رواية سبيلي للنجاه الفصل الأول 1 بقلم رنوشة
رواية سبيلي للنجاه الجزء الأول
رواية سبيلي للنجاه البارت الأول
رواية سبيلي للنجاه الحلقة الأولى
:بس يا انسه مفيش مكان في العربيه
مها: هو انت حد كان اشتكالك اطلع يسطا
السواق: ايوه يعني هتوقفي علي الباب؟!
مها نفخت بضيق وضربت كف بكف: لا حول ولا قوه الا بالله واقفه علي باب العربيه هكون بتشمس مثلا يعني ولا ايه متطلع وانجز
السواق بص قدامه ومسك دركسيون العربيه: والله براحتك
(اتحركت العربيه)
السواق: لموا مع بعض الاجره يا اساتذه
مها طلعت من جيبها اتنين جنيه: خد ياسطا الاجره وعلي جمب
السواق وقف واخد منها الاجره وهي نزلت.. تليفونها رن وقفت وطلعته من جيبها: الو يا حاتم عامل ايه
حاتم: الحمدلله كويس.. بقولك هاتيلي معاكي شوكولاته وانتي جايه
مها اتنهدت بتعب وهي في دماغها الف حاجه: حاضر.. يلا سلام وخد بالك من نفسك ومن البنات.. قفلت مع حاتم
وكملت طريقها لحد ما وصلت للشارع اللي هي عايزاه دخلت مبني كبير وكانت بتبص علي اللوح اللي مكتوبه قدام كل شقه لحد ما وصلت لشقه مكتوب عليه خالد الرشيدي “المحامي” الشقه كانت مفتوحه وفيها ناس كتير منتظرين يدخلوا للمحامي مها دخلت وفضلت قاعده مستنيه دورها يجي عشان هي مش هتقدر تدخل قبل حد لأنها جايه اخر واحده
بعد مده اطال انتظار مها السكرتيره سميره نادت بأسم مها وسمحتلها تدخل مها اخدت نفس عميق وخبطت ودخلت: احم السلام عليكم
خالد الرشيدي: وعليكم السلام ورحمة الله وبركاته… اتفضلي اقعدي واقفه ليه
مها قعدت علي الكرسي وهي حاسه بإرتباك وكانت منتظرة المحامي يبدأ كلام خالد استشف من نظاراتها القلق فحب يخفف قلقها ويتكلم: حضرتك الاستاذه مها السكرتيره الجديده اللي هتشتغلي مكان الاستاذه سميره لأنها كانت مدياني مهله اسبوع اشوف سكرتيره غيرها واهو الاسبوع خلص بس هخليها تعلمك الاساسيات في الشغل وازاي تشتغلي علي الكمبيوتر وانا هتولي تعليمك من بعدها… كمل بإبتسامه: تمام ولا في مشكله
مها رفعت حاجبها بتشنج: هي دي المقابله؟! هو انا كده اتقبلت يعني ولا ايه!
خالد ببساطه: ايوه اتقبلتي… انتي جايه من طرف عماد ابني وهو اكيد مش هيجبلي اي حد والسلام وانا واثق في اختيارته
مها وقفت واتكلمت بفرحه: شكرا شكرا ليك اوي وللأستاذ عماد
خالد ضحك علي منظرها وهي بتبص حواليها بفرحه
مها طلعت من المبني كله ورنت علي صاحبتها ايمان
ايمان كانت قاعده علي سجاده الصلاه وماسكه المصحف بتقرأ قرآن شافت تليفونها بيرن صدقت وقفلت المصحف وقامت ترد: السلام عليكم ورحمة الله وبركاته
مها اتكلمت بفرحه واضحه في صوتها: وعليكم السلام ورحمة الله وبركاته
ايمان ضحكت علي صاحبتها: اول مره تقولي السلام كامل.
مها بفرحه: اتقبلت في الشغل يا إيمان
ايمان فرحتلها: الحمدلله ربنا حاسس بتعبك وجازاكي خير عليه
مها: الحمدلله… بصي بقي انا هقفل دلوقتي اصلي سايبه العيال في البيت لوحدهم والنهارده محدش فيهم راح المدرسه
إيمان ابتسمت علي طيبه صاحبتها: ماشي ياحبيبتي لما تروحي سلميلي عليهم
خالد رن علي عماد
عماد: الو يابابا خير في حاجه
خالد: لا يا حبيبي مفيش حاجه بس انا قبلت البنت اللي انت بعتها تشتغل
عماد: طيب كويس دي باين عليها غلبانه اوي يابابا بس هي اللي عايشه دور البت البلطجيه
خالد: بلطجيه ازاي يعني دي كانت قمه في الادب
عماد ضحك بصدمه: قمه في الادب!! ده انا عارفها من خناقه
خالد ضحك علي كلام ابنه: يابني الناس في الخناقات حاجه وفي الحياه العاديه حاجه متاخدش عن حد انطباع من موقف ولا اتنين
عماد اتنهد بحيره: حاضر
مها راحت السوبر ماركت جابت شوكلاته للأربع عيال وجابت اكل للبيت واخدت الحاجه ومشيت واول ما وصلت الحاره لقيت عيال كتير ملمومين علي حاجه: في ايه هناك
مها راحت تشوف في ايه واول ما راحت عندهم شهقت: نهار ابوكم ابيض ابعد ياض يحلوف منك ليه..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سبيلي للنجاه)
