رواية العهد القديم الفصل السادس عشر 16 بقلم هي جنته
رواية العهد القديم الجزء السادس عشر
رواية العهد القديم البارت السادس عشر
رواية العهد القديم الحلقة السادسة عشر
عدي شهر علي حالهم عادل كل يوم حبه لها بيزيد
وهدي حسه بحنيته بس مش حسه بحبه وفي يوم
عادل …هدي انا هستعد الطياره هتقوم النهارده الساعه 6
خلي بالك من نفسك ومن كريم ومن الشركه
هدي …طب ورجل اﻻعمال اللي جاي النهارده
عادل …. هتقابليه انتي وحازم وانا واثق فيكي وف ذكائك
هدي ….خلي بالك من نفسك ياعادل وحاول تنبسط بالرحله
عادل….ووقف قدامها وبص في عنيها وكان نفسه يضمها
بس خاف لتجرحه …استودعكم الله ياهدي انتي وكريم
سافر عادل وجا رجل العمال صالح الدماطي لمقابلة هدي
ودخل هو وحازم علي هدي المكتب بعد اﻻستئذان
حازم …مدام هدي صالح بيه وصل
هدي …ماشي خليه يتفضل
صالح …وهو بيمد ايده علشان يسلم ازيك يا مدام هدي
هدي …وعليكم السلام اسفه مش بسلم علي رجاله
مد حازم ايده وسلم عليه اتغاظ منهاصالح وف نفس الوقت عجبته
صالح …وﻻ يهمك يامدام هدي بس انا اعرف ان سلف
حضرتك هو اللي متصرف ف الشركه اومال هو فين
هدي ..هو مسافر وانا موجوده بداله وهيكون علي اطﻻع
بكل حاجه …حضرتك تشرب ايه
صالح عجبه شجاعتها وثقتها في نفسها و عجبه اخﻻقها وبعد مخلصو شغل قال
صالح ..ممكن نكمل بكرا علشان تكوني فكرتي في
العرض وكمان تستشيري استاذ عادل
حازم …بصراحه كلك زوق ومفهوميه ياصالح بيه
اتصلت علي عادل وشاورته في الصفقه دي فقال
انتي ياحبيبتي عندك اقري الاوراق واتأكدي من
الشروط ومعاكي حازم هيخلصلك كل حاجه اعملي
اللي فصالح الشركه
عادل في نفسه..هو انا قلت حبيبتي اااااااااااااااه نفسي اقولها
من زمان واهي طلعت من غصب عني وباين هي
مأخدتش بالها
عند هدي قرأت اﻻوراق ورجعتها كويس
جا حازم وصالح تاني يوم وقالت
هدي ..صالح بيه والله العرض اللي حضرتك قدمته
كويس جدا وان شاءالله هنمضي العقود لما الأستاذ
عادل يوصل
صالح …خﻻص احنا نحتفل بالمناسبة دي ايه رأيك
اعزمك علي الغدا وطبعا الأستاذ حازم هيجي معانا
هدي ..اسفه مش هقدر اجي علشان مبحبش العزايم
صالح وهو بيبص بنظرة خبث ..خﻻص ماشي متعوضه
ان شاءالله
_________
في السجن
مرات ابو مي …ايه يارشدي مش قلت هنخلص من البت دي
رشدي …مش كنت بسوي الطبخه ياعمتي
مرات ابوها …يعني هتعمل ايه يافالح
رشدي. …بصي كل اللي هتعمليه انك تتصلي عليها
وتقوليلها انك تعبانه قوي وعايزاها تروح معاكي انتي
للدكتور علشان تكشف عليكي وهتوصليها لللعنوان دا وبس
والباقي بقي هو هيعملو
مرات ابوها …هو هو مين
رشدي …ملكيش دعوه ياعمتي
روحت العقربه واتصلت علي مي
العقربه …مي وهي بتتصنع الكحه اهو اهو عامله ايه
وحشتيني بقي كدا متساليش علي امك حبيبتك
انا عارفه انك زعﻻنه مني ويمكن واخده علي خاطرك
كمان تعالي وشوفيني حتي قبل مموت اه ياحبيبتي
تعبانه قوي اهوء اهوء ﻻ هكشف ازاي مين اللي هيروح
معايا والله (وهي بتبتسم ابتسامه صفرا) هتيجي
تكشفي عليا امتي خلاص ياحبيبتي هلبس واستناكي
وقفلت وهي بتضحك وبتقول والله ﻻوريكي يابنت ابوكي
___________
عند مي
نعمه ..مين اللي كان بيكلمك يامي
مي …دي مرات ابويا ياماما
نعمه …وكانت عايزه ايه العقربه دي
مي …هي تعبانه وانا عرضت اروح اكشف عليها
دخل محمود في اللحظه دي
محمود ….تكشفي علي مين ان شاءالله
مي ..مرات ابويا تعبانا وانا هروح اكشف عليها
محمود…ﻻ مش هتروحي
نعمه …يابني سيبها مهما كان دي مرات ابوها يعني في
مقام امها
محمود… انا خايف عليها يأمي منها دي ست شريره
ميهمهاش اﻻ مصلحتها بس
مي ..معلش ياحوده المره دي وبس وهتكون معايا علي
التليفون
محمود..بقلق ….خلي بالك من نفسك
وحط ايده عليها واستودعها عند الله
______________
وصلت هدي البيت لقت اللي بيرن علي التليفون
فكرت انه عادل فمبصتش علي الرقم وردت
هدي …السﻻم عليكم ازيك ياعادل عامل ايه
……..وعليكم السلام
هدي ….مين معايا
………بصراحه صوتك في التليفون احلي بكتير واكيد شكلك احلي واحلي
قفلت هدي التليفون وقالت ياتري مين دا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العهد القديم)
