رواية زينب الفصل السابع عشر 17 بقلم هي جنته
رواية زينب الجزء السابع عشر
رواية زينب البارت السابع عشر
رواية زينب الحلقة السابعة عشر
آسر وزينب وصلو الفيلا وهما مبسوطين
وبيضحكو ولما دخلو البيت لقو خالد قاعد مع
مراد ومعاهم بنت
خالد لما شافهم بيضحكو اضايق وبص قدامه
مراد لازم يحط التاتش بتاعه : اهلا يامدام
زينب احنا قعدين من بدري مستنينك بس
شكلك جاي مبسوطه من برا
آسر لقي زينب مش بترد ولاهي ولا خالد :
اهلا يأستاذ وحضرتك تستناها ليه ان شاء الله
مراد: انا اعتبر اخو جوزها وجاي اعرفها علي
خطيبتي بس احنا متعرفناش علي حضرتك
آسر : انا آسر ابن خالت مدام زينب
مراد: اهلا يا أستاذ آسر انا اتشرفت معرفتك أنا مراد
آسر لما سمع اسم مراد بص لزينب بصه معناها
هو دا وزينب غمضت عينها وفتحتها بمعني ايوا هو
مراد: دي راويه خطيبتي يامدام زينب كانت
حابه تتعرف عليكي وهي اصرت اني اجيبها
النهارده عشان تشوفك
زينب راحت عندها وسلمت عليها :اهلا ياراويه
مبارك علي الخطوبه
راويه :الله يبارك في حضرتك
زينب :قولي يازينب ع طول بلاش حضرتك دي
راويه: خلاص ماشي يازينب
زينب: تعالي نقعد في الجنينه ونسيب الرجاله
مع بعض
راويه: ماشي يلا
زينب : انتي خلصتي تعليمك ياراويه
راويه : ايوا خلصت دبلوم صنايع وكنت جايبه
مجموع وكنت عايزه ادخل كليه بس ابويا الله
يرحمه مرضاش
زينب :انتي عندك كام سنه
راويه : عندى ٢١ سنه
زينب :وعلي كدا بتصلي
راويه :طب ليه السؤال دا طيب
زينب : اهو بندردش ياستي بدل ماحنا
قاعدين طب مفكرتيش تتحجبي
راويه : انا عايزه امشي عشان اتأخرت علي ماما
زينب :أنا أسفه والله ان كنت دايقتك بأسألتي
بس والله مش عارفه اتكلم معاكي في ايه
معلش بس ثواني وجايالك
راويه :ماشي
( وفي نفسها منك لله يامراد البنت شكلها محترم جدا )
رجعت زينب جابتلها كتيبات صغيره عن
الصلاه وعن الحجاب وعن محبة الله :ممكن
تقبلي مني الكتيبات دي لو في يوم حسيتي
بنفسك مخنوقه اقرأئيها
راويه ان شاء الله حاضروحطيتهم في
شنطتها ممكن اروح انادي لمراد عشان نمشي
زينب :ماشي حبيبة قلبي وحضنتها جامد
راويه اول مره تحس ان في حد بيحضنها
بحب وبطيبه بصت لزينب بصه مش مفهومه وسابتها ومشيت
وزينب راحت عند خالد وآسر ولقت الدنيا
مولعه مابينهم وهما بيبوصو لبعض نظرات
مرعبه راحت جهزت الغدا
زينب بخوف : خالد يلا الاكل جهز
آسر يلا هروح انادي لماما والاولاد
خالد قام قعد علي السفره وأسر قعد قصاده
وعيونهم من بعض
ام زينب حمدالله علي السلامه يأولاد انتو اتأخرتو كدا ليه
آسر :والله ياماما وديت زينب الكليه ولفيت
شويه ورجعت اخدتها وقعدنا علي كافيتريا
قولنا نشرب اي حاجه ورجعنا بس كانت قاعده فله
ام زينب :بس يارب تكون انبسط ياآسر
آسر:جدا ياماما
خالد بعد اذنكم طالع اريح شويه زينب خلصي وتعالي عايزك
زينب :اناخلصت وجايه معاك
عند مراد
مراد :ها اتكلمتو في ايه
ريري : متكلمناش في حاجه كل كلامها بتصلي
ولا لأ مفكرتيش تتحجبي مش عارفه هي عامله كدا ازاي
مراد:عامله ازاي يعني
ريري: حسيت اني قاعده مع شيخه واحده من
الصالحات واحده من الصحابيات ليها هيبه كدا مش عارفه هي كدا ازاي
مراد:ايه الكلام دا انتي هتقلبي ولا ايه
ههههههه ولا يمكن تبقي الشيخه ريري اللي
مقضياها مع كل واحد شويه فوقي ياماما
واللي انتي بتقولي عليها دي انا هوقعها بس
اصبري ونفزي اللي يتقالك ماشي ياشيخه ريري
ريري بعد ما مشي قعدت تبكي وخافت علي نفسها من مراد
دخل خالد غرفته ودخلت زينب معاه
خالد واقف باصص للبلكونه
زينب :ايوا ياخالد في حاجه
خالد :بصي يازينب انا مش معني ان اللي بينا
مجرد ورقه فمتعمليش ليا اعتبار
زينب :ليه انا عملت ايه للكلام دا
خالد: كلامك وهزارك وخروجك مع آسر دا
معناته ايه يعني
معناته انك مش عملالي اعتبار
زينب: أبدا والله ياخالد انت ليك احترامك
وقيمتك واعتبارك وانا بقدرك
خالد:لو سمحتي مدام مش عامله قيمه لنقابك
اعملي قيمه للراجل اللي انتي علي اسمه
وبلاش كلام وهزار كتير مع اللي اسمه آسر
زينب: حاضر ياخالد بس متزعليش
خالد:مش زعلان اتفضلي انتي بقي عايز انام شويه
طلعت زينب ياحبيبي مش عارف ينام ومش
قادر يستحمل ان حد بيكلمها غيره ومش
معترف انه بيحبها فقرر يروح للدكتوره تقي
لانه مش فاهم الحاله اللي هو فيها
زينب راحت عند امها وآسر
آسر : هو دا بقي اللي اسمه مراد والله يازوزو
أول لما شوفتو حسيته هو
زينب وهي بتبكي :ايوا هوا ..نفسي اخد حق
ليلي منه وحق ابنها اللي دمرهم حسبي الله
ونعم الوكيل ربنا ينتقم منه هو المنتقم الجبار
آسر راح طبطب عليها وأخدها في حضنها
وقالها متخفيش والله لاجيب حقها بس انتي
عارفه لازم نمشي علي الخطه وكويس انه
جاب خطيبته عشان تتعرف عليكي عشان
تقربي منه وناخد اللي احنا عايزينه
وللاسف كالعاده مين اللي شافهم خالد فحزن
واخد بعضه ومشي بدون اي كلام
آسر:بس بشرط
زينب :شرط ايه
آسر: تشوفيلي صاحبتك سهر اصلي شكلي
قربت اتأهل انا كمان
زينب بفرحه :بجد ياآسر
آسر:بجد ياقلب آسر بس عايز اتكلم معاها
عشان لو في قبول اتقدم لها وادخل البيت من بابه
زينب خلاص : هكلمها النهارده وشوف هتقولي ايه
خالد راح للدكتوره تقي
تقي :اهلا ياخالد عامل ايه انا فرحانه جدا انك
جيت عشان تشوف علاجك
خالد:يادكتوره انا مش عارف في ايه
مبحبهاش بس بغير عليها مش طايق اشوفها مع ابن خالتها
تقي : مين قالك ان الغيره دي مش معناها انك بتحبها
خالد: خايف يكون حب تملك او عشان هي شبه ليلي
تقي :هي شبه ليلي في الشكل بس مش في
الطبع زينب مختلفه جدا عن ليلي ليلي كانت
بنت انطوائيه وملهاش اصدقاء زينب
اجتماعيه جدا ليلي كانت بتنكسف جدا زينب
جريئه بأدب ليلي مبتعرفش تاخد حقها زينب
مبتسيبس حقها ولا حق غيرها ليلي كانت
محجبه عادي وملتزمه عادي انما زينب
منتقبه وملتزمه
خالد هه: هه ملتزمه كنت بحسبها ملتزمه بس
للاسف طلعت زى غيرها من البنات لو كانت بنات فعلا
تقي :متقولش كدا زينب من خلال جلساتها
اتعرفت عليها وعرفتها وفهمتها زينب مش كدا
زينب بنت مفيش منها في الزمن دا وافتكر
اني قلتلك الكلام دا قبل كدا
خالد بعصبيه :انا شفتها حاضنه ابن خالتها
وبتهزر معاه وبتضحك معاه ازاي تبقي بنت
كويسه وهي بتعمل كدا مع راجل اجنبي عنها
تقي :تقدر تقولي انت ليه
خالد :مش فاهم
تقي :ايه اللي يخلي بنت محترمه وملتزمه
تعمل كدا مع ابن خالتها ها المفروض انك
تكون عارف السبب
خالد وهو بيفكر :ممكن يكون
تقي :وليه لأ
خالد سابها وراح البيت عند عمر
خالد :عموره حبيبي عامل ايه ياصاحبي
عمر:الحمد لله يأبيه
خالد: قولي ياعموره هو ابيه آسر عايش
معاكم من امتي
عمر: ماما قالتي انه عندنا من يوم متولد اصل
خالتو ماتت وهي بتولده وماما اخدته
ورضعته مع اختي زينب كانت لسه مولوده قبله باسبوع
خالد:يعني آسر اخوكم من الرضاعه
عمر :ايوا يأبيه
خالد باس عمر بفرحه :طب متقولش اني
سألتك ماشي عشان زوزو متزعلش ماشي كلام رجاله
عمر :كلام رجاله يأبيه
خالد دخل الفيلا وهو مبسوط لقي آسر قاعد
هو و زينب راح قعد جنب أسر وحط ايده
عليه :آسر حبيبي عامل ايه نورت الفيلا ونورت مصر كلها
آسر وزينب 😲😲😲😲
أسيبكم بقي براحتك واطلع اغير لبسي وطلع
السلم وهو بيغني
آسر :زينب هو جوزك ماله
زينب :مش عارفه والله ياخويا اللهم اجعله خير
آسر كلمتيلي سهر
زينب :مستعجل ايوا كلمتها وقلتلي ممكن
تقابله وتتعرف عليه بس وانا موجوده طبعا
آسر:يامسهل
عند مراد
مراد:اتصلي علي خالد واطلبي رقم زينب وكلميها
ريري:حاضر
اتصلت علي خالد : استاذ خالد انا راويه خطيبة مراد
خالد :اهلا بحضرتك
راويه :عايزه رقم زينب
خالد: حاضر هبعتهولك
راويه :ماشي سلام
مراد اتصلي بيها يلا وافتحي المايك
راويه : الو زينب
زينب :السلام عليكم ايوا انا
راويه : وعليكم السلام انا راويه خطيبة مراد
زينب:اهلا ياراويه عامله ايه
راويه :كنت حابه اتكلم معاكم واتعرف عليكي
وبدأو من هنا الكلام لحد فيوم راويه اتصلت
بيها عشان تعزمها ووافقت زينب علي
عزومتها وراحت وياريتها ما راحت
ياترا ايه اللي هيحصل لزينب دا اللي هنعرفه في الفصل القادم ان شاء الله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زينب)
