رواية مطلقه في قلب صعيدي الفصل التاسع 9 بقلم مروة ماجد
رواية مطلقه في قلب صعيدي الجزء التاسع
رواية مطلقه في قلب صعيدي البارت التاسع
رواية مطلقه في قلب صعيدي الحلقة التاسعة
بسم الله والصلاه والسلام على رسول الله صلى الله عليه وسلم
فجاه كدة ومن غير مقدمات نعمه اتهدت وقعدت على كرسى وقال ايه فاتحه المصحف قدامها 📖، مش مصدقين صح ….. طيب حتى بصوا .🙄🙄
إصلاح داخله عليها بتقول
ست نعمه بنتى حاسه بدوخه ممكن اجيبلها حاجه تأكلها من المطبخ
نعمه بتقفل المصحف وتبوسه بكل هدوء وتقول 😊
يا لهوى يا خاله إصلاح بنتك دى اختى انى بنفسى اللى اقوم اجبلها تاكل 🍝
إصلاح بتبص حواليها بتشوف مين الى بيتكلم 🧐
نعمه بتعيد الكلام تانى وتقول
خاله إصلاح البيت بيتك يا حاجه خليها تاكل اللى عاوزاه لو حتى تطلعى ليها دكر بط 🍗 من التلاجه البت حامل وهفتانه
ولسه إصلاح بتدور على الجن 😈 اللى لابس نعمه وبيتكلم بلسانها وبتقول فى سرها
اللهم اجعله خير الست نعمه لو لابسها جن مسلم مش هيكون بالطيبه دى ، دة اكيد دكر البط مسموم مدامت سامحت فيها اكده عادى
ولسه نعمه عايشه دور الام الحنونه والبقرة الحلوب 🐂🐄 وفجأه بيخرج حسن ونغم وهما الاتنين حواليهم قلوب حمرا بتطير وعصافير بتزقزق 🥰🥰
حسن بيقول
نعمه ، فين هادى جوزك عاوز اقولكم خبر
نعمه بتبصلهم وهى بتمثل البراءة وتقول
خير يا اخوى ثوانى انادى ليك جوزى
نعمه بتبص لاصلاح وتقول من غير تفكير
بت يا إصلاح انجرى اااااااا
نعمه بتفتكر انها كيوت ومؤدبه بترجع فى كلامها وتقول
ااااا قصدى لو سمحت يا خاله إصلاح وبعد اذنك يعنى نادى سى الاستاذ هادى جوزى
إصلاح لسه بردو خايفه من الجن اللى لابس نعمه وراحت بسرعه تنادى هادى اللى كان بيحاول يتعلم فرنساوى من البنات اللى شغالين فى المطبخ
إصلاح دخلت المطبخ وشافته وهو لازق فى البنات فى المطبخ وقالت
واه ، هادى بيه بتعمل ايه اهنه
هادى اتلخبط وقال
لا ابد انا بس باخد مقاسات البنات علشان اعملكم يعنى فورم 👭
إصلاح
ايه اليونى فورم دة ، يعنى هنقبض من الحكومه صح 😁
هادى
لا يا إصلاح دة لبس شبه بعض زى اللى شغاليين فى المطاعم كدة
إصلاح بفرحه
خلاص خد مقاساتى انا كمان واعملى يا سى هادى بيه 🧕
هادى بيبص لإصلاح وشاف انها ست كبيرة وتخينه اوى وقال
للاسف يا إصلاح الحكومه مانعه الحموله دى ، اوعى من وشى
وخرج الجميع علشان حسن يقول اللى عنده
حسن بيقول
ياجماعه انا طلبت ايد نغم وهى وافقت 👰♂️
وهنا ومن غير مقدمات هادى بيفتح بوقه على الآخر 😲، نعمه بتنطلق فى الزغاريد بطريقه غريبه 😛
نعمه بتزغرط وهى مش حاسه بنفسها وكانها فرحانه
هادى بيقرب منها ويقول بالراحه ومن غير ما حد يسمع
نعمتى انتى بتزغرطى عل ايه ، اخوكى هيتجوز نغم المطلقه
نعمه
يالف نهار ابيض يالف نهار مبروك ، زينه البنته كلاتها ، والله وما ليكى عليا حلفان انا من يوم ما شوفتك وانا قلبى اتفتحلك اكدة لله فى لله ، دى امى هتطير من الفرحه، الف مبروك يا اخوى اما انتى بقى تعالى فى حضنى يا حبيبتى تعالى 🫂👩❤️💋👨
نغم مستغربه اوى صرفات نعمه وكانها اتكهربت واتغير الحال ، وحسن كمان مستغرب اوى ولكنه قرب من نغم وقال
مش قولتلك نعمه طيبه اوى ، شوفتى اهى هتطير من الفرحه بخبر جوازنا ، مبروك يا يا احلى نغم فى حياتى ( شويه سهوكه كدة على ما قسم ) جدعنه من الكاتبه
وطلع حسن ونغم عند والدته اللى فعلا طارت من الفرحه بالخبر دة وحضنت نغم كمان وادهم ابن نغم فرح اوى لامه وعمو حسن خصوصا ان نغم وعدته ان حسن هيعامله كويس جدا وهيفضل معاها طول العمر
ومر اليوم ونغم وحسن مع بعض بتحكى ليه ظروف جوازها من والد أدهم وأنهم مكنوش متفاهمين خالص ، وعدم التفاهم دة كان بيعمل مشاكل كتير اوى ما بينهم واخيرا استقروا انهم ينفصلوا وكل واحد يروح لحاله ، وطبعا علشان ظروف المرض بتاع أدهم كان لازم نغم تاخده معاها ووالده بيبعت ليه مصاريفه كامله ، وانه كمان سمح ليها اى وقت انها تتجوز وتخلى أدهم معاها
حسن كمان بيحكى عن زمان لما كان بيسمع حكايات امها عنها ويشوف صورها ويحبها فى السر ، مكنش يتصور ان ممكن فى يوم من الايام الحلم دة يتحول لحقيقه وان البنت الجميله اللى رسمها فى خياله واللى تشبه أميرات ديزني فى يوم من الايام هتكون مراته وجنبه
الفيلا كلها كانت فرحانه بالخبر، وبسرعه الاخبار بتطير فى الصعيد ووصلت لعند عصام اللى لسه مجبس رجله من الليله اياها ، واول ما سمع الخبر هو كمان اتحرك غصب عنه وكان لازم يتأكد ، ولكن برضو عصام مضايق اوى وكأنه مش عاوز نغم تتجوز لا حسن ولا غيرة ، ومع ان عصام زير نساء زى ما بيقولوا لكن نغم بقت فريسه 🦌 بعيدة المنال عنه ( عليا شويه مصطلحات 😆)
عصام داخل الفيلا وواحد من رجالته مسنده
حسن بيقابله من غير نفس وبيقول
اهلا ابن عمى ، حمد الله على سلامتك
عصام
اهلا بيك يا اخوى ، سمعت يا خوى خير فرحتلك على الست نغم وقولت لازم اكون أول واحد يهنى ويبارك امال انت اخوى يا حسن واللى يفرحك يفرحنى ، ال هى نعمه بنت عمى عرفت الخبر دة ولا لسه 🤔
ولسه برضو نعمه رايحه جايه فى الفيلا بتزغرط 😜 واول ما عصام شافها قال
واه ، نعمه بتزغرط لا دة الموضوع عاوز قعدة 🤨
ومر اليوم والأمور لسه عاديه جدا ، اما نعمه فقررت انها لازم تقعد فى الصعيد لحد ما تطمن على فرح نغم وحسن
وتمر الايام وكل يوم احلى من اللى قبله ونغم لسه بتراعى حماتها بكل حب وحسن كمان قرر انه يسافر امريكا لمده شهر يخلص شغله ويرجع مصر لانه خلاص قرر كمان انه هيستقر فى مصر مع نغم
وبدا حسن يحضر لسفره ونغم طبعا معاه فى كل خطوه ، نغم كانت بتتميز بالذكاء وتعرف حاجات كتير اوى فى مصر حسن ميعرفهاش
واما هادى كان بيروح القاهرة ويرجع الصعيد تانى كل يوم يتابع الشركه ، لكن نعمه مكنتش تقدر تسيبه يعيش لوحده فى القاهرة
وعصام فك الجبس ولسه نغم مستنيه انه يوفى بوعده ويخليها تقابل الدكتور الامريكى اللى هيتابع حاله أدهم، لكن من الواضح ان الموضوع دة طلع كدب وكان مجرد خطه علشان بس يقدر يوصلها باى طريقه
وفى اوضه الحاجه ام حسن قاعد معاها حسن وبيقول
امى انتى موافقه على جوزى من نغم ولا لا ، ان عارف عاداتنا كويس وخايف لحسن تكونى مش موافقه ولا تكونى مش راضيه عنى
الام
لا يا ولدى البنت كويسه وبنت حلال وانا حبيتها من اول ما شوفتها ، هى صحيح سبق ليها الجواز لكن وماله يا ابنى الموضوع دة ميعبش الست واصل انت عارف دة سيدنا النبى اتجوز البكر والمطلقه والارمله ،
حسن
اللهم صلى عليه يا امى ، الحمد الله انك طمنتى قلبى ، عقبال ما اطمن كمان من ناحيه نعمه ولو انها بتعامل نغم بطريقه كدة حنينه وانا مش مطمن خالص للموضوع ده
الام
معلش يا ولدى انت عارف ان اختك نعمه طيبه وهبله هى بس بتغير من البنات كل اللى تتجوز تحمل بسرعه وهى يا حبه عينى لسه بقالها كام سنه اهى وجوزها كمان خايب وعينه من الحريم معلش يا ولدى اتحمل اختك شويه
حسن
متخافيش يا امى نعمه فى عنيه وربنا يديلك الصحه وطوله العمر ، وعلى فكرة انا مسافر بكرة علشان اخلص شغل فى امريكا وهافضل هناك شهر ، و بعدها هانزل اتمم جوازى على نغم على طول
وخرج حسن من اوضه امه علشان الوقت اتأخر اوى لكنه قبل ما ينزل بيبص على اوضه نغم ومع انه لسه سايبها الا انه عاوز يشوفها تانى ،😍 حسن قرب من باب الاوضه وخبط✊️✊️ ….. لكن غريبه اوى مفيش حد بيرد ….. حسن بيخبط تانى وباصرار ان حد يفتح ✊️✊️…. برده مفيش حد بيرد
حسن فتح الاوضه وهو وشه فى الأرض اعتقادا منه انها ممكن تكون نايمه مثلا ……. لكن للاسف مفيش حد فى الاوضه
حسن نزل يجرى ينادى ويدور عليها لأنها لا هى ولا أدهم ابنها موجودين فى الاوضه …….
يا ترى المطلقه هربت ؟؟
ياترى اتخطفت ؟؟
ياترى ويا ترى ويا ترى ……
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية مطلقه في قلب صعيدي)
