رواية ذات الوجهين الفصل العشرون 20 بقلم منة محمد
رواية ذات الوجهين البارت العشرون
رواية ذات الوجهين الجزء العشرون
رواية ذات الوجهين الحلقة العشرون
عزه لطمت خدودها: الست ياسمين جات اعمل ايه انا
ذات اتخبت وري العمود ومبسوطه من الي ممكن يحصل
عزه لفتلها وبرتباك: حمد لله بالسلامه
ياسمين: الله يسلمك نور وصل
عزه: من زمان قصدي لسه حالا يمكن دخل قبل منك بدقايق
ياسمين فتحت شنطه العربيه وبصتلها: وذات رجعت
عزه: ايوه رجعت مع الباشمهندس
ياسمين وشها ملامحه اتغيرت: ايه
عزه حطت ايدها على بؤها بعفوية: قصدي رجعت وري الباشمهندس من الاخر انتم التلاته رجعتوا مع بعض في نفس الوقت
ياسمين: طب خدي العلب دي حطيها في الثلاجه
عزه بعد ما مشت ض*ربت بؤها: امسكي لسانك كنتي هتعكي الدنيا
………………..قصص منه محمد كاتب………….
ياسمين دخلت لقت نور في الحمام بياخد شور غيرت هدومها بسرعه وراحت تشوف ذات خبطت ع الباب ودخلت لما ذات سمحتلها بالدخول فتحت الباب ع اخره … لقتها واقفه قدام مرايتها وفي ايدها فستان جديد
ياسمين دخلت وبأعجاب: الله الفستان ده جميل اوي
ذات بتستعرض جسمها في المرايا: ده كنت هلبسه لوظيفه بكره
ياسمين: ذات متقوليش اني بدخل في شؤنك الخاصه بس هتشتغلي فين
ذات: الاماكن كتير
ياسمين بستفسار : زي ايه
ذات: شركات كتيره بس فيه مكان واحد نفسي اشتغل فيه بجد شركه هندسيه
ياسمين: اشمعني
نور كان طالع من غرفته وشافهم بيتكلموا وقف يسمع وهي لمحته في انعاكس المرايا
ذات :لان جوها جميل وصاحبها راجل لطيف
ياسمين :قوليلي اسمها وهخالي نوريسالك عنه
ذات لفت وضحكتله هو في انعاكس المرايا بخباثه: مفيش داعي اظن انا مش صغيره واقدر اعرف بنفسي فمتقلقيش انتي
ياسمين عقدت حواجبها: ازاي مقلقش وانا شيفاكي بتخرجي كل يوم وترجعي البيت في وقت متأخر
ذات لفت وبصتلها بثقه وغرور: متقلقيش عليا اصل انا عندي هدف جديد وواثقه اني هشتغل في الشركه عنده وده اكيد
ياسمين بصتلها ومبتسمه لكن جواها مش مرتاحه لردها وحاسه ان الامر وكلامها كله الغاز
ذات ببتسامه رخمه : متشكره لقلقك يا صحبتي الجميله
ذات راحت تبوسها في خدها وعيونها ع نور الي بصلها بغيظ ودخل وقفل الباب
ياسمين: تصبحي ع خير
ذات لفت تاني للمرايا وبدلع: good night ((ليله سعيده ))
……………….قصص منه محمد كاتب…………..
في بيت محمد الكاشف
عمته بتمسح ع راسه: اشرب المانجا المزيفه
محمد فتح عيونه ع الاخيرو نزل الكوبايه وشرق: اشرب ايه المزيفه
عمته: ايوه ! عملتها مخصوص عشانك عشان تقدر تثبتلك نفسها
محمد بستغراب: ايوه برضه ليه مزيفه
عمته: ولا اعرف لازم تسال الي عملتها
محمد :ومين دي الي عملتها؟؟؟
عمته: الشيف الي بتساعدني
محمد ابتسم اوي: وهي فين دي
عمته: هناك بتساعدني نعمل اكل للعمال
محمد بخبث: وهي حلوه
عمته ضحكت: حلوه ودمها شربات بس دبش ساعات
محمد بعدم فهم: دبش ازاي
عمته: يعني تقول للاعمي انت اعمي في وشه صادقه كدا ومش مزيفه
محمد بأعجاب: دي نشوفها بقي الواضحه دي
عمته اخدته من ايده وقربت عليها كانت واقفه بضهرها بتطبخ
عمته: ضحي محمد ابن اخويا هنا وعاوز يشوفك
ضحي سابت الي في ايدها ولفتله وهو اتصدم وتنح!!!
ضحي بتشاروله باسلوب طفولي: ازيك يا محمد بيه يا كاشف
محمد مبقاش عارف يجمع كلمتين: عمتي هي الطفله دي الي هتساعدك في اكل الفندق
عمته ببتسامه: اسمها ضحي
محمد: دي الي قولتي عليها دبش ومدب
عمته قرصته بغيظ في دراعه وبصتله بتوعد: ايوه واسكت بقي
محمد :البت دي معقده وبتاعه مشاكل
ضحي: عندك كدا بجد كتير
عمته بدهشه: استنوا هو انتم تعرفوا بعض
محمد : طبعا اعرفها عز المعرفه دي اخت ياسمين الصغيره استاذه الكدب استاذه التنكر مره خدامه ومره جرسونه وهنتني في وشي كمان
عمته بصتلها بندهاش: انتي عملتي كل الجرايم دي ليه مقولتليش
ضحي نزلت راسها لتحت باسف: كنت هقولك النهارده
محمد رافع حاجب و مش مصدق كلامها الي كله كذب: شايفه يا عمتي بتتلاعب ازاي دي مخدعه مكاره
ضحي بتحدي: ايوه عملت كدا عشان كنت متغاظه منك عشان سايب طلقتك العقربه تقرف في اختي
عمته محمد صرخت فيهم : استنوا ليه ذات تعرف اخت ضحي ؟! ومن امتي
محمد اتكلم بدون نفس: من زمان اصدقاء طفوله
عمته بتعجب: وليه مقولتليش يامحمد
ضحي بهجوم: شفتي هو بيخبي عنك الحقيقه
محمد بيشاور عليها بقرف: متقرنيش نفسك بيا
ضحي حبت تنرفزه: انت حتي مش عايز تعترف انك مكنتش قادر ع مراتك السابقه زيت
محمد اتعصب: عمتي انتي اتعرفتي ع المتوحشه دي ازاي كل مره تشوفني تعضني كدا وبعدين انتي الي عامله المانجا دي
ضحي رفعت كتافها لفوق بفخر: ايوه انا عملتها
محمد: شايفه بتتريق عليا هو فيه مانجا حمره
ضحي لعبت حواجبها: منا حطيت عليها فراوله وكدا تبقي بنكهتين
محمد بعصبيه: انتي غشاشه
ضحي ردت عليه بشخط: وانت مستبد وهج*ومي
عمته ضربت التربيزه وصرخت فيهم: باااااااس
ضحي بصتله بغيظ وهو بصلها و نفسه يضحك على اسلوبها لكن الموقف يتطلب الحزم والموضوع ضايقه جدا ومقهور ازي المفعوصه تتمادي معاه بالفعل والكلام وهو اكبر منها
عمته ابتسمت على منظرهم سوي وسالته : المهم دلوقت طالما تعرفوا بعض كدا انت هتوافق تخليها تساعدني
محمد كتف ايده وهز دماغه بعتراض: اكيد لاء دي بتهني في وشي وفي ضهري يبقي ازاي اوظفها
ضحي خلعت المريول ورمتها بغل: طنط انا ماشيه
عمته بحزم: استني عندك مينفعش تمشي
ضحي حطت ايدها في وسطها: ليه بقي
عمته: لو مشيتي مين هيساعدني يا ضحي في اكل العمال وبعدين يا حبيبتي الاجانب الي هيجوا الفندق مين هيطبخلهم الاصناف الي بيحبوها غيرك وانا ماليش في الاكل ده
محمد بزع*يق: انا عايز اعرف انتي عارفه ان فيه بيني وبينك مشاكل ليه جيتي تشتغلي عندي
ضحي: لقيت المرتب حلو وحاجه كمان حبيت اختبر صبرك لو هتقدر تفصل بين الامور الشخصيه عن امور الشغل
محمد بغيظ وفرسه: شوفتي ياعمتي جايه تمتحني كدا انا اشغلها
عمته: ايوه تشغلها
محمد اتنهد بقهر: عمتي ليه واقفه في صفها خلاص نمشيها ونجيب شيف اجنبي
عمته: حد الله انا اقف مع راجل غريب في المطبخ لاء يا بني ده عندهم كله مل*ط ازاي اثق فيه
محمد: يعني دي الي اهل للثقه
ضحي رمت صنيه الكوبيات علارض واللي يشوفها يقول دي اكيد مجنونه وبنرفزه: بقولك ايه بقي
عمته وقفت بسرعه ومسكتها من إيدها بلطف : اهدي وايوه انا واثقه فيها هي بس لسانها طويل شويه لكن شاطره ولهلوبه في اكلها دي التانيه بعدي
محمد مسح وشه: ماشي يا عمتي عشانك وعشان هي اخت ياسمين الاميره
ضحي بثقة وغرور : يعني انت هتوظفني
محمد بقلة حيله : لسه لما تثبتي مهارتك في الاكل الايطالي وقبله الاكل المصري وبعدها هقرر وانا مرتاح
……………قصص منه محمد كاتب……………….
في بيت رفعت نور ماسك الشنط وبيسأله : انا عايز اعرف انت ليه فكرت تسافر اسيا ايه الفكره
رفعت: حاسس بملل يابني وبعدين هاخد امك ونعمل شهر عسل للمره الثانيه
نورهان: شهر عسل متسمعلوش يابني ده عرف ان ليلي علوي مسافره هناك قال اسافر وراها
نور ضحك: يعني يا بابا تذكره السفر مش اغلي من الممثله نفسها
نورهان بغيظ : ثلاث اضعاف وعشان كدا قال يضرب عصفورين بحجر وقام جرجرني معاه واهو بالمره
رفعت ضمها بمحبه:انا بحبك ومرتبط بيكي يانونو
نورهان: انت مكار نور انت وياسمين لازم تجيبوا ولاد بسرعه عشان ابوك يتلهي ويلعب معاهم اصله لو بقي عنده احفاد هيلزق فيهم بدل مني
نور بضحكه: اوعدك اقول كلامك لياسمين
نورهان ببتسامه: كدا شيل الشنط للعربيه
نور: عنيا
رفعت وقفه وبهمس: استني وانا برا عينك ع ذات عايز ارجع ملقهاش في خلقتي قاعده في الشركه لو امك شافتها هتقوم مشكله كبيره ومش عايز الوضع يخرج عن السيطره
نوراتنهد وتابع كلامه بهدوء : متقلقش اتأكد بعد رجوعك مش هتشوف ذات
……………قصص منه محمد كاتب……………..
في الشركه الهندسيه
قاعده ع الكنبه عند الاستقبال وفاتحه مجله قربت عليها ابتسام: مدام ذات
ذات رفعت عيونها وبصتلها: فيه حاجه اقدر اساعد بيها
ابتسام: لاء انا جيت اقولك ان رفعت بيه سافر والباشمهندس نور راح يوصله للمطار وبعدها هيصور لقاء تلفزيوني واظاهر محدش هيكون موجود في الشركه اليوم وقعدتك كدا مجرد تضيع وقت عالفاضي
ذات وقفت بغ*ضب واتكلمت بغ*ل : انتي بتطرديني
ابتسام: لاء بس انا بقوم بشغلي
ست ما داخله تزعق: فين رفعت بيه ليه مش عارفه اوصله
ابتسام بخوف وتوتر: انتصار هانم
انتصار: ايه الي حصل انا ليه مش قادره اوصله من مده طويله التصميم ده مش ظابط معايا ولازم افتتح المنتجع بسرعه ولو مقدرتش افتحه خلال شهر واحد بيتي هيتخ*رب وهيكون مين المسؤل وقتها فهميني
ابتسام ارتبكت ولفت لباقي الموظفين” حد هنا بيفهم في التصاميم
الكل شاورلها بـ لاء
انتصار: فين رفعت عايزه اتكلم معاه حالا
ذات تدخلت بالكلام: اهلا انتصار هانم رفعت بيه سافر عشان كدا الباشمهندس نور هيبقي مسؤل عن شغلك فمتقلقيش
انتصار وكأنها ارتاحت شويه: اوكيه بس مين انتي
ذات: انا ذات سكرتيره الباشمهندس نور وسعيده بمقابلتك
انتصار سلمت عليها : اهلا وسهلا
ذات: اتفضلي أأعدي الاول
انتصار اعدت وذات بصت للسكرتيره بلهجه امر: روحي هاتلها عصير
ابتسام رسمت ابتسامه مزيفه وقالت: حاضر
ذات: اتفضلي نطلع نقعد فوق في غرفه الاجتماعات
انتصار قامت: اوكيه
………………..قصص منه محمد كاتب…………………
ابتسام واقفه عيونها ع الباب اول ما لمحته نزلت تجري عليه: الحق يا باشمهندس
نور داخل بخطوات كلها خوف وتوتر: فيه ايه
ابتسام بتتكلم بسرعه: وصلتك رسالتي
نور بيجري ع السلم وهي وراه: فين انتصار هانم وايه الاوضاع
ابتسام بتشاورع على جهة الشمال: هناك وزي ما هتشوف
نور لف واتفاجئ بوجود ذات وده في حد ذاته ضيقه جدا وقال : ايه ده
ابتسام بخوف من شكله وعصبيته : انا بجد معرفش
نور دخل وقعد وسابها لما خلصت كلام مع انتصار وسألها بهدوء: ممكن اعرف ايه الي عملتيه
ذات الي كانت خايفه ليهينها قدامهم وخاصه ابتسام ردت بهدوء: كنت بتكلم معاها عن المنتجع الي زورته في لندن وفرجتها صوره وعجبها وهتصمم زيه
انتصار بأعجاب لذات: سكرتيرتك عندها افكار مفيده وهايله
نورحاول يكون طبيعي: والمشكله الي عند حضرتك ايه يا انتصار هانم في تصاميم والدي
انتصار لذات: سكرتيرتك تقولك بنفسها لاني واخده نازله برد ومش هقدر اكرر اعذرني
نور بص لذات وهي قالت: انتصار هانم قالت ان المنتجع الي في اروبا مختلف عن المواصفات الي اتفقتم معاها عليها عشان كدا عايزنا انا وانت نروح نشوف الموقع بكره
نور بضيق: انتي وانا
انتصاربهتمام: ايوه وبجد حابه تيجوا تزوره المنتجع
نور: بس هي
ذات قطعته بسرعه: انتصار هانم الساعه اربعه ونص ومعاد طيارتك الساعه سته فلازم تتحركي عشان الزحمه
انتصاربصت في ساعتها: اوه فعلا انا لازم امشي
ذات: وانا هتصل بيكي الليله
انتصار وقفت واخدت شنطتها: رائع وهنشوف بعض بكره سلام
ذات سلمت عليها بحراره: استمتعي برحلتك
انتصار بصتله: انت عندك سكرتيره ذوق جدا وهايله بجد انت بيها محظوظ
نور وهو بيحاول يتحكم باعصابه: مع السلامه
انتصار مشت وذات طلعت توصلها وبعدين دخلتله: بالنسبه لحجز بكره
نور وعيونه مليانه غض*ب: انتي مش هتسافري _ وبصلها نظره كلها اشمئزاز وخرج بسرعه من قدامها_
ذات طلعت تجري وراه : نور انت متقدرش تعمل فيا كدا
نوربصوت عالي وعيون مليئة حق*د وكره : ليه مقدرش ايه الي يمنعني
ذات بمسكنه: اظن اثبت جديتي للشغل وساعدتك وحلتلك المشكله
نور طلع محفظته وفاتحها: عايزه كام وانا هدفعلك
ذات بانكسار رفعت راسها : انا مش عايزه فلوس انا عايزه شغل وانت بنفسك شفت انا وانتصار متفقين سوي هي عايزاني اسافر اساعدها ولو سافرت بكره يمكن هي تشغلني ولو بقي عندي الشغل والفلوس هخرج من حياتك انت وياسمين لكن لو مش عايزني اروح خلاص هنفذ كلامك بس هفضل زي منا وهرجع ازعجك كل يوم اختار
نور وكانه اقتنع بكلامها مسكها من ايدها قبل ما تمشي: استني_وع مضض_ احجزي تكت لكل واحد فينا في معاد مختلف وهنسافر والاهم عندي ياسمين متعرفش اي حاجه عن السفريه دي
ذات ظهرت ملامح الفرحه ع وشها لانه سهلها عليها لان كدا كانت هتفشل خطتها لو ياسمين عرفت: يعني انت وافقت اسافر
نور ساب دراعها : اعملي الي امرتك بيه وسواء اشتغلتي او لاء مش هترجعي هنا تاني
ذات: نور استني_مسكت كف ايده_ شكرا انك ادتني فرصه وانا هستغلها بأفضل اداء عندي
نور سحب ايده عنها بقرف ومشي وهي اتنفست براحه لانها قررت ترسم الخطه وتطبقها لحد ما يوافق ويتجوزها!!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
