رواية الجن العاشق الفصل الاول 1 بقلم صالح الديب
رواية الجن العاشق البارت الاول
رواية الجن العاشق الجزء الاول
رواية الجن العاشق الحلقة الاولى
انا اسمي اسلام محمد من القاهره لينا قرايب فالصعيد
واتعزمت عندهم ع فرح وكنت بقالي كتير ما نزلتش الصعيد وكنت مبسوط قوي اني نازل الصعيد وهشوف صحابي بتوع زمان وقرايبي وهقعد فالارض والجو النقي
وقعدت النيل وجناين الفاكهه وريحتها كان كلي شغف ومتشوق للزياره دي وكاني رايح ع الجنه
وجه الوقت وركبت القطر وكنت مبسوط جدا خلاص قربت اوصل الصعيد
وفي محطه من محطات اللي بيقف عليها القطر وقف وكانت الدنيا زحمه ع الاخر بس مهتمتش فرحتي باللي انا رايحله نستني الزحمه والجو داا
وعدت سااعات واخيراا وصلت ☺️
وهناك لقيت شباب كتير منتظريني صحابي واولاد عمي
حاجه كده جميله مش هتشوفها غير فالصعيد والاحضان فيها دفء وحب طالع من القلب مش احضان مزيفه
وخدوني وركبنا العربيه وطلعنا ع البيت
واحنا فالطريق كنت بفتكر زكرياتي مع كل مكان بنعدي عليه ايام وزكريات جميله مستحيل تتنسي
واخيراا وصلت البيت يعني العيله فرحتهم بوصولي اكتر من فرحتهم بالفرح اول حاجه عملتها جريت ع جدي وبوست ايده جدي دا بقي مش شخص عادي ليه هيبه رهيبه صغير وكبير بيحترمه وبيخاف منه كان زمان اما يمشي فالشارع الكل بيهابه وبيحترمه عمره ما جه علي حد ولا ظلم حد ومفيش حد مظلوم وجاله ومجبلوش حقه
لو قعدت اتكلم عنه سنين مش هوفيه حقه
المهم اتعشيت وغيرت هدومي ونمت لاني كنت فااصل ومحتاج انام مع اني كنت متشوق للبلد وعايز الف فيها
بس نمت
منمتش كتير وصحيت كانت الساعه تقريبا 12
ولقيت الكل نايم ومفيش حد صاحي فالبلد كلها ارياف بقي وكده
خرجت بره البيت قولت اتمشي شويه واشم هوا
وفضلت مااشي وسرحت في جمال الارض والخضره وصلت لمكان جديد عليا مشفتوش قبل كده
وهناك لقيت بيت قديم تشوفه تقول اثري بس محدش موجود فيه تقريبا
قولت اي الجمال داا واذاي ما اخدتش بالي منه قبل كده واذاي معرفش عنه حاجه
هروح اشوفه واشوف مين فيه حابب اتصور كام صوره
وصلت هناك………..
ملقتش حد خالص والباب مقفول بقفل قديم
زعلت كان نفسي ادخله يلا مفيش نصيب
ولسع بتحرك
شوفت بنت جمالها فوق الوصف شعرها اسود بيلمع و بشرتها كانت بتنور
بس استغربت وجودها فالمكان داا واي جابها هنا فالوقت داا
كان عندي فضول اعرفها واتكلم معاها مع ان داا ممنوع فالصعيد او شيء مش معتاد لان الاخلاق والعادات اللي اتربينا عليها بتقول كده
بس لقيت نفسي بنجزب ليها بشكل مش طبيعي
والاغرب كل ما اقرب منها احس اني واقف مكاني
وهي بتبعد
وفضلت امشي وامشي لحد ماا وصلت ليها وعيني جات في عينها
ياااه اي الجمال دااا
وقبل ما انطق بكلمه واحده لقيت ابن عمي بينده علياا
وبيقولي ارجع بسرعه اي اللي جابك هنااا
وببص ع البنت اختفت مش ليها اثر اي داا راحت فين
زعلت من ابن عمي واضايقت منه
هو السبب اللي خلاها مشيت
في اي ياا عم انت مش كنت نايم اي اللي صحاك دلوقتي
يلا بس من هنا وبعدين احكيلك
في اي قولي مالك وخايف كده ليه
تعالي بس امشي ومتكلمش
ياابني في اي
هقولك
ولسه بيمكل كلامه. ……. شفنااا ارنب قدامنا بس مش ارنب عادي اول مره اشوف ارنب كده
لقيت ابن عمي بيقراء قرآن بصوت عالي
في اي مالك يا بني داا ارنب انت خايف ليه
بس مبيردش عليا ومكمل قراءه
قولتله انت خايف من الارنب داا طيب انا هروح امسكهولك
ولسه بقرب من الارنب لقيته
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الجن العاشق)
