رواية نكهة حب الفصل السابع 7 بقلم كريمة حمادة
رواية نكهة حب الجزء السابع
رواية نكهة حب البارت السابع
رواية نكهة حب الحلقة السابعة
عمار بغمزة:عجبتك ها
شفق نسيت نفسها والمكان اللى هى فيه وقالت بنبرة هامسة حنونة:الا عجبتنى يا سى عمار
عمار قلبه دق وحس بمشاعر كتير ورد بحب: حيس كدا اكلم سليم واطلبك منه بقى
:احم ماشى
قطع لحظة الانسجام والعشق دى صوت الست اللى كانت بتتخانق مع شفق لما زعقت بصوت عالى: يا حلااااوة يا ولااااااد
شفق قلعت الشبشب من رجلها وهى بتجرى وراها و: والله منا سيباكى يا بت ال****** قطعتى عليا خلوتى الرومانسية يا شيخة. تعالى هنا يا ولية
عند احلام ومازن كانوا بيتكلموا..
مازن: يعنى موافقة يا احلام
احلام بكسوف: احم إن شاءالله خير
مازن بفرحة: حيس كدا بقى خلينى اقولك انى بح…ااااه
وإذ فجأة الشبشب اللى رمته شفق بدل ما يجى فى الست جيه فى مازن
احلام بضحك: ههههههههيهيهيى مش قاااادرة. معلش معلش دا سل.اح شفق جيه فيك بس ههههههههههه
مازن بغيظ: وماله يا مرحبا بسل.اح شفق
وعدى اليوم بين مناوشات شفق مع الست وعمار واحلام ومازن بيفضوهم عن بعض والشارع قلب كله ومسكوا فى بعض
خلص اليوم واللى انتهى بموافقة احلام على الجواز من مازن وحددوا معاد الخطوبة بعد اسبوع، أما عمار فكان عمال يشاكس فى شفق ويستفزها وهى تتعصب عليه ويضحك على رد فعلها
“”احيانا مبنبقاش قادرين نتعايش مع واقع جديد اتفرض علينا حتى لو بعد سنين..تخيل كنت مخطط لحياة وخلاص هتبتديها وإذ فجأة تتقلب الحياة دى لحياة تانية غريبة، مخيفة، عادية، واخيرا مطمئنة..الأشخاص بتتبدل فى حياتنا من الخير للشر ومن الشر للخير وهكذا ماشيين فى دايرة ملهاش نهاية يا نقول خلاص حياة كان بها يا..يا نعيش فى تعاسة واقعنا””
__________________&
يوم الخطوبة..
فى اوضة عمار فى فيلته كان بيجهز مازن
عمار بزهق: ولا ولا اظبط كدا وترت امى معاك يا اخى
مازن بحنق:يابنى بقولك خايف خااايف
عمار باستغراب: خايف من ايه مش فاهم يعنى
:خايف يجى سليم يبوظ الدنيا. مش عارف يخطفها مثلا. يبوظ الخطوبة
عمار بضحك: ههههه سليم مين يا حبيبى دا فى إيطاليا خلاص وبعدين هيسيب جماعته ويجى
مازن بضيق:متنساش أنه لسة بيحبها يا عمار
عمار بهدوء: تمام لسة بيحبها بس هى هل هى لسة بتحبه دى لو حتى لسة بتكنله مشاعر مستحيل توافق عليك
مازن اتنهد جامد:ربنا يستر يا عمار
..فى الاوضة التانية فى اوضة نيرة، نيرة واحلام كانوا بيحاولوا يقنعوا شفق تلبس فستان..
احلام:يابنتى بقى دانا العروسة والله ومع ذلك مهتمية بيكى وعيزاكى تلبسى فستان
نيرة بنرفزة: وبعدين بقى يا شفق. والله لو ما لبستى الفستان دا لأقلب عليكى
شفق بنبرة وعيد وصوت عالى: يمين بالله لو ما بعدتوا عنى انتو الاتنين لاشوحكم بدل الكبدة ها
________________&
_حلوة البيبونة دى صح
:يابنى يابنى اخرس بقى سالتنى مليون مرة عليها
مازن بتوتر: معلش معلش متوتر شوية بس مش مصدق أنها اخيرا هتبقى ليا
عمار بحب: ربنا يسعدك يا حبيبى ويتمللك بخير…..يلا بقى بص للسلم عشان هتنزل خلاص
مازن بص للسلم بلهفة وشوق وبعد لحظة خرجت احلام من الاوضة بفستانها الرقيق وهى كانت جميلة وهادية، قلبه دق بسرعة وكان فرحان اوى بيها
مازن بابتسامة محبة: ماشاءالله جميلة اوى
احلام بكسوف: احم تسلم
مازن بضحك: تسلم…طب ياستى مبلوعة شوية
احلام: مشيها بقى وخلاص
شفق متدخلة بينهم: ما تنجزونا بقى اجدعان الواحد جعان عايزة الحق البوفيه من أوله الله
مازن بضيق زائف: عمار ما تلم جماعتك يا اخى الله
شفق باستنكار: جماعته؟ لا ياخويا انا مش جماعة حد
عمار بغمزة: كونى جماعتى انا وخلاص
شفق بكسوف: يووه يولا
عمار بغمزة وضحك: يا قلب الولا
شفق: ؟؟؟
عمار غمزلها تانى وهو مش قادر يكتم ضحكته: عجبتك ها
شفق بضحكة وهزت كتفها بدلع وهى ماشية من قدامه وقالت: كلم اخويا واطلبنى يولا. ومشيت
عمار بصدمة: دا بجد؟ لا ريلى بجد..
:مالك يابنى مبلم كدا ليه
عمار بدون وعى:دى قالت كلم اخويا واطلبنى يولا
نيرة بفرحة: بجد يا حبيبى مبارك
عمار اخيرا استوعب الموقف وفرح جدا وحضن نيرة بفرحة..
الفرحة كانت باينة على الكل وخصوصا احلام اللى حست اخيرا أن ربنا عوضها وقلبها فرح، فى الاول كانت خايفة تجرب الخطوة دى تانى بس فجأة حست انها لازم توافق وتدى نفسها فرصة لمازن ولقلبها أنه يرتاح ويفرح
اما مازن مكانش مصدق نفسه اخيرا..هو اعجب بأحلام من اول ما اشتغلت فى المطعم والإعجاب قلب لحب وكان دايما يدعى انها تكون من نصيبه واخيرا ربنا استجاب ليه وفعلا بقيت من نصيبه..
كلو بيرقص ويفرح ويغنوا ولبسوا الدبل …وكلو دا كان بيشوفه سليم على فونه من واحد من رجالته كلفه يصورله كل حاجة
مسح دموعه بكل الم وقلبه بيتعصر على اللى عمله زمان
:سليم يابنى انت بتعيط
سليم بسخرية:لا لا مبعيطش..هعيط ليه لسمح الله
جيهان بندم: ارجوك يابنى بلاش توجع قلبى اكتر من كدا
سليم فقد أعصابه وزعق بصوت عالى: طب وانا متوجعتش..محستيش بوجعى ليه ..يا شيخة دانا عملت كل حاجة عيزاها فرقتينى عن اختى والبنت اللى حبيتها بكل ذرة حب جوايا…انا. أنا موجوع بكل الوجع اللى فى الدنيا دى..كنت واخد عهد على نفسى محبش غيرها ولا هتجوز غيرها بس برضو عشانك اتجوزت برضو مكانش ليا عين ابصلها اصلا بس خلاص راحت لغيرى اهو رااااحت
جيهان ببكاء هيستيرى: سامحنى يابنى بالله عليك، ربنا خدلك حقك وحق شفق واحلام واهو اتشليت وقاعدة على كرسى
:فعلا ندمتى فعلا بعد فوات الاوان عن اذنك
طلع سليم اوضته وسأل جيهان بتعيط، دخل اوضته ولقيها قاعدة على السرير وبتعيط
سليم بنرفزة: بتعيطى ليه انتى كمان
_ملكش دعوة
سليم بضيق: اوووف عنك ما رديتى دى حاجة تخنق ودخل الحمام وسابها
_يا باااااارد يا مستفز بس…بس بحبك برضوا وهفضل مستنية اليوم اللى تحبنى فيه
سليم خرج من الحمام و: بتقولى ايه
_مبقولش
:آية متعصبنيش
آية ببرود:هو انا كلمتك اصلا
:لا حاشا لله متكلمتيش كنتى بتولولى بس
آية باستفزاز: بولول على خيبتى ايه مولولوش
سليم:لا ولولى يا آية ولولى يا حبيبى. سلام وخرج وخبط الباب جامد
آية بحزن: باااارد…ببكى على حبى ليك وحياتى الضائعة جنبك وانت لسة قلبك ميال ليها يا سليم..
_______________&
بعد شهر..
شفق كانت بتبطخ فى مطبخ المطعم وهى مبسوطة ودخلها عمار
عمار: دا ايه الحلاوة دى يا ناس
شفق بخضة: تف تف خضتنى يا اسمك ايه
عمار بضحك:سوقية سوقية يعنى والله
شفق:ايه يولا اللى جابك هنا ها
عمار:جاى اشوف شفق حياتى عاملة ايه
:والله اللى يشوفك وانت بتتخانق معايا فى البداية ميشوفكاش دلوقتى وانت بتتغزل فيا
عمار:
“ملكوا الفؤاد وما دروا يا ويحهم
أن الفؤاد بهم يهيم مُتيما.!” 💙🦋
شفق: ؟؟؟
عمار بغمزة: عجبتك ها
شفق/
_________________&
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نكهة حب)
