رواية جعلتني ملتزما الفصل السادس عشر 16 بقلم رمضان
رواية جعلتني ملتزما الجزء السادس عشر
رواية جعلتني ملتزما البارت السادس عشر
رواية جعلتني ملتزما الحلقة السادسة عشر
بعدما كان عددهم ثمانيه
كريم بصدمه وقد هم ان يخرج من السياره ولكنه تراجع فالمكان لم يوجد به احد ،
وعددهم اكثر من ثمانيه لايستطيع قتالهم ،،
قرر ان يكمل عمله !!!
وهي مراقبة السياره التي يوجد بها همس.، ولكن ف هذه المره لابد ان يكون اكثر حذر ،
فلقد ترك مسافه كافيه بينه وبين السياره ،
اخذت السياره تذهب ف طريق العاشر
وتدخل ف شوارع مختلفه،
حتي وصلت ال فيلا شبه مهجوره!! فقاموا بأخراجها وهم مغمين عينها ،،
اغلق كريم انوار سيارته
كان ف اصعب وقت ف حياته فلم يوضع ف هذا الموقف من قبل.
كريم : انا لازم اتصل بالشرطه !!
وانا عرفت المكان اهه
طلب كريم بعض الارقام
ايوه ياكامل الحقني :وحكي له ماحدث
الظابط :خلاص عرفنا المكان اوعي تتحرك او تدخل لحد مانيجي،
اغلق كريم الخط
وقد كان شديد القلق ع همس ،
ويحدث نفسه: لا ماانا مستحيل هافضل قاعد كده الله اعلم بيعملوا فيها ايه جوا،
وعلي ما الشرطه تيجي ممكن يبقوا قتلوها خرج من سيارته، وقفز فوق سور الفيلا ودخل الي الداخل فلقد كانت فيلا مهجوره ولا يوجد عليها اي حراسه! سوي غرفه وحيده ف الحديقه ،
كان يوجد عليها حارسين
وهذا يعني ان همس بداخل هذه الغرفه ….
اقترب كريم بحذر
ونظر من شباك الغرفه فوجد همس مربوطه بحبل وجالسه ف زاوية الغرفه ،
ولكن تفاجأ كريم بضربه علي رأسه من خلفه، أفقدته الوعي،،
ولم يشعر بشئ بعدها!! صوت منخفض يحاول انا يوقظه ،
دكتور كرررررريم
فتح عينه، فوجد نفسه مربوط بحبل،
وهمس ع الجانب الاخر ،
كان يشعر بصداع شديد تمالك نفسه ،
همس : حضرتك بخير! انت جيت هنا ازاي ،
كريم بفخر: امال كنت عاوزاني اسيبك، تتخطفي لازم احميكي طبعا اي راجل مكاني كان هيعمل كده،
ااااه صداع هيفجر نفوخي ،
ابتسمت همس رغما عنها (ف كريم ف حاله يرثي لها ويتكلم عن حمايتها)
كريم بتعجب : بقي المره الوحيده ال اشوفك بتضحكي فيها واحنا مخطوفين ،
انتي عندك اعاقه ف المشاعر !
خلاص ياستي عرفنا اني جيت اكحلها عميتها، وخطفوني انا كمان ارتحتي كده!!
همس: خير ان شاء الله، حاول كده فك نفسك
فتره من الصمت !!
كريم :هو انا ممكن اسألك سؤال ،
همس:اتفضل
كريم:هو انتي مندمتيش يعني عشان خسرتي عمك وحطيتي نفسك ف موقف زي ده اكيد ندمتي صح؟!
همس : انا ندمت فعلا بس ندمن اني اما عمي هددني،
فكرت للحظه اني اعمل زي ماهو قال ،،
واقول اني مشوفتش حاجه !!
بس عمري ماكنت هسامح نفسي لو وافقت شيطاني ،وعاملت كده!!
لكن انا مش ندمانه، وعارفه ان كل ال بيحصلي ده ،معمول لسبب ربنا وحده يعلمه،
وكل حاجه خير لينا ،
ربنا مش هيعملنا حاجه تأذينا ،
احنا بس ال نظرتنا قصيره ،
بنبص ع المواقف من برا حاجات كتير بنفتكرها شر لينا ،
بس هي بتكون خير
ربنا قال(عسي ان تكرهوا شئ وهي خيرا لكم وعسي ان تحبوا شئ وهو شرا لكم )
كريم بتعجب : هو انتي كده ازاي !!!
ولا بتحاولي تظهري انك كده!!
همس : مش محتاجه اني اثبت لحضرتك حاجه،
لاني مفيش حد يهمني واكبر دليل اني موجوده هنا دلوقتي، ربنا لوحده ال عالم باللي جوايا ربنا مايجعلنيش من المنافقين ابدا،
همس : تردد شئ ف سرها
كريم: انت بتقولي ايه ف سرك
همس: بقول الكلام ال سيدنا يونس عليه السلام قاله ،اما كان ف كرب وف شده !! وقتها الملايكه سمعوه ، وربنا انقذه بسبب دعائه ده ،
كريم : طيب قوليه ،عشان اقوله انا كمان
همس :(لا اله الا انت سبحانك اني كنت من الظالمين)
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جعلتني ملتزما)
