رواية زينب الفصل الحادي عشر 11 بقلم هي جنته
رواية زينب الجزء الحادي عشر
رواية زينب البارت الحادي عشر
رواية زينب الحلقة الحادية عشر
خالد لما سمع اعتراف سهر اضايق بس مش عارف يقولها ايه
خالد: طب ممكن تنزلي
سهرنزلت من العربيه : اهو انا نزلت انزل انت
كمان وخلينا نقعد جوا نشرب حاجه ونكمل كلامنا
خالد وهو بيدور العربيه : اسف ابقي اركبي
تاكسي وروحي احسن السلام عليكم
سهر : خالد خالد بقي كدا تسيبني وتمشي
ماشي خالد والله لاعرفك هي مين سهر
خالد روح البيت وهو علي أخره من الانسه
زينب اللي سلمتو تسليم اهالي
زينب: خالد حمدالله علي سلامتك انت
اتأخرت كدا ليه
خالد وهو بيبصلها بغضب: ولا اتأخرت ولا حاجه
زينب:طب وصلتها لحد ماهي عايزه
خالد :ايوا وكنت عايز استناها بس خفت
لتقلقي عليا
زينب بتوتر : وووانا …هلقلق عليك ليه انت
كنت بتوصلي زميلتي
خالد بابتسامة تريقه : زميلتك ……ماشي
زينب :خالد مالك انا مش مطمنه ليك في
حاجه عايز تقولها
خالد :ولاااااااا أي حاجه
تاني يوم راح يوصلها لقي سهر واقفه مكان مبيوقف عربيته
خالد : خلصي المحاضره اللي عليكي
وهاجي اخدك عشان نروح الشركه ونطلع علي الدكتوره
زينب بتبص علي سهر لقتها هتاكل خالد بعيونها
وسهر لما شافتهم جات عليهم
سهر بدلع :ازيك ياخالد عامل ايه
خالد بيرد بدون نفس :الحمد لله
انزلي يازينب ومتتاخريش
زينب : حاضر
عامله ايه ياسهر
سهر:الحمد لله زينب هو خالد بيقولك
متتأخريش علي ايه
زينب :علي الشركه هخلص المحاضره وهيجي
ياخدني ونروح الشركه
سهر عيونها لمعت :انتي عندك شركه
زينب :لا انا بشتغل فيها
سهر: طب ممكن تلاقيلي شغل معاكي اي
حاجه ممكن اشتغل اي حاجه
زينب :مها وفرح هناك اهم هروح اسلم عليهم بعد اذنك
وراحت عند صحباتها بسرعه
سهر:طب متنسيش تسأليلي
مها : زينب وحشتينا يابنتي من ساعة
مصاحبتي سهر واحنا معدناش بنشوفك
زينب : والله يابنات غصب عني الله يهديها
فرح : زينب عايزه أسألك مين اللي بيوصلك دا
زينب بتوتر :دا ….دا دا خالد جوزى
فرح ومها بصدمه وف نفس: واحد جوزك
زينب :ايوا جوزى مالكو مصدومين كدا ليه
فرح:وانتي مقولتيش ليه من الاول
زينب :مجتش مناسبه اقول ليه في حاجه
مها بصت لفرح بمعني نقول ولا لأ والاخر قررت مها تتكلم
مها: بصي يازوزو انا مش هفتن لان الفتنه اشد
من القتل بس الكلام اللي هقوله دا هقولو عشان خايف عليكم
زينب :كلام ايه وخايفه علينا احنا مين
مها :بصي يازوزو لما احنا سألناكي مين دا
وانتي مردتيش وجات سهر تسأل مين دا
فإحنا قولنا ممكن يكون السواق بتاعك فسهر
اعجبت بيه وكل يوم بتحاول تركب معاكي
عشان يوصلها وتقرب منه وهي قالتلنا انها
اعترفتله بحبها انبارح ومستنيه منه الرد
زينب بصدمه: اعترفتله بحبها انتي بتتكلمي بجد
فرح :يازينب اوعي تاخدي موقف معاكس
وتبعدي عن جوزك وتسيبيلها حياتك تلعب بيها زي ماهي عايزه
مها: المهم دلوقتي تعرف ان خالد جوزك ومش
تعرف لا تتأكد انكم بتحبو بعض
زينب : وتتأكد ازاي انا مش فاهمه
فرح :متزعليش مني اللي يشوفك وانتي راكبه
ورا يقول يإما هو السواق او جوزك ومتخنقين
مع بعض قربي من جوزك ياختي وخليها
تشوف دا وتعرف انكم بتحبو بعض
زينب دماغها بقي في حته تانيه وقعدت
تتخيله وهو بقي ليه علاقه بسهر وهما
بيتخطبو وهما بيتجوزي وهي مشغلاها عندها
هي ليان وهي بتضرب ليان (ياسلام لما
الواحد بيسلم دماغه للشيطان بيصورله حاجات وبيعمل حواديت وحكايات اللهم اكفنا همزات الشيطان )
والاخر قالت ليان لأ والله مش هسمحلها بكدا
مها: ليان مين ياختي وهتسمحي لمين انتي
اصلا سرحتي في ايه
زينب :قولولي يابنات اعمل ايه
فرح :بس تعملي كل اللي هنقولك عليه
زينب :حاضر والله
فرح :اسمعي ياستي …….
خلصو المحاضره وزينب مشيت مع البنات
علشان تروح لخالد اللي زمانه مستنيها ولما
وصلت لقاته واقف مع سهر مش عارفه قلبها
وجعها وكانت هتسيبه وتمشي من غير
ميشوفها بس البنات وقفوها وفكروها بخطتهم
راحت عند خالد اللي راكب وسهر راكبه جنبه
زينب :السلام عليكم
خالد:وعليكم السلام ايه اللي أخرك كدا
زينب :مفيش اصل كنت بنقل شوية حاجات
من واحده زميلتي سهر انتي محضرتيش المحاضره ليه
سهر:هبقي انقلها منك
زينب وماله طب ايه انتي هتفضلي في العربيه ولا إيه
سهر:انا عايزه اروح معاكي الشركه عشان
تكلميلي صاحبها واشتغل معاكو قصدى معاكي
زينب وهي بتبص لخالد :بس مش هينفع
النهارده عشان صاحب الشركه مش فاضي
تقدري تنزلي دلوقتي وبعدين هبقي اكلمه
سهر وعيونها علي خالد : طب مينفعش توصلوني في طريقكم
زينب والله ياحبيبتي مش هينفع
سهر بزعل : خلاص ماشي اركب تاكسي أنا
زينب :في رعاية الله ياحبيبتي وركبت قدام
وقبل ما سهر ترد خالد طلع بالعربيه بسرعه
خالد بقي مصدوم انها ركبت قدام
وزينب لاول مره تركب جنب حد والغريبه انها
مكنتش خايفه ولا حتي متوتره
اول لما وصلو الشركه طلع خالد وسابها تطلع
لوحدها لانه زعلان انها اتعرفت علي بنت مش
كويسه زي سهر وكمان هي مقلتلهاش انه جوزها
زينب طلعت وراه ولما دخلت المكتب
:خالد في ايه انت زعلان مني
خالد:وانا هزعل منك ليه ايه يعني لما
متقوليش لصاحبك ان انا جوزك وايه يعني لما
صحبتك تعترفلي بحبها وايه يعنية
زينب :انا قلتلك انا مقلتلهاش ليه وكمان لما
اعترفتلك مقولتلهاش ليه انك متجوز بدل ماهي مستنيه ردك
خالد: ياأنسه زينب الصدق منجاه لو كنتي
صدقتي من الاول مكنتش اي واحده من
زمايلك تقدر تقرب مني انما هما فكرين اني انا
السواق بتاع حضرتك يارب كمان شويه
ملاقيش حد تاني جاي يعترفة
زينب “انا قلت لفرح ولمها انك جوزي
خالد فرح انها قلتلهم بس مبينش دا : بعد ايه
وطول ماهو في الشركه مش مديها وش
ولما خلصو شغلهم روحو البيت وخالد قبل
ميطلع غرفته قال لزينب انا هدخل انام
ومحدش يصحيني
زينب :طب مش هتتغدا
خالد بشخط :مش هتغدا مليش نفس
نزلت زينب عند امها والاولاد غدتهم وزاكرتلهم
وقعدت تلعب معاهم
عمرقاعد في جنب مش بيلعب
آيه : عمر تعالي إلعب معانا
عمر:انتو كلكم بنات وانا راجل مينفعش ألعب معاكو
ليان:عمر بالله عليك تعالي إلعب معانا
عمر :طب تعالو نعمل كيكه
زينب فكره جميله يلا بينا. آيه وليان انتو
هتعملوها وانا اللي هدخلها الفرن وعمر اللي هيزينها
آيه :عمر بيزين الكيكه بيخليها تحفه
ليان:انا بحب عمر والكيكه اللي هيعملها
زينب : بتحبي عمر مره واحده
ليان ايوا انا بحب عمر يازوزو ولما اكبر هنتجوز
زينب وهي بتضحك علي ليا وعلي برأتها
عمر:انا مش هتجوزك
ليان وهي بتبكي :لا انا هتجوزك …مش انا هتجوزو يازوزو
زينب هجوزهولك من غصب عنه ياقلب زوزو
عمر بغضب: أبله زينب بلاش الكلام دا البنت لسه صغيره
زينب وهي ميته من الضحك :وانت الكبير عمر باشا
عمر: ايوا انا كبير انا بقي عندي ١٠ سنين
ليان راحت عند عمروهي بتبكي ومسكت كمه : عمر انت مش هتتجوز ليان
عمر صعبت عليه ليان ودموعها النازله مسح
دموعها :هتجوزك بس لما تكبري وتبقي قد أبله زوزو كدا
ليان:انت هتكون لسه صغي ولا كبرت
عمر :هكون كبرت زى ابيه خالد
زينب قاعده تتفرج علي الاطفال وبرأتهم
وقالت يارب لما يكبرو يفضلو يحبو بعض كدا
عشان يبقي عندي سبب يربطني بخالد العمر
كله ايه الكلام اللي بقوله دا هو انا جرالي حاجه
وقعد من غير غدا لحد ماصحي خالد
زينب : خالد هجهزلك الاكل علي متصلي
خالد: مش جعان
زينب:طب انا جعانه موووت ومرضيتش اكل ألا معاك
خالد :ليه مأكلتيش لحد دلوقتي ليه طب
جهزي الاكل علي مخلص صلي واجيلك
احلي حاجه في خالد انه بيراعيها وبيخاف
عليها حتي لو مكنش بيحس من جواه بحاجه
تجاهها يارب يحس بيها و بقلبها
تاني يوم
خالد :يلا يازينب اتأخرتي علي المحاضره
زسنب :انت خايف علي المحاضره بردو
انا مش رايحه
خالد: ليه يلا بطلي دلع
زينب : مليش مزاج اروح اليومين دول
خالد:براحتك هتروحي الشركه ولا ملكيش
مزاج وبعدين نروح للدكتوره معادنا النهارده
زينب:لا جايه يلا
فضلت علي عدم مرواح الكليه اسبوع
لحد ماسهر قررت تروح لهم الشركه
سهر:السلام عليكم عايزه اعرف مكتب الانسه زينب
رجل الاستعلام: أنسه زينب مفيش حد اسمه زينب غير مدام زينب
سهر:مدام زينب !
رجل الاستعلام: اهي مدام زينب اللي واقفه دي
سهر:زينب …مدام …. زينب زينب
زينب لما شافتها مكنتش متوقعه انها تروح لها الشركه :سهر ايه اللي جابك
سهر :قلقت عليكو
زينب:قلقتي علينا ليه
سهر :بقالي اسبوع مشوفتكيش وكمان خالد وحشني
زينب بصدمه من جرئتها :خالد مين اللي وحشك
سهر: مالك …خالد السواق
زينب :احنا معندناش سواقين اصلا مفيش في
الشركه كلها حد اسمه خالد غير خالد جوزى
سهر بصدمه ممزوجه بغضب : خالد. …..جوزك
خالد. …..جوزك انتي
زينب :ايوا خالد جوزي الله يهديكي يابنتي
روحي ياسهر وبلاش تسرع وبلاش تجري ورا اوهامك
سهر :انتي مقولتيش ليه انه جوزك
زينب :هو انتي سألتي
سهر رايحه تمسك فيها لقت خالد واقف قدامها
سهر بصته وقالت :صحيح انت جوز زينب
طب مقولتليش ليه
خالد:محبتش اجرحك وقلت يمكن تفهم من
نفسها وانا اصلا مكلمتكيش مره وبصيت في
وشك ومضحكتش معاكي مره وكنت ببعد
عنك وانتي اللي مصممه توصلي لهدفك
سهر اهتمي بكليتك ودراستك وبكرا تلاقي
اللي يهتم بيكي وهي اللي يجري وراكي عشان
توافقي تتجوزيه ومترميش نفسه علي حد
ممكن اللي ترمي نفسك علي يستغلك وياخد
غرضه ويرميكي ومتأمنيش لحد لان البشر
خداعين الا من رحم ربي روحي واتوضي
وصلي واستغفري ربنا وتوبي إليه وهو الغفور الرحيم
مشت سهر بقلب غير اللي كانت جايه بيه ربنا يهديها وإيانا
زينب: انا أسفه بجد انا مش عارفه من غيرك كنت عملت ايه
خالد: يازينب احنا كلنا بنغلط وخير الخطائين
التوابون ربنا يتور علينا ويغفر لنا
خلي عندك ثقه في جوزك دايما انه وراكي
يحميكي ويسندك اهم حاجه اعلني للناس عن
جوازنا عشان لا تبقي مطمع ولا أبقي مطمع
زينب :حاضر ياخالد يلا بقي عشان نروح ماما
اتصلت وقالت الاولاد هيموتو من الجوع
خالد:وأنا ميت من الجوع
وراح يركب العربيه جات عربيه علي اقصي
سرعه وخبطته رماته علي الرصيف التاني
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زينب)
