رواية صعيدي علمني الأدب الفصل العشرون 20 بقلم حنين عادل
 |
| رواية صعيدي علمني الأدب الفصل العشرون 20 بقلم حنين عادل |
رواية صعيدي علمني الأدب الفصل العشرون 20 بقلم حنين عادل
كريمه بغل: اسمي كريمه…
وزقتها عالأرض ..
روح قامت من علي الأرض
روح بعصبيه: لأ انت زودتيها اوي اوي يعني ..تعالي بقا …
روح جابتها من شعرها ولفت دراعها لورا ..
كريمه قعدت تصوت…
روح راحت زقاها علي الأرض …
صفاء دخلت وشافتهم: وه وه ايه اللي انتي عملتيه ده يا قليله الربايه
روح : شوفي اختك الأول يا مرات عمي عملت ايه ..
صفيه كانت واقفه …
صفاء خبطت روح في كتفها وهيا داخله متعمده وقومت كريمه من علي الأرض..
صفاء : طيب راعي انها تعبانه
روح: بقولك ايه صفيه كانت واقفه تقدري تسأليها ايه اللي حصل
صفاء: ايه اللي حصل يا صفيه
كريمه بصت ل.صفيه ..بقلم حنين عادلة
صفيه:الست كريمه كانت داخله عايزه تشرب الست روح زقتها…
روح: ايوه ..قولوا كده بقا انتم مطبخنها مع بعض..
صفاء بصوت عالي: ايه قله الربايه دي انت ازاي تكلمي مرت عمك كده
روح بعصبيه: بقولكم ايه اطلعوا من دماغي ..
نزل بدر ومصطفي وشاكر علي الصوت…
شاكر: ايه في ايه ؟!!
كريمه ببكاء: داخله اشرب يا عمي زقتني من غير ما اعملها حاجه
روح: ما حصلش يا عمي هيا اللي زقتني وانا هازقها ليه
صفاء: اسأل صفيه ..
شاكر بعصبيه: ماعنديش حريم يعلي صوتها يلا كل واحد علي اوضته يلا …
روح : ما ينفعش الكلام ده ياعمي
بدر بعصبيه: روووح
روح مشت وهيا متعصبه …
روح: its war ( انها الحرب)
دخلت روح اوضه يونس …
يونس: في ايه ايه الصوت ده
روح: بتسألني في ايه في ان كريمه دي لازم تتربي
يونس بصلها لقي وشها احمر ومناخيرها من الغضب.
يونس: بس عارفه. .
روح: عارفه ..
يونس: عارفه ايه انا ماكملتش كلامي
روح: عارفه انها لازم تتربي انا هاوريها النجوم في عز الضهر بقا ..
يونس: ايه هاتعملي فيها مقالب زي اللي كنتي بتعمليها معايا ولا هتحطيلها تعبان في الاوضه..
روح : انيل …بالمناسبه انت عرفت ازاي اني كنت حاطالك التعبان؟!
يونس : هههههه اولا مافيش حد يعمل العمله دي غيرك انتي ..
روح: وثانيا؟!
يونس: شوفتك وانتي طالعه بتتسحبي من اوضتي فعرفت انك عامله مصيبه دخلت ادور لقيته ..
روح: وحطيته في اوضته ازاي
يونس: زي ما حطيته في اوضتي
روح: ودي اخلاق ؟!
يونس بضحك: انا ولا انتي انت دماغك دي جواها ايه ؟!
روح: جواها عقل ومخ …مش عضلات ..وبس بقا اسكت
يونس: ليه عشان تفكري في مصيبه ل.كريمه ..
روح بصتله بعصبيه وطلعت راحت اوضتها …
روح دخلت ورزعت الباب…
روح: انا حته بت ماتسواش زي دي تعمل معايا كده ده انتي ليله اهلك سودة اصبري علي رزقك بقا ..انت فين يا كرمله …
……………………….
بيصحي كرم من النوم علي صوت تليفونه بيرن …
كرم اتعدل بفرحه: قمر ..
فتح بسرعه ..
كرم: قمر عامله ايه اتوحشتك قوي
روح: الحمد لله انت اكتر بقولك يا كرم عاوزة حاجه
كرم: اؤمريني
روح: عاوزة…………………………………..
قفلت روح مع كرم ونزلت لحد المطبخ تتسحب وقعدت تبص يمين وشمال …
روح: ههههههه ده انا محضرالك بروجرام هايل يا كريمه واهو بنتسلي اللي يحضر العفريت ومايعرفش يصرفه يعرف ان العفريت هايقرفه ههههههه
………………………
في اوضه شاكر وصفاء..
شاكر: انتي اتجننتي ولا ايه يا مرة
صفاء: اتجننت ليه عشان عاوزة لاختي الستر
شاكر: ومين قالك ان يونس هيوافق ماهي قدامه بقالها سنين
صفاء: خبره انت بس وهوا مش بيردلك طلب واصل
شاكر: عايزاني اغصب علي ولدي يتجوز اختك ليه بنت هاجوزها غصب عنها .
صفاء: ما انت كنت غاصب عليه يتجوز بت خوك اختي دلوك بقت عفشه
شاكر: مش عايز كلام في الموضوع ده واصل هوا لو بيحبها كان طلبها ده جواز مش لعبه
…………………….
دخلت روح ليونس ..
يونس: انا قلت ايه
روح: قلت ايه في ايه مالك حامي عليا كده ليه ؟!
يونس: لبسك لبسك يا ست روح ايه ده
روح: ايه ده ايه طب ده محترم قميص طويل اهو عايز ايه اكتر من كده وبعدين انت مالك هنرجع للقديم تاني ولا ايه؟!!
يونس: اه طويل بس مبين تفاصيل جسمك الجامد ده
روح بصدمه: انت بتقول ايه يلا احترم نفسك
يونس: بصي يا روح هسألك سؤال
روح بتوتر: اسأل
يونس: انا ان جبتلك شيكولاته مقفوله بكيستها وشيكولاته من غير كيستها هاتاخدي انهي واحده ..
روح : فهمت قصدك يا يونس
يونس: ايه ده بجد ؟!
روح: ايوه …
يونس: انتي غاليه قوي يا روح ..
روح بتوتر: يلا خد علاجك انا كنت من شويه رايحه اجبلك عصير بس الست كريمه عكرت مزاجي صفيه جابته
يونس: لأ
روح: خد العلاج عما اروح اجبها من شعرها
روح كانت هاتمشي يونس مسك ايدها
روح اتوترت : ايه …
يونس ساب ايدها وابتسم: ايه انت كل حاجه واخداها بالصدر ولا ايه
روح: شوف مين اللي بيتكلم …
يونس بضحك: انتي ايه مجهزه الرد علطول. .
روح : انا رايحه اوضتي ارتاح …
ابتسم يونس وبصتله روح باستغراب ..
روح بتفكير وهيا ماشيه: ماله ده ايه اللي غيره ده بقا بجح وبيعاكس كده فيه ايه ؟!
دخلت روح ورنت علي كرم …
روح: جبته يا كرم ..
كرم: جبته بس هاقبلك فين ؟!
روح: تعالي في الجنينه الخلفيه.
كرم: ماشي …
قفلت روح معاه وهيا بتضحك …
اتسحبت روح لحد اوضه كريمه وبصت يمين وشمال وكبت زيت قدام باب الاوضه …
ونزلت …راحت علي الجنينه الخلفيه ..
وقعدت تستني كرم …
………………………
يونس: انا زهقت من قعده السرير
بص علي البلكونه وقام وقعد يمسك في الحيطه ودخل قعد في البلكونه اللي في نفس الوقت بتطل علي الجنينه الخلفيه ..
شاف روح قاعده بتلعب في شعرها فضل مركز معاها …لحد ما لقي كرم داخل …
يونس بعصبيه : بقا اكده
يونس وطي صوته وحاول يسمع هما بيقولوا ايه
كرم: اتوحشتك قوي قوي يا قمر
روح بضحك: ههههه برده قمر
كرم: وان انتي ماكنتيش قمر تبقي مين
روح: وحشتني كلمه قمر يا عم كرم …
يونس واقف ومكور ايده بعصبيه دخل اوضته يتسند..
روح: ها جبته.
كرم : اهو …
ادالها كرم شنطه سمرا صغيره حطتها في جيبها بسرعه.
كرم : عاشوفك تاني ازاي..
طاااخ …طاااخ …
يونس كان واقف وماسك البندقيه وبينشن جمب رجل كرم خلاه ينط من الخضه …
روح: بس باااس …اجري يا كرم اجري …
طلع كرم يجري ويونس بيخليه يتنطط بضرب الرصاص.
وروح دخلت تجري …
روح بتفكير: معقوله شافني وانا باخد من كرم الشنطه…
ااااااااااااه ….
سمعت روح الصوت طلعت تجري ….
لقت كريمه نايمه علي ضهرها ورجلها لفوق في منظر لن يتكرر..
روح وقفت تضحك ..تقومها لأ .وقفت تضحك عليها ..
لقت كريمه بتعيط …روح بصتلها ووقفت ضحك …قومتها من علي الأرض وسندتها لحد ما دخلتها علي السرير …
روح علي قد ماهي كده بس طيبه جدا ..
روح : هوا ايه اللي حصل يا كويمه
كريمه: اسمي كريمه
روح : بس بس بتعيطي ليه..
حضنتها وطبطبت عليها وفي ايدها علبه صغيره رشت شويه علي هدومها مش قلت طيبه جدا ..
كريمه: منه لله اللي يريد لحد الاذيه
روح: احم…انا ماشيه بقا اشوف النمر …
كريمه بعصبيه: بعدي عنيه احسنلك
روح لفت ليها: بتكرشي عليه ولا ايه يا كويمه
كريمه بعصبيه: اسمي كريمه وايه بتكرشي دي
روح: كويمه حلوه ومدلعه كده ..يعني بتحبيه يا كريمه
كريمه: مالكيش صالح
روح: وانتي كمان مالكيش صالح اقرب منه ماقربش مالكيش صالح ..سلام يا ..كويمه ههههههه
طلعت روح وداست علي الزيت وكانت هتتزحلق رجعت لورا ومصطفي كان رايح يمسكها قبل ما تقع وقع ووقعت فوقه…
مصطفي: الناح ناح نات
روح قامت من عليه ..
روح: بتقول ايه هههههه
مصطفي: اشمعنا انا بالذات
روح : ههههههه معلش يا مصطفي تعيش وتاخد غيرها
مصطفي: انتي تقيله اوي
روح: ولاا اظبط
مصطفي : طيب يونس عاوزك
روح بتوتر: هوا عايز ايه
مصطفي: ماعرفش انا روحت اطمن عليه خبرني انه عاوزك في التو واللحظه هههههههه
روح: بتضحك ليه دلوقتي هوا متعصب ؟!
مصطفي: انتي ما شمتيش ريحه الشياط ولا ايه ؟!
روح: متعصب اوي..
مصطفي: علي اخره
روح: ماتيجي معايا
مصطفي: لاه وانا مالي ياختي عشان اضرب زي كل مره
روح: م..مش فاضيه اللي عايزني يجيني انا مابروحش لحد.
مصطفي: واللهٍ ..هاروح اقوله
روح بتوتر: قوله فاكرني هاخاف يعني ده انا روح النمر ..
مصطفي: علي كيفك يا روح النمر ..
مشت روح واتسحبت من قدام اوضته ولسه رايحه تدخل اوضتها…
يونس: روووح ..
روح: مش انا مش انا انا …صفيه
يونس فتح الباب : ادخلي يا روح
روح بتفكير: ماتخافيش انتي اللي قادره علي التحدي والمواجهه.
روح دخلت وهيا متوتره وقعدت
روح: ها ..كنت عاوز ايه بقا ؟!
يونس : كنتي واقفه مع الواد المايع ده ليه
روح: ده كرم ؟!
يونس: عارف انه زفت بصي انا هاتكلم بهدوء ومش هاتعصب كنت واقفه معاه ليه
روح: وتتعصب ليه ايه اللي يعصبك لما اقف مع كرم
يونس: اتعصب عشان بغ..
روح: اه كمل بت..ايه
يونس: عشان ماينفعش انك تقفي مع واحد غريب وتضحكوا وتهزروا ولا كأن متربيين سوا
روح: احنا قلنا ايه يا نمر بلاش نرجع لقديمه بقا انا مش بحب الخنقه وانت مافيش فيك حيل تجري اعمل بشويه الدم اللي كانوا حيلتي وخدتهم مني ..
يونس: الواد ده انا مابطقيهوش
روح: ليه ده سو كيوت ..
يونس بعصبيه : نعم ..اااه
روح : اقعد ارتاح بس يا كوتش انت جرحك لسه مالمش
يونس : انتي…
مسكته وقعدته علي السرير …
روح: كرم مش اكتر من صديق زيك كده يعني يا يونس خد علاجك بقا ..
يونس: يعني انا صديق ؟!
روح: ايوه صديق
يونس: طب كويس في تطور في علاقتنا اهو يا روح النمر
عااااااااا..صوت صريخ …
طلعت روح تشوف ايه …
كريمه بتصوت وبتهرش زي الجربانه
روح وقفت تضحك …
روح: مش معقول كده يا كويمه يع ابقي خدي شاور ايه ده
كريمه: انتي السبب انتي السبب
روح: ياسلام انا السبب انا اللي قولتلك ما تستحميش النضافه حلوه علي فكره..
كريمه بتصوت وبتقطع في جسمها …
روح: بصي انتي مش ولابد معايا بس انا هساعدك
كريمه: ارجوكي ..
نزلت روح تحت تجري …
شاكر وبدر ومصطفي وصفاء اجوا يشوفوها ..
صفاء: في ايه يابت يخربيتك ..
كريمه: هاموت يا خيتي هاموت …
طلع يونس وهوا بيتسند علي الحيطه ..
يونس: في ايه
مصطفي : ده شكله مرض معدي
شاكر: انت طلعت ليه يا ولدي ارتاح ..
يونس بقرف: مالك يا كريمه بتهرشي كده ليه
كريمه عيطت بزياده لانها ماكنتش عاوزاه يشوفها كده …
مصطفي: ابعدوا عنها ابعدوا عنها احنا مش ناقصين
صفاء: بس يا واد
طلعت روح ومعاها خرطوم كبير زي بتاع المطافي.
روح: كله يرجع لورا ..كله يرجع لورا .
الكل بصلها بصدمه …
كريمه: انت هاتعملي ايه …هاتعملي ايه لاااااا
روح شغلت الميه عليها وكان ضغط الميه شديد جدا ..
روح: هههههههه ههههههههه مش قلتلك هاساعدك عدي الجمايل بقا…..
يتبع ….
لقراءة الفصل الحادية والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت رئيس العصابة للكاتبة آلاء فرج
