رواية قضية طلاق في المجتمع المصري الفصل العاشر 10 بقلم تسنيم حسن
رواية قضية طلاق في المجتمع المصري الجزء العاشر
رواية قضية طلاق في المجتمع المصري البارت العاشر
رواية قضية طلاق في المجتمع المصري الحلقة العاشرة
عادل : قوم شوف بنتك وخليك جنبها ومعاها هى محتاجالك جنبها ف وقت زي دا، ولازم جوزها دا يعرف ان ابوها واقفلها وانه لو فكر يقربلها هتوديه ف داهيه .. لو خايف على بنتك من الزمن أمنلها المستقبل صح !
وبعدين تقدر تقولى هي رفعت قضيه ازاي؟ على كلامك ملهاش دخل ! هتوكل محامي منين ؟ دا موضوع كبير ومحتاج فلوس كتير
استعيذ بالله من الشيطان يا محمد وقوم خليك جنب بنتك
محمد : بس يا عادل أ….
عادل : مفيش اي مبرر يا محمد قوم يلا ربنا يعينك ويقويك وانا هبقى اتصل اتطمن عليك ولو احتاجت اي حاجه كلمنى
محمد : هحاول والله حاضر يا حبيبى … تسلم ربنا يخليك يارب
في البيت وصلت نيره لقت مامتها بتتكلم فالتيليفون كانت تعبانه من المشوار ومن التفكير ومن الوحده ! اصعب مشكله مرت عليها وبتواجهها لوحدها محدش بيوجهها اول مره تتحط ف موقف زي دا واول مره تكتشف انها شجاعه كدا … عرفت تتصرف وتاخد قرار بنفسها بس يوم ما خدت القرار ف موضوع يخصها لوحدها من غير رأى حد كان قرار عواقبه صعبه هتفكر ف ايه ولا ايه فالقضيه والخلع ولا ف حياتها بعد الطلاق وهتصرف على نفسها منين .. اليأس بيتوغل جواها ويزيد ومبقتش قادره تتحكم فيه زي الأول … دموعها خانتهالاول مره برا اوضتها نزلت بغزارة وصمت
كان مجرد تعبير عن كل الوجع اللي جواها
مامتها كانت خلصت تيليفون بصت عليها ولاقتها بالمنظر دا
نهله : نيره ! اي يا حببتى انتي كويسه؟ طمنينى عملتى ايه فالمحكمه
نيرة : الجلسه كمان أسبوعين
نهله : طب وهتعملى ايه؟ ما تتنازلى يا بنتى عن الموضوع دا ويطلقك من غير شوشره وفضايح
نيرة : لا يا ماما مش هتنازل واذا كان هو مش عاوز يطلقنى بالذوق هيطلقنى بالعافيه والقانون
نهله : طب استهدى بالله بس
نيره : ماما ارجوكى … انا بجد تعبت انا عايزة اعيش من غير خوف كفاية ارجوكوا
نهله : خلاص يا حبيبتى اهدى .. خلاص متقلقيش خشي غيرى هدومك ونامي شويه ومتشليش هم شكلك منمتيش كويس امبارح
فى الشغل عند أحمد
ياسر : عامل ايه يا صحبي .
احمد : انا كويس اوى اهو
= بقالك يومين مبتجيش الشغل ومبتردش على التيليفون ليه انت لسه ف مشاكل مع مراتك؟
– مشاكل ! الهانم رفعت قضيه خلع بس هى الجانية على نفسها وربنا لأوريها
= يعم متطلقها وتخلص وتخلصها من الهم دا
– دا بعينها وبكرا تشوف
= هتعمل ايه يعنى
– ابدا تهمه شرف متلفقه بس مش فالقسم
= اومال مش فاهمك
– فالمنطقه ونخلى سيرتها زي العسل على لسان كل واحد والناس مبتسبش حد ف حالها
“ياسر ف سره : اه يا حيوان”
= ودا ازاي بقا
– ابدا يا سيدى محادثات ليها مع رقم غريب وانهم بيحبوا بعض وطلبت الطلاق عشان يخلالها الجو
= انت اتجننت يا احمد ! كدا انت زودتها اوي انا فالاول قولت انك هتزاولها وتفرض سيطرتك عليها وانك تبينلها أنك راجل بس مش اكتر انما توصل للشرف لا كدا كتير ولا اكمنك معندكش أخوات بنات تخاف عليهم وعلى سمعتهم
فكر كويس قبل خطوة زي دى هتقعدلك
– يعم حل عنى بقا انت هتعملهم عليا انا مش راجع عن اللى فدماغى وهنتقم منها اشد انتقام عشان تبقى تتحدانى بنت محمد
= انا نصحتك وعملت الل عليا بس لو استمريت على اللي ف دماغك انسى ان ليك صاحب اسمه ياسر …
– هى بقت كدا يا ياسر ماشى يعم بكرا تندم
= بكرا نشوف مين اللى هيندم … انا هقوم اشوف المدير التنفيذي عاوزنى ف ايه سلاام
“يارب هعمل ايه دلوقت ! البت دى غلبانه ومش قد أحمد دا … طب وانا مالى هعمل ايه برضو … ياعم لا بنات الناس حرام يتعمل فيها كدا برضو دا انت مراتك حامل وبكرا يبقي عندك بنت ! بس لاقيتها ! انا ابعتلها من رقم مراتى وارسيها عالحوار وابقي مش فالصوره برضو”
في البيت عند نيره
محمد :حقك عليا يا بنتى انا اسف
نيرة: عادى يا بابا حصل ايه يا عنى؟
محمد : يا بنتى انا ندمت والله صدقينى وجاى معاكى المحكمه نحضر الجلسه كمان اسبوعين ومستعد اقوملك احسن محامى
نيرة : مفيش مشكله يا بابا مش مستاهله محامى انا رفعت قضية ف مكتب المساعده القانونيه
وهى قاعده جالها رساله عالموبايل من رقم مجهول
” جوزك بيرتب يفضحك ف المنطقه وف شغل ابوكى وهيفبرك محادثات بينك وبين راجل غريب على انه عشيقك اللى عاوز تطلقي عشان تكملى معاه ” !!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قضية طلاق في المجتمع المصري)
