رواية حكاية نسب الفصل الرابع والعشرون 24 بقلم بسنت حسين
رواية حكاية نسب الجزء الرابع والعشرون
رواية حكاية نسب البارت الرابع والعشرون
رواية حكاية نسب الحلقة الرابعة والعشرون
لاقعدن علي الطريق وا شتكي، من اهلي والزمان والحظ الفسدقي
يا ناس جوزنوني معاكوا واكسبوا ثواب
جسور: حاضر يا جواد لما تكبر شوية يا حبيبي
اسمهان: بالمناسبة يا جسور، انت خطوتك الجاية هتبقي ايه، هترجع شركتك ولا هتفضل معايا، قبل ما اسمع قرارك احب اقولك اني محتاجاك معايا جدا، انا ت عبت من ان الشغل كله فوق راسي شيل عني بقي شوية، ها قررت ايه
جسور: وانتي كده بتخيريني ده انتي بت خبطيني في حيطة، اللي هو لو عايز تسيبني يا جسور مش هينفع بس برضو رأيك ايه
اسمهان: لا بجد قرر وقولي
جسور: حاضر
داليدا: قولي بقي هنتجوز فين، هنا ولا برا، عن نفسي انا عايزة استفرد بيك طول حياتي لوحدك احب سك في شقة كده ميطلعش عليك ضوء شمس بس برضو عايزة اقعد هنا مع الجماعة عشان بحبهم وقعدتهم حلوة الصراحة انت رأيك ايه
جسور: لا هنقعد برا ولا هنقعد هنا، شايفة انتي الملحق اللي هناك ده؟ هنه ده ونبني مكانه فيلا صغيرة كده، هتبقي معايا ووقت ما تعوزيهم تبقي معاهم برضو بس نبقي علي راحتنا
داليدا: دماغ مهندسين متكلفة مافيش كلام الله عليك
الست مرجانة: كبرت وهتتجوز يا جسور وافرح بعيالك
جسور: ماحدش هيربيهم غيرك يا ست الكل زي ما ربيتيني
اسمهان: وانا روحت فين مش كفاية اتحر مت منك ومن تربيتك، سببلي العيال بقي
داليدا: متقل قوش هنوزع العيال عليكوا انا ناوية اجيب فريق كورة هنا من الراجل القمر ده ياختشي علي جماله ياختشي، ما تقوم تجيب المأذون بقي
جسور: يخر بيتك اتلمي انتي مالك انف جرت عندك ماسورة مشاعر زيادة، ايه اللي حصلك
داليدا: ياعم العمر قصير، النهاردة اتخ طفت ورجعت سليمة بفضل الله وكرمه بكرا ممكن اعمل حا دثة ومعرفش اتصرف، مافيش وقت للكسوف
جسور: بعد ا لشر عليكي، صحيح اللي اختشوا ما توا
…….
بعد ثلاث اسابيع
حنين كانت واقفة بتحضر شنطتها وبتستعد عشان تمشي بعد كتب كتاب جسور وداليدا، وماسكة دموعها بالعافية عشان هتتحر م من جو العيلة ده تاني، باب اوضتها خبط وراحت تفتح لقت ممدوح قدامها
ممدوح: جهزتي يا حنين، يلا عشان….. ايه ده بسم الله ما شاء الله ايه الحلاوة دي
حنين: بتكلمني انا؟
ممدوح: هو في قمر هنا غيرك يا نونو
حنين: انت مين يا راجل انت وفين ممدوح باشا، النحنحة دي مش بتاعته
ممدوح: انا هعرفك النحنحة علي اصولها، تعالي معايا علي تحت.
شدها من كم الفستان وخدها جري علي السلالم
وقفوا يحضروا كتب الكتاب
“بارك الله لكما وبارك عليكما وجمع بينكما في خير”
جواد: انا معتر ض علي الجوازة دي
سامح: يابني الجوازة تمت خلاص
جواد: والله، نطقت متأخر، مش عايز حد يتجوز قبلي
ممدوح: استني يا شيخنا في كتب كتاب تاني
ووقف ممدوح قدام حنين وبصلها وقالها
حنين تقبلي تبقي نصي التاني اللي كنت بدور عليه وهو جنبي ومش حاسس؟ تقبلي تبقي الحاجة الجميلة في حياتي اللي هرجع من الشغل كل يوم عشان تستقبلني بضحكتها اللي تاخد العقل؟ تقبلي تطبخيلي كل يوم ولاخر يوم في عمرك؟
حنين: انت فاجئتني بصراحة انا كنت بجهز هدومي وماشية مش عاملة حسابي علي اقامة ابدية كده، اديني وقت افكر، اديني شهر يمكن اكتر سبني افكر
ممدوح: تفكري اه
راح ساحب السلا ح من علي وسطه ومعمره وحاطه علي دماغها
ممدوح: بطاقتك يابت
حنين: اتفضل يا باشا ارجوك خدها، اكتب بسرعة يا مولانا عايزة البس الابيض قبل الابيض الاخير بتاع الق بر
واتكتب كتاب الاتنين وجواد بيبكي في الزاوية
جوزوناي زي الناس دي بقي 😭
……
في جنينة القصر قرروا كلهم يحتفلوا في جنينة القصر وميعملوش فرح، يحتفلوا كعيلة مع بعضهم وبعدين يروحوا شهر عسل في اي وقت البنات يحبوا فيه، شغلوا اغاني سلو وقعدوا يرقصوا سوا
جسور: يااااه اخيرا بقينا لبعض يا داليدا انتي متعرفيش كنت شايل هم الموضوع ده ازاي، قاعد احسب واخطط عشان افتح بوقي واقولك اني بحبك بس مكنتش قا در، كنت خاي ف لا ترفضيني
داليدا:ما البعيد عديم النظر مكنتش شايف خالص كده اي اشارة اني بحبك انا كمان يعني؟
جسور: ياشيخة اسكتي مش لما ابقي اشوفك انتي الاول يا كابتن، قاعد احب في خيالك انا طول السنين دي كلها وانتي بتلفي بلاد الله
داليدا: الله مش بعملي كيان وبحقق حلمي، ولا كنت عايزني اقعد جنب حماتي اقور كوسة، مش كاري ده انا بقولك اهو
جسور: لا طبعا اشتغلي زي ماتحبي بس مافيش لف بعد كده من غيري، رجلي علي رجلك
داليدا: ياسلام ده عز الطلب، كمل رقص بقي وسيبنا ننسجم دلوقت
…..
عند ممدوح وحنين
ممدوح: ايه يا بت يا حرمي يا مصون انتي، مالك سرحانة في ايه
حنين: مش مصدقة اللي احنا فيه ده، هو انت عملت كده ليه فجأة
ممدوح: والله بصي انا حسبتها كده ولقيت فيكي كل المواصفات اللي بدور عليها، فقولت مبدهاش يا ممدوح الحق العصفور قبل ما يطير
حنين: وقلبك فين في الحسبة دي شغال ولا مش معانا؟
ممدوح: مش عارف، دوري عندك كده عشان من ساعة ما شوفتك بدور عليه
حنين: اومال يا راجل كنت بتديني من المنقي خيار ليه ومصدرلي الوش الخشب
ممدوح: الله مش كان لازم اتأكد منك الأول قبل ما ابين اي حاجة؟ اصل احنا مش بتوع سرمحة احنا بتوع جواز مباشر كده، فبنعرف اللي عايزينه وبعدين نتصرف
حنين: ده انت ظابط قوي ياخي ايه في ايه
ممدوح: قوليلي بقي كنتي فعلا عايزة وقت تفكري؟
حنين: الصراحة الصراحة؟ انا ما صدقت اساسا بس عمري ما هروح اقول
ممدوح: بقولك ايه صحيح، انا هاخدك ونقعد في بيتك فترة كده لحد ما اظبط الجناح بتاعنا علي ذوقك ايه رأيك
حنين: لا متغيرش حاجة، انا عايزة اعيش في نفس اللي انت عايش فيه منغيرش حاجة
ممدوح: لا لازم كل حاجة نتشارك فيها انا وانتي من الصفر، دي حياتنا مش حياتي انا، مافيش انا وانتي بعد كده في احنا
حنين: سيدي ياسيدي علي الكلام القمر
وسكتوا الاتنين وكملوا رقص
….
عند جواد وسحر
جواد: سحر قومي نرقص
سحر: امشي من هنا يلاه معندناش بنات ترقص مع حد غير محار مها، انا هروح ارقص مع اخويا وانت ارقص مع اختك
جواد راح متنرفز ومشي ناحية ممدوح
جواد: قول لاختك ترقص معايا بدل ما ابو ظلكوا الفرح
ممدوح: بس يلاه معندناش بنات ترقص مع رجالة غيرنا، ولا اقولك، شوفت الطبيب المعجزة؟
داليدا: بحب المسلسل ده قوي
جواد: لا بس لو قصدك علي الرقصة اللي فيه اه شفتها مقطع ع الفيس مشيرينه كتير
ممدوح: ارقص زيه بقي
سحر: بتدبسني يا اخويا يعني
ممدوح: معلش يا سحر الواد جاب اخره، اعطفي عليه
سحر: عشان خاطرك انت بس
وقعدوا كلهم يضحكوا ويهزروا
…….
وتمر الايام علي ابطالنا بحلوها ومرها، ممدوح اترقي في شغله، وحنين كبرت محل الورد، اما عند داليدا فهي مطلعة عين جسور وساحباه معاها من بلد لبلد بس علي قلبه زي العسل، جواد اشتغل في الشركة وطلع ليه لزمة وفاد الشركة بوجوده واخيرا حنوا عليه وجوزه سحر، اما عن مرعي لسه متلقح في الغيبوبة مالناش دعوة بيه
….
تمت
لقراءة الرواية كاملة اضغط على : (رواية حكاية نسب)
