رواية العشق والقدر الفصل الخامس والعشرون 25 بقلم ليلى هشام
رواية العشق والقدر الجزء الخامس والعشرون
رواية العشق والقدر البارت الخامس والعشرون
رواية العشق والقدر الحلقة الخامسة والعشرون
رعد كان رايح جاي يسلم على ضيوف الحفله وكان في ناس كتير بتخدم وكانت الحفله أقل ما يقال عليها انها فخمه فجاه الصمت طغي علي المكان لأن كان في دخول خلا الكل منبهر بالجمال ده وده كان دخول حياة واسيل ويارا دخلوا وكانوا هما الثلاثه ماشيين جنب بعض وكانوا متوترين من نظرات الناس ليهم بس مشيوا بمنتهي الثقه
وطبعا كل واحده فيهم كانت ماشيه بتدور علي فتي أحلامها يارا شافت علي هناك واقف هو وجاسر قررت انها تروح له.
يارا:طب يا بنات انا هروح اجيب حاجه اشربها حد عاوز حاجه؟
اسيل:لا.
حياة:خلي تليفونك مفتوح.
يارا:حاضر.
علي شاف يارا كانت شكلها مش بس جميل كان شكلها يجنن اول مره يشوفها لابسه فستان غير في الشركه والكليه بتبقي لابسه دائما طقم علي شاف يارا كانت ماشيه علي كان ساند علي الشجره لقاها جايه ناحيته اتعدل وعدل تلابيب جاكته واخد نفس
يارا كانت جايه عنده بس في حد وقفها.
رامي:ازيك يا يارا.
يارا:اهلا ازيك يا رامي……. يارا لسه هاتمشي رامي مسك ايديها:استني بس مالك متسربعه ليه كده ده احنا حتي في حفله عيد ميلاد يعني وكل سنه وانتي طيبه.
يارا نفضت أيده وابتسمت ابتسامه صفرا:امم وانته طيب وبص بقي يا رامي اقصد يا استاذ رامي احنا اه زمولا وكمان بنتدرب في شركه واحده وكل حاجه بس ده ما يمنعه انك تلتزم حدودك معايا ومايدلكش الحق انك تمسك ايدي عن اذنك.
يارا مشيت وصحاب رامي جم وقفوا معاه.
واحد بضحك:شكلها ادتك علي عينيك يا روم
رامي:عيب عليكي مش رامي الي واحده زي دي تديله علي عينه هخليها تيجي تبوس أيده علشان اقضي معاها ليله.
واحد تاني:انا مش فاهم فيها اي البت دي عن غيرها؟
رامي:عجباني ورافعه راسها وماخيرها في السما انا بقي هكسرهلها.
عمر اول ما لمح اسيل قلبه دق وحس أنه مبسوط بحضورها الحفله كانت اميره بفستانها لما شاف الون البنفسجي عليها اول اسم ليها جه في باله ملكة البنفسج لانه شاف بنات كتير لابسين اللون ده اول مره يشوفه بالحلاوه دي عمر وعرف أن السبب لمجيها الحفله هو رعد اكيد عزمها راح عمر ناحية اسيل ووقف قدامها ومد أيده سلم عليها اسيل برعشة ايد حطت أيدها في أيده بص عمر لحياة:ازيك يا حياة عامله اي.
حياة ابتسمت لأن عمر لسه ماسك ايد اسيل:كويسه يا عمر وانته.
عمر بص لاسيل:انا من للحظه دي بقيت كويس.
اسيل وطت راسها لأنها كانت هتموت وتضحك لأن عمر كان بيتكلم بسهتنه اوي.
عمر:طب بعد اذنك يا حياة هفرج اسيل علي الحفله.
عمر ما استناش يسمع الرد وشد ايد اسيل ومشي يفرجها علي الحفله.
حياة كانت واقفه وباصه قدامها لان كان رعد الي واقف قدامها ومش عارفه اعمل اي تروحله ولا لا بس لقته هو جاي عندها
رعد كان في حته تانيه خالص لأن في جنيه سحرته زي ما يكون واقف في مكان ضلمه وفجأة شعاع نور جه من عندها هي بس رعد ساب الناس الي كان واقف معاهم ومشي وهو مغيب ومش واعي لغاية لما وصل عندها ووقف قدامها وكانه مش شايف حد غيرها.
رعد في نفسه:ياربي ايه القمر ده لا انا مش قادر انا لازم اقول لها على كل اللى جوايا النهارده.
رعد:ازيك يا حياة.
حياة بخفوت:الحمدالله وانته عامل اي.
رعد ابتسم:كويس كويس جدا.
هناك عند البسين كانت واقفه ملك مع نور ورضوي وصاحبتها وكل شويه تبص في الساعه لأن احمد لغاية دلوقتي مجاش مش معقوله مايجيش عيد ميلادها.
نور:اي يا ملك مش هنطفي الشمع ولا اي؟
ملك بصت في ساعتها وقالت إنه ممكن يكون مشغول ولا حاجه:لا يلا هنطفي الشمع دلوقتي.
الخدم طلعوا التورته وكانت كبيره جدا وعليها صوره ملك وكل الناس راحت ورعد وعم وقفوا جنب ملك وقعدوا يغنوا.
(يلا حالم بالم بالم حايو ابو الفصاد
هايكون عيد ميلاده الليله اسعد الاعياد
فاليحيا ابو الفصاد هااااااااااااااا)
العشق والقدر بقلمي ليلي هشام
فجاه الصواريخ ضربت في السما وكان شكلها تحفه كله بص للسما علشان يشوف الصواريخ وملك عرفت أن ده احمد واتبستط أنه موجود معاها رعد بص لحياة وشافها كانت مبسوطه ومتحمسه اوي وكذالك اسيل ويارا انا رضوي اول ما الصواريخ ضربت في السما اتخضت وخافت بس من حسن الحظ أن جاسر كان و اها وحس بخوفها قرب منها وحضنها من ضهرها رضوي اتخضت لما لاقت حد قرب منها كده بصت وراها ولما لاقته جاسر نوعا ما اتطمنت.
في أثناء والصواريخ شغاله رعد كان باصص حياة وهي اخدت بالها وبصتله رعد مسك ايديها وهو باصصلها واتكلم بخفوت بس هي كانت سامعاه:انا بحبك يا حياة.
المفاجأة لجمتها خلتها مش عارفه تتكلم بس حست أن قلبها هو الي اتكلم كان بيدق بسرعه رهيبه حياة حست انها ممكن يغمي عليها من المفاجاه وحست أنها طايره من الفرحه وقررت هي كمان تصرحله بماشاعرها بس قبل ما تتكلم.
احمد:مساء الخير للجميع.
احمد وقف في منطقة فاضيه قدام البسين وكان في سبوت نور عليه ومكانش بيفرق بينه وبين مكان ملك غير البسين وكان ماسك المايك أيده وابتدي يتكلم.
احمد:مساء الخير للجميع اولا انا اسف اني دخلت كده بالطريقه دي ثانيا ملك…. فاكره يا ملك لما قولتلك أن انا عمري ما انساكي ابدا ولا اقدر انسي اي حاجه بتحبيها عمري يا ملك ما قدرت انساكي ولا عمري عرفت اخوش في علاقه مع واحده تانيه عمري ما تخيلت أن ممكن اكون لواحده غيرك عمري عرفت اكون مع واحده غيرك عقلي وقلبي ومشاعري كلها كانت ليكي علشان كده.
احمد كان بيتكلم وهو ماشي لغاية لما وصل ووقف قدام ملك.
يا ملك انا مش هقدر ابعد عنك تاني او اعيش من غيرك…….
ملك تقبلي تكوني شريكة حياتي.
ملك دموعها اتجمعت في عينيها من الفرحه وكانت مبسوطه أن احمد طلع بسحبها زي ما هي بتحبه ملك كانت هاتقولوا موافقه بس….
رعد:وحتي لو هي وافقت انا مش موافق.
ملك واحمد:………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
