رواية حين تقع في الحب الجزء الرابع الفصل الرابع والعشرون 24 بقلم ندى علي
رواية حين تقع في الحب الجزء الرابع الجزء الرابع والعشرون
رواية حين تقع في الحب الجزء الرابع البارت الرابع والعشرون
رواية حين تقع في الحب الجزء الرابع الحلقة الرابعة والعشرون
في صباح اليوم الموعود وهو حفل زفاف العروسين عاصي وندي
عاصي صحي من النوم علي صوت المنبه كانت الساعه 10 الصبح قام من علي السرير وفتح البلكونه وقفل الشيش وفتح الدرج طلع كيس من البلالين وبدأ ينفخها ويعلقها ويزين الاوضه وهو جواه فرحه وراحه رهيبه
عاصي بضحك :مين كان يصدق ان انا اتجوز لاء وكمان ازين الاوضة علشان النهارده دخلتي وندي رنيت عليه
ندي بتوتر :صباح الخير
عاصي بحب :صباح الورد علي اجمل عروسه صحيتي ولا لسه
ندي اتعدلت علي السرير وقعدت :ايوا لسه صاحيه حالا الكوفير اتصلت عليا وقالت علي الساعه 12 لازم اكون موجوده هناك
عاصي وهو بيربط البلونه :ماشي يا قلبي قومي كدا صحصحي وجهزي نفسك وهاجي اخدك الساعه 12 وقفل
ندي حطت الفون جنبها وقعدت في خوف :مفيش حاجه هتحصل ليا عاصي بيحبني ومستحيل يزعلني انا بس اللي مخوفه نفسي بنفسي … وبعدين الخوف طبيعي اي عروسه بتكون خايفه وعيطت …احسن عيطي ونكدي علي نفسك يوم فرحك شاطره يا ست زفته وقامت مسحت عيونها وطلعت برا
فريده ببتسامه :صباح الخير يا عروستنا
ندي بمرح :صباح النور يا فوفا بس اي يولاد عروستنا دي مش متعوده علي كدا انا
ناديه :اتعودي بقااا مش اتجوزتي وهتسبيني لوحدي خلاص شوفي مين اللي هيخدك في حضنه لما تزعلي
ندي بمرح وهي بتهز اكتافها :عاصي اللي هيخدني بقااا يا ست ناديه فكرك هعيط واقولك والنبي اوعي تجوزيني لاء لاء لاء هتجوز هتجوز هتجوز هتجوز
عزه ايجة ليها بسرعه :انا خلاص هتجوز وهبطل ابص علي الشباب
اسماء بقرف :ناس بيئة
ندي حطت ايدها في وسطها وعوجت شفايفها :جري اي يا اسماء يا اختي انا لولا 8 شهور اللي امي حملت فيا فيهم وربيتي كنت مسحت بوشك البلاط اهو يبقي ليكي لازمه
مصطفي دخل من باب البيت وفي ايده كولمن الميه بضحك :مش هما 9 شهور برضو ولا نقصو
ندي بغرور :نحن نختلف عن الاخرون انا امي ولدتني في التامن بس
مصطفي بضحك :ما علينا المهم خدي خلي حد يملي الكولمن دا علشان نحطه تحت يا عروووسه
ندي بصت علي نفسها وعلي البجامه اللي كم نازل وكم متشمر والبنطلون كبير وغرقانه فيها :شكلي شكل عروسه يعني
مصطفي بص عليها :هو بنطلون البجامه كبير عليكي بس اهو احسن من مفيش خالص ولا اي يا وزه
عزه بسرعه :انا موافقه
مصطفي بضحك:موافقه علي ايه ؟
عزه بصت ليهم :مش هو قال تجوزيني برضو ولا انا اللي بدأت اتخيل ؟
مصطفي وندي ماتو من الضحك عليها
ندي بصت في الساعه :يخرااابي انا داخله اخد شور هتأخر علي فرحي كدا وهزت شعرها بغيظ علي اسماء واميره اتشاااو يا عقاارب ودخلت الحمام
اميره في همس :والله ما في عقربه غيرك
………………….
عند نور وغسان
نور كانت نايمه علي صدر غسان ومستمتعه في النوم اووي بس صحيت علي صوت الاغاني اللي في بيت نڤين
نور رفعت راسها لقت غسان مستغرق اووي في النوم بصت عليه بحنان :حبيبي تعبت اليومين دول انا عرفه وباست دقنه
غسان بدء يصحي بص عليها كانت نايمه علي صدره باس راسها :صباح الخير ومسح عيونه احنا الساعه كام
نور بصت في الساعه اللي متعلقه :11 الا ربع اهي
غسان قام واتعدل علي السرير ورجع راسه لورا :من الصداع اللي عندي اغمي عليا مش نمت
نور ببتسامه قلعت التيشيرت بتاعها ولفت ليه لقي رسمه علي سلسلة ضهرها :اي رأيك ؟
غسان لمسها بإعجاب :واو جميله اووي دي عملتيها بالحنه صح ؟
نور هزت راسها :ماما نڤين قالت ان زمان كانت العروسه بتتحني والحمايه ترسم علي ايدها بس انا مبحبش الحنه علي ايدي خليت يمني رسمتلي الرسمه دي كانت الرسمه عباره عن فراشه كبيره موصله من اول عنقها لاخر سلسلة ضهرها
غسان مشي صباعه عليها بتجاهات الرسمه وقال بهمس :حلوه اووي
نور غمضت عينها وحركت ضهرها وقالت بهمس :شيل ايدك الحركة دي بتعصبني
غسان قرب راسه من رقابته وباسها :بتعصبك ازاي ؟
نور ميلت رقابتها وهي لسه مغمضه :مش عرفه
غسان رجع راسها لورا وخلي وشها قصاد وشه :انتي مغمضه لي فتحي
نور رفعت حواجبها بتوهان وفتحت عيونها :ابعد
غسان قرب من شفايفها وباسها بحب وقال بين قبولاته :مش عايز ابعد …. وحشتيني
نور مش مركزه في اي حاجه :وانت كمان
( الباب خبط )
نور فاقت وبعدت شويه وبتزق غسان:الباب يا غسان
غسان شدها ليه :سيبك منه مش وقته
يمني وهي برا :يا نوور يابنتي اصحي بقااا
نور زقيته بضحك :انت اللي مش وقته النهارده فرح ابننا وانت مركز في حاجات تانيه ولبست التيشيرت بتاعها وعدلت نفسها وفتحت باب الاوضه وقفلته وراها وراحت علي باب الشقه فتحته
يمني :بقالي ساعه وقفه بخبط وانتي زي المقتوله
نور بضحك :معلش يا حبي مسمعتش الباب اسفه تعالي ادخلي
يمني :لاء مش فاضيه انا عوزه الطرحة فضي
نور بضحك :طيب ادخلي يا بنتي علشان اجيبها ليكي
يمني بحرج :جوزك فين ؟
نور بغيظ :تعالي يا يمني متحرقيش دمي هدخل انزله علشان كدا كدا لازم ينزل واحنا ندخل نشوف الهدوم
يمني دخلت وقعدت في الصاله :طيب انا هنا اهو
نور قفلت الباب بتاع الشقه ودخلت لغسان لقيته واقف قدام المرايه بيعدل هدومه
نور وهي بتعدل لياقه القميص بتاعه من ورا :نازل ولا اي ؟
غسان وهو بيظبط الحزام :ايوا هنزل اشوف الدنيا تحت اي بس متتأخريش علشان نفطر
نور باست خده:ماشي يا حبيبي وغسان طلع وهي وراه
غسان ببتسامه :صباح الخير يا ام سيف
يمني :صباح النور يا ابو عاصي
غسان نزل ونور اخدت يمني ودخلو علي اوضة النوم نور فتحت الدرج بتاع الطرح
نور:اختاري انا عندي 4 طرح فضي شوفي الشكل اللي يعجبك
يمني :انا الطرحه اللي جبتها مش فضي وانا متأكده ان لونها كان فضي في المحل
نور قعدت علي السرير ومسكت بطنها :طيب كويس ان عندي خديلك وحده بقاا
يمني :فستانك نبيتي صح
نور :ايوا بس جبته منفوش شويه من تحت علشان بطني وبعدين ما انتي شوفتيه
يمني بغيظ :طيب انا فستاني اسود ليييي الكل جايب الوان وانا جيبه اسود
نور :بالعكس الجزمة الفضي والطرحه الفضي علي الفستان الاسود جمدددين
يمني اخدت الطرحه :طيب انا هنزل تحت علشان بعمل بطاطس مهروسه وسيباها علي النار وانتي انزلي يلا علشان الكل بيسأل عليكي
نور :نورهان ونسمه والكل تحت
يمني بضحك :ايوا كلهم تحت بيرقصو ونزلت
نور دخلت علي الاوضة اخدت شور دافي وطلعت لبست قميص بيتي شتوي لونه اصفر بحزام من علي الوسط وطرحه سودا وحطت رشة برفان علي رقابتها ونزلت علي تحت
نڤين :يعني اقول ام العريس ولا العروسه يولاد
نور بضحك :ما هي راحت عليا بقاا الاستاذ عاصي كبرني وانتهي الحوار
انتصار :ازيك يا نور وحشتيني يابت والله العظيم
نور راحت سلمت عليها وحضنتها :وانتي والله يا عمه عمله اي وازي صحتك
انتصار :انا الحمد الله يا حبيبتي انتي عمله اي وحملك عامل اي
غسان اللي قاعد في الصالون :قولي حملها عامل فيا انا اييي يا عمه
محمد طبطب عليه بضحك :معلش علشان تتهد شويه
عمر :هو كدا الحلو لما تبهدله الايام
عاصي نزل من علي السلم :كنت زي الورده يا نن عين ابنك دعوة وادعت عليك يولاااااا
الكل ضحك عليه وعلي كلامه وفضلو يقولو:يا عريس يا عريس
عاصي بغيظ في اسر :هتجوز هتجوز هتجوز هتجوز وانت قاعد طبعا انا هخلف وابني يتف عليك وانت قاعد القعده دي برضو
اسر بغضب :سمعين وانا اللي بقول عريس وواجب احترامه
نورهان بضحك :يلااا الفطار جهز يرجاله
عاصي بغيظ في اسر :ايوا النهارده فرحي لازم اكل انت قاعد ليه يا اسر طب دا كلام با ناس يعني انا عريس ولازم اتغذي وقاعد قبلي
اسر وقف ليه بغضب :ياض هزعلك بطل غلاسة اهلك دي
محمد لغسان :انت غلس يا غسان اصل انت بتتشتم
غسان :ما هو لما يكون الابن قليل الادب لازم يجر اهله معاه بص فوت فوت انا سبت ليه فرغه ان جيت للحق
نور :بصو تعالو افطرو الاول وبعدين كملو كلام بقا
الكل قعد اكل في ضحك وهزار
وبعد شويه
عاصي :بنات في حد جي الكوافير علشان هنمشي دلوقتي
حبيبه :لاء الكوافير اللي ندي راحه ليه محدش بيروح معاها انتو روحو وعلي ما ترجعو هنكون احنا في القاعه
عاصي :ماشي يلا همشي انا واجهز يا اسر علي العصر كدا هنروح صالون حكايه نلبس ونجهز هناك
اسر :متتأخرش انت بس
عاصي نزل وركب العربيه ورن علي ندي :يلاا يا عروسه
ندي وهي بتشيل الفستان :انا علي السلم اهو تعالي خد مني الفستان علشان تقيل اووي وقفلت ماما انا ماشيه
ناديه والكل فضلو يسقفو وهي نزلت مع عاصي اللي شايل الفستان وهي بتضحك ركبت عاصي ركب جنبها
ندي بضحك :عاصي لو انا اتكلمت في البيت بتاعنا الكل يسقف ويرقص
عاصي بضحك :عروووسه بقااا ومشو علي الكوافير
بعد وقت
عاصي مسك ايدها وباسها :خدي بالك علي نفسك ولو حصل حاجه كلميني وانا علي الساعه 8 هكون عندك
ندي نزلت :ماشي يلا باي ودخلت علي الكوافير
السكرتيره :انتي انسه ندي صح
ندي ببتسامه:ايوا انا
السكرتيره :انتي في الدور التاني روحي هناك يا قمر
ندي طلعت ودخلت بهبطان:يا اهل الدور وحطت الفستان علي الكنبه
الميكت ارتست بضحك :تعالي يا ندووش احنا هنا
ندي :انا لو جاي لمستشار مش هتعملو فيا كدا
الكيكب ارتست بضحك:معلش يا باشا قوليلي بقا عوزه الميكب خفيف ولا تقيل
ندي بمرح :بصي يا اختشي انا من ايدك دي لإيدك دي اعملي فيا ما بدالك بس طلعيني حلوه وحياة ابوكي
…………………..
الوقت بيمر ما بين الضحك والهزار والرقص والفرح الكل متحمس اووي للفرح والساعه بقت 6 عاصي اخد البدله وكل حجاته هو واسر وراحو علي الصالون يجهزو هناك
( في اوضه فرحه )
نيرا :بنات الساعه 6 ونص قومو يلا علشان نلحق نلبس اخلصو
فرحه اللي قعدة قدام المروحه :الماسك بتاعي نشف ولا لسه
نيرا حسست عليه وبدأت تشيله :بس كدا اغسلي وشك يلااا وانتي يا حبيبه يلاا
حبيبه بتنفخ في ايدها :يولاد المنكير ينشف الاول علشان مش عوزاه يبهدل حاجه البسو وانا هقوم اهو
بعد ساعه كلهم كانو لبسين الفساتين اللي عباره فستان لونه بيج منفوش شويه من تحت وبحزام بسيط وسمبل من علي الوسط وبكمام من عند الكتف منفوشه شويه ومن اخر الايد بأستيك وطرح بيج مفكوكه شويه مبينه الحلقان الكبيره والحلوه اووي وجزمه شفافه بكعب حبيبه وفرحه ونيرا وزهره لبسين زي بعض بالظبط وكانو شكلهم حلو اووي وكيوت والميكب السمبل بتاعهم
نيرا بفرحه :بناااات اعاااا شكلينا حلو اووي
حبيبه بغيظ :الرموش بتاعتي خيلاني
فرحه راح قدامها وفضلت تظبط فيها :حركي رموشك كدا
حبيبه حركتهم :ايواا حلوين كدا يلااا نتصور بقااا وفضلو يتصورو كتير اووي
……………………
في شقة يمني
يمني لبست الفستان بتاعها والطرحه مفكوكه شويه
محمد اللي بيرش برفان وباصص للمرايه :لفي الطرحه يا يمني اخلصي
يمني برجاء:يا محمد بص والله جميله اووي انا عوزه الحلق يبان
محمد :مش هعيد كلامي تاني والله لفي الطرحة كويس علشان والله مهتتساب كدا
يمني بغيظ لفت الطرحه
محمد راح عندها ومسك وشها بين ايده:شوفي كدا شكلك ملوكي ازاي
سيف :طيب وانا شكلي حلو
محمد باس خده :قمر يجدع قمر
محمد مسك ايد يمني :يلاا نروح هناك زمان الكل خلص واخدها وراحو علي بيت نفين اول ما طلعت ياسمين راحت ليها جري
ياسمين :دباااابيس بسرعه
يمني بضحك فتحت الشنطه الفضي اللي في ايدها وطلعت علبة دبابيس :خدي بس هتحطي فين انتي كل لبسك خلصان اهوو
ياسمين كانت لبسه نفس فستان نسمه ونورهان فستان رصاصي صك وسمبل اووي مفيش فيه اي شغل غير انه في حزام من الخرز وكمام منفوشه بس ياسمين مش محجبه فكانت عمله شعرها كله لورا ولبسه طوق من الحزر نفس الحزام وجزمة شفافه لكن نسمه ونورهان لبسين طرحه رصاصي اغمق من الفستان شويه
ياسمين :السوسته بتتفتح عوزاكي تسبتيه من فوق بدبوس
يمني مسكت دبوس وفضلت تظبط فيه
قاسم نازل بغضب :ام الفستااان ضيق وبرضو تقولي عاجبني
نسمه نزلت وراه :انا شيفاه حلو انت بس اللي عاوز تنكد علينا
عمر بغضب :تعالي يا راجل دا حاجه زي الخرا
قاسم :انت مراتك لبسه نفسه ولا اي
محمد بضحك :واختك كمان بس كلمة حق انت هتسكت علشان كلنا عوزين نفرح ومش عوزين نكد
نڤين بغضب :طيب يبقي حد بتكلم كدا نسمه ونورهان راحو باسوها
نسمه بفرحه :قلبي اللي ناصرنا دا بقااا
نڤين :هو يوم ولازم بعدي وانتو مراتتكم لبسهم حلو اهو وحتي لو اي هو اتشري وانتهي الموضوع
عمر :امك بتقوي النسوان علينا يا قاسم
انتصار :مال فستان مراتك يا عمر ما هو زي الفل اهو
قاسم :قال امك اللي بتدينا جوايز ما هي كمان بتقوي
محمد :مراتي يا غاليه تعالي هنا
الكل ضحك عليهم
……………….
في شقة نور
نور قعدت علي السرير بعد ما لبست الفستان والطرحه وخلصت كل حاجه غسان كان برا بيتكلم في الفون ودخل ليها
غسلن :يلا يا نور عاصي رايح يجيب ندي من الكوافير دلوقتي يلا علشان نمشي قبلهم
نور بصت ليه :لبسني الصندل مش قادره اوطي
ًغسان وقعد ولبسها الصندل :اي خدمه تانيه
نور باست خدها ومسحت وشه من الروج :تسلم يا حياتي كلها ومسكها من ايدها ونزلو علي تحت
غسان :يا عمررر عمررر
عمر :اي يا باشا
غسان :الاتوبيسات مشيت ولا لسه
عمر :لسه مشين حالا وقاسم اخد مراته والبنات وراح
غسان :اخدهم في عربيه وحده كلهم
قاسم :قولت ليهم هات ليا فرحه وزهره وخد نيرا وحبيبه البنات زعلو عوزين يركبو سوا
نور :ياسمين الروج دا لونه حلو عليكي هاتي احط وامسح اللي حطيته
غسان شدها :والله متأخرين والمصحف متأخرين الروج بتاعك زي الفل وجميل والله
ياسمين بضحك :الراجل زهق منك يا شيخه
نور بضحك :ماما مشيت
ياسمين :ايوا مشيت في الاتوبيسات
نورهان :ياسمين هتيجي معايا ولا مع نور
ياسمين :هي يمني مشيت
نورهان :ايوا مشيت
ياسمين :طيب استني هاجي معاكي ونزلت وركبت معاها وعمر مشي ونور غسان اخدها وراحو علي القاعه
…………………
عاصي نزل من عربيته بهيبه ومنظر جذاب كل اللي كان في الكرافير كانو بيعاكسوه ودخل الكوافير لقي ندي وقفه وفي بنات كتيررر اووي معاها راح عندها ببتسامه واتصدم من جمالها
عاصي بحب وصدمه :بت هتموتيني من جمالك اي الحلوه دي كلها
ندي ببتسامه وفرحه :بجد شكلي حلو بس انت كمان حلو اووي
عاصي بغمزه راح حضنها :دا انتي بطل بطل يعني
الميكب ارتست :اي يا عريس مش هتشيل ولا اي
عاصي بهمس لندي بخبث :دا احنا هنشيل لصبح
ندي البسمه راحت من وشها وخافت تاني :طيب يلا نروح علي القاعه بقااا
عاصي مسك ايدها واخدها علي العربيه والكل بيزغرط ركب ورا وهي جنبه
اسر بغيظ :بقا مخليني السواق يا عاصي بيه
عاصي بغيظ فيه :عريس بقا معلش ايوا صحيح عقبالك بعد عمرين طوال انشالله يا اسووور
اسر :انا هحترمك علشان مراتك اللي قعدة جنبك دي بس وساق علي القاعه
( في القاعه كانت كبيره جدا مكشوفه من فوق وكانت مطله علي البحر وكل اللي موجودين في القاعه ناس راقيه كان الظباط والاهل وقرايب ندي وقرايب عاصي والكل فرحانين اووي بلمه الحلوه دي في مناسبه حلوه)
البنات كانو بيتصورو كتيررر اووي
عزه :بقولكو ايي حبيبه تعالي انزلي تحت وخلي فرحه وزهره ونيرا وراكي علشان الصوره تطلع حلوه
وغسان ونور بيستقبلو المعازيم لحد ما الديجي قال حمدالله علي سلامة العروسين وشغلو موسيقي في الاول
الكل وقف وسقفو والبنات فضلو يرقصو ويسقفو
عاصي اخد ايد ندي ومسكها ببتسامه وفرحه والكل راح يسلم عليهم
غسان اخد عاصي في حضنه :الف مبروك يا بطل
عاصي حضنه :الله يبارك فيك يا غالي وحضن امه
ناديه حضنت ندي :الف مبروك يا فرحتي في الحياه يا اجمل وارق بنوته
ندي :الله يبارك فيكي يا اختي مش امي وحضنت عزه ونيرا والبنات
حبيبه جابت منديل وفضلت تنشف عرق ندي
ندي بضحك :تعرفي كنت بتريق علي البنات اللي بيعملو كدا للعروسه
البنانت ضحكو
وجدها راح عند عاصي حضنه بعد ما سلم عليها :مبروك يا بني خد بالك منها
عاصي :في عنيا يا حج واخد ايد ندي وراح علي الكوشه وفرحه ونيرا وحبيبه وزهرهوعزه شيلين ديل الفستان بفرحه كانو مصدومين من جمالها هي والفستان ومشيت علي اغنيه طلي بالأبيض طلي
عاصي بهمس ليها :واميرك ماسك ايدكي وقلوب الكل حواليكي والحب يشتي عليكي وردددددد ومش حافظ بقا
ندي ببتسامه وهمس جنب ودنه :بحبك
عاصي بص ليها ومش مصدق نفسه الفرحه بقت فرحتين بعد اعترفها :بموووووت فيكي وراحو قعدو علي الكوشه
حبيبه راحت لاسر وهزت كتفه بدلع :اي رايك فيا يا حضرت الظابط
اسر بحب وغمزه:جميله يا قلب حضرت الظابط
حبيبه بحب :بس اي الشياكة دي
اسر بغرور :دي العاده يابت
حبيبه :خف تواضع وحياة ابوك
اسر بصدمه :حياة ابووك لااااء انا مش عوزك تلقطي كلام من حد انا عاوز حبيبتي الرقيقه
نيرا راحت ليهم بضحك :ياعم بنفكها شويه
اسر :مش عاوز الفك داا ابعدو عن البت والنبي
كريم راح عند اسر وسلم عليه :عامل اي يا جدع
اسر :بخير يا كيمو خد خطيبتك بقا وبعيددد عننا انت وهي
نيرا :خطيبت مين يااااض انت بتبيعني ببلاش يا اسر
كريم مسك ايدها وبقا يعرفها بأهله بحب واضح عليه
كريم بهمس ليها :افردي وشك يا نيرو
نيرا ابتسمت بتصنع :هموتك يا كريم انت مكلبش في ايدي كدا ليه
كريم بخبث :ناعمه فا حابب امسكها في مانع ولا اي
نيرا بصدمه من وقحته :الناس بتبص علينا سيب ايدي
كريم حط ايده علي كتفها وضمها ليه بخبث :تعالي نروح مكام خالي من الناس وامسك براحتي طيب
نيرا برقت :ابعد احسنلك اي السفاله دي
كريم قرب منها :انتي اللي تفكيرك شمال يا نيرا انا اقصد البسك خاتم الخطوبه وطلع خاتم من علبته ولبسه ليها مع صدمتها
حبيبه وفرحه في صوت واحد :يا نيروووو يا جامده
نيرا :دا اي ؟
كريم باس ايدها والكل سقف ليهم :بقيتي خطيبتي رسمي ولو مضحكتيش هحضنك الثانيه دي
نيرا ماتت من الضحك :تحضني اييي دا انا اضحك اووي
كريم بضحك :ايواا كدا
الديجي :نستقبل العروسين بأول رقصه سلووو
عاصي اخد ايد ندي وراح علي المسرح ورقصو علي اغنيه( انا بعشقه )
عاصي بحب :مش مصدق نفسي ان برقص معاكي وان النهارده دخلتنا فعلا دا كان حلم بنسبه ليا يا ندووش
ندي بمرح :صدق بقااا بس اعرف ان احنا بعد الرقص اللي هنرقصه دا هنروح ميتين
عاصي بخبث :لاء انا مروح صاااحي متقلقيش
ندي في نفسها :يسوااادي انت لازم تهبط علشان تروح تنام يا عصعصتي
عاصي قرب منها وحضنها برقه وشالها ولف بيها :بحبك يا ندوووش ونزلها وفضل حاضنها
ندي بخوف :عاصي انا خايفه
عاصي بستغراب:من اي يا قلب عاصي
ندي ببرائه :من لما نروح
عاصي بضحك :كل حاجه بوقتها احنا هنا نرقص ونتبسط وبس
الديجي شغل اغنية سهرنا يا ليل ندي مش مصدقه وبصت للبنات كلهم طلعو ليها ولفو حوليها
ندي مسكت ايد عاصي :لو هفضل طول اليل حضناه مش هشبع من حضن حبيبي استني يا شكس بقا استني مش عوزه حبيبي يروح مني
عاصي بضحك :مش رايح حته والله انا معاكي شهر بحاااله وحضنها وفضلو يرقصو
نيرا مسكت ايد ندي وندي مسكت ايد حبيبه وفرحه وعزه وزهره وحضنو بعض :اليله انا اسعد انسانه لو هفضل متل اليل سهرانه مش هتعب برضو مدام حضناااااه وفضلو يرقصو بحب
فرحه بهمس ليهم :العقارب جاين هنااا شوفي قلعين ازاي
فرحه :يلااااا عاااصي ارقص
طالع مصطفي وكريم واسر وفضلو يرقصو والديجي شغل مزمار عبدالسلام وفضلو يرقصو عليه والكل انضم ليهم وفضلو يرقصوووو
ياسمين كانت وقفه علي الطربيزه لقت حد جنبها بيقولها :وحشتيني
ياسمين رفعت عينها ليه وكان ادهم :ا ادهم انت طلعت
ادهم :هششش اهدي ومتعمليش شوشره وانا هفهمك كل حاجه تعالي معايا قاسم عارف متقلقيش مسك ايدها واخدها معاه ومشي
علي المسرح
غسان بضحك :ولااااا عيزينك ترفع راسنا
عاصي برفع حاجب :عيب عليك دا انا ابنك
قاسم بضحك :ما دا اللي قالقنا
غسان ضربه في كتفه :اتلم علشان مش عايز اضحك الفرح عليك واتصورو كتير اوووي
عاصي راح مسك ايد ندي وقعدو علي الكوشه
ندي بغضب :عوزه ارقص يا عاصي بتاخدني لييي
عاصي :يا قلبي انا مش عوزك تتعبي وانتي رقصتي كتير اووي وبعدين البطل بتاعي جميل اووي النهارده وانا خايف عليه من العين كدا
ندي بكسوف :بجد شكلي حلو
عاصي مسك ايدها وباسها بعشق :زي القمر
ندي بصت عليه بحب :انا محظوظه بيك كنت مفكره ان لما اتجوز هتجوز واحد ميعرفش معني الحب ولا يعرف معني الحياه واحد اكرهه حياتي معاه
عاصي بص ليها بحب :طيب واتجوزتي اي ؟
ندي بحب :اتجوزت العاصي
عاصي باس ايدها :وانا بحبك يا قلب العاصي
اسر وقف في نص المسرح ومعاه الميك :النهارده نصي التاني بيتجوز صديق الطفوله ورفيق الايام اللي بسببه البسمه علي وشوش العيله كلها اسمع يلااا اوعي تفكر ان علشان اتجوزت هتتكبر عليا علشان اكون موضح الصوره بس وسمعني بقا اغميه كتف في كتف في ضهر بعض
عاصي قلع الجاكت ورماه علي ندي وراح رقص مع اسر علي الاغنيه ويحطو كتفهم في كتف بعض ويرقصو والبنات شدو ندي وراحو رقصو معاها كمان علي الاغنيه
غسان راح قعد جنب نور :ام العريس قعده سرحانه في اي كداا
نور مسكت الجاكت بتاع البدله بتاعته :خد البس الجاكت يا غسان والله هتاخد برد وانت بتموت لما تتعب
غسان اخد الجاكت وحطه قدامه علي الطربيزه :سيبك من الجاكت مالك قعده كدا لي
نور بحب :بعيد كل حياتي من تاني بفتكر يوم فرحنا بفتكر ان انا كنت شكل ندي كدا كنت خايفه اووي من حجات كتير كان جوايا حجات مش عرفه اطلعها او اقولها وبفتكر ان انا مستحيل كنت اصدق ان هتجوز وهخلف وابني النهارده بيتجوز حاجه حلوه صح
غسان مسك ايدها وباسها :احنا بنينا حياتنا من الصفر وكل يوم الصفر بيبقي واحد مرينا بمشاكل كتير اووي بس نور وغسان بيقدرو عليها صح ولا لاء
نور بحب:صح
الديجي :اهر رقصه سلو واي كابل عاوز يشارك يطلع علي المسرح يلاا
غسان اخد ايد نور وطلع يرقصو وعمر ونورهان ونسمه وقاسم ويمني ومحمد واسر وحبيبه وكريم ونيرا اللي متغاظه بس فرحانه واسماء واميره اللي رقصو مع بعض
فرحه اللي وقفه تبص عليهم :دك شلل في رخامتكم عيال سمجه
اسماء :البت متغاظه تعالي نغيظها اكتر
اميره :ازاي اشيلك يعني ولا اعمل اي
اسماء :لاء مش لدرجه دي نضحك ونهزر ولا هي في بالنا وبيطلعو لسانهم ليها
فرحه بغيظ لفت وراها لقت مصطفي واقف ايجة ليها فكره
فرحه راحت عنده :ازيك يا استاذ مصطفي
مصطفي :ازيك يا انسه اي خدمه
فرحه بسرعه :ممكن ترقص معايا بس بالله مترفض علشان فعلا الموضوع مهم بنسبه ليا
مصطفي بضحك :ماشي يا ستي واخدها وراح برقص بيها علي المسرح ودا خلي اسماء واميره هيولعو
فرحه رفعت حواجبها ليهم بغيظ
مصطفي :علي فكره وحده فيهم طلبت مني ارقص معاها بس رفضت
فرحه بفرحه :احلف يا جدع والله بو مكنش عيب كنت خدتك بالحضن
مصطفي بضحك :الله يسترك مش نقصين فضايح
واخيررررررا انتهي اليوم مع اغنيه مبروك يا حياتي قلبي والمعازيم بدأت تروح
ندي سابت عاصي اللي مشغول بالناس اللي بتسلم عليه وبثت لامها اللي مشغوله بناس برضو و مسكت في نيرا بخوف :والنبي اوعي تسيبيني خديني معاكي
نيرا بضحك :ما هو مينفعش انا ممكن اكون معاكي في كل حاجه الا الحته دي انا كدا سلام يا باشا
ندي :مش انتو صحابي بتتخلو عني ليه بقاااا
عاصي مسك ايد ندي المتلجه وراح بيها علي العربيه والكل اخد مراته وعياله وروح والرجاله مشين ورا عاصي وبيزمرو وبيزفوه علي الطريق
عاصي بص لندي :يا بتتتت مالك وشك اصفر ليه كدا
ندي ابتسمت غصب :انا انا تمام متخفش عليا اطمن اطمن ندي ايدها بترعش من الخوف والقلق وبعد شويه وصلو البيت وسلمت علي جدعا والعيله بدموع ولدتها اللي هتسافر مع العيله
عزه بعياط :انا عوزاكي مش هعرف انام من غيرك
ندي حضنتها :مش انتي كنتي بتشتمي فيا اهو سبتك ومشيت وقالت بهمس اعدي مع العقارب
اسماء ونورا واميره سلمو عليها وركبو الاتوبيس اللي راجع البلد
ناديه بدموع :ندي في امانتك يا عاصي خد بالك منها علشان خاطري وانتي خلي بالك منه يا ندوش وانا هجيلك بكرا
ندي بدموع :طيب خليكي النهارده مش لازم تمشي
ناديه حضنتها :هجيلك والله بس لازم امشي علشان علاج اختك
عاصي بحترام وحب ومسك :في عيني يا امي والله متقلقيش عليها خالص
ناديه حضنتهم الاتنين وركبت الاتوبيس ومشيت بعد ودااع كبير
محمد بطتيبل علي البوابه :وخدناها خدناها الكل قال وراه واخد يمني وطلع شقته وهكذا عمر ونورهان بعد السلام وعاصي اخد ندي وطلع
نڤين ايجة من المطبخ ومعاها كوبيتين لبن ساقع :استني يا عاصي خدي يا ندي يابنتي اسربي كوباية اللبن دي ندي اخدتها شربتها وانت يا عاصي اشربها اخدها وشربها نڤين حضنتهم ربنا يبارك ليكم في حياتكم ويسعدكم ديما يا حبايب قلبي
نور حضنتها وقالت بهمس:متخافيش اووي كدا اهدي مفيش حاجه
حبيبه ونيرا بصوت عالي :اخيررررررا الفرح خلص يولاااد
غسان :يلا يا عاصي خد مراتك واطلع وانتي يا حبيبه انتي ونيرا اطلعو علي فوق الكل طلع علي بيته وقاسم اخد نسمه وطلع اللي نزله اسئله هي ونور فين ياسمين
(في شقة عاصي وندي )
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حين تقع في الحب الجزء الرابع)
