رواية حاله نادرة الفصل التاسع 9 بقلم شيماء مشحوت
رواية حاله نادرة الجزء التاسع
رواية حاله نادرة البارت التاسع
رواية حاله نادرة الحلقة التاسعة
أمل”بخوف من ردة فعلها” :دِ يا بنتِ زوجة محمد.
حور” بهدوء” : الف مبارك يا خالتو، اتفضلي ريم وعمر عايزين حضرتك.
هي عادي مش مضايقة هي بس مستغربة إزاي أتجوز ومحدش قالها!ولا قالوا لحد أصلًا بس سكتت نفسها إنه ميهمهاش! بس جواها بيقول
هسيب ايدي من ايدكَ
بس اوعي يجيلكَ حنين
وقت ما ترجع هتفوت بلاد
وهدفعكَ تمن كل أنين
#شيماء_مشحوت
ريم: إزاي يا ماما محمد اتجوز! طب مش تعرفوني قبلها دَ أنا أخته يعني مش حد!
أمل : والله يا بنتِ كُنا مجبرين
ريم : لي يعني أي ال حصل!
أمل : البنت دِ سكنت في الشقة ال في وشنا لوحدها وكانت طيبة أوي يا بنتِ وكنت حبتها وحبتني، كانت هربانة من قسوة أهل أبوها ال عايزينها خدامة ليهم ولمراتتهم! وهي كانت في طب وعايزة تكمل وهما عايزينها تقعد من التعليم! فهي أخدت دهب أمها وجت على هنا بتشتغل أخر النهار في كافتريا والصبح في الجامعة واحنا كان عارفين عنها كل حاجة أصلها يتيمة وطيبة خالص، جه عمها وهي في الشغل عايز ياخدها، فاتصلت علىٰ أخوكِ وفهمته وهو راح لها الشغل وكتب الكتاب علشان محدش يقدر ياخدها ولأنه كمان كان معجب بيها بس والكلام ده حصل امبارح بس ومحدش يعرف لسه.
ريم”بهدوء” : تمام يا ماما ربنا يسعدهم يارب، كنا عايزين نعرفك أن خطوبة حور قريب مع الدكتور في الجامعة وأول ما هنحددها عمر هيعرفكِ بإذن الله.
أمل “بفرحة” : بجد يا بنتِ بنتِ التانية هتتخطب! طب هي مبسوطة بيه ولا أجبرتوها!
ريم: لأ طبعا أنتِ عارفة يا ماما عمر بيحب حور قد أي وهي ال موافقة، لأن صهيب بيحبها جدًا.
أمل: الف حمد وشكر ليكِ يارب، ربنا يسعدهم كلهم يارب.
خلص اليوم وريم عرفت عمر بزواج محمد، وكانوا رايحين لبيت صهيب وأهله، أهل صهيب رحبوا بيهم جدًا، وكان صهيب قاعدة على السفرة في كرسي جنب حور، فشاف أنها مش بتاكل أوي ومحرجة جدًا رغم أنه عارفة أن دِ أكلتها المفضلة من مريم.
صُهيب “بصوت منخفض” : مش بتاكلِ لي! الأكل مش حلو!
حور” باحراج” : لأ والله جميل جدا
صهيب: طب لي مش بتاكلِ
حور”افتكرت كلام محمد” : بصراحة علشان عايزة أخس بسرعة علشان محرجكش قدام صحابك أو أكون حِمل تقيل عليكَ.
صُهيب: ومين قالك كده بس، والله يا حور أنا ال مش مصدق أنكِ هتكونِ ليا لأنكِ غالية أوي، بالعكس أنتِ حد أتشرف وافتخر أنكِ زوجتِ وحبيبتِ وبنتِ مش اتحرج من وجوده أنا لو فكرت فعلًا صحابي ميعرفوكيش فده لأنهم هم ال ميستهلوش يشوفوا القمر أو يتكلموا معاه، أنتِ حاجة جميلة أوي يا حور، وحقيقي بشكر ربنا كل يوم على وجودكِ ومستني اليوم ال تكونِ فيه في بيتِ، علشان أنام وأصحى وأنا شايفكِ قدامي.
يا نجم في السما عالي
يا دنيا معاكِ بتحلالي
يا جنة ليا على الأرض
يا حور كان صعب تتلاقي
كان حلم ليا أني الاقيكِ
وأشوف الدنيا جوا عينيكِ
#شيماء_مشحوت
حور عينيها دمعت من الفرحة من جواها افتكرت كلام محمد وصهيب بدموع: الله! يا صُهيب كل دَ ليا أنا! يعني أنا حلوة كده بجد! يعني أنت نصيبي الحلو، حقيقي شكرًا بجد، شكرًا أوي، ربنا يديم وجودك في حياتي، فاقوا لقوا الكل سابهم وخلصوا عشا وقاعدين بعيد.
خلص اليوم واتفق صُهيب معاهم على كتب كتاب مع الشبكة علشان كلامهم ميكنش حرام، وراحوا واختاروا كل حاجة ببهجة وفرحة وطبعًا مع وجود مريم ومازن ال كانوا زي ناقر ونقير تقريبًا، وقبل كتب الكتاب بيومين جت خالة حور ومحمد وزوجته، وسلموا على بعض، وحور سلمت على البنت وارتاحت لها جدًا وسلمت على محمد وسلمت عليه ببرود
محمد : عاملة أي يا قمري، الف مبارك فرحتلك جدًا
حور”ببرود” : قمرك! مينفعش حاليًا.
محمد : ما أنا بقولك كده دايمًا بس حاضر
حور: هو أنت إزاي بتتعامل معايا عادي بعد ما جرحتني وكسرتني.
محمد: بصي يا حور أنا فعلًا كنت ومازلت بحبك بس بجد زي أختي ريم مش أكتر أنا بخاف عليكِ بس زي عمر، أنا عارف أني كسرتك وقتها بس كان لازم أعمل كده علشان تفوقِ أنا معاكِ من وأنتِ صغيرة عكس عمر ال سافر وهو لسه في الجامعة وكنتِ فولو ليا وقتها تسع سنين ولما رجع أخد ريم وسافر وباباكِ أنتِ مشوفتيهوش فأنا ال كنت معاكِ من صغرك، أنا ال كان معاكِ أول يوم حضانة ومدرسة وكل حاجة فأنا كنت شايفك أختِ الصغيرة حتى لو كان غير كده فخالتو قبل ما تتوفى طلبت منِ أكون أخ مش أكتر لأن عمر كان بعيد فكانت عايزاني أكون ليكِ أخ وسند باعتبار فيما بعد لو حصل مشاكل بينا مش هيكون ليكِ سند وكده أما أنكِ بتحبيني وجرحتك فده غلط أنتِ حبيتني حب احتياج وأخ حد سندك فأي مشكلة معاكِ فحبيتني إنما لو كان عمر موجود وقدملك هو كل ده بدلًا مني مكنتيش هتحبيني يا حور بدليل عينك بتشع بالسعادة علشان خطيبك هو ده حبك الحقيقي يا حور مش أنا، وحقيقي يا حور أسف أني جرحت وكسرتك كده يمكن طريقتي كان غلط بس أرجوكِ سامحيني بس كان لازم تعرفِ تميزي حبكِ الحقيقي كان لازم تثقي في نفسك وأن ال يبقى عايز يغيرك ده مش حبيب، وأن ال بيحب بيحب الشخص لذاته مش علشان مجرد مظاهر.
حور”بدموع” : أنا أسفة أوي يا أبيه، أسفة أني ظلمتك بس معاك حق في كل كلمة، وأنا فعلًا اتعلمت الدرس.
محمد: طب خلاص بقا في عروسة بتعيط يوم كتب كتابها هتخلي عريسك يتخانق معانا لو شاف عيونكِ وارمة كده.
ضحكت حور بمجرد تفكيرها في صهيب وسرحت في كلامه
محمد”بهزار” : وبقينا بنحمر ونسرح يا حور.
حور”بخجل” : خلاص بقا يا أبيه
محمد: مبارك يا حبيبتي ربنا يسعدك دايمًا
حور : تسلم يا أبيه.
جات مريم واتعرفوا على عائش زوجة محمد وريم وحور ومانوا بيلبسوا وجهزوا خلاص والفرحة مالية كل البيت.
عند صهيب كان سعيد جدًا لبس بدلته وراح جهز مكان لي ولحور علشان بعد كتب الكتاب يقعدوا فيها مع بعض فحجزحديقة ليهم بس وطلب أكلها المفضل وكانت بتطل على البحر وشموع، وجاب لها بوكس مليان هدايا وشوكلاتات وكان بيجهز كل حاجة بسعادة وحب كبير وبعتلها رسالة: كلها ساعة والقمر يكون على اسمي، والسما من الجمال بتسمي، والجنة هتكون على أرضي، كان ماشي بسرعة علشان ميتأخرش عليها بس قابلته عربية حاول يبعدعنها بس للأسف خبط فيها وعمل حادثة و………….
نكمل المرة الجاية بإذن الله، يا ترى أي حصل مع صهيب؟ حور هتعمل أي لما تعرف أي هيحصل هنشوف.
رأيكم في البارت ورأيكم في الأحداث والأبيات، وأي توقعاتكم في الجاي
_بلاش قفلتِ للبارت تنسيكم تقولوا رأيكم فيه وفي محمد ال اتهزق كتير😂😂😂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حاله نادرة)
