلة:
-ربنا يسعدك يا زينب انتي تستاهلي كل خير
ابتسمت زينب بود قائلة:
-عاملة ايه انتي و باسل؟
أخفضت نور رأسها بخجل قائلة بسعادة:
-فرحانة اوي اوي يا زينب، زينب انا حامل في الشهر التاني
فغرت زينب شفتيها من الصدمة قائلة بتحذير :
-انتي حامل و مقولتليش…. لا انا زعلانة منك بجد
تنهدت نور وهي تستند براسها على رأس زينب:
-أنا لسه عارفة من يومين يا زينب و صدقيني انا لسه قايلة لبابا النهاردة الصبح و لما شفتك قلتلك على طول بس عارفة انا حاسة اني فرحانة اوي،
باسل لما عرف فرح اوي اوي يا زينب عمري ما كنت هحس اني فرحانة كدا بعيد عنه و كمان دلوقتي سيف دخل كلية هندسة و ربنا جبر بخاطره الحمد لله يا زينب ربنا جبر قلوبنا كلنا.
ابتسمت زينب بسعادة قائلة:
-الحمد لله و الف مبروك الف مليون مبروك و على فكرة البت داليد متقدملها عريس و خالي محمود وافق و واضح كدا انها بتحبه الظاهر كدا الفرح هيدق بابنا يا نور
ردت نور بحماس:
-يارب….
أقتربت صفا من الفتيات قائلة بسعادة:
-بترغوا في ايه؟
ابتسمت نور قائلة برفق:
-ولا حاجة كنا بنتكلم عن صالح و عمر الاتنين دول مش ناوين يجيبوها لبرا
-فعلا عندك حق الاتنين دول مش هيسكتوا ابدا ياله سبيهم، المهم انتي عاملة ايه مع جوزك يا نور
ردت نور بجدية قائلة:
-هو انتي تعرفي باسل؟
-طبعا باسل رجل أعمال شاطر و في الفترة الأخيرة محقق إنجازات كتير واضح ان في شخص بيدعمه و بعدين انا بشتغل مع عمر في المجموعة و عارفة مين رجال الأعمال اللي عمر بنفسه بعملهم حساب و باسل واحد منهم بس الفترة الأخيرة كانت مختلفة و اهتمامه بالشغل كان واضح جدا هو واخته زينه
ردت نور بجدية قائلة:
-الحمد لله انه بيهتم بشغله كمان و دا شرف ليا يا مدام صفا
ردت صفا بود قائلة وهي تقترب من زينب:
-بلاش الرسميات انا اسمي صفا على طول اعتبرني اختك الكبيرة او والدتك لو حابة
ابتسمت نور و اخذت نفس عميق بثقة قائلة:
-ان شاء الله…
في نفس التوقيت
دلف باسل الي داخل المعرض و هو يتالق في حلة سوداء مميزة و يبدو في غاية الأناقة مرت أعين الجميع عليه عادية الا تلك العيون التي وقع بها، كانت تتحدث برفقة صديقتها المقربة
اتجه نحو بيلا التي تتحدث عمر قائلا بلباقة:
-الف مبروك يا مدام بيلا
ردت بيلا بابتسامة :
-الله يبارك فيك يا بشمهندس، شرفتني
-الشرف ليا، اهلا يا عمر بيه
رد عمر بجدية قائلا بابتسامه :
-اهلا يا باسل بيه نورت المكان، بس تعرف ان جيه في وقته انا كنت هحدد معاك وقت نتقابل فيه
عقد باسل ما بين حاجبيه قائلا:
-أنا موجود في اي وقت بس حابب اعرف ليه؟
-شغل طبعا يا باسل، اسم العلايلي اسم مهم جدا و كذلك اسم الرشيد لو حصل بينهم شغل اكيد هيفرق معانا جدا و لا عندك مانع
رد باسل بحماس قائلا:
-لا طبعا شركة عالمية زي شركة الرشيد شرف ليا اني اشتغل معها بالعكس دي هتكون صفقة الموسم
ابتسم عمر و هو يمد يده مصافح اياه قائلا؛
-ان شاء الله و انا واثق فيك و انك ذكي
بادله باسل البسمة بسعادة قبل أن يغادر متوجها نحو نور التي تقف برفقة داليد
_مساء الخير
ابتسمت نور و داليد لتقول داليد :
-مساء الورد خالص يا نور على مكالمات بقي
اومات له نور ناظرة لباسل ليقول بصرامة :
-انتي مش هتبطلي العادة الزفت دي، هو انا مش قلتلك خليك و انا هاجي اخدك و نجي سوا و لا انتي بتموتي في العناد معايا
ردت بحماس و سعادة قائلة:
-و الله زينب هي اللي كلمتني و بعدين لقيت داليدة جيت البيت و اخدتني و جينا و بعدين انت قلت هتتاخر اعمل ايه. مكنش ينفع اسيب بيلا و زينب.
سالها باهتمام بالغ؛
-طب انتي كويسة و لا تحبي نمشي لو حاسة انك تعبانه ممكن نروح
ابتسمت وهي تمرر يديها بحنان على ذقنه قائلة:
-أنا كويسة يا حبيبي متقلقش عليا
طبع قبلة طويلة على جبينها بحنان قائلا:
-ماما و بابا عايزنا بكرا نقض اليوم معاهم
-اوكية بس المهم انت تفضي شوية من وقتك… لينا لان انت بتقضي وقت طول في الشغل
-معليش يا نور و الله الشغل الفترة دي كتير عليا و بعدين انا طلبت من زينة تاخد اجازة فترة علشان إبنها و جوزها
-عندك حق لازم تدي بيتها وقتها.
رد بوقاحة و خبث قائلا:
-طب ايه ما تدينا شوية من وقتك يا شبح
لكزته نور في كتفه بغضب قائلة:
-مش هتبطل قلة أدب عمرك يا باسل، يا خوفي تكون بتلعب بديلك من ورايا
ضحك بصخب قائلا بمراوغة ذكورية:
-لا يا عمري انا توبت عن الصنف كله الا انتي طبعا دي حتى تبقى قلة أدب مني و انا الصراحه بحب ادي كل حاجة حقها….
غمغمت بكلمات غير مسموعة و كأنها تسبه في سرها لكن شهقت بقوة و هو يضغط على خصرها
-احترمي نفسك سامعك…
وضعت يديها على فمها و هي تكظم غيظها بصعوبة….
_________________
في منزل يوسف، في منتصف الليل
كان يوسف يجلس بجوار ابنه آدم الذي يبلغ من العمر تسعة اشهر
بينما تنام ايمان بارهاق فهي منذ ولادته و هي تقضي وقتها بالكامل معه
و أصبح تواجده معها وحدهما امر مستحيل في وجود ابنه
فمجرد ان يقترب منه او يحاول مشاكستها يصدح بكاء الطفل
وضع يوسف يديه اشفل ذقنه قائلا بنبرة حزينة اشبة للبكاء :
-يا ابني هو حد مسلطك عليا، مبقتش عارف اتلم عليها و انت بقيت الكل في الكل، و الله شكلنا اتسارعنا في موضوع الخلفة دا، طب انت يعني بالع راديو مشغلها طول الوقت على العياط،
طب انا عايز انام ايه هتفضل تعيط كتير، امك تعبانه و انا عندي شغل الصبح
نظر للصغير بغيظ قائلا و كأنه يفهم ما يقوله:
-شكلك مش هترتاح الا لما اترفد و الله و ساعتها نبقى نشحت بيك.
ضحك بقلة حيلة و هو ينهض يحمل أدم بين يديه برفق و حنان بالغ قائلا:
-خالص يا حبيبي بقى حقك عليا بس بطل عياط، طب انت جعان مثالا شكلك جعان يالا، أمري لله ياله بينا هاكلك
بس و ربي لما تكبري، بقا انا يوسف الصاوى عيل زيك يعمل فيا كدا.
اتجها نحو المطبخ و هو يحمل الصغير بين ذراعيه
فتح الثلاجة ليخرج عبوة من الحليب، أشعل الموقد ليقوم بتدفئة القليل لأجله
لكن أصدر عدة أصوات أثناء ذلك لتستيقظ ايمان بانزعاج
دلفت الى المطبخ ليجده يجلس على كرسي السفرة يطعم ابنهما، ابتسمت بحنان و هي تراه يتحدث معه و كأنه شخص بالغ
_بتعمل ايه يا يوسف و ايه الصوت دا؟
رد بابتسامة خافتة قائلا:
-الاستاذ كان بيعيط و عايز ياكل قلت ادفي له لبن بس هو بسم الله ماشاء الله الشهية عنده مفتوحة…
ردت ايمان بضيق قائلة:
-بالهنا والشفا يا يوسف انت بتعد عليه اللي بياكله.
ضحك يوسف بسخرية قائلا:
-بعد عليه ايه يا هبلة دا ابني و بعدين يا ماما انا و هو في بينا أسرار كتير انتي متعرفيش عنها حاجة علشان كدا متتدخليش بينا و بعدين ايه اللي صحاكي
-المهم اني صحيت هاته و ادخل نام انت عندك شغل بدري
رديوسف بابتسامة حانية قائلا:
-يا ستي هو انا اشتكيت لك، ادخلي نامي انتي بقالك كتير بتسهري معه و بعدين طالما اكل هينام متقلقيش باله ادخلي نامي انتي لسه تعبانة.
اخذت نفس عميق قائلة بابتسامة :
-بس انا كويسة دلوقتي الحمدلله
-يبقى لازم ترتاحي ياله خلينا ننام و هو خالص سكت ياله يا حبيبي
__________________________
في اليوم التالي في قاعة المحكمة
جلس على يتابع حبيبة و هي تترافع عن أول قضية لها بعد أن تخرجت من كلية الحقوق دعمها الي ان وصلت إلى تلك المرحلة في حياتها و تخطي كل ما مضى
تخطت الكثير من الألم لتكمل معه حياتها
كانت كلما توترت تنظر له لتجده يبتسم و كأنه يشجعها على الاسترسال في مرفعتها
بعد أن انتهت الجلسة
ركضت نحوه لتقول بتسرع:
-نسيت حاجة؟
ابتسم على قائلا بجدية:
-لا يا حبيبتي كنتي كويسة جدا، و بعدين انتي قلقانة ليه، طول ما بتترفعي عن الحق يبقى اوعي تخافي فاهمة
أومأت له بجدية ليقول :
-بقولك ايه رايك اعزمك على طبق كشري و نقعد ناكل على البحر و ياستي بوشكاش بيضحي هعزمك على احلى طبق حلويات لحلويات حياتي
ردت حبيبة بسعادة قائلة:
-شكرا يا على لأنك معايا لحد النهاردة و لأنك سامحتني على كل اللي فات و لأنك رعيت ربنا فيا و عمرك ما عيرتني اني اذيتك و بعدت.
اخذ نفس قائلا بجدية:
-انسى اللي فات لان اللي فات كان مؤذي اوي يا حبيبة و الحمد لله وصلنا للنهاية واحنا سوا و كفاية انك دلوقتي بتحققي حلمك و ربنا كرمني و فتحت المصنع و كبر، الحمد لله يا حبيبة
سألت حبيبة بخبث قائلة:
-طب مش متضايق ان فات اكتر من سنتين من غير أطفال.
رد على ببساطة متمتم بهدوء :
-دي حاجة بأيد ربنا وقت ما يأذن هيحصل يا حبيبة و ان شاء الله اللي جاي هيكون خير
ردت نور بابتسامه و هي تمسك يده :
-طب لو قلتلك اني حامل و ان ربنا اذن يا علي
لم يستطيع التحدث و التمعت عيناه بالدموع و هو يحتضنها دون الالتفات لمن حوله، قالت من بين دموعها بسعادة:
-أنا عايزه يكون زيك في طيبة قلبك يا علي
غمغم على بهمس قائلا بلهفة :
-و انا عايز بنت لا مش بنت واحدة عايز اتنين يكونوا زيك، عايزه اعلمهم حاجات كتير و نكون معاهم سوا و نلعب كتير و نعوضهم سوا عن الحاجات اللي احنا اتحرمنا منها، و هنشتري لعب كتير و هي دخلوا مدارس كويسة و هنكون معاهم في كل حاجة
أومأت له بالايجاب و هي تمسح دموعها قائلة برفق:
-أنا بحبك اوي يا على
-و انا بموت فيكي يا قلبي و روح علي
اكتفت بتلك الابتسامة التي زينت وجهها و هي تحمد الله كثيرا على تلك البداية في قصتهم
_________________________
بعد شهرين (في شهر رمضان المبارك)
في ساحة منزل آل الشهاوي
كانت هناك مائدة كبيرة جدا في تلك الساحة الواسعة
الجميع يعملون على قدم و ساق بجدية مع اقتراب موعد الأذن
وضعت (عائشة) ابنة جمال الصنية على المائدة قائلة بصوت عالي نسبيا :
-زينب لو سمحتي هاتي العصير معاكي لان المغرب هياذن
خرجت حبيبة برفقة بيلا و نور و كل واحدة تحمل صنف معين من الطعام لتكتمل تلك السفرة باشهي الواجبات
سألت نور بجوع قائلة:
-هو فاضل كتير على المغرب انا جوعت
ردت حياء بصرامة قائلة:
-الصراحة انا كنت فاكراكي هتفطري يا نور انتي حامل على فكرة
ردت نور بجدية قائلة:
-و الله باسل اتخانق معايا علشان بصوم و بخلي الدوا بعد الفطار بيقول ان دا غلط بس و الله انا كويسة يا جماعة و لما بتعب بفطر
لوت شهد (اخت حياء) شفتيها قائلة بغيظ:
-على فكرة وشك اصفر و كدا هتتعبي
دلف الي المنزل
جلال برفقة عمر و منصور حيث كانا يتحدثان بمرح و قد نشات بينهم صداقة منذ فترة طويلة
و خلفهم صالح، باسل، على و يوسف
بعد أن قام جلال بدعوة الجميع للإفطار في منزل الشهاوي
رد جلال ملقياء السلام على الجميع لترد عليه الفتيات
جلس على السفرة و على جواره الشباب من ناحية في مقابلتهم زوجاتهم
ابتسم جلال قائلا برفق:
-عائشة منورة يا بنت الغالي
ابتسمت عائشة بحب قائلة:
-بنورك يا عمي
لاحت على محياه ابتسامة حزينة و هو يقرأ الفاتحة على روح صديقه
في نفس توقيت اذن المغرب
لتقول بيلا بود:
-ياله يا جماعة بسم الله
خرجت زينب من الداخل برفقة صالح وهم يتحدثون بسعادة مع أطفالهم
غمغمت حياء قائلة:
-ياله يا ولاد المغرب بياذن
نظر صالح لزوجته و أطفاله ثم همس بداخله بالحمد لله
كانت سفرة مليئة بالحب و الونس و الصداقة
الحب الذي جمع بين أبطالنا
شهر رمضان و تلك الروح المبهجة التي تنشر السلام في القلوب.
تمت
انتظروا حلقة خاصة قريبا
لقراءة الرواية كاملة اضغط على : (رواية وليدة قلبي (اطفت شعلة تمردها 2)
جميلة
تم
👍👍👍👍👍👍
روعه
حلوه جدا
جميله جدا
شكرا لك على الرواية الاكثر من رائعة، فعلا من أروع ما قرأت ❤️