رواية زينب الفصل السادس والعشرون 26 بقلم هي جنته
رواية زينب الجزء السادس والعشرين
رواية زينب البارت السادس والعشرون
رواية زينب الحلقة السادسة والعشرون
بدأت التحضيرات لفرح آسر وسهر اللي
هيكون اول اجازة نص السنه والكل مشغول
جدا خالد مشغول بالشركه وتحضير الفرح
وزينب مشغوله بإمتحاناتها وامتحانات الاولاد
وكمان بتساعد سهر في تجهيزاتها وآسر في الشركه والشقه
قبل الفرح بيومين
خالد وهو بيقعد علي كنبه في المكتب وباين
عليه الارهاق وأسر بيقعد علي الكرسي اللي
قدامه: آسر انا حضرت كل حاجه انت بقي
عليك الباقي المهم هي مش هتعرف غير قبل
الفرح وهنعملها مفاجأه نفسي افرحها يآسر
نفسي مشوفش في عيونها نظرة حزن النظره
دي بتقتلني لاني من اول معرفتها وانا بعشقها
يمكن من قبل مشوف شكلها ولما شوفتها
انصدمت يمكن دا اللي خلاني ابعد لانها شبه
ليلي أوى بجد نفسي اسعدها ونفسي اللي
بعمله دا يسعدها عشان زعلتها كتير وجرحتها
كتير وكسرتها كتير نفسي اعوضها
آسر: هههه علي فكره زينب بنت لينه سهله
الارضاء حساسه أوي مش صعبه هي يعني لما
تشوف اللي انت بتحاول تعمله عشانها هتنسي كل حاجه
خالد: عرف انها مش صعبه وسهله اوي ودا
للاسف اللي بيكسرها بسرعه لان الانسانه
السهله محدش بخاف علي زعلها ويجرحها
والشخصيه الحساسه دي عايزه ترضي كل
اللي حواليها حتي لو علي حساب نفسها ودا
اللي عايز اغيره فيها عايز اقويها عشان
محدش يكسرها تاني ابدا ولا حد يجي عليها
ولا علي مشاعرها
آسر: طول مانت معاها محدش هيقدر يكسرها
يا خالد ربنا مايحرمكو من بعض
خالد: محدش عارف اللي في الغيب ياعالم
عند سهر
سهر: زينب انا خايفه اوي
زينب: خايفه من ايه ياقلبي
سهر: مش عارفه يمكن من الحياه الجديده
اللي هدخلها ولايمكن خايفه ….اصل
زينب: اصل ايه ياقلبي
سهر: انتي عارفه انا معرفش آسر من زمان
بقالنا شهر بس مخطوبين وكمان مقعدتش
معاه ألا مرتين ومعرفوش كويس حتي كلامنا
في الفون بيبقي علي قد السؤال بس فمش
عارفاه كويس فخايفه لمتعودش عليه او
معرفش طباعه
زينب: هههه عارفه آسر دا أطيب خلق الله
عمرك مهتلاقي في حنيته ولا في طيبته ولا
ف صبره وجدعنته مش بقول كدا عشان هو
اخويا لا بقول كدا عشان هتلاقيه دايما الضهر
والسند والامان بجد آسر هتلاقي فيه كل اللي
بتحلمي بيه طب سؤال هو كشكل مش عاجبك
سهر وهي بتبتسم : بصراحه لما بشوفه ببقي
بتمني نكون كتبنا الكتاب عشان اقعد ابص له
وأملي عيوني منه بصراحه الواد مز أوي
الحمد لله اننا مكتبناش الكتاب
زينب وهي مصدومه من كلامها: هههههه
الحمد لله ياختي وقال خايفه منه قال دا أنا
اللي أخاف علي اخويا حبيبي منك
سهر: ههههههه بقي كدا ماشي لما اتجوزه مش
هخليه يجي عندك بقي واعمل فيها زوجه الاخ
الشريره ولما تيجي عندنا اكرشك من البيت
انتي وعيالك واقعد اقوله انا زهقت من اختك
وعيالها مشيها من هنا وهو طبعا عشان
بيحبني هيسمع كلامي وهيكرشك
زينب :ههههههههه ينهاري ايه كمية الغل دي
خلاص انا فكيت الخطوبه ومفيش فرح
شوفي بقي مين اللي هيتجوزك بقي دى اخرتها
سهر: ههههههههه لا دا انتي حبيبتي اوعي يازوزو بهزر
زينب: هههههههه حبيبتي ربنا يسعدكم يارب يلا قومي خلينا نكمل شغلنا
يوم الفرح
زينب : خالد احنا هنطلع علي الفندق دلوقتي
والميكب ارتست هاتيجي لعد ساعتين لو
سمحت ممكن تجيبلي الفساتين من الاتليه
بتاعتي انا والبنات
خالد: حاضر ياحبيبي روحي مع آسر وسهر
وانا هحصلك بالفساتين
البنات وصل الفندق وخلصو الميكب وخالد لسه مجاش
زينب قلقانه عليه وبترن مش بيرد عليها
زينب: آسر انا قلقانه علي خالد مش عارفه
اوصله بالله عليك حاول تاني كدا
آسر : حاضر بس خليكي مع سهر انتي عارفه
انها متوتره ولسه هنروح نكتب الكتاب فمش
هينفع ادخل عندها دلوقتي
زينب: ماشي بالله عليك خليك وراه انا خايفه عليك
آسر رن علي خالد: ايه يابني البنت قلقانه عليك
خالد: نص ساعه بس وهتلاقيني عندك
آسر: متغيبش لهتبص تلاقيها طلعت تدور عليك في الشوارع
خالد: منا لو جيت دلوقتي مش هتبقي مفاجأه
آسر: طب انجز
بعد فتره خالد وصل جرت عليه زينب
وعيونها مليانه دموع
زينب: خالد كنت فين قلقتني عليك
خالد: بسم الله ماشاء الله اللهم بارك ايه الجمال دا
زينب: بقولك اتأخرت ليه تقولي ايه الجمال دا خاااالد
خالد: عاملك مفاجأه يازوزو
زينب : مفاجأة ايه
خالد: فاكره لما كنتي جايبه مجله وفيها
فساتين فرح وقلتي كانت أمنية حياتك تلبسي فستان زي دا
زينب: ايوا
خالد فتح علية هدايا كبيره : اهو الفستان اهو
إلبسيه بقي بسرعه عشان الضيوف زمانهم قلقانين
زينب: فستان … فستان ليا أنا …… بجد. ……
خالد: ايوا البسي بسر.. وقبل ميكمل كلامه لقي زينب حضنته جامد
زينب: انا بحبك أوى ياخالد
خالد: وانا بعشقك ياروح خالد يلا عشان
منتأخرش علي معازيمك
زينب: معازيمي انا
خالد: ايوا ودي المفاجأه التانيه إلبسي عشان تطلعي وتشوفي
لبست زينب ووصلها خالد القاعه الخاصه
بالنساء فدخلت لقت القاعه ضلمه وشويه
والنور نور والكل قال: مفاجأه
لقت كل صحباتها وجيرانها ونورهان واي حد
تعرفه زينب موجود في القاعه شافت كدا بقت
مش مصدقه عيونها ومها وفرح جرو عليها
وحضنها وباركولها
فرح: مبارك ياقلبي
مها : ربنا يسعدكم ياحبيبي
زينب مين اللي عزمكم
خالد اللي عملك المفاجأه وسهر هي اللي بلغتنا بالحفله
زينب بصت لسهر اللي لقتها فرحانها لفرحها وحضنتها اوى
سهر: ربنا يسعدكم ويستركم زي مأسعدتوني وسترتوني
زينب: ويسعدك ياعمري
لقت امها جايه عليه زينب جرت اخدتها في
حضنها : شوفتي ياماما خالد بيعملي ايه
شوفتي حبه وحنانه عليا شوفتي قد ايه هو راجل وقد كلامه
ام زينب : ايوا شوفت ياقلبي ربنا يفرحكم
ويسعدكم ويباركلكم
نورهان : مبروك يازينب ربنا يسعدكو
زينب اخدتها في حضنها: ويسعدك يا نور عقبالك ياقلبي
ليان وآيه وعمر : زوزو
زينب وطت وحضنتهم : حبايب قلب زوزو
ليان: انا بحبك اوى ياماما
زينب شالتها وباستها : وانا بموت فيكي ياروح قلب ماما
الفرح مع اناشيد اسلاميه واغاني افراح
بالدف كان روعه والكل فرح ورقص وكانت
السعاده ماليه المكان وكل واحد خاد عروسته
آسر أخد سهر علي شقتهم
وخالد حجز لزينب اسبوع عسل في شرم
وطلعو بالطياره : ودي المفاجأه التالته
وصو الفندق وطلعو غرفتهم
خالد: زوزو
زينب : نعم ياحبيبي
مسك ايدها : متزعليش مني يازوزو علي كل
اللي عملته معاكي والله بإذن الله لأعوضك
عن كل اللي شوفتيه في حياتك ورفع ايدها
وباسها عارف انا قد ايه ظلمتك معايا بس
والله يازينب انا قلبي متعلق بيكي من أول
مره شوفتك فيها يمكن كنت بكابر وبتكبر
وبقاوح مع نفسي بس كنت بحبك ومش عايز
اعترف حتي لنفسي وقبلها من خدها زينب
سامحيني عشان خاطري
زينب : عمري مزعلت منك ياخالد وكل حاجه
كنت بتعملها كنت بدي لنفسي مبررات عشان
مزعلش منك خالد والله انا مسمحاك وكفايه
عليا اللي انت عملتهولي النهارده عمري مكنت
اتخيل اني ابقي عروسه وألبس فستان فرح
ويتعملي فرح وأروح شهر عسل كمان يعني
كنت هحتاج اكتر من كدا ايه
خالد: انا بعشقك يازوزو
زينب: خالد هو احنا هنقضديها كلام بس مفيش أفعال
خالد: لا ياعمري هعملك اللي انتي عايزاه
زينب خالد …خالد …خالد
خالد: نعم ولسه هيقرب منها
زينب أنا جوعااااااانه بدي أكل😋😋
خالد: 🤯🤯بيت ام الرومانسيه اللي عندك
ياشيخه هو دا اللي انتي عايزاه 😮💨 وانا اللي
كنت بقول هنعيش اللحظه
زينب: منا نفسي اعيش اللحظه بس بطني بتصوصو
خالد: بتصوصو يامرارتي اللي هتنفجر يلا
ياختي الاكل علي السفره خليكي تملي كرشك
أنا شكلي اخدت مقلب ولسه بيلف
لقاها وقاعده بتاكل ومش مستنيه حد قعد
علي السرير قصادها ومربع وحاطط ايده تحت خده
زينب وبوقها مليان أكل : مش هتاكووول
خالد وهوبيتفرج عليها: لا مش هااكووول
بعد ٩ اشهر
الكل واقف علي باب غرفة العمليات
خالد: يارب خليك معاها
آسر : يارب قومها بالسلامه
الممرضه طالعه بنونو مين زوج المريضه اللي جوا
خالد آسر الاتنين: أنا
الممرضه انتو الاتنين
خالد : انا زوج زينب وهو زوج سهر
الممرضه انا عايزه زوج المريضه سهر
آسر: انا أهو
ألممرضه: حمدالله علي سلامة المدام جابت
بنوته زى القمر اتفضل
آسر: بسم الله الرحمن الرحيم بسم الله ماشاء الله
خالد طلع فلوس واداها للممرضه طب وزينب
الممرضه: زينب لسه شويه ادعولها
خالد: يارب قومها بالسلامه وفضل خالد رايح
جاي في الطرقه وقلقان
آسر: ان شاء الله خير
أم زينب وهي بتبكي وبتحاول تصبره:
متخافش ياخالد بإذن الله هتقوم بالسلامه
خالد: يارب ياماما ودي ثقتي في الله
الممرضه : حمدالله علي سلامة المدام اتفضل ابنك اهو
خالد:طب و زينب عامله
الممرضه : الحمد لله شويه وهتخرج للغرفه
اخد البيبي وحضنه وباسه واداه لام زينب
ونزل سجد لله سجدة شكر وهو بيبكي
رفعه آسر من الارض وحضنو بعض
كل واحد فيهم دخل يطمن علي مراتو
خالد : حمد الله علي سلامتك ياعمري
زينب: الله يسلمك ياحبيبي شوفت ابنك
خالد: اللهم بارك طلع حلو زي امه
زينب: لا ماشاء الله طلع عسل زي ابوه هتسميه ايه
ليان : انا اللي هسميه ياماما
زينب: هتسميه ايه يالي لي
ليان: رايان
خالد: ايه رايان دا يا ليان
زينب: حلو رايان وليان حبيبتي يلي لي بت
بتفهم طالعه لامها
خالد ايوا اتفقو عليا بقي
زينب: طب انت عارف آسر هيسمي بنته ايه
خالد : لأ متكلمناش في دا
دخل آسر وهو شايل بنته : هسميها ليلي
خالد لما سمع الاسم بكي : حبيبي يآسر ربنا
يباركلك فيها وشالها وباسها ومن اليوم دا
وليلي بقت قريبه أوي من قلب خالد لدرجة ان
زينب بتغير منها ( ههههههههه )
زينب : بت انتي يالي اسمك ليلي ابعدي كدا من عند جوزي
ليلي : مش هبعد يازوزو لوده دا حبيبي
زينب بعصبيه : لود .. لوده ..البت دي
هتجنني سهر خدي بنتك بد مأموتهالك
سهر: البنت بتحب خالد اعملك ايه يازوزو وخالد بيحبها
خالد : بصراحه يازوزو انا بموت فيها
رايان: سيبك منها ياماما اصلا فوتت
ليلي : بارد
ليلي راحت عند زوزو وقعدت جنبها : زوزو
عايزاني ابعد عن لوده هاتيلي الشيكولاته اللي بحبها
زينب: بس كدا دا انا هجيبلك علبه كبيره كمان
بس تبعدي عنه ياختي
ليلي : هيه زوزو هتجيبلي شيكلاته يالودهة
زينب: بردو بتقول لوده
الكل بيضحك وفرحان ودخل عليهم عمر
وماسك ايد ليان
خالد: عمر مش معني انك كاتب كتابك عليها
تبقي تدخل علينا وانت ماسك ايديها يعني
عمر يأبيه ماهو انت اللي مأخر الفرح بقالي
سنه كاتب الكتاب مستني ايه يعني اما ندخلك
ومعانا اولادنا
خالد: شوفو الواد بيقول ايه
آسر : بصراحه عندو حق ياخالد الواد عدي
ال٢٥ سنه ومخطوبين من ٥ سنين وكاتبين
الكتاب من سنه ومش راضي تعمل الفرح
مش فاهم ليه
خالد: البنت لسه مخلصتش جامعه
زينب: منا متجوزاك وانا اصغر منها
خالد: لا بردو هي لسه صغيره
آسر : طب إسألها كدا يمكن يكون لها رأي تاني
خالد: انا عارف رأي بنتي هي مش هتسيبني ابدا
ليان: بابا منا مش هسيبك احنا هنتجوز معاكم في الفيلا
آسر: ههههههههه شوفت اهي بنتك نفسها
تتجوز الواد
عمر: وافق بقي يأبيه خليني افرح بقي
بصراحه جبت اخري
خالد: يعني اجوزها قبل آيه يعني
آيه : مالها آيه انا لسه قدامي سنين انت ناسي
اني انا في طب جوزهم بقي يأبيه خلينا نفرح
خالد وهو مضايق : ماش اعمل حسابك الفرح
بعد اسبوعين وهيبقي هنا في الفيلا وعلي الضيق
عمر وليان جرو علي خالد وحضنوه
عمر: دلوقتي اقدر اقولك يابابا
خالد: ربنا يسعدكم
المشهد الاخير العريس قاعد جنب عروسته
وخالد وزينب قاعدين جنب بعض وخالد ماسك ايدها وبيبوسها
وأسر قاعد جنب سهر
وآيه ورايان وليلي قاعدين بيهزرو مع بعض والكل فرحان
ربنا يسعد قلوبكم وقلبي ويصلح ذات بينكم ويؤلف بين قلوبكم ويهدكم سبل السلام
رواية زينب
بقلم هي جنتة
ياريت الكل يقول رأيه بصراحه في الروايه
والي اللقاء في روايه جديده بإذن الله
استودكم الله الذي لاتضيع عنده الودائع
لقراءة الرواية كاملة اضغط على : (رواية زينب)
