رواية العقاب الفصل الاول 1 بقلم هويدا زغلول
رواية العقاب البارت الاول
رواية العقاب الجزء الاول
رواية العقاب الحلقة الاولى
سناء
ماشي يا بنتي هعملك اللي انتي عايزه
بس اعملي حسابك والله ما دايما لحد
أنا كنت بعمل زيك كده بالظبط واهو
باخد جزائي
وقبل ما ابدا الحكايه اعرفكم بنفسي أنا
سناء وشوفت الويل علي مرات ابني أصله
كاس وداير واللي عملته زمان لازم يتعمل فيا
دلوقتي وفاكره يوم ما بهاء ابني
دخل عليا وقلبي
بهاء
ازيك يا امي عامله اي معلش انا جيت
علي هنا الاول اهدي قبل ما اروح مش ناقص
كلمه من سماح
الام
مالها سماح يابني عملت اي خير
بهاء
لسه هتعمل هسمع منها افظع الكلام
علشان اترفد من الشغل والله يا امي غصب
عني
الام
معقول يا بني طيب ليه كده بس
بهاء
والله المدير الجديد حططني في دماغه من ساعت مع عرف أن عايز اعمل قرض ب ضمان
الشغل علشان اعمل المشروع اللي نفسي
فيه
الام
ربنا يفتحها في وشك يابني طيب هتعمل
اي دلوقتي
بهاء
مش عارف والله يا امي وكده كمان مبقاش
في قرض مش عارف الدنيا عامله ليه
كده معايا ، وانا فكرت بيني وبين
نفسي وقولت ليه
الام
اسمع يابني انت شقتك الله اكبر عليها
كبيره ما تخدني اعيش معاك اللي فاضل
من عمري وبيع الشقه دي
بهاء
معقول يا امي اللي بتقولي ده لا طبعا
الشقه دي غاليه عليكي اوي وعمرك ما
كنتي بتفكري تسبيها
الام
اسمع بس الشقه في عماره حلوه وهتجيب
ليك سعر كويس بيعها واعمل المشروع
وقول لمراتك ان انت اللي سبت الشغل
مش اترفد
بهاء
والله يا امي مش عارف اقولك اي ربنا
يخليكي ليا
الام
بس انا هعيش بالمعاش بتاعي معلش
مش عايزه حد ياكلني لقمه
، وافتكرت يوم ما جوزي جه ب أمه عندنا
#فلاش باك
سناء
انت جيت يا سيد اي ده حماتي اهلا يا حماتي
منوره الدنيا كلها
الحما
بنورك يا حبيبتي معلش يا بنتي الاوضه
اللي كنت قاعده فيها بتترمم وهقعد عندك
كام يوم
.
سناء
تقعدي فين يا حماتي الشقه كلها اوضتين
وصاله مانتي شايفه وابني بهاء مش بيعرف
ينام جمب حد
سيد
اي كلامك ده بس بدل ما تقولي ليها
منوره يا ماما تقولي كده اتفضلي يا ماما .تعالي
اقعدي
سناء
اسمعي يا حماتي انا بقولك قدام ابنك
اهو مرتبه مكفينا بالعافيه انتي هتقعدي
هنا بفلوسك ابنك مش معاه ياختي
يأكل ولا يشرب
سيد
عيب كلامك ده حرام عليكي وطي صوتك
شويه
سناء
الله بقولها الكلام اللي انت هتتكسف
تقولوا ليها يا حبيبي
الحما
حاضر يا بنتي خدي المعاش كله
خلي معاكي مش انتي اللي هتعملي
الاكل برضه
سناء
كمان أنا اللي هعمل يلا اهو يومين .عقبال
ما الأوضه تتوضب
#رجوع
سناء
مش عايزه الكلمه اللي قولتها زمان
يابني تتقال ليا دلوقتي اه أنا مش ناقصه
لو رجع بيا الزمن والله ل أشيل حماتي
في عنيا
بهاء
ربنا يرحمها بقي يا امي وعمر ما سماح
هتعملك زي ما كنتي بتعملي تيته الله يرحمها
المهم انتي ممكن ترجعي في كلامك ولا
اقول لسماح أن أنا اللي سبت الشغل
الام
عمري يا بني ما ارجع في كلامي ابدا
، وفي الوقت ده بهاء روح شقته وهو فرحان
بهاء
سماح يا سماح انتي فين تعالي اقولك
يا حبيتي
سماح
اي يا راجل مالك شكلك فرحان ليه
كده الاكل عالنار عايزه اخلص
بهاء
أنا خالص سبت الشغل وناوي افتح
المشروع اللي قولتك عليه
سماح
يالهوي عليك يا راجب هو انت كنت ضمنت
انك هتاخد القرض علشان تعمل
كده
بهاء
لا قرض اي أنا لسه بكلم امي وبقولها
هعمل قرض قالت ليا لا بيع شقتي
وخد فلوسها واعمل المشروع اللي انت عايزة
، وفي الوقت ده سماح فرحت اوي وقالت
سماح
والله فيكي الخير يا حماتي معقول امك
قالت ليك كده انا مش قادره اصدق
المهم تجيب ليها شقه صغيره كده امال
كفايه أنها عملت كده
بهاء
شقه ايه يا سماح هو انتي عايزاني اطير القرشين في شقه ثانيه امي مش هتعيش قد اللي عيشته سنه ولا ثاني وهتتكن ايه رايك تيجي تقعد معايا هنا
سماح
هنا فين يا راجل الشقه علي قدنا
بعدين هو مش انت عارف ان كليه اختي
هنا وبتيجي ايام الدراسه تقعد معانا
بهاء
خالص خليها في شقتها بقي هعمل اي
يعني
سماح
خالص هاتها بس اعمل حسابك لما
اختي تيجي امك هتنام علي الارض اه
بهاء
المهم عايزك تعمليها كويس يا سماح
هي قالت هتعيش بالمعاش بتعها
سماح
أنا اسمع إن معاش ابوك كويس
حلو اوي الكلام ده وانا موافقه ، وفعلا
ابني باع الشقه وروحت قعد هناك
وسماح اول لما شافتني قالت
سماح
والله البيت نور يا حماتي انا من زمان
نفسي تيجي تعيشي معانا
الحما
ربنا يخليكي ليا يا سماح بنت اصول والله
سماح
طيب تعالي كلي بقي عملت ليكي
بط وحمام ومحشي
علشان تكلي كويس يا حبيبتي ، وانا
مكنتش مصدقه معقول يا ربي أنا كنت بعمل
كده في حماتي ويتعمل فيا كده
الحما
ربنا يخليكي يا بنتي ويديكي علي قد اللي بتعملي ده والله العظيم بنت ناس
، وفعلا قعدت كلت ولقيت سماح
بتقولي
سماح
ادخلي بقي البلاكونه عقبال ما اغسل
المواعين واجي نشرب الشاي عندك , وفعلا دخلت وفضلت اعيط علي اللي كنت بعمله
في حماتي وتاني يوم صحي بهاء
بهاء
أنا لازم انزل دلوقتي يا حبيبتي اشوف
المكان اللي هنفتحه شركه بالله
عليكي ابقي صحي امي
علشان تاكل
سماح
دي في عنيا يا حبيبي اخس عليك
دي الغاليه ، وبعدها مشي ابني
ودخلت سماح وقالت
سماح
ما تقومي يا وليه انتي هتفضلي نايمه
لحد أمتي قومي الشقه عايزه تتمسح
وفي الوقت ده انا قولت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العقاب)
