رواية ذات الوجهين الفصل السابع عشر 17 بقلم منة محمد
رواية ذات الوجهين البارت السابع عشر
رواية ذات الوجهين الجزء السابع عشر
رواية ذات الوجهين الحلقة السابعة عشر
عربيه بيضه كبيره داخله ببطئ ع بيت محمد الكاشف
عم محمد الحارس قام وقف ودقق فيها: عربيه مين دي ياتري بس مش غريبه عليا
وقفت العربيه ونزلت منها عمه محمد ونزلت وراها ضحي الي لبسه بنطلون ازرق وبلوزه لبني فاتح وكوتش ابيض وحاطه اسكرف ع راسها ونضاره شمس انيقه ع عيونها
عم محمد بترحاب الفلاحين الطيبيبن: اهلا يا مراحب يا مراحب بست الكل والست الصغيره
ضحي ابتسمتلوا وشاورتله: ازيك انت يا راجل يا طيب
عمه محمد: ازيك يا محمد ياراجل يا امير
عم محمد: بخير بنفسك يا ست الامراء
عمته محمد فتحت شنطه العربيه وقالت لها: يله يا ضحي ننزل الكياس
عم محمد: اجي اساعدكم
عمه محمد: لا كمل شغلك انت معايا ضحي
ضحي بتلف حواليها وبتتمعن في المكان: بس المكان ده بعيد عن العمار
عمه محمد: شويه مش كتير بس قوليلي هتدخلي تسلمي ع محمد ابن اخويا ولا لسه مش بلعاه من يوم فضيحته
ضحي عوجت بؤها وكشرت: عايزه راي بلاش ادخل الحاجه احسن
عمته: براحتك انا ماشيه هشتري الحاجات الي قولت لك عليها
ضحي: سوقي ع مهلك_ بهمس_ وادخل انا اناكف في محمد الكاشف شويه وراحت وفضلت تلف عليه وعجبها البيت اوي بالخضره والبحر الي حواليه طلعت فونها وفضلت تصور لحد ما لمحت راجل موطي لابس سروال ابيض كبير ومن فوق جسمه مكشوف ولالفف عمه بيضه ع دماغه وبيعزق ع اخره
ضحي بتصور وبتسأله: انت عامل هنا يا اخ
محمد لف وبصلها وبرق اوي واتك ع اسنانه ولف وشه بسرعه قبل ما تشوفه وقالها: ايوه صاحبه عاوز يحوله لفندق ويأجره للاجانب
ضحي: يعني المالك معاه فلوس بس الي اعرفه انه مفلس وحاله عدم تيجي ازاي دي
محمد رد بغيظ: الناس عادي تقع وبترجع تقوم _لف وبصلها_ وانا مش بستسلم بسهوله
ضحي وسعت عيونها: هو انت _وطلعت تجري
محمد حصلها ومسكها من ايديها: انتي بتعملي ايه وليه بتصوري بيتي ليه ,,ولا جايه هنا تتحققي من مين من ياسمين ولا نور
ضحي حاولت تسحب ايدها بهدوء بس حست ان محمد شادد عليها اكتر : انا جيت بنفسي وسيب ايدي بتوجعني
محمد سابها ونفض ايده منها: انتي هنا ليه وعايز الحقيقه
ضحي: انا هنا عشان اقولك عن حياه ذات مراتك
محمد بصلها بنظرات مستغربه: ليه
ضحي: عشان بسلامتها هتفضل قاعده في بيت نور ع طول
محمد بهتمام: ايه الي حصل
ضحي: عايز تعرف اعرف بنفسك وبما ان بقي عندك فلوس والقاشيه معدن والبيت ده بتبنيه فندق للاجانب انت لازم
محمد قطعها: بيت اثبتي وع قده
ضحي: بيت وع قده ولا مش قده المهم ان بقي عندك بيت روح خد مراتك وهاتها تشتغل هنا وتكون عملت معروف وتمشيها من عند اختي خليها تعيش مع نور في سعاده واظن فهمت انا هنا ليه خلاص خلصت كلامي وانا ماشيه بس قبل ما امشي احب اقولك العمه والسروال شكلك فيهم رجوله اكتر
محمد استرخم النكته: ههه… لا خفة دم ما شاء الله بس استني
ضحي: فيه ايه
محمد: فيه حاجه عايزك تاخديها معاكي
ضحي: ايه هي
محمد اخد طبق وراح حطه بين ايديها وبصلها: ده كوليه
ضحي اخدت منه الطبق: ليه بتدهولي
محمد: عشان لازم تحبيها بطاطا سخنه ومسكره
ضحي شالت الغطا وشهقت: ده طوب انت بتسخر مني يا شخص انت
محمد ابتسم وحب يعصبها لان طفح الكيل عنده منها : لاء بس عايزه يتحشر في زورك يمكن تفصلي رغي
ضحي خبطته بالطبق في صدره: خد يا عم وانا ماشيه
ضحي طلعت تجري خافت ليجري وراها وهو وقف مكانه يضحك عليها
عمته مبتسمه له و جاي عليه بطيبتها الزايده : بقولك يابني متريحلك شويه
محمد اتنهد بتعب: اه والله نفسي
عمته: سمعتك بتتكلم مع حد هنا
محمد هرش في انفه: دي عيله عبيطه وطردتها
عمته: طيب اقعد اشرب معايا الشاي واستريح
…………….قصص منه محمد كاتب…………….
دخلت وهبه رفعت عيونها وبصتلها ورجعت نزلت دماغها لللاب توب
ياسمين قعدت قصادها وبهدوء: هبه انا عارفه انك زعلانه مني لاني طلبت من معتز يشغل ذات عارضه في اعلانه
هبه بتكشيره: براحتك ده يخصك
ياسمين: هبه انا مش عنيده ومش واثقه اوي بس لو كان فيه دليل يثبت بأن ذات محدش اتهجم عليها اقدر افصل وقتها ايه الصح والغلط بس طالما مفيش دليل لازم اصدقها بأنه اتح*رش بيها
هبه بتهكم وأصرار: وانا هثبت الحقيقه وايه الي حصل في اليوم ده اما شغل ذات عند خالو سبهولي انا اقرر وانا قررت انها تمشي من الشركه نهائي
المساعد ضرب كفه بكف حنان
هبه: بس لما القي الحقيقه اتمني تفصلي بين الكويس والوحش زي ما قولتي دلوقت
……………قصص منه محمد كاتب……….
في بيت نور الجرس رن نزلت ذات لابسه فستان اصفر قصير كات ولمه شعرها تسريحه رقيقه جدا راحت بصت في الكاميرا شافت محمد عزه خارجه من المطبخ تفتح منعتها وقالت لها انا هفتح واتكت ع زرار الباب الالكتروني وراحتله
ذات ربعت ايدها قدام صدرها بغرور: انت هنا ليه
محمد: اظن المفروض انا الي اسألك السؤال ده؟! انتي هنا ليه
ذات: لان ماليش مكان تاني اروحله
محمد فسخ نضارته من عيونه وبحده: انتي مش عامله حساب لنور خالص ده بيته ومن حقه ياخد راحته فيه ده لسه عريس وفجأه يجي الي يكبس ع نفسه وسمعت انك متبته ومش ماشيه
ذات: ياسمين طلبت منك تتكلم معايا
محمد اخد نفس وبصلها : لاء مطلبتش للاسف
ذات صرخت وبصتله بعين قويه: يبقي متدخلش
محمد بقرفه: والله انا مش عايز اشوفك اصلا بس انا هنا عشان مشفق ع ياسمين لانها انسانه طيبه فمتعملهاش مشاكل
ذات بحق*د عليها انه بيشكر فيها : وانا هنا مش عشان اعمل مشاكل ….انا هنا لان الي فيه ياسمين انا سببه لاني ضحيت بنور عشانها واتخدعت وسبت نور الي حبني بجد عشان اتجوز من واحد فاشل وكل الي فيه ياسمين كان هيبقي ملكي انا البيت والفلوس والعربيه والسعاده والحب الي عندها لازم يبقي ليا انا
محمد بنظرات احتقار : انتي مريضه يا بنتي
ذات بجنون: اخرس ومتزودش كلمه كمان سامع انت دمرت حياتي مره فمترجعش تدمرها تاني وبعدين احنا مطلقين وكل واحد راح في سكته فمتدخلش في حياتي
محمد: اسمعيني انا عندي فلوس هديكي مبلغ روحي أجريلك شقه وامشي من هنا
ذات ضحكت عليه بتريقه: خلهالك ولا روح اديها لعشقتك انا مرتاحه هنا ومش همشي من هنا ابدا الا تجبلي مكان اجمل من ده ولو مكنش متفكرش حتي اني امشي_لفت وسابته تدخل
محمد بصوت عالي: ذات مخلصتش كلامي
ذات راحت قفلت الباب الالكتروني في وشه وراحت ندهت عزه بصوت عالي
عزه: نعم نعم عايزه ايه مني
ذات: عارفه انك اتفرجتي وشوفتي وش الراجل كويس فلو جه تاني اطرديه واياك تدخليه البيت
عزه بتردد: بس
ذات همشتها ومشت من قدامها ع فوق
عزه راحت شافته بيركب العربيه ولنفسها بحالميه: جوزها جاي يشوفها وهي رافضه بس انا اقبل بيه ومش هقول لاء
………………قصص منه محمد كاتب…………
في المول
ياسمين بعطف كبير: ذات هبه طالبه عارضه اعلان لمعتز ايه رايك تروحي
ذات: وانتي عايزاني اشتغل مع هبه الي مش بطقني وهي الي شجعت احمد يرفدني
ياسمين: ليه بتفكري كدا ،،خلاص عزه قالت لي ان محمد جه يشوفك في بيتي حاولي تسأليه هو بيبني فندق يمكن محتاج موظفين
ذات: انا مش طايقه اشوف خلقته
ياسمين: ذات محمد اتغير عن زمان ومبقاش له حد ورجع يقف تاني ع رجليه ويمكن ده غيره
ذات: مش هقدر اصدق بأن الناس ممكن يتغيروا بسرعه بتقدري تشوفي حقيقتهم والاشخاص الي بتفكريهم كويسين ممكن مايبقوش كدا او انتي الي مش قادره تشوفي حقيقتهم بوضوح ( بصتلها ببتسامه) بس فيه شغل يناسبني اكتر بس مش عارفه صاحبه هيرضا يوظفني عنده
ياسمين مش فاهمه حاجه : شغل ايه ومين صاحبه
ذات بخبث: هتعرفي قريب_حطت ايدها ع خدها ومثلت الخضه_ ياربي مليت العربيه كلها حاجات عشاني- طلعيهم لازم اوفر انا ممعيش فلوس
ياسمين: لاء خلاص خليهم انا هدفع
ذات بخجل مصطنع: بس ده كتير ياياسمين وانا براعي ووممكن اجي ع نفسي واستحما من غير صابون_ وضحكت ضحكه عاليه_
ياسمين ضحكت: لا هنخدهم وبطلي تبالغي الامر بسيط _شدتهم من ايدها_ يله انا هحطهم عشانك
ذات: كدا بقي اخد صابونه تانيه
ياسمين: تمام
ذات: انتي بجد لطيفه جدا ياياسمين
ياسمين: وانا هروح اجيب خزين للبيت ومش هتاخر
ذات هزت لها دماغها ووقفت تفكر وقررت تروح تتكلم معاه
…………..قصص منه محمد كاتب……………
في شركه احمد للسياحه
ادم بيحكي بصدمه: دي بت ملعب ومزيفه وكدابه
معتز: انت عمال ترمي اللوم ع ذات ليه دي واحده ست احترمها شويه
ادم بعصبيه وغضب: كان نفسي بس انا بكرهها
معتز نفخ : كدا بجد كتير يا ادم يعني انت تعت*دي عليها ودلوقت ترمي اللوم عليها
ادم بدئت اعصابه تفلت من هجوم معتز واتنهد بقوه: اظن قولتلك انا معملتش حاجه الا برغبتها ومزاجها
هبه بهدوء: ادم انت بتقول انك معملتش كدا ممكن تشرحلي الي تعنيه ازاي بمزاجها
ادم بتصميم: يا هبه هي بدئت تناكشني وبدئت تفتح زراير بلوزتها وبعدين بالدرج الي رفض يتفتح وجيت وقفت وراها هي تقدم وترجع بتحاول تفتحه وانا كنت غبي وحمار ووقعت في شباكها وفكرتها بتناديني اروح وراها الحمام
معتز نزل من فوق المكتب: لو زي ما بتقول عندك دليل او كاميرات تثبت
ادم: جبتها الكاميرات
بسرعه الثلاثه طلعوا ع مكتب احمد الي بالفعل جاب الشريط وقالهم بأسف: بس الكاميرا متعطله
ادم قعد بنهزام: ايه
احمد: بتطفي وتشتغل وتسجل ومتسجلش بغزاله وحالات بس لو عايزين تشوفها شوفوها بنفسكم
معتز اخد الشريط منه: هاته انا هحاول
هبه بأصرار وتحدي : انا عندي حد ممكن يشغلها
ادم: هبه ليه عايزه تظهري الحقيقه اخويا الكبير مصدقنيش
هبه بصت للفراغ : اولا عشانك لان انت في النهايه خالي وثانيا عشان الحقيقه تخص زميله ليا بحبها ولو فعلا ذات عملت السيناريو ياسمين لازم تعرف لان ده هيفيدها في استقرار حياتها
معتز بصلها بأعجاب وراح حط ايده ع كتفها: انتي جميله اوي وانا قررت اساعدك
هبه ض*ربته بنظره مرعبه: سيب
معتز خاف منها وفتح ايده عنها
……..قصص منه محمد كاتب………….
نور طلع قعد ع الروف في التكعيبه عشان يبعد عنها تماما وكمان يعرف يشتغل بمزاج شغل الكاست ع اغاني مياده الحناوي وفتح اوراقه وقعد يصمم!!!
ذات طلعتله وماسكه طبق: جبتلك وجبه خفيفه يانور
نور اللي انقلب مزاجه وبدون ما يبصلها: متشكر بس المره الجايه متعملهاش اظن قلت لك ده شغل عزه
ذات: وانا عايزه اخدمك وفيه موضوع محتاجه استشيرك فيه
نور رفع عيونه وبصلها بعصبيه شوي ورجع ركز في التصاميم
ذات أأعدت قصاده: من يومين سمعتك بتتكلم ع الموبيل وبتقول عايز سكرتيره جديده
نور قفل الورق وبحده: كنتي بتتصنتي عليا
ذات ردت عليه بسرعه: لاء انا سمعتك بالصدفه وانت مكنتش قافل الباب
في نفس اللحظه ياسمين طلعت وشافتهم قاعدين بيتكلموا حست بشعور غريب غيره ممزوجه بقهرة لكن مازالت ساكته تسمع كلامهم من بعيد
نوربدون نفس: انتي عايزه ايه
ذات بصتله وابتسمت : عايزه اكون سكرتيرتك وهشتغل بجد اي ان كان المرتب الي هتدهولي هقبل بيه ارجوك يانور خليني اشتغل عندك ارجوك
ياسمين واقفه وصدرها طالع نازل ووشها اصفر واتغير ونور الي تقريبا متفاجئش مطلقا لان اي شئ متوقع منها بما انها من النوع اللي ما عندهاش مجال تتأخر ولازم تستغل الفرصه
نوربحزم: مقدرش اخد قرار لانها مش شركتي وبابا هو الي لازم يقرر
ذات: بس منصب السكرتيره هو راجع ليك وانت لازم تختارها بنفسك
نور: انا مفوض بابا يقرر عني ولو بجد عايزه تشتغلي روحي اطلبي ده من بابا نفسه
ذات تتصنع الحماس : تمام! هروح اسأل عمو رفعت
نور بصلها لان مفيش امل تحس ع دمها
ذات: بس قولي الاول انت مش بتكرهني صح لان لو سمع عمو ده معناه ان انت معندكش مشكله اتجاهي
نور ارتبك واتلجلج : في الحقيقه
ياسمين هنا طلعت وادخلت تقطع عليها اجابته وحاولت تكون طبيعيه: بتتكلموا في ايه
نور بصلها وهو مبتسم: ابدا بتسأل عن شغلها الجديد
ذات مبتسمه في وشها: ونور عطاني توصيه حلوه اوي
ياسمين هنا عرفت انها كدابه وبصت لذات ووشها خالي من التعابير
ذات قامت وقفت ع حيلها: شكرا يانور عشان التوصيات هبذل كل جهدي_ نزلت وسابتهم لحد ما اختفت عن عيونهم وياسمين حبست انفاسها ونور اتنهد بغيظ منها ومن برودها
نور بصلها بموده وحب: سمسمه ليه واقفه تعالي اقعدي ( ورجع فتح الورق اللي قدامه
ياسمين قعدت قدامه ببطئ وسالته بشك: توصيات ايه الي ادتها لذات
نورمط شفايفه بستهزاء لللامر كله: هي عايزه تبقي سكرتيرتي عشان كدا قولتلها تروح تسأل بابا بنفسها
ياسمين هنا ماتت من القهر ..قلبها ميتحملش يبقوا سوي في مكان واحد وبصتله بجمود : ذات عايزه تكون سكرتيرتك وانت هتوافق
نور: لاء طبعا
ياسمين من اجابته وحست نفسها هديت شويه
نور ابتسم اوي :بس عارفه هي لو راحت لبابا اطمني انه هيطردها اشر طرده _ضحك اوي_ وده هيكون ممتع
ياسمين حاولت تبتسم ابتسامه حتي باهته وهو حس بضيقتها وبسرعه اخدها باسلوبه الفكاهي وياسمين فهمت انه حب ينسيها وجود ذات معاه ودخلت معاه في جو الكلام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
