رواية ذات الوجهين الفصل التاسع عشر 19 بقلم منة محمد
رواية ذات الوجهين البارت التاسع عشر
رواية ذات الوجهين الجزء التاسع عشر
رواية ذات الوجهين الحلقة التاسعة عشر
نور جاتله فكره انه يبعد بيها ياسمين عن الشركه لحد ما يخلص من البل*وه الي قاعدله برا طلع موبايله واتصل: الو سمسمه فينك…؟
ياسمين: انا لسه في الاذاعه بس هتحرك وجيالك
نور:: لاء استني ايه رايك لو نتكلم في بيت محمد نفسه عشان كمان اقدر اشوف البيت ع طبيعته واحدد هو محتاج يعمل فيه ايه بدل جو المكاتب الي يخ*نق
ياسمين: زي ما تشوف وانا هتصل بيه ابلغه
نور اتنهد برتياح: تمام ياسمين تمام هاجي اخدك ! اشوفك
ياسمين رمتله في بوسه ع الهواء: اشوفك
نور بدالها البوسه وقفل ولف وذات شاورتله باي وهو دور وشه واتك ع اسنانه من الغ•يظ!!!
نور لم كل متعالقاته واغلق المكتب بالمفتاح ونزل ركب عربيته واخد ياسمين وطلع بيها ع بيت محمد
…
نور واقف جنبه وبيساله بحماس: عاوز كام غرفه في الفندق
محمد بدون تفكير: يعني عشره كفايه
نور: وزباينه اجانب ولا مصريين ولا مختلط
محمد: اجانب واي شخص عاوز يحجز هنا هيحجز اونلاين
نور هز دماغه بجديه: تمام
محمد: وكل اوضه هتتحجز بحوالي 500 ج في الليله
نور بصله: تمام ممكن اشوف المكان كله واخدله صور
محمد: اه طبعا اتفضل
نور مشي بخطواته البطيئه ورفع الكاميرا ع عيونه وفضل يلقط الصور: المره الجايه هجيب المصمم وناخد السعر الشامل بالمره ونبدء
محمد بحرج: ايوه بس بالنسبه للسعر انا
نور قطعه ومسد ع كتفه: متحملش هم discount عشان الاصدقاء
محمد ابتسم برتياح وياسمين ضحكت لانها فاهمه قصده!!!
نور: متقلقش ياسمين قالت لي_ضمها له_ وفي الحاله دي يبقي بسعر خاص فمتقلقش
محمد بمتنان: بجد الف شكر
نور: اصل انا بسمع كلام مراتي لانها عنيده
ياسمين ضربته في كتفه: انا عنيده يانور
نوربنص عين: يا مف•تريه سعر خاص وهو تكلفته عاليه
محمد ضحك ع اسلوبهم: كدا تتفرج ع البيت
نور طبطب ع ايديها وبيضحك: شكل محمد خاف مني
محمد ابتسم واخده لمكان تاني من البيت وبصله: الروف ينفع نقفله بتكعيبه
نور نزل الكاميرا: بصراحه الجو هنا جميل واظن الاجانب هيعجبهم جدا ونقدر نعمل الروف بتصميم جذاب
ياسمين سابتهم ومشت تتفرج ع المكان وتتمعن في منظر البحر بأمواجه لكن حست ان الارض بتلف بيها زي الكوره وكانت هتقع مسكت بسرعه في شجره ونور لمحها وجري عليها ولحقها بسرعه ومسكها : مالك يا ياسمين
ياسمين ماسكه دماغها: فجأه حسيت بدوخه وكأن هيغما عليا
نور عيونه مركزه عليها بخوف : ودي اول مره تجيلك الاعراض دي ولا بتتكرر
ياسمين رمشت بعيونها كذا مره : النهارده الصبح بس وحسيت اني عايزه اتقيئ
نورميت من الفرحه: بجد_بهمس_ البريوت غايبه عنك هاخدك ونروح للدكتور نكشف كويس ونتأكد يله
ياسمين وقفته: نور وطي صوتك بتحرجني
نور خفض صوته : طيب نروح للدكتور عشان يكشف عليكي
ياسمين قربت عليه وهمست جنب ودنه: نور البريوت نزلت النهارده الصبح ده كل الموضوع
نور الفرحه الي كانت ع وشه تلاشت بالتدريج
ياسمين: يظهر تعبت من جو البحر وتغير المكان نور انا مش حامل
نور دخل ايده في شعرها وحركه بخفه ونفخ فيه يخفف الجو: طيب يا دلوعه اقعدي انتي في الخضره الحلوه دي ع ما اخلص تصوير ونروح تستريحي
ياسمين ااعدت ع تربيزه ونور بيصور المكان ورغم كدا ما نزلش عينه من عليها لتتعب تاني شاف محمد مقرب عليها ومعاه فنجان ينسون
محمد سحب كرسي وقعد بعد ما حط الفنجان قدامها وسألها بهتمام: ها حاسه انك احسن
ياسمين اخدت الفنجان وشربته منه: الحمد لله احسن
محمد: بجد مش عارف اشكرك ازاي للمره التانيه لتفهمك لشخص بيبدء حياته من اول السلم زي حلالتي وبصراحه مش متفاجئ انتي ليه الصديقه الوحيده لذات من الطفوله وده هسميه انسانيه نادره
ياسمين اتكسفت ومدوره وشها : لاء انا مش للحد ده انا بس بشفق عليها وهي كل يوم بتخرج تدور عن شغل واوقات بترجع البيت متاخر بس وهي كويسه ومبسوطه
محمد: بجد ذات عايزه تشتغل
ياسمين: ايوه بجد اظن قولتلك انها اتغيرت
محمد هنا افتكر حقدها وغيرتها وقال بسخريه: اتغيرت
ياسمين ابتسمت في وشه: ذات طلبت مني تشتغل موديلز مع معتز و
محمد حثها تتكلم: و ايه
ياسمين: وطلبت مني انها تشتغل سكرتيره لنور
محمد يسمع ويتصدم: هي الجرئه اخدتها للحد ده كمان وانتم ردكم كان ايه
ياسمين:طبعا رفضت وهما رفضوا وهي بتخرج كل يوم تدور عن شغل
محمد : اي شغل
ياسمين: انا مسألتش بس اكيد هي هتقولي لو اتوفقت فيه
محمد بسخريه: ذات فعلا تقدر تتغير
نور الي واقف وسامع كلامهم ومش عارف لما تعرف انها كل يوم هي عنده في شركته وانها بتخدعها وهو خاف يقولها
دخل يلف في غرفه من الغرف وهو بيصور لمح باسكت للزباله نخ وبحلق فيه لقاها مجموعه صور لذات متقطعه ومرميه فيه !!
…………قصص منه محمد كاتب…………
ابتسام اخدت نفس بضيقه وراحت عليها: ذات الشركه هتقفل ولازم تمشي
ذات رفعت عيونها وبصتلها: لاء هستني نور
ابتسام: بس الباشمهندس راح يقابل زبون
ذات بصت في الساعه: دلوقت
ابتسام: وهيخلص ويرجع من برا برا ع البيت
ذات رمت المجله ووقفت بعصبيه: وليه معنديش علم
ابتسام بتضغط ع الكلام من تحت ضرسها من اسلوبها المغرور المستفز: والله معنديش علم تقدري تسأليه بنفسك عن اذنك
ابتسام مشت وذات اتكت ع اسنانها ومشت بسرعه من المكان
…………قصص منه محمد كاتب…………
ياسمين: عزه امال فين ذات هي مرجعتش
عزه عوجت بؤها بقرفه: لسه
ياسمين: يظهر لسه بتدور ع شغل ع العموم لو رجعت مأكلتش حضرلها لقمه عشانها ممكن
عزه: حاضر
نور رفع عيونه ع اوضتها الضلمه واتنهد ودخل طلع اخد شور وطلب من ياسمين قهوه تحضرها هي بنفسها لانه هينزل يشتغل شويه ع بيت محمد وبالفعل نزل المكتب لابس فانله كات بيضه ع بنطلون رمادي ومعاه فنجان قهوته بعد وقت تعب قام وقف قدام الشباك يعمل رياضه فك عضلات ،،في نفس اللحظه كانت هي وصلت ولمحته وبسرعه قعدت قدام النافوره الي في الجنينه ورفعت البنطلون الواسع واخدت من الميه تمسح ع سيقانها ونور حس بحركه بص شافها بتمسح ع صدرها ووري رقبتها بطريقه مثيره رماها بنظرات حاده وكلها احتقار وبسرعه لف وشه عنها ورجع قعد مكانه وحس انه ممكن يخن*قها وقرر يطلع غرفته
ذات قامت وقفت وبتاخد نفس عميق وبغل : عامل نفسك متأثرتش بس انا وراك والزمن طويل وهجيب راسك
………قصص منه محمد كاتب…………..
في يوم جديد نور خلص شغله ونازل رافع الجاكت ع ضهره وبيكلمها ع الموبيل
ياسمين: النهارده هتعشا عند اهلي وهرجع متأخره شويه
نور بئلش وهزار: ياقاسيه هيجيلك قلب تاكلي من غيري
ياسمين ببتسامه: لاء طبعا خلص وتعال
نور اتنهد بتعب: لاء مش هقدر نفسي اروح اخد دش وانام
ياسمين بنبره حنان: ماشي بس سوق ع مهلك وانت راجع هتوحشني
نورابتسم: وانتي اكتر ياروحي
نور اغلق معاها وكمل نزول لقاه الي نايمه ع الكنبه الجلدي ومتغطيه بجاكتها بصلها شويه واتنهد ولف ضهره وفكر يسيبها ويمشي لكنه رجع وقف تاني ولسه بيفكر وهي حست بتردده فتحت عيونها نص فاتحه وبسرعه فتحت مقدمه فاتحه الفستان عشان يبان صدرها ورجعت غمضت عيونها
نور رجعلها وبتردد :انتي _ لسه نايمه صرخ فيها بصوت عالي_ انتي قووومي
ذات قامت فتحت عيونها وبصتلو بخضه واتعدلت وغطت صدرها بسرعه: اسفه
نور لف وشه بسرعه عنها لانه متحملش منظرها
ذات : امتي روحت في النوم محستش هما كل الموظفين مشيوا
نور بيكلمها وضهره ليها:ايوه وانا كمان ماشي
ذات وقفت بسرعه واخدت الشنطه: همشي معاك
نور لفلها ووشه اتغير وكشر: افندم
ذات بهدوء ونبره مكسوره: متقلقش همشي لمحطه الاتوبيس
نور غمض عينه واتنهد بضيق : هوصلك لان الوقت متأخر اصلا لو سبتك ترجعي البيت لوحدك في الوقت ده وياسمين عرفت هتعملها قضيه العالم
ذات بفرحه : الف شكر
نور سبقها وخرج وهي طلعت مشت وراه وقفت ومثلت انها متردده لكن هي فرحانه والدنيا مش سيعاها من الفرحه..وعندها امل كبير تفرق ما بينهم!!!!
نور نزل و بصلها: ايه الحكايه ليه مركبتيش العربيه
ذات :اصلي مش عارفه اقعد قدام ولا اقعد وري
نور بنبره ناشفه: اقعدي قدام ومتعملهاش مشكله
ذات: بس ده مكان ياسمين
نور بدء يتعصب وزق الباب بكل قوته : اللهم طولك ياروح اطمني ياسمين مش هتقول حاجه ع امر تافه زي ده ومش هتمانع فركبي وخلصيني لانك لو مركبتيش انا هسيبك وامشي
ذات عارفه طبعه لما بيتعصب بيطلع عن شعوره..وممكن يعمل رد فعل جنوني فتحت الباب بسرعه : طيب هركب
نور حرك وبصلها بقرف لانه حرفيا جاب اخره منها واتكلم بصوت عالي :فهميني لحد امتي هتفضلي مزعجه بالشكل ده
ذات: لحد ما توافق عليا
نورابتسم بستهزاء: بصي الصراحه هو فيه شغل
ذات بفرحه : بجد
نورابتسم بتريقه: بس عامل نضافه يمسح المكاتب ينضف الحمامات
ذات بلعت الاهانه: موافقه
نورضحك بتهكم :والمطلوب مني طبعا اصدقك
ذات ؛نور انت ليه طول الوقت مكدبني وقلت لك الف مره انا بجد ندمانه وعشان كدا مستعده اعملك اي حاجه اكفر بيها عن ذنبي انضف حمامات او الم الزباله لو انت عاوزني اعمل ده صدقني هعمله
نور بهدوء: الي طالبه انك تبعدي عن حـ
ذات قطعته :عارف رجوعنا البيت سوي في وقت متاخر بيفكرني بالليله الي روحنا فيها سوي تعرض تصميمك ع زبون فاكر كنت معاك بشجعك وقعدت لحد ما خلصت كلام واتفقت من العصر للعشا عارف انا من يوم ما اتولدت عمري ما استنيت حد
نور عيونه مركزه ع الطريق وبغلظه : ومين طلب منك تستني
ذات :ازاي اقدر اعمل ده ده كان اول شغل ليك وانا كنت لازم ابقي جنبك اشجعك واستنيتك كتير في الهول بس اخيرا انت اخدت الشغل طيب فاكر المكافاه الي ادتهالك
نور بصلها بنظره جامده لما افتكر وقح*تها معاه واسترجع الماضي
#فلاش_باك
ذات قربت عليه وبتتثاوب : ها طمني تصميمك عجب الزبون
نور بسعاده:ده كان طاير يا ذات وهنوقع العقد بكره
ذات بفرحه : بجد _ ضمته لحضنها_ انا سعيده عشانك وكدا قعدتي جات بفايده
نور ضحك: وانا كنت متحمس جدا وانتي بتنامي ع نفسك هناك
ذات قربت منه اكتر بجرائه: نور عندي ليك مكافاه خاصه
نور بصلها وهي هجمت ع شفايفه لكن نور متفعلش معاها وسكت لحد ما هي سحبتها منه بسرعه!!!
#باك
نور كرمش وشه ونفخ ومن تحت ضرسه : بتفكريني ليه وبعدين الموضوع ده عدي عليه وقت طويل وانا نسيته
ذات بصالة بنظره كلها عشق :انت نسيت بس انا يستحيل انساه
نور ضغط بنزين وساق بسرعه جنونيه لان القاعده معاها بقي فعلا بيشكل عليه وضع خطر!!!!!
نور في اقل من الساعه وصل ودخل بالعربيه للبيت وذات نزلت وابتسمت له ابتسامه عريضه: متشكره يانور
نور نزل وهزلها دماغه بدون كلام وبص لعزه بقلق ومشي من قدامها بسرعه البرق لكن عزه شافت القلق ده بعيونه
ذات وابتسامتها الخبيثه مرسومه ع شفايفها : عزه
عزه نفخت بضجر: خير
ذات: متقوليش لياسمين عن الي شوفتيه مش عايزه دماغها تروح لبعيد ولو فعلا بتحبيها ومش عايزها تضايق اعملي نفسك مشفتيش حاجه لان مفيش حاجه حصلت
عزه تتابعتها لحد ما اختفت من قدامها ومصمصت شفايفها وبتفكر وتتكلم بصوت عالي: ولما هو مفيش حاجه حصلت ليه مش عاوزني اقولها في نفس التوقيت عربيه ياسمين دخلت وزمرت بكلاكسات كتير وعزه نطت واتفزعت من دخولها بالشكل ده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
