رواية حين تقع في الحب الجزء الرابع الفصل السادس والعشرون 26 بقلم ندى علي
رواية حين تقع في الحب الجزء الرابع الجزء السادس والعشرون
رواية حين تقع في الحب الجزء الرابع البارت السادس والعشرون
رواية حين تقع في الحب الجزء الرابع الحلقة السادسة والعشرون
ندي كانت وقفه قدام المرايه بتلبس عبايه استقبال وبتحط ميكب بسيط وبترجع شعرها لورا وبتبص علي نفسها في المرايه
ندي في نفسها بسخريه :كنت متفقه معاه ان كل اللي عملته هيكون معاه هو كنت بقول هرقص معاه هو وهنام في حضنه هو النهارده انا هقابل اهل جوزي اللي هو عاصي فعلا الحياه دي صغيره اووي
عاصي دخل الاوضه وبص عليها كانت سرحانه بصلها بستغراب :سرحانه في ايه اووي كدا ؟
ندي بنتباه :نعم ولا حاجه انا اصلا خلصت يلا ننزل ليهم تحت
عاصي بص ليها بإعجاب:العبايه عملاكي شبه الملوك
ندي ببتسامه :شكرا
عاصي بص ليها بتركيز :متغيره ليه يا ندي في ايه اللي حصل ؟ ومتقوليش مش متغيره علشان باين عليكي وعلي صوتك ان في حاجه ؟
ندي بصت ليه : لو قولت ليك مفيش حاجه مش هتصدق بس بجد مفيش اي حاجه انا دخلت حياة جديده وغربيه عني وبحاول اتأقلم عليها مش اكتر
عاصي مسك ايدها :حياه غربيه ليه يا ندي ؟ مش عجبك الحياه معايا ؟
ندي بسرعه :لاء مش موضوع مش عجبني الحياه معاك موضوع ان انا متعودتش ابعد عن مامتي او اختي متعودتش ابقي بعيده عنهم ومش عرفه حاجه وكدا فاهم صح
عاصي بشك : هاتي فونك كدا يا ندي ؟
ندي بتوتر :اشمعنا عاوز فوني ليه يا عاصي ؟
عاصي :لاء عادي هشوف حاجه ممكن تجيبيه ليا لو سمحتي
ندي جابته من علي التسريحه واديتخ ليه :اتفضل
عاصي فتح الفون واول ما فتحه ظهرت رساله (اتجوزتي ليه يا ندي وانتي عرفه ان بحبك وبموت فيكي وعارف كمان انك بتحبيني وعارف انك متجوزه غصب بس لييه وفقتي لييه يا ندي تكسري قلبي اللي حبك علشان ايه علشان كلمت غيرك والاخر انا برجع ليكي اهو )
عاصي ببتسامه سخريه :بيقولك عارف انك متجوزه غصب وبيقولك انتي كسرتي قلبه ومسح الفون وبأعلي ايده علي الارض رزع
ندي بصت ليه بخوف :عاصي انا مردتش عليه ولا حتي كنت هرد بالعكس كنت هعمله بلوك ومش هرد والله العظيم
عاصي بغضب وسخريه :بجد كنتي هتعملي بلوك انتي شايفه منظرك وانا بقولك هاتي الفون شايفه منظرك من الصبح سرحانه والحمدالله سرحانه في كلام الباشا
ندي مسكت ايد عاصي بدموع :يا عاصي والله العظيم ما ليا اي كلام معاه خالص ومسحت دموعها واخدت الفون منه اعد هنا كدا يا عاصي
عاصي قعد علي السرير بقوه مسلوبه ووجع في قلبه
ندي مسكت الفون ورنت عليه :الو انا متصله بيك اقولك حاجه وحده انت ليك علاقه بيا
هو بضحك :ايه العريس شاف الشات ولا ايه ؟
ندي :لو سمحت رد علي كلامي انا ليا علاقه بيك ؟
هو بضحك :ما انا كنت لسه بعلقك علشان يبقي فيه اهو
عاصي شد الفون من ايدها بغضب :اسمع يا روح امك يا **** عليا النعمه من نعمة ربي لكون مبيتك في التربه ومحصر اهلك عليك ودا وعد مني وهجيبك لو في اخر العالم هجيبك باعت لمراتي ليه يا ***** انا هعلمك تحرم تفكر في اللي حلال تفكر فيه علشان هنسفك نسف
هو بخوف قفل الفون في وشه
عاصي رمي الفون علي السرير وحط ايده علي وشه بغضب :الواد دا اللي انتي حكتيلي عنه ؟
ندي بعياط:يا عاصي انا من يوم ما لبست دبلتك وانا عمري حتي مفكرت غير فيك مليش دعوه بحد غيرك انت جوزي ولو مكنتش عوزه اتجوزك مستحيل اخليك تقرب ليا يا عاصي
عاصي بص ليها بسخريه :وسرحانه في ايه من الصبح يا ندي اكيد مش سرحانه في حبنا ؟
ندي مسحت دموعها :مش سرحانه يا عاصي انا كنت بفكر في اللي حصل دلوقتي لو انت شوفت رساله زي دي هتفهم ايه ردة فعلك هتكون ايه وانت عارف ان انت بقيت الماضي والمستقبل يبقي ايه لازمة انك تشك فيااا
عاصي بصوت عالي :انا مش شااكك يا ندي انا صاحي 3 يوم جواز ليا والمفروض ان عريس صاحي لقي مراتي سرحانه مش بتتكلم وولا حتي بتوجهة كلام ليا انا كذا فكره جت لدماغي عملت ايه زعلها طيب ممكن تعبانه طيب في ايه والاخر الاقي واحد زي ابن ***** يقولها الكلام دا والنبي قوليلي اعمل ايه ؟
ندي حضنته بعياط :متعملش حاجه الفون بتاعي معاك خليه مش عوزاه ومش عوزاك تزعل وانا اسفه لو ضيقتك بحركة مني واسفه ان حطيتك في موقف وحش بس والله العظيم يا عاصي انا بحبك انت ومليش علاقه بأي حد في الحياه غيرك
عاصي :انا عوزه اعيش معاكي في جو هادي نعيش في حب وحياه حلوه مش عاوز اعيش في شك وغموش وزعل ونكد يا ندي سعديني في دا لو بتحبيني فعلا
ندي :هساعدك بس تقولي مش زعلان منك يا ندوش
عاصي :مش زعلان منك يا ندوش بس لو لقيت حاجه زي دي في فونك تاني ومن ابن *** متزعليش مني وانا هعديها المره دي بمزاجي
ندي بصت ليه ببرائه :انا جعانه اووي يا عاصي
عاصي ببتسامه مسك ايدها :تعالي يلا هننزل نفطر تحت ونزل بيها علي تحت ولكن جواه غيره تكفي انها تحرق مدينه كامله بس استهدي بصبر لأنه متأكد ان ندي مبقاش ليها علاقه بأي حد وكل اللي يهمها هو وبس
اسر بضحك :يا عريس يا عريس صباح الخير يا باشا
عاصي بضحك :صباح النور يا ابني ابعد من طريقي كدا عريس جديد انما انت لسه عازب
اسر بغيظ :تصدق بالله ان قلة الكلام معاك مصلحه يعني انا جي وبرحب بيك وانت مصمم تقفلني منك برضو
ندي بضحك :خلاص يا عاصي متعملش فيه حاجه مهما كان انت عريس انما هو زي ما قولت عازب خدو علي قد عقله
اسر بصدمه :يسوااادي انتو الاتنين زي بعض علي رأي المثل الحله لقت غطاها
نور اول ما شافت عاصي وندي وقفين برا بيهزرو مع اسر زغرطت
نور ببتسامه :صباح الخير بعرسانا نزلتو ليه كنا هنطلع الاكل ليكم
ندي راحت عندها وحضنتها :لاء القعده بقت منله فوق وبعدين احنا بقالنا يومين فوق ننزل شويه بقااا وبعدين انا جعاااانه يا بشر يا حماتي ابنك خسيني مش بيأكلني
نور وهي حضنه ندي :اخص عليك يا عاصي مبتأكلش البت ليه
عاصي بص ليهم بصدمه :يجدعان اهو هي قدرت تستعطفكم ازااي دا احنا نزلين علشان مفيش اي اكل فوق خااالص خلصت كله
ندي :كداااب انت كنت بتاكل معايا مين اللي واكل حمامه لوحده
عاصي :ومين اللي واكل الخمسه التانين لوحده
ندي بغرور :انا
عاصي :اهو يعني انا واكل وحده لكن انتي خمسه لوحدك
ندي :انت بتعد عليا الاكل لاااااء يبا كدا مش هنسلك سوا وديني عند امي يبااااا
نور بضحك :انتو الاتنين نسخه من بعض ادخلو تعالو ودخلو علي شقة نڤين
عاصي بستغراب :ابويا فين ومحمد وعمر
نور :نزلو يصلو الجمعه واكيد راحو علي القهوه
عاصي :طيب انا نازل ليهم دوشه عوزه حاجه
ندي بهمس وبتحرك شفايفها :اندومي وانت طالع شالله يسترك
عاصي بنفس الهمس:حاضر
نڤين :ياعاصي انت لسه عريس يا حبيبي هتنزل ليه
عاصي :الاه اومال هتحبس ما تقول كلمه ياعم اسر لناس دي
اسر :يلا ننزل يا جدع
عاصي حط ايده علي كتفه ونزلو بضحك :دي الكلمه اللي مستنيها اصلا يا كاااابير
نڤين حضنت ندي :عمله ايه يا عروستنا
ندي ببتسامه :الحمدالله بخير
نڤين ببتسامه :حلوه يعني
ندي :ايوا الحمدالله
نور :الواد عاصي زعلك عرفيني كدا وانا اسلخه
ندي بضحك :عنك بقااا الطلعه دي دا انا في الساخ مدرسه
نور بضحك :ربنا يهنيكم يا رب يا قلبي
ندي :يارب امال حبيبه فين
نور :حبيبه وفرحه في البلكونه ادخلي ليهم علي ما نخلص الفطار
ندي دخلت لقت البنات في البلكونه وهي بتغني بضحك :قالك تعيش هتشوف الندل والخاينين وانا شوفت ناس يازمن يتلبسو في الرجلين
حبيبه حضنتها بضحك وكملت :معدنها قش ودش مبدأها غدر وغش
فرحه بضحك وهي بطبل ليهم علي التسريحه :يبني الاصول معلش خليك من الصابرين ارقص يا عبسلام
حبيبه :عروستناااا عمله ايه
ندي :الحمدالله بخير
فرحه بغمزه :الجواز حلو يا ندوش التجربه حلوه ولا نسيبنا منها
ندي بتذمر :لو تقصدو قلة ادب هسيبكم واطلع شقتي بقاا
حبيبه وفرحه راحو حضنوها بضحك :بنهزر يا حبيبي المهم انك بخير
ندي ببرائه :انا هموووت جوع يعيااال
حبيبه :يلا تعالو نطلع ناكل
…………………..
علي القهوه
اسر وقف ليهم في الشارع :العريسسسس يا جدعااان
غسان بضحك راح حضنه :مبروووك يا باشا
عاصي :الله يبارك فيك
قاسم بضحك :نقول مبروك ولا نسكت
عاصي بغرور :قول مبروك يا قاسم اصل لو مقولتش هيجرالك حاجه
محمد حضنه :عليا الطلاق لسانك دا محتاج قطعه بس عسل مبروك يا كبير
عاصي بضحك :حبيبي يا غالي الله يبارك فيك
عمر :العريييس بتاعنا يا ناس مبروك يا باشا اعد اعد واحد شيشه هناااا يا مصبااااح
غسان وهو بيشرب القهوه :ايه اللي نزلك النهارده احنا كنا فقدين الامل انك تنزل الاسبوع دا اصلا
عاصي :هو الجواز حلو وكل حاجه بس القهده ممله فعلا يعني محبوس في الشقه وانا محبش كدا انا احب ابرتع في الدنيا ان جيت للحق
اسر بضحك :ما هو انت تنسي البرتعه علشان مراتك الله يصلح حالها مش سهله ولو شمت عليك حاجه هتدفنك عادي
الرجاله رفعو ايدهم :واحنا هنكون بريئين منك ليوم الدين
غسان :وانا مدخلش ليك في حوار ابدا علشان اكيد هتكون انت الغلطان ولو مش غلطان انت لازم تطلع غلطان من الاخر كدا
عاصي بيعطس:يخربيت كدا الواحد اخد برد اهوو بقاا انت حسدتوني انا كنت فل
اسر :كروناااا باينه عليك اهي وطلع فونه استني يااض لما نشوف اعراضها كدا حااسس بألم في الصِدر
عاصي بستغراب :صِدر ايه يلاااا انا معنديش الكلام دا
اسر خبطه في كتفه :الصَدر يا حماااار مش شرط دماغك تكون شمال علطول كدا المهم سعال
عاصي وهو بيكح :لا لا معنديش
غسان :مفيش ايييه انت بتطلع في الروح وتقول معنديش سعال
عاصي بص ليهم :ايوا معنديش انا ادري بحالتي معنديش سعال دا شويه كحه
قاسم بضحك :علي اساس الكحه دي نغمة فون وماهي دي السعال يحمااار
عاصي :في ايه يا ناس انتو حسستوني ان عندي مرض خطير مش كدا
عمر :تؤتؤ اسكتو يا بشر وسيبو الراجل هو عارف نفسه
مصباح :واحلي حجر شيشه لاحلي عريس في الدنيا
عاصي :تسلم يا غالي
محمد :بلاش تشرب اي دخان بقااا لانك شكلك داخل علي دور برد سليم
عاصي :الله يطمنك يا عم محمد انا علي كدا اطلع اشرب سحلب
عمر :والله الواحد طالع من الفرح مهدود هده يولاد بنت كلب
غسان :طرقه بس طرقه يعني
سيف ايجة جري ليهم :يا بااااباااا تعالو يلا الفطار اتحط
محمد :طيب جاين اهو
غسان قام :قومو يلا نروح نفطر علشان هنروح الفيوم بليل
عاصي بستغراب :هنروح الفيوم ليه ؟
غسان حط ايده علي كتفه ومشي :انا واعمامك واسر وجدك هنروح انت هتفضل هنا
عاصي :ايوا ريحين ليه اصلا ؟
غسان :الارض اللي هناك عليها مشاكل وحورات هنروح نشوف فيه ايه كدا ونرجع
عاصي :عليا النعمه الارض دي لو اتباعت يبقي احسن
اسر :جدك ماسك فيها ومش عارف السبب ومع انها ولا بتطلع زرعه ولا ليها لازمه
محمد بضحك :كل ما افتكر غسان وهو بيقول السنه اللي فاتت الارض السنه دي هطلع رز كتير اووي
قاسم بضحك شديد :ياااااني يولاد والاخر صفت علي 5 شكاير رز يخربيت كدا
غسان بضحك :كان شكلي وحش اووي قدامكم وطلعو علي البيت
ندي كانت بتحط الاكل علي السفره مع حبيبه وفرحه
غسان :ينهار ابيض عروستنا اللي بترص الاكل
ندي بمرح : شوفت شويه وهيسلخوني وانا لسه عروسه كدا اهو
عاصي وهو بيشاور علي ندي :اقدم ليك ندي مراتي اكبر انسان في العالم ممكن يضحك عليك ويخليك تحس انك بتنيمه بعلقه وتصبحه بعلقه
ندي بصت لعاصي :فين الاندومي ياض يا زوجي ؟
اسر :لاء اطمنت علي مستقبلك بعد ياض يا زوجي دي
حبيبه :استنو بس كدا انا سمعت كلمة اندومي في الحوار ندي انتي هتكلي مع مين الاندومي دا ؟
ندي ببرائه :طيب ودي عوزه كلام يا بيبو معاكي انتي وفرحه والغيبوبه زهره اللي بتنام اكتر ما بتقوم
فرحه طبطبت علي ضهر ندي :اصيله يمااا فكرت هتعدري بينا وتكلي لوحدك بس طلعتي محترمه
ندي :انا بنت ناس والله يعيال مش عرفه مين اللي مديكم عني فكره وحشه كدت والله
عاصي :ولاد الحرام كتير بقا هنعمل ايه
ندي :علي رأيك ولاد الحرام كتير
اسر بضحك :لاء والله يا جماعه مش كدا دي النيخه التانيه من عاصي بجد
ندي ببتسامه بصت لعاصي وكأنها بتقوله انها مبسوطه انها شكله في حاجه عاصي بادلها الابتسامه وكأنه بيقولها نفس الكلمه
ندي في نفسها بحب واضح علي ملامحها: انا فعلا مكنتش بحب قلبك يا عاصي ولا حتي قلبي عرف معني الحب غير معاك ممكن اكون لسه في بدايتي حبي ليك بس متأكده ان مش هندم ابدا
عاصي :ناااكل بقااا واحب اقولك يا نور هانم هتنامي وحيده النهارده علشان زوجك رايح الفيوم
نور : ايوا ما انا عرفه انه رايح الفيوم
عاصي :يعني ايه مش زعلانه انه هيبات برا
نور :لاء اصل رايح في شغل يا حبيبي يعني هو مش رايح يلعب
عاصي قعد وجنبه ندي وهو بيخبط السفره بإيده براحه :يخساره كنت هموت واخليهم يتخانقو
يمني بضحك :انت مش وارد علي جنه يا عاصي خلي بالك
نسمه بضحك :جنة جنة ايه بقااا دا لو راح جهنم يبقي ربنا كرمه
عاصي وهو بيبص لندي :شيفه بيقولو عليا ايه
ندي بهمس :غيرانين منك شوف باين عليهم ازاي
نورهان :بتقولي ليه ايه يا ندي
ندي ببرائه :بقول انكم بتهزرو معاه
عاصي بص ليها بضحك :الشيطان بيسقف جنبك والله يا ندي وقعدو يفطرو في ضحك وهزار
بعد فتره من الفطار
غسان :نور اعملي شاي بقااا علشان عوزين نشربه ونمشي قل بليل يا رجاله
قاسم :كنت لسه هقولك عوزين نمشي في النهار علشان مش عرفين الجو بليل هيبقي عامل ازاي
غسان تلفونه رن :الو ازيك يا كبير
ادهم :بخير الحمدالله بقولك ايه متقلقوش علي ياسمين هيا معايا عرف قاسم ان معرفتش ارن عليه علشان معيش رقمه
غسان :متقلقش احنا عرفين انها معاك بس بقولك ايه اي حاجه هتحصل رن عليها واحنا ريحين النهارده الفيوم في شويه شغل هناك هنعملهم لو عايز تيجي معانا هات ياسمين هنا وتعالي
ادهم :طب دا كلام والنبي يعني انا اتمرمط مرمطه مفيش ظابط اتمرمطها قبل كدا في حياته والشويه اللي عيزين نعدهم مع الزوجة تخدوني فيهم العد عني ياراجل
قاسم بضحك :الزوجة اللي عايز تعد معاها دي اللي هي اختي صح
ادهم :اختك دي البطل بتاعي يبني
قاسم بغيظ:يعم عرفين انها مراتك بس راعي ميتين ام مشعري كا أخ مش كدا
ادهم بغيظ في قاسم :لاء انتو كدا هتعطلوني سلام يا غسان وقول لقاسم اختك في حضني متقلقش عليها وقفل
محمد :انا شايف اللي بتعمله في الناس بيتعمل فيك
ندي جابت الشاي ووزعت علي الكل وراحت قعدت جنب البنات
عاصي :يابت انا متجوز علشان ابقي قاعد ومراتي جنبي مش متجوز علشان تلزقي في اخواتي كدا
فرحه :اوباااا بقا انت بتغير مننا ولا ايه يا حقود انت
عاصي :انا حقود يا انثي الكلب انتي
ندي :هي انثي الكلب اسمها ايه كلبه ؟
عاصي :يا حبيبتي لاء اسمها فرحه
الكل ضحك عليه
ندي بضحك :قصف جبهة رزع
فرحه بغيظ وهي بتزقها :جنب جوزك بقااا يمااا
عاصي مسك ايدها :تعالي يا حبيبتي ملكيش انتي في العنف دا
ندي بتمثيل :ايوا انا رقيقه خدني جنبك بسرعه
نورهان ويمني ايجو من شقتهم جري علي البيت ومعاهم لب وسوداني
نور :ايه المسلسل بدء
نورهان قعدت وجابت القناه :ايوا اخر اعلان اهو يلا علشان هيبدء
يمني :المسلسل هيبدء اسمع صوت لحد هولع فيه
سيف ايجة عند ندي :ازيك يا عروسه
ندي شالته علي رجلها وباسته :ازيك يا سيوفه عامل ايه
سيف :كويس شوفتيني وانا في فرحك انا اللي كنت لابس البدله الصغيره
ندي :ايوا اخدت بالي منك
سيف :كنت حلو صح
ندي باست خده :كنت زي القمر
سيف لف وشه :بوسي النحيه التانيه
عاصي :ايه ياااابااا في ايه دي مراتي
محمد :ودي تربيتك الصالحه يا عم عاصي
عاصي :غلطان ان بدردحه ليك شويه يعني
محمد :اهو اول ما ادردح ادردح علي مراتك البس بقااا
نور :هششش المسلسل بدء عوزين نسمع بقا
غسان :يح _رق مي *تينك مسلسل بارد القناه مبتشفرش ابدا طول الشتي اللي فات والاشاره زفت السنه دي الاشاره 10 علي 10
قاسم :ما هو دا من بيكون من حظ النسوان
فرحه جابت بطانيه كبيره وانضمت ندي ليهم وفضلو يسمعو المسلسل في جو هادي وممتع وهما بياكلو لب
………………….
في البلد
مصطفي :الجو برا شتي جامد ايه دا
كريم نزل من شقته :مش كنت رايح البنك يابني
الجد :ما هو بيقولك الدنيا جيباها برا والشتي لركب
كريم :يسوااادي متهزروش يعني علي اليوم اللي وايح اكلم ام نيرا تشتي فيه مين اللي بص ليا في اليوم
عزه بهمس :العقارب باينه زي عين الشمس
اميره بغيظ:وهما مين العقارب دول يا استاذه عزه
عزه ببرائه :انتي مالك يا اميره انا بتكلم عادي واللي علي راسه بطحه يحسس عليها لو انتي زعلتي واخدتي الكلام عليكي يبقي انتي عرفه انك عقربه لكن لو سكتي مش هنقول دا سكتت متخافيش
اسماء :وخده لسان اختك بالظبط
عزه :ما هي اختي اخدت لسانها منك يا سمكه مرحناش بعيد يعني
مصطفي بغضب :بت انتي وهي عليا النعمه هقوم اطقش دماغكم في بعض وانتي يا اميره مش كل كلمه تخديها عليكي وانتي يا وزه بلاش تتكلمي ولا تلقحي بالكلام ويلا كل وحده تشوف وراها ايه اميره انتي واسماء ادخلو المطبخ سعدو امكم في الغدا يلا
اسماء:انا هبطانه ومش هدخل مطابخ انا
مصطفي بزعيق:انا قولت كلمه واللي مش هتقوم هقومعا انا يلااااا
اسماء واميره اتخضو من صوته وقامو راحو علي المطبخ
فريده بستغراب :اميره واسماء في المطبخ معان خير يارب هتتحسدو
اميره بغيظ:ما هو مصطفي بيه زعق فينا كأننا شغلين عنده وبسبب بنتك يا طنط ناديه
ناديه :اميره عزه تعبانه يعني اللي هيزعلها انا مش هسكت ليه مهما كان مين محدش ليه اي علاقه بيها
( في الصاله )
مصطفي وكريم والجد قعدين سوا
الجد :عوزين نروح لبنت عمكم في مصر علشان صباحيتها
كريم :ما احنا هنروح لنيرا بكرا علشان نتكلم مع اهلها ونروح علي ندي
مصطفي :بس معتقدش نروح النهارده الجو لبص اووي
الجد :لاء هنروح بكرا انشالله وانت يا مصطفي مش ناوي تفرحني وتتجوز بقا
مصطفي بحزن :ما انا فرحتك قبل كدا واظن ان ربنا يرحمها كانت خير الزوجة
الجد :ربنا يرحمها برحمتة الواسعه بس انت لازم تتجوز يا مصطفي انت لسه صغير وفرحتي اللي بجد هي جوازك
مصطفي اتنهد وغير الموضوع :المهم قولي يا كريم عرفت خطيبتك ان هنروح ليهم
كريم :قولت ليها علي ان ريحين النهارده وشكلنا مش هنعرف يبقي نروح علي بكرا بقا وخلاص المهم هقوم اكلمها واعرفها كدا ونخرج شويه
الجد :هتروحو فين في البرد دا
كريم :هنروح نعد علي القهوه شويه ونرجع كدا علشان مبحبش قعدة البيت دي خااالص
مصطفي طلع البرنده ووقف يشم ريحة الشتي وبيفتكر فرحه وهي بتطلب منه يرقص معاها :بفكر فيكي ليه ياست فرحه
( في اوضة كريم )
كريم :الو نيرا انا صورت ليكي منظر الشارع قدامنا الشتي مبهدل الدنيا معرفش اجي النهارده خالص
نيرا :ايوا شوفت الفديو الشتي صعب عندكم اووي لاء خلاص بكرا او بعده تعالي عادي
كريم وهو بيلبس الكوتش :انتي بتعملي ايه كدا
نيرا :كنت برتب البيت وبجهز شويه حجات
كريم :طيب انا نازل شويه كدا علي القهوه وكدا او كدا نازل بكرا القاهره علشان في شويه حجات عاوز اعملها
نيرا :هتنزل في الجو دا ازاي يا كريم
كريم :معرفش اعد في البيت لازم انزل شويه علي القهوه المهم يلا هنزل شويه ولما ارجع هكلمك
نيرا :ماشي باي وقفلت طبعا مينفعش يتكلم معايا شويه هيتحسد ويبقي الكاريزما بتاعته ضاعت وحطت الفون جنبها وفضلت تحط كريم علي اديها بغيظ
جيهان :ايه يا نيرا الجماعه مش هيجو ولا ايه
نيرا :لسه قفله مع كريم حالا بيقول ان الجو شتي جامد هناك وهيجو علي بكرا
جيهان :طيب تمام هروح اشوف خالك علشان مرات خالك تعبانه وارجع بس متخرجيش من البيت
نيرا :كنت عوزه اروح اشوف ندي
جيهان :كليمها لكن متخرجيش من البيت وقفلت باب الاوضه وطلعت
نيرا :احبسيني افضل يا غاليه هي جت عليكي ما الدوله كلها جايا عليا يا شويه ظلمه وقالت بصوت عالي غلطاااااااااان في حسباااااتي
……………………….
( في شقة عاصي )
عاصي فاتح الاب وبيتابع الحسابات بتاعت الشركة في الفتره الاخيره و شغال عطس
ندي طلعت من المطبخ بستغراب :في ايه يا عاصي شغال عطس ليه كدا وراحت حطت ايدها علي راسه انت راسك دافيه يا عاصي
عاصي عطس :ايوا اخدت دور برد محترم
ندي :استني هعملك كوبايه ينسون وهتاخد حبايه بندول وهتبقي زي الفل
عاصي وهو بيكح :لاء مبحبش الينسون بلاش تعملي تعالي بس اعدي
ندي :والله من ايدي هيبقي حلو وهتحبه استني بس وراحت علي المطبخ عملت كوباية الينسون وشالت الاب
ندي :اشرب بقااا وقولي رأيك علي ما انزل اجيب من عند ماما نڤين حبايه بندول واجي
عاصي مسك ايدها ببتسامه :ربنا يخليكي ليا
ندي لبست الاسدال :انشالله يسترك
عاصي بقرف :انزلي يا ندي الله يجحمك انزلي
ندي ضحكت ونزلت علي تحت
لقت الكل متجمع زي ما هما
نورهان :نزلتي ليه يا دوشه ليكون الواد عاصي زعلك
ندي :يولاد انتو وخدين ان انا حد يقدر يزعلني دا انا لوحدي بجر شكل
نور بضحك :طيب تعالي عوزه ايه يا روحي
ندي :عوزه حباية بندول علشان عاصي واخد برد
نڤين جابت العلبه :خدي يا حبيبتي بس لازم الاول ياكل حاجه
ندي اخدت العلبه :حاضر وطلعت علي الشقه دخلت لقت عاصي لسه مشربش حاجه
ندي بصت ليه :عاصي هموتك لو مشربتش الكوبايه دي اشربها علي ما اجيب ليك اكل
عاصي بتعب :بجد مش هقدر اكل ولا اعمل اي حاجه هاتي العلبه اخد حبايه
ندي بعتراض:يا عاصي مينفعش ولو مفكر ان هسيبك تاخد الحبايه علي معده فاضيه يبقي غلطان يا كبير وقلعت الاسدال وراحت علي المطبخ عملت شوربة خضار وعاصي دخل الاوضه لبس سو تيشيرت تقيل علي بنطلون صوف وراح قعد علي الصالون قدام التلفزيون
ندي جابت الشوربه وراحت ليه :يلا بسم الله افتح بوقك
عاصي :كمية الحنان اللي انتي فيها انا مش متعود عليها انا كنت بتعب وبنسي ان تعبان اصلا
ندي :انا بقا لما كنت بتعب كنت بعمل حوار واعمل نفسي بموووت وشويه يغمي عليا
عاصي بضحك :ليه كدا كل دا
ندي :علشان مروحش المدرسه
عاصي بتفكير :ايوا صحيح لسه عن امتحاناتك قد ايه
ندي :لسه 15 يوم
عاصي :طيب الامتحانات هتخلص وسنه تالته هتخديها منازل بدل البهدله وكدا
ندي :عاصي انا كان نفسي اقولك انت كدا بدمر حياتي وهضيع مستقبلي وكدا بس انا امنية حياتي ان اطلع من المدرسه ومتعلمش
عاصي بضحك :اصلا
ندي وهي بتجيب ليه الحبايه :يلا خد الحبايه اهي وانا هبدء اذاكر من بمرا علشان اعرف اعدي السنه دي وانت ادخل نام شويه
عاصي وهو بيبلع الحبايه :هدخل انام وانتي هتعملي ايه
ندي :هقوم اكلم ماما والعيله وهاجي انام جنبك المهم ادخل ارتاح انت شويه
وفعلا عاصي دخل ونام علي السرير وندي كلمت امها والعيله كلها
ندي دخلت لبست دفايه سودا وسرحت شعرها وراحت نامت جنب عاصي بس طبعا زي العاده بتفرك علي السرير
ندي في نفسها :يعني انا بقالي يومين مش عرفه انام علشان المكان غريب عليا ولما اجي انام يصحي عاصي ويصحيني اعمل ايه اصوت
عاصي قام بص ليها بضيق :بتفركي ليه يا ندي في السرير
ندي قامت وقعدت :الصراحه الصراحه انا مش عرفه انام علي السرير خالص يعني في العموم مش متعوده انام في مكان غريب
عاصي فهم قصدها وشدها نيمها علي كتفه :طيب حولي تنامي يمكن تنامي علي كتفي
ندي :بس انت تعبان
عاصي :نامي يا ندي مش عاوز اتنرفز عليكي
ندي بمرح :عنيف اووي انت
( تحت في بيت نفين )
كان غسان ومحمد وعمر وقاسم ومنير مشيو وسابو اسر
نور :اسر مرحتش معاهم ولا ايه
اسر ساب الاب :لاء لازم حد مننا يفضل في البيت
نور :متشي يا حبيبي مش عاوز اعملك حاجه قبل ما اطلع
اسر بص ليها :صراحه عاوزك تنزلي حبيبه ليا
نور بضحك :عوز البت بليل ليه يا عاصي
اسر بضحك :اوعي تفهمي صح دا انا عاوزها علشان اوريها باقي العشف اللي ايجة مش اكتر والله
نور :حاضر هبعتها ليك بس متخلهاش تتأخر وطلعت علي فوق
نور :حبيبه ودخلت اوضتها
حبيبه :نعم يا ماما بابا مشي ولا لسه
نور :بابا مشي بس اسر عوزك تحت علشان يوريكي العفش انزلي ومتتأخريش تحت يا حبييه يلا
حبيبه نزلت علي تحت جري ودخلت اترمت في حضنه :وحشتني وحشتني وحشتني
اسر :انتي اللي مشغوله عني علي الاخر يا بيبو
حبيبه :مش كان عندنا فرح بقااا طرقه علي رأي ندي
اسر بضحك :ومشالله العيال طبقو عليكي اللي اتعلموه في حياتهم من الفاظ وكلام وكله
حبيبه بضحك :حصل المهم وريني العفش بقا
اسر طلع فونه ووراها الحجات اللي جابها وكانت منبهره بيهم
حبيبه :حلوووين اووي بجد بس كدا ناقص ايه
اسر :لسه المطبخ عوزك انتي تختاريه علشان انا معرفش في الحوارت دي بقا
حبيبه :سبها عليا يمعلم انت متشلش هم
اسر :بعد معلم دي خلاص مش شايل حاجه في الدنيا وبما ان معلمين وكدا يسلام بقا لو تدخلي تعملي كوبايه شاي تبقي تشكري اووي يا زعامه
حبيبه :عنيا يا اسطاااا
اسر :يسوااادي اسطااااا انا اطمنت علي مستقبل عيالي ادخلي يا حبيبه ادخلي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب)
