رواية هذه ليلتي الفصل التاسع عشر 19 بقلم نجمة براقة
رواية هذه ليلتي الجزء التاسع عشر
رواية هذه ليلتي البارت التاسع عشر
رواية هذه ليلتي الحلقة التاسعة عشر
شامي بيوصل ناردين لاحدي المحالات وبتطلب منه يستناها جمب العربيه وفي الاثناء دي بتيجي توقه وشامي بيشوفها هي وداخله نفس المكان اللي فيه ناردين
بيسيب مكانه وبيروحلها بسرعه
شامي _ انسه توقه
توقه_ افندم
شامي _ انتي مش فكراني
توقه_ الحقيقه لأ
شامي_ انا ابن الست اللي دفعتيلها الفلوس في المستشفي
تليفون تليفون توقا بيرن وترد عليه وبعدين ترجع تكلم شامي
توقا _ اه افتكرت، ازيك
شامي بابتسامه _ كويس.. كنت بدور عليكي
توقه _ طيب انا داخله جوه شويه وهجيلك لو لسه هتستنا اوك
شامي _ تمام مستنيكي
بيوقف جمب العربيه في انتظارها لغيت ما بتطلع
توقه_ ازيك
شامي_ الحمدلله
توقه _ خير في حاجه كنت بتدور عليه
شامي_ عاوز اعرف انتي عملتي معانا كده ليه، وكمان علشان ارجعلك فلوسك
توقه بإبتسامة _ مش عاوزة فلوس، وانا قولتلك وقتها انى بعمل كدة لله، عمل خيري يعنى
شامي _ احنا مش محتاجين الحمدلله، لازم ارجعلك فلوسك، بس هتستني شهر كمان
توقه بإبتسامة _ انت مزعل نفسك ليه، بقولك مش عاوزة فلوس
شامي_ انا مقبلش الفلوس دي، لو سمحتي اديني اي حآجه اعرف اوصلك بيها لما احب ارجعلك فلوسك
توقه_ اوك زي ما تحب، هات اكتبلك رقمي
شامي يطلع تليفون صغير بزراير ويدهولها.. علي قدي بقا بس بيقول الو
توقه بإبتسامة _ حلو، ادي ياسيدي رقمي، لما تحب توصلي كلمني عليه ..
شامي بإبتسامة _ متشكر يافندم
توقه_ ماشي يااا.. اسمك ايه
شامي بابتسامه_ شامي
توقه_ عاشت الاسامي . يلا مع السلامة
شامي_ مع السلامة،
بتمشى توقه وهو بيوقف ويبص عليها باعجاب لغيت ما بتيجي ناردين
ناردين _ مين البنت دي
شامي بقرف _ ميخصش معاليكي
ناردين _ نمشي طيب
شامي بقرف_ اتفضلي
بيركبو العربيه ويمشو
ناردين _ اظن هي نفسها الحوريه بتاعتك صح
شامي _ حورية قلبي
ناردين بإبتسامة _ لحقت تكون حورية قلبك بسرعه كده
شامي _ اصل في ناس كده تدخل القلب من اول مره، وناس تانيه مفيش حد بيحبهم
ناردين _ اظن اني انا من الناس التانيه دول
شامي_ لا انتي نوع تالت خالص
ناردين _ مالو النوع ده
شامي_ نوع فاضي محدش بيشوفه
ناردين بإبتسامة _ امال بتعاملني معاملة النوع التاني لية
شامي _ انتي فاهمه غلط، انا لا بكرهك ولا بحبك، ولا بفتكرك اصلا
ناردين _ برافو عليك اصل مينفعش السواق يحب الهانم ولا يكرها خليك كده
شامي_ بس اظن الهانم شاغله تفكيرها بالسواق زيادة عن اللزوم
ناردين بإبتسامة _ اصلي طيبه وبهتم بالكل حتى لو كان سواق عندي
شامي بتريقه _ طيبة اوي اوي.. تحبي اوصل حضرتك فين
ناردين _ هههههه ميرسي…في محل هدوم قريب من هنا وديني هناك
شامي بقرف_ امر معاليكي
بتنزل وتسيبه وهو بيستناها برا وبعدين تليفونه بيرن برقم غريب
شامي_ مين
المتصل _ انا توقه فاكرني
شامي بإبتسامة _ اه طبعا انا لحقت، اهلا بيكي
توقه _ انا حبيت بس اقولك متشغلش نفسك بموضوع الفلوس ده
شامي _ لازم اشغل نفسي، ان شاءلله الشهر الجاي هرجعهملك
توقه _ صدقني انا مش عاوزاهم دي اصلا فلوس جميعيات وناس متبرعه بيهم
شامي _ في غيري محتاجهم،
توقه_ اللي تشوفه،.. انا ممكن اقبلهم بس بتقسيط مش مره واحده
شامي بإبتسامة _ انا مش عارف ايه كرم حضرتك ده اللي زيك خلصو
توقه _ دا من ذوقك، .. اوك انا هقفل لو احتجت اي مساعدة كلمني ضروري
شامي بإبتسامة _ اكيد، وانتي كمان لو احتجتي حآجه كلميني في اي وقت
توقه_ متشكره يا شامي، مع السلامه
بيقفل معاها ويبص لتليفون بإبتسامة، وتيجي ناردين تلاقيه مبتسم
ناردين _ سواق الهانم مبتسم ليه
شامي_ الهانم اي دخلها،.. اتفضلي لو ناوي تمشي
ناردين بإبتسامة _ لا عاوزة اقف هنا شويه
شامي _ براحتك، يسيبها ويبتدي يسجل رقم توقه بإسم حوريه
ناردين تسترق النظر وهو يشوفها ويخبي التليفون منها وبقرف_ افندم معاليكي
ناردين _ سواق الهانم بيعمل ايه
شامي بزهق _ ملكيش دعوه
ناردين _ هههههه طيب خلينا نمشي
شامي _ احسن بردو
بعد أيام
ليلي بتتكلم في التليفون مع ادم
ليلى _ عملت ايه
ادم _ لسه مفيش جديد، انا شغلت جواسيس عند كمال ومش بيبلغوني حآجه مفيده، الظاهر ان الموضوع اتنسا ومش هيجي بعد السنين دي كلها يفتحه
ليلي _ وبعدين يا ادم، يعني كده حق بابا ضاع
ادم _ هعمل اللي اقدر عليه والباقي علي ربنا
ليلي _ يارب
ادم_ مش ناويه تيجي بقا
ليلي _ اجي فين يا ادم، بصفتي ايه هقعد معاك
ادم_ هتجوزك
ليلى _ وعمي والبنت اللي مفروض انها خطيبتك
ادم_ اطمني شكلها كده رافضه عشان ابوها كل شويه يأجل مقابلتنا وبابا ملهوش دعوه بعد ما نتجوز مش هيقدر يعمل حآجه
ليلي _ لا يا ادم انا مش هتجوزك غير لو عمي وافق
ادم _ تبقي مبتحبنيش يا ليلي وبتحطي العقده في المنشار
ليلي بتنهيده _ انا قولتلك اللي عندي لو هتقدر تقنع ابوك انا موافقه مستحيل اتجوز غصب عنه
ادم_ متاكده ان ده السبب
ليلي_ ايوه
ادم بشك_ عامله ايه مع يامن، في حآجه حصلت انا معرفهاش
ليلي بانفعال_ مش واخد بالك ان كل شويه تلمح للموضوع دة يا ادم
ادم_ عشان انتي بقيتي غريبه مش ليلي اللي اعرفها
ليلي بانفعال_ لا انا نفسي، ويامن مش اكتر من صديق، وعايشين مع بعض زي الاخوات ومحصلش بينا حآجه.. حلو كده ولا تيجي تقعد معانا عشان تتاكد
ادم_ ليلى انا بحبك وخايف تضيعي مني بس مش اكتر
ليلي بعصبيه_ متخفش قولتلك اني عاوزاك ملوش لازمه تقول الكلام ده كله شويه
يامن بيقرب من الباب ويسمعها وبعدين يفتح الباب ويدخل
ليلي_ ماشي يا ادم هكلمك بعدين
يامن _ كملي قفلتي ليه
ليلي_ خلصنا كلام
يامن _ تمام، انا كنت جاي اغير وماشي
ليلي_ مالك
يامن_ مالي
ليلي_ انا بسالك، حد مزعلك ولا ايه
يامن_ لا مفيش حد مزعلني
ليلي _ ، ماشي
يامن _ لو عاوزة تروحي ل ادم وانا واقف في طريقك، روحي متعمليش حسابي في حآجه
ليلى_ فجاه كده.. مالك يا يامن
يامن بعصبيه_ ماالي ما انا كويس انتي هتزعليني بالعافيه
ليلي باستغراب_ طيب بتزعق ليه دلوقتي
يامن_ مفيش، عن اذنك وبيدخل الحمام ويسيبها
ليلي محدثه نفسها_ مالو ده..
بعد شويه بيطلع من الحمام ويتجه للباب
ليلي_ يامن
يامن_ عاوزة ايه
ليلي_ عاوزة اعرف مالك، انا عملت حآجه زعلتك
يامن بخنقه_ لا
ليلى_ امال في ايه
يامن _ مفيش يا ليلي، متشغليش بالك عن اذنك ورايا شغل لازم اعمله
ليلي توقف قدامه _ انت مضايق عشان كلمت ادم
يامن بتنهيده_ ايوة
ليلي_ طيب ليه
يامن_ افرضي حد كان قريب من هنا وسمع كلامك معاه هيقولو ايه
ليلى _ هو ده السبب
يامن يتهرب من النظر ليها_ ايوة
ليلي _ مش هكلمه تاني
يامن بابتسامه _ طيب
ليلى بإبتسامة_ عاوزة شيكولاته
يامن بإبتسامة_ ماشي هجبلك معايا انا وجاي وبيروح للباب
ليلي_ يامن
يامن_ نعم
ليلي بتردد _ ولا حآجه خلاص روح
يامن_ كنتي عايزة تقولي حآجه
ليلي_ كنت عايزة اقولك متتاخرش
يامن بإبتسامة_ ليه
ليلي_ عشان الشيكولاتة
يامن_ ههههه ماشي مش هتاخر
في المخزن
فهد_ يعني ايه كل اما اروح مكان اشوفك جمبي.. يعني ايه… نسيت الباقي فكريني كده يابيبي
نور بقرف_ مليش في الاغاني
فهد_ عشان كده قلبك قاسي عليه
نور بانفعال_ ما تتلم دا انت معندكش دم
فهد_ تؤتؤ زعلان منك في حد يغلط في حبيبه
نور_ حبتك عقربه
فهد_ او حيه ايهم اقرب
نور_ قصدك ان انا حيه
فهد_ يعجبني سرعة بديهتك، امتي بقا تبقي سريعه البديها وتركزي معايا
نور بتبتمه _ يابرودك
فهد بإبتسامة_ بتقولي حاجه ياروحي
نور _ ولا حآجه
فهد_ طيب ما تقوليلي هتحبيني امتي
نور_ بكره ان شاءلله
فهد_ والنهارده قال ايه
نور بانفعال_ ايه ياعم البرود ده
فهد _ دا من بره بس انما من جوه
نور بانفعال_ انت قليل الادب،
فهد_ هو انا اتكلمت انتي مالك خلقك ضيق كده
نور بزهق_ ياستاذ وحيات ما يخليك احبابك تمشيني انا مش وش بهدله
فهد_ انتي وراكي ايه بره يعني ما تخليكي مش يمكن تحبيني
نور بدموع_ الله يسامحك يا زياد ياريتني ما كنت روحت عندك
فهد_ اممم بصي انتي اكيد هتمشي بس مش دلوقتي ف الاحسنلك تتاقلمي علي الوضع ده.. دا لمصلحتك يعني
نور_ طبعا وانت هتحس بيه ازاي، من امتي السجان بيحس بالمسجون، انتو مش عارفين ممكن يحصل لامي ايه لما تسمع دي لو مكنتش سمعت
فهد بتنهيده_ بعيد عن اي حآجه بس انا لو بأيدي كنت خرجتك، انا عبد المامور
نور _ اه
فهد _ ها هتحبيني امتي بقا
نور بخنقه_ انا علي شويه كنت هقول ظلمتك ياعم ارحمني مش مكفيك اللي انا فيه
فهد_طيب ما انا كويس فعلا، شوفيني بقلبك ههههه
بيقطع كلامه صوت التليفون
فهد_ ايوه يا عم سعد
عم سعد بحزن _ فهد بيه، روكي مات
فهد بصدمه_ روكي مين اللي مات ياعم سعد
عم سعد بحزن_ كلب حضرتك، دخلنا عليه لقيناه ميت
فهد بانفعال_ ازاي يعني مات دا كان كويس،
عم سعد_ دا اللي حصل
فهد بانفعال_ أقفل انا جاي
نور بقلق _ في ايه
فهد ميردش عليها ويطلع بسرعه
نور باستغراب_ روكي مين اللي مات يكون اخوه
في فيلا نادر
جيلان بتصرخ وتتوجع
نادر يروحلها بسرعه يلاقيها نايمه علي الارض وبتصرخ من الألم،… بيجري عليها بقلق
نادر _ جيلان، حبيبتي
جيلان بصراخ_ بطني بتتقطع يا بابا الحقني
نادر بقلق_ ثانيه واحده، بيرن علي البادي جارد، ويجو بسرعه وعلى راسهم عز اللي بيدخل ويسمع صوت صراخ جيلان
عز _ اوامرك نادر، باشا، سلامتها مالها
نادر _ شيلها على العربيه هنوديها لدكتور
عز يقرب منها بسرعه ويشيلها على ايديه، ويجري بيها على العربيه، ويريحها ونادر يركب جمبها، ويمشو، وهي طول الطريق تصرخ من الوجع
في المستشفى
جيلان في اوضة الكشف بتتوجع و نادر واقف جمبها وعز بيبصلها من بعيد وصعبان عليه تعبها وشكلها هي وبتتلوي من الوجع
الدكتور بيخلص وبيرجع علي مكتبه
نادر _ ماالها يا دكتور
الدكتور _ مفهاش اي حآجه
نادر _ امال بتتوجع كده ليه
الدكتور _ مش عارف الحقيقه بس هي كويسه وعلى العموم انا هكتبلها مسكن
جيلان بالم _ ازاي مفيش حآجه . اااه هموت يا بابا الحقني
نادر _ مفهاش حآجه ازاي مش شايف منظرها
الدكتور _ هي بتدلع بس
نادر بغضب_ بتدلع ؟ انت مين اللي عملك دكتور شايفها بتموت قدامك وتقولي بتدلع
الدكتور _ لو مش مصدقني روح لاي دكتور تانى وهو يأكد كلامي
نادر _ دا اللي هيحصل، يلا ياجيلان، بيمسك ايدها ويسندها
عز_ عنك نادر باشا
جيلان تبصله بكره _ لا شكراً انا كويسه كده، يلا يا بابا
عز يبعد عن طريقها ويبصلها ويتابع حراكتها وتعابير وشها ثم يحدث نفسه _ الظاهر انها بتمثل اما نشوف اخرتها معاكي انا متاكد انها ناويه علي حاجه
بيمشو برا المستشفى، وقريب من كافية بتطلب منهم يوقفو علشان تروح الحمام ،
بينزلو. وتروح الحمام، ويعدي الوقت وهي بتتأخر في رجوعها، نادر بيروح يشوف هي اتاخرت ليه، لكن مبيلقهاش في الحمام، ويبتدي يدور عليها في الكافيه وميلقهاش
نادر _ البنت راحت فين..، عز ياااعز
عز_ امرك نادر باشا
نادر _ جيلان مش موجوده في الكافيه، اقلبو عليها المنطقه لغيت ما تلاقوها
عز محدث نفسه _ تبقى عملت الفيلم ده علشان تهرب يارب لما نلاقيها ابوها يموتها علشان نرتاح منها ومن حوارتها
في مكان قريب، زياد بيوقف بتاكسي وجيلان بتوصل عنده وتركب معاه بسرعه ويطلعو
زياد _ أخيرا جيتي
جيلان_ خليه يطلع بسرعه قبل ما يلحقونا
زياد _ بسرعه ياسطا
في مكان منعزل عن المناطق السكنية، بيوصل زياد و جيلان وينزلو من التاكسي ويدخلو في بيت صغير
جيلان بفرحه _ وحشتني يا زياد،
زياد بخبث _ وانتي كمان يا روحي، وفجاه يطلع منديل من جيبه ويحطه علي وشها وهي تقاوم لغيت ما بيغمي عليها
وبعدين يدخلها الاوضه، ويكتفها ويصورها بتليفونها ويبعتهم ل نادر
نادر بيفتح الرساله وبذهول_ جيلان، ايه ده في ايه.. بيتصل برقمها
زياد ببرود _ حمايا العزيز
نادر بانفعال _ عملت ايه في بنتي ياحقير
زياد _ الحقيقه لسه معملتش بس لو نور مرجعتش ومعاها خمسه مليون، هعمل كتير
نادر _ لو مسيت شعر منها مش هيكفيني فيك عيلتك كلها
زياد_ بس بقا انت في وضع ميسمحلكش تهددني، بنتك تحت ايدي وفي ثانيه ممكن اخلص عليها، او مثلا يعني اعمل فيها حآجه واصورها وانشرها علي اليوتيوب، هتجيب فلوس كتير اوووي
نادر بغضب _ انت عاوز ايه دلوقتي
زياد _ قولتلك يا ندوره،.. نور بنت خالتى ترجع ومعاها خمسه مليون
نادر _ موافق، بس اضمن منين انك مش هتعملها حآجه
زياد _ مفيش ضمان لكن لو شهلت قوام قوام انا هرجعهالك سليمة انما لو لاوعت ودخلت البوليس في الموضوع او خليت رجالتك يعملو حآجه انا هرجعهالك حته حته بعد ما اكون صورتلها فيديو حلو معايا طبعا
نادر بغضب _ موافق بكره البنت هتكون في بيتهم هي والفلوس بس جيلان ترجع النهارده
زياد_ ههههه عيب يا ندوره هو انت شايفني عبيط اوى كده
نادر _ ماشي، بكره الصبح بس لو حصلها حآجه والله ما هيكفيني فيك عمرك كله
زياد _ اوك سلام … اه حآجه اخيره
نادر _ ايه
زياد _ ابقا ربي بنتك
نادر بانفعال _ يا حقير وفجاه السكه بتتقفل في وشه
نادر بانفعال _ طيب والله ماهرحمك يا زياد
بيتصل ب عز
عز _ نادر باشا
نادر _ ارجعو
عز_ في جديد معاليك
نادر _ ايوه، يلا تعاله بسرعه علشان نرجع
عز_ امرك نادر باشا
جيلان بتفوق وتلاقي نفسها متكتفه
جيلان بصراخ_ زيااد
زياد بيدخل عليها ببرود _ انتي صحيتي
جيلان _ انت ازاي تعمل فيه كده،
زياد بزهق_ بت انتي انا استحملت قرف امك كتير عدي ليلتك
جيلان بذهول _ انا جيلان حبيبتك يا زياد
زياد بقرف_ انا احبك انتي،
جيلان بدموع _ يعني كنت بتكدب عليه
زياد _ وانتي فيكي ايه يتحب.. حلو مثلا،؟ الحلوين كتير
جيلان بدموع _كنت بتضحك عليه يا زياد
زياد بزهق _ ايوه اسكوتي بقا انا مستحملك بالعافيه
جيلان بانفعال _ اه يا زبالة يا واطي والله ما هسيبك
زياد يقرب منها ويضربها وبعدين يشدها من شعرها بغضب _ عدي ليلتك بقولك، مش انا اللي احب واحده زيك ملهاش حد يلمها
جيلان ببكاء _ ااه اه سيبني
زياد _ لو سمعت صوتك تانى هد.بحك انتي فاهمه
جيلان ببكاء _ فاهمه فاهمه
يذقها لتقع على السرير ويطلع من الاوضه ويسيبها
بالليل في المخزن
عز بيروح هناك مش بيلاقي فهد، بيتصل بيه وميردش وبعدين يدخل عند نور
نور تقوم بسرعه _ ايه
عز _اعملي حسابك الصبح هتمشي
نور بفرحه _ بجد
عز_ اه مبروك، فهد مجاش هنا؟!
نور _ كان هنا من كام ساعة ، بس مشي هو وزعلان معرفش مين ماتلو
عز_ مين ماتلو ازاي هو ملهوش حد يموت اصلا، ايه اللي حصل
نور _ سمعته بيقول روكي مات
عز _ اه
نور _ مين هو دة
عز_ ده الكلب بتاعه
نور محدثه نفسها _ كلب.. وموت الكلب يخليه يزعل كده، قال يعني عنده احساس يارب المحه قبل ما امشي
فهد قاعد في اوضتة وبيشرب سجاير وايده بتترعش من الزعل وبعدين التليفون بيرن
فهد _ ايوة
عز _ فين
فهد _ في البيت
عز_ عرفت ان روكي مات ربنا يصبرك
فهد _ متشكر
عز_ طيب ايه مش هتيجي الدنيا مقلوبة هنا
فهد _ ليه
عز_ جيلان اتخطفت و نادر خارب الدنيا وكمان نور هتمشي بكره
فهد _ والمطلوب مني
عز_ نادر بيسال عليك
فهد _ قوله مات
عز _ لا إله الا الله فك كده انا اجبلك واحد غيره
فهد _ سيبني دلوقتي ياعز
عز _ عشان خاطري متزعلش، انا لو هقدر اجيلك كنت جيتلك بس انت عارف
فهد _ متشغلش بالك وقولي ايه دخل خطف جيلان بان نور تمشي
عز_ الواد ابن خالتها هو اللي خطفها وبيهدد انه لو مرجعتش هيعملها حآجه
فهد _ كويس
عز_ هو ايه اللي كويس دي مصيبة فكرك نادر هيعديها، دة مش بعيد لما ترجع بنته يروح يقتـ.لهم كلهم وهتشوف
فهد _ ده اللي هيحصل، الواد ده غبي مش عارف بيلعب مع مين
عز بغضب _ كله منها هي السبب
فهد _ جيلان؟
عز_ ايوه
فهد _ طيب اسيبك دلوقتي الصبح هجيلك وتحكيلي اللي حصل
عز بإبتسامة _ ايوة كده ماشي هستناك
فهد _ اوك مع السلامه
بيقفل مع عز ويقوم يلبس ويخرج
منزل منصور
ليلي قاعدة في اوضتها علي السرير وبتلعب في شعرها بإبتسامة وهي شارده لغيت ما بيقطع شرودها صوت الباب
تقوم بسرعه تفتح تلاقيه يامن
يامن _ اتاخرت عليكي
ليلي _ لا عادى
يامن بإبتسامة _ الشيكولاتة
ليلى _ ايه ده انت جيبت كل الشيكولاتة اللي في السوبر ماركت
يامن _ اي خدمه.. استني كده بيدخل ايده في جيبه ويطلع سلسلة
ليلي بإبتسامة _ ايه ده كمان
يامن يلبسهالها _ دي هدية يارب تعجبك،
ليلي تمسكها وتبصلها _ حلوه اوي متشكره بس ليه تعبت نفسك
يامن _ اصلي ملاحظ ان معندكيش غير السلسله اللي علي طول لبساها مبتغيرهاش ف قولت اجبلك غيرها
ليلى بإبتسامة باهته _ دي معايا من عشر سنين مش بقلعها
يامن _ اشمعنا
ليلي _ ادم جبهالي قبل ما يسافر و وعدته مقلعهاش
يامن _ اه، حلوه.. خليكي لبساها
ليلي _ ماشي
يامن _ لو مش حابه السلسلة بتاعتي تقدري تقلعيها مش هفرض عليكي تلبسيها
ليلي بإبتسامة _ انا حبيتها ، مش هقلعها خالص
يامن _ اتنين تقال عليكي، لازم واحده بس فيهم
ليلي بإبتسامة _ الاتنين غالين عليه واحده من صديقي والتانيه من الإنسان اللي بحبه
يامن بإبتسامة باهته _ كويس، مبروكين عليكي، عن اذنك هروح اخد دش
ليلي _ اتفضل
بيمشي قدامها وهي تبص عليه لغيت ما بيختفي عن نظرها لتمشي في الغرفة محدثه نفسها بإبتسامة _ مسالنيش مين الصديق ومين الحبيب،
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هذه ليلتي)
